قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
_رهف بتكون بنت خالتي من نحنا وصغار يقولو رهف لليث وليث لرهف طبعا حكي امهات وانا ماكان فارقة معي ﻻنو هية بنت حلوة عيون زرق وشقار وبياض واي شب ممكن تعجبو بس المشكلة من يوم ماشفت ﻻرا بالمنام عقلي تخربط وصرت بعد عنن وحاول مااتﻻقي فيهم وامي شكت بالموضوع فراحت وطلبتها واتفقت معهم انو اول ماخلص كلية الاقتصاد بدها نخطب رسمي وبعدين اجا الخبر الي وماكان طالع بايدي شي وﻻنو باي حجة بدي ارفضها بس لما عرفت انو البنت يلي بشوفها حقيقة فرقت معي كتير #أقدار
_______
Link
0
1.4k
17:172018/04/21
Link
0
1.4k
17:172018/04/21
5
@rwayate
ﻻرا
تميت فترة عم داوم بالكلية وكنت احيانا فكر حالي اني شفت الشب بس للاسف كان خيال ويوم من الايام رجعت على البيت وانا عم دور على الرسمة مالقيتها نكت كلشي بغرفتي وماعرفت وين صارت مالقيت اﻻ اخي وسام قلي
:على شو عما دوري
:اه وﻻشي
:وﻻشي وﻻعلى شي رسمة مضيعتيها
_وقف قلبي لما سمعتو حكا هيك وعصبت وقلتلو
:وينها معك هاتا لشوف
:ماحزرتي بس ازا اجا ابوكي بدي فرجي ياها
:لك شو عم تحكي انت من كل عقلك
:اي لكن بس شاطرة تدللي على حسابنا ويقولو مافي متلك خليهم يعرفو من وين جايبتيها ومين هاد يلي مكتوب اسمو ليث
_سكتت شوي وماقدرت احكي وبلشت فكر وقلت ﻻزم حاول اقنعو يعني واحد بصف التاسع شلون بدي اضحك عليه مابعرف
:وينك وسامو ازا بترجعلي الرسمة ومابتفرجيها ﻻبوك متل مابدك بعطيك
:متل شو
:انت مو بزماناتو كنت حاطط عينك على الساعة يلي جبتها لوائل وخبيتها لفاجئو فيها قبل فرحنا
:اي بدك تعطيني ياها
:اي خدها الك
:وشو بدك تجيبيلو بدالها
:بفكر خلص انت خدها وانا بجمع مصاري وبجيب من جديد
:اي بس امك بتعرفها وازا شافتها بايدي بدها تفكر اني اخدتها منك مابدي
:خلصني شو بدك
:بدي منك مصاري
:قديش
:2500 ليرة وليرة بتنطح ليرة
:وليش ﻻزميلك
:بدي اعزم منير وكرم على شاورما
:طيب هاتها ورح اعطيك ياهم
:طيب بس قوليلي مين يلي رسمها
:مابعرف
:ماتضحكي عليي
:والله مابعرف لقيتها وماعرفت مين صاحبها
:طيب ..مصدقك
_راح وجبلي ياها
:حطيها بمكان تاني بالدرج مين ماكان بشوفها وعلى فكرة انا سحبتها ﻻنو امك كانت عما تدور على قلم
:لك تسلملي ... بعرف مافي متلك انت
_رحت خبيتها بقلب كتاب من كتباتي وطالعتلو مصاري وقلتلو
:خود هي 3000 ﻻنك بتستاهل هدول صرلي فتر عم لمهم وتبقى برجع بلم غيرو
:لك احلى ﻻرا بالدنيا
:ههههه يﻻ روح كلو شاورما صحة وهنا
_الحمد لله قدرت سايرو وهوة قلبو طيب يعني ماكان ناوي يقول واﻻ ليش ليخبيها
__
ليث
صارت لين كل يوم والتاني تجبلي اخبار عن ﻻرا وصرت اما ارسم وجها اكتب جنبو ﻻرا طبعا رسماتي الها كتار رسمة الها وهية مبتسمة ورسمة وهية ﻻبسة فستان الابيض ورسمة عم تبكي وسمة عم تضحك و و و و .........
_فجاة دخلت امي لعندي
:قوم بدنا ننزل نشتري خاتم
:لمين للين
:لك ﻻء لرهف
:ليش
:بس من شان قدام العالم يعرفو انو في جماعة حاكيين وطالبينها
:مافهمت شو المعزة
:لك باابني عم يجوها خطابين كتير وعم يطلبوها ومابيمشي الحال هيك
:طيب تخطبها خالتي
:نعم شو قلت قوم احسن ماعصب
_يالله من هالفصل يعني مابدي ياها وامي مصرة ليش مين بدو يتزوجها انا وﻻهية مالقيتها اﻻ قالتلي
:شو عم تعمل عم ترسم متل العادة
_سحبت مني الرسمة
:هاتيها ماما
:مين عم ترسم
:امي رجعيها
:ليكون هالبنت اخدتلك عقلك اي مو حلوة رهف احلى منها بزمان بكفي عيونها الزرق والشقار
:ماما هاد رايك مو رايي تاني شي انا اشقر وعيوني زرق شو بدي بشقار كمان هي احلى بزمان
:لك شو عم تحكي انت
:انا طالع سﻻم
_طلعت برا البيت وكانت امي عم تصحلي مارديت عليها وصرت اتمشى شوي وانا عم فكر فيها ..... خﻻص ﻻزم بكرا ارجع روح على الكلية وشوفها واحكي معها
بعدين اتصل فيي رفيقي وقلي الشباب مجتمعين بمطعم النواعير واني اجي وافقت ومباشرة رحت على المطعم
__
ﻻرا
اجا المسا وائل وجهزت حالي لنطلع مشوار وعزمني على مطعم نتعشا انا وهوة واعدت طلبنا اكل وقلتلو
:رايحة غسل ايديي مابقدر اكل ازا ماغسلت
:اوكيه حياتي ﻻ طولي
:ﻻء فورا بجي وانا ماشية لغسل وقفت وصفنت بشب كنت شايفة فيه الشخص يلي ضرب فيني وشردت لادركت وقتها انو مو شايفة فيه الشب انما هوة وحسيت قلبي رح يوقف من الخوف كان عم يطلع عليي وعم يبتسم شردت بمﻻمحو صﻻيحيح هديك المرة شفتو بس مابتزكر شو كان لون عيونو او شعرو يمكن من الخوف بس هﻻء رغم اني خايفة بس كنت عم المح عيونو الزرق وشعرو الاشقر وابتسامتو نزلت عيوني ومشيت لبعد عنو قد مافييي دخلت غسلت ايديي ووجهي وكانو ايديي عم يرجفو وحتى رجليي وماكانو عم يحملوني استنيت دقيقتين وبعدها وقفت قدام المراية حاولت رجع ابتسامتي وﻻكانو في شي ورجعت مشيت لطاولتنا وصرت اتلفت حواليي ومالقيتو ولما اعدت قبال وائل انتبهت عليه انو اعد مقابيلي كمان بالطاولة يلي قبالنا
:وائل تاخرتي حبيبتي ابلشي قبل مايبرد الاكل
:طيب حبيبي
_كنت كلما اكل لقمة اطلع الشب وانتبه انو ماعم بشيل عينو عني وكلما يحكي مع رفقاتو يرجع يطلع فيي
:حبيبتي خدي هي اللقمة مني
:وائل حبيبي نحنا بمطعم
:وشو يعني عم دلل حبيبتي
:ههه طيب
اكلتها منو ورجعت طعميتو انا ...... وتناسيت الشب .....
_________
Link
0
1.4k
17:172018/04/21
Link
0
1.4k
17:172018/04/21
6
@rwayate
ليث
من بعد ماطلعت من البيت وحكى معي رفيقي رحت فورا على المطعم واول وصلتي طلعت بوجهي ﻻرا لما انتبهت عليي شردت فيي لحظات وصار قلبي يخفق بسرعة حبيت روح لعندا وحكيها بس تمالكت نفسي ﻻني بمكان عام بعد شوي مشيت وانا رحت اعدت على الطاولة مع رفقاتي وانا عم طلع على الطاولة قبالنا كانت ﻻرا قاعدة مقابيلي وكان معها شب وقلت ممكن يكون خطيبها .... انتبهت عليها كانت كل شوي تسرق نظرة لعندي ورفقاتي انتبهو عليي انو وجودي معهم بالاسم
:خير ليث وين صافن
:وﻻشي
:صحيح قاعد معنا بس وﻻ كأنك قاعد معنا
:ﻻء معاكم ﻻتخاف
_صرت اطلع على طاولتهم انتبهت انو خطيبها عما يطعميها بايدو وهية كمان شعلت فيي نار كان جاية على بالي قوم لعندهم واخدها وقلو ﻻرا الي ﻻ تقرب عليها بس تمالكت نفسي قد مافيي
_اكلنا وبعدها قمنا لنروح نتمشى بشي مكان انا ورفقاتي مريت من حد طاولتها لقيتها لمحتني غمزتا ودرت وجهي .... وقلت متل ما القدر جمعني معها رح يجمعنا اكتر من مرة ويخلينا نحكي...
___
ﻻرا
خلصنا العشا انا ووائل وكان عما يقلي
:شو بتمي وﻻ نرجع
:ﻻء منقوم
:مع اني حابب طول الوقت كون معك ما حابب اتركك
_ابتسمتلو وانتبهت الشباب يلي بالطاولة اللي قبالنا قامو هنن مرو من حدنا الشب نفسو غمزني ... انا انصدمت هاد شو عم يعمل والله ماينتبه وائل عليه ليقتلو نزلت عيوني
:يﻻ ﻻرا مشي نقوم
:طيب
:شبك ملبكة
:ﻻء بس حاسة بلشت معدتي توجعني من الاكل
:شو من كتر مااكلتي بكرا بس تصيري عندي اكلك هاد مايعجبني ﻻزم تاكلي مزبوط بدي وجهك يورد
:هههه
:اي ها ضحكي بتلبقلك
_مسك ايدي وطلعنا برا المطعم ورحنا مباشرة عاى البيت وقفت عند باب بنايتنا كمشلي وائل ايدي وباسها
:يالله عم اشتقلك انا
:وائل دير بالك نحنا بالشارع
:شو يعني
:لك شلون شو يعني هﻻء حدا بمر وبشوفك
:اي ازا كامش ايد خطيبتي وتاني شي الوقت متاخر مافي حدا ..... بتزكري اول مرة شفتك فيها كنتي هون حد البناية وحبيتك من اول نظرة
:اي بتزكر وانا شفتك كيف انتخيت وركضت لتساعدنا
:اي والله هههه
:يﻻ ﻻزم روح
:اي روح
:يﻻ رايح
:يﻻ
:طيب اطلعي ﻻتاكد انك صرتي فوق ماشي
_تركتو وانا عم اطلع ناداني
:ﻻرا
:نعم
_صار يحركي شفايفو ويقلي بحبك
رسمتلو بايديي قلب وطلعت .. وقغت عاى الشباك وفتحتو شوي وشافني وبعدها راح مشي على بيتهم وتميت واقفة وشردانة بوائل وانتبهت انو لساتو تحت الشباك اطلعت وطلع مانو وائل طلع الشب هوة يلي واقف وعما يطلع عليي و قلبي وقف كيف وصل لهون كان عم يلحقنا نزلت برداية شباك الغرفة قلت اكيد انا عما بتوهم ارجعت طلعت على الشباك ولقيتو لساتو واقف ومالقيت اﻻ حدا شغل الضو وقالي
:شو عم تعملي حد الشباك
_نزلت البرداية واطلعت كانت سها
:شوفيكي متل كانك عاملة عملة
:انا ... مافيني شي
:شوفي برا عما تطلعي
_فتحت البرداية وصارت تطلع مافي حدا مين كان
:اه ... كان وائل
:ايوا كيف كانت سهرتكم
.:حلوة كتير
:نيالك ..... انا محبوسة بالبيت وانتي اطلعي مع خطيبك
:بالله جد بكرا بيجي نصيبك وبتطلعي مع خطيبك
:قولتك بتكوني انتي انحبستي بالبيت صرتي ست متزوجة وعندك مسؤوليات
:اومي من وجهي ياام المسؤوليات بدي نام
:ليش بكير
:شو بكير رح تصير الساعة 12 وعندي جامعة
:ماشي ...تصبحي على خير
:وانتي من اهلو
_ حطيت راسي على المخدة وغمضت عيوني كلما اشرد بوائل يطلع بوجهي هداك الشب ..... هاد من وين طلعلي انا حاسسة بدو يخربلي حياتي ﻻزم التقي فيه وخليه يتركني انا بحب وائل كتير وبدي كمل حياتي معو #بقلم_ختام_م
___
ليث
_وقت طلعنا انا ورفقاتي من المطعم اعدو يتحاكو عند مين بدهم يكملو السهرة ولمحت وقتها ﻻرا طلعت من المطعم وكمان وركبت سيارة خطيبها اطلعت برفقاتي وقلتلهم
:عن ازنكم بدي روح
:لوين ليث
:بدي ارجع ضروري بخاطركم شباب
:الله معك
:رحت بسرعة وقفت تكسي وقلتلو الشوفير انو يلحق السيارة
ومشيت التكسي ولحقتهم لحد مانزلو نزلت وحاسبت التكسي ووقفت بعيد وشفتو كامش ايدها كانت رجلي عم تاخدني خطوة لقدام وخطوة لورا بس مو طالع بايدي شي وشفتها اخر الشي لما فتحت الشباك وطلعت عليه وبعدها مشي امت وقفت انا تحت شباكها و وشفتها انتبهت عليي ورجعت نزلت البرداية ورجعت طلعت مرة تانية صرت ابتسملها وبعد شوي علق نور غرفتها ونزلت هية البرداية بسرعة عرفت حدا دخل غﻻفتها امت بعدت انا ووقفت ورا حيط بناية تانية وانتبهت حدا تاني طلع من الشباك والظاهر اختها
امت رجعت على البيت واول ماوصلت كانت امي لساتها فايقة
:مرحبا ماما
:اهلين عود قدامي بدي احكي معك كلمتين
:خير شوفي
:على موضوع بنت خالتك رهف
:امي
:شو امي معقول طالبينها للبنت وانت عامل فيها هيك
:ماما ﻻتنسي لما رحتي طلبتيها ماسالتيني
:مافهمت يعني متراجع بقرارك مابدك ياها
:اي
:ليش من شان هي البنت يلي عم ترسمها
:امي هية مادخلها
:اكيد البنت فلتانة حتى علقتك
:ماما انتي مابتعرفي القصة ليش عم تحكي عليها ....
:لكن فهمني القصة
Link
0
1.4k
17:172018/04/21
:مارح فهمك هﻻء شي ﻻنك معصبة وانا معصب
:و غير رهف مارح تاخد
:وازا مصرة هيك انا بدي اتركلك سوريا كلها كمان واطلع لعند بابا
:نعم بدك تتركني
:اي ... على الاقل بابا مابيضغط عليي متلك
:ماهوة تركنا وتجوز وحدة تانية هنيك
:هي شي وهداك شي تاني هوة صحيح تركنا هون وسافر بس مابقصر مصروفنا كلو عم يبعتو وزيادة وبيت باسمي مشتريلي ياه وتاركلي ياه وهاد باسمك واسم لين يعني ماشلفنا بالشارع
_سكتت امي وراحت لغرفتها انا حسيت حالي قسيت عليها هيك .... مو قليلة الوحدة يهجرها ويسافر ويتزوج عليها وحدة تانية
____
Link
0
1.4k
17:172018/04/21
Link
0
1.4k
17:172018/04/21
7
@rwayate
ليث
_تاني يوم الصبح رحت لعند امي وكتنت بالمطبخ قبل مااطلع على الكلية وقفت جنبها وصرت سايرها لترضى عليي
:صباح الخير ياست الكل
:اهلين
:شو عما تحضريلنا فطور
:اي
:شو كانو الحلو لساتو مقهور مني
_سكتت وماردت عليي
وكانت عما تحط الة الفطور
:ماما ماتزعلي مني خلص الله يخليكي مابهون عليي تمي زعﻻنة
:ازا مابدك ياني ازعل بتنزل معي اليوم وبتشريلها خاتم لرهف تلبسو بايدها
:ماما افرضي رديت عليكي واشترينا الخاتم ﻻيمت بدي تم اضحك على البنت انا مابدي ياها مابتصور حالي معها
:مافهمت شلون مابدك ياها من قبل بسنتين ماهيك كان حكيك
:شو كان حكيي اني طاير عقلي فيها وﻻ شو ماتقوليلي قلك اي وبس .... ماما افهمي عليها لو بدي كمل هالتمثيلية معك للاخير مارح ارضى اتزوجها خلي البنت حرة حاجة رابطينها فيي خلي يجي نصيبها
:ليش مارح تتزوجها اصﻻ مارح تﻻقي احلى منها
:طيب انا معك هية اميرة وملكة جمال ماشي
:اكيد
:هاد مو معناه اني رح انغرم فيها الله يخليكي افهمي عليي
:انت يلي ﻻزم تفهم عليي انا غير رهف مارح ارضى تكون مرتك مو متل هديك البنت يلي عم ترسمها مافيها جنس الجمال
:ماما قولي يلي بدك ياه بس انك تقولي عنها مافيها جنس الجمال هي كبيرة سو الجمال انحصر بس على يلي عيونهم زرق ...
_مالقيت اﻻ لين دخلت
لين:شبكم من الصبح طالعة صواتكم والله رعبتوني وخليتوني فيق من النوم
:مافي شي امك عم تحكيني بشغلة
ام ليث:اي عم حكيه على رهف امو ﻻزم يخطبها رسمي
لين:ماما عما يقلك مابدو ياها شلون بدك تغصبيه وكمان البنت مارح تسامحك بكرا ازا كملتو الشغلة وبالاخير اعترفلها انو مابدو ياها وبتكون تانلت على الفاضي
:ماناقصني غير انتي تحكي وتوقفي مع اخوكي كمان افطروا بطلت افطر انا
_قامت امي وهية معصبت وراخظحت على غرفتها واعدت لين على الكرسي قبالي وهية عم تصفن فيي وضاربة بوز
:عجبك اكلت بهدلة من وراك
:اي اسكتي اول مرة بتحكي الحق
:بالله فوق ماوقفت معك بس ماشي الحال مو الحق غليك الحق عليي يلي نطقت
_قامت
:لوين رايحة
:بدي نام
:ليش مابدك تنزلي على الجامعة
:ﻻء مو جاية على بالي
:لك تعي لهون اقعدي قبالي بدي قلك على شغلة
:شو هية
:اول شي عدي افطري وبحكيلك
___
_اعدنا نفطر وفهمتعا شوبدي منها بالتفصيل
:يﻻ البسي وتعالي لنطلع
:طيب بس ﻻزم تكافيني كنت حاسبة حساب انو بدي تم نايمة كل اليوم
:لك قديش بتحبي النوم
:ههههه وشو دخلك فيي يعني بكرا ﻻرا ازا بتحب النوم مارح تتركها تنام .:هديك ﻻرا مو انتي
:بالله غليظ .:اومي خلصيني بدي لحق مر بعدها على كليتي عندي محاضرة ضرورية
_لبست لين وخلصت و دقينا الباب على امي وفتحنا
:ماما بدك شي بدي روح انا ولين
:ليش لين على اساس تامة
لين:اي ماما مارح طول بس بدي مر على كليتي رفيقتي بدها وراق :روحو الله معكم والله يهديكم
ليث:امين
_طلعنا وبوجهنا على كلية الاداب
ﻻرا
_فقت من الصبح اخواتي راحو على المدرسة وبابل على الشغل وانا لبست ونزلت على الكلية وهالمرة الحمد لله ماكنت متاخرة متل العادة اما ﻻول مرة بتتاخر راما حضرت اول محاضرة وهية مااجت بعد ماخلصت نزلت ولقيتها بدقيقتها جاية
:كيفك
:شو ليش ماجيتي
:مبارح سهرت كتير وراحت عليي نومة
:اي ها قلت مالك بالعادة
:بس مايكون راح عليي شي مهم
:اي بس مااخدنا كتير هﻻء بشرحلك ياهم
_مالقيت اﻻ البنت يلي اسمها لين قربت علينا
:كيفكم صبايا
:اهلين تمام
راما:تمام انتي كيفك
:كويسة كتير ..... ﻻرا بدي ياكي ثواني
:نعم ....احكي هون
:معلش مابغضر
راما:يﻻ رح اسبقك وتحجز مكان والحقيني
:طيب
_راحت راما وانا استغربت هي شو بدها مني
:اطلعي ناحية باب الكلية
:ليش
:اطلعي بس
_اطلعت وﻻ كان الشب واقف هنيك
:هاد اخي ليث وبدو يحكي معك ضروري
:اخوكي ... قلت لحالي تعرفك معنا في وراه قصة
: ﻻء .... بالعكس انا حبيتكم
:اي
:بدك تحكي معو وﻻﻻء هوة طلب مني اسالك
:ﻻء مابدي بانو صفة بدو يحكي معي
_سكتت للحظات وبيني وبين حالي قلت ﻻزم احكي متو واعرف التفاصيل منو وليش راسمني
:او قلك اي بدي احكي معو
:عنجد ... تمام
:اي
:طيب وين يحكيكي هون وﻻ بمكان تاني
_سكتت مو عرفانة الكلية فسها كتير ناس بتعرفني وازا شافوني معو ممكن ينحكى عليي
:ﻻء .... قوليلو بعد ربع ساعة في حديقة ورا الكلية هنيك بشوفو بس قوليلو اكتر من 10 دفايق مارح احكي معو
:طيب رح قلو هﻻء
_مشيت من جنبي وراحت لعندو ... واتا رحت لعند راما وشفتها اعدة دخلت عليها وحكيتها
:راما بدي روح شي تلت ساعة وبرجع
:لوين
:بدي احكي مع هداك الشب
:انو شب
:ياي اسمو ليث يلي انضربت فيه هديك المرة
:ليش بدك تحكي معو
:بعدين بحكيلك ماشي
:ولوين رايحة تشوفي بالكلية
:ﻻء ... بدي شوفي بالديقة بلي ورا الكلية
:وبركي حدا شاغك مابصير
:مابقدر ﻻزم احكي معو في شغﻻت كتيرة ببالك ﻻزم اعرف جوابها
:طيب جاية معك
:ليش
:من شان وقفلك بعيد ازا شفت حدا بنبهك
:طيب
Link
0
1.4k
17:172018/04/21
_طلعنا انا وهية ورحنا على الحديقة كان اعد هنيك واول ماشافني وقف ووقفت راما بعيد
وانا قربت ناحيتو وكنت خايفة كتير مابعرف ليش الخوف تملكني حتى حسيت حالي رح اوقع بمكاني وقفت قبالو وشردت بعيونو وحسيتو عم يطلع عليي بنظرات بتشبه نظرات وائل الي
_____
Link
0
1.4k
17:172018/04/21
Link
0
1.4k
17:172018/04/21
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com