@rwayate
ﻻرا
_صحيت وكان فوق راسي دكتور وابي واقف جنبو اطلعت عليهم وانا كنت عم اصفن شوصار وبلشت اتزكر الحادث ورجعت ابكي ....وصرت اصرخ وقول
:انضرب بسببي انا .... انا يلي ﻻزم تضربني السيارة ....انا ...مو هوة
_ وبلحظتها حسيت جسمي كلو عم يوجعني ... ورجع عطاني الدكتور ابرة مهدئ واخر شي سمعتو عما بقولو
:هﻻء بتهدا بالابرة وعلى قلبها العافية
_ مابعرف قديش نمت بالابرة بس صحيت وامت من مكاني كنت لساتني عم حس الدنيا عما بدور طلعت برا غرفتي وشافتني امي
:ليش طلعتي حبيبتي تعالي عدي جوا وائل اجا ليطمن عليكي
_دخلتني لجوا وشافني وائل وبسرعة اجا ومسك ايدي وسندني واعدني
:الحمد لله على سﻻمتك ...
:الله يسلمك
:شغلتيلي بالي
_اطلع بابا وقال
:ازا نفسيتك ارتاحت احكيلنا شو صار
_صرت طلع على ابي واخواتي ووائل وامي كان الكل عما يستنى اني احكي .... اتزكرت ليث ورجعت ابكي
:بابا ازا مابدك تحكي ﻻ تضغطي على حالك
:كانت السيارة بدا تضربني وانضرب هوة بدالي
امي:هاد يلي قلتي اسمو ليث
:اي
وائل:مين هاد ليث
_سكتت وصفنت ..... ليث قدري؟؟؟!!
:ليث اخوها لرفيقتي .... بدي اطمن عليه شو صار فيه
ماما:انتي الدكتور قال ﻻزم ترتاحي اكلة رض بكتفك حسب ماوقعتي هي غير انو نفسيتك بدها راحة
:ماما عم قلك كان ﻻزم انا يلي انضرب بالسيارة لو مادفعني يعني انا يلي ﻻزم كون بالمشفى هﻻء ... هي غير اني مابعرف شو صار فيه
سها:بس مايكون مات .
_اطلعت بسها وصرخت فيها .
:ماﻻزم يموت ... ﻻتقولي هيك
بابا:طولي بالك حبيبتي خلص انتي تمي بالبيت وانا بسال عنو بكرا
_اطلعت بوائل لقيتو مستغرب مني ومن انفعالي وقلي
:حبيبتي مابدها كل هالانفعال هاد القدر هيك كتب انو ينضرب بالسيارة هوة مو انتي
_سكتت وانا عم اصفن بكلمة القدر ..... القدر كتب اني اتعرف على وائل من 7 سنين ورجع عرفني على ليث ودخل فيها حياتي ورجع هﻻء ليكتب لليث انو يتعزب بدالي ....بس ليش .....
انا بامن بالقدر وكلشي مكتوب فيه ... بس ليش هيك عما بصير معي
...جابتلي امي الادوية ﻻشربها ورجعتني ﻻرتاح ونام وتاني يوم الصبح اجا بابا حدي وقلي
:بابا انا رايح اطمن على الشب وارجع
:طيب بابا الله يخليك بسرعة خبرني
:اي رح مر على البيت قبل مارح على الشغل
:ماشي
_اعدت ومابقى يجيني نوم وانا عم استنى بابا يرجع .... ولحد مارجع ...حسيت عليه دخل للبيت امت بسرعة من تختي وقبل ماادخل غرفة الاعدة سمعتو عما بقلها ﻻمي
:وضع الشب مابطمن كان معو نزيف داخلي واعضاء من جسموكتير مكسرة هي غير عندو ضلعين بالقفص الصدري كمان فيهم كسر والدكاترة عملو يلي عليهم والباقي على الله
ماما:يعني شو
:حاليا هوة بالعناية المشددة وعم يستنو فرج الله
:الله يخترلو الخير
_دخلت وطلعت على بابا وقلتلو
:ماﻻزم يموت
:بابا طولي بالك
:ﻻء ... ماعم امزح ماﻻزم
:طيب حبيبتي ارجعي ارتاحي بغرفتك
_رجعت دخلت على غرفتي وقلت كيف بدي فهمهم انو ازا متل ماقلي ليث انو هوة قدري مابصير يموت .....
___