@rwayate
صهيب : لا اطمنوو خلص عم قلكم رح اطلع اعلى معدل بالمدرسة انا متأكد هالمرة السنوات الماضية كانووو البنات يلهوني عن الدراسة بس هالمرة خلص قررت اعتزل الحب والغرام وادرس مشان اتخرج باعلى المعدلات ..
بيرن الهاتف بترد عليه ام صهيب ...
ام صهيب : الووو
محمد (ابن اخوها ل ام صهيب ) : كيفك خاااالتي
ام صهيب : لك اهلين محمد كيفك كيفها امك
محمد : تمام التمام والله مشتاقين
ام صهيب : ونحنا اكتر ياروحي ...مو ناووين تعملوو زيارة لهون ولا حالفين ماتنزلوو كل ٤ سنين مرة
محمد : لا اطمني من هون ورايح رح تشوفيني كتييير
ام صهيب : شو قصدك ؟
محمد : نقلت كليتي اللي بدرس فيها لعندكم في كلية حقوق عندكم كتير منيحة وناس نصحوني فيها عاد خبرت امي وابي ووافقوو مشان انتقل عليها
ام صهيب : انا من زمان خبرت امك وابوك يسجلوك فيها بس هنن مارضوو ..ع كلن اهلا وسهلاااا فيك بتنور والله
محمد : منوورة فيكي احلا خالةة والله عاد رح ننزل زيارة ب هالكم يوم انا واهلي منوو منشوفكم ومنوو بزور الكلية وبشوفها
ام صهيب : اهلا وسهلا ياااعمري ...
صهيب : شو امي مين كان عالهاتف ؟
ام صهيب : هاد ابن اختي محمد
صهيب : ابن خالتي ياهلا وغلا ..وشو كان بدوو
غيدا : اي صح وشو بدوو محمد هلأ
ام صهيب : بدو يجي يكمل دراسة الحقوق هون
غيدا : ليش هو كم سنة واصل بالحقوق ...
ام صهيب : يمكن سنة تالتة
غيدا : اصبح ه الكم يوم وبينزلوو بيت خالتي وبصيرو عناا
........
بتفتح ريماز ال واتس اب وبترسل ل غيدا ...
ريماز : كيفوو العسل
غيدا : اهلين بالعروس ...شو مشغولة مع حبيب القلب ونسيتينا....
ريماز : لك بتعرفي انتي بكرا العرس ولازم نجهز كل الامور ...
غيدا : الله يسرلك ياعمري ... اي عاد شفتي شو صار معي
ريماز : هاد جان تبعك في من ورا قصة ..ولازم تكتشفيها ..
غيدا : وانا عم قول هيك ..بس شلون بدي اكتشف اللي فيه
ريماز : عاد هي انتي وشطارتك ..المهم جهزي حاالك منيح بكرا عرس رفيقتك ..نزلتي ع السوق ولا لسا
غيدا : لا والله لسا بعد شوي نازلة انا وامي
ريماز : الله يسرلك ياعمري ...
غيدا : يالله امي اتأخرنا خلينا نمشي مشان نرجع بكير
ام صهيب : اوك حبيبتي خلصت يالله
اول مايطلعوو من الباب بشوفوو جان بوشهم
جان : بيت عمي طالعين شوو لوين
ام صهيب : اهلين جان ...اي والله كنا طالعين ع السوق ..بس يالله دامك اجيت خلص منأجل طلعتنا شوي اتفضل فوت
غيدا : اممممممممي شو نأجلها خلينا نروح هلأ بسرعه
ام صهيب : هسسسس يابنت عيب عليكي
جان : لا خلص مرت عمي مارح فوت ...لانوو شوي تانية الست غيدا رح تاكلنا بدون ملح