ى مهلنا ورا الصخور لا تطلعي صوت تمام ؟ )
هزتلو براسها و تمسكت فيه..
أمير: تعالي معي
مشيوا على مهلهون بين الصخور...فجأة علقت رجل حياة بحجرة و وقعت ..
أمير: حياة ..
حياة: ااااااه
ماهر: وقفوا عندكون....وقفوا...
طلع أمير المسدس و صاروا يضربوا على بعض ... مسك ايد حياة و ركض بسرعة.....بس كانت الرصاصة يلي طلعت من مسدس ماهر أسرع..
حياة: أمييييير!!
أمير: أنا منيح كملي ركضي بسرعة
حياة: كتفك تصاوب
أمير: عم قلك ما فيني شي يلا اركضي....
ساعدتو ليقوم و ركضوا .... التفتت لوراها و لمحت وش ماهر قبل ما يطلق أمير النار عليه و يوقع بأرضو...
_______________________
حياة: عم تتوجع ؟
أمير: لا أنا منيح
حياة: لفيتلك الجرح بس لازم نروح ع أقرب مشفى بسرعة..
أمير: الشارع الرئيسي قريب من هون هلأ منطلع
حياة: أكيد راحوا ؟
أمير: راحوا ضيعناهن لا تخافي
حياة: شهد و لمى ! شو بكون صار فيهن...أنا لازم ارجع ع الكوخ بسرعة
مسك ايدها و رجع قعدها ع الأرض .. ( وين بدك تروحي ؟ بيقتلوكي أكيد هنن هنيك ! )
حياة: بس ..
أمير: مين هدول ؟
حياة: ........
أمير: نفس الجماعة يلي كانوا عم يلحقوكي هداك اليوم ؟
حياة: ما بعرف... بس أكيد هنن
أمير: شو قصتك ؟
حياة: ملاقي الوقت مناسب لاحكيلك قصتي هلأ ؟
قام من ع الأرض و هو عم يتسند عليها ..( لا طبعا مو مناسب قومي خلينا نروح ع المشفى حاسس حالي رح غيب عن الوعي .. )
طلعوا ع الشارع الرئيسي و مرقت سيارة ساعدتهن و وصلتون ع المشفى ...
كان متسطح و نايم ع التخت و هي جنبو ... قامت لبست جاكيتها و اجت لتطلع .. مسكها من ايدها..
حياة: أمير ؟ انت فايق ؟
أمير: لوين ؟
حياة: افهمني أمير...ما رح اترك رفقاتي يصرلون شي بسببي
أمير: خطر عليكي خليكي منخبر الشرطة
حياة: لا ... اذا خبرت الشرطة يمكن يقتلوهن.. هنن بدون ياني...رح روح لعندهن و خليهن يتركوا رفقاتي
أمير: معقول انتي بهالسداجة حياة ؟ و هنن رح يردوا عليكي و يتركوهن ! بعدين اذا بدو يصير شي على رفقاتك بكون صار و خلص ! ما رح تقدري تغيري شي
فاتت الممرضة ع الغرفة
الممرضة: عفوا اذا أزعجتكن .. نحنا لازم نخبر الشرطة
اتطلعت حياة بأمير دغري و هي خايفة
أمير: خلص أنا بحل الموضوع حياة لا تخافي .. ما في داعي تخبري الشرطة آنسة أنا رح اتفاهم مع مدير المشفى ..
الممرضة: متل ما بدك أستاذ أمير
طلعت لبرا و سكرت الباب..
أمير: اقعدي هلأ و احكيلي كلشي ... يلا
قعدت ع الكرسي و تنهدت ( شو بدي احكيلك ؟ )
أمير: شو الك شغل مع هيك عالم ؟
حياة: بلشت القصة من 15 سنة تقريبا..
( كنت قاعدة مع أبي و أمي جنب موقد النار و أمي ماسكة أختي الصغيرة بين اديها...كان عمر اختي شهرين بس!
حياة: ماما
أم حياة: نعم حبيبتي
حياة: أختي جوعانة ما بدك تطعميها ؟
أبو حياة: ههههههه و شو عرفك انو اختك جوعانة
حياة: هي قالتلي
أبو حياة: ايوا ... و كيف قالتلك و هي لسا ما بتحكي ؟
حياة: مبلا بتحكي بس معي...لأنو نحنا التنين صغار أما معكون لا
اتطلعوا أبي و أمي ببعض و صاروا يضحكوا..
حملني أبي و ضمني لصدرو و صار يلعبلي بشعري
فجأة صار في تخبيط على باب البيت ..
أبو حياة: بسم الله الرحمن الرحيم
أم حياة: يمكن اجو...هدول العصابة يلي عم يخطفوا البنات أكيد..
ما كنت فهمانة شو عم يصير بس كنت خايفة كتير .. تخبيت ورا رجل أبي و أنا ماسكتو...
دغري رفعني أبي ع السقيفة و فوتني لجوا...
أبو حياة: حياة..بابا .. انتي بتحبيني صح ؟
هزيت براسي و أنا عم ابكي
أبو حياة: لهيك ما رح تطلعي صوت ابدا اتفقنا ؟
تركني أبي لحالي و نزل مشان يطلع أمي و أختي بس ما لحق...كان الباب مكسور و فاتوا ع البيت دغري...كانوا كلهن لابسين أسود و وجوهن بتخوف..
_ عطينا البنت
ضمتا أمي لصدرا بقوة و وقف أبي بوشن
أبو حياة: طلعوا من هون .. ما رح اسمحلكون تقربوا على حدا من عيلتي ..
كان صعب كتير على أبي و أمي انو يتصدولهن لحالون...بكل بساطة طلع واحد منون مسدس و أطلق على أمي و أبي و أخدوا اختي منهن..
كنت حاطة ايدي على تمي و عم حاول اكتم صوتي و أنا عم ابكي حتى ما حدا يسمعني...
كان منظر بشع .. بشع كتير ... و كأنو يلي كانوا تحت وحوش مو بني آدمين...
بس طلعوا لبرا نزلت على مهلي و قعدت ع الأرض جنب أهلي ... مسكت أبي من تيابو و صرت حركو..
( بابا...أخدو أختي قوم رجعها...بااابااا ) )
حياة: اي و هيك...طبعا كل قرايبنا تخلوا عني و رموني بالميتم ... و من فترة حاولت أعرف شي عن العصابة يلي خطفت أختي و قتلت أهلي و شوفة عينك...هي النتيجة
أمير: ............
حياة: لا تتأثر كتير...يلي بعيش الوجع كل هالسنين بيتعود عليه...و أنا تعودت على كلشي بس ما قدرت انسا أختي...طول الوقت عم فكر فيها ...
أمير: برأيك اختك عايشة ؟
حياة: لو كانوا بدهن يقتلوها كانوا قتلوها بوقتها...ما بعرف شو هدفهن من خطف البنات ب
ت حل معك الموضوع...انتي راكدة ورا ابني أمير كرمال المصاري و لعبانة لعبتك صح...ما بلومك...لهيك جاية احكي معك ... أديش بدك لتبعدي عن أمير ؟
ضلت ساكتة و تجمعوا الدموع بعيونها...
أبو أمير: هدول بكفوكي ؟
طلع رزمة مصاري و رماهن عليها و وقعوا بالأرض...
أبو أمير: عموما اذا ما كفوكي فيكي تطلبي أكتر ... بس المهم تبعدي عن ابني
طلع برا البيت و هي لسا واقفة بمكانها و عم تبكي ..
مسكت المصاري و طلعت ع الشباك دغري ..
كان فاتح باب السيارة و بدو يطلع فيها....فتحت الشباك و رمتهن قدامو و صرخت ( خود مصاريك ما بدي ياهن لا هنن و لا ابنك .. )
فاتت لجوا و صارت تصرخ و تبكي ...
كانت شهد واقفة عم تتفرج عليها و ما أبدت أي ردة فعل ..
بعد ما مر ساعتين فات أمير ع البيت...
أمير: حياة جبتلكون شوية غراض بدكن شي قبل ما روح بما انك مو طايقة تشوفي وشي ؟
كان عم يحاكيها من جنب باب البيت و هي كانت قاعدة بالصالون ع الأرض ما عم ترد عليه...
فات لجوا خاف يكون صايرلها شي ..
أمير: حياة ؟
قامت دغري ركضت عليه و صارت تضربو
حياة: لكككك الله يلعنك و يلعن الساعة يلي شفتك فيها اي....لككك انا بكرهك و بكره حالي و بكره الدنيا كلها ...
أمير: لك شو صرلك حياااااة !
حياة: تررررركني ماااااا بدي ياااك عم قلك بكرهك فهمت .. فهمت ... الله يلعنكون و يلعن مصاريكن اي .. الله لا يسامحكون ..
أمير: بس فهميني شو عم يصير
حياة: مفكرين العالم بتنشرى بمصريكن الوسخة...بس لا ما حزرتوا ... أنا موهيك...أنا طالعة من بيتك ... اذا بشوفك وشك مرة تانية رح اقتلك و اقتل حالي عم تفهم...طلاع من حياتي ما بدي ياك أمير بكرهك
طلعت من البيت متل المجنونة....أخدت شهد غراضهن و لحقتها...
أمير: شهد وقفي فهميني شبها
و هي طالعة اندارت لعندو ( بجي بعدين و بفهمك أمير بخاطرك.. )
________________________
قامت دغري و لبست جاكيتها ( أسيل: خلص أنا رح روح )
لمى: لوين ؟
أسيل: بدي سلم حالي للشرطة
لمى: انتي مجنونة شي ؟
أسيل: لا تخافي ما رح احكي شي عنك .. رح قول اني هربت لحالي و هلأ اجيت لعندهن
لمى: بس!
أسيل: خلص أنا مليت من هالعيشة.. بدي عيش متلي متل كل العالم بدون ما خاف من حدا أو اتخبا من حدا...أنا رايحة لمى و يا ريت يرجع عقلك لراسك و تلحقيني...
طلعت برا الكوخ و هي عم تركض...و ضلت لمى قاعدة مكانها ..
لمى: غبية هه
_______________________
شهد: حياة...حياة حاج تركضي ما عاد لحقتك شبك
كانت عم تركض و مو سمعانة شي...ركضت لعندها و مسكتها وقفتها و هي عم تلهت
شهد: انقطع نفسي...شبك وين رايحة ؟
حياة: رح نرجع لمكانا القديم ..
شهد: ع الكوخ
حياة: اي ع الكوخ
شهد: اي بس بكون صار خرابة !
حياة: ليش وقت لقينا أول شي ما كان خرابة و زبطناه .. هلأ كمان منزبطو امشي
شهد: طيب و أمير ؟
حياة: لا عاد تجيبيلي سيرتو بتنسيه عم تفهمي
شهد: تمام امشي
وصلت حياة قبل شهد بشوي ع الكوخ ... حاولت تفتح الباب ما انفتح معها كان مقفول من جوا...
قامت لمى لتفتح الباب و هي عم تضحك ( رجعتي دغري ما...ما بتعمليها جبا____ )
فتحت الباب و ضلوا واقفين التنتين عم يتطلعوا ببعض و لا وحدة فيهن مصدقة يلي عم تشوفو قدامها...
حياة: ل...لمى !
لمى: .............
دمعت عيون حياة و قربت عانقتها ....
حياة: ما عم صدقك انك قدامي...اشتقتلك كتير
دفشتها لمى عنا بقوة و وقعت بالأرض ..
لمى: اشتقتيلي ؟ لا جد اشتقتيلي ؟ لك انتي شو اااه ... ما عم لاقي الوصف يلي بليق فيكي
حياة: لمى شبك
لمى: خررررسي...يا ريتهن قتلوكي من وقتا و خلصنا منك...يا ريت أمير ما طلع بوشك و مسكوكي يومها ..
قامت حياة من ع الأرض و رجعت قربت لعندها ( حياة: لمى حبيبتي اهدي شو صرلك .. )
لمى: لاااااا تلمسيني...بعدي لا تلمسيني...أنا عشت أسوء أيام حياتي بسببك وانت و لا ع بالك...ماهر انقتل بسببك انتي يلي قتلتيه
حياة: مين ماهر شو عم تخبصي ؟
لمى:أنا شو ذنبي اه ؟ ليش لاتحمل نتيجة غلطك و غبائك...ليييييش ؟
حياة: لمى أنا بعتذر...بعرف انو أنا السبب بكلشي صار معك بس ولله مو طالع بإيدي شي
لمى: اي صح انتي السبب....انتي يلي كان لازم تموتي ما حدا تاني...كل الناس يلي ماتوا ذنبهن برقبتك...
حياة: اذا متت بترتاحي ؟
لمى: ...........
حياة: جاوبيني اذا متت رح ترتاحي ؟
لمى: اي
سحبت سكين من ع الطاولة و مدت ايدها لعندها...
حياة: خدي اقتليني ... يلااا خديها و قتليني و بوعدك ما رح اتحرك من مكاني ..
أخدت منها السكين و قربت لعندها...كانت حياة واقفة ما عم تتحرك بس عم تطلع بعيونها....قربت أكتر لصارت جنبها تمام و مدت السكين باتجاها...
حياة: يلا شو ناطرة
فاتت شهد ع الكوخ و صارت تصرخ ( شهد: لمى!! شوووو عم تعملييي ؟ )
حياة: وقفي شهد لا تقربي .. يلا لمى لا تخافي...ريحي حالك و ريحيني ..
شهد: لك يا مجانين
حياة: شهد عم قلك لا
تدخلي
صارت ترجف و رمت السكين بالأرض...
لمى: ما بقدر...ما رح اقدر اقتلك بس صدقيني اذا صار و شفتك عم تموتي قدام عيني ما رح يرفلي رمش...
دفشت شهد و ركضت برا الكوخ....حاولت شهد تلحقها بس ما قدرت...رجعت فاتت لعند حياة دغري ..
شهد: شو صار فهميني
حياة: حتى أنا مو فهمانة شو صار ... ما عم افهم شي .. وين راحت ؟
شهد: ما بعرف
حياة: ياريت سألتها عن أسيل قبل ما تروح
شهد: انسي...انسي الكل حياة خلص ..
حياة: مزبوط ... لازم انسى كلشي ..
_____________________________
مر يومين ما تغير شي فيهن...بس كانت تصرفات شهد مع حياة غريبة كتير...
حياة: شهد جبت أكل ما بدك تاكلي ؟
شهد: بعرف اطلع و جيب أكل لحالي وقت بدي
حياة: ليش صايرة هيك شهد شوفي ؟
شهد: مافي شي ... انا رايحة.
حياة: لوين ؟
شهد: بدي اتمشى و شم شوية هوا نضيف
طلعت و تركت حياة لوحدها مو فهمانة شي...
وصلت على بيت أمير و رنت الجرس...
فتحلها الباب .. كان منظرو تعبان كتير و البيت مكركب و وسخ ..
أمير: شهد ؟
فاتت لجوا دغري و ما حكت معو..
أمير: شوفي ؟
شهد: برابو أمير...هاد الحل المناسب يلي لقيتو لحالك ؟
أمير: عن شو عم تحكي ؟
شهد: ما بدك تعرف ليش حياة تصرفت معك هيك ؟
أمير: مبلا .. بس شفتها مزعوجة كتير خفت روح لعندها تعصب أكتر قلت بتركها فترة لتروق
شهد: هههههههههههه ولله انك على نياتك يا أمير
أمير: ما فهمت ؟
شهد: القصة و ما فيها انك كنت لعبة بإيد حياة و ملت منك بس مو أكتر ؟
أمير: انتي شو عم تخبصي ؟
شهد: حياة و أغيد كانوا بحبو بعض لهيك كانت عم تتهرب منك...و بس مات أغيد حاولت ترجع تحسن العلاقة بيناتكن...بس مع الأسف اجا أبوك و نزع كلشي ..
أمير: لك فهميني شو عم تحكي
شهد: أبوك عطاها مصاري لحياة مقابل انها تتركك لهيك أخدت المصاري و صار يلي صار...
أمير: ....................
شهد: أنا من رأيي حاج لسا عم تعمل بحالك هيك كرمال وحدة لعبت فيك...روح عيش حياتك
طلعت من عندو و سكر الباب و قعد ع الأرض جنبو
(أنا ما بآمن بهي الشغلات...حتى ما بآمن بشي اسمو حب...كلشي بهالدنيا بيمشي بالمصالح و بس.. )
تكررت جملتها براسو مرات كتيرة و هو عم يفكر بيلي صار...
أمير: خلص...خللللللللص
قام بسرعة متل المجنون و ركب بالسيارة...
____________________________
تسطحت ع التخت و عانقت المخدة و هي عم تبكي و تتذكر أيامها مع لمى و شهد قبل ما تصير كل هالمشاكل معهن...
اجا و صار يخبط ع الباب و يصرخ ..( أمير: حياااااة فتحي....فتحي عم قلك )
بس سمعت صوت أمير قامت فتحت دغري ..
حياة: أمير شوفي ؟
ضربها كف و وقعت ع الأرض...
أمير: أنا ما تخيلت ابدا تكوني حقيرة لهالدرجة ... عم تضحكي عليي أنا يا حياة و تبيعيني بالمصاري ؟
حياة: أمير شبك ؟
أمير: كنتي قليلي من وقتها انك بتحبي أغيد كنت بعدت عنك و ما دايقتك ليش هيك عملتي ؟
قامت و ركضت لعندو...( حياة: أمير شو عم تحكي انت صدقني ما كان في شي بيني و بين أغيد )
أمير: صدقك ؟ ههههه عنجد بدك ياني صدقك ؟ بتعرفي شو ؟ مقهور ع الأيام يلي ضيعتها معك...بكرهك من كل قلبي حياة
أول ما تركها و طلع فاتت شهد لعندها...
شهد: شو صار ؟
حياة: ما بعرف....مااااااااابعرف شي ماااااا بعرف
شهد: اهدي حبيبتي...اهدي و قومي نامي و ارتاحي
_________________________
فات ع البيت معصب و عم يصرخ...
أمير: أمي ..أميييي
أم أمير: شوفي شبك شو صاير ؟
أمير: احكي مع بيت عمي بسرعة
أم أمير: ليش ؟
أمير: أنا بدي اتجوز جوليا ..
ماسة ..أم أمير: نعم !
أمير: متلما سمعتوا و اذا كانوا موافقين العرس بعد أسبوع
أم أمير: انت شو عم تخبص ؟ مفكر بيت عمك دغري رح يوافقوا ؟ لا و العرس بعد أسبوع
ماسة: من جهة رح يوافقو...أنا بأكدلك انو جوليا رح تجي ركض لهون بس تدرى بس فهمني شو صاير ؟
أمير: أمي ممكن تعملي يلي عم قلك عليه ؟
أم أمير: طيب طيب...الله يعيني عليك بس...
ماسة: ع الأغلب اليوم عيد ميلادها التاني لجوليا ههههههه
_______________________
بليلة العرس كان قاعد بغرفتو ... مسك الموبايل و بعت رسالة لشهد ..
( بكرا عرسي...انتي و حياة معزومين .. رح ابعتلك العنوان برسالة تانية ...)
مسكت الموبايل و قرت الرسالة و اتطلعت بحياة يلي كانت نايمة...لأنو وقتها كلو كانت عم تقضيه نوم حتى تهرب من التفكير الزايد...
فاقت الصبح و هي عم تشرب القهوة رن الموبايل تبعها...
حياة: ألو
_ آنسة حياة ؟
حياة: اي أنا
_ عم نحكي معك من الشرطة
حياة: تفضل
_ أختك الها مدة عنا اجت ع المركز لحالها
قامت وقفت و هي فرحانة ( عنجد ؟ فيني احكي معها ؟ )
_ هلأ لا .. بس أنا قلت اذا بتحبي تجي تشوفيها
حياة: أي أكيد رح اجي هلأ
_ تمام نحنا ناطرينك
شهد: لوين حياة ؟
حياة: لقوا أسيل لقوها
شهد: رايحة تشوفيها ؟
حياة: اي
شهد: طيب
كانت قاعدة
ع الكرسي و ساكتة ما عم تحكي شي .. مو قدرانة تصدق يلي سمعتو أو مو قدرانة تتخيل كيف صار هيك شي ..
انفتح الباب و فاتت حياة لعندها....أول ما شافتها خطر ببالها حكي جمال ( بدي ياكي انتي تقتليها... ) ... شهقت و نزلوا دموعها...ركضت لعندها حياة و عانقتها...
أسيل: ا...انتي أختي ؟
حياة: أي يا عمري أنا أختك
اتطلعت فيها و هي عم تبتسم ( حياة: تخيلتك حلوة كتير بس مو لهالدرجة )
أسيل: حياة...عنجد أمي و أبي ماتوا ؟
هزت راسها و ضلت ساكتة..
أسيل: يا ريت كنت أكبر و قدرت اهرب متلك...
حياة: انسي ... انسي كلشي صار...رح نبلش كلشي من جديد اي ؟
أسيل: بس أنا هلأ رح فوت ع السجن..
حياة: لا ... مو صحيح...انتي رح تروحي على مكان رح تتعلمي فيه و تلبسي و تاكلي منيح...رح تكوني منيحة
أسيل: و انتي ؟
حياة: و أنا رح كون جنبك .. رح اجي كل يوم لعندك و نقعد سوا ساعات طويلة و نحكي لبعض شغلات كتير متل ما بيعملوا كل الأخوات اتفقنا ؟
أسيل: اتفقنا
_ آنسة حياة خلص الوقت
أسيل: لا تروحي حياة
حياة: رح ارجع لا تخافي .. ما رح اتركك رح ارجع
طلعت من مركز الشرطة و رجعت ع الكوخ دغري و هي مبسوطة ..
شهد: شو صار ؟
حياة: شفتها ... تخيلي شهد و أخيرا شفت اختي .. مبسوطة كتير
شهد: شايفة...أغيد عمل كلشي مشان تلتقي بأختك .. هلأ هو ميت و انتو مبسوطين .. هه .. هالدنيا بتضحك
اختفت ابتسامتها و قربت لعندها .. ( حياة: ليش هيك عم تحكي شهد ؟ )
شهد: شو ؟ ما حكيت شي غلط ؟ بدي اسألك سؤال ... أي منهن أصعب يا ترا ... يموت الشخص يلي بتحبيه قدامك و لا تعرفي انو بحب وحدة غيرك ؟ طيب اذا صاروا التنين سوا شو بصير ؟
حياة: شهد شو عم تحكي
شهد: كيف قدرتي تتحملي تشوفيني و أنا عم احكيلك عنو و عن حبي الو و انتي عايشة معو قصة حب اه ؟
حياة: شهد شو هالتخبيص !
شهد: انتي قتلتيني بخيانتك الي حياة..
حياة: عن اي خيانة عم تحكي جنيتي ؟
شهد: كنتي عم تلعبي ع التنين سوا و قلتي لحالك اذا ما زبط هاد أكيد رح يزيط التاني .. طيب ما فكرتي فيني .. ااااه جاااوبيني مااااا فكرتي بالبنت يلي معتبرتك اختهااا ؟
حياة: ولله ما صار هيك شي ولله
شهد: لا تكذبي أنا سمعتو بأدني و هو عم يقلك بحبك قبل ما يموت ..
حياة: ........
شهد: يا ريتني ما عرفتك .. يا ريت ما شفت وشك بحياتي...
حياة: شهد ولله انتي فهمانة غلط
شهد: بس بتعرفي شو ؟ راحت عليكي هههههه لأنو أغيد خلص بح مااات...و أمير هلأ بكون بعرسو عم يتجوز و انتي يا مسكينة صفيتي لحالك
حياة: لحظة...لحظة انتي شو عم تحكي ؟ عرس مين ؟
طلعت الموبايل و عطتها يا ..
شهد: اقرأي الرسائل ... عازمك على عرسو اذا بدك تروحي هههههههه لأني رحت حكيتلو كلشي و قلتلو انك ما بتستاهلي واحد متلو
رمت الموبايل و طلعت عم تركض بسرعة... لحقتها شهد....
____________________________
بفيلا كبيرة بقلب الحديقة...كانوا الكل مجموعين و الأغاني شغالة و الكل مبسوط...إلا صاحب هاليوم!
كان قاعد و عم يتطلع بالكل و يشوفهن أديش مبسوطين و مو عرفانين انو ورا هالعرس في قلوب ماتت ...
جوليا: حبيبي
التفت لعندها و ابتسم ( نعم )
جوليا: عنجد حاسة حالي بحلم .. مو مصدقة انو اليوم عرسنا و رح نتجوز
أمير: و أنا كمان حاسس حالي بحلم
جوليا: كنت متأكد انك بتحبني .. بس لولا هديك البنت يلي ___
أمير: جوليا سكري ع الموضوع و لا تجيبي سيرتها
جوليا: خلص خلص...أصلا ليش لننزع يومنا فيها...أساسا أنا مسامحتك...ما في حدا منا ما بيغلط..
أم أمير: يلا أمير قوموا لبسوا المحابس
غيرو نوع الموسيقى و حطوا موسيقى هادية و الكل اتجمع حوالين أمير و جوليا و هنن عم يصفقوا... حمل أمير المحبس و مسك ايد جوليا ليلبسها ياه ...
فاتت دغري ع الفيلا و قربت من أمير بنص الحديقة و هي عم تصرررخ
حياة: أمييييييييير
باللحظة نفسها طلع صوت طلقة...امتزج صوتها مع صوت حياة و هي عم تناديلو....
الكل سكت بس سمعوا صوت الرصاصة و عم يحاولوا يشوفوا شو صار ...... التفت لعندها أمير و وقع المحبس من ايدو....
كانت واقفة عم تطلع فيه...مو حاسة بشي غير فيه و بأنفاسو...
#يتبع
أمير: الله يبارك فيكي بس على شو ؟
حياة: مو تجوزت
ابتسم ابتسامة خفيفة ( يعني يمكن ما تصدقي اذا قلتلك...بس حتى جوليا ملت مني و سافرت )
حياة: ولله أنا ما كون بدالها ما رح ضل معك و انت بهالشكل !
أمير: ما فهمت ؟
خبت ضحكتها و كملت حكيها ( أديش الك ما تطلعت على حالك بالمراية )
أمير: شهرين
ابتسمت بحسرة ( شهرين .. )
بعد يومين صارت حياة بصحة منيحة و سمحولها تطلع من المستشفى..
كانت قاعدة على نفس المرجوحة يلي اعتادت عليها و صارت تذكرها بأختها...
سمعت صوت من وراها..
_ ممكن تقومي من على مرجوحتي ؟
ردت بدون ما تلتفت ( هي مرجوحة اختي )
_ جد ؟ خلص رح اقعد على غير مرجوحة لكن
قعدت ع المرجوحة يلي جنبها و هي عم تطلع فيها....إحساس غريب فات لجواها و بلش قلبها يدق بسرعة ... رفعت راسها و التفتت لعندها..
أسيل: حيااااااة
قامت عانقتها و هي عم تضحك ( قلتلك رح ارجع )
أسيل: و أنا وعدتك استناكي .. اشتقتلك كتير
حياة: و أنا اشتقتلك
من بعيد كان في شخص تالت عم يراقبهن...قربت لعندهن و هي مترددة...خطوة تمشيها لقدام و عشرة ترجع لورا....بالأخير اتشجعت و راحت لعندها...
لمى: حياة
التفتت لعندها و تغيرت ملامح وشا...
حياة: لمى
لمى: الحمد لله على سلامتك
حياة: الل...الله يسلمك!
لمى: فيني عانقك ؟
فتحت اديها و هي عم تضحك و ركضت لمى عانقتها...
لمى: سامحيني
حياة: انتي سامحيني ع يلي خليتك تعيشي ..
تكتفت أسيل و هي عم تدلع ( ع فكرة هي اختي )
مدت لمى لسانها و هي عم تجاكرها ( اي و هي رفيقتي من قبلك ع فكرة )
أسيل: بالله شو
لمى: ولله
حياة: ههههه تمام خلص رح تخنقوني بعدوا عني
كان أمير قاعد بالسيارة عم يتطلع فيها كيف مبسوطة و كل ما ضحكت يضحك معها كأنهن شخص واحد و بقلب واحد...
__________________________
طلعوا هنن التلاتة من المحل و كانت حياة معصبة ..
حياة: مو الحق عليكون الحق ع يلي طاوعتكن و نزلت معكن
أسيل: ليش شو عملنا ؟ بعدين بدك تحضري عرسك بالبيجاما ؟
حياة: ولله هيك جاية على بالي...بعدين خيلتوني لسا كل وحدة بيعجبها فستان شكل!
لمى: أنا اقتنعت بالكات أشيك و أحلى
أسيل: لا حبيبتي يلي الو كمام بيعطي ركازة و أناقة أكتر
لمى: اي لا ما حزرتي
حياة: خللللص خلللص بطلت اتجوز ما عاد بدي اتجوووز..
لمى: لاااا و أمير ؟ ولله بينتحر هههههه
أسيل: ما هو ضل عم يقنعك أيام بليليها لقبلتي
حياة: أساسا ندمانة إني قبلت...يعني صح أبوه الله يرحمو اتوفى .. بس في أمو ما بظن رح تهنيني
لمى: و نحنا شو عم نعمل ؟
أسيل: وراكي رجال حبيبتي ههههههه
كانت عم تركض بسرعة بين العالم لتحاول تهرب منو...لحقها من وراها و مسك ايدها و دفشها ع الحيط..
شهد: بعععععد عني
_ وين هربانة يا حلوة.. عم نحكي
شهد: عم قلك بعد...أنا مالي رخيصة..روح دور على بنات من شكلك أنا قلتلك بدي اشتغل شغل محترم
_ مين محترم ؟ هههههه امشي معي و لا تعانديني
شهد: لكككك اتررركني
اجت من وراه مسكتلو ايدو و لوتها وراه ضهرو ..
حياة: بعد عن البنت ولا
شهد: ح...حياة!
_ و انتي مين بالله و شو دخلك ؟
حياة: أنا يلي رح تربيك و تعلمك كيف تتهجم على بنات العالم ..
_ هههههههه بالله شو ... هاتي لشوف يا حلوة ورجيني...بس بشرط...اذا خسرتي بعزمك لعندي ع البيت ههههه
حياة: ياااا حقير
ضربتو على وشو و قامت شهد ساعدتها و نزلوا فيه ضرب ... و هالمرة لمى اختارت تشارك و ما توقف بعيد...حتى أسيل قربت و صارت تضربو معهن...
اتخلص منهن بصعوبة و رجع لورا..
_ طيب طيب...لحظة ... استنوا شوي
حياة: شبو هاد ؟
شهد: ما بعرف
بعد شوي كان جاية و جايب معو شباب كتيرة
لمى: ولي شو هاد
حياة: شهد وقت فتنا على بيت أمير مع كم واحد تضاربنا ؟
شهد: تنين
حياة: و هدول كم واحد ؟
شهد: يعني يلي مبينين معي قدام شي عشرة
أسيل: يعني حتى الشرطة ما رح تخلصنا من بين اديهن ..
حياة: رح عد بس قول تلاتة منركض سوا ماشي ؟
لمى أسيل شهد : ماشي
حياة: واحد....تنين...ركضواااااااا بسررررررعة
بقولوا الموت بخلي الواحد يشوف أكبر مصايبو مشكلة صغيرة و تافهة....و حياة كانت قريبة من الموت كتير و شافتو بعيونها....لهيك قدرت تسامح كل حدا غلط معها و تنسى الماضي و تبلش حياتها من جديد مع الناس يلي بتحبهون...
___________________________
كانت ماسكة ايدو و عم يتمشوا بالشارع تحت المطر.... و هو كل شوي يحط ايدو على بطنها و يضحك ..
حياة: أمير خلص شبك نحنا بالشارع
أمير: اي شوفيها عم اتطمن على ابني و لو انو لسا بطنك ما كبر هههعههه
حياة: قصدك بنتك
أمير: لا ابني
حياة: أنا حاسة انها بنت و الله لا يخيبلي ظني يا رب
أمير: لاااا....خلي يجيني شقفة ولد يوقف بصفي هلكتيني انتي و أختك و رفقاتك
فجأة مسكت ايدو ( حياة: أمير ركوض بسرعة )
أمير: لك شوفي ؟
حياة: عم قلللك بسرعة أميييير
صارت ترك
ض بسرعة بالشارع و هو يركض معها و مو فهمان شوصاير....بعد شوي وقفوا و هو عم يلهت
أمير: لك شوفي .. في حدا لاحقنا يعني ؟ معقول ضالل حدا من رجال العصابة ؟
حياة: عن مين عم تحكي ؟
أمير: عن يلي عم يلحقونا
حياة: ما حدا عم يلحقنا!
أمير: لكن ليش عم نركض ؟
أشرت باصبعها ع الجهة التانية من الشارع ..
حياة: نحنا عم نلحقو
التفت ع الشارع ... كان فاضي بس فيه بياع غزلة و بجنبو عرباية
أمير: مين ؟
حياة: بياع الغزلة ... بدي آكل غزلة
أمير: هلأ الك عم شاحطيني كل هالمسافة و انخطف لوني و رح يوقف قلبي مشان بياع الغزلة !
هزت براسها بحركة طفولية..
ضرب على جبينو و هو يئسان .. ( تعي لشوف تعي معي )
حياة: شبك ؟
أمير: مو بدك غزلة ؟
حياة: اي
مسك ايدها و قطعوا الشارع و هو عم يمشي بسرعة .. وصل لعند بياع الغزلة
أمير: مرحبا
_ أهلين ابني
حياة: عمو معلش تعط____
أمير: سكتي يا بنت .. أنا الرجال هون .. ... عمو معليش تأجرنا عرباية الغزلة تبعك ؟
حياة: شووو !
طلع مصاري من جيبتو و حطهن بإيد الرجال ( ما منطول خليك هون منلف شوي و منرجعلك )
_ خلص طالما مصر ما في مشكلة هههههه
أمير: مشكور عم
حياة: مجنون شو عم تعمل ؟
طلعها قعدها ع العرباية و صار يجرها و هي تساوي غزلة و تاكل و تطعميه ...
حياة: هههههه بتعرف أمير
أمير: شو ؟
حياة: انت هلأ حققتلي حلم الطفولة
أمير: جد ؟
حياة: اي كان حلمي يصير عندي عرباية غزلة
أمير: ههههههه طيب بتعرفي انتي ؟
حياة: شو
أمير: بحبك
قبل ما ترد عليه حط اصبعو على تمها و سكتها..
أمير: هسس سكتي ..
حياة: شو عم تعمل ؟
أمير: عم اسمع قلبك
حياة: شو عم يقلك ؟
أمير: عم يهمسلي و يقلي بحبك...
#انتهت
و كتاب
صور من حياة الصحابة
1261 - ألف حياة و حياة
2019 - التناغم الإلهي _ حياة فيتاغورس و تعاليمه
1706 - لبيب حبشي _ حياة عالم مصريات و إرثه
2019 - التناغم الإلهي _ حياة فيتاغورس و تعاليمه
1261 - ألف حياة و حياة
1706 - لبيب حبشي _ حياة عالم مصريات و إرثه
2019 - التناغم الإلهي _ حياة فيتاغورس و تعاليمه
1261 - ألف حياة و حياة
2019 - التناغم الإلهي _ حياة فيتاغورس و تعاليمه
1261 - ألف حياة و حياة
1706 - لبيب حبشي _ حياة عالم مصريات و إرثه
2019 - التناغم الإلهي _ حياة فيتاغورس و تعاليمه
ممكن كتب تخص حياة الناجحين و العلماء
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com