...مشيت السيارات لحتی وصلو علی أرض مقطوعۃ و لؤي بعدو ملازمن , نزلو من السيارات ونزلو سالي وقف ابو صقر ورجالو عم يستنو لؤي ينزل , حط لؤي مسدسو ع خصرو تحت الجاكيت ونزل , مشي لعندن بهدوء وبخطوات ثابتۃ وثقۃ
ابو صقر:سعادۃ الدكتور عنا يا أهلا وسهلا , دخلك شفلي ضرسي صرلو فترۃ عم ينخز علي
لؤي:مسوس وبدو خلع , شايفو من عندي
ابو صقر : 👏👏👏 ما شاء الله
لؤي:شو فديتها
ابو صقر : يا أخي الفهيم بريح .....خمسۃ مليون
لؤي : حلو , هلأ بكتبلك الشيك وبتسلمني البنت
ابو صقر :له يا دكتور والله الي بعرفو إنك أذكی من هيك بكتير , شو بدي بالشيك أنا بدي كاش ✋
لؤي:من الآخر أنا ما بتركا هون لحالا بتاخد الشيك وبتبعت حدا من رجالك
ابو صقر :وأنت بدك تضل باستضافتنا لحتى الشيك ينصرف بسلام
...طلع لؤي قلمو وكتب الشيك ...
ابو صقر:صقر , استلم
...مشي صقر لعند لؤي وأخد الشيك من إيدو ووقف لحتی يفتشو ل لؤي طلع الموبايل وطفاه وولما وصل لخصرو وجه لؤي وجهو لذات الجهۃ وسعل بقوۃ حتی صقر بعد عنو
صقر:الله يقرفك
لؤي: لا تواخذنا
صقر:خالي من الدسم
Telegram@rwayate
ابو صقر:اعتبر الموبايل هديۃ مني وك يا صقر
صقر:الله يرزقك معلم
ابو صقر:سماع يا دكتور ، اي خطر أو كمين لصقر اعتبر أنت والحلوة صرتو بخبر كان
لؤي:نحن منحكي حكي رجال ومنفعل فعل رجال
ابو صقر:طيب اتفضل نقوم بواجبك...مشي لؤي لناحية سالي ...
لؤي:فك البنت إذا بتريد معا روماتيزم ما بتقدر تضل عهالحالة مربطة
ابو صقر :فكوها شباب
...أول ما فكوها ركضت لحضن لؤي وصارت تبكي عصدرو...
سالي:خلود بدا تبعدني عنك ، بدا تحرمني منك يا روحي
لؤي:اهدي اهدي ما حدا ببعدني عنك أنا جنبك رح نطلع من هون لاتخافي
ابو صقر:شو سمعت إنك خاطب الدكتورة
لؤي:اي والله لهالسبب تعرفت على حضرتك ، صحي أنت منين بتعرفا لخلود شو علاقتك معا
ابو صقر :متل مالك شايف نحن عصابة صغيرة وعلى قدنا ومنقضيلا شغل للست خلود وهي طلبت مني اخطف القطة لحتى ما تبقى تخرمش وتبعد عنك
لؤي:اممممممممم بس كأنو في شي عم ينطبخ
ابو صقر : اي من كتر الذكاء عندا قبضتنا المبلغ كلو واليوم كانت رح تجي تسلمها وتاخدا لطيارتا المحجوزة لفرنسا ، ما بقالنا شغل معا أخدنا سالي وفركناها لنستفيد من حضرتك كمان
لؤي:برافو ، احتراف بالنصب
ابو صقر:اي لكا منعجبك
صقر:معلم خلينا نلقي نظرة عالسيارة
ابو صقر : المفاتيح معك
صقر:لا ما كانو بجيبو
ابو صقر: شوفا إذا مقفولة
لؤي:مقفولة والمفتاح معي
صقر:فتشتك وين معك
لؤي:ما فيا شي مهم
صقر :معلش هاتو
لؤي :تعال خدو
...لؤي وهو عم يطلع المفتاح من جيبو حط المسدس براس صقر وحكا مع سالي تتمسك فيه ، فتلو لصقر وخلا وجهو لعند ابو والمسدس براسو ...
لؤي:أي حركة المسدس بيفضى براسو
ابو صقر:شو عم تعمل نزلو أحسن ما تخسر حياتك
لؤي:أنت الي رح تخسر ابنك
Telegram@rwayate
ابو صقر:شو الي بدك ياه أنا جاهز
لؤي: حكي رجالك ينزلو سلاحن أول شي
ابو صقر:الكل ينزل سلاحو عالأرض
لؤي : ارمين لعندي
ابو صقر: ارمين أحمد
لؤي :لما بدك تلعب لا تستهون بخصمك
...وي وي وي وي وصلت سيارت الشرطة حاصرو المكان وابو صقر ورجالو ما قدرو يدافعو عن حالن واسلحتن كلا مع لؤي دخلو الشرطة وقبضو عليهم وهنو لؤي بسلامة سالي ...
سالي:كيف وصلو الشرطة لهون
لؤي: الموقع عالموبايل
سالي:الموبايل مو مع صقر كان
لؤي:الموبايل الأساسي كان بالسيارة بس الي بجيبي تمويه
سالي: خلينا نمشي لؤي كتير تعبانة وبدي أمي
لؤي:رح نمشي بس بدي اعمل مشوار عالمطار أول
سالي:شوفي
لؤي :هلأ بتعرفي
...ركب لؤي سيارتو وسالي جنبو ومشي باتجاه المطار , سالي ودموعا مليو عيونا ...
سالي:بدك تودعا 😓
لؤي:بدي ودعا بس بطريقۃ استثنائيۃ رح تشوفي
يتبع....
#آلاء_بظ_خلوف

سالي:كمان ؟؟
فادي:......... سالي بدي قلك شي
سالي:شبك احكي
فادي:سالي من لما جيتي وحكيتي معي حبيت عفويتك كتير و حبيت شخصيتك و شوي شوي بلشت اتعلق فيك ، أنت أكتر إنسانة فهمتني و أنت الوحيدة الي اخترت عرفا على مكاني الخاص
سالي:..................
فادي:سالي ما بعرف شو رح تكون ردة فعلك ، بس ...... أنا بحبك ، بحبك عنجد
سالي:😳
فادي:شبك ليش ما عم تحكي قولي شي
سالي:فادي أنا ما بنكر إنك أقرب شخص لالي بس أنا حياتي معقدة شوي بدي وقت لفكر بالموضوع وآخد قراري
فادي:بدك تستشيري لؤي
سالي:....... لا مو هيك بس أنووووو ، لا تضغط علي إذا بتريد
فادي:طيب أنا رح انطر ردك على نار
...بهدوء انتهى مشوارن ، رجعت سالي عالبيت وهي مشوشة وما عم تعرف شو تعمل ...
سالي:الو
ليان:أهليييين
سالي:كيفك
ليان: تمام كيف كان مشوارك
سالي تنهدت:.......
ليان:خير شوفي
سالي:اليوم فادي حكالي أنو بحبني
ليان:عنجد 😍 ، حلو كتير بس ليش مالك مبسوطة
سالي:ما بعرف مشوشة ومحتارة
ليان:اي وشو قلتيلو
سالي:قلتلو بدي وقت
ليان :طيب فكري منيح بعقلك وبقلبك ، حكمين سوا ولا تتسرعي
سالي:وهيك رح يصير
ليان:شو مشاريعك بكرا
سالي:بكرا رح روح زور قبر البابا مع لؤي
ليان:مو ما عم تحكي معو
سالي:اي بس كل شي لحال
ليان:طيب معناها هي فرصتك
سالي:رح شوف شو بدي اعمل ، بدك شي
ليان:سلامتك، ديري بالك على حالك
سالي:سلام
...كل الليل سالي ما قدرت تنام وهي عم تفكر وتحسب ، وعم تخطط لمستقبلا وحياتا ومانامت لحتى أخدت قرارا...
يتبع....
#آلاء_بظ_خلوف

#أنتَ_أبي_ الروحي
#الجزء_ الرابع
Telegram@rwayate
...تاني يوم الصبح...
لؤي:صباح الخير مرت عمو
نهلا:صباح الخيرات ابني
لؤي:سالي جاهزۃ
سالي:جاهزۃ
...كل الطريق وسالي ساكتۃ ما عم تحكي و لؤي ما حاول معها ولما وصلو للتربۃ فاتو وقرأو الفاتحۃ علی روح أبوها لسالي , وقفت سالي وهي ملتزمۃ الصمت علی غير عادتا أنو دوما بهالمكان بتحكي كلشي , بتحكي أفراحا وأحزانا أسرارا وطموحاتا و لؤي بكون عم يسمع كلشي عم تحكي , بس هلأ ساكتۃ ..أكيد مخبيۃ شي عنو
سالي : لؤي في موضوع بدي احكيك في هون عند قبر بابا
لؤي:??????????
سالي:نحن لإيمت بدنا نضل عم نضحك علی بعض , لإيمت رح نبقی معلقين ببعض ومافي أي شي حقيقي بيربطنا ببعض , بربك قلي ما مليت ...ما مليت وأنت عم تمثل دور الشب الخاطب , بالله ما مليت مني
لؤي قرب ووقف مقابيلا:أنا لو بضل عمري كلو معك ما بمل منك , أنت بنتي ...بنتي الي ربيتا وعلمتا وكبرتا و سهرت جنبا ليالي ما بينعدو , الي كنت جبلا الدوا من الصيدليۃ وأنا ما بعرف اقرأ اسمو , كنت ركز كتير لحتی افهم كيف لازم تاخديه
سالي:بنتك اي اي أنا بنتك مو خطيبتك مو مرتك أنا بنتك ...... لؤي بترجاك خلينا ننهي هالمهزلۃ
لؤي:شو عم تحكي , شو هو الي مهزلۃ
سالي :إني كون خطيبتك هي هي المهزلۃ , يكون كتابنا مكتوب وقلبك مع حدا تاني... وقلبي مع حدا تاني
لؤي:شو ?????!!!!!!! ما...مافهمت شو قصدك ؟؟؟
سالي:بعرف إنك بتحبا لخلود وقلبك معا , وأنا امبارح اعترفلي فادي بمشاعرو الي ببادلو اياها أنا كمان
لؤي:..................
سالي:نحن مو مجبورين لؤي فينا نترك وكل واحد يعيش حياتو براحتو
لؤي: براحتو, انا أسرتك سالي؟
سالي:..............
لؤي:بفهم أنو ما بدك ياني???
سالي:..............
لؤي:احكي جاوبي ليش ساكتۃ , ما بدك ياني.؟
سالي:خلود بدها ياك وأنت بدك ياها أنا ما فيّي اظلمكن , وكمان أنا قلبي دق لفادي واختارو
لؤي:أنت هيك بدك
سالي:هيك المنطق بقول
لؤي:شو الي بريحك
سالي:ننفصل
لؤي:.......... متل ما بدك بصير
سالي:وجدو
لؤي:أنا بتفاهم معو
سالي: كتير منيح
لؤي: وشو مشانك أنت وفادي
سالي:بدي عيش معو قصۃ حب حقيقيۃ مو وهميۃ وكون مسؤولۃ عن نفسي
لؤي:خلص.. أنا مالي اي وجود بحياتك؟
سالي:أنت ابن عمي , وشخص غالي علی قلب أبي الله يرحمو الي هلأ هو تحت التراب
لؤي:وأبوك الي رباك..
سالي:والي رح ضل اذكرو بالخير وادعيلو
...سالي اخدت قرارا توافق علی فادي و تترك لؤي وتستغني عنو وتعتمد علی حالا ماقاست أبعاد قرارا كتير بس خمنت أنو هو الصح , اتفقو يجتمعو بجدن ويخبرو بقرارن...
________________________
لؤي: جدو أنت بتعرف أنو هالشي صعب علي وعلی سالي وكل هالسنين ما قدرنا نتأقلم
سالي:نحن ما منشبه بعض ولا فينا نكون لبعض بتمنی تراعي مشاعرنا
الجد: هلأ صار قراري خطأ يا أحفادي... اييه شو عليه عملو الي بريحكن ... بس أنا عندي شرط ,أو مو شرط هو أمر بدو يتنفذ , ما بتطلق سالي لحتی تنخطب
سالي:بس يا
الجد:بدون بس , أنا عطيتكن حريتكم بس الشي الي حكيتو بدو يتنفذ بدون نقاش
..ترك الغرفۃ ومشي ...
سالي: لؤي أنت مقتنع بهالكلام
لؤي:ما بهم , مدام جدو حكا ما بينفع الأخد والرد
سالي:...... هو الي هيك بدو ولا أنت 😠
لؤي:أنت شو عم تخبصي شو صرلك ما قدام عينك صار كل الحديث 😡
سالي:علی كل حال , أنا وياك ما بقي شي بيناتنا خلص كل واحد فينا راح بحال سبيلو ... شكرا الك علی كلشي عملتو معي ما قصرت بحقي يعطيك العافيۃ أنا حكفي عنك واعتمد علی حالي
لؤي: 😑😑😑
سالي برمت ضهرا وتجمعو دموعا: الله يوفقك بحياتك أنت وخلود
...تركتو واقف ومشيت , مشيت ودموعا نزلو بدون أذن , نزلو وحرقوا خدودا , فاتت غرفتا وقفلت الباب وقعدت تبكي براحتا ...
سالي:ليش هيك الدنيا قاسيۃ , تيتمت مرتين وأنا لسا بالعشرين , ياربي مالي غيرك ارحمني يا الله 😭
__________________
... بالطرقات , ماشي بسيارتو , عقلو مشوش ومو مستوعب الي صار ...معقول هي بنتو الي رباها ..معقول بنتو الي علما القوۃ تستقوي عليه ...
لؤي:عم تتشكرني , لأنو ربيتا عم تتشكرني , شو بينفع الشكر يا سالي شو بينفع ...الله يصلحك أحسن شي ..الله يصلحك
...وهيك انكتبت لسالي قصۃ يتمها التانيۃ الي كانت بليلۃ من أصعب ليالي عمرا، بكيت فيها علی لؤي أكتر من بكاها علی أبوها , بس هيك الحياۃ فرضت وهي بدها تواجه بقوۃ متل ما علما لؤي , لؤي الي خسر شقفۃ من قلبو ..بنتو الي بقدملا روحو علی طبق من ذهب , بس هي استغنت عنو و قررت تعيش لحالا بدون ولا صلۃ توصلن
هالقلبين تعبانين و نارن شاعلۃ ووجعن بدو جبال تحملو, بهي الليلۃ ما بتطفي نار قلوبن غير الدعاء بالرحمۃ والفرج...
_________________
يتبع ....
#آلاء_بظ_خلوف

خلود:بتجبلي ياها علی مستودعك وأنا بدفعلك أجارو هالشهر
ابو صقر:الله يخليلنا ياك , اي ساعۃ ننزل
خلود:عال11 ببلش فحصا نزلو قبل ربع ساعۃ وجيبوها قبل ما تفوتو
ابو صقر :امرك
...بعد ساعۃ...
Telegram@rwayate
خلود:شو صار معك لسا ما جبتا
ابو صقر:يا خانم مافي ولا طالب وشبابنا سألو وقال فحصن بلش من ساعۃ
خلود:شيت ببالي ما نخليا تقدم فحص , طيب سماع أنت عرفت شكلا أول ما بتشوفا طلعت بتجبلي ياها ماشي
ابو صقر:مواشي
...طلعت سالي من الفحص مبسوطۃ وفرحانۃ...
ابو صقر : هي هي بسرعۃ روح جيبا للكراج
الشب:يا آنسۃ أنت مو بنت عمو للدكتور لؤي
سالي:اي تفضل بتحب ساعدك بشي
الشب:لا بس ما بعرف شو بدي قلك
سالي:شو شو قلي لؤي فيو شي
الشب:ما بعرف بس كان تحت بالكراجات جوات سيارتو والكل حواليه كأنو.....
سالي:شو عم تحكي
...نزلت سالي ركض للكراجات ولحقا الشب...
سالي:شو وينن
الشب:معناها نقلو عالاسعاف
...طلع ابو صقر وأربع شباب من سيارۃ شدو سالي وهي عم تصرخ وتعيط وتبكي خدروها و حملوها وحطوها بالسيارۃ وبأعلى سرعۃ طارو بس كان في عين شاهدۃ عالي صار الي هو فادي , كان عم يصف سيارتو بالكراج وشاف الشباب وهنن عم يشدو سالي ما استرجی يطلع من سيارتو خوفا من أنو يشوفو ويسحبو معا، الشي الوحيد الي عملو منيح لما طلع وخبر لؤي
لؤي:شو كيف يعني انخطفت
فادي:أنا شفتن بعيني تحت بالكراجات حملوا ومشيو
لؤي:لك أنت واحد غبي كيف هيك ما بتعمل شي
فادي:والله م..مم..ممااا...بب..ببعرف...خخ...خ..خ..خف..خفت
لؤي:اندهولي ع الأمن بسرعۃ يلحقوني للكراجات
...تجمع بالكراجات الأمن وأصحاب المسؤوليۃ بالجامعۃ حولين لؤي الي دمو عم يغلي وفادي المصدوم ...
لؤي:صبيۃ انخطفت من الجامعۃ وما حدا بحس علی شي شو هالمنطق الأعوج، سيادۃ العميد القصۃ كتير بشعۃ بنت عمي انخطفت وما بعرف شو بدو يصير فيا
العميد:اهدی دكتور اهدی رح نخبر الشرطۃ فورا
لؤي:بدي تسجيلات الكميرات إذا بتريدو
العميد :لتجي الشرطۃ منشوفن بس روق لنعرف نفكر
التفت لؤي لفادي:بس بدي افهم شب طول بعرض بيتفرج علی زميلتو وهي عم تنخطف بس قسما بالله إذا الك يد بالقصۃ لعدمك حياتك وبكي أمك دم عليك
...وصلت الشرطۃ وشافو التسجيلات وتبين أنو وجود فادي صدفۃ وما خصو
الضابط:في حدا بيكرها أو هي متعديۃ علی حدا ممكن يعمل هيك فيالؤي :لا أبدا هي بنت طيوبۃ والكل بحبا ومالا عداوۃ مع حدا , شو فادي
فادي:مزبوط, أساسا ما بتتعاطی يعني ما ما بتختلط فهمت علي سيدي
الضابط :طيب دكتور لؤي ممكن يكون الخاطف حدا غرضو يكسرلك جناحك ويهددك
لؤي:لا لا أبدا ما بظن هالشي
الضابط:معناها الغرض هو المال والله أعلم، رح نبلش شغلنا ونعمل الي علينا لعل نقدر نصل لطرف خيط
لؤي:سيادۃ الضابط إذا بتريد بدي تنام الليلۃ ببيتا
الضابط:قول إن شاء الله
يتبع.....
#آلاء_بظ_خلوف

(انا لؤي عمري 25سنۃ , طبيب أسنان و معيد بكليۃ طب الأسنان , أنا شخصيۃ هاديۃ بس صارمۃ كتير ،وهلأ أنا خاطب بنت عمي الله يرحمو , صرلنا خاطبين شي عشرين سنۃ ههههه طبعا ما رح تصدقو بس هي الحقيقۃ, عمي هو أكبر من أبي وتزوج قبلو وما كان يجي ولاد ولما جيت أنا عالدنيا تعلق فيني كتير حتی هو الي سماني , كان دايما يعلمني كيف صير رجال ويقلي إذا رح تسمع كلامي رح جيبلك بنت واعملك صهري بدي ياك تكون رجال وتحميا هاد الي بتذكرو منو , لما توفی عمي كان عمري خمس سنين ومرت عمي كانت حامل بسالي , تأثرت كتير بوفاتو ولما ولدت مرت عمي وقفت قدام جدي وقلتلو سالي أنا رح ربيا وأنا رح كون رجالا , وجدي نقل كلامي للكل بس بطريقۃ تانيۃ وقرر أنو سالي رح تكون زوجتي
ما بنكر إني تعذبت بتربايۃ سالي وانجبرت صراحۃ إني كون زوجا أو خطيبا حاليا بس أبدا مالي ندمان علی قراري , أنا وعدت عمي إني اسمع كلامو وكون رجال لبنتو ومارح اخلف بوعدي لموت
ربيت سالي وزرعت فيها نفس المبادئ الي زرعن فيني عمي , وكل عشرۃ الشهر منروح أنا وياها عالتربۃ نزورو , هي بتقعد جنبو بتحكيلو عن أحلاما وحياتا وشو حققت وشو عم تنتظر وأنا بوقف بتفرج عليها بفرح إني عم طمنو علی أمانتو الي سلمني ياها
Telegram@rwayate
******فلااااش بااااك ********
لؤي:ساااالي ليش عم تبكي
سالي:.............
لؤي:سالي احكي مين بكاكي حدا ضربك حدا أذاك
سالي:سارۃ...قالت..لي...أنو...با..با..ما...بحبني...
لؤي:وأنت صدقتيا , ليش هي بتعرفو لأبوك
سالي:قال..لو بحبني ...ماتركني.....ومات..😭
لؤي:سالي لا تبكي سالي , رح آخدك عند أبوك للتأكدي قومي معي
(أول مرۃ باخدا عالتربۃ لحالي)
سالي :وينو بابا???
لؤي:ليكو هون تحت التراب
سالي:طيب خلينا ننزل لعندو
لؤي: مافينا ننزل لعندو هلأ بس لنموت
سالي:طيب خلينا نموت
لؤي :مافينا نموت لنكبر
سالي:وهلأ شو?
لؤي :احكي معو عم يسمعك
سالي:.........
لؤي:شبكي احكيلو
سالي:بركي كان نايم أو مشغول
لؤي: لا هو ما بينشغل عنك لو شو ما عم يعمل بيترك كلشي كرمالك
سالي:بابا حبيبي تغطی منيح لحتی ما تبرد و واستناني أول ما أكبر رح أجي لعندك
********بااااااااك ********
من هداك اليوم وأنا باخدا كل شهر لحتی تحكي معو ويسمعا ويوم الي كتبنا كتابنا أخدتها أول شي لعندو بكيت جنب قبرو لأول مرۃ , كانت عم تبكي وتقلو شو كنت متمنيۃ أنت تكون وكيلي
بهي اللحظۃ كنت رح قطع حالي,النار جواتي اشتعلت,حرقتلي قلبي كلمتا,حسيت حالي عاجز لأول مرۃ, ما كان بحقلي كون وكيلا وزوجا , يوميتا ضميتا لصدري وبكيت معا هي بكيت علی حرمانها وأنا بكيت من عجزي،لما كانو بنات عمامي وعماتي يقعدو كل وحدۃ بحضن أبوها كانت تجي وتقعد بحضني وتحط راسا علی كتفي وتقلي : أنت احلی أب
كل الحنان الي اعطيها ياه هو من حنان أبوها, الي كنت استمدو منو كلو صرفتو ل سالي
بس مشكلتي إني مجبور أتزوج بنتي لحتی تبقی بنتي)
...فات لؤي عالمحاضرۃ الأخيرۃ وطبعا كالعادۃ إذا بتطب الإبرۃ بينسمع صوتا بهالمدرج الكبير لأنو الدكتور لؤي ما معو مزح
بلشت المحاضرۃ والطلاب كلهم أذان صاغيۃ للحكي الي عم يحكي الدكتور
بس باللحظات الأخيرۃ من عمر المحاضرۃ اخترق الهدوء صوت , صوت موسيقی صاخبۃ مو مفهومۃ ولا واضحۃ
ركز الدكتور لؤي بوجوه الطلاب ليعرف المصدر ولفت انتباهو شب قاعد بآخر المدرج عم يحرك راسو يمين وشمال منسجم بالموسيقی , حكي لؤي للطالب الي جنب فادي يصحيه , انتبه فادي لنظرات لؤي الباردۃ و نزع السماعات من أدانو
لؤي:ممكن تتفضل لعندي حضرتك
...نزل فادي لعند لؤي وهو خجلان وملبك ...
لؤي:اعتقد بأنو كان في صوت موسيقی مصدرها جوالك , مزبوط هالشي ولا أنا غلطان ?
فادي:بعتذر دكتور
لؤي:إذا بتريد جاوب علی قد السؤال
فادي:مزبوط دكتور
لؤي:طيب إذا الكلام الي عم ينحكی بهالجلسۃ أنت مانك بحاجتو أو ما بهمك ليش لحتی تحضر
فادي:دكتور أنا بس
لؤي:بدون مبررات, لأنو حضرتك يا دكتور عم تقلل من احترام المحاضرۃ وأهميتا وهاد الشي أنا ما بسمح فيه , لو سمحت المدرج ما بتفوتو بوجودي قبل ما نحكي بالموضوع مع الإدارة
ترك الجلسۃ لؤي واستأذن من الطلاب وطلع ولحقتو سالي مباشرۃ ووقفتو بالكريدور
سالي:لؤييي لؤييييي , شو الي عملتو أنت هلأ
لؤي:وأنت من ايمتی بتتدخلي آنسۃ سالي
سالي:بدك شوفك عم تغلط واستكت مثلا
لؤي :سالي انتبهي لكلامك
سالي:أنا ما بعرفك قاسي هيك مو حرام عليك توقفو قدام كل الطلاب وتحكي معو هيك يعني شو مفكر حالك
...ترك لؤي سالي واقفۃ ومشي لحتی ما يعصب عليها و يتفرجو عليهم الطلاب...
يتبع ....
#آلاء_بظ_خلوف

فادي:شو يعني ما بحقلو يعيش حياتو
سالي:........مزبوط ....هو الي بحقلو , ماشي فادي أنا بدي نام بشوفك بكرا
فادي:اوك , بون وي
...باب غرفۃ سالي عم يندق...
سالي:ماما فوتي
...فات لؤي ...
لؤي:هاد أنا ,,فوت ولا لا
...سالي برمت وجها عنو وقعدت علی تختا , قرب لؤي ووقف قداما ...
لؤي:الحلوۃ بعدا زعلانۃ
سالي وعيونا بالأرض:.............
لؤي:سالي عم تحملي الموضوع زيادۃ
سالي وعيونا تعبو دموع :زيادۃ...زيادۃ لؤي...إنك تنشغل عني مع حبيبتك القديمۃ بكون حملتا زيادۃ
لؤي:سالي والله كان التلفون صامت و ما سمعتو يعني بتصير
سالي:😭😭😭
لؤي:سالي كرمال الله لا بقى تبكي بترجاك
سالي: لو سمحت تركني
لؤي : سالي ليش ما عم تفهميني
سالي:لؤي حاج تكحلا لأنك عم تعميا
لؤي : طيب بكفي بكي
سالي:خلص إذا بتريد تركني لحالي
لؤي:................
سالي:لؤي .... رح اطلع أنا
لؤي : خليك ، طالع
...طلع لؤي وانفجرت سالي بالبكي لحتى نامت...
يتبع...
#آلاء_بظ_خلوف