#حٌبِيَِّّسةّ_جَِّسدِ,,,,,,
#بقلم_HajarSh
Telegram:@rwayate
#آلُجٍڒٍء_آلُتاسع ُ...

كان عيسئ بعدو صافن بإختو وعم يحاول يستوعب شوي م̷ـــِْن كلامها ...

يوسف: اختي لتكوني مخربطة فِيَھ وبحدا تاني!
عبير: لٱ ما مخربطة ..مجد رفيئو يلي رحنا لعندو مرة واتعشينا عند ستو ..
عيسئ «بهدوء »: اي هوة ..
عبير: م̷ـــِْن لما شفتا اول مرة ئلت انو فِيَھ شي غلط ..وشخصت حالتها عإنها مجرد نقص بالنمو بس انا انصدمت متلك عيسئ ..

عيسئ: كيف! ! بس فهميني .. هويتو مكتوب فِيَھا ذكر وياستي خليني امشي معك وئول انو ممكن تكون مزورة ..دراستو معي بمدرسة شباب واوراقو الرسمية بتأكد انو مجد ولد .. وانا ههه كيف ماحسيت بهالشي .. وليش خبا عني هييك ئصة
Telegram:@rwayate
يوسف: بما انك عم تحكي انو درست معك بنفس المدرسة فأكيد فِيَھ سر كبير م̷ـــِْن ورا هالئصة ..

عبير: بالزبط .. هلأ فِيَھ وارد انو مجد اتسجلت بالغلط ذكر وتربت عإنها صبي وبالتالي هالشي انعكس عشخصيتا وبلشت تاخد عهالوضع واسمها بياخد دور كمان واختلاطها مع الصبيان هوة سبب تصرفاتها اللي بتئدر تخدع اي حدا ممكن يشوفها ويستبعد فكرة انها بنت ..

عيسئ: مستحييل هالشي .. عبير عيلتو بتعرفو شب ..عمها وستها يعني حتئ لْـۆ اتسجلت بالغلط .. ماكانو صلحو الوضع م̷ـــِْن زمان .. بعدين مجد ألعو عمو م̷ـــِْن البيت لأنو مرت عمو تهمتو انو متحرش فيها وحاول يعتدي عليها .. لْـۆ عمو بيعرف انو هوة بنت كان رح يسدق مرتو وللا كان رح يرمي بالشارع ..لٱ عبير مجد مستحيل يكون بنت ..اكيد فِيَھ شي غلط ..

يوسف: عيسئ اهدا اكيد فِيَھ لغز ..واختك عبير دكتورة ومستحيل تكزب عليك او تغلط بتشخيص حالة حدا ..
Telegram:@rwayate
عيسئ: مجد شببب واهلو تركوو عند ستو م̷ـــِْن لما كان صغير .. واهلو مابيعرفوو انو هوة بنت عأي أساس جاي تعملووو انتو بنت ..لٱ تجننوني مشاان •اللّـہ̣̥ .. انا رايح شوفو ..
عبير: في وارد م̷ـــِْن ناحية طبية كمان ..
يوسف: شو هوة؟
عبير: انو مجد انخلئت صبي ومع الأيام اتحولت لبنت ..

عيسئ: بلشنا بالتخبيص..شو وين عايشين نحنا بفلم أجنبي .. شبك عبير انتي دارسة ومتعلمة وعم تحكي هيك شو تركتي للجاهل!
عبير :خليني كفي كلامي عيسئ ..
عيسئ «رجع ئعد »:تفضلي كفي لشوف اخرتا معكون ..

عبير: اخي يلي عم حاكيك عنو حقائق علمية مثبتة وفي كتير حالات بالعالم صارت هيك ..هلأ اوك هية نادرة بس صارت ..الولد بينخلق وبعد فترة بيكتشفو انو هوة بنت والعكس صحيح .. ومجد بحالتها بجوز انخلقت بتشوهات خلت أهلها م̷ـــِْن الوهلة الاولئ يفكروها صبي وانتة عم تحكي انو امها وابوها تركوها لما كانت صفيرة عند ستها يعني هملوها او اتكتمو علئ وضعها وستها المسكينة مابتعرف وربت مجد عإنها صبي .. طبعا الاهمال وعدم الاهتمام ممكن يخلي هيك حالات تتفاقم وتخلي حامل هالصفات مايعرف هوة شو؟ بنت او شب! وبوضع مجد ممكن خافت م̷ـــِْن الانتقادات والحكي ازا غيرت طبيعتها اللي تربت عليها وخصوصي انها مسجلة بالأحوال ذكر ..
Telegram:@rwayate
يوسف: هلأ سؤال محيرني مجد معئول مابتعرف انها بنت!
عبير «ضحكت »:ڵـڱ يوسف كيف يعني مارح تعرف .. مجد بتعرف ومتأكدة كمان م̷ـــِْن هالشي... وانا ببصملك بالعشرة انها بتعرف .. اخي مجد عندها كلشي عند اي انثئ عادية .. هرمونات انثوية تكوينة جسمها ..صدر ..قوام انثئ وبكل المعايير .. وحتئ انها بتحيض عُاَدّيَےّ

يوسف«انحرج ووئف» : انا رايح ..
عبير: لكك شبك عم حاكييك م̷ـــِْن منطلق طبي. لشو الخجل ..

يوسف: العما ڵـڱ انا يلي بفرق الئطة ازا كانت انتاية وللا دكر ما اقدر اعرف انو مجد بنت م̷ـــِْن اول نظرة .. اكيد صار لازمني نضارة

عيسئ: هي انتة يلي شفتا بس اليوم عم تحكي هيك كيف انا يلي بعرفها م̷ـــِْن ست سنين واكتر ..
عبير: اهدا اخي .. اكيد مجد ماكانت اصدة تكزب عحدا بس وضعها حساس وانا متأكدة انو هية عايشة صراع جواتها ومو ئدرانة تحكي ..
Telegram:@rwayate
فجأة اتزكر عيسئ شوي م̷ـــِْن كلامها لما رجع ئابلها م̷ـــِْن جديد...

(مجد: التخت شي تاني ..هاد اخترعوه للناس الطبيعيين مو لامثالي
عيسئ: امثالك! ؟ لَيــ̷̴ِْ̬̩̃ ـِْش انتة مانك بشر ..!بني ادم متلك متل كل الناس؟
مجد «انفجرت ضحك »:هههههههه بني شووو بني ادم ! .. ڵـڱ انا ياعيسئ •اللّـہ̣̥ خالئني هيك كمالة عدد،.. لحتا اشقئ واتعب وبس .. هاد اللي انا انخلئت مشانو
مجد: رسالة شو ..؟عيسئ وجعي كتير كبير .. لما فجاة تصير منبوذ وفجاة تصير ابن شوارع شو رح يكون ردك غير هيك!)

عيسئ«اتنهد وفرك جبينو »: ماصحـ .. ماصحيت؟
عبير: عطيتا ابرة مسكن ومابظنا تكون صحيت ..
عيسئ: بدي اطلب مـڼـڱ طلب. .