#كانت_حبيبتي ..

#الجزء_الخامس 5


ماهر .. لأ مافي
منى .. لك انا ماني صغيرة وماضل بنت ماعندا هيك شي .. شو قلت
ماهر .. لأ
منى .. اي مو ع كيفك
ماهر .. ع كيف مين لكن
منى .. انا رح نزلهن ان قلت اي وان قلت لأ
ماهر .. شو رجعنا لسا من شوي تصالحنا ولا بس بالرسائل شاطرة اسفة وحبيبي وعمري
منى .. هه وانت سدئت حالك من كل عقلك انا ببعتلك هيك رسالة وانا مالي غلطانة
ماهر .. لكن مين بعتا
منى .. هي سماح كتبتا وبعتتلك ياها عأساس انو انا لحتى نتصالح
ماهر .. عنجد بتحكي
منى .. اي عنجد ومالك مسدء اسألها الها وانا رايحة نام فكر بالموضوع الي قلتلك ياه خليني نزلهن برضاك مو غصبن عنك
ماهر ولا حكا ولا كلمة ظل مصدوم انو فرح بالرسالة وطلعت سماح الي باعتتها
راحت منى تنام وماهر فتح الرسالة وقرئها مره تانية
ماهر .. حبيبي انا اشتقتلك كتير تعا خدني وانا اسفة كتير ع الي عملتو ياعمري وبوعدك معاد زعلك بشي
ماهر .. لك العمى حتى هي وانا قول لحالي من ايمتا منى بتتنازل وبتعتذر
وحتى صديقتها هكلانة همها وهي ولا معها خبر
ماهر فتح الواتس وبعتلا لسماح
ماهر .. موجودة ؟
سماح .. اي
طمني شو صار
ماهر .. يسلمو ع الرسالة
سماح .. انو رسالة
ماهر .. الي بعتيها كنت بتمنى لو كانت بالحقيقة منها
سماح .. ييييييي الله يخجلك يامنى فورا حكتلك عنجد خجلانة كتير منك يعني انا كان قصدي عأساس انو هاد الحكي منها
ماهر .. هههههه ولا يهمك فاهم قصدك
بس حبيت قلك انو منى مارح تتغير والي فيو عادة مابغيرها
سماح .. احكيلي شو صار
ماهر .. ولشي بس هلأ زعلانة بدها نت ع موبايلا
سماح .. بتسمحلي احكي
ماهر .. اي ولو تفضلي
سماح .. اي عادي اسمحلها بهاد الشي اولا بتتسلا وتانيا يمكن تتغير نفسيتا ويمكن تقرء شي ع النت تستفاد منو
ماهر .. لك لا مستحيل
سماح .. ع راحتك مابحب اضغط عليك
بس الله يهديها لو تغير عقلا
ماهر .. يلا بسيطة اسف اني ازعجتك بهيك وقت
سماح .. ولا يهمك واسفة مره تانية ع الرسالة
ماهر .. لا عادي تصبحي ع خير
سماح .. وانت بخير
سماح .. لك يعدمني ياكي يا منى بتحطيني بكل موقف احسن من التاني
في اليوم التاني
قعد ماهر شرب قهوة وراح ع شغلو ومنى كانت نايمة
دء باب البيت كانت منى لسا نايمة لأنو بتتأخر بنومها
منى .. مين
سمر .. منى انا سمر مرت محمد
منى .. اهلا وسهلا
لا تأخذيني بس كنت نايمة
سمر .. انتي الي لا تأخذيني اجيت بكير
منى .. لا ولو بعدين اذن الظهر وبتقولي بكير
سمر .. احترقت من الجو
منى .. رايحة جبلك مي باردة
سمر .. اي والله ياريت
منى .. تفضلي
سمر .. يسلمو ايديكي
منى .. الله يسلمك
سمر .. اي كيفو ماهر
منى .. منيح بسلم عليكي
سمر .. شو اخبارك انتي وياه
منى .. يعني ماشي الحال
سمر .. اول ماتزوجتو الكل كانو يغارو منكن ع قد ماكنتو تحبو بعض بتذكري
منى .. اي اكيد متذكرة
سمر .. بس حاسة شي غريب بحياتكن متل كأنو عين وصابتكن
منى .. كيف شو قصدك
سمر .. منى لاتزعلي مني حاسة انو علاقتك مع ماهر مو تمام
منى .. كمان مافهمت عليكي

سمر .. انا لو مابحبك وانك رفيئتي مابحكي هيك بس حاسة انو في تقصير منك تجاه جوزك
لأنو حرام دائما مهموم وزعلان وهوا بموت عليكي ودائما مافي ع لسانو الا منى
يعني يمكن تعتبريها وقاحة اني عم بتدخل بينكم بس معليش
منى .. احكي ولا يهمك
سمر .. منى حبيبتي الشب مابحب البنت الي بتهملو وبتهمل حالا
بحب البنت الي تهتم فيه ويكون من اولوياتها
منى .. بس انا مو مقصرة معو بشي ونحنا متفاهمين بس احيانا بصير بينا مشاكل ع اشياء بسيطة
سمر .. اي بعرف هالشي هي انا ومحمد بس نتخانئ وبتوصل صواتنا ع الجيران يعني مافي تنين الا ما يتخانئو
ورح تسئلي حالك كيف عرفت
انا اول ماتزوجتو كنت شوفك كيف بتهتمي بحالك وكيف بتغاري ع ماهر ومابتخلي يتطلع ع بنت وكل يوم تفتيش لموبايلو وكل مايروح ع مكان رجلك ع رجلو

الي استغربتو انو صار ماهر يجي علينا لحالو وانتي معاد اهتميتي بحالك وكتير امور خلتني اعرف انو اموركم مو زابطة

منى .. اي حكيك كلو صحيح بس يعني ماهر شاكيلكن شي
سمر .. لا ابداااا ماهر ماشفناه من اكتر من اسبوع وانا قلتلك انو لاحظت انو حياتكم تغيرت ف حبيتكم ترجعو منى وماهر الي بنعرفهم

منى في نفسها اي بقص ايدي اذا حكيك صحيح واكيد ماهر شاكيلكم والله لأفضحو

منى .. مشكلتنا هلأ انو حاسين بوحدة وملل وحياتنا كلا روتين مافيها شي جديد بس عم تمرء الايام مافي طفل يملي علينا حياتنا نحس انو عايشين مشان شي لك طفل يلعب بهالبيت يقلي ماما ويقلو بابا

سمر .. بس ماصرلكم كتير متزوجين الي متلكم لساهم عرسان ومابفكرو بهيك شي
منى .. الي متلنا بقررو ايمتا مابدهن يجيبو اولاد بس نحنا لا

#الجزء_الخامس ( انتهت )
@rwayate
#بقلم_رند_محمد
رحنا لعند خالة ام سعيد مشان موعدنا عند ام عصام ، اول ماوصلنا فتحتلنا الباب ، فتنا لقيتا متسطحة ومريضة كتير .. سألتا ماما شو صاير معها ..
ماما : خير ام عصام فيكي شي
ام عصام : كشفي ع ضهري وشوفي شبني
رفعتلا ماما البلوزة وشافت اثار ضرب بعصاية وجسما كان مورم و احمر ..
استغربنا ،
ماما : شو هاد !!
ام عصام : مبارح كل الوقت و انا عم اشتغل لروعة كانو عم يضربوني ، البنت يلي عاملتلا السحر ناوية تحبسون بجسما ماعم يرضو يطلعو منها ...
روعة : سلامتك خالة ، اذا كنت سبب بوجعك لاعد تكمليلي خلص
ام عصام : لا انا بدي ساعدك ..
اعدنا بغرفة فاضية وصارت تقرأ عليي لحتى ماعد حسيت ع شي بس الصوت يلي جواتي كان عم يبكي ويصرخ ويقول : مابدي اطلع .. لما بتحرقني
و ام عصام كانت تحااول معو و تقرأ بس هو متسلط عليي كتير وماعم يرضا يتركني
آخر الشي بعد عذاب ووجع توجعتو بجسمي وتعب صحيت ..
كانت ام عصام عم بتقول لازم نعملو صلح
عطتنا الطريقة يلي حيصير الصلح فيها ورجعنا ع بيتنا ..
اتسطحت ع تختي و كنت تعبانة وموجوعة ،
ماما راحت تعملي كاسة عصير .. فتحت موبايلي لاتسلا شوي ، بالصدفة كبست زر الكاميرا قام طلعت ع الكاميرا صورة وجه اسود وشعرو طويل مرخي على وجهووو ، انا تلبكت وتصورت الصورة ..
رجعت دخلت ع استديو الصور مالقيت الشكل يلي ظهرلي ع الكاميرا ، كانت الصورة للخزانة وبس ..
يالله ماعدت خايفة من شي ، بس شكلو ماعم انساه بخوف كتير ..
بعدين اتطلعت بغرفتي شفتو نفسوو كان اعد بزاوية الغرفة عم يبكي ونصو عم يحترق بنار .. انهارت اعصابي وصرت اصرخ : لككك شو بدك مني !!!
خلص مشان الله تعبت !!
فجأة اختفا ، فاتت امي بسرعة اعدت معي وضلت جنبي كل الوقت ، وهي ضاممتني رد رجع ظهرلي صرت اشرلا لأمي محل مو اعد بس مانا عم تشوفو
قربت منا وضميتا اكتر و غمضت عيوني حتى ماشوفو ..
حسيت بنار ع جسمي ، فتحت عيوني وبعدت شوي عن صدر امي شفتو رجعت واقف فوق راسي شكلو بخووف اسوود بأسود وعيونو مخبايين وشعرو مرخي عليي ..
صرخت من خوفي ، صارت امي تقرألي و اجا بابا كمان قرألي هيك لحتى هديت اعصابي و ارتحت شوي ..
حطيت راسي ع المخدة و التفكير آكل شقفة من دماغي ، وغفلت ..
بالوقت يلي نمت فيه ،اتصلت لما بأمي وكانت عم تبكي وملهوفة ..
لما : الوو ، كيفك
امي : اهلين
لما : بدي قلك شغلة
لما : روحي فكيلا عند شيخ لروعة ، كلشي عم يصير معا بدل ع انها مسحورة
امي : شو عرفك انها مسحورة !!
لما : الاعراض يلي عم تصير معها والشوفات يلي عم تشوفا كانت تصير مع رفيقتي وطلعت مسحورة ..
امي : امممم
لما : بدي سكر يمكن اجانا ضيوف
امي : اي سلمي ، الله معك
لما اتصلت وكانت حاسة بالندم ع الغلطة يلي غلطتا معي ، حست انو انا عم موت بسببا ، هي ماكانت بتعرف انو نحنا عم نروح لعند شيخة ونفك السحر ، كانت بكل لحظة ضميرا عم يأنبا ..
صارت الدنيا ليل و اجا وقت الشغلة الاخيرة ليصير صلح و اتعافى من قصة السحر و الاذى ..
كان المطلوب انو بعد الساعة 12 نص الليل اعد بغرفتي لحالي ع العتمة ضو الشمعة بس والباب مقفول ..
في بخور وصحن ملح صغير ..
اذا بشوف هيك مشهد بأفلام الرعب بخاف كملو فما بالكن بأنو يصير بالحقيقة معي !!
مابعرف كيف تحملت نفذ هالشي كنت خايفة كتير ،
انا وحدا تاني معي بالغرفة .. @rwayate
مابعرف كيف الله صبرني وخلاني نام ، ماعد حسيت ع شي للصبح ..
كانت الشمعة مطفية وبصحن الملح في خط ..
بوقتا رحنا لعند ام عصام و قالتلنا ، خلص الصلح تم ومن اليوم ماعد تتأذي ابداً ..
رجعنا ع بيت خالة ام سعيد ونحنا مبسوطين انو الحمدلله خلصت من هالهم يلي كان ع قلبي ، نحنا و اعدين اندئ الباب ..
قالتلي ام سعيد قوم افتح ، طلع ابن اختا " فراس "
دخل ع البيت اخد غراض و راح .. ونحنا بعدا رحنا ع بيتنا ..
فجأة بتتصل ام سعيد !!
كانت عم تطلبني لابن اختا فراس ، قال شافني و اعجب فيني سألت امي عن رأيي !
انا هون حسيت انو شب منيح و ارتحتلو ، وافقت ومشي الحال ..
خطبنا انا وفراس و كان عرسنا بقيانلو 4 شهور ...
انخطبت لما كمان لشخص كان بالبداية كتير منيح بس بعدين انكشف ع حقيقتو وطلع حقير كتير معاملتو سيئة معها ويقتلا .. انا كنت ازعل عليها لانو لما متل اختي مو بس عمتي وهي كانت ندمانة وحاسة بغلطا كل ماتشوفني تضمني وتبكي ، بدون ماتحكي شي او تعترف بيلي صار بس من جواتا كانت ندمانة ..
وعشت حياتي مع فراس بعد الزواج وبقيت شوفا للما وسامحتا لان اوقات الانشان ممكن يغلط من حرئة قلبو او من وجعو .. انا صح ما اذيتا للما بس يمكن وقت طلبني مهران وهي كانت تحبو حترئ ئلبا ، يمكن لما كانت الناس تلاقيني احلا منا كانت تدايئ وصار في حقد بقلبا ..
وبالاخير انا مسامحتا لان بتضل عمتي و اختي ورفيئتي 💙
#واقعية

#إبنة_قلبي
#بقلم_ياسمين_الشام
#الجزء_الخامس

آرام: سراج القادري!!! مو هاد نفسه إللي كان ينافسك زمان وبتذكر صارت بينكم مشاكل كتيرة

عبد الرؤف: هو بنفسه أنا وأبوه كننا شركاء بشركتنا الحالية وأسسناها مع بعض وهو كان مستلم أغلب الشغل عن أبوه وكان يخبص كتير بالشغل ويشتغل بالممنوعات ولما كشفناه طردناه من الشركة وأجبرناه يبيعني حصته حتى أبوه طرده من البيت وماعاد اعترف فيه بس هو ضل حاقد علينا لأنه نحنا إللي كشفناه

آرام: وبرأيك رجع لحتى ينتقم مننا عن طريق الشركة بأنه يأذيها

عبد الرؤف: تماماً صحيح أنا مو متأكد بس مافي غيره أله مصلحة يأذينا ويعادينا

آرام: بس يا جدي هو مو لحاله اكيد في أله إيد بالشركة وهو إللي بيوصلله الأخبار وينفذله طلباته والمصيبة الأكبر أنه هالشخص موجود بيننا بالشركة وبيعرف كل تفاصيل شغلنا لأنه بيشتغل بأريحية بس بوعدك جدي أنا مارح أرتاح إلا لحتى أكشفه لهالخاين وحاسبه بنفسي

عبد الرؤف: وأنا كلّي ثقة فيك يا أبني
(بنفس اللحظة سمعوا طرق على باب المكتب ودخلت أمينة وهي بتلهث)

أمينة: بعتزر إذا قاطعتكن بس في شي مهم

عبد الرؤف: خير يابنتي شغلتي بالنا

أمينة: إيلي ماعم نعرف وينها

آرام: كيف يعني مابتعرفوا وينها ليش ماكانت مع حلا بغرفتها

أمينة: كانت عندها بس قالتلها أنها تعبانة وفايتة ترتاح بغرفتها وكننا مفكرينها نايمة هلأ راحت حلا تفيقها ما لقتها بالغرفة كتير مشغول بالي عليها هي مابتعرف حدا هون وتليفونها مسكر

آرام وعبد الرؤف أتطلعوا ببعض بنظرة شك

عبد الرؤف: طولوا بالكن شوي خلينا نسأل أبو يحيى إذا شافها طلعت من البيت ولا لأ

أمينة: صحيح كيف راح عن بالنا نسأله

طلعوا الكل لبرا يسألوا العم أبو يحيى وأولهم آرام إللي كان الخوف مسيطر على قلبه وخايف على بنت قلبه

طلع سامان على أصواتهم ولقى حلا قاعدة ومتوترة: شوفي أختي شو صاير بالبيت

حلا: إيلي مختفية من كم ساعة ومابنعرف وينها وتليفونها مسكر

سامان: يمكن طالعة تتمشى شوي … امشي نطلع نشوف أهلك
طلعوا وراهم وكان أبو يحيى عم يحكي ولما وصلوا لعندهم سمعوا صوت آرام إللي كان معصب كتيير وهو عم يحكي مع أبو يحيى

آرام: عمي أنت متأكد من إللي عم تحكيه

أبو يحيى: أي يا بيك متل ما قلتلك الخانم إجت لعندي وقالتلي طالعة مشوار ضروري وراجعة بسرعة وطلبت مني ما خبر حدا أني شفتها طالعة

آرام: مسح شعره ووجهه بعصبية

سامان: غريبة وين بدها تروح يعني … حلا هي عندها رفقات بالجامعة؟

حلا: كل الوقت مع بعضنا انا وياها ومابنختلط كتير بزملائنا وماجابتلي سيرة حدا

سليمان: معقول تكون مخطوفة

أمينة: ولي عليكي يا بنتي كيف مخطوفة

آرام: لما سمع هيك جن اكتر وحس بنار شاعلة بقلبه إذا هي وجنبه بيخاف عليها من نسمة الهوا كيف وهو مابيعرف عنها شي

عبد الرؤف: لحظة يا جماعة طولوا بالكن عم يقول البنت طلعت بنفسها من البيت مو شرط تكون مخطوفة

حلا: بتبكي: يمكن بعد ما طلعت من الفيلا انخطفت او صار معها شي ميتحيل إيلي تختفي هيك بدون سبب، سامان قرب لعند اخته وحضنها ليهديها
اما آرام كان رح يموت من خوفه عليها لاول مرة بحس حاله ضايع وإيديه مربطين طفلته المدللة مختفية وهو مو قادر يعمل شي مرقت ساعة كمان ومافي اي خبر حتى تليفونها لساه مسكر بلش الخوف يتسلل لقلوب العيلة

آرام: أنا ما عد أصبر رايح على فرع الأمن

عبد الرؤف: أستنى يا أبني يمكن تكون عنجد مخطوفة لاتنسى كلامنا جوا إذا لجانا للأمن يمكن يأذوها

بنفس اللحظة سمعوا رنة تلفون آرام الكل صار عنده بصيص أمل

آوام: مسك تليفونه كان مسج من رقم مجهول فتحه وشاف محتواه أتبدلت ملامحه وصارت باردة كتيير ومخيفة عيونه السود صاروا متل الجمر الملتهب حاسس كل الكون وقف بهاي اللحظة

سامان: أخي شوفي ليش اتبدل وجهك هيك أحكي لا تخوفنا شو شفت بالمسج

قاطعهم صوت حلا لما صرخت: إيلييي ماما بابا رجعت إليانا

الكل ركضوا عليها ليتطمنوا عليها ويفهموا منها وين كانت بس هي التانية كانت متل الضايعة كانت تمشي بصعوبة من الصداع إللي هي فيه وقفت قدام جدها واتطلعت بالكل شافت نظرتهم وهني بيتطلعوا عليها وكانهم ناطرين منها تحكي كلمة وحدة بس من بين كل الموجودين عيونها ما شافت غيره بس خافت كتير من نظراته كان يتطلع عليها بغل وحقد باين على وجهه خافت كتيير هاي اول مرة بتشوفه بهاي الحالة

عبد الرؤف: بنتي احكيلنا ليش ساكتة هيك وين كنتي قلقتينا عليكي

إليانا: ممممما مابعرف

آرام: مشي بأتجاهها وكأنه بركان عم يغلي وقف قدامها وأتطلع بعيونها نظرة خلتها تنهار حاوط رقبتها بإيد وحدة لانها كانت طعيفة وحجمها صغير قدام طوله وضخامته

عبد الكريم: آرااام شو عم تعمل أترك البنت شو صرلك جنيت!!!

آرام: بصرااخ: بعدواا عن طريقي والله إذا اي حدا منكم بقرب غير لأدبحها بأرضها

الكل بعدوا من طريقه وحلا وأمينة صاروا يبكوا من الخوف وسامان عم يحاول يقرب منهم شوي شوي

#كف_القمر ♕✿♡✿♕
#بقلمي ☜#امل_احمد (◕‿◕✿)
#الجزء_الخامس ⑤ ♬
Telegram@rwayate
♬✿♬✿♬✿

طلع وديع من غرفة العمليات وشال الكمامه عن تمو واطلع بقيس يلي كان بحالة انهيار تام
قيس : طمني بيسان كيفها
وديع : نحنا عملنا يلي علينا والباقي على رب العالمين
قيس : شـ شو يعني
ثائر : اخي فهمنا بالالم نشرح كيف وضع بيسان
وديع : وضعها حاليا مستقر عندها ارتجاج بالمخ ورضه قويه بالقفص الصدري وحاليا رح تنتقل لغرفة العناية المركزة ورح نعطيها مسكنات ومنوم لحتى تبقى نايمه لانه لو فاقت مارح تسكت من الالم
قيس : بقدر شوفها
وديع : حاليا صعب جدا استنى لتفوق من البنج اول .. حمدلله ع سلامتها
ركا قيس ضهرو للحيط ونزل وقعد ب الارض ودموعو على عرض وجهو
ام ينال : ان شاء الله بتقوم بالسلامه طول بالك ابني
قمر : خلص قيس ماسمعت اخي شو حكا وضع بيسان مستقر بس بدها راحه لتتحسن وتقوم متل الحصان كرمال الله ماتعمل بحالك هيك قوم غسل وجهك وصلي ركعتين طلب حاجه لله
قيس :……
اطلعت قمر ب ثائر وطارق ورفعت كتافها وهزت راسها
اتجهوا الشباب لعند قيس وتجلسوا ع الارض حدو
طارق : قوم اخي قوم البكا للنسوان وانت رجال
Telegram@rwayate
ينال : تضرب انت وكلامك طارق… .. اخي قيس قوم معي لتغسل وجهك ان شاء الله بيسان مارح يصرلا شي
ثائر : انا كمان كنت حاسس انها بيسان انسانه نقيه من داخلها بس ظروفها خلتها تحبس حالها بدوامة الحقد والانتقام
اطلع قيس بثائر ومسح دموعو : انا كنت امها وابوها بعد وفاة امي الله يرحمها .. تمنيت عوضها الحرمان يلي عاشته وطالعها من دوامة 🌀الحقد يلي زرعها فيها اخي قاسم
ثائر : ان شاء الله كل شي بيتصلح والوقت كفيل يداوي جراحها بس هلأ شدلي حيلك وقوم لازم تبقى قوي وثابت لحتى بيسان تستمد قوتها منك
وسيم : جبتلكم قهوه يالله تعوا اشربوا وحاج تفاولو عالبنت ليكا متل الفل اسم الله عليها
بعد ماشربوا القهوه وهديت اعصابهم شوي غمز ثائر ينال لياخد اهله ويروحوا عالبيت
ينال عم يتصنع انه بيتثاوب… ااااخ ياربي مو حسنان فتح عيوني
قيس : خلص روحوا ارتاحوا و شكرا لوقفتكم معنا
ابو ينال : شو عم تحكي ابني هاد واجبنا
قيس : تسلم عمي جواد بس وجودكم هلأ بلا فايده خلص روحوا ارتاحوا وبس تفيق بيسان بخبركم
وسيم : خود سجل رقمي عندك واي شي بتحتاجه لاتتردد اخي قيس
قيس : تسلم وسيم
ابو ينال يالله ياولاد
Telegram@rwayate
قيس : طارق
التفت طارق ب اهتمام . اي قيس عاوز شي
قيس : رح تلقي القبض على بيسان بس تتعافى
اطلع الكل بطارق يلي وقف حاير وماعرف شو يرد جواب لقيس بس بالوقت المناسب جاوبو ينال
اخي قيس اختك كانت ضحيه واخوك استغلها وشوه افكارها اعتقد يلي صار رح نحسبه مشكله عائليه ومارح ندخل الشرطه بيناتنا ماهيك طارق
طارق : اي اكيد اخي وهلأ بالازن
قمر : انتبه عحالك قيس وطمنا على بيسان
قيس : ان شاء الله
ينال : وديع مناوب هون ازا صار شي فورا بتروح لعندو مشي
قيس : تمام
طلعوا من المشفى وتركوا وراهم قيس يلي فورا اخد نفس عميق واطلع للسقف ونزلت دمعه من عينه وهو يتمتم ويشكر ربه انه لحق بيسان قبل ماتغلط غلطه مايقدر يساعدها
حاج تبكي بيسان بخير
اطلع قيس جهة الصوت لقي ثائر بعدو مكانو ماتحرك
قيس : انت بعدك هون ليش مارحت معهم
ثائر : بكرى الجمعه ومافي شغل وبصراحه حابب ادردش معك شوي ازا ماعندك مانع
قيس : تكرم عينك
ثائر : لكن تعا ننزل للكافتيريا نشرب شي
قيس : يالله
┬──┬┬──┬┬──┬
Telegram@rwayate
نورتي البيت بنتي
قمر : تسلم لقلبي بابا
وسيم : ايه ام خدود هاتي خبرينا كلشي صار معك
قمر : خليها للصبح اخي والله تعبانه
طارق : روحي ارتاحي اختي بس بكرى نهارنا طويل مع بعض
بلعت قمر ريقها وخافت من لهجة طارق : شـ شو يعني بدك تستجوبني
طارق : وليش لأ مابيكفي يلي صار فينا من تحت راس كزبتك
ابو ينال : تروك اختك طارق… . روحي بنتي ارتاحي والصباح رباح
ام ينال : جوعانه حبيبتي
قمر وهي عم تتزكر المائده يلي قدملا ياها قيس : ها لا امي مالي نفس بدي اخد شور ونام يالله تصبحوا على خير
الكل : تلاقي الخير
فاتت قمر لغرفتها وفورا دخلت عالحمام شغلت المي السخنه ونزلت تحتها وهي مغمضه عيونها ومبتسمه عم تتزكر كل لحظه جمعتها مع قيس وبس خلصت لفت حالها بالمنشفه وطلعت نشفت شعراتها ولبست بيجامه زهر قطنيه وحضنت دبدوبها لترجع تسترجع احداث نهارها مع قيس
لك شبني انا ليش ماعم يروح قيس من بالي…… . وليش قلبي عم يدق هيك ليكون ❤️
مسكت دبدوبها وشوشته… شكلي وقعت بالحب يادبدوبي ومحدا سمى على قلبي 💓
✺✺✺✺✺
Telegram@rwayate
طارق : وضع قمر مو عاجبني
وسيم : ليش اخي
طارق : مابعرف حاسس في شي مخببته عنا
ينال : شي متل شو انت كمان كأنك مابتعرف اختك ماعمرها غلطت
طارق : بس كزبت اخي
ينال : هلأ بدك تمسكلا على هالكزبه
وسيم : اخي ماتكبر الموضوع هي كانت كزبه بيضه لحتى تروح مع رفيقتها
طارق : كأنكم ماشفتوا بعيونكم عواقب هالكزبه البيضه
وسيم وينال :………… ..

#الجزء_الخامس
@rwayate
كنت نازلة للشركة عم البس الكفات بإيدي وعم انزل درج الفيلا استغربت من ست الكبيرة الي واقفة بنص الصالة والخادمة واقفة بجنبها تجهت لعندها واشرت للخادمة براسي
زمرد:اتفضلي خالة
ام عمار:انتي زمرد مرتو لمروان
زمرد:بستغراب اي اتفضلي بتأمرني بشي
ام عمار :انا امو لعمار وابني طول هل فترة عايش هون معاكي بهل بيت
زمرد: بتلبك اهلا خالة شولونك نوراتي البيت اي عمار فوق لحظة لناديلو لفيت لإطلع فيقو
ام عمار:استني ... انا رح اطلع لعندو بدك تروحي تفيقي انتي ؟؟؟؟؟
طلعت لفوق وهي عم تستند على العكازة تبعتها وعم تطلع علي بنظرة ماقدرت فسرها ...
..........................
قووووم قوووووم خلصني قووووم فهمني يلااااا
عمار:برعب مين امي شو جابك لهون امي شو في ؟؟؟؟؟
ام عمار :شو جابني لكان انت واحد فلتان تاركني انا لحالي وجالسلي جنب الخانم هون بحجج فاضية تارك خطيبتك ونازل هون تحب وتتمعشق
عمار:امي شو هل كلام هاد شو بكي انتي مين خطيبتي وطي صوتك بلا ماتسمعك زمرد امي حاجة تخبصي
ام عمار :شوووو يا بعدي خايف تسمعني الخانوم اه
عمار امي اهدي وروقي خلني فهمك القصة
جلست مع امي ساعتين وانا اشرحلها واحكيلها وفهمها ما قبلت تقتنع غير لتشوف هي بنفسها مين هل البنت الي عشقتها ..... وقررت تبقى معي لا اخر الشهر وبنسافر انا ويها للمحافظة تبعتنا اذا ما عجبتها
اول اسبوع حسيت امي كتير مبسوطة فيها تحاكيها تضحك معها نسيت تالا وسيرتها شالتها من بالها تالا بتكون بنت رفيقتها وهي فكرتني بحبها وقررت انو اخطب بس ارجع من سفر هاي بس انا كنت رافض هل فكرة اصلا
................ بيوم كنا جالسين كلنا دق تلفونها جاوبت كان اخوها قامت لبست بسرعة واسأذنت مني ومن امي وطلعت كنت قلقان عليها بس ما اعطتني مجال اسالها عن شي طلعت بسرعة
........................
لما رن علي اخي سامي وقالي انو ابي كتير تعبان ماقدرت ماروح شفو لبست اي شي وطلعت ع بيتهم الجديد الي كان كبير وفخم لما وقفت قبال الباب ابتسمت بني وبين حالي انو يبدو مروان كان دافع مهر كبير كتير لياخدني
دخلت للبيت كانت عبير مرت ابي واقفة ودموع ع خدها بس شافتني لفت وجهها عني واختي رهف ركضت لحضني اما ريما وقفت بعيد وماحكت شي اخي سامي اشرلي ع غرفة ابي دخلت لعندو كان مدد ع تخت علامة الضعف مبينه عليه صوتو ماعم يطلع بصعوبة
قربت منو وابتسم الي وابتسمت الو حضنتو وانا ببكي وحكتلو رح جيبلك احسن دكتور ابي لتصير منيح
عيسى :هسس افتحي ايدي
طلعت فيه وتحت ايدي حط بإيدي سلسة
مسكتها وطلعت فيها كانت بإاسمي (زمرد)
رفعت راسي وطلعت عليه @rwayate
عيسى:هاي سلسلة كانت برقبتك لما اخدت من قبال البيت الي اهلك تركوكي عندو كنتي بعدك مولودة مالك 7 ايام شفت ابوكي لما حطك قبال باب لناس ودق الجرس وراح ماقدرت اتركك كان عندي شك انو الي بسلة طفل حملت سلة وبس شفتك انشرح قلبي بس هل سلسلة خبيتها سنين لحتى اعطيكي ياها وقت تكبري ....
طلعت عليه ودموع بعيوني ينزلو وانا ابكي واشهق مو عارفة ع حالي ولا عليه ولا ع ضياع الي انا فيه مابعرف
طلع علي وقال اخر كلمة سمعتها منو
عيسى:بنتي بتمنى تسامحني ......
وقعت ايدو من بين ادي وانا ابكي واصرخ ابي لااااا ابي كل اخوتي مصدومين وببكو طلعت فيهم وانا ببكي ولكل بطلع فيني وركضت رهف لحضني وهي بتبكي وبتقولي رح تبقي اختي لو شو ماصار انتي اختي اي اختي حضنتها وبكيت كتير
بعد ماطلعنا من صدمة دقيت لعمار وخبرتو ياجل سفرو شوي وخبرني انو اجلو فعلا وبدو يبقى لتم خطوبتنا خبرتو اني مابقدر لانو ابي توفى رح يتاجل هل حكي فترة واني رح ابقى هل اسبوع عند اهلي ليخلص العزا طلبت منو ينزل على الشغل بدل مني
بقيت اسبوع عند عبير واخوتي ماقدرت ارجع ناديها ماما ابدا وهي اصلا ماتغيرت
عبير:بس شو هل لبس هاد كسبتي من ورا هل عجوز دهب تاريتك مو قليلة وانا الي فكرتك قطة مغمضة
زمرد: استمعت لكلمها وبقلبي غصة منها كنت بدي باي شكل اجاكرها .رديت عليها . زمرد:هه ولسة ماشفتي شي ولا رح تشوفي شي مني بعد اليوم @rwayate
عبير:شلون مافهمت
زمرد:يعني شخص الي بربطني فيكي مات انا هلا رح روح ع بيتي وماعاد بدي تطلبي مني شي فهمانه ماعد الك عندي شي هي ابنك وبشغلو وبعطي راتب بكفي 4 عائلات لهيك ماعد تطلبي شي مصروف تاني
طلعت من عندها ونار شعلة فيها كانت تغلط علي وتسب وانا كنت حاسة بفرحة كبيرة اني حرقت دمها
.........
دخلت البيت كان امو لعمار جالسة قربت منها وجلست بجنبها بعد ماسلمت عليها وسالتها عن عمار
ام عمار:والله اليوم في اجتماع بلشركة لهيك رح يتأخر
طلعت فيها وقلت
زمرد:اي اي صحيح نسيت لازم اطلع على شركة انا كمان لانو مفتاح الدرج الي الاوراق معي طلعت غيرت اوعي بسرعة واخدت شنتتي وطلعت مع سواق الي طلع بسرعة فتحت شنتتي لتأكد من المفتاح شفت سلسلة الي اعطاني ياها ابي مسكتها بين ايدي ولبستها اما في شركة
............ @rwayate

#شٍيِّفِّرةّ_حٌبِِ,,,,,,
Telegram:@rwayate
#الجزء_الخامس...

كالعادة صحيت دارين وراحت عالحمام واخدت دوش دافي وطلعت .. كانت بتنشف شعرها بالسيشوار لما دخلت امها عليها ..
ام دارين: صباح الخير بنتي
دارين: صباحو ماما ..
اتطلعت بامها وشافتها متدايئة ووجها كامد ومعكر .. طفت السيشوار وسالتها: خير ماما شبكي؟
ام دارين: اختك عم تحكي معك شي؟
دارين: من يومين حكيت معها
ام دارين: وياترئ حكتلك انها اتطلقت ورجعت تشتغل
دارين «بصدمة »:لااا وايمتا صار ..طب ليش ماخبرتني؟
ام دارين: ليش هية خبرتني لحتا تخبرك الك
دارين: ومين خبرك لكن ؟
ام دارين: رفيئتها سالي .. اتصلت فيني وبعتتلي صورة عن ورقة طلاقها ..
دارين: الله يهديها ..طب مزالها اتطلقت .. ليش مارجعت؟
ام دارين: اكيد كرمال ترجع تشتغل عكيفها وبدون ماحدا يحاسبها ..
Telegram:@rwayate
صفنت دارين شوي ورجعت اتطلعت بإمها وشافتها كيف مزعوجة وكاتمة .. وئفت وراحت عليها وضمتها ..
دارين: خلص ماما لا تحطي بئلبك وما تزعلي حالك .. انشالله بكرا الله بيهديها وبترجعلنا .. بعدين لاتخافي علئ سيرين هية ئد حالها وعن ميت رجال ..
ام دارين: ياريتني ماخلفتها ..
وبلشت تبكي ..
حزنت دارين عإمها وحاولت تهديها .. اخدتها عالمطبخ وفطرو سوا وبعد ماخلصت لبس طلعت من البيت لحتا تلحأ شغلا ..
Telegram:@rwayate
"'"'"'"'"'"'"'"'"'"'"'"'"'"'"'"'"'"'"'"'"'"
كانت ماشية عالرصيف وهية عم تتفرج علئ محادثة الليلة الماضية مع الشخص المجهول ..
قمر: اي وبعدين مع هالحالة .. بتراسلنيبس كرمال تطمن عليي .. مين بدك تكون ؟ مشان الله عطيني اشارة وحدة عشخصيتك ..

سكرت الجوال وكانت بدها تحطو بالشنتة لما سمعت صوت حدا بيحاكيها ..
....:صباح الخير أمورة. .
التفتت واتفاجأة بمهاب وائف وراها ..
قمر: أهلين استاز مهاب .. شايفتك هون
مهاب: عندي شغلة هون ئلت بئضيها ئبل ما اطلع عالشركة وشفتك بالصدفة ونزلت سلم عليكي ..كيفك
قمر: الحمدلله ..
مهاب: بتحبي وصلك عجامعتك ..
قمر: لا مافي داعي ليكني وصلت ..يسلمو استاز مهاب ..
مهاب: له بلاها هي استاز مهاب ..خليها مهاب وبس .. خلينا اصدقاء
قمر: انشالله ..
مهاب: سراج طلع عالشركة؟
قمر :اممم طلع ئبلي ..كان مستعجل ..عحسب حكيو ئال ازا اتأخر رح ياكل نصيبو من ساري بيك ..
مهاب: تمام ..معناتا لإستعجل انا كمان لحتا ما اعطي مجال لـ ساري بيك يستفرد فيني .. بشوفك. .يلا سلام ..
Telegram:@rwayate
طلع مهاب بسيارتو وابتسملا ومشي .. اما قمر كانت مبتسمة وفجأة اتزكرت شغلة .. رجعت حملت الجوال وفتحت عليه وبلشت تئلب بمحادثاتها مع المجهول ولاحظت عند اخر كل محادثة بيناتهم بيحكيلا كلمة ما ممكن يغيرها ..
قمر: يلا سلام .. معئول .. !!

هالمجهول احتل عالم تفكير قمر وبلشت تشك بكل اللي حواليها وخصوصي انو كان يحكيلها أشياء عن حالها وزكريات من المستحيل يتزكرها الا شخص ئريب منها .. ومهاب اللي كان من الناس المقربين من سراج من لما كانت قمر صغيرة وتقريبا كان حاضر كل حفلة عيد ميلاد وكل مناسبة لمناسبات العائلة ..

"'"'"'"'"'"'"'"'"'"'"'"'"'"'"'"'"'"'"'"'"'"
وصلت دارين عشغلها وعطول ئعدت عاللابتوب وفتحت علئ ايميلها وبعتت رسالة ومحتواها «.. سيرين بس تفتحي حاكيني ضروري .. »
Telegram:@rwayate
سكرت اللابتوب وهية مزعوجة...
دارين: ايمت بدك تنعدلي وعئليتك المايلة بدك تنسبيها .. هاد بدال ماتكوني قدوة الي. عنجد سدء اللي ئال ..الله خلق أخين ماخلق طبعين ..

"'"'"'"'"'"'"'"'"'"'"'"'"'"'"'"'"'"'"'"'"'"
اما ساري وصل علئ مكتبو ومالئا حلا بمكتبها .. رجع خطوة لورا وسمع صوت جاية من الحمام .. كانت حلا عم تبكي وصوت حنفية المي شغالة لحتا يغكي عصوت بكاها ..
ئرب أكتر من باب الحمام وسمع شوي من كلامها عالتلفون ...
حلا «عم تبكي »:حرام عليكون ..انا كمان بشر .. بدك اعطي معاشي كلو مشان يشرب ويسكر ومايعود يضرب اخواتي .. هاد اللي بدك اياه .. «زاد بكاها » لكك يا خالتي فهمي عليي والله انا ماعم ئصر معوو بس هوة يتقي الله فيني .. ماشي ..خلص خلص هلأ بيجي مديري بالشغل بدي سكر ..

#الحب_المُرعب
#الجزء_الخامس

جودي: حتى لو انتبهي ع حالك… خدي كلي بزر
(اخدت رنا البزر وصارت تاكل)
جودي: اي وشو من شان عمر
رنا: مابعرف شبدي اعمل بهالبطيخ بس المهم مااسكتلو لعما اديشو دب ومابيفهم بالفعل انو بطيخ هففف لا وقال شو هو دكتور عيون وبا شو مقرف
جودي:….
رنا: ليش ساكتة احكي
جودي: (رفعت حواجبا وهي عم تطلع وراها طلعت رنا وراها وهي عم تقول…
رنا: لك تضربي شبك (لما دارت شافت عمر واقف وأيديه بجيوبو)
رنا(مستغربة) :شو جابك لهون
عمر(نزل وقعد قداما وطلع بعيونا بثبات):انا بطيخ
(رنا خافت منو ومن نظرتو)رنا: لك انت من ايمت بتعرفني لتصير ترعبني هيك من ايمت بتحكي معي لتاخد وش وتمزح وتضحك معي
عمر: حبيت نكون اولاد جيران
رنا: بس مو بهالطريقة
عمر: طيب خلص بطلت رعبك امشي انزلي امي وامك بدن اياكي
(نزلت رنا وعمر وجودي ضلت فوق لتحكي مع بهاء براحتا لان خالتا عندا بالبيت وفي ضجة…)
عمر: غريبة ماخفتي تنزلي معي
رنا: ليش لاخاف
عمر: انو بلكي رجعت رعبتك او عملتلك شي
رنا(سكتت وماعرفت شو ترد انو عنجد ليش ماخافت من النزلة معو وماخافت يرعبا او يسحبا من الدرج)
(دخلت عمر ورنا ع بيت ام عمر وكان في عالم)
رنا: مين هدول
عمر: بيت عمي
رنا: امم
(دخلت رنا سلمت عليهن كانت ام خالد مرت عم عمر وبناتا التلاتة موجودين بس)
ام خالد: ما شاءالله الله يحميكي يارنا
رنا: تسلمي خالة
ام خالد: شو رايك يانورا(ام رنا) بعد اسبوعين تجي ع عرس اخي
ام رنا: والله مابحسن يااام خالد
ام خالد: ليش
ام رنا: بعد اسبوعين عيد ميلاد رنا وبدي احتفلا فيه
ام خالد: ايوا اي ع قبال المية سنة يارب
ام رنا: تسلمي

#يتبع.... 👻🚶‍♀

#الجزء_الخامس

☆ #عشر_ليال_في_عالم_البرزخ ☆


_ وفي الليلة الخامسة رأيتهُ بكيفية، أحجمُ عن ذكرها ووصفِ لي مزايا عالم البرزخ. شاهدتهُ في زاوية من ذلكَ القصر الواقع في البستان الكبير الذي رأيتهُ في المنام في الليلة الأولى.

قال لي:إن هذا القصر وهذا البستان هما لي دونَ غيري ويُعطى لكلّ روح من أرواح المؤمنين الشيعة مثلهما أو افضل منهما. أترغبُ في التجول في البستان والتفرّج في أرجاء قصري الجديد؟

أبديتُ رغبتي في ذلك، فقامَ من مكانهِ فورًا وتجوّل معي كان البُستان واسع الأرجاء. وكل ما فيهِ يُغاير ما نراه في الدنيا وكانت الرقّة والشفافية تبسطُ ظلّها على كلّ شيء. وتجري في وسطهِ عدّة أنهار أحدها نهر من حليبٍ خالص ذي شفافية مفرطة وطعم لذيذ جدًا، وقد شربتُ من هذهِ الأنهار، ولذا لا إجد سبيلًا إلى وصفها. وهناك في الجانب الآخر من البستان نهرٌ آخر من عسلٍ مصفّى وكانَ زَلَالًا سلسًا وغير لزج وذا طعم لذيذ جدًا وكان يجري وسط البستان نهرٌ ثالث وماؤهُ الذّ طعمًا واكثر شفافية من ذينِك النهرين ويُدعى نهر الكوثر وكان يُضفي على البستان زينة وجمالًا منقطع النظير وفي هذا البستان بلابل متنوعة ذات ألوان مختلفة تبهر العيون وكانت اشجاره ذات ثمر كثير وكانت هناك آنسات تقوم بدور الخدمة وصبيان نطلق عليهم (غلامان) يقفون على أهبّة الأستعداد لتلبية أوامر صاحب البستان وكان تراب البستان ذا عطر فوّاح حتى أن الإنسان يحسبهُ مسكًا وزعفرانًا. إلا ما حيّر لُبّي هو أن هذا البستان على رغم عجائبه وعظمتهِ كان بالنسبة لي يقع في البعد والحالة الثانية لكوني لا زلتُ أعيش في الدُنيا.
فهوَ كالصور ذات البُعدين تمامًا إذ حينما تنظر إليها من الجانب الآخر ترى البعد الآخر لها. وحينما ألقيتُ نظرة على البستان رأيت النجف الاشرف وضواحيها، أعني مدينة النجف ووادي السلام والصحراء القاحلة التي تحيط بها.

ولكن لما ركّزت فكري ونظرت إلى ذلك المكان المقدّس بالبُعد الآخر كما يصطلح عليه وشاهدت البستان والقصر وما فيهما.

ونستشفِ من كلام السيد (مُحمّد شوشتري) أن هذا الأمر خلاف ذلك بالنسبة اليه، فهو يرى هذا المكان بحالة وبُعد برزخي في المرحلة الأولى يعني انه يرى البستان والقصر معًا ومن ثمّ يرى النجف الاشرف ووداي السلام في البعد التالي. هذا هو الاختلاف بيني وبينهُ،
فهو يتمتع برهافة من العيش اكثر في البستان والقصر كما يرى احيانًا أشياء لطيفة ورقيقة جدًا بيدِ أني ما كنت أراها بصورة واضحة ولَم أحسّ بها.

فقد قال لي مرة: انظر إلى نهر الفرات الذي نحسبهُ في الدنيا ماءً ملوثًا بالطين والجراثيم، فما اصفاهُ هنا وانوره!
وما اطيبهُ وأعذبه!

ولمّا نظرتُ اليه من البعد الدنيوي رأيته نفس نهر الفرات الذي يمرّ بمدينة الكوفة، ولكن حينما نظرت إليه من البعد البرزخي رأيته زلالًا وشفّافًا ومتلالئًا إلا أني ما أدركتُ رائحتهُ وطعمه.

وكانت أشجار الفاكهة في البستان تحمل كل نوع من الفواكه، أي تحمل شجرة واحدة احيانًا انواعًا كثيرة من الفواكه التي لا يمكن قياسها بفواكه الدُنيا ابد..

وكان نسيم هذا البستان عليلًا جدًا، بحيث أن الإنسان يحسّ بلذّة لا مثيل لها عند استنشاقه.

واما القصر فكان مزدانًا بأنواع الزخرفة التي لا استطيع وصفها، وقد كنتُ واقفًا في وسط البستان وأنا كالمنزول به.
وفجأة التفتُّ إلى نفسي ورجعتُ إلى سابق عهدي، فرأيتُ نفسي وحيدًا في غرفة نومي!!.

.
.
يتبع

____________________________

كتاب #عالم_الأرواح_العجيب
للسيد حسن الأبطحي..

#الجزء_الخامس
_حسان_

آلاء:حسان اخي قوم شوف رنوة عم تاكل قتلة من امك

حسان:شو لليش

آلاء :مابعرف بس اصواتن كتير طالعة

حسان:رايح شوف

نزلت لمكان الصوت وشفت ماما كيف عم تضرب رنوة بالخيزرانة من كل قلبها وحسام عم ياكل الضرب هو عم يحاول يحمي رنوة

حسان :ماما يا ماما شبك

احلام:بعد بدي ربيها لهالحقيرة

حسان:تعي لهون مين بدك تربي بالضبط

اطلعت ماما عالارض وشافت انها عم تضرب حسام

احلام:حسام اسفة يا ابني لك شو اعدك هون انت اه

حسام:عم تضربيها بدون رحمة ليش شو عملتلك بشو اذتك؟

احلام :انا بعرف شو اعمل شو دخلك انت مية مرة قلت محدا بيدخل فيي بتصرف عكيفي

حسام :بتتصرفي عكيفك وقت تكون هالشغلة بتخصك مو بتخص اختي

احلام:هلئ صارت اختك

حسام:اي اختي وحتضل اختي

بقيو عم يتخانقو وانا التفتت لرنوة وشفتها عم تبكي من وجعها عم تحاول تقوم لتستند عالحيط بس كانت ترجع توقع
قربت منها لساعدها

احلام :بعدو هيك يلي بقرب عليها والله لأغضب عليه عم تسمعو

حسان:يا ماما مالك شايفتيها كيف مو قادرة تتحرك

احلام:مو مشكلتي اطلعو لبرا

ضلت تدفشنا حتى طلعنا وسكرت الباب هلى رنوة وقفلتو

وطلعت على غرفتها متجاهلة كل صراخنا ورفضنا

رنوة:اااااه مشان الله يا حساااان حساااام لا تتركوني هوون بخاااف من العتمة انا بخاااااف ياربيييييييي

حسان :اهدي اهدي رنوة نحنا هون

حسام:خلص حبيبتي لا تخافي مارح نبعد

كان قلبي من جوا عم يتقطع عليها
ضلت تبكي بصوت عالي وتصرخ وتتوجع
بالاخير معاد اسمعنا صوتها ضلينا نصرخ ونصرخ بدون فائدة
والماما طلعت من البيت مشان ما نضل ننق عليها ونناديها

حسان: طيب شو العمل هلئ فهمني

حسام :مابعرف مابعرف انا خايف عليها بركي صرلها شي

حسان:واضح انو صرلها شي صوتها ماعم يطلع
اطلع انت وبدل تيبك اكيد تعبان

حسام:انا رجال طول بعرض اتوجعت من ضربها كيف رنوة اتحملت كيف

ارتخيت عالحيط وحطيت راسي بين اديي
حبيبتي جوا متوجعة.. بردانة.. دايخة وانا مو قادر اعمل شي
مو قادر اتحرك ابدا
ياربي تصبرني بس

.....................
_ريتا_

كنت فايقة بالليل ورايحة اشرب مي اسمعت ماما عم تبكي
ارتعبت وحطيت ادني عالباب لاسمع
وسمعت...

ماما:ياربي ما بدي اكسر بخاطر بنتي... بس والله الحالة ديقة
دوبني عم وفي اجار البيت والاكل
كيف بدي قلها هالشي اكيد حتزعل ياربي ساعدني

رحت عفرشتي وقلبي محروق
مو لانو مارح يصرلي حفلة متل كل هالبنات
ولا لأنو حالتنا ديقة
قلبي محروق على ماما يلي بتتحمل كلشي وبتبقى ساكتة
كيف قادرة تكبت كلشي بقلبها كيف
كيف بتتحمل هالوجع وبتضل مبتسمة وعم تفرجينا ضحكتها وخافية كل الاسى والحزن
مابعرف بس انا لازم اتنازل عن سعادتي لأجلها
لازم اتنازل عن كلشي مشانها
هي امي.. امي يلي لو بعطيها روحي ما بوفيها بشي عملتو معي..
حطيت راسي عالمخدة وانا مقررة شو اعمل.. الصبح رح احكي معها وحل كلشي..
...............

طلع الصبح على أبطالنا
طلعت الشمس بأشعتها الدهبية لتعطي الطاقة والحيوية
كل حدا منهن حط راسو عالمخدة وهو مهموم.. زعلان..تعبان
بس الا ما تفرج.. ما في شدة بتدوم.. ما بدوم غير رب العباد...

...............
_حسان_

احلام:صباح الخير

حسان :صباح النور

اكتفى حسام بهزة من راسو

حسان:شو مشان رنوة لايمت حتضلي حابستيها هيك؟

احلام:انا يلي بقرر هالشي سلام

حسان:حسبي الله ونعم الوكيل
اجلتو السفر؟

حسام:سفرتنا بكرة حتكون مابعرف اذا حنسافر او لا

حسان :ايواا
طيب اسماع بدي استشيرك بشي

حسام:تفضل

حسان:بما انو انتو مسافرين كلكن
وانا والاء بقيانين هون مع رنوة
عم خطط اعمللها حفلة بمناسبة نجاحها
بس انو اذا بتضل انت هون وبلاها سفرتك

حسام:فكرة حلوة كتير
بس خليني سافر احسن مشان ما تشك ماما بشي وانت شو ما بتحتاج خبرني

حسان:شكراً حسام
ما بتقصر

حسام :تكرم اخي

حسان:انا رايح شوف رنوة اذا صحيت

حسام:جاي معك

رحنا نشوفها دقينا عالباب ما ردت

حسام:رنوةة رنوووة ردي شو صاير نومك تقيل

حسان: رنوة يا رنوةة فيكي شي

حسام:لتكون بعدها دايخة

حسان :والله مابعرف

بلشنا نخبط عالباب بقوة
ونصرخ وننادي بدون استجابة

................