#رنيم : موافقة

#امي : شوووو عم تخرفني انتي امي ارجعي لعقلك ..الشاب معاق شو بدك تعيشي عمرك كلو تشيلي وتحطي فيه ..انسي امي انا مارح اقبل..
@rwayate
#رنيم : بس انا قبلت وهو مانو معاق هو جريح حرب افهمي امي مانو معاق بعدين احمد بيحسن يوقف على طولوا وانا كتير قبلانة فيه ,,

#امي : ياعمري يا امي انتي تعبتي على حالك لتخلصي طب ..وجميلة بكل العيلة مافي حد بجمالك ..قليلي شو ناقصك لتتزوجي شخص مابحسن حتى يمشي على رجليه ..شو بدك اتشمتي بنات العيلة فيكي ..

#رنيم : اهااا وهو كمان مهندس ومانو جاهل ....امي انتي شو ماقلتي انا موافقة على احمد انا بدي احمد ومارح اتزوج غيروا واللي بدو يحكي يحكي كلامهن ..مارح يقدم ولا يأخر مارح يخليني سعيدة ولارح يخليني تعيسة ,,هاي حياتي انا حرة فيها وانا اللي اخترتها ..

#امي : يا امي يا اعمري لاتخليني اتحسر عليكي ..انتي اخر العنقود عندي وكل خواتك اتزوجوا ورجالهن مافيهن عيب ..بكرة رح تشوفي من تتزوجيه لاحمد شلون مابحسن حتى يمشي جنبك الا بدي تسوقية على كرسي..

#رنيم : امي قلتيلي ازواج خواتي مين رامي اللي يوميا جايب اختي مورمة من الضرب هاد اللي جسمو سليم استغلو ليستقوي على اختي ..ولا عبد الله التمبل اللي 24 ساعة قاعد بالبيت واختي تشتغل تجيب لالو اكل وشرب هو واولادوو ...هادولي اللي جسمهن سليم ماااا بس عقلهن كومة خراب مابحسنو حتى خواتي يتفاهمو معهن ..بس احمد امي ماكان ذنبو هالشي وانتي عارفة ..انا رايحة غرفتي اتعبني يوميا النقاش امي معك ..
@rwayate
#امي : لا حول ولا قوة الا بالله ..ماعرفاني شو اقلك غير الله يهديلك عقلك للصواب ..

((صارلي على هالحال شهر وانا كل يوم بنفس الموضوع مع امي ..لا هي مرتاحة ولا قبلاني اني ارتاح ..انا الدكتورة رنيم محسن دكتورة اطفال..العمر 26 ...انا قصتي شوي معقدة ..او يمكن شوي لصبية متلي مانها مقبولة ..قضيت عمري لاكون بالمراتب الاولى بكل شي الدراسة العيلة العمل ..والحمد لله حسنت وصل لهالشي بقيت محط انظار كل العيلة انا الاخت الصغري او اخر العنقود ..عندي اختين ووكمان اخوين ..حياتنا مستقرة ووضعنا كتير جيد والحمد لله ..ابي دكتور جراحة ..وبيملك مستشفى خاصة ..قصتي بلشت يوم اللي اتصل ابي عليه لأجي ساعدو بالمشفى ..لان عندو ضغط عمل كتير ..اخدت تاكسي واطلعت لعند ابي وانا بالطريقة كانت معي سيدة تقريبا بال 50 من عمرها ومعها بنتها ..كانت حزينة ومتوترة وكانت تحكي مع بنتها على اسم الدواء اللي مكتوب بورقة الدكتور ..

#المدام : امي اقريلي شو مكتوب هون بالورقة

#البنت : امي ماني فاهمة هالاطباء مابعرفوا يكتبوا ..

(انا وقتها ابتسمت بداخلي ماحبيت اظهر قدام المدام وبنتها ....ماحبيت اضحك تفتكرني عم اضحك على جروح الناس بس انا ضحكت لانو اسلوب الاطباء بالكتابة مانو مفهوم ..

#رنيم : خالي اعطيني الورقة اقرائها لالك
\

#المدام : الله يرضى عليكي يابنتي خدي اقريها هاد دوا لابني احمد مشان العصب ..

#رنيم : اللي يشفيه لالك بس هاد الدوا للكبار ..

#المدام : اي يا خالتو ابني شاب عمروا 29 الله يشفيه ويرجع يوقف على طول وبنات الناس يرضوا فيه ..

#رنيم : ان شاء الله خالتو ام شو بقلولك ..
.

#المدام : انا ام احمد .

#رنيم :بس مافهمت عليكي ليش مايرضوا فيه

#ام احمد :.ابني احمد هو بكري هو سندي... مهندس يا خالتو ابني قد حالو .. درس ببريطانيا ..

#رنيم : ماشاء الله مهندس وليش بتقولي مابقبلو فيه قليلي شو معو ابنك ..

#ام احمد : اخ يا خالتو ابني لو تشوفيه شاب ياخالتو شخصية حلو والله كانو البنات يقتلو حالهن عليه ... ابني سفرتوا برا يدرس ..درس هندسة صواريخ ومتفجرات يا خالتو انا كان يقلي يا امي بدرس هندسة تطبيقية بس ماكنت بعرف انو متخصص بالمتفجرات ..رجع يا امي لعندي مشان اجوزوا رحت خطبت لالو وحدة وكان طايرة عقلها فيه وهو كان رضيان ياخالتو فيها ماتركنا شي الا جبناه لالها لبسناها وزنها ذهب الله يسامحها ..شو بدي قول ..
@rwayate
(السواق مندمج بالحديث ..

#السائق : والله بنتي ياام ام احمد جوزتها لواحد مالبسها الا محبس يشهد الله انو شايلها على كفوف الراحة فقير وعلى باب الله بس بنتي بتقلي يابي اللقمة اللي بتجي من عرق جبينو لزوجي شو طيبة ..
@rwayate
#ام احمد .: الله يخليك يارب ...والله يا اخي هاد اللي صار لبسناها توبها ذهب ...بس اللي صار ..ابني بيوم اتصلو عليه بالشغل قالو انو في عبوة ناسفة ما انفجرت تعال فكها ...راح ابني متل عادتو بحل هيك قصص ..اللي صار الناس اتجمهرت حوالين العبوة الناسفة ..ابني صار يقلهم بعدو هيك هاي العبوة رح تنفجر لانو تحكمها مع شخص واقف بينكن وصار يصرخ بعدو مافي وقت بقيان ..بعدو ابني مادار ضهروا الا ابن الحرام فجر العبوة بين هالناس ..اللي مات واللي تقطعت اشلائوا حسبي الله ونعم الوكيل..

بس الله أطلع ابني من فوق وبعدو الحمد لله عايش بس هالتفجير دمر لابني كل العصب وصار يا امي نصف مشلول ماتركت مشفى ولا تحويلة سفر الا عالجتو فيها الحمد لله تشوهات مافي بس بضهروا كم جرح ..والعصب ضعيف صار بيحسن يوقف بس مابحسن يمشي ..ومن بعدها يا خالتو خطيبتو تركتو طلبت الطلاق الله يسهل عليها ...انا مابدي لوم البنت بس هي اخدت ابني مافيو شي نصيبوا هيك ..

#السائق: لا حول ولا قوة الا بالله مابعرف هالناس كيف بتفكر لو عندي بنت والله لاعطيه اياها انسان بدافع عن بلدو ووطنو وحامي اولاد بلدو هيك شاب بنحط على الراس اللي يعوضوا خير ..

#ام احمد : والله حالتو اتأزمت رحت اخطبلوا غيرها اكتر من وحدة ماحد قبلان والله ..

#رنيم : االله يبعتلو خالتو اللي ترضي الله وترضيي صبرك ..

#ام احمد : امانة عليكي ياخالتو انا مابدي احرجك بس لو اتقدملك شاب متل هيك بتوافقي..

#رنيم : اكيد خالتو حقو ماناقص متلو متل هالشاب ..وهاد قدر ربنا مكتوب يصير فيه هيك ...

الجزء التاني ..

#ام احمد : عم اتجامليني والله

#رانيا : لا والله ياخالتو ماعم جاملك

#ام احمد :ابني ماعم يطلب شي بس بدو بنت مثقفة والله بدي افرح فيه انا استشهد لالي ابن وبقيان احمد وكمان اخوه الكبير اللي من ابوه ..بس هاداك لامو .. احمد العاقل فيهن والله بدي افرحوا وكل يلي بنروح لالهن بدرسو جامعة بس مابقبلو... في ناس وافقو يعطونا بس البنت درويشة على باب الله ماكنا مفكرينها هيك بعتتنا عليها عمتو لاحمد من اوصلنا حتى حكي استغفر الله مابتعرف انا مابعيب على خلقة الله لا والله ...بس طلب ابني بحالتو هاي صعب ..هون يا سواق نزلنا ايوه عند هاي المشفاا كم اجارك ..

#رنيم : وصل خالتو الايجار وانا كمان نازلة هون..

#ُام احمد : الله يجبرك بخاطرك ماكان لازم اتعزبي حالك ..انتي كمان لالك مريض هون ..

#رنيم : لا خالتو انا بشتغل هون هاي المشفى لابي وانا دكتورة اطفال ..

#ام احمد : معقووول

#رنيم : شو هو المعقول خالتو هاد المصعد اتفضلي..

#ام احمد : معلش خالتو حقك عليه ماقصدت احكي عن اللي بوافقو عن حالة ابني جاهلات..

#رنيم : بعرف خالتو متفهمة للوضع وانا بقلك اياها بمصداقية انا ماعندي مانع لو كان نصيبي شخص عندو اعاقة جسدية ..

#ام احمد : هون غرفة ابني اليوم عندو تشخيص للبلاتين يلي برجلو ..اها وهاد الدكتور رأفت محسن ..كيفك دكتور والله بدعيلك ليل نهار انو ربنا يكتبلك الخير بكل مكان

#رنيم : كيفك بابا

#ام احمد : ياصلاة النبي وهاي بنتك طلعت

#بابا : اي ام احمد كيف امورك طمنيني عن صحتك بالاول الضغط تمام عندك ولا تفوتي نعملك فحص تاني ..اهلين بابا جيتي والله جابك مضغوط كتير ,,,روحي مع ام احمد ابنها محتاج محلول جلكوز .. ام احمد تعي يابركة اخلي الممرضة تعملك فحص جبتي اسم الدوا اللي قلتك عنو ..

(انا من كنت احكي مع ام احمد اتفاعلت معها لاني حسيتها قريبة على القلب او كأني شفتها قبل هيك بس ماني متذكرة وين او يمكن ملامح وجهها شبهتن لشخصية مو مشكلة ام احمد ست بسيطة وراقية من عيلة متحضرة وحياتهن المادية جيدة متل حالتنا هاد اللي افهمتو من كان يحاكيها لام احمد ويسالها عن جوزها وشركتو ..كان ظاهر من كلامو لابي انو على معرفة بعيلة ام احمد ..انا رحت نفذ اللي ابي طلبو اني ركب محلول جلكوز لابنها اللي كان نايم عم يتألم بسرير المشفي ومن قربت عليه ...

#احمد: رنييم

#رنيم : احمد لااا ماني مسدقة عيوني انت احمد ماغيرك ..

#احمد: اي والله احمد والله احمد انا هيني قدامك بس حالتي غير يلي كنتي بتعرفيها قبل ..

#الجزء الثالث..

(قبل 6 سنوات بالزبط ..يوم تكريم اوائل طلبة البكالوريا ..قابلت احمد بالحفل الختامي للطلبة كان جالس جنبي كان جاي يحضر حفل نجاح اخووه زين اللي كان الاول على المنطقة وانا الثانية ..من قابلتو بلش حديثي معو على فرق البسيط اللي بيني وبين اخوه زين ..احمد اللي عرفتو هاديك الفترة كان شخصية جدا عملاقة وذكي فوق العادة ومحترف بكل شي كان متفوق لابعد الحدود كان هو الشخص الوحيد يلي كان عم ينافسني ..احمد شخصيتو كتير رائعة هو طويل وصاحب بشرة برونزية لاعب كمال اجسام وعيونو سود وشعروا من الشعر الغزير الشي المميز فيه هي لحيتو السودا اللي فيهن شعرات حمر وهني اكتر شي جذبوني فيه ..شخص هادي بطبعو ودقيق وحركتو خفيفة ...وغامض لابعد الحدود حياتو كلها مبنية على الالغاز كنت دائما ادخل بسباق معو لافهم طبيعة الاشياء اللي بحكيها ..عشقو يفك شي ويرجع يركبو ...بحب دائما الاشياء العطلانة ...مدتي اللي عرفت فيها احمد كانت بس سنة بس الاحداث اللي صارت بهاديك السنة هي اللي ماخلتني انساه لاحمد ..بلش تواصلي مع احمد على برنامج الهوتميل بالاجازة الصيفية بالبداية كنت انا واحمد بسياق حديثنا بالبداية على العلم والابحاث والتخصصات يوم عن يوم كانت علاقتي عم تكبر مع احمد تعلقت فيه لابعد الحدود.. كان مايكمل يومي من دونو او بالاخص هو حبي الاول ومن بعدو مال

الجزء السابع ..
Telegram@rwayate
((تعي جاوبيني كم مرة وقفتي انتي قدام امك تشكيلها من افعال رفقاتك لالك..كم مرة سمعتلك وانتي عم تبكي لان الانسة في المدرسة ما اعطتك حقك..بيك كم مرة قلتي لالو تعا خدتي شي مرة من المدرسة او خدني شي رحلة دائما كنتي تبكي قدامي لاقدر خفف عنك وانا ابكي تحت حرامي وماحد يحس فينا..اول مرة جيت صارح امك وقلها عن رفيقي واني بحبو كنت صغيرة عمري 13 سنة ضربتني وصارت تقلي عيب ومابصير ..ياما كان قلبي عم يوجعني وماحد كان حاسس فيني
..ودائما عذرهن مشغولين عنا اشغال ورانا مناوبة بدنا نجيب مصاري نعيشكن . اي في مصاري بس للاسف مافي سعادة لالنا بس علمتنا الانحراف . اقل شي كنت اجي اسال امك عن وجود الله تقلي مابعرف بالغيب..هاد افضل جواب لالها..طيب انا عندي افكار بدي اعرف شو يعني الله شو موجود ورا هالعالم المختفي..ليش الاجابات كانت محدودة سواء منها او من المدرسة ... وكتير وكتير..شو ماحبيتي الحكي..ليش عم تبكي وجعتك ما...لاتزعلي هني بياخدو منا المصاري وبيعطونا حنان ..وبيك وامك بعطونا مصاري وبيحرمونا الحنان وهيك اتعادلت القوانين والموازين..

#ورد :- واذا انا وانتي مرينا بهيك حياة ليش انتي ما اتحملتي مثلي..

#جوري:-لك بدي جن من كلامك لك صرت ابكي واضحك على تفكيرك..لك انا مابتحمل ..انا بدي ابني حياتي بالطريقة اللي تناسبني بدي بيت كلو حنان ..هالشي مالقيتو بجبر ولا بميسر كلهن كذابين ولا حتى بيوسف..

#ورد :- يوسف

#جوري:- اي يوسف شوبك اتفاجأتي ..

#ورد :-شو دخل يوسف بالقصة ..

#جوري:- يوسف هو الحبيب السري لاختك جوري ..

#ورد :-شو عم تحكي انتي..جنيتي فوتي الف موضوع في بعض ماعدت افهم عليكي ..

#جوري:- انا يلي دليت يوسف عليكي وانا يلي خليتو يحبك وانا يلي عيشتك بوهم لتطلعي من القرف يلي اهلك معيشينك فيه..انا يلي كنت عم حطوا بطريقك بس انتي غبية ماعرفتي تتملكيه وهو مل وزهق منك لهيك رجع لعندي..

#ورد :-لا لا انتي مريضة انتي فيكي شي ..انتي اساسا مو اختي اللي بعرفها..انتي وحدة ساقطة ومنحرفة بمعنى الكلمة ..لاعاد تجي تسألي عني لا انتي اختي ولا بعرفك..لك مو مشان واحد خسيس مثل يوسف لا هو ولا غيروا بيسوا قشرة بصل ..لاني فكرتك اخت بتخاف عليه..لانك فكرتك قلبي يلي بيرجف بدون ما احس..لك كان نفسي تجي تقليلي مالازم تصاحبي وهالشي مابصير عم ادلي شباب على اختك اتفي عليكي لك شو يلي صرلك اختي يلي اجي اشكيلها من حد اذاني هيك تعمل معي انا بكرهك بكرهك..اسمعي اذا بقيتي على هاد الحال كل صورك وافعالك رح اخلي ابي يشوفها رح ورجيه كمية القرف يلي نايم عنها لازم يوقفك عن حدك ..اذا هو ما اتحرك انتي خلاص ماعاد لالك مكان بينا ..مكانك في حاويات الوسخ والعالم المنحرفة

((نزلت وانا عم ارجف من حكي اختي معقول عم املك هيك اخت انا.. ماعاد في بلساني كلمة توصف يلي عم يصير تحت اسم متزوجة عم تمارس كل المحرمات ..ابي وامي وزوجها معمي على بصرهن وما عاد يحسو عليها ))

#السائق :-بنتي فيكي شي بتحبي ساعدك شي اتفضلي امسحي دموعك..

#ورد :-شكرا لالك..
Telegram@rwayate
#السائق :-سبحان الله كنتي اخر راكب معي ..مستعجل اروح شووف بنتي اشتقتلها بعد يوم عناء ..هلاء بتكون عم تنطرني هي تقريبا بعمرك لاتبكي يابي الدنيا بتهون عند حضنة اب وام ..شو ماكان عم يصير معك فضفضي لاهلك هني رح يساعدوكي ..

#ورد :-اهلي 😢 نزلني هون ..


#مؤمن :-ليكها شرفت اتفضلي وين باقية..

#امي :-كانت عند اختك اتركها ..

((وقفت لقيت امي كامشة موبايلها وعم تحاكي رفيقتها وتعطيها نصائح عن حياتها..وابي يلي مشغول بالتلفزيون بعد يوم طويل..وانا يلي عيوني وارمين من البكي ..يلي كل الشارع انتبهت اني عم ابكي واعطتني نظرات الشفقة ..فتت غرفتي وطبقت الباب وعلى صوت ضرب الباب القوي لحقتني امي..

#امي :-صرعتيني ..شوي شوي سكري الباب..

#ورد :-حقك علي امي حقك علي..انتبهتي اني طبقت الباب بس ما انتبهتي اني عم ابكي وقلبي محروق..

الجزء الثامن ..
Telegram@rwayate
((بدي كون لالها السند بدي خبيها تحت رموش عيوني..بدي من اول ماتوعى على الدنيا اسألها عن حال مدرستها وشو عملت وشو اخدت مع انستها..بدي اسمع قصصها مع رفيقاتها..بدي انطرها على باب مدرستها بالثانية لوقت خروجها لاكمش ايديها ونرجع سوا على البيت .ومن تصير على وجه جواز بس اسمع لقلبها عن رايها عن حبها..عن جوا قلبها ومن يلي صار ومين عم يملكو..بدي غار لانو في حد غيري بدو ياخد مكاني ..مارح جوزها لأي حد ..رح اتركتها تختار يلي مناسب لالها ولقلبها ولعمرها ولحتى لالي..شخص يحبها..بدي كل ليلة اجي اتفقدها اذا حرارتها مرتفعة او لاء..ومستحيل غيب نام ليلة وحدة بعيدة عنها..بنتي هاي قطعة مني . شلون ما احافظ عليها...شو امي وجعتك اكيد ..لانك مابتعرفي هاد الحكي لانك عم تعتقدي انو الحياة الحلوة انك تشتري لالي افضل شي وتتباهي بأفضل ديكور واحسن ضيافة . وافضل سهرات..بدك تكوني مبسوطة بفرح رفيقتك لان بناتك عندهن سيقان بجننو والقصير عليهن طالع يعقد...كم مرة حكتيلي عن ديني كم مرة قلتي لاختي عن وجود الله...انتي شايفة حركاتها وتصرفاتها وقصة الشعر والاوشام يلي بلشت تعملها بحالها شايفة انتي ومغمضة ...

#ابي:-شو في ليش صوتكن طالع شو يقولوا الجيران ورفقات اخوكي ...

#ورد :-بدي ارتاح امي خوف من الجيران شو يقولوا...عن اذنك...

((يمكن حكيت بقساوة تجاة امي ..يمكن حسيت اني زعلتها واثرت عليها ...كلامي كان يوجع ويجرح ..بس مو بإيدي الضغط يلي صار معي خلاني هيك احكي...نمت وانا عم ابكي ..مر قبالي شريط حياتي كلو ..كنت اتحسر على حياة رفيقتي صفاء البسيطة ..وشلون حياتها كلها اهتمام وخوف من اهلها ...اتذكرت كم مرة عايرتها لاني بملك اشياء هي مابتحسن تملكها ..وشلون كانت عم تقهرني من اشوف امها عم تبتسم على باب المدرسة وناطرتها ...يمكن هالشي كان تافه وسخيف بس اثر فيني بشكل كبير ..اثر على اختي بطريقة غلط ..ووصلتها لهيك حال...يمكن انا كنت لاقي اختي عم تسمعني بس هي مالقت حد يسمعها ماكان فيها القدرة تجي تشكي لحد اصغر منها ومارح يفهمها..

#الساعة 3 بالليل ..فقت على مسجات عم تصلني من جوري ..ماكان لالي نفس افتح المسجات ..بس من شفتها باعتتلي..

#مسج جوري ..بترجاكي ردي....

الحقيني ورد انا بمصيبة الحقيني ردي عليه _

__ اذا دقيتي لقيتي موبايلي خارج التغطية لاتخبري اهلي بترجاكي ..
Telegram@rwayate
(( من الرعبة ماعرفت شو اعمل حسيتها عنجد واقعة بمشكلة لان اختي مو من طبعها ترسل لالي شي مثل هيك رفعت موبايلي بدي اتصل عليها اول رنة والثانية فصل الموبايل وووصلتني رسالة تحديد موقع...لوهلة حسيت اختي هي اللي فصلت يمكن تكون مخطوفة وخافية الموبايل ومن دقيت فصلت وبعتتلي الموقع هاد كل يلي فكرت فيه لحظتها..ولحسن الحظ ابي وامي كان عندهن مناوبة دقيت على تاكسي ليلي ...

#ورد :-رح اعطيك ضعف التوصيلة بس بترجاك وصلني على هاد المكان..

((اطلعت وانا عيوني على المراي تبعت السواق كان على طول عم يطلع فيني صرت بدل الخوف اتنين ...بدي بس يوصلني ..بلش يفوتني من طرق مخيفة ومهجورة..

#ورد :-نزلني بسرعة لاتصل على الشرطة..

#السائق:- استغفر الله العظيم اختي انا مابدي شي منك..بس بدي قلك انو هالطريق مابتناسبك وانا عم وصلك للمكان يلي اعطتيني عنوانو..واعوذ بالله بيني وبين الحرام..

#ورد :- اوك شكرا .. نزلني هون ..

#السائق :-البناية العالية هو هاد العنوان ..
Telegram@rwayate
(كل يلي مشعل نور بالحارة هو ضو بعيد على راس الشارع وكم شقة معهن اما بالبناية كانت شقة وحدة بس شاعل ضوها ....اما الباقي كانت ظلمة على الاخر ..وصلت لعند البناية يلي كان مدخلها مكب نفايات المنطقة وبالقوة لفتت..ووصلت الدرج ..كنت عم دور على الشقة يلي شاعل ضوها..وصلت لعندها دقيت الباب وانا مرعوبة ..اول دقة وبلشت احس بخطوات اتجاهي..

#ورد :-جوري انتي هون ردي عليه...جوري سامعتيني اختي..

((كنت عم احكي بهمس كنت خايفة عليها .لحد يسمعني .شعلت الاضاءة من موبايلي ووجهتها اتجاه الدرج.... لاني كنت عم اسمع الحركة من هونيك..بس شعلت الاضاءة ماعدت اسمعت صوت الخطوات....

#ورد :-مين هون ...جوري ردي عليه سامعتيني اختي..

((صفنت دقيقة وقربت اذني اتجاة الباب لاسمع شي من جوا الشقة ..حتى لو انفاس ماكنت عم اسمع شي الاصوات مرعبة بس...لوقت دق موبايلي من رقم جوري رفعت الموبايل ..

#ورد :-الووو جوري دخيلك ردي انتي وين قليلي..

#جوري :-هههههههههه سوبرايز ...

#ورد :-جوري سوبرايز شو يابنت حاجتك ضحك انتي شو عم تخبصي سكراني شي ...جوري ردي عليه..

((بلشت صارخ عليها لتوقف مزحها الثقيل لاني بمكان لا احسد عليه ...دقات قلبي بلشت تتسارع ونفسي داق ..لوقت اسمعت صوتي من اتصال جوري ركزت بالصوت ..ماكان صوت اتصال دايركت كان صوت تسجيل فيديو بحفلة احضرتا انا وهي ..وقع من ايدي الموبايل بعد ما انفتح باب الشقة ..وانحطت ايد على تمي ..كانت ظلمة فوق العادة ماني شايفة شي.