#النصف_الاخر

#التالتة_والرابعة 3?4

#قصة_رعب ..

ميس اتطلعت بأمي خايفه وقالتلها ماما شو هاد؟ ..! حكتلها امي ردي عليها ..!! مسكت حجر ورمته .. صفنت المره وحكت أنا مش متفائلة .. العين ماقرّبت من الحجر تبع بنتك ميس .. بنتك التانية خليها تقرّب مني شوي .. أنا بهاللحظة توترت .. وتطلعت عبنات عمي وقلتلهم بهدوء .. امك من وين بتجيب ها?شكال ؟ ..! ضحكو بصوت واطي وأنا مسكت حجر وعاملة نفسي مو سائلة و? خايفه ورميته وانا بضحك .. وبعد ثواني رفعت البصارة إيدها ومسكتلي إيدي وحطتها على الحجر وشدّت عليها .. أنا صرخت وقلت شو عم تعملي وجعتيلي ايدي .. تطلعت عليه بنظرات غريبة ومخيفه وبلّشت تعبس وتشد على حواجبها .. أنا ارتعبت من تصرفها وحكيت ?مي مشان الله بكفي قليلها تبعد إيدها عني ..! حاولت اسحب ايدي بس كانت شادة بكل قوة .. وشوي وشالتها وقالتلي .. العين عليكي يابنتي ..! العين عليكي ..! حكيت استغفر الله .. انتي شو عم تخبصي .. عين شو .. وعليه شو ..! امي قالت احترميها بنتي وخليها تكمل .. قالتلها شو شفتي احكي بترجاكي .. قالت بنتك عليها عين قوية .. وباين انه .. انه .. حكتلها امي انه شو ..! احكي ..! قالت باين انه رصد ..! امي توترت وصارت عم تعرّق .. ومرت عمي صفنت فيه وببناتها وبان انها خافت .. امي قالت شو عم تحكي .. رصد شو الله يكفينا الشر ..! حكتلها في رصد على البنت .. وباين انه من ذكر .. في ذكر بحياتها .. عينه فيها وبده ياها .. هوه ذكر .. وغير هالشي العين كانت قريبة منها كتير بس بنفس الوقت عم تتجه للحجر اللي رمته أختها .. يعني اختها الها ع?قة بهالموضوع .. ميس قالت انتي عم تخبصي .. خلصينا بقى وشيلي هالمحرمه من قدامنا وبكفي تخبيص شو شايفيتنا هنود ..! ضحكو بنات عمي ومرت عمي سكتتهم وأنا بلّشت أفكر .. رحت بسرعه لجوا .. وجبت الجكيت ا?سود .. اعطيته للبصارة وقلتلها تفضلي .. هاد شي مابعرفه لقيته الصبح بخزانتي .. عليه عطر رجالي أنا بحياتي ماشميته على حدا .. شو بتفسري هالشي؟ ..! قالتلي هاد دليل أكيد ?نه في حدا حابك .. وبده ياكي بس مش قادرة أعرف شو طبيعية هالشخص ومن أي مله ..! حكيتلها شو بتقصدي .. قالتلي انتي في بحياتك حدا ؟ ..! أنا توترت من سؤالها وارتبكت وسكتت .. رجعت سألتني .. في بحياتك حدا جاوبي ..! قلتلها ? .. ماكنت بقدر احكي ايوه ?نه ماما مابتسكت لو عرفت هيك شي وممكن تحكي لبابا وساجد بحجة خوفها علينا من و?د الحرام .. وبنظرهم كل شي علينا بخوّف .. حكتلي بنتي لو بتكذبي احكي بكون أحسن قلتلها مابكذب أنا مافي بحياتي حدا قالت امي بناتي مربين بعدين مو وقت ها?مور ه? .. عندهم معهد ودراسة وطموحات .. حكت بنتك بتكذب .. في حدا بحياتها وبحبها وبتحبه .. حكيتلها انتي مابتفهمي .. قلتلك مافي ..! حكت ? تكذبي
يتبع ..

#النصف_الاخر

#الحلقة_السابعة_والثامنة 7?8

#قصة_رعب ..

انا بهاللحظة انبسطت وتغيرت كتير .. بس كنت خايفه اقوم أغسّل وكنت مو طايقه المي ومابدي أحطها على وجهي .. جابولي ياها لعندي بطشت كبير .. وغسلت منها .. بس بلحظات كنت بحس انه مخي مشوّش وعم بكره اللي بحبوني وبدي أضل لحالي وأحس إني متدايقه من م?بسي وبس بدي أرميهم .. حاولت أمنع نفسي أعمل هالشي وما افكر بأي شي سيء .. خصوصاً بعد الد?ل اللي شفته من أهلي فجأة .. أرتحت ونمت ساعتين بدون ما أحس بشي وصحيت على صوت أهلي جوا الصالة كانو عم يحكو مع حد .. باب غرفتي كان مشقوق وكنت سامعه نص الحكي بس من بعيد .. قمت ?سمع كان صوت البصارة .. كانت عم تحكيلهم ك?م ما كنت فاهميته با?ول بس لمّا ركزت قدرت أستوعب .. حكتلهم الظاهر إنه بنتكم ممسوسه .. وإذا هاد الك?م اللي قلتوه صار .. فاللي شفته بالفال تبعها وتبع أختها أله تفسير واحد .. إنه بنتكم أسماء معشوقة من جن وصايبها مس العشق .. وهالنوع من الجن مابترك معشوقته اللي إختارها إ? لحتى يتملكها وتكون إله ويبعد عنها كل مين بحبها .. ?نه التملك عنده بكون أهم من أي شي .. وبدليل إحساسها بوجود حد جنبها بالحمام وبغرفة النوم .. وم?بسها اللي خلعتها فجاة ورمتها من الشباك .. هالشي كان بأمر منه ?نه بحب يشوفها بدونهم على طول ..! انتو ?زم تنقذوها قبل لهالملعون يستحوذ عقلها ويتملكها نهائياً .. سمعت ميس عم تحكي وصوتها برجف .. قالتلها كيف فينا نساعدها .. حكتلها انتي اختها التوأم وباين انك شبهها ..! والفال تبعك اللي شفته بعد مارميتي حجرك ماببشر خصوصاً إنه القطة اللي نقتلت كانت إلك ..! حكتلها ك?مك بخوّف فهميني ليش وكيف !! قالت اللي فسرته إنه الجن دخل بيتكم لسبب ما .. أسماء عملت شي ماحد بعرفه غيرها لحتى أغرم الجن العاشق فيها وحبها وقرر يتملكها .. وتقريباً هيه العين اللي شفتها واللي تأكدت منها ه? .. هيه عينه اللي ماغابت لحظة عن بيتكم و?نه شفتها عم تكبر يعني القصة رح تكبر وتتطور .. وقرّبت منك كتير .. بابا خاف وامي نفس الشي وقالولها بنتي ميس شو دخلها؟ .. قالتلهم ?نها من نفس الجينات تبع اختها .. يعني من نفس البطن وطبيعي يكون قريب منها غير إنه بتشبهها .. وبالبداية كان دخوله لهالبيت عن طريق القطة .. قتل روحها ودخل فيها لحتى يضل مقرّب من بيتكم .. وانتو شهدتو عهالشي من بعد مادفنتوها ورجعتو مالقيتوها .. وشفتوها عايشة ..! ومتل مابتعرفو الجن بتشكّل بأي شكل بده ياه إن كان إنس و? حيوان .. شو هالتفسير غير انه الجن تملّك القطة ليضل جنبكم ومع أسماء .. امي زاد خوفها وقالت يعني هوه معنا ه? ؟ .. قالتلها وبكل لحظة كمان ..! وممكن انتو تنأذو .. والنصيب ا?كبر ميس ..! ميس قالت بس أنا مو حاسه بشي .. أنا طبيعية
يتبع ..

قصة رعب جديدة🌝🚬
#النصف_الاخر
#ⴅმძ3Һค

#النصف_الاخر

#الحلقة_الاولى_والثانية1

#قصة_رعب ..

* القصة والشخصيات من خيال الكاتب ، لكن ا?حداث وا?عراض الواردة قد حصلت كما هي مكتوبة مع أشخاص في الواقع و?زالت تحصل إلى ا?ن .
يوم .. هوه يوم واحد .. غيّر كل حياتي مية وتمنين درجة وقلب ميزان وعداد وساعات عمري كلها .. ضعت بطريق ماعرفتله نهاية ومتاهه ما في الها مخرج .. كنت بحاجة لعمر جديد يخليني أحذف عمري اللي عشته من قبل أو بضربة قوية على راسي تنسيني كل شي صار معي بهاليوم اللي ماقدرت أنساه لهاللحظة اللي عم بكتب فيها واللي عم تقرأو كلماتي فيها .. صحيت مبسوطة كنت مبسوطة كتير و?ول مرة ماكنت بعرف ليه هالقد فرحانه فتحت عيوني ورفعت راسي عن المخدة بعد مادخل ضو الشمس من الشباك عوجهي .. اتطلعت على باب الغرفة .. كان مفتوح نصه مشقوق .. كان البيت هدوء و?ول مرة مابسمع صوت صراخ بابا وطلباته الكتيرة ?مي و? صوت امي عم تنادي على اختي و? صوت اخي عم بحكي ?مي وين الفطور .. كنت مستغربة من هالشي ومستغربة انه باب الغرفة كان مفتوح .. ?نه أنا مستحيل أنساه مفتوح أو ما اسكره وراي قبل ما انام بالليل .. قمت وفتحت الشباك ورحت للمطبخ بسرعه بدون ما أتطلع على شي أو تلمح عيني على الصالة أو غرف القعدة .. كنت عطشانة كتير وناسيه حتى اشوف موبايلي إذا حبيبي آدم بعتلي شي أو ? .. شرّبت لحتى ارتويت وبعد هاللحظة سمعت صوت من جوا حدا نادا عليه .. أسماء ! وينك؟ قلت ميس؟ ميس ! عصبت وماكان بدي يخرب هاليوم والهدوء اللي صحيت عليه ?ول مرة وينتهي بعد كم دقيقة .. دخلت ميس تصرخ وتقول .. اليوم الجمعة وآخر يوم بالسنة وأخيراً ? في معهد و? شي .. أنا مبسوطة .. مبسوطة إنه اليوم رح نحتفل أحنا وبنات عمي بنهاية السنة قلتلها شكراً ?نك ضربتيلي مزاجي بسبب موضوع تافه صاحية مبسوطة ومروّقة لحتى تحكيلي هالشي التافه .. قالتلي ? أسماء اليوم رح ننبسط صدقيني .. بتعرفي بنات عمي شو قالولي؟ حكيتلها مابدي أعرف شي .. بنات تافهات ماعندهم هدف بحياتهم غير التصوير واللبس والطلعات ومعرفة الشباب شو رح يكونو قايلينلك غير شي تافه كالعادة ! قالتلي ? في شي مهم .. في وحدة من بنات عمي على معرفة بالمطرب المشهور ريّان .. صفنت فيها ووقعت كاسة المي من إيدي وصرخت وقلت شو ! ميس بتكون اختي التوأم .. نحنا بنشبه بعض كتير لدرجة معظم الناس بتستغرب الشبه يلي بينا وبقولو انه نحنا فولة ونقسمت لنصين وط?ب كتير وأساتذة بالمعهد بخربطو بينا .. ونحنا فع?ً هيك من كتر مابنحب بعض وبنوثق ببعض كتير .. و?دتنا كانت مشتركة وطفولتنا كانت سوا .. وماغبنا و? لحظة عن بعض .. بس هيه على ع?قة قوية مع بنات عمي .. اللي أنا بعتبرهم تافهين بس بهاللحظة كان الشي اللي سمعته مهم بالنسبة ?لي
يتبع ..

#النصف_الاخر

#الحلقة 11/12

#قصة_رعب ..

ماكنت بكذب بهاللحظة بس متذكرة المشهد اللي دخلت فيه عغرفة ماما وشفتها بتنفخ ببلوزة ?لي واللحظة اللي سمعت فيها ميس بتحكي مع شخص وبعدين دخلت عغرفتي .. لمّا طلعت منها ماكنت متذكرة شي من هاللحظة .. حكيتلهم صدقوني مو متذكرة انا ه? طبيعية وحاسه بكل شي .. شو صار .. أنا حكيته شي زعله . ؟ .. صفنو ببعض وانا سكتت .. وفجأة قلتلهم أيوه بحبه وبدي ياه .. وغصب عنكم رح أتزوجه .. وآدم رح ينحرق قدام عيونكم ومارح أرحمه أبداً فاهمين .. تطلعو عليه وكانو لسه ساكتين وخايفين .. مسك بابا ايدي وفتحلي الفراش وقلي نامي حبيبتي .. نامي صار مغرب وساعة ورح يصير ليل .. ريحي حالك انتي تعبتي اليوم .. طلع هوه وساجد وانا نمت .. غفيت وماكنت واعية على حالي بس كنت كرهانة ريحتي ?نه من ت?ت أيام المي مالمست جسمي .. تركوني نايمة واجتمعو برا كلهم مع بعض .. كنت بغفى وسامعة صوتهم خافت ومن تعبي غفيت .. صحيت بعد ت?ت ساعات تقريباً .. كان هدوء وكنت جوعانة .. عرفت انه الساعة ت?ت الفجر .. قررت اقوم اكول .. ماكنت خايفة من شي ?نه تقريباً مو متذكرة شي من كتر اللي صار معي بهالفترة أحداث .. وانا رايحة للمطبخ سمعت حركة بغرفة ميس .. كان صوت متل ضرب أو خبط خفيف .. كان مسموع .. وأنا كنت سامعته منيح ?ني قريبة من غرفتها .. استغربت وخفت .. هيه صح بترفس بس تنام بس مو لهالدرجة .. قلت بفتح الباب عليها .. حطيت ايدي على الباب وصرت بدي أفتحه .. ولمّا زاد صوت الخبط الخفيف تشجعت وفتحته .. لقيت ميس واقفة عالتخت بطريقة مخيفة وتقريباً مو ?بسة نص م?بسها .. وأول ماشافتني جنب الباب صرخت بصوت عالي .. وقالت خلوه يتركني .. بترجاكم وصارت تضرب بحالها وبشي جنبها انا مو شايفيته وكأنه في حد عم بقرّب منها وعم تضرب فيه وكأنها هيه بس اللي شايفته .. عم ترفسه برجلها وتضربه بإيدها بس عالهوا .. دخلت لعندها ولبستها بالشرشف وبهاللحظة دخلت لعندي ماما .. قلتلها ميس عم تصرخ الحقو فيها شي .. فتح ساجد الضو وبابا دخل معه .. وكان مغمى عليها .. جاب كاسة مي وكبها عوجهها لصحيت .. قالت شفته جنبي .. قلها بابا مين بنتي؟ .. قالت واحد ماكان ?بس شي .. قرّب مني وصار بده يمسكني من إيدي ويشدني لبرا الغرفة وانا صرت أخبطه ?بعده عني .. انا خفت من ك?مها وتذكر اللي شفته وقت كنت بوعيي وقلتلهم نفس اللي شفته .. قال ساجد الصبح رح نروح عالشيخ اللي قال عنه آدم .. انا قلت هوه قال عشيخ ؟ .. اذا بعرف حد خليه يوخدنا .. قال بابا اعطاني رقمه ورح نروحله .. وفجأة صابني الصداع النصفي المعتاد .. صرخت بوجههم وقلت مارح تروحو عالشيخ ولو بدها تنطبق السما على ا?رض .. مستحيل أخليكم ولو بدي أحرق هالبيت فيكم !
يتبع ..

#النصف_الاخر

#التاسعة_والعاشرة 9?

#قصة_رعب ..

قلتلها بكفي بكفي أنا صرت بكرهكم .. اتركوني مابدي حد غيره .. حكتلي ميس انتي هالقد بتحبيه ?دم لحتى مابدك تتزوجي حد غيره .. حكيتلها ? آدم بكرهه .. مابحبه .. حكتلي لكن مين هوه اللي مابدك حد غيره ! ؟ .. سكتت وما جاوبت .. وكان كل تفكيري بساجد اللي رح يجيبلي صاحبه يخطبني .. وكان بدي أهرب من هالقصة بأي طريقة .. دخلت على غرفتي وسكرت الباب ومنعت حد يدخل عندي .. حاولت ماما تدخل بس قلتلها بدي أضل لحالي أنا منيحه .. بس أنا ماكنت منيحه أبداً .. كان الجو لسه غبره برا والناس صارت تفوت على بيوتها حتى صحاب المح?ّت سكّرو ?نه الغبرا دخلت لعندهم .. بالرغم من أنه الوقت لسه عصر .. وأنا بهاللحظة كنت بفكر أهرب من البيت .. ماحد رح يشوفني لو طلعت وماحد رح يسأل .. والناس مشغولة بالجو .. كان من المستحيل إنه أطلع من الشباك الصغير اللي بغرفتي ?نه نحنا بالطابق التالت ومافيني أنزل منه إ? إذا بدي أنتحر .. وأنا مستحيل أقتل نفسي لو الدنيا كلها أسوّدت بوجهي ووصل اليأس حده عندي .. قلت ?زم أهرب بسرعة قبل لتشوفني أمي وميس .. وبهاللحظة كنت واعية على كل شي .. فتحت باب الغرفة وصرت أتطلع .. لقيت أمي بتعمل صوف بالصالة .. وميس كانت عم تدرس وباب غرفتها مفتوح .. ضليت واقفة جنب الباب وبتطلع لحد ما ماما دخلت على المطبخ تشوف الطبخه واللي استغربته انها سكّرت باب المطبخ برغم إنها بالعادة مابتسكره .. وأنا بهاللحظة كان ?زم أهرب قبل لترجع .. فتحت الباب وأخدت موبايلي وشنطة صغيرة ?لي كان فيها م?بس .. طلعت بسرعة ونزلت من البيت .. وقبل ?نزل سمعت صوت ميس عم تنادي على ماما وبتقلها .. ماما .. أسماء هربت من البيت .. ماما ما لحقتني .. وميس حاولت تمشي وراي بسرعه بس كنت سريعة ونزلت على الحارة .. ماكان في حد كتير وكنت مغطية نفسي .. لقيت تكسي بوجهي .. طلعت فيه وقلتله لو سمحت امشي بسرعه .. كنت عارفة انه ميس رنّت لبابا أو ساجد لهيك حاولت أمشي قبل لحد يجي ويشوفني .. ماكنت عارفة لوين بدي أروح .. ومين بدي أشوف .. بس كان بدي أخلص من الجو المشحون اللي بالبيت .. وحياتي اللي صارت كلها تعاسة وكئابة .. وشعوري الحقير اللي عم بحسه كل ما بنام .. تطلع عليه صاحب التكسي مستغرب من شكلي .. ليه كلي كدمات .. حكالي بدك مساعدة .. بدك مستشفى؟ حكيتله ? .. قلي طيب ماقلتيلي لوين رايحه .. أنا فع?ً ماكنت عارفة لوين بدي أروح .. بس للحظة رنيت لريّان .. سمعت صوته ..! المطرب المشهور عم بحكي معي .. قلي مين؟ .. حكيتله أنا أسماء البنت اللي حكتلك عنها اختي .. قلي ايوه تفضلي .. حسيته مو طايقني ومل من قصتي ومابده نزعجه بدليل ك?م رفيف بنت عمي .. قلي تفضلي عم بسمعك ..!! قلتله بدي أشوفك .. حكالي طيب انتي وين
يتبع ..