.
.الجزء التاسع :-
.

.#امي :- عم اتعيط على امك قدام الناس ياخسارة تربايتي فيك ..لك انا اللي بدي افرح فيك .. انا اللي بدي تشوف ايام حلوة هيك عم تنبحت بوجهه امك ...
انا نازلة مابدي شوفك بالمرة ....
...

#قصي :- الله معكم ..واتتي ست لمى انزلي معها مابدي شوفك ...
.
(( انا ماكنت متوقعة ردة فعلو لقصي قدام امو وضرتي من بعد ما طردهن من البيت ...كنت اخر شي اتخيلو هاد الشي ...

.#امي :- مابصير امي اللي عملتو بضلا امك وهالشي حرام ...
.
#قصي :- مرت عمي ..شو بدي ساوي امي اللي لازم توقف جنبي تعبتني ... امي جبت هاي الاغراض بدي عزبك حطيها على السفرة بدي اجيب مرتي تاكل ....
...
#امي :- ماشي امي يالا ...

.
#قصي :- شوو يامرتي مانك حابة تحكيني والله اشتقتلك ..دخيل هالوجه الحزين ..متى بدي شوووفو مفتح ورضيان ...ثواني موبايلي بدق...
..
.
#الوووو اي حبيبي ياشريك جاهز كل شي اي تمام تمام بعد 3 اسابيع اي تمام احسن شي ...

#امي :- يالا امي تعو السفرة جاهزة ...
.
#قصي :- مرت عمي في خبر راح اخدها لمرتي على المانيا لاعالجها طلعوا تذاكر الطيران
.
.#امي :- الله يريح قلبك امي ..الله ياخد بيدك وتحسن تعالجها...
.
#قصي :- ان شاء الله ..مرت عمي ..امي بدي اسالك تعي شوي برا..
.
#امي :- يالا يا ابني جاي...

#قصي :- امي مانك ملاحظة انو بطنا لتسنيم منفووخة شوي خايف يكون الورم عم يكبر واتاخر انا ..لان سفرها بعد تلات اسابيع

#امي :- والله امي عم الاحظ هالشي احتمال هيك ...
.
#قصي :- ماشي امي رايح احمل مرتي لاطعميها بيدي ...
.
(( حملني قصي وقعدني على السفرة وبلش يطعميني بالقوة وانا ماني قادرة ...بصراحة كان هالشي يخفف عني اللي صار...واللي صار من ورا زواجو من لمى...اهتمام جوزي فااق كل شي ...اكتشفت انو رغم مرضي الا انو ماتركني .مانها بس شفقة لا محبة كمان....
.
#قصي :- حبيبتي صرلي اسبوع وانا عم اترجاكي تحكي معي ...على العموم حبيبتي ..لمى جاي تاخد اغراضها لان بقياني تحت ..مارح تعيش هوون ....وانتي ياعمري لا تتواجهي معها ..وبوصيكي مرت عمي لاتتواجهي معها.. انا رايح جيت التذاكر لان بعد يومين ...سفرنا ...احبك حبيبي ...سلام..
.
#تسنيم :- ميسر حبيبي وانا بحبك...
.

#قصي :- 😲 اخيرا حبيبي حكيتي اخيرا والله اشتقت لهاد الصوت ..والله اشتقت اسمعها منك ...والله ياعمري والله خليني احضنك شوي قبل لاروح 😢😢...

#امي :- الله يخليكن يا امي لبعض ويبعد عنكن شر الناس ...روح امي استعجل وتعال ....
.

(( طلع قصي وهو طاير من الفرحة وعيونو لحالن بيبتسمو ...وامي بلشت تجهز الشنت تبعت السفر وهي مبسوطة...

#امي :- ههههه فرحلي قلبي هالقصي والله يا امي بحبك بجنون ....
.
#تسنيم :- امي شوو هاد الصووت مين اللي عم تصرخ...

#امي :- العما هاي النورية ماغيرها لمى ..ابصر شو مالا...خلينا هون جوزك وصاني مانتواجه معها...
.
#تسنيم :- امي شو صرلا العما وهاي حماتي كمان عم تصرخ معها امي شووفي ...
.
#امي :- بتخانقو على الذهب وما الذهب شكلن وقعوو مابعض
.
.(( ومافي دقايق الا باب غرفتي اطررررررق وفتح وكانت حماتي ولمى هاجمين عليه انا وامي ليضربوني ...
.
#مرت عمي :- ياحرمية ياحرمية بتسرقو ذهب كنتي ..
.

.