الجزء الرابع..
@rwayate
#منال :- بنتي عملتها خلص خلص راحت من ايدي هاد يلي كنت خايفة منو..ساعديني دكتورة رفيف ..غيابي عن بنتي عم يضيعها فكي عني هالاجهزة...

#رفيف :- لاتقلقي هني اخدوها بالاسعاف..الله يلطف فيها...

#منال:- شو مااقلق انا لو عيني على طول عليها لكان ما عملت بحالها هالشي..كل ما اغيب عنها بتجيب لالي مصيبة..بربك تساعديني فكي هاد الجهاز عني..

#الممرضة :- دكتورة رفيف الحالة اللي سألتي عنها دخلت العناية المشددة ...

#منال :-شفتي بنتي ماتت..خلص ماتت مرام..كنت حاسة انها رح تموت ...

#رفيف :- اهدي اهدي..انسه ميس اعطيها مهدء بالوريد..

#منال :- لا لاتعطيني شي لا تغفليني بدي اطمن على بنتي بدي شوفا...

#جمانة :- امي الحقيني اختي مقطعة شرايين اديها الاتنين ..فقت من نومتي وياريتني ماغفيت قلت بطلع جبلا اكل واطمن عليها..فقدتها صرت نادي مالقيتها ..بالصدفة اسمعت صوت أنين بالحمام الارضي ركضت فتحتو لقيتها غرقانة بدمها...

#منال :- 😲 يارب يارب...شو يلي عملتيه يامرام شو يلي عملتيه...اااخ ياراسي ااااخ ...

#جمانة :- 😭😭 لو أبي عم يشوف حالنا كان ماتركنا هيك..

#منال:-اخرسي جمانة ..انتي عم تجلطيني بهالحكي ..هو اول شخص غدر فيني وبسببو صار كل هالشي..مابدي اسمعك تحكي شي...

#رفيف :- ارتاحي مدام منال..البنت وضعها مستقر والحمد لله لحقوها على اخر نفس الله كتب لالها عمر جديد ..بس محتاجة وحدات دم ..رح ارجع اطمن عليها وارجع حاكيكن...بدي منك تروقي...

#جمانة :- الحمد لله يعني بعد كل هالشي اختي كانت بدها تقتل حالها 😭😭..

#منال:-بدها اتقابل الله كافرة..

#جمانة :- امي ليش قلبك صاير قاسي هيك..

#منال:-طول عمري حنونة ..شو استفدت...ليكن عم اضيعو من ايدية...

((بعد مرور اسبوع على وضع الصحي لمرام...))

#رفيف :- ام جمانة عصبيتك الزيادة عم ادمر البنت بزيادة حاولي لا تحكي معها شي...هي لهلاء ماعم تحكي حرف وصافنة ..حتى دموع مابتنزل...

#منال:- شو السبب انا مارح احكي معها شي بس وضع بنتي سئ جنت شي ...

#رفيف:- شي طبيعي تفوت بهيك حالة لان شافت كل الوان العذاب...

#جمانة :- دكتورة رفيف فيني احكي معك شي..

#منال:-ليش ماتقوليه قدامي من متى في اسرار من بعدي ..

#جمانة :- اها ممممم لا امي بس مجرد سؤال...

#رفيف :-اتركيها للبنت تحكي يلي بخاطرها...تعي حبيبتي خبريني ..

#جمانة :-دخيلك مابدي امي تعرف ..اذا عرفت ممكن يصير معها شي تاني..

#رفيف :- حبيبتي خبريني امك مارح تعرف...

#جمانة :-

مابعرف بصراحة شو اخبرك..ومابعرف اذا انتي بتعرفي اللي صار مع اختي مرام..بس انا محتاجة مساعدتك..

#رفيف :- اطمني انا امك خبرت
ني بكل شي...قليلي شو ص

اير وانا رح ساعدك...

#جمانة :- من شي اسبوع من صار مع اختي يلي صار كان موبايلي مافيو دقايق اتصال .فطريت اخد جوال اختي مرام من خزانة امى لاحسن انقل دقايق ... كرمال اتصل على امي هون .واخبرها شو صار...ومن الضجة يلي صارت وقتها نسيت رجع الموبايل بقي معي بشنتتي..تقريبا شي الساعة 2 بالليل فقت على صوت مسجات على موبايل اختي...مخزنة باسم رجاء...

#رجاء :- اسمعي انا بعتلك رسائل رغم انك وصيتيني ما ابعت على رقمك الخاص ..بس فوتي فيس بسرعة بدي احكي معك...

((انا وقتها عرفت انها نور الشمس لان مرام قالت اسم..البنت يلي عملت كل هالشي ووصلتها للي هي فيه..اجيت افتح فيس اختي ماعرفت ماكنت حافظة الباسورد تبعها..او امي عاملة خروج..بس بالصدفة فتت من برنامج قوقل لقيت حسابها من هونيك مفتوح..لقيتها باعتة لاختي حكي من حساب جديد...((إمرأة نارية )) هيك كان اسمها...

#امرأة نارية :-وينك هاد حسابي الجديد ضفيني كتير اشتقتلك..((14_3 الساعة 4 صباحا..

#امرأة نارية :-ليش ماعم تردي عليه يابنت وين انتي ...

#امرأة نارية :- انا ناطرتك الصبح تعي لعندي على البيت 15_3 الساعة 12 :3 صباحا..

#امرأة نارية :-ليش ما اجيتي ..الصبح صاير معك شي جبتلك فستان ومشروب يجنن...لك ردي عليه انا جاي على بالي ......

((ماقدران اقرا هالحكي شوفي شو كاتبة...

#رفيف :- الله يقصف عمرها هالوسخة ...ليكون هاد رجال .مستحيل في بنت هيك تعمل...

#جمانة :- بالاول انا ماسدقت اختي وجد فكرتها رجال..بس من صار هاد الحكي اتاكد لالي انها بنت...

#امرأة نارية :- عم تشوفي الحكي ومابتردي يا .......ردي ولي لاجي اكسرلك سنانك...

#جمانة :- انا وقتها ماتحملت المسبات يلي عم تسبهن على اختي..مابعرف شو يلي خلاني رد عليها بإسم اختي...

#امرأة نارية :- ماشي انا بعرف شو اعمل فيكي يامرام..

#جمانة ((بأسم اختي مرام )):- شو بدك انقلعي من حياتي لاعاد تتصلي فيني هيك...

#امرأة نارية :-اوووه قويان حسك ياشطاطة...

#جمانة :-مافشرتي ..بعدي عني وعن حياتي...

#امراة نارية :-بتفكريها بسهولة هيك..هههه مافشرتي لحالك..صورك ياماما تحت ايدي..بتفكري هيك شغلات بتمر عليه بسهولة..

الجزء الخامس..
@rwayate
#جمانة :-انتي وحدة كذابة هالشي مابنضحك عليه فيه
...

#امراة نارية :-طيب شو رايك بهاي الصورة وانتي بحضني...

((اول ماشفت صورة اختي مرام لعى قلبي وصرت ارجف ..مابعرف شو يلي خلاني استفرغ كل يلي بمعدتي واقرف من منظرها..ماكنت مسدقة انو اختي بهيك منظر بحضن وحدة... وقتها وجها مو باين لهاديك الحقيرة ...هالشي قتلني بزيادة..يعني ماعرفان شو اوصفلك ..شوفي بعيونك..

#رفيف :- يارب سترك شو هاد يالله لوين وصلنا احنا ...

((ماقدرت جاوب بحرف واحد شو بدي جاوبها...شلون بدي دافع عن اختي..كل المجاذيف اتكسرت ..اذا كان الامر على قد غلطة وسترة ..كان هالشي اتصلح بسهولة..بس رقبة اختي تحت ايديها..شوفي شو كملت حديث...

#امراأة نارية :-اسمعي انا موافقة اني ما افضحك وانشر صورك بس بشرط..يا اما بتجي كل يوم لعندي يا اما بتدفعي ثمن هالشي...واللي هو كتير غالي عليكي وعلى وضعك وضع اهلك اللي بخزي مثل ماقلتي ..وهالشي صعب تقدري عليه...

#جمانة :-شو هو ...

#امراة نارية :- هلاء جاوبتي ما انا قلتلك مارح تحسني عليه...

#جمانة :-شو هو شو يلي انتي بدك اياه ..مقابل تعطيني الصور ..

#امراة نارية :-هههه ضحتيني معقول قدرتك تدفعي على كل صورة 500 دولار..لك انتي حق جرابات ماعندك ...لك انا كنت جبلك الاندروية نضيف يا مقرفة..

((قفلت الموبايل وانا عم ارجف وبرد جسمي وحرارتي ارتفعت ..ماعرفت شو اتصرف ..اختي وصلت حالها للجحيم بإيدها..شو شافت من عمرها ليكون اخر حالها هيك..انا عمامي عرفوا بوضع اختي والله بقتلوها وبقتلو امي وبقتلوني ..مابعرف وين كان عقلها من اتصرفت هيك...

#رفيف :-اعطيني الموبايل ولاتخبري امك عن هالشي كلو...انا رح ساعدك...هالشي مالازم ينسكت عنو..امك وضعها الصحي تعبان ..واختك فايتة بصدمة لانها عرفاني كمية القرف يلي صاير معها.. هلاء اعمامك شلون علاقتهم معكن..

#جمانة :-طول عمرهن بحاولو يكسروا امي..كرمال ياخدو البيت منها..ويكبوها برا...واذا صرنا انا واختي تحت رحمتهن والله ليقلبوا حياتنا جحيم وهو في جحيم اكبر من هيك..يارب ساعدنا...

#رفيف :-حبيبتي اتأخرنا على امك خلينا نرجع لعندها بلا ينشغل بالها
..وبالمسا رح رجعك لعندي على البيت لان امك رح تبقى مع اختك .بنشوف شو رح نعمل بهاي المجنونة...

((بقيت طول اليوم عم افكر بمصير اختي..قاعدة قبالها وهي نظراتها لتحت ماقدراني ترفعهن ..ماقدراني ترفع راسها ..وكانت بس تدمع واحس بدمعتها بصعوبة بتنزل ..كأني انا يلي مكانها ..حسيت بخنقة من شفت امي بتمسح بدموعها وبتقرأ عليها قرءان ...

#منال :- كان نفسي يا امي تكمل

ي هالدراسة وتدرسي جامعة متلك متل هالصبايا وتتخرجي وافرح فيكي...ويجي ابن الحلال لالك اللي يعوضك عن يلي فقدتيه بحياتك...ااااااه على هالدنيا بتسرق

ابسط احلامنا منا...

#رفيف :- يالا جمانة حبيبتي خلينا نمشي ..خلص دوامي..ام جمانة الممرضة رح تجي تسهر مكانك ارتاحي على السرير التاني...

((اطلعت مع الدكتورة رفيف على بيتها...))

#رفيف :-فوتي حبيبتي اولادي مانن هون طالعين مع ابوهن برحلة صيد..وراجعين بعد يومين..فوتي خدي راحتك..رح اطلع غير تيابي وانزل جهز عشا انا وانتي...

((كانت لطيفة معي ...والبيت كان هادي ورايق ...الدكتورة رفيف بعمر 52 سنة بس من الاهتمام والراحة يلي هي فيه باين اصغر من امي اللي اكلها الهم والحزن...

#رفيف :- تعي حبيبتي انتي مثل بنتي ياسمينة....من اشوفك بشوف ملامحها الله يرجعها بالسلامة..

#جمانة :-وين بنتك هي ..

#رفيف :- بلندن مع جوزها ...

#جمانة :-صرلا زمان متزوجة...

#رفيف :-لا بعدها عروس شي شهر..جوزها تاجر بسافر برا بيعمل صفقات...

#جمانة :-الله يهنيها...يارب ...

#رفيف:- كلي حبيبتي ...

#جمانة :-عم اكل تسلمي كلك زووق...

#رفيف :- اها ليكها امراة نارية بترسل رسائل...

#جمانة :-ياربي رجعت المصيبة من تاني...

#امرأة نارية :-هاا شو قلتي ست الحسن والجمال..

#رفيف :- انا رح املا عليكي وانتي اكتبي لاتخافي انا معك وبضهرك...قليلا شو يضمني لو دفعتلك المبلغ ماتكوني محتفظة بالصور...

#جمانة :- كتبت...

#امرأة نارية :- ههههه ولي يامقصوفة الرقبة من وين لالك مصاري مو انتي يلي كنت تقليلي بخجل من امي لانها كانت تبيع خبز بالشوارع وكانو العالم مايشتروه منها بس يعطوها مصاري..ليكون شي واحد مفهفه ..عاطيها مبلغ حلو..😂😂 ..تعي لعندي الصبح احسن لالك...

#جمانة :-انا رح اعطيكي المبلغ يلي بدك اياه بكرة...

#امراة نارية :-بكرة ههههه لك بطني وجعتني من الضحك ...قال بكرة قال.. لك يابنتي اسمعي الحكي وتعي لعندي..

#رفيف :-هي فكرة انروح لعندا بس المشكلة اذا قلنا لالها انو اعطينا العنوان رح تكشفنا لان اختك بتعرفوا...

#جمانة :-اختي قالت بحارة المسالمين...بس البيت بالزبط مابنعرفوا.

#رفيف :- واذا قلنا لالها اعطينا اسمك بالبنك كرمال انطلع عنوانها رح تكشفنا لان اختك صغيرة ومابتعرف بالتحويلات

الجزء السادس..
@rwayate
#امراة نارية :-وين رحتي ولي...وين عم تغطي تعرفي برتاح انا معك كتير قصدي بالحكي معك...😂😂 ههههااااااااي..

#جمانة :-معك بس انا رح اجي لعندك بكرة بس انا نسيت اي عمارة...

#امرأة نارية :-معقول وانتي يلي رجلك انهرت من كتر مادعستي لبيتي...

#جمانة :-انا اذا غبت عن المكان ايام بنساه...

#امراة نارية :-رح مشيلك اياها تعي على 11 عند الخضرجي وانا بنزل اخدك للبيت...

#رفيف :-برافو عليكي رح انروح من بكير نقف حوالين هاداك المكان ..الا ماتنزل ونعرفها ..

#جمانة :-شلون رح نعرفها ونحنا شكلا بحياتنا ماشفناه...

#رفيف :-رح انجرب ...ومن يصير الوقت اكيد رح تتصل او بنتصل عليها ومن انشوف مين يلي رفع موبايلو .. خلينا نقوم انام ..عنا بكرة مشاوير مهمة ...هاي غرفة بنتي نامي فيها..هون في بجماتها حبيبة قلبي..ياعمري ليكها عم تتصل فايبر ...الو اي امي...

#ياسمينة :-ماما اشتقتلك...افتحي الكاميرا.

#رفيف :-شايفيني هيك الصورة مغبشة عندكم...

#ياسمينة :-حبيبتي امي...الانترنت عندك ضعيف....اهلين مرت عمي كيفك ....

((انا من اسمعت صوت الرجال قلبي لحظتها وقف هاد الصوت انا بعرفوا..اي بعرفوا...صوت تيسير...

#رفيف :- كيفك حبيبي كيف شغلك انطرني شوي بس لاطلع على غرفتي بنحكي.....

((اخدت التلفون وطلعت من الغرفة بسرعة ..وانا كنت بدي شووف مين يلي بحكي... حسيت شي جبل ووقع على قلبي...فتحت موبايلي لاشوف الواتس اب واخر ظهور لتيسير كان من شي شهر ونص ...حسيت بخنقة مابعرف شو يلي خلاني ضل فكر بالصوت...مجرد الفكرة لحالها كانت عم تقتلني..غفيت وانا بفكر شلون صلح حياتي وحياة امي واختي...لطلع وجه الصبح قمت اتوضيت وصليت الفجر وركعتين على نية انو الله يرفع عنا البلاء ...نطرت لصارت 10 وانطلقت انا ورفيف وانا قد مافيني حاول انتبه على موبايلها ..يمكن ترجع تتصل بنتها وتشيل الشك اللي صابني..والصدمة التانية من شفت اخت تيسير مارقة من نفس الشارع..نازلة من بناية عم تركض بالاتجاه التاني انا شفتها ومتاكدة من ملامحها لاني عشت معها...كان نفسي تمر من الاتجاه يلي نحنا واقفين فيه...كرمال تشوفها رفيف اذا بتعرفها مابعرف الشك موتني..معقول في محبة لتيسير بقلبي هيك ..طيب ليش تركتو انا...

بقيت اكثر من ساعتين بالمكان لصارت 12...
.....((رجاء تتصل بك))....

#جمانة :-عم تتصل...

#رفيف :-لاتردي عليها ابعتيلها رسالة...

مسج#رجاء :-لك ماني شايفتك عند الخضرجي...

#جمانة :- انا واقفة هونيك بس انتي وين ماني شايفتك..

#مسج #رجاء :-على الشباك اللي مقابيل المحل يا غبية معقول نسيتي المكان..

((كانت على الشباك يلي فوقنا ولحسن ا

لحظ واقفين بمكان صعب انها تشوفنا فيه مدارى ببلكون فوقنا...عملنا حالنا ما بخصنا الامر ومشينا باتجاة الخضرجي فتنا المحل...وشفناها من جواتو...

#جمانة :-يالله وين شايفتا انا هاي..

#رفيف :-حتى انا شايفتا بشي مكان...بس وين ماني متذكرة...

#جمانة :-شو رح نعمل...

#رفيف :-اعطيني الموبايل...

#جمانة :-اتفضلي...

#رفيف :-احنا اهم شي عرفنا مكانها ...رح ابعتلا مسج...

(( امراة ناريةمافيني اجي.شفت عمي وهو اخذني معو رح ارجع بالوقت اللي ما احسن يراقبني حد...

#امراة نارية :-يقصف عمرك دايما نكدة وغبية ..حاولي اليوم تجي بأي طريقة...

#جمانة :- شو رح نعمل معها..

#رفيف :-رح نروح نطمن على امك واختك بالاول...

(( يمكن من التشتت اللي انا فيه صار عندي تشابه وجوه واصوات..اول شي صوت تيسير واخت تيسير...واللي كانت واقفة على الشباك انا شفتها اتذكرت بمناسبة لدار حماي...اي اي اتذكرت معقول هي..شو صرلي انا شو دخل تيسير بالنص صار متل الكابوس بحياتي...وصلت المشفى واطمنت على امي واختي كان وضعهن احسن....

#جمانة :- مرام امي راحت تاخد دوش جوا ...حبيبتي انا بعرف انك كاتمة بقلبك وساكتة كتير..وانا عرفت كل شي ومارح احكي لحد انا عم ساعدك...وبدي منك تساعديني لنطلع حالنا من هاي القصة...

#مرام :-صورتني..

#جمانة :-لاتبكي ولاتحكي شي عندي علم بالموضوع..لازم توقفي معك لنقدر ناخدهن منها...انا رح ابقى معك للمسا..بس عندي سؤال اتذكري منيح هاي اللي اسمها نور الشمس انتي شفتيها قبل هيك لمحتيها بشي مكان بشي مناسبة بنعرفها شي انا وانتي ...

#مرام :-ماني متذكرة..مافيني اتذكر شي 😭😭..

#منال :-شبك ليش بتبكي..

#جمانة:-شبعرفني امي...انا رح قوم اضب التياب الوسخين واجيب غيرهن نضاف من البيت....

في الليل ...
كالعادة ارجعت مع رفيف على بيتها...هي انشغلت بغرفتها وانا عم جمع يلي صار معي لحظتها ..

#رفيف:- جمانة شوفي هاي الصورة ...

#جمانة :-مانها واضحة ..

#رفيف :-ما انا صورتها من كاسيت فرح بنتي...

#جمانة :- ممممم هاي فيها شبه من يلي شفناها على الشباك..بس مانها واضحة كتير ..خليني شوف كاسيت تسجيل الفرح

#رفيف :-اها شو...لا لا هي بنتي بعتت الصورة اسفة رح قووم انشغل ....