#مسحت نور دموعها وهي مستغربة
- نور : كيف يعني ؟ معقول كون ما بحبو ؟
- يوسف : انتي يلي لازم تعرفي
- نور : بس انا كتير بنقهر لما حدا يقرب منو او لما يعاملني بطريقة بشعة
- يوسف : لانو يمان كان يعاملك ك طفلة قدامو .. اما بالنسبة للغيرة ف شي طبيعي انو طول الوقت عم ينحكا هالشخص الك هو الك انتو لبعض شي طبيعي انك تحسي بالتملك وتفكري انو هو بس الك وهيك
- نور : انا ضعت اكتر بعد كلامك هاد
- يوسف : فكري منيح
- نور : ما بعرف شو ممكن استنتج
- يوسف : فكري بكل شي وع اقل من مهلك
- نور : طيب
#قام يوسف بدو يطلع .. وقف عند الباب وتطلع فيها ..
- نور : في شي ؟
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : *******
- نور : مستحيل
- يوسف : ع كل حال فكري مانك خسرانة شي ..
- نور : ما رح فكر لا ومستحيل فكر اعمل هيك شي
- يوسف : مو مشكلة بس برجع وبقلك فكري
- نور : انا ..
#طلع يوسف وسكر الباب وراه
- يوسف : معقول كون تسرعت !! لا ابدا هاد اكتر وقت مناسب
- جليلة : يوسف
- يوسف : اي امي
- جليلة : شو صار معك
- يوسف : حاولت هديها شوي
- جليلة : بعدلي رح فوت احكي معها
- يوسف : لا امي كمان هي بحاجة انو تضل لحالها وتفكر شوي وترتاح
- جليلة: بس ..
- يوسف : خلص روحي نامي والصبح بتحكي معها
- جليلة : طيب
- يوسف : بالمناسبة اجى يمان ؟
- جليلة : لا لسه كمان هاد التاني بلش ينشغل بالي عليه
- يوسف : غريب المفروض يكون هون.. رح دقلو
#حاول يوسف يدق ع رقم يمان اكتر من مرة بس يرن وما حدا يرد .. انشغل بالو ع يمان
- جليلة : ما رد عليك ؟
- يوسف : لا
- جليلة : يا الله وين بدو يكون راح
- يوسف : ما تخافي هلأ رح اخد الرجال ونطلع نشوف اذا بنلاقيه
- جليلة : دير بالك ع حالك والله رح تجيبولي الجلطة
- يوسف : خلص ما تخافي رح دور عليه ونرجع انا وياه
#طلع يوسف مع الرجال .. ركبو هالسيارات ومشو ع الطريق وضلو يمشو لحتى وصلو لعند سيارة يمان .. نزل يوسف بسرعة وفتح باب السيارة وما لقى حدا .. اتصل بيمان رن الجوال بقلب السيارة
- يوسف : وين بدو يكون راح هاد
- معلم لازم تجي تشوف هون
- يوسف : شو في !
#راح يوسف للجهة التانية من السيارة لقى انو بلور الشباك مكسور وفي خدوش مبين انو تعرض لهجوم
- يوسف : هدول مو ناوين يقعدو عاقلين لحتى يموت شي تنين تلاتة منن
- والعمل معلم !
- يوسف : ولا شي رح نرجع
- ويمان ؟
- يوسف : يمان قد حالو ما بينخاف عليه
#ركبو السيارات ورجعو ع البيت
- جليلة : طمني .. وينو يمان
- يوسف : يمان منيح
- جليلة : وينو ليش ما اجى معك
- يوسف : يمان هاجموه
- جليلة : شووو
- يوسف: يمان بالبيت يلي بقلب الغابة
- جليلة : شفتو ؟
- يوسف : لا بس شفت السيارة واكيد راح يتخبى هنيك لان ما رح يقدر يواجهن لحالو وفكرت يمكن يكون المكان مراقب لهيك ما دخلت ع الغابة مشان ما سببلو خطر
- جليلة : الله يحميلي ياك يا ضو عيوني
#راح يوسف ع غرفتو وجليلة ع غرفتها ونامو ومضت هالليلة
________
#اليوم_التاني
#فاقت فتون وفتحت باب الغرفة شوي شوي وطلعت .. لقت يمان نايم ع الكنباية راحت لعندو وتطلعت فيه
- فتون : بنومك متل الملاك وبفيقتك شيطان
#قربت ايدها ع وجهو وقبل ما تلمسو فتح عيونو ومسك ايديها وفتلها ..
- يمان : فتون !!
- فتون : اي اي فتون شبككك
- يمان : وليش هيك عم تقربي متل الحرامية
- فتون : انا ..انا ما عم قرب متل الحرامية ...ممكن تتركنيي
#تركها يمان وقامت وقفت فورا ويمان صار يضحك
- فتون : عفوووا ليش عم تضحك
- يمان : ولا شي
- فتون : كيف ولا شي لكا ليش هيك رح تفرط من الضحك
#ما رد عليها وكان بس عم يضحك بعدين صفنت فيه .. كانت اول مرة بتشوفو عم يضحك بهاد الشكل ..
- يمان : لي عم تطلعي هيك
- فتون: شكلك طالع حلو وانت عم تضحك
- يمان : يعني بفهم اني بكون بشع لما كون عابس
- فتون : لا
- يمان: لا
#انتبهت فتون ع حالها كيف عم تطلع فيه وكيف عم تحكي
- فتون : اححم بدي اروح ع بيتي
#ضحك يمان ضحكة خفيفة وقام تطلع من الشباك
- يمان : تمام جهزي حالك انا رح اطلع شوف الوضع برا
- فتون : تمام
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت ..

#يتبع ..
#ياسمينة

- يمان : انتي منيحة ؟ فتوون ..
#فتلت وجهي لجهة الشباك وبلشت دموعي تنزل ما كنت بعرف ع امي ولا ع حالي .. امي اللي كنت طول هالسنين ظالمتا انو رمتني وراحت تعييش حياتهاا
____
#وصلنا ع البيت يمان كان ساندني لان فعلا حسيت انو رجلي ما عاد يحملونيي
- خالد : فتوون بنتيي شبك شو صاير !! ليش عم تبكي
- جليلة : يمااان
- خالد : حدا فيكن يحكي شو صاير
- فتون : شو الشي اللي مخبيه بخصوص امي
- خالد : شو جاب هالسيرة هلأ هي راحت وتركتنا ونحن كملنا
- فتون : شو بتعرف
#كانت الدموع متجمعة بعيونيي
- خالد : هي تعبت مني وما تحملتني واختارت انو ترجع لحياة القديمة واللي بعرفو انو ماتت
- فتون : هي ما تركتنا .. ما تركتناا
- خالد : فتوون
- جليلة : ابني فهمنا شو اللي وصلها لهي الحالة
- يمان : قابلنا لمار
#توسعت عيون جليلة من الصدمة وتلبكت
- جليلة : لل.. لما..ر !!
- خالد : شو وصلكن للمار وشو حكتلكن اصلااا
- يمان : حكتلنا كتير قصص كان لازم انو نعرفا ونفهما بس منحكي بعدين .. تعالي فتون
#طلعنا ع الغرفة وتسطحت ع التخت وبلشت ابكي .. قعد جنبي يمان
- يمان : حاج تبكي
- فتون : كنت دائما فكر كيف ممكن تكون الام انانية هيك.. كيف ممكن ما تهتم لولادها .. كيف ممكن تتخلى عن طفلين صغار هنن ب اشد الحاجة الها ..
بتعرف كنت دائما عندي خوف رهيب .. خوف من انو اتزوج واسس عيلة وبعدين اتركن .. كنت مفكرة انو امي سيئة .. حتى لما استغلتني كنت حس انو مافي حب مافي لهفة ..
ولا مرة قلتلا امي والموضوع هاد كلو ما كان هاممها اصلا.. كنت حس بخوفا ولهفتا ع امجد بس مو علي .. قلت يمكن البعد عمل فينا هيك
حتى انو ما سألتني عن اخيي .. وينو شو عامل شو صار فيه ..
- يمان : تمام فتون حاج تفكري وتعملي بحالك هيك
- فتون : يعني امجد مو اخي .. بهداك اليوم اجت واستغلت عاطفتي لحتى احمي ابنها.. كانت بتعرف انو انتو عم تدورو عليه واستغلتني لحتى ما يصرلو شي .. لك انا اديه غبية رغم كل شي صار ما قدرت استوعب
#حضني وبلش يلعب بشعراتي لحتى غفلت ..
__
#طلع ع الحديقة وبلش يدخن
- يوسف ؛ ليش ما خبرتني
- يمان : بشو
- يوسف : بكل شي من البداية .. ليش ما قلتلي مشان وقف جنبك او حتى ع القليلة ترتاح وما تخلي كل هالشي جواتك
- يمان : هي عرفت شو تغير
- يوسف : شو رح تعمل
- يمان : ما بعرف.. ما بعرف وفتون كتير منهارة ما عم اقدر فكر بشي
- يوسف : برأي انها ما رح تسكت او تضل عاقلة
- يمان : شو ممكن تعمل اكتر من اللي عملتو
- يوسف ؛ برأي تخلي فتون بعيدة عن الاجواء هون فترة يومين او تلاتة .. روحو ع المزرعة او اي مكان هادي
- يمان : حتى انا كنت عم فكر هيك
__________
- لمار : اوف يااا اوف
- امجد : اميي
- لمار : ابني .. انت ليش نزلت من غرفتك
- امجد : امي انا سمعت كل شي ..
- لمار : ابني
- امجد : فتون مو اختي .. انتي ضحكتي عليها
- لمار : امجد والله موو رايقة
- امجد : انتي مو بس استغليتي فتون.. انتي ستغليتيني الي كمااان انا ابنك من لحمك ودمك .. انتي السبب ورا انو دخلت عالم المافيا .. انتي اللي خليتيني كون قريب من يمان كل هاد كان من ضمن خططك وانا ما كنت بعرف
- لمار : امجد ابني ..
- امجد : لا تقليلي ابني.. عاجبتك حالتي . قوليلي عاجبتك انا باول عمري مو قادر امشي بلا عكاز وكل يوم لازم اخد الف دوا والف ابرة لضل عايش هيك انتي رضيانة ؟ عاجبك انتقامك ؟؟ قوليلي عاجبككك
#طلع امجد ع غرفتو ولمار بقيت بالصالون رايحة جاي ترددت كتير تتصل بفتون او يمان بس بعدين قررت تتصل مسكت الجوال وشافت بالسجل حدا اتصل بفتون
- لمار : اوف امجد اوف كلو منك خربت كل شي
#انتبهت انو قبل المكالمة في رسالة فتحتا وعيونا توسعت ع ملاتهم اول ما قرأت
- لمار : ابوهم عايش !! مصطفى عايش لهلأ ..
#رمت الجوال وراحت بدا تشرب مي بس وقعت الكاسة من ايدهاا من كتر ما عم ترجف
- يا خانم
- لمار : انقلعييي من هوووون .. انقلعيي ما بدي شوف حدا طلعووووو .. انا بعرف كيف حاسبكن .. انا بعرف
_________
#اليوم التاني
- يمان : فتوون .. يلا حاجتك نوم
#كان عم يلعبلا بشعراتا ويحطهم ع وجهها
- فتون : اممم .. شو هالازعاج من الصبح
- يمان : يلا قومي بدنا نروح
- فتون : لوين
- يمان : مفاجأة قومي.
#قمت وانا عم بتأفأف جهزت حالي ونزلنا فطرنا مع العيلة بس ما حدا حكا شي ولا حدا جاب سيرة الشي اللي صار مبارحة
- يمان : يلا فتون
- خالد : ديري بالك ع حالك بنتي
- فتون : طيب لوين رايحين
- يمان : ح اخطفك متل العادة
- فتون : متل العادة ؟ يماان
- يمان : امم
- فتون : لرأيك شو ممكن المصيبة تكون هالمرة صار عندي فضول يعني

#مسك ايدي
- يمان : ارجعي فتون ارجعي
- فتون : يماان.
- يمان : لا تقولي لا .. حرمتيني منك ومن بنتي خمس سنين بكفي فتون بكفي
#هزيت راسي باستسلام ما فيني انكر انو ما عاد اتحمل يضل بعيد اكتر
#رجعت معو كان مغير البيت كان عايش هو ومصطفى ولمار وامجد ويوسف عرفت انو جليلة ماتت وانو نور هي اللي قتلتا .. نور ابدا ما جابتلي هي السيرة طول هالخمس سنين ويوسف تغير كتير صار انسان بارد وهادي .. لمار ومصطفى رجعو تزوجو وبالفعل كانت حياة طبيعية بدون سلاح بدون حماية بدون رجال مسلحة مزروعة بكل البيت .. بعد يومين حكتني نور انو اجت لعندي وما في حدا بالبيت قلتلا انو غيرت البيت وعطيتا العنوان الجديد بدون ما خبرها شي
#دخلت ع البيت كنا قاعدين بالحديقة ركضت ايليف لعندها
- ايليف : نووور
- نور : يا روحاااااا لنوور
#حملتها واجت وهي مصدومة من وجود يمان والبقية حكيتلا كل شي صار
- يمان : متغيرة كتير
- نور : للاحلى صح
- يمان ؛ صح صح
- فتون : بالمناسبة نور صارت تشتغل بميتم
- يمان: عنجد
- نور : يعني اي كنت كتير حابة روح اشتغل هنيك وابقى جنب الولاد وهيك
#بقينا قاعدين وعم نحكي كنت شايفة عيونا كيف ع البيت عم تدور ع يوسف بس عم تكابر وما عم تسأل
- ايليف : نوور ثوفي
#كانت ايليف عم تركض وب ايدها كاسة عصير وملونة وشغلات .. كانت جاية باتجاه نور لتورجيها ياها بس كبتها عليها
- فتون : ييي
- نور : تمام تمام ما صار شي
- فتون : صرتي بهدلة كيف ما صار شي
- نور : هلأ بروح بغسل وين الحمامات
- فتون ؛ رح دلك واطلع جبلك تياب من عندي تعالي
#فاتت نور ع الحمام تغسل وطلعت فتون تجبلها تياب بس طولت
- نور : اووف يا هي وين تركتني بهالمنظر وما عاد تعرف تجي
#فتحت الباب تطلعت يمين ويسار مافي حدا
- نور : فتوون
#طلعت ع الدرج وهي عم تطلع ع تيابا المبهدلة وتبربر بينها وبين حالها اول ما وصلت ع الطابق التاني رفعت راسها وشافتو كان طالع من غرفتو وقفت بس تطلع فيه وتشوف اديه متغير
- فتون : نور التيا..
#انتبهت ليوسف
- نور : انا كنت طالعة لعندك
#اخدت التياب ودخلت ع نفس الغرفة اللي طلعت منها نور
- فتون : انا رح انزل
- يوسف : تمام
- فتون : ما بدك تنزل
- يوسف : لا اسبقيني رح جيب جوالي نسيتو هلأ بلحقك
- فتون : تمام
#نزلت خطوتين ع الدرج ووقفت كنت عرفانة انو رح يحكي معها .. نطر شوي ودق ع الباب
- نور : تعالي فتون تعالي خلصت
#فتح الباب
- نور : انت
- يوسف : متغيرة كتير
- نور : اطلع لبرا
- يوسف : حتى نظرتك الي متغيرة .. بطلتي تحبيني !
- نور : وشو ناطر مني اعمل انت مسكتني وشحطتني متل الكلاب ورميتني برا وقلعتني وقلتلي بكرهك ولهون لا عاد تجي وانا هاد اللي عملتو طلعت من حياتك ورميتك من حياتي واسست حياة جديدة بعيدة عنك وانا هلأ عم قلك انقلع من حياتيي
- يوسف : نور
- نور : بلا نور بلا شي بعد هيك
#دفشتو وطلعت ونزلت لعنا ونزل هو وراها وطول الوقت تزور فيه
- يمان : شكلو اليوم في اكشن
- فتون : ولعلمك بلش من شوي .. حضرتك كالعادة متأخر ..
_________
#مضى شهر ونور مو قبلانة تحكي مع يوسف او تسمع منو اي شي بتجي ضيفة وبتروح وبتحاول دائما ما تقرب منو او تحكي معو
#فتح باب الميتم ودخل
- تفضل بشو فيني اخدمك
- يوسف : غرفة نور خانم وين بلاقيها ؟
- تاني غرفة ع ايدك اليسار
- يوسف : شكرا
- العفو
#دخل كانت واقفة ع الشباك وبايدها كاسة القهوة مسك الكاسة وحطها ع الطاولة
- نور : شو عم تعمل هون
- يوسف ؛ عم اتعامل معك بالطريقة اللي بتفهميها
#حملها واخد غراضها ب ايدو التانية
- نور : نزلنيي .. يوسف عم قلك نزلني بلا ولدنة
#نزلني وحطني بالسيارة وقفل السيارة
- نور : يوسف نزلني
- يوسف : حاولت معك كتير بالطرق الحسنة بس انتي غير بهالطريقة ما رح تسمعيني
- نور : ما بدي اسمع اي شي بخصك ما بهمنييي
- يوسف : مو بكيفك
#وصلنا ع بيت صغير بحارة صغيرة وقديمة .. اجى وفتح باب السيارة
- نور : ليش اجينا لهون
- يوسف : لنتفاهم نزلي
- نور : ماني
- يوسف : نزلي احسن ما نزلك بطريقتي
#تأفأفت ونزلت .. شحطني لوصلنا ع بيت فتح ودخلنا وقفل الباب
- نور : شو عم تعمل
- يوسف : انتي ليش انانية
- نور : انا انانية
- يوسف : انتي شفتي اني قلعتك وحكيتلك حكي بشع بس ما كنتي تشوفي حالك قبل كيف بتتصرفي معي
- نور : بتستاهل كل شي
- يوسف : نور شو ناطرة من شخص قتلتي امو قدام عيونوووو
- نور : وامك قتلت اهلي وقتلت كتير عالم
- يوسف : يعني بنظرك هاد مو غلط
- نور : لا مو غلط عم تفهم مو غلط هيك ربينا اللي بيغلط معنا منصفي الحساب
- يوسف : تمام لكا انتي غلطتي وقتلتي امي

#بلشت اضرب ع قلبو لازم يقوم لازمممم ما فيه يتركني .. اضرب .. واضرب .. واضرب بس مافي فايدة ..
تطلعت ع ايدي اللي كلن دم وانا عم بشهق
#انتبهت انو كان في مسدس ع خصر بابا .. مسكتو وصوبت ع يوسف وعيوني كلها دموع .. قوصت بس اجت نور قدامو وتصاوبت هي بدالو ووقعت بحضن يوسف وهو صار يبكي ويترجاها ما تتركو
- يوسف : جيبو السيارة لهووون بسرعةةةة
#يمان ما تحمل المنظر وشكلو كان بحب نور وهو مو عارف.. صوب ع اخي .. ركضت لعندو بس ما لحقت قتلوووو
- يمان : كان ممكن اعفي عنككك بس بعد اللي عملتيه لااا
#اجت من بعيد وهي عم تركض وتصرخ وتبكي
- منار : ابنيييييي امجدد يا ضو عيونيييي
__
# واقفة بالنص بين امي ويمان والتنين موجهين سلاحاتن ع بعض .. ما بعرف شو اعمل ماني قادرة فكر بشي افكاري انهارت جسمي انهار كل شي فيني انهار ما عاد افهم واستوعب اي شي
صحيت ع صوت الرصاص ويمان وقع بالارض .. ركضت لعندو
- فتون : يمااان يمااان يمماااااااان لك ليش هيك عملتيي ليشش
- منار : هاد اللي كان لازم يصير
- فتون : يمان رد علي
- منار : تعالي لازم نروح من هون
#مسكتني من ايدي وبلشت تشدني وانا عيوني كانت ع يمان وع ابي واخي والكل كانوو بالارض بدون اي حركة .. بس انا متأكدة يمان ما ماات مستحيل يموت يمان ما بموت بهالسهولة
- فتون : يمااااان

#يتبع
#ياسمينة 💜

#داء_وَ_دواء
#الحلقة_السادسة
#ياسمينة
..
..
..

#طلعت من الحمام عم تركض اول ما فتحت باب الغرفة فجأة حط ايدو ع الباب وسكرو غمضت عيونا فتون وهو واقف وراها وايدو ع الباب .. قرب منها اكتر وهمس ب ادنها
- يمان : معقول مفكرتيني غبي لهي الدرجة
#ما ردت فتون .. حط ايديه ع خصرها وحاوطها
- فتون : ششو عم تعمل
- يمان : عم عاقبك
- فتون : بعد عني
#بعد شوي عنها وهي كانت بدها تهرب رجع حملها ومشي فيها ع الحمام
- فتون : نزلنييي يمان نزلنييي
- يمان : تكرم عيونك
#نزلها يمان وفتح المي الباردة عليهااا
- فتون : لككك شو عم تعمل سكرها بررددد لكككك يمااااان
#كانو واقفين تحت المي الباردة وفتون عم ترجف ويمان ولا عم يتأثر
- فتون : يماااان تلجتت بترجاك سكر المييي
#مد ايدو وسكرها وطلع من الحمام لحقتو فتون كان شالح الكنزة
- فتون : انت كيف بتتجرأ
#شهقت اول ما شافتو .. كانت اول مرة بتشوفو بدون كنزة عضلاتوو كتير حلوين وفتون كانت متل الهبلة واقفة وبتطلع فيه
- يمان : عجبك
- فتون : ها ؟
- يمان : شايفك صافنة فيني عم بسألك عجبك جسمي
#انتبهت فتون ع حالها وفتلت وهي متوترة
- فتون : اكيد لا ليش مين يلي قلك انو جسمك حلو او ممكن يعجب حدا
- يمان : امم قلتيلي
#كان صوتو كتير قريب منها فتلت لحتى تشوفو كان وراها تماما
- فتون : ان.. انتتت
- يمان : انا شو
#هو يقرب خطوة وهي ترجع خطوة لحد ما خبطت بشي وراها ما ضل مجال ترجع
- فتون : بعد هيكك
#مد ايدو ليحصرها ونزل راسو لعندها لحتى صارت انفاسن مشتركة
- يمان : قوليلي انا شو
- فتون : انتت ا.. انت
#كانت فتون متلبكة والكلام ما عم يطلع معها ميل راسو وهي غمضت عيونهااا . ضحكك واخد كنزة من الخزانة يلي وراها ومشي .. فتحت فتون عيونها وانتبهت انو الخزانة كانت وراها
- فتون : شو حقير
- يمان : قلتي شي
- فتون : لا انا نازلة بدي اكل
#ركضت فتون ع الباب وركض ومسكها
- يمان: نازلة هيك
- فتون : كيف هيك
- يمان : مو شايفة كيف تيابك مبللة ولازقة ع جسمك مو حلوة يشوفك حدا بهالمنظر
- فتون : ما دخلككك
- يمان : فتوووون
- فتون : جوعانة
- يمان : خليكي هون انا بنزل بجبلك اكل
#راح ع الخزانة وطالع كنزة وشلفها ع التخت
- يمان : بدلي تيابك بين ما اجي
#طلع من الغرفة ونزل ع المطبخ عم يطالع اكل سمع صوت اجا من وراه
- نور : يمان بالمطبخ وبهالوقت .. اوووه شكلا هالعروس رح تعملك تغير جذري
#طنش كلامها وكمل شغلو
- نور : بس على حد علمي انت ما بتاكل بهالوقت.. اكيد الخانم جاعت لانو ما نزلت ع الاكل
- يمان : نور شو رأيك تروحي من وجهي قبل ما ابتلى فيكي
- نور : انا شو بفرق عنها ااه ؟؟ قلي شو بفرق عنها
- يمان : شو قصدك
- نور : رغم انك بتعرف قصدي كتير منيحح بس رح قلك . ضليت سنين وراااك وانا قلك يمان بحبك يمان لا تتركني يمان خليكك جنبي ع طول بس انت ما اهتميت وفتون .. فتون من اول ما اجت وانت جنبا وعم تحميها وكل هاد وهي ما طلبت منك لو طلبت منك شو كنت عملتتتت !!
- يمان : تماما هاد الفرق فتون من يوم عرفتها لهلأ ما رخصت بحالها
- نور : لككك انا لانو بحبك
- يمان : ودائما حجتك انك بتحبيني
- نور : بس انا عنجد بحبك
- يمان : نور انا عرسي بكرى ابعدي عن طريقي مشان ما تشوفي مني شي ما بيعجبك
- نور : مو بس انت عرسك بكرى
- يمان : اها في مناسبة تانية شكلو
- نور : خطبتيي انا ويوسف
- يمان : الف مبروك
- نور : بهالبررود
- يمان : لا تقوليلي انك ناطرة مني اتأثر وقلك لا مشان الله لا تتزوجي اخي.. بالعكس يوسف شب كتير منيح تتهني فيه
#تركها يمان ومشي وهي عم تحكي وصل للدرج شاف فتون نازلة ولابسة كنزتو بس
- يمان : انتي ليش نازلة هيك
- فتون : انت تأخرت ومافي حدا قلت بنزل بشوف ليش تأخرت
- يمان : مافي شي امشي نطلع ع الغرفة
#اجت نور من وراه ودموعها ع خدها وعم تحكي يمان وبعدين انتبهت لفتون
- نور : العاهرة هون
- فتون : احترمي حالك احسن الك
- نور : مو لتحترمي حالك انتي بالاول
- يمان : نور اخرسيي
- نور : انا يا يمان انا تقلي اخرسي مشان وحدة مبارحة دخلت حياتنا
- يمان : المرة الالف رح حاول فهمك انو هي رح تصير مرتيييي .. امشي فتون
- نور : بس ان..
- يمان : فتووووون امشيييي
#ركضت فتون ع الغرفة ويمان لحقها ونور ضلت واقفة وعم تبكي وتبكيي وتشهق
___________
- يمان : بكرى رح تنزلي ع السوق مع امي ونور
- فتون : ليش
- يمان : مشان تشتري تياب بحكم انو رح تستقري هون لفترة
- فتون : ما بدي .. خدني ع بيتنا وانا بجيب غراضي
- يمان : لا تعاندي
- فتون : انت لا تعاند لان حتى لو بعتتني معن غصب ما رح اشتري ولا قطعة
- يمان : فتووون

- فتون : شو بيضمنلك اني ما روح احكي كل شي
- يمان : شو بيضمنلك اني رح اتركك عايشة بعد هي اللحظة
#مسك المسدس ووجهو عليها
- فتون : شو عم تعمل جنيت
- يمان : مو كان عندك الموت اهون من انو تتزوجيني وهي انا عم اقتلك مشان ما تتزوجيني
- فتون : يمان بلا جنان ونزل هاد من ايدك
- يمان : مو يمان اللي بيترك حدا عايش بعد ما عرف سر مخبيه
- فتون : نسيتووووو ما بعرف شيييي
- يمان : احسنلك لو تنطقي الشهادتين
- فتون : يمااان
#كانت عم ترجف من الخوف وهو ضاغط ع الزناد .. غمضت عيونا ونزلت دموعا فورا صوب يمان السلاح ع الشباك وقوص وصرخت فتون ..
فتحت عيونا شوي شوي ورفعت راسا وتطلعت فيه لقتو عم يبتسم
- فتون : انا ..
#داخت فتون ووقعت .. رمى السلاح فورا وحملها وحطها ع التخت
- يمان : فتوون فتون اصحيييي
#الكل اتجمع ع صوت الرصاص ودخلو ع غرفة يمان ووقفو فوق راس فتون
- جليلة : جيبي كولونيا بسرعةةة
- حاضر يا خانم
- يوسف : شو صار يمان
- يمان : غميت ع صوت الرصاصة يمكن
- يوسف : وانت ليش ضربت رصاصة
- يمان : يبدو انو تهيألي خيال بالحديقة وضربت رصاصة لاتأكد شو معرفني رح يصير فيها هيك
- جليلة : بلشت تصحى
- فتون : انااا ..
- جليلة : شو بنتي
- فتون : لساتني عايشة ؟
- يمان : اتطمني لسه الله ما اخد امانتو
- جليلة : ابنيي
#تطلعت فتون بيمان وتذكرت شو عمل .. تجلست فورا
- فتون : انت كيف بتتجرأ تعمل هييكككك
#زورها يمان وانتبهت انو كل العيلة موجودة
- فتون : يعني كيف بتضرب رصاصة بدون سابق انذار وفوقها بتتمسخر علي
- يمان : كان لازم اخد اذنك
- فتون : طبعااا
- يمان : فتووون
- فتون : خلص مافي داعي تاخد اذني سمحتلك
- يمان : فتووون
- فتون : برأي نسكر ع الموضوع
- يمان : رأيك بمحلو
- جليلة : خلص ابني
- يمان : تمام يا جماعة الوضع رجع طبيعي كل واحد يرجع ع غرفتو
- جليلة : متأكدة انك صرتي منيحة
- فتون : منيحة
#طلع الكل من الغرفة ويمان سكر الباب وضحك
- فتون : شي بضحك مو هيك
- يمان : اي
#رمت فتون المخدة عليه
- فتون : كيف هيك بترفع السلاح بوجهييييي
- يمان : لازم تتعودي
- فتون : ما بدي اتعود ع شغلات متل هي
- يمان : غصب عنك . ما في حدا هون بيطلع من البيت بدون ما يحمل سلاح معو لان ممكن تتعرضي لاذية بأي لحظة وممكن ما كون موجود معك لاحميكي
- فتون : انت تركني خليني روح بحال سبيلي وما بدي تحميني
- يمان : برأي لازم تتقبلي حياتك الجديدة
- فتون : رح اطلع من هون لو باقي يوم واحد بس بعمري
- يمان : منشوف
- فتون : لسه ما بتعرف مين فتون
- يمان : عرفينا
- فتون : انا مو متلك بعطي اسرار حياتي فورا
- يمان : ع اساس عندك اسرار خطيرة بتخرب الدنيا مو هيك
- فتون: خليك عم تتمسخر

_____
#اليوم التاني
#فاقت فتون وتطلعت حواليها ما لقت يمان
- فتون : منيح انو طلع ما بدي ينتزع صباحي
#رجعت غمضت عيونا وتذكرت انو اليوم رح تتزوج يمان
- فتون : اففف يا .. ابشع يوم ممكن انو عيشو بكل حياتيي .. يا رب شي معجزة تلغي العرس يصير اي شي المهم ما اتزوج هالبني ادم
#وهي عم تحكي طلع يمان من الحمام
- يمان ؛ شبو هالبني ادم
#انصدمت وضلت ساكتة ما حكت ولا كلمة
- يمان : ما قلتيلي شبو هالبني ادم
- فتون : انا ما ذكرت كلمة بني ادم
- يمان : مبلا مبلا حكيتي سمعت كل شي
#كان واقف وعم يطالع تيابو من الخزانة وعاطيها ضهرو .. بلشت فتون تمد لسانها وتعمل حركات بوجها ع الصامت
- يمان : كم مرة بدي قلك اني بشوف حتى لو عاطيكي ضهري وهالحرك..
#فتل لعندها وهو عم يحكي . قامت فتون بسرعة اخدت تيابها من الارض وفاتت ع الحمام وقفلتوو
- فتون : هالحركات بدي ضل اعملها مو عاجبك لا تتزوجني
- يمان : رح تندمي فتون .. رح تندمي
- فتون : ماشي يلا اطلع برا الغرفة
#عصب يمان وضرب باب الخزانة بقوة وطلع من الغرفة
- فتون : شو عملتي فتون ... ادعي انك تضلي عايشة اليوم
#لبست تيابها ونزلت لتحت كانو الكل ع السفرة .. راحت قعدت حد جليلة
- جليلة : بنتي ليش قعدتي هون
- فتون : وين بدي اقعد
- جليلة : جنب يمان هو رح يصير زوجك
- فتون : اي بس يصير بقعد جنبو
- يوسف : خلص امي مشيها اليوم.. يلا يمان رح نطلع
- فتون : بس ما بصير تطلع وتشتغل وتتعب حالك لسه جرحك يعتبر جديد
- يوسف : ما رح تعب حالي
- يمان : انتي موجودة منجيبك في حال صار اي شي
- فتون : قصدك تخطفني
#انتبهت ع حالها بعد ما خلصت كلمتها وكل العيلة عم تطلع فيهاا وابوها اول واحد ويمان بيزور فيها
- فتون : شبكن ! قصدي يخطفني من بينكن مو اليوم رح نطلع كلنا سوا .. يعني لازم تتعودو علي انا دائما بحكي هيك مصطلحات
- يمان : فتون برأي لازم تغيري مصطلحاتك يلي متعودة عليها