الجزء الثامن ...
@rwayate
#مرام :-رايحة ساعد اختي...

#جمانة :-مين انت ...

#انتي جمانة صح...

#منال:-شو يامو ليش اتاخرتو...عبد..😲...

#جمانة :-بابا...

#منال :-قفلي الباب امي قفلي الباب...

((دفش ابي بإيدو الباب وفات لجوا...

#عبد :-هالمرة مارح تحسني تحرميني من بناتي منال...

#جمانة :-امي شو عم يقول...

#عبد :-انا بيك يلي انحرمتي منو سنين بسبب عقل امك...

#منال:-حاجتك كذب ياااالا برا يااالا...

#عبد :-مارح اطلع من بيتي ليعرفوا حقيقة امهن..

#جمانة :-شو عم يقول وحقيقة شوو..

#منال:-شووو سيد عبد جاي بافتراء جديد عليه بشوووف لاني قلعتك..حقيقة شو يلي جاي تقولها لبناتك..انك خنتني ..وانك تركتني باهمالك بدون ماتصرف ليرة وحدة..ولا بدك تقلهن انو الحبيبة يلي هربت معها اخدت كل مالي وكبتني بالشارع وجاي افتري على امكن كرمال ماعندي بيت غيروا...هاا شو انخرست...

#عبد :-لا مانخرست ست منال...انا تركتك لانك كنتي عم تخونيني..

#منال:- الله واكبر عليك وعلى كلامك..كنت خونك وانا والدة ولا وانا حامل بمرام..انت واحد مريض مابتخاف الله ...رح تعيش طول عمرك ظالم..لو انا هيك مابتترك بناتك معي وبتهرب.كان جيت رفضت وجودهن معي ..مو خايف عليهن لأفسدهن.

#مرام :-بابا خدني معك بترجاك بابا...

#منال :-😲..

#جمانة :-مرام شو عم تحكي انتي..

#مرام :-بدي عيش مع ابي..مليت بالعيشة هون..

#عبد :-وهاد شو اسمو منال.

#جمانة :-انتي بعقلك شي مرام..فيقي على حالك انتي صرلك شي..هاد مانو ابي انتي مابتعرفيه شلون بتقولي بدك تعيشي معو..

#عبد :- لانها عارفة كمية القرف اللي عايشتو مع امها.امشي يابي امشي..

#منال:-مراام اذا بتطلعي من باب البيت اعرفي انك مانك بنتي وغضبان عليكي ليوم الدين...

#عبد :-امشي يابي ..لاتطلعي وراكي .

#جمانة :- وين رايحة تعي..اذا امي مانها قادرة عليكي من شعرك بجرك..

#عبد :-اتركيها جمانة..

#جمانة :-انت بعد عن حياتنا اطلع منها مابدنا نشوفك فيها لك انت اب نذل..بحياتك مارح تصير شخص معتدل..صح اختي ماوعيت عليك بس انا وعيت على دمعات امي كل ليلة وعلى الوجع والحسرة يلي عاشتو كرمال تربينا..واذا اختي طينتها وسخة ومابتقدر تعب امي انا بغسل طينتها بإيدي..

#مرام :-اتركي شعري اتركيني..

#جمانة :-اخرسي وفوتي لجوا وين هرباني بعد كل يلي عملتيه. لك انتي اقل شي الزنزانة ارحم لالك..وانت يلي بتقول انك ابي الله معك...ماتفكر جمانة فيك تضحك عليها لااا انا منال التانية من تنصلح وتقدر امي وتقدرنا وقتها اعرف انو نحن بناتك...

((بالقوة لطلعت ابي من البيت واختي يلي ماعرفت شلون ضربتها ..وامي يلي قاعدة مصدومة من يلي صار...رجع رن جرس الباب..

#جمانة :- هاد ابي اذا ماراح رح اتصل بالشرطة...
مين انت كمان..

#توصيل البيتزا...

#منال:-الحقين

ي امي اختك المجنونة...

#جمانة :-مرام اوعي لاتعملي هيك مرام لاتنتحري من تاني انتي مجنونة ترمي حالك من فووق مرااا
م..

#توصيل البيتزا :- الح

مد لله قدرت لحقك اختي مو حرام تعملي بحالك هيك..

#منال:- انتي وحدة غبية اعطيني حبلة جمانة ..بسرعة امي..دقلي انت على الدكتورة رفيف..

#توصيل البيتزا :- مين رفيف اختي مابعرفها انا عندي شغل خدو البيتزا وحاسبوني ...

#جمانة :-اعطيني انا بدقلها الوو دكتورة رفيف دخيلك ساعدينا اختي حاولت تنتحر مرة تانية...

((بعد نص ساعة ونحنا محتجزين اختي وتبع البيتزا اجت الدكتورة رفيف ..اعطت اختي مهدء لانها كانت فاقدة السيطرة على حالها.من الصدمات يلي عم تلحقها ..وتصرفها مع ابي كان بسبب ضغط نفسي ...

#جمانة :-بعتذر منك اخي والله طولت عليك ..

#اسمي هيثم ...لا تهتمي الله يعينكم اذا احتجتي شي انا ساكن بالبيت يلي مقابيلكن وبشتغل بتوزيع طلبات البيتزا..اي شي دقيلي..

#جمانة :-شكرا لالك الله معك..

((كانت امي واختي والدكتورة رفيف فوق وانا بلشت نضف الفوضى يلي صارت..وجهزت قهوة مشان الدكتورة رفيف بالصدفة اسمعت رنة الفايبر لموبايل رفيف.. قربت لعندو كان مكتوب ياسمين...فتحت الخط واظهرت الكاميرا ..لقيتها فرصة لاقتل شكي..

#ياسمين :-امي وينك ياحلوة ..

#مرت عمي وينك بكرة نازلين على البلد..

#جمانة :-تيسير 😢😢

الجزء الثامن...
Telegram@rwayate
((كنت عم فوتو بمواضيع وطلعو منها كنت عم ابني علاقة وهمية لاعيش زوجتو اللي عاشتو اختي ...بسببها ...وهيك بلشت الحكاية بهدم اول مثلث بهرمي ...

#عدي:-يااااه صارت 1 بالليل اخدنا الوقت ...انتي عندك بس هاي الصورة...

#لا عندي كتير ...

#عدي:-طيب خليني شوووف..

((بلشت جمع الصور من حساب الصبية ...كانت بريطانية بس شكلها قريب على العربي..كان حسابها متحف صور ومتل مابدي...

#عدي:-شووو هاااي الصورة مش قادر رح انحرق لك مااايوه...

#اي اي كنت بالبحر انا ورفيقاتي..

#عدي:-ياريت كنت معكن..

#عندك صور متل هيك..

#عدي:-لا لا مابتصور هيك انا...

#بليز كرمالي بدي شوووفك منيح بعضلاتك وهيك...

#عدي:-انا ماعندي عضلات بس كرمال عيونو لحبيبي بتصور...

#بس بدون كنزة..بدي شوفك هيك بالطييعة او بلبس النووم..

#عدي:-ههههههه زعرا صحيح...

#يالا لا تتاخر...

#عدي:-حاضر حاضر يالا ..شو رأيك بهاي..

#لا مانها واضحة..

#عدي:-طيب هاي...

#لا لا وجهك مانو باين فيها ..احلى شي وجهك لاتخبيه..

#عدي:-طيب هيك...

#وااااااو بتجنن ..شو بتسحر جسمك جذاااب...

#عدي :-عجبك...

#كتير كتير ياعمري انت ....

#عدي:-متى رح نقعد سوا متل الصورة يلي انتي ورفقاتك فيها...

#شو رايك تعزمني انت...

#عدي:-تروحي على مسبح...

#اي اكيد بحبو كتير...

#عدي:-شو في عندك مسابح فخمة...

#مممم رح اشووف وابعتلك التفاصيل ...

((بلش يوقع بالفخ شوي شوي...بس فكرة المسبح هي يلي مامرقت عليه..مابعرف شو اللي خلاني البس تيابي وروح لشي قهوة عربية... وقفت فيها وانا خجلاني من حالي كل العالم عم تطلع عليه...متل يلي وجه جديد اجا للساحة لوصل لعندي صاحب القهوة.

#صاحب القهوة :-بدك طاولة نسائية ولا مختلطة...

#سحر:-وين هاي...

#صاحب القهوة :-فووق عائلات وهون شباب وفي جوا اذا بتحبي 😉😉...

#سحر:-اي فوتني لعندو هاد...

((مسكرة على اصول عربية..انحطاط اخلاقي عالي..عربيات من كل الجنسيات مسخرة ..او وحل من الساقطات هون انا ماعم عمم على شي بس هاد اغلب مصير البنات اللي بصلو اوروبا وبكونوا بدون رقيب او حسيب..فتت وانا قرفاني من حالي بس لازم يجربوا الحنظل يلي رح بيعو .. وصلت لطاولة كانو فيها صبايا عم يأرقلو...ويشربو ودخان وحشيش وقرف...

#سحر:-فيني اقعد معكن..

#هههههه اهلا بالرقم الجديد لالنا ..انتي شغل داخلي ولا خارجي..

#سحر:- مافهمت شو قصدك ...

#يعني اول مرة بنشوفك فأكيد خارجي لان محسوبنا شغل داخلي..

#سحر:-اي اي بس انا لا شغل داخلي ولا خارجي..
Telegram@rwayate
#لكان ياقمر ...

#سحر:-عم اسأل عن هاي الشغلة ..كم بتوفر لالكن مصاري...

#يعني بالدولار على كل مشوار خارجي شي 40 دولار وداخلي 20...

#سحر:-اوووف قليل..

#هههههه عندك اغلى من هيك..

#سحر:-اي في 100...

#لك حاجي لا اضحكيني لك ارخص من هالشغلة هووون مافي ...

#سحر:-بس انا عندي هيك..

#يعني فاتحة بيت دعارة شي...

#سحر:-اللي بتحب تجي 😉😉...

#اها بنفكر واذا كان كذب ..رح نقطعك شقف.

#سحر:-انا هلاء بدي وحدة وكمان كم يوم وحدة...

#خديني انا بتحمل ورح وفرلك مال ماتحلمي فيه...

#سحر:-لكان تعي انتي شو اسمك...

#رولازين...

#سحر:-كذابة...

#اسمي عايدة...

#سحر:-اسمك شاهيناز...

#سدقيني عايدة..

#سحر:-اي بعرف بس انتي هلاء صرتي شاهيناز...

#لوين نحنا رايحين...

#سحر:-رح اخدك نحكي بمكان منيح شوي ...

#انتي سادقة انا شاكة فيكي...

#سحر:-هاي 30 حق مشوار ونص من يلي عم تطلعيهن هاد بس عربون لالك ..لتسدقي انا من الاخر مابدي تشتغلي هيك شغل..

#شو ياحبيبة ماما جاي تسوقي الشرف عليه...

#سحر:-هههههه اعوذ بالله شرفك عم ينقط منك تنقيط...المهم انا مابدي تنحرفي عن مجال حرفتك وموهبتك..انا عندي شغلة اذا انجزتيها رح اعطيكي 200 اقل شي..

#اووه شو هاي الشغلة...

#سحر:-رح اعطيكي رقم هالشخص بكون زوج اختي او بالاحرى طليقها...

((ووقتها بلشت اروي لالها قصة اختي واللي صار معها...ومل التفاصيل يلي رح تعملها..كانت ماعم تسدق حالها قدام المال..يعني ياصنف الرجال..المرة المنيحة بضلا تحافظ على بيتها لاخر رمق ونفس..بس من تشووفك مانك قدها وقد انك تصون بيتك بتجمعلك كل شياطين الارض من النسوان لتقلبلك حياتك. جحيم...كيدها عظيم ..

شهيناز هي الدمية الجديدة اللي رح العب فيها..بعرف رح تستحقروا فعلتي..بس شهينار من صنفها لمرتو لعدي ..نفس النوعية همها تخرب حياة عائلات كرمال المصاري وهيك نوعية رجال همهم غرائزهن اللي مابتشبع..سهل انهن يوقعو فريسة لهيك دمى .وبالكون هاد رح تلاقي اصناف كتير من البنات...وكلمة انو النسوان متل بعض..هاي اكبر تفكير غلط ممكن تفكر فيه بحياتك ..في منهن ورد بألوان وفي منهن افاعي كمان بألوان وانت لالك حرية الاختيار....يا اما رحيق يرتوي قلبك فيه ..يا اما سم يقتلك.