قصة جديدة: #انين
.............
قراءة ممتعة🦋💙"
#ⴅÂÐЄĦÂ

#انين
#الكاتبة امل
#الجزء الاول
Telegram:@rwayate
ام انين : يلا يا انين تعي ساعديني بدي اعطيها للزلمة خلي يحاسبني
انين: يلا ماما ليكني اجيت بس كنت عم اتسلى على الشباك
ام انين: يا روحي اديشك مظلومة هل الجمال ما لازم يكون مطرحو بهل البيت الصغير التعبان
انين: ماما لا تقولي هيك بكفي انو انتي امي
ام انين: اي الله يصلح ابوكي
انين: اميين يارب ، خليني ساعدك اعمل البازيلا
ام انين: هههه اي اعمليها سهلة عليكي
انين: ههه اي ايدي عم يصيرو سود من الباتنجان
ام انين: اي عمري اعمليها ربي يبعتلك ابن حلال يحبك وبكون معو مصاري ويطالعك من الحالة يلي انتي فيها
انين: امين يا امي ورح اخدك معي فورا وما رح اخلي بابا يضربك ابدا
Telegram:@rwayate
انين بنت أية من الجمال عيون زرق وشعر دهبي ناعم وطويل عمرها ١٧ سنة وعم تدرس، وحيدة لامها وأبوها
امها معذبة كتير وابوها كتير ظالم وعلى طول بيضربهن وبياخد مصاري الام يلي بطالعهن من شغلها وبحطهن على الشغلات الحرام من شرب ولعب قمار وهل القصص ، انين امها حبت تسميها هيك اول ما ولدتا لانو عرفت اديش رح تتعذب بحياتا مع اب ظالم ما بيعرف طعم الرحمة ، كانو ساكنين ببناية غالية بقبو بالأرض وبيدفعو اجرتو كل شهر

ابو انين اجا بالليل سكران وعم يغني وأنين خافت كتير وتخبت ورا امها حتى ما يضربها متل كل مرة قرب على امها وطلب منا مصاري
وهي قالتلو انو ما معا ولسا ما سلمت الخضرا للزلمة يلي بتشتغل عندو وهو سمع هيك وبلش يضربها ضرب مبرح وما رحما ابدا
وأنين صارت تبكي كتير وتحضن امها
ابو انين: هاد الضرب مشان ما تنسي تجيبي مصاري
ام انين: لك من وين بدي جيب من وين عم قلك عم اشتغل بالخضرة حتى ناكل شو بدك اشتغل كمان
ابو انين: اشتغلي الشغل يلي جايبلك ياه
ام انين: ما فشرت هاد الشغل الوسخ خليه الك
ابو انين : اي تصطفلي انا من يوم ورايح ما بقى تشوفو وشي ما بقى بجي على البيت ابدا ان شاء الله حتى تموتو من الجوع
Telegram:@rwayate
ام انين: اي بالناقص منك
وحضنت بنتها وصارت تبكي
ام انين: انين يا عمري من يوم ورايح رح نبقى لحالنا ما في رجال ورانا هو صح ما كان سند النا بس مهما ما كان بيحسبو حساب انو في رجال بالبيت
انين: طيب ماما حاضر بس شلون بدنا نشتغل هيك
ام انين: رح نصير نشتغل انا وانتي كل وحدة بمحل بس انتي بتاخدي خضرة على قدك كيلو او اتنين اي يا عمري
انين: ماشي ماما حاضر
ام انين: تمام لكن بكرا منروح منسلم الخضرة لصاحبها وبعدا منروح منشوف لالك شغل عند الخضري يلي بأخر الحارة
انين: ماشي

تاني يوم الصبح اتوجهت انين وامها لمحل الخضرة حتى يسلموه الشغل متل كل مرة
بس هل المرة انين رح تبلش شغل متل امها حتى تقدر تساعدا بمصروف البيت
ام انين: مرحبا يا اخي
صاحب محل الخضرة ( ابو اسامة) : اهلين يا ام انين كيفك
ام انين : بخير الحمدلله جبتلك الخضرة
ابو اسامة: يسلمو
ام انين : الله يسلمك عطيني اذا في شي تاني اشتغلو
ابو اسامة: اي في ، ثواني أعطيكي الشغل
اسامة: مرحبا خالة كيفك ، كيفك انين
Telegram:@rwayate

ام انين : الحمدلله بخير وأنين منيحة
ابو اسامة : تفضلي هي الشغل
ام انين: الله يعطيك العافية عن اذنكن
ام انين : لا تحكي مع اسامة ابدا عم تفهمي
انين: امي انا ما بحكي معو ابدا ولا بحبو
بعدين هو عم يسأل عادي نسيتي انو خاطب بنت عمو
ام انين: يييييي اي والله نسيت ليش ابوكي بخلي الوحدة تفكر
راحو على محل الخضرة يلي بأخر الحارة
إم انين: مرحبا يا اخي يعطيك العافية
صاحب المحل ( ابو محمد) : اهلين يا اختي الله يعافيكي
ام انين: بلاقي عندك شغل خضرة
ابو محمد: اي يا اختي في
أتفقو على كل كيلو اديش رح تاخد واخدت الشغل ورجعت هي و انين على البيت
وبلشت انين بالشغل وصارت تسلم الشغل كل يوم بيومو وتاخد المصاري وتعطيهن لامها
حتى بيوم من الايام ابو محمد سافر على ضيعتو وترك ابنو محمد يلي معروف عنو انو واحد اناني وما بيرحم وبياكل حق الناس غير ابوه يلي كان بحب الخير للكل
راحت انين لعندو مشان تسلمو الخضرة وامها كانت بالبيت لانها مرضانة
انين: عمو ابو محمد وينك انا اجيت
محمد: ابي مو هون رجع على الضيعة شو بدك منو
انين: انا عم اشتغلو بالخضرة وهاد شغل اليوم
محمد: اي هاتي لهون
انين: طيب بدي أجرتي هلق
محمد: روحي من هون ما في اجرة
انين: اي بس ما بصير هيك انا بدي اجرتي
محمد ضربها ودفشها على الطيب وصارت تبكي وراحت اعدت بعيد عن المحل
قرب منها رجال وسألها : شبك ليه هيك عم تبكي
انين: ضربني وما رضي يعطيني اجرة الشغل
مجهول: مين هون
انين: من دون ما تتطلع عليه انت ما دخلك
مجهول : طلعني فيني انتي مو انين
انين: اطلعت فيه ومسحت دموعها بكمها اي انين: الحمدلله على السلامة ما كنت بعرف انو انت يا عمو
Telegram:@rwayate
الرجال يلي سأل انين ليه عم تبكي
بكون صاحب املاك كبيرة وكتيرة بالبلد وصاحب البناية يلي انين اعدين فيها
بينادولو شاهر بيك