ليا

#ايناس: اخدتهن بنت جيراني قال نفسها تشوفهن..وتلاعبهن..

#سامر : بتمزحي شي ...

#ايناس : لا مابمزح بس بصراحة جاي على بالي اقعد معك قعدي لحالنا ..بدي احكيك بكم شغلة ..

#سامر : قومي جيبي اولادي لو سمحتي ...اذا مانك حابة يبقو اولادي عندي مانك مضطرة تقولي لالي جيبهن معك ..انا اولادي مابنحطوا عند الجيران ...كان فيكي تحكي بوجودهن ..

#ايناس : سامر ماقصدت بس شو فيها لو قعدنا من دونهن..

#سامر : استغفر الله سلاام...رايح اخد اولادي من عند الجيران ..

(انا صابتني الصدمة كرمال تقعد معي ...تركت اولادي عند الجيران ...بلشت احس انو الوضع مابطمني ,...بس امي بلشت وقتها ترتاح شوي ...قرب يوم الزواج ..وانا كنت مشرط وقتها انو مايصير فرح بس اللي صدمني من رحت اخدها من بيتهن كانت العراضة والطبل والزمر ..والدنيا قايمة وقاعدة ..انجن عقلي ماعدت اتحمل وماكفى لهون ..من تركتهن ومشيت كانت طابور العراضة واصل لحد بيتي ...انجن عقلي وقتها ...من شافتني امي هيك صارت قد مافيها توقف هالزمر والاغاني ...تركت البيت واخدت اولادي ورحت لعند قبرها لمرتي ..وانا خجلان من حالى ..قعدت جنب القبر وانا ماني حسنان انطق حرف واحد ...

#سامر : شو بدي قلك ...انو ماصرلك كم شهر مفارقتيني ومن صرتي تحت هون رحت اتزوجت ...شو بدي قلك انو هالمرة ما احترمت حزني وصلت صوت العراضة لباب بيتك ...شو بدي قلك انو في وحدة هلاء راح تاخد مكانك وتصير جنبي واسمها على اسمي ..محروق قلبي...والله كرمال هالاطفال ...مانو عذر لا والله سامحيني سوسن سامحيني الله يخليكي هالشي مو بيدي والله ...

(كانت بنتي عم تلعب حوالين القبر وهي مانها عارفة شي ...وقتها صارت تقطف ورد وتجي تحطو بتراب قبر امها ...ونامت جنب الوردات من شفت هالمنظر قلبي وقف ماعدت احكي شي..معقول هالطفلة حاسة انو تحت هون امها ...طيب ليش نامت فوقو ..مابعرف ليش بنتي اتصرفت هيك ..اخدت بنتي وابني ..ونحنا على الطريق ..

#سامر: داليا بابا ..انتي بتحبيها لماما

#داليا : اي

#سامر : طيب بابا ليش جبتي وردة وزرعتيها بالرمل ..

#داليا : بابيتي انت قلت انو ماما تحت هون ..وانا جبتلا وردة مشان تجي تاخدها انا بحبها لماما ..

الجزء الخامس

((ماكنت حسنان ارد على بنتي ..ماتوقعتها انو هي فهماني شو بقول ..من وصلت كانت بنتي وابني نامو ..اطلعت مشان فوت لبيتي لاول مرة بعد غيااب اشهر عنو ..فتت وكانت اضاءتو مشعلة ..ركضت بسرعة لانادي على سوسن ..من فتحت الباب كان خيالها بظل غرفة النوم ...

#سامر : سوسن حبيبي انت هوون

#ايناس: احم احم كأنك بتنادي على حد

#سامر: اينااس

#ايناس : اي اي حلو كتير بيتنا بس كلو غبرا وتراب كاأنو مهجور بس نضفتو جبت اللفاية عملتو ..

#سامر : اها طيب فيكي تنامي برا بالصالة هالليلة . لعند ما اخلص كم شغلة ..

#ايناس : لا مابصير ..رح فووت جهز حالي ..وانت حط الاطفال بغرفتهن...

(انا راح وقتها عن بالي انو ايناس رح تسكن هون ...ماكنت متخيل هالشي ..ماكنت متخيل انو رح تلمس كل الشغلات اللي سوسن كانت تلمسهن ...فتت نيمت اولادي ونمت جنبهن ...ونسيت انو ايناس بالبيت ...

#ايناس: جيت بالليل فيقتك اكتر من مرة بس انت شكلك كنت تعبان ..

#سامر : صباح الخير

#ايناس : اهلين ..صباح النور..

#سامر : افطرتي اتحبي جهز الفطور ...

#ايناس: اذا عم عزبك بلاها هلاء بدق ع امي شوي ويتجي جايبة لالنا فطور...

#داليا : بابي بدي اعمل ممممم

#سامر : يالا بابا اسرعي على الحمام لاحقك..

#ايناس : اي الوو مامي ...اي اي لو ..ههههههه متل مابدك ..

#سامر : فيني افوت اخد حفوضات احمد من الغرفة ..

#ايناس : ثواني مامي ..اي عادي غرفتك فوتها ..

(اول مافتحت الخزانة لقيت كل اغراض سوسن مانهن موجدين ولا تيابها ولا صورها ..

#سامر : بدي اسالك وين الاغراض

#ايناس : قصدك تيااب المرحومة ...انا حطيتهن تحت بالمخزن ...

#سامر : مين امرك بهيك شي ...على اي اساس بتعملي هيك ...

#ايناس : انت ليش عم تعيط عليه نسيان اني عروسة ..بعدين مو بكفى ماخليتني افرح متل هالبنات ..وبعدين تاركلي بالبيت اثار مرتك الميتة ..

#سامر: اول شي انا خبرت وقلت انو هيك شرطي تاني شي انا ماضربتك على ايدك توافقي ..تالت شي ماكان فيكي تتصرفي باغراض مرتي قبل لتطلبي اذني فهماني ....

#ايناس : يعني شووو كنت بدك احط تيابي جنب تيابها ..

#سامر : طبعا لاء ...رايح بدي نزل الاولاد عند امي اذا احتجتي شي ابعتيلي رسالة ..

الجزء السادس ..

(مرق اليوم كلو ..لاشفت ايناس ولا حتى وجودها نفعني بشي بالعكس زاد الضغط عليه ضعفين ..

#ام سامر : يامو وينها مرتك ليش ما نزلت ولا اجت ساعدتك بهالاولاد ..

#سامر : مابعرف امي لا تسأليني شي ...يمكن اهلها عندها ......شوي بدي اتصل اتصال ...الوو اي عمي ابو صبحي اي بدي غرفة نووم جديدة ..لا لا بدي نزلها تحت اي ...مع السلامة ..

#ام سامر: غرفة جديدة ليش ياامو..

#ام سامر : انا غلطان رح عن بالي انها عروس وبدها غرفة لحالها ..غرفة سوسن رح نزلها لتحت ...ورح جبلا عفش جديد..مالها ذنب التانية ...

(اخر الليل اطلعت لفووت كان البيت مقلووب الوسخ بكل مكان قشر المكسرات بكل مكان ...كاني فايت شي حظيرة الله يعزكم ..لقيتها متمددة على الكنباي وحاطة على حالها الروب تبع مرتي من شفتها انجن عقلي ماقدرت اتحمل ..

#سامر : ايناس هاد لسوسن ليش لابستيه ..

#ايناس : انا وعم ضب الاغراض تبعتها لقيتو وعجبني ..

#سامر : شلون اجا بقلبك تلبسي شي لمرتي انتي صاحية شي..

#ايناس : هي مرتك بس ماتت وانا مرتك وبعدني عايشة ..وانا لهلاء ماصرت مرتك متل الخلق شو القصة ..ليكون بدي عيش العمر هيك معك...

#سامر : وبعدين واذا لبستو للروب اساسا كنت بدي اشلحو ريحة البرفان ماعجبتني يلي عليه ...

(مديت حالي على الكرسي وانا السكوت عم ينهش فيني ...نيمت اولادي وفتت دخلهن على غرفهن ...وفتت لاعمل كاسة قهوة لقيت كنزة سوسن اللي بحبها وكنت حطها جنب مخدتي ...معمولة خرقة للمطبخ ...ماعرفت شو اعمل غير اني اعيط ...

#اينااس : يووووووه شكلو الهنا باين من اولو ...شو قلي ..اهاااا الخرقة ...

#سامر : لك انتي عم تعذبيني ...انتي قاصدة تعملي فيني هيك ...هاي مو لالك باي حق تعملي بالكنزة هيك ..

#ايناس: انت شكلك مجنون ...الله يصبرني شكلو العيشة معك مابتنطاق فايتة انام ارجع لعقلك الحي ابقا من الميت تصبخ على خير ...

(ماكنت عارف شلون اتصرف معها ...تاني يوم من فقت كالعادة غيرت تياب اولادي ونزلتهن لعند امي تفطرهن ..وهي بعدها نايمة ...وبقيت انطرها للساعة 12 لفاقت ...

#سامر : صباح الخير ممكن تنزلي عند امي ...حاولي ضبي تايبك ..

#ايناس : ليش

#سامر: بدي غير عفش البيت ..بعد ساعة جااين الشغالين ..

(كل شي بتعلق بسوسن نقلتو ...حتى مج القهوة اللي كانت بتحب تشرب فيه ..جددت البيت كلو ...على امل انو هالمشاكل توقف بس ماوقف بالمرة ...

#ام سامر : ايناس ..

#ايناس : اي مرت عمي ..

#ام سامر : عندي مراجعة اليوم عند الدكتور ..خدي هالاطفال بس لعند ما ارجع ...

#ايناس : بس مرت عمي عندي مشو... اي خلص ماشي ..

#ام سامر : اي يالا نازلة ديري بالك عليهن مارح اطول ...لعند مايرجع ابوهن من الشغل ..اتحملي يابنتي ..

#ايناس : الوو ماميتي ..الحقيني رح مووت من النكد يلي انا فيه ...جابتلي اولاد سامر مافيني اتحمل ...شو ساوي ..اي اي ابعتيلي رقمها . لا لا مارح طول بس بدي تقعد عند الاولاد ..قد مافيكي اعطيها ..

(اتصلت امي وانا بالشغل لتخبرني انو الدكتور عندو مرضى كتير وانو رح تتاخر وانها تركت الاولاد عند ايناس ...والله مااتحملت اخدت حالي قبل ليخلص موعد الشغل ..وارجعت على البيت ..ومن فتحت الباب كانو اولادي عم يبكوو...كانت وبنتي حالتها بالويل ..وابني اللي الاحمرار مكان الحفووضة لدرجو لحمو مسلخ ...وبنتي اللي بتبكي على طول جوعانيني ..صدمني وضعهن ..فتت صرت نادي اينااس ايناااس ...ماكان حد بالبيت .....انجن عقلي ...لقيت ورقة مكتوب عليها ..الاتي ..

((مدام ايناس اطفالك لايريدون النوم ...وانا انتهت مدة جلوسي معهن ...وانتي تأخرتي كثيرا انا بعتذر وقت المغادرة ..6:30 مساءا ...ومن اطلعت بالساعة كانت تقريبا شي 8 ..يعني اولادي انتركوا ساعة ونص لحالهن عم يبكوا بالبيت ...صرا وين لاقي شي قدامي اكسروا دقيت على امي اللي اجت تركض ...وخايفة وضغطها مرتفع ...

#سامر :يامو متى تركتي الاولاد..

#ام سامر : والله يامو من الساعة 1 الضهر وهي قالتلي تكرمي ..

#سامر : اولادي ماكانت هي معهن كان في خدامة ....وهي من وقت ما اطلعتي هي طلعت ...خدي شوفي هالورقة ...

#ام سامر : يالطيف ..ريتهن انكسروا ايدي ياتيته ولاتركتك هون ..ريتو هالوجع فيني ...

#داليا : تيته ذوعاني ...

#ام سامر: هلاء تيتيه هلاء بطعميكي ...

(ما ارتاح قلبي الا وقت ما اولادي ارتاحو ونامو كان قلبي بيرجف رجف على حالهن...لوقت ماوصلت اينااس وفتحت الباب ..

#ايناس: هاا ليكها مرت عمي عنا خير شو صاير ..

#سامر : فوتي ...

الجزء الخامس عشر..

((كان عم يتفق مع الشياطين يلي تابعين معو على شغل جديد...اول اسبوع القبو يلي كنت فيه ما انتهى من انشغال عمي نضال كان بحبسني طول اليوم فيه لوقت مايرجع جايب اكل ..كانت تمر ايام طويلة ما اشم ريحة المية كانت فتحة بسقف القبو ادخل لالي هوا..حاولت كتير اوصل لالها ماكنت اقدر بس كنت شوف دعسات ناس واعرف انها هاي الفتحة قريبة من شارع...

#ايناس :-عمتي والله عارفة انك حزين..كرمال الضيوف افرد وجهك ابتسم ...

#حازم :-بسيطة الله كريم...

#كاترين :-حبيبي تعا ارقص معي...

#حازم :-مابعرف ارقص...

#كاترين :-بليييييز...

#حازم :-لو سمحتي مافيني..

#ام حازم :- ابني قوم ارقص مع عروستك اليوم خطوبتك ماحلوة...

#حازم :-اتركيني بحالي امي...اجاني اتصال سلام...

#ام حازم :-رح يجنني هالولد..

#ايناس :-معلش يلي صار معو مو سهل وخاصة موضوع شغلو..اتركيه براحتو بكرة بينسى...

#ام حازم :-انا شو ذنبي ايناس..اذا هاديك البنت هربت ولا انخطفت مابعرف انا بشغلو رح يسحبو منو رتب......

#كاترين :-مرت عمي حازم شبو ..رح يبقى معي هيك..

#ام حازم :-لا ياعمري بس هو شوي مخنوق...رح يرووق...

((كانت اايام تمر على عجل ماكنت احسب شي...كنت من اسمع عمي نضال بحكي تلفون اعرف التاريخ واليوم شو....

#نضال :-منار ..خدي هاد البكيت...

#منار :-شوو هاد..

#نضال :-طحين ..

#منار :-شو رح اعمل فيه...

#نضال :-هاد نوعوا غالي ..انتبهي كلو صغير ..بتروحي فيه عند المدرسة الثانوية يلي اخدتك عليها من شي يومين...بتوقفي عن الباب ..الشاب يلي بعطيكي 10 دولارات هو يلي بس تحطي بإصبعو ..غبرة صغيرة شوفي متل هيك...

#منار :-10 دولارات لهيك . ليش الناس بتشتري طحين هيك غالي ..

#نضال :-مشان يشموووه...هاد النوع اذا شمتيه رح يعجبك..قربي تعي...

#منار :-لا مابدي

#نضال :-قلتلك تعي..شمي...

((اول ماخلاني عمي شم غصب حسيت بإسترخااء ماكنت بعرف انو هالشي نوع مخدرات ... بس اول من خطر على بالي هو حازم من كان يلاعبني ويضحك في وجهي..وحركاتو وصفنتو بعيوني..او يوم ماحط لالي الوردة على شعري..ياخسارة كلو راح....بلشت اشتغل مع عمي نضال واوقف فترة رجوع الطلاب من المدارس على باب المدرسة وبلش بيع مخدرات كنت احاول اوقات اهرب بس عمي دايما كان يمسكني ويضربني كتير...بالاخر فقدت الامل...اللي كان يوجعني اكتر...

#نضال :-فووووت هون..

#منار :-عمي مين هاد..

#نضال :-😊😊 حسيتك ذكية..بس فشلتيني...

#منار :- 😔

#نضال:- هاد رح يخليكي تاكلي فرووج ليومين شو رايك...
فوت جوا ولا...رايح انا...

((ضربو عمي على رقبتو طفل كان عمروا 6 سنين..وقع الولد جنبي وصار يبكي قفل عمي علينا الباب كالعادة ورح...كان خايف مني وعم يبكي...

#بدي ماما...

#منار :-وانا كمان متلك بدي امي..انت شو اسمك..

#اسمي يونس...

#منار :-حبيبي انت شو جابك لهون...

#يونس :-بابا جاب لالي بسكليتة وكنت العب فيها على باب بيتنا...هاد قلي تعا خد سكرة وشوكلاه..بلشت الحقو وجابني لهون...

#منار :-انت جوعان..

#يونس :-اي كتير انا هلاء بابا رح ياخدني كرمال ماما تعملي اكل...

((كنت كل ما اقرب عليه يهرب مني..كنت بعرف مصيروا بس كان كتير صغير...كنت زعلاني ليش اهلو تركوه بالشارع وغابت عيونهن عليه...معقول يوميا بصير هالشي واطفال كتير بنقتلو كرمال يبيعو اعضائهن...كان نفسي ساعدو بس ماكان طالع بإيدي شي...حاول طعميه لان كنت زعلاني عليه يموت جوعان...ومتل العادة تركتو لحالو بالقبو لان عمي نضال كان جاي ياخدني للشغل على باب مدرسة...

#نضال :-بترجعي اليوم لحالك لعند القبو رح كون ناطرك بالبيت على 4...4 ودقيقة رح اقلع لالك عينك اتفقنا...اي حركة يمين وشمال رح اكمشك عيوني عليكي كتير

#منار :-حاضر...

((تركت الولد وانا كنت عارفة اني رح ارجع لاقيه ميت..لان عمي ماقبل يوصلني لان في فريسة بالقبو كتير رح ادر لالو مصاري ....خلصت شغلي على 3و40 دقيقة..وانا بطريقي راجعة على البيت...

#منار :-حااازم...

((اي شفتو عند محل زهور واقف كان حازم..ركضت لعندو وانا ماني خايفة من عيون عمي نضال يلي قلي عنهن..

#منار :- حازم حازم ساعدني انا منااار...

#مين انتي...

#منار :-حازم انا منار يلي كانت بالمشفى...

((كنت عم احكي معو اجت وحدة كانت لابسة قصير وشعرها على احمر غامق طويلة وحلوة كتير...

#حبيبي مين هاي...

#سونيا حبيبتي والله مابعرفها كانها بنت شوارع بعدي هيك...

#منار :-حازم اتذكرني الله يخليك ...الحقني رح يقتلوني ...وفي كمان طفل رح يقتلوه..

#سونيا :- حاتم بعدها عنك كتير مقرفة وريحتها عم تلعي نفسي...

#حاتم :- خدي 20 دولار بس بعدي عنا هيك...

#عيد : -بنت شو عم تعملي هون...مشي معي...

((بعد مادفشني حازم يلي انكر وجودي قدام حبيبتو..اجا عيد اخدني وقتها فقدت الامل على الاخر وحسيت ان حازم. متلهن...غدار..

#ⴅმძ3Һค

الجزء السادس عشر...

#عيد :-رح خبر عمك انك كنتي رح تهربي..

#منار :-لا لا كنت عم بيعو شووف بعتها ب 20 دولار...

#عيد :-اها شاطرة يابنت ...

(( بالقوة سكتت عيد عني..بس تفكيري كان بحازم ليش هيك عمل فيني..بلشت اسال حالي ليش انكر حالو قدامي مو هو قلي انو رح يكون متل ايدي السليمة تسند ايدي اللي مابتشتغل ليش ماساعدني متل ماوعدني..بلشت اتذكر كلامو وحكيوو ...😢😢...

#ايناس :-حازم لالو اخ توام بيشبهو بالشكل وبختلف بالمضمون...

((وقتها اتذكرت انو يلي قابلتو مو حازم هاد
حاتم..حازم مستحيل يعمل هيك فيني...ارجعت على البيت..وانا نفسي ارجع لهاداك المكان واخبر حاتم انو يقول لحازم عني...بس ماقدرت فتح عمي القبو...وكان معصب كتير...خفت يكون عرف اني رحت خبر عنو....لان مستحيل يكون معصب اذا قتل الولد..لاني عم اسمع صووتو بيبكي بقوة فتت لعندو حضنتو ..

#نضال :-الو دكتور شوكت انت غدرت فيني هلاء صرت تشتري اعضاء من عند غيري ماعاد يعجبك السعر تبعي..احنا اتفقنا...

#شوكت :- هلاء ماني بحاجة لاعضاء ...قريب كتير برجع دقلك....

((هالشي ريحني كتير..او يمكن طرت من الفرحة انو في عمر جديد انكتب للطفل يونس...او يمكن في فرصة اقدر ساعدو...

#نضال :-شو اليوم في زيادة...هاد يلي بتركك تشتغلي براحتك بتجيبي الضعف..برافو يابنت...

في الفيلا....((وقت الغداء))

#سونيا :-انا مابسدقك حاتم..

#حاتم :- حبيبتي ياعمري انتي بتعرفي انو منظرها كان مقرف شلون بدي اطلع عليها ..يعني اترك هالجمال واشوف بنت متل هاي..

#ام حازم :-شو السيرة يا اولاد صوتكن طالع ..تعو الاكل جاهز واخوك وخطيبتو وبيك وعمتك ناطرينك انت وخطيبتك...

#رمزي :-كل يوم خناق ...صوتك هالمرة ليش طالع...

#حاتم :-الغيرة بابا...

#رمزي :-هالمرة الغيرة على شو...هاتو اشووف...

#حاتم :-اجت بنت استغفر الله باين فقيرة وحالتها حالة ..شعرها محلوق متل الاولاد كتير قصير وتيابها مقطعين وريحتها سيئة. ...عم تقلي حازم انا منار....

((حازم وقع الطبق من ايدو وهو متفاجئ))

#حازم :- 😲 ...

#ايناس :-حازم انا منار....ابني..

#حازم :-متى هاد الشي...

#حاتم :-ليش هيك انت انفعلت وقمت...

#ايناس :-حبيبي عمتو قلنا بسرعة وين ومتى ...

#حاتم :-ههه شو القصة اليوم سافرنا انا وسونيا نشتري كم شغلة مابدها الا من عين نعنع...وانتو بتعرفو شو بعيدة ..اجت هاي البنت عم تبكي وانا بعدتها مابعرف شو القصة...

#حازم :-قوووووم معي بسرعة قووم معي...

#كاترين :-مرت عمي مين هاي البنت...

#سونيا :- مابعرف شو هالمصيبة اللي انحذفت علينا..شكلا مقرف فوق ماتصوري ..وايدها فيها اعاقة ..صح حلوة بس ما بتنطاق بنت شوارع...

#ايناس :- ابني خدني معك..

#حازم :-عمتي خليكي هون...

#حاتم :-شو قصتك حازم هيك رح تتاكد مرتي اني لالي علاقة مع هالبنت...شوف ليكها عم تتصل...

#حازم :-لاترد على عليها ..طفي موبايلك...

#حاتم :-اوووف ياربي ياريتني ماقلت...

#حازم :-هاي البنت غيابها هو سبب تعاستي هلاء هي سبب يلي حصل معي ...

#حاتم :-ليكون هاي البنت اللي سحبو رتبك مشانها..

#حازم :-اي انا مو على الرتب...انا بكفي انها عايشة..فقدت الامل لما سمعت انها انخطفت ومالقيت لالها اثر لا هي ولا عمها ...

#حاتم :-بس هالامر صرلوا شهور...

#حازم :- البنت هاي انت مابتعرف قصتها..

#حاتم :-صحيح ذكرتني اجا واحد اسود اخدها ..كأنها كانت عم تبيع شي...ما انتبهت بس باين عليها العذاب. ايديها الاتنين فيهن مشاكل...

#حازم :-متاكد من المكان يلي شفتها فيه...

#حاتم :-اي متاكد..

( في القبو))..

#منار :-يونس مانك جوعان..

#يونس :- بردان بدي ماما...

#منار :- اشتقتلها انت...

#يونس :-اي هلاء بتكون عم تبكي عليه..لاني مرة رحت عند دار خالو بدون ما اخبرها وصارت تبكي...

#منار :-انا كمان اشتقت لامي متلك ومرة رحت عند دار جدو بس هي مابكت عليه....

#يونس :-انتي حلوة متل الاميرة بس شعرك متلي ...

#منار :-ههههه وانت حلو متل الامير...بتعرف شو اسم بيك...

#يونس :-سيف ...

#منار :-شاطر وعيلتك مثل انت يونس سيف شو..

#يونس :- العرابي...

#منار :-طيب حبيبي بتعرف وين بيتكن...

#يونس :-ممممم لاء ...

#منار :-ناااام يالا ...

...........

#حاتم :-هاد هو المكان هون شفتها..تقريبا كانت 4 الا ربع..

#حازم :-منطقة مدارس وسوق...

#حاتم :-تعبت خلينا نرجع او نروح على شي محل...

#حازم:-لا بدي ابقى هون..اذا تعبان ارجع للكرسي اللي ورا اتسطح...

#حاتم :-موبايلك بدق هاي خطيبتك...الووو

#كاترين :-حاتم وينو حازم...

#حاتم :-ليكو معي .

#كاترين :-فيني حاكيه.

#حاتم :-بدها تحكي معك.

((اعطيني الموبايل ))

#حاتم :-ليش قفلتو..

#حازم :-هيك احسن.

في اليوم التالي.

#منار :-عمي نضال انا جاهزة للشغل...

#نضال :-اقعدي مافي شغل مافي بضاعة

#ⴅმძ3Һค

#الجزء السابع عشر...

((كنت متوقعة اني اطلع للشغل متل عادتي بس هالشي بات بالفشل ..كنت زعلاني كتير..كنت حابب ساعدو ليونس فرصة انو نضال تركوا فترة ..كنت بدي خبر اي حد عن اسمو ليبلغو اهلو ...بنفس الوقت كنت حابة ارجع على هاداك المكان يمكن لاقي حاتم .ليساعدني...بس هالشي ماصار..مرق اسبوع على هاد الحال...

#ايناس :-عمتي وينك كل البيت مقلوب عليك...

#حازم :-عمتي انا مارح ارجع الا من اخد البنت...ليكو حاتم عندكم ..

#ايناس :-خطيبتك ماعم تفارقنا...وقال خايفة عليك وامك عم اطبل واطبطب لالها...

#حازم :-عمتي بحاكيكي بعدين رايح عبي مازووت للسيارة...

............

#نضال :- مناااار ..

#منار :-اي ..
#نضال :- اليوم رح تشتغلي بمكان تاني ...غير هاداك...

#منار :-ليش عمي...

#نضال :- في غيرنا اكل الجو...

#منار :-عمي طيب يونس...

#نضال :-خليه لنشوف لالو بيعة محرزة...

#منار :- اها...

#نضال :-شو ماعجبك الحكي....قومي هاتي مي باردة اعملي رجلي ...

#منار :- حاضر....

((جهزت المي الباردة وكعادتي من يجي عمي بلش دلك لالو رجليه.. بس هالمرة ماكان يعجبو ..لان ايدي التانية ماكانت عم تساعدني..

#نضال :-حطي ايدك التانية بالمي...

#منار :-بس ماعم احسن اشتغل فيها..

#نضال :-حطيها قلت...شووو

#منااار :-ااااااخ عمي ااااااخ ...

#نضال :-اضغط عليها كمان...شووو ليكي عم تحسي فيها...

#منار :-خلص خلص حاج وجعتني...

#نضال :-بوسي رجلي بالاول..

#منار :- مااااه ..

#نضال :-شاطرة خدي الباكيت هاد وانطلقي...

((كنت كامشة علبة الدخان يلي فيها المخدرات بإيدي .وانا عم اتألم من ايدي التانية ....وصلت لمكان شغلي الجديد...

#بدي اتنين فراطة..

#منار :-معها ولا لحال...

#كم معها ...

#منار :-متل العادة 10 دولار...

((اتعودت على المكان يلي بشتغل فيه..وخاصة باول يومين عمي كان يوصلني ويرجعني..بعدها صار ينشغل لان كان عم يستغل يونس بمنطقة تانية بعيدة ...يعني كان عم يشغلو بهيك امور بس بمنطقة شوي بعيدة عن منطقتي...ليستفيد منو لوقت يجي بيع اعضائو ..

#نضال :-اليوم بشارع تحسين بيك رح تلاقي عالم كتير يشتروا منك... خدي علبتين

#منار :-بس هاد الشارع فيه شرطة كتير..ورح اتاخر فيه

#نضال :-ما انا لهيك عم خبرك...انتي اتعودتي على اشكالهن لهيك البسي التياب المناح ..كرمال مايكشفوكي...

#منار :-بس كتير كبار عليه هاي التياب..

#نضال :-انتي لقيتي احسن وقلتي لاء اربطيهن متل العادة...

((هاد المكان كنت على عكس ما ابين لعمي..كنت حب من اوصل لالو اعمل حركات لتقدر الشرطة تكمشني بس من شوف عمي بنفس الشارع عم يراقبني اتراجع....اخدت البضاعة .وانطلقت للمكان المطلوب...وهالمرة نضال ما اعطاني وقت محدد للرجعة لان المكان زحمة ولازم اخد حذري...وقفت بنص السوق لابيع اغراضي..قريب من قهوة ابو علي..

#منار :-يا اخي هيك المعلم بدو انا مابتنازل عن 12دولار...

#امبارح كنتي عم تبيعي الكروز ب 10 شو هي كسبة واستكساب...

#منار :-اذا مابدك تشتري اعطيني بضاعتي خليني اتيسر...

#لا مافيكي تاخديهن وهاتي معلمك ياخدهن مني بإيدو...

#منار :-ابوس على ايدك الامر مو بالسهولة هاي دخيلك اعطيني بضاعتي وخد مصرياتك...

((في الجانب الاخر ))

#حازم :- خلي الباقي مشانك...

#القرسون :- اخي في لقدام فندق كتير منيح..عندهن غرف مناسبة...

#حازم :-لوين...

#القرسون :-على اول شارع تحسين بيك اسال هونيك عن فندق الاطلال...في قهوة على ايدك اليمين اسال صاحبها رح يدلك .

#حازم :-مشكور على المساعدة...

((دفشني الرجال واتسطحت بقلب الطين...كان ناوي معي على مشكلة ليستعبطني بالبضاعة بس انا ماكنت قادرة اعمل شي وامشي لازم ارجع لنضال بنفس يلي طلبو بزيادة بدون نقصان...بلشت ابكي قدام العالم وكنت بحاجة لحد يساعدني من الطين لان بإيد وحدة ماكنت اقدر ارفع حالي....

#منار :- لو سمحت ساعدني...بترجاك...

((كل يلي كانو عم يمرا كانو قرفانين يساعدوني ليتوسخ تيابهن وايديهن.. من الطين .. لوقت ما انمدت لالي ايد ...اطلعت فيها...ورفعت راسي لفووق كانت الشمس بعيوني...كنت حابة ينزل لعندي بدي اعرف مين انت وليش من دونهن بدك تساعدني..تيابك النضيفة ماخجلت قدامهن يتسخو...ايدك والساعة المرموقة على افضل طراز انمدت لبنت واقعة بالطين تيابها وشكلا وشعرا وايديها التعبانين...معقول حركوا ضميرك ..

#منار :-ساعدني اخي ساعدني مافيني قووم ...انزل كمان شوي ايدك بعدها بعيدة عني...

#تعبتيني وانا عم دور عليكي...

#منار :-حاااااااااازم...

#حازم :-اي حازم ...حازم يلي قلك هالايد التعبانة رح تسندها ايد قوية ..

#منار :- 😢😢 اخيرا حازم ..اخيرا شفتك...

#حازم :- اي قومي يالا هاتي ايدك لايدي...

#منار :- عيد...

#عيد :-شو ست منار الظاهر اليوم مارح حد يشفعلك هيك البضاعة.بالطين..
#ⴅმძ3Һค

الجزء التاسع عشر...

#يونس :-صارت ليل ...كتير جوعان..

#منار :-وانا كمان...

#يونس :-نضال ما اجا...

#منار :-مابعرف شو صرلو...

((من كتر التعب والاجهاد والارهاق وقلة الاكل..غفيت انا ويونس ...ومافقنا الا على صوت ضرب جامد للباب...

#يونس :- خايف خايف..

#منار :-اتخبى هون ورا الخزانة ليكني جنبك...

#يونس :-رح يقتلوني ...

#منار :-هششش...

#سيدي الظاهر مافي نور بالقبو...ريحتو سيئة...

#حازم :-شغل كشااف ...

#حاضر سيدي..

#حازم :-مناااار انتي هون....

((هاد حازم اي صوتو ..)

#منار :- حااازم..

#يونس :-مين هاد..

#منار :- لاتخاف رح يساعدنا...

#سيدي في اطلاق نار علينا...

#حازم :-خدو مواقعكن...

((كان صوت الرصاص بكل مكان بلشت اصرخ ...كانو المهربين على اشتباك مع الشرطة وحازم....ارجعت انا ويونس اتخبينا ورا الخزانة..تحت صوت الرصاص...

#منار :-ايدي ايدي...

#سيدي الطفل...

#حازم :-احملو انت...

#منار :- حازم...

#حازم :-اتركي الخزانة خليني احسن احملك ...

((اخدني حازم وطلعنا دغري على السيارة..كان الاشتباك من كل مكان..لوصلنا على المخفر وهون حسيت اني بامان كان يونس كامش فيني لاحميه...وحازم قاعد قبالي عم يتصفن بوجهي...بس ماكان عم يحكي معي حرف واحد....وانا من هول يلي صار ماكنت قادرة انطق لو بحرف ...

دق الباب

#حازم :- فووت..

#سيدي المتهمين برا...

#حازم :-فوتن كلهن ... قومي بدي تتعرفي على الوجوه ...

(( قمت من مكاني وبلش يفوت واحد ورا التاني ...مجرمين من شكلن ....

#منار :-هاد هو والله هاد هو...

#حازم :- مين قولي..

#منار :-هاي يلي كان كامش السكين..هاد يلي فتح لالي بطني...

#حازم :-المدعو دكتور شوكت..

#منار :-اي اي هو يلي كان يعذب فيني بالمشرط وتركني نازع وانزف...

((هجمت عليه وصرت خرمش لالو وجهو...اجو الحراس يفكو بيني وبينو...

#حازم :-اتركوها..

#منار :-الله ينتقم منك ..

((مابعرف شلون اصبعي غرس بعيوني وصار يزحط بالارض ويصرخ ماكنت قاصدة بس مابعرف كنت بدي حسسو ربع الوجع يلي حسيتو...او ربع وجع اطفال كتير متلي اتعذبو وانسرقت اعضائهن...

#حازم :-فوتو نضال لهون...

#منار :حازم حازم..

#حازم :-بعدك بتخافي...

#نضال :- منار شو ساويتي عمي...

#منار :-لك الله يلعنك انت لازم تتعذب اكتر من هيك..لازم اذووق كل يلي عملتو فيني.

((كان يوم متعب بعد ساعتين اجو اهل يونس..كانت امو باين عليها الحزن ...ما صدقوا انو ابنهن عايش...

#ام يونس :الحق عليه امي الحق عليه ياريتها عيني ماغابت عنك...

#حازم :-الحمد لله على سلامتو انتبهو الدنيا مافيها امان والناس يلي مات ضميرها كترت هالايام...

((تاني يوم اطلعت انا وحازم ونضال لمكان الجثة يلي دفنتها..انا..لاني شاهد اخر على طفل مفقود من فترة ..وغيروا وغيروا من الجرائم والمجازر يلي كان يرتكبها نضال وشوكت وعيدد..

#حازم :-هالامر مارح ينتهي بهيك سهولة...في شغلات كتير مخبية ونضال وشوكت وعيد اقل شي عليهن حكم اعدام قدام الملا...

#منار :- بدي نام تعبت...فيني اغفى هون

#حازم :-لا...

#منار :-ليش ..

#حازم :- رح اخدك لبيتي لوقت اخلص لالك امورك كلها...

#منار :- بس..

#حازم :- يالا اطلعي السيارة..

((ماكنت اساسا بعرف وين اروح اكتر من يومين بنام وبفيق بالمخفر..اخدني حازم معو لبيتهن وانا بالطريق كنت على طول نعسانة واغفى ....لان الطريق طويلة...

#منار :-اسفة اجيت لعندك..

#حازم :-مو مشكلة ارتاحي...

((كنت فيق لاقي راسي على كتفو لحازم...

#منار :-خلص مابدي اغفى..

#حازم :-خدي حطي هاي اركزي فيها رقبتك...لاتاكلي هم شي... صوت نفسك وانتي نايمة حلو

(( حاولت ابقى فايقة بعد هالحكي ماقدرت ...الارهاق كان يغلب على امري ....

#حازم : -شووو خفيفة...كلك متل وزن الريشة...

#منار :- اااخ اااخ ...

#ايناس :-عمتي هاي منار..

#حازم :-اي نايمة اعدلي عمتي ايدها ...عم تتوجع منها ..

#ايناس :-احملها منيح عمتي..

#حازم :-ساعديني حطها بغرفتك...

#ايناس :-فووت حبيبي فووت..

((كان نور الشمس عم يسطع بوجهي..كنت حاسة براحة.. عم احلم اني نايمة على غيوم..كنت عم اتقلب بالسرير ..

#منار :- هههه ماما سريري من غيم بجنن..

#علا :- دفيانة ..

#منار :-كتير ماما...

#ايناس :-مسكينة عم تحكي وهي نايمة..

#حازم :-عمتي امي فاقت شلون رح انخبرها...

#ايناس :- لاتاكل هم امك ..المهم جبتلا تياب لمنار..

#حازم :-شوفي هالبجامة مناسبة ..

#ايناس :-بجامتك..

#حازم :-هي اصغر شي لقيتو بخزانتي...

((فقت على صوتهن..فتحت عيوني واتمعنت بالسقف ..صفنت فيه ثواني معقول هيك سقف القبو اتغير...بعدها بلشت اتذكر سيناريو الاشتباك والمخفر وحازم واخر شي من كنت بالسيارة ...

#منار :-وين انا...

#ايناس :-حبيبتي صباااحو..

#منار :-انا وين ...

#حازم :-في بيتي..

#ⴅმძ3Һค

الجزء العشرين...

#ام حازم :-شو هاد القرف يلي في بيتي...

#حاتم :-شو امي قرف شو...

#ام حازم :-هاي التياب
من وين لقيتا في المطبخ..

#حاتم :-اوووف ياريحتهن...

#ام حازم :- ماعرفاني من وين هالقرف بيجي...

#حاتم :-يمكن امي للخدامة...

#ام حازم :-اساسا هي خبرتني عنهن..وينو حازم...

#حاتم :-يمكن نايم بغرفتوا....

#ام حازم :-ايناس..

((ايناس كانت طالعة على الدرج بخطوات خفيفة حتى ما تشلق ام حازم لالها ..لان كانت معصبة من تياب منار ...

#ايناس :- مممم صباح الخير...

#ام حازم :- صباح النور ليه اخدي فطار معك لفوق..مارح تفطري معنا...

#ايناس :-مممم لا رح افطر فوق كتير تعباني...

#ام حازم :- اها اوك...ام صبحي..

#ام صبحي :-نعم ياخانوم..

#ام حازم :-خدي التياب كبيهن برا البيت...وجهزي الفطار بغرفة المعيشة..لان ام كاترين جاية لعنا.. حاتم مرتك لهلاء نايمة...

#حاتم :-اي امي ...

#ام حازم :- اها اوك نوم الهنا...رايحة افيق بيك يفطر معنا.....

((داخل الغرفة))

#حازم :-لهلاء بالحمام ست منار خلصي..

#منار :- مممم حاضر بس بعدن رجليه وسخين...

#ايناس :-اتركها عمتي تتحمم براحتها ...شكلا انبسطت جوا..صوت ضحكتها طالع...

#حازم :-عم تلعب برغوة البانيو...

#ايناس :-وله شو عرفك هاا...

#حازم :-احم احم...لا اسمعتها وهي بتغنى للرغوة...

#ايناس :-هههه امك فاقت تحت وقالبة الدنيا على صوت التياب..

#حازم :-يييي عمتي هلاء بتعرف...وين كبتيهن..

#ايناس :-مالقيت الا المطبخ شو اعمل..رح تفطر هون ولا تحت...

#حازم :-لا هون..

#ايناس :-وامك..

#حازم :- اساسا مارح انزل ..انا صفيت سيارتي باخر الدنيا لتعرف اني بعدي بالشغل...لان كاترين بعتت لالي رسالة بدها اجي لانها معزومة على الفطار هون..لهيك عمتي رح اختصر..

#ايناس :-رح تبقى بغرفتي..

#ام حازم :-ايناس...

#ايناس :-امك..ام حازم ثواني حبيبتي عم غير تيابي..

#حازم :-وين انتخبى..

#ايناس :-دبر حالك فوت الحمام ..

#حازم :-هووون ...

#ام حازم :-ايناس...

#منار :- حازم 😲😲

#حازم :-مغمض عيوني والله ..بس هشش ولا نفس امي هون...

(( غطيت حالي بستارة البانيو..ماكان عندي حل غير هيك كان حازم عيوني على الباب مغمضهن وضهروا لالي وحاطط ايديه وفوقهن ..اتذكرت من كنت بالمشفى واتصرف نفس التصرف...بقيت انا وهو ساكتين شي 5 دقايق..لعند ما عمتو ايناس فتحت الباب وشدتو لبرا وهي عم تضحك بدون توقف...

#ايناس :-اااخ يابطني ماقدراني امسك حالي...

#حازم :-عمتي وقتك هاد...يمكن البنت احمرت واصفرت على هالحال وهات يلي يطلعها من الحمام اساسا من الخجل...

#ايناس :-اسمع بالعافية لقدرت اقنع امك اني مرضاني ...بس شكلها شكت..بدك ادبر حالك..يمكن زبطت هالمرة مارح تزبط المرة الثانية...

((اطلعت من الحمام وكان البنطلون يلي لابستو كامشتو بإيدي لان رح شوي ويقع من عليه.لان عم يسحل...والقميص رقبتها واصله لكتفي..لان حازم عضلاتو كتير كبار..يعني بحسن يرفعني بإصبع واحد.وهون الاثنين ماعادو وقفو ضحكت..حتى انا اول مرة اضحك هيك...كنت مبسوطة من حالي معقول رح ترجع لالي فرحتي...

#حازم :-اعطيني البطلون ...

#منار :-شو مابصير شلون اعطيك اياه...

#حازم :-هههه قصدي اعطيني طرف خصروا اربطو بهاد الخيط لوقت ماعم تصل ..راحت تجبلك تياب...

#منار :- اها ...

#حازم : - هيك تمام ماعاد اضلك كامشتيه...

#منار :-فيني اسالك سؤال. .

#حازم :-اسالي..

#منار :- انت كان فيك بعد ماكمشت عمي والعصابة تتركني او تبعتني لشي ملجا ليش اهتميت فيني هيك واخدتني لعندك...

#حازم :- عادي لو حد غيري كان رح يتصرف نفس الشي...

#منار :- اها ممكن...

(( ارجعت قعدت بسرير ايناس كانت ريحتي كتير طيبة وكنت مبسوطة بوجودي بهيك بيت يمكن كان شي امنية او حلم...بس كان حازم رايح وجاي قدامي ...ومن بعد سؤال بحاول يفكر بشي حكي جديد ماقدر..غير انشغالو بموبايلي مع خطيبتو...كنت احسدها نيالها على هيك انسان... شخصيتو لحازم كانت اول شخصية حبها من يوم ما وعيت على الدنيا...كانت رسائلها ماعم توقف وهو ابتسامتو ماعادت وقفت معقول بحبها هيك...

#حازم :-امو ليونس عم ترسل على موبايلي رسائلك اقرئها لالك...

((ماكنت بعرف انو عم يبتسم بسبب رسائل امو ليونس...

#حبيبتي منار..كل دقيقة بدعيلك على اهتمامك بإبني ياريت عندي بنت متلك ......الخ..

كان كتير حكي قلب عليه المواجع..وكتير حكي ضحكني وخاصة من ذكر لالها يونس مواقفي معو...اشتقتلو وحكيتو من موبايل حازم...وانا عم احكي كان كل شوي ينقطع الخط بسبب اتصالات كاترين...لعند ما اتفاجئت انها عم ادق علينا الغرفة...

#كاترين :-حازم انت بغرفة عمتي ايناس صح...

#ⴅმძ3Һค

الجزء الواحد وعشرون...

#منار :-ممم امك...

#حازم :-لا لا هاي كاترين...

#منار :-هاي خطيبتك...

#حازم :-اي...

#منار :-بدك اتخبى بشي مكان..

#حازم :-لا خليكي في مكانك..

#منار :-بس رح تشوفني وتزعل منك رح قووم اتخبى بالحمام..

#حازم :-قلت خليكي في مكانك...

((اتجمدت بمكاني خايفة..اكيد.رح تشب مشكلة هلاء...خطيبة حازم على الباب..وانا بغرفة معو..يعني الوضع رح يسووء اكتر...حظي وكنت بعرفوا....حازم عم يفتح الباب بقوة قلب مانو خايف من اي نتائج...

#حازم :- شو ..

#كاترين :-حازم انت هون ...وعم تخبرني انك بالشغل ...

#حازم :-وين المشكلة خبريني...

#كاترين :-ليش عم تتصرف معي هيك...مين يلي معك بالغرفة..

#حازم :-مابهمك..

#كاترين :-بدي شووف...

#حازم :-خليكي واقفة برا هالامر مابهمك ..ا..

#سونيا :-كوكي شو ياعمري ليش صوتك طالع....

#كاترين :-حازم عم يخوني...

#حازم :-هههه خدلك عاد...

#سونيا :- شو هالحكي عم تمزحي مامعقول...

#ام حازم :-هاااا هاد حازم هون من متى يامو جاي..شو ليش مدايقين ...شو القصة..كاترين عم تبكي حبيبتي..ابني شو عملت..

#حازم :-ماعملت شي تعبان وحابب يكون وقت لالي بدي ارتاح..

#ام حازم :-ليش ماترتاح بغرفتك ليش غرفة عمتك..

#حازم :-جاي على بالي ابقى هون...

#كاترين :-لان في وحدة معو انا سمعت صوتها..

#ام حازم :-وحدة شو ماما ..مين معك..

#كاترين :-فوتي مرت عمي شووفي...

#حازم :- اي فوتي ليش لاء...

#ام حازم :- حااازم ابني عم تمزح..

#حازم :-فوتي امي شوفي مين معي...

#ام حازم :-😕...امي مين هاي...

#منار :-خالة انا انا...

#ايناس :-هاي بنت رفيقتي...

#حازم :-هوووف عمتي ليش الكذب...

#ايناس :-ابني اكسر الشر...

#سونيا :-وين شايفتك انا ياربي عم اتذكر...

#ام حازم :-شو حازم مين هاي ...

#حازم :-حبيبتي 🙁..

#منار :- 😲 لا لا لاتسدقيه عم يمزح معك...

#حازم :-اخرسي وارجعي مكانك..

#منار :-حاضر...

#حازم :-امي لو سمحتي هاي حياتي...هاي حبيبتي ..

#ام حازم :-ابني انت عقلك صابو شي...والبنت كاترين شو قصتك...

#حازم :-هاي اختيارك انتي..ومنار اختياري...

#سونيا :-هلا اتذكرت مو انتي يلي كنتي عم اتبيعي علكة ....وكان منظرك مقرف...

#منار :-حازم..

#حازم :-ست سونيا لو سمحتي اطلعي برا...

#ام حازم :-يعني التياب الوسخة يلي لقتها ام صبحي بالمطبخ لهاي...

#كاترين :-اتمنيت لو خنتني مع شي وحدة بربع مستواي...

#حازم :- حاجي تكملي انا مابختار شو ماكان...

#ام حازم :-ابني خبرني مين هاي..

#حازم :-خبرتك مارح عيد..

#منار :-خالتو سدقيني هالحكي مو صحيح...

#حازم :-انتي بدك اطلعيني من خلقي..قلتلك اخرسي ولاتحكي شي...

((كنت قاعدة مصدومة من تصرف حازم..حسيتو جن شلون عم يحاول يقنعهن اني حبيبتو وكنت على علاقة معو..بس اموو ماكانت مسدقة لان شكلي وحالي مانو مقنع اني حبيبة ابنها....بس هالامر ماوقف على هالصدمة الا من تهجمت كاترين عليه تضربني وانا مالي ذنب بشي...

#حازم :-ايدك رح اكسرها اذا بتمدي ايدك عليها..

#كاترين :-لك انا كاترين بتتركني مشان وحدة معاقة مريضة نفسيا شوف ايديها شلون كانت عم تحاول تنتحر ..لك شو عجبك بشعرا اللي بتشبه ابن الشوارع...

#ايناس :-لو سمحتي ماتقولي هيك ..

#حازم :-قومي منار...

#ام حازم :-لوين ابني...انت انجنيت لوين اخد هالبنت...

#رمزي :-شو القصة صوتك طالع لبرا الحووش شو في هون...منااار 😲...

#ام حازم :-حتى انت بتعرفها ...

#رمزي :- هاي البنت كان مريضة عندي ...عمو انت منيحة...

#ايناس :- ابني حازم هاد بيتك لاتطلع من هون...

#رمزي :- انتي متذكريتني...

#منار :- عمو رمزي انت قلت بتعرف امي ورح توصلني لعندا...خدني لعندا..حازم خدني لعند امي هيك مكان مو لالي وانا مابدي تعمل مشكلة مع خطيبتك كاترين انا اسفة..

((شدني حازم من ايدي واخدني يركض لبرا كان عم يضغط على ايدي بقوة ...وهو بقلي غبية غبية شلون عم تتنازلي لوحدة ضربتك...

#منار :-انت ليش عملت فيني هيك..انا بعدني ماخلصت من يلي ملاحقني ليش لترجع تحملني شي جديد..الله يخليك قلت رح توصلني لامي انت وعدتني وانت متل ماقلت مارح تتركني اكيد رح تلاقي امي...وصلني لالها ...

#حازم :- حاااااااج عيااط وبكي حااااااج ...كل يلي عم يصير بسببك..

#منار :- بسببي بعرف بعرف ..خلص انا مارح اعمل شي مابدي شي بس وصلني لامي...

#حازم :- بعد كل هاد مابدك شي...لا لا ماحزرتي ...

#منار :-حازم شو مابدك رح اعمل بعرف اني نزعتلك حياتك...بس بس مو بايدي... افهمني انت وصلني لعند امي ورح كل شي صلحو بايدي...

#حازم :-حاجة تقليلي امي..امك بالسجن...عارفة شوو بالسجن...صرلا سنين...ورح تقضي حياتها العمر هونيك...امك قتلت جوزها سامر..يعني ماعندك مكان تروحي لعندو غير حازم...لاترجعي تقليلي امي..

#ⴅმძ3Һค

#الجزء الثالث والعشرون..

#حازم :- منار يالا وقت نطلع...

#منار :- مابنفع ضلي مع امي...

#حازم :- لا هالشي مابصير ...

#علا :- روحي امي لاتخافي طول ما انتي مع حازم ريحي قلبك رح يحافظ عليكي ...

#منار :-لا حابة ابقى هون..

#حازم :- لاتقلقي مارح رجعك لبيت اهلي...

#منار :-وين رح اروح...

#حازم :-اتأجرت لالك غرفة بفندق...

((ودعت امي وانا مرتاحة قلب وعلى أمل اني ارجع كل يوم لعندها اشووفهاا..وصلت الفندق وفتت الغرفة ...ومن جيت اقفل الباب...

#حازم :-للاسف مافيني اتركك دقيقة وضعك حرج ...

#منار :- يعني شو ...

#حازم :-رح ضلي راقبك ..انتي الشاهد الوحيد على برائة امك..وعلى حقارة نضال وشوكت..

#منار :- والاطفال يلي قتلهن نضال وشوكت مو شهود...

((كان عم يحاول ينظر لالي بجدية بس عيونو كانو عم يكذبو كتير...في خباثة بريئة ونظرات ما بتنفهم ... اشلحت جاكيتي وفتت تحت السرير عم راقب حركتو...قعد مقابيلي على الكنباية..شغل التلفزيون وبلش يقلب بالقنوات...بس كان متوتر ماعم يثبت على شي...مليت وقتها بدي احكي خايفة من ردة فعلو...لان هو الوحيد يلي قدر يوصلني لهاد الامان..

اضاءة موبايلو ماقفلت....من كتر الاتصالات...

#حازم :- الوو اهلين بابا ...

#رمزي :-بكرة الصبح تعال على البيت الوضع متوتر...

#حازم :- يابي مشغول كتير هالفترة...

#رمزي :-متل ماخبرتك ..ماتتأخر...

((قفل معو بيو ورجعت دقت لالو عمتو....

#ايناس :-عمتي دخيلك تعال ...انهي كل شي صار...

#حازم :-ليش شو صار...

#ايناس :-مسربين خبر للصحافة (( نجل الدكتور رمزي يخون خطيبتة ابنة رئيس بلدية في منزله على مرآ عينها ))

#حازم :-شو هالحكي عمتي متى هالشي صار...

#ايناس :- مابعرف شلون اتسرب الحكي..بس صورة منار على الفيس ..والعالم عم تشتمها وتشتمك...

#حازم :-شوو ابعتيلي الرابط ثواني...افتح من عندي....مين مصورا مين مسرب كل هالمعلومات..

#ايناس :- امك منهارة على الاخر ورفيقتها كل شوي عم ترسل لالها حكي يزعجها وكاترين ماعم تبعد عن البيت..وبيها مزعوج من والدك ...

#حازم :-ليكني جاي...

#ايناس :-لا حبيبي هلاء لاء..في صحفيين عند بيتنا...

#حازم :-قلت جاااي

..

#منار :- حازم حازم...

#حازم :-بسرعة البسي تيابك...

#منار :-ليش شو صار ..

#حازم :- قلت البسي وحاجي تلعي قلبي...

((كان عم يركض بكل شي ...لدرجة هو لبسني جاكيتي بالقوة..كان كامش ايدي وبشدني بسرعة ...حتى من كان عم يسووق انا ماشفت الطرق من سرعتو....وصلنا لبيت اهلو وعرفت اني فايتة على مرحلة جديدة حاسمة...كان في عالم معهن كاميرات ...غطا وجهي حازم وفتنا لجوا...واول ما شفتني امو...ضربتني كف...صرت ابكي متل الاطفال على الارض انو ليش شو عملت انا ...شو ذنبي..ليش هيك ...وقف حازم مصدووم..مافيو يقوم يرد الكف لامو...اما ابوه فبعد امو عني....

#منار :- جبتني لهون مشان هالشي حازم...انطق مشان امك اتبرد قلبها بضربي...

#ام حازم :-انتي بنت شوارع ماعندك ضمير خرابة بيووت...همك تنزعي حياة الناس ارجعي للشارع يلي كنت عايشة فيه...لو امك ربتك منيح ماكان عملتي هيك...

#منار :- امي ..حقك تقولي هيك....صح حازم ...امي لو بقيت معي ومانها بالسجن هلاء لكان ربتيني منيح وما انزع حياة العالم.. بس لانها ضعيفة متلي ...

#ام حازم :- هالله هالله وكمان امها بالسجن يعني بنت مجرمين..

#ايناس :- لا ياعمري لاتقولي هيك ..لو انتي مانك مرباية حازم ماكان حبك وماكنت حبك انا او حتى عمك رمزي..كلنا بقينا معك ...انتي بنت قوية..وامك ست مناضلة ..رفضت تنظلم وتعيش حياتها مظلومة دافعت عنك وعن حالها ...قومي غسلي وجهك...كل الامور رح تصلح وام حازم رح تفهم قصتك وتتغير معك...

#كاترين :- اذا هاي الوسخة بقيت هون انا مارح ابقى...

#ام حازم :- كاترين خليكي كنتي مارح حد يتحرك من هون الا كومة الزبالة اللي جايبها حازم...

#ايناس :- عمتي ليش ساكت احكي شي انصف البنت..عجبك هالحال هاد...

#ام حازم :-انقطع لسانو لانو عرفان كمية القرف يلي جايبو للبيت..وعرفان انو كاترين مارح يتعوض ضفرها...

#حازم :- يابي من بعد اذنك...انا بدي منار زوجة لالي...

#كاترين ...ام حازم :- شووووووو

((كان الكل منصعق من ردة فعل حازم..امو كانت بدها تضربو بس ابوه وقفها...وعمتو ايناس ابتسمت وهي قلبها رضيان...اما كاترين رمت الدبلة بوجه حازم...

#كاترين :ليكها دبلتك مابدي اياها..ومارح انساها حازم ورح تعرف قيمتي منيح ...وكتير كمان..انت كتير عليك تعيش مع وحدة متلها اساسا...

#حازم :- لحظة لاتروحي..

#كاترين :هها شو بدك تترجاني بالسرعة هاي رجع لالك عقلك...بليز ياعمري لاتتركيني بحبك انا..بليز مابقدر عيش بلاكي..كاترين انطري حبيبتي...

#حازم :-كاترين انتي طااالق

#ام حازم :- ابني انجنيت شي انجنيت...كاترين كاترين انطري حبيبتي..

#ⴅმძ3Һค

الجزء الرابع والعشرون..

(( كنت خايفة من اي ردة فعل بعد هالموقف..وقفت واخدت حالي اهرب ..كمشتني امو من شعري ...

#ام حازم :-تعي هون اطلعي برا بيتي...

#مناار :-اااااااخ...

#حازم : امي امي اذا بترجعي تلمسيها انسي انو لالك ابن على الحياة كلها رح انهيلك حياتي قدامك...

((متل المجنون اتصرف كامش قطعة قزاز لكاسة مكسورة وقربها لعند ايدو..اول مرة اعرف انو حازم مجنون وضعيف بالشكل هاد..امو لحظتها تركتني...وهي عم ترجف على حازم وتترجاه يترك يلي بإيدو حضنتو..بكل قوتها...وهي بتبكي خوف عليه..

#ام حازم :-ابني ابني ليش هيك.. شو صار فينا ..كنا مبسوطين بدك تقتل حالك كرمال شووو...

#حازم :- اعطيني لو مرة وحدة يامو قرار لحالي...اعطيني بس متل حاتم اخي حرية...ليش عم تعملي معي هيك...ما انا توامو لحاتم. اتركيني اختار حياتي ..كاترين بنت مابرتاح لالها افهميني امي مابحبها غصبتي ابي ليخليني ادرس طب ودرست كرمالك..وغصبتيه ليضغط عليه اتزوج يلي اخترتيها وقبلت...بس امي مابحبها انتي لازم تساعديني مالازم تكوني ضددي انا ابنك...

#ام حازم :-حبيبي انا بختار لالك الافضل اذا كاترين ماعجبتك خليني شوف لالك وحدة من مستواك..يلي بتعملو غلط...

#حازم :- امي انا اخترت خلص...

#ام حازم :-ابني انتبه على حالها شلون..

#رمزي :- اذا ماعاجبك كرمال ايدها انا رح ااتكفل بعلاجها..البنت طيبة ومنيحة وحلوة كمان...صح عانت بس لازم ماتستحقري حياتها لازم توقفي معها..مو بإيدها لتعيش يتيمة وتعاني هيك...

#ايناس :-حبيبتي تعي معي.فوق..

#منار :- لا مابدي اتركيني هون...

#ايناس :-بدي احكي معك كلمتين تعي...

((اخدتني ايناااس لفوق...وتركت حازم وامو وبيو عم يتناقشو..كل شوي يهدى الصوت ويرجع يتصارخو من تاني.. كان الامر مو سهل عليه...شلون حازم هيك بحبني من فراغ وبدو يتزوجني وترك خطيبتو اللي بتملك كل مقومات الزوجة ويختار وحدة متلي حتى عايشة على كلية وحدة وايد فيها اعاقة..معقول الحب ..فوق كل شي..طب ما في فرصة وحدة بدرت مني لانو يحبني..شلون هالشي صار وكيف ومتى ..ليش ماشعرت انا متل شعوروا...صح في اعجاب بس مو لدرجة اتخلى متلو عن كل شي..

#ايناس :-حبيبتي خدي اشربي الليمون هاي..

#منار :- شكرا لالك...

#ايناس :-عم تسألي حالك كتير اسئلة صح..

#منار :-ليش انا بالذات...

#ايناس :- ابني خبرني ..لان اول ما انقذك كان عم يفتش عن كل معلوماتك وعرف امك وقابلها ..وبلشت هي تحكيلو كل شي وتطلب منو يضل حاميكي مقابل تعطيه حياتها لو طلب ...هو ماكان يفارقك ايام المشفى ..حتى من اخدك عمك نضال...هو جن جنونو وماترك مكان الا بحث عنك فيه ...لاتقللي من حالك انتي اميرة ..ولا تقولي ايدي وبطني بهالزمن كل شي ممكن يتعالج..لهيك ارتاحي حازم رح يجي يقعد معك ...لاترفضي ولاتزيدي عليه ...كان نقاش حاد مع امو ..حاولي تتحملي كل كلامو انتي بنت واعية وفهمانة..اتفقنا حبيبتي...

#حازم :-مرحبا فيني افووت ...

#ايناس :-اتفضل حبيبي عم تنطرك..انا نازلة احكي مع بيك..

#حازم :-كيف وضعها النفسي...

#ايناس :-حاول تتفاهم معها برواق يلي بتمر هلاء فيه مانو سهل...رح اطبق الباب وراي.. موفق حبيبي ...

#حازم :-مرحبا اميرة منار فيني اقعد احكي معك...

#منار :- اي ..

#حازم :-زعلاني مني..

#منار :-مممم يعني...

#حازم :-حقك عليه باللي صار اليوم..بس اليوم ولا بعدين كان لازم واجه هالشي...

#منار :- ولا يهمك..

#حازم :-بعرف كانت صدمة عليكي بس يلي اسمعتيه مني هو الصح...وبتمنى تتقبلي قراري..انا اتخليت عن كل شي كرمالك..وبالنسبة لامي لاتاكلي هم...ابي اقنعها..بس انتي هالفترة حاولي تتجنبيها..اذا حكت كلمة هيك او هيك بدي منك تتحمليها...ياريت..

#منار :- حازم...

#حازم :-انا بعرف شو رح تقولي..بس انا بدي اياكي..وحابك متل ما انتي ..بعرف رح تقولي شو هالمجنون اللي حبني هيك بسهولة..انا ماحبيتك بسهولة ..انتي بحياتي كنتي غير..من وقت ماحملتك وانتي بدمك وانتي حاضنتيني ...حسيت بكمية الحنان يلي محتاجها..حسيت انك الشخص يلي عم ابحث عنو..عيونك وحركتك
..ونومتك..وكلامك حتى حزنك غيرني..خلاني اقرب منك..وانا بكل قوتي وارادتي انا هيك بحبك وبدي اياكي ومارح اتخلى عنك..بعرف صعب تتقبليني انا مارح اجبرك عليه رح اعطيكي فرصة تعرفيني عن قرب وبعدها انتي قرري..بس انا رح حاول بكل مافيني عوضك عن كل شي...انا بحبك منار مو بس حكي ...انتي شي كتير غالي على قلبي..من ضعتي مني ..ماعاد لحياتي طعم..حفرت الارض لاعرف وين مكانك...ومن شفتك هاداك اليوم ماسدقت انك هاي...طرت لعندك وانا قلبي من جوا عم يرجف عليكي...افهميني ..انا سادق بكل حرف قلتو لالك..انا مابدي تخافي مني انا ماني متلهن...وكاترين شخص انتهى من حياتي انا مابحبها .....

#منار :- .....مابعرف شو بدي قلك ماعندي كلمات توصف يلي جواتي

#ⴅმძ3Һค