الجزء الثالث عشر..

#مناار :-صصصصاااا..

#نضال :-قفل على تمها منيح ...

((كانت لحظات غيرت مجرى حياتي ...نضال وعيد وكمان شخص مابعرفوا ...كتفو ايدي حاولت اصرخ ماقدرت كان صوت مكتوب بالقماش يلي حطوها على تمي .بهاديك اللحظة فاقت صابرين على صوت ضرب رجليه بالسرير...

#الممرضة صابرين :- لا لا اتركوها دكتووور ...حد يلحقنا...

((ماقدرت صابرين تستنجد بحد يساعدنا لان عمي نضال ضربها بالكرسي ووقعت مغمى عليهااا ...وانا اخر شي شفتو هي الكمامة يلي انحطت على انفي كانت ريحتها غريبة...

#عيد :- شلون رح انزلها...

#نضال :-على الكرسي المتحرك...ارفع يلي على وجهها مو ضروري...

#عيد :-رح انزلها من باب المطبخ ...

#نضال :-تمام ...متأكد انو الطباخة مارح تحكي شي...

#عيد :-لا تقلق دفعتلها ...

#نضال :-خلينا نطلع قبل لبجي حد...

#عيد :-الممر فاضي....

((في الفيلا ))

#ام حازم:- لاتحكي معي بسببك كنت رح موت...

#حازم :-امي ابوس هالايدين الحلوين ارضي عنا ..

#ام حازم :-شفت بيك شو عمل فيني...

#حازم :- مابعرف يامو بس انتي زودتيها معو..هو برجع تعبان من شغلو ليرتاح بشوفتك..وانتي عم تزيدي عليه بموضوع هاي كاترين...

#ام حازم :- بدك ترجع تزعلني منك من تاني...

#حازم :- لا خلص روقي...

#رمزي:- الاسبوع الجاي خطوبتك على كاترين...

#حازم :- شو بابا...

#رمزي :- متل ماسمعت...البنت مناسبة لالك...وامك بتحبها حاول لاتزعلها من تاني...

#حازم :-يابي هاد قراري وانا يلي باااخدو ..كاترين مابتناسبني ...ماعم اتقبلها ..عقلها مو متلي..حياتها بس ترفيه..وانا حياتي عمل...

#رمزي :-بكرة هي تتغير وتتعود عليك ...

#حازم :- ابي هالشي مرفوض وانا مابدي اياها هاي حياتي انا حر ...انا يلي بختار شريكة حياتي..

#ام حازم :- 😢😢😢 ياعمري بس اسمع لالي معقول اختار لالك بنت مو مناسبة...حلوة وراقية ..وقعدتها برستيج وكل شي فيها بناسبك ...

#حازم :- انا طالع شم هوا انخنقت...

#رمزي :- اعرف انو هالقرار مافيو تراجع عليه.....

#ايناس :-عمتي حبيبي وين رايح...اسمعني شو صرلك ...

#حازم :- ابي طول عمروا بعاملني هيك ...ابنو بس حاتم ...حازم اكتر انسان سئ بحياتو ولازم يعاقبو..

#ايناس :-لا يا ابني لاتقول هيك بيك بحبك كتير...

#حازم :- روحي احكي معو فوووق قليلو كاترين مابتناسب ابنك..وقفي بوجه قرارتو...انا مارح ارجع على البيت ..مارح ارجع على البيت...

#ايناس :-عمتو تعاا بس اسمع بس اسمع...لاتروح حبيبي...

#رمزي :-اتركيه....

#ايناس :-شووف خيي انا بحياتي ماوقفت قدامك عارضت شي قرار من قراراتك.. انت بتعرف هالولد شو بكون لالي...وبزعل من حد يزعلو..البنت ماعاجبتو مابحبها...

#رمزي :- من يتزوجها بتعجبو وبحبها ...

#ايناس :-اخي شو عم تقووول ...انت صرلك شي..انت اكتر واحد كنت رافض البنت...

#رمزي :-اختي انا مارح ضيع امووو كرمال هو يرضى او لاء...خلص كلامي...

#ايناس :-ماشي اخي وانا لاحقة حازم..لتغيروا قراركن هاد ..

#حاتم :-شووو صوتكن عالي...

#ايناس :-خليك انت بعالمك الخاص...

#حاتم :-ههههههه ماشي عمتو..اي ياعمري معك...لا هاي عمتي ...خلينا نكمل حديث لوين وصلنا...اها جد...بحبك والله مووت...

#ام حازم :- حاتم حبيبي وين اخووك...

#حاتم :- ثواني ياعمري هاد البيت مابخلص اسئلة اي امي قولي...

#ام حازم :- وين اخوك...

#حاتم :- اخد سيارتو وطلع...في شي تاني امي عم احكي مع حبيبتي حاجي تقطعوني....

#ام حازم :- اها اوك...ايننااااس ايناااس وين رايحة ايناااس...

#ايناس :-نادي براحتك وليكني شغلت سيارتي...سلام..

..
((في المستشفى ))

#سيكيروتي :- الحقنا يافندم حصلت مشكلة ...

#حازم:- مشكلة شووو...

#سيكيروتي :- الممرضة صابرين كانت واقعة بدمها..والانسة يلي كانت مريضة اتخطفت...

#حازم :-شووووو

(( سرعة حازم على الدرج ليعرف شو صار ماخلاه ينتبه مين يلي بطريقو كان الامر صاعق عليه...وخاصة انو ما كان مشغل السماعات من كان مع عائلتو...والغدر يلي صار من الطباخة هو يلي اعطا فرصة لنضال ويلي معو يفوتو ....اما السيكيروتي يلي حطهن حازم يراقبو المشفى..ادو واجبهن ...دون انو ينتبهو على الباب الخلفي للمشفى...

#حازم:- اغبيااااأء ...البنت انخطفت ..كل واحد فيكن قد الباب ماعرفتو تسهروا منيح على المريضة...وين كنتي ست صابرين ...

#الممرضة صابرين :-ااااخ ضربوني على راسي...

#حازم :- انتي لو كنتي فايقة جد...كان من اول ماشعرتي بخطواتهن بلغتي..بس كنتي بسابع نومة...

#الشرطي :-سيدي حوطنا كل المكان ...مالقينا اي اثر لالهن...والكاميرات يلي بالمشفى...الخلفية منها كانت معطلة..ومافي اي ملاحظة على خطف المريضة...

#ايناس :-شوفي هون شو يلي مكسر هوون...حازم ايدك عمتي عم تنزف دم...من شووو ليش عم تضرب فيها هيك..
ششو صاير هون..صابرين شو صرلك.

#الممرضة صابرين :- 😢

#ⴅმძ3Һค

الجزء الرابع عشر..

#ايناس :-حد يحكيلي ياجماعة..وين منار...البنت وينها... حازم البنت وين راحت...

#حازم :- عمتي بشوفك سلام..

#ايناس :-حد يحكيلي البنت وين...حازم انطرني عمتي اتعبت وانا عم الحقك من مكان لمكان...

#السيكيروتي :- الانسة منار اتخطفت يا ست ايناس..

#ايناس :-شو عم تقول .متى هالشي...
#السيكيروتي :- مابنعرف اي معلومة عن الخاطف...بس الست صابرين بتقول انها شافت عمها نضال وواحد اسود وكمان واحد معاهم ..ومابتعرفش شو حصل لانها اضربت براسها ...

#ايناس :- ياربي راحت البنت...

((امام بيت نضال ))

#سيدي فتشنا البيت مالقينا شي...مافي اي اثار لتواجد حد...

#حازم :-شو افهم يعني اتلعب علينا ...

#رح نبقا نراقب المكان..لنعرف نتوصل لنضال...

#حازم :- بدي البنت اليوم ترجع...خبر كل المخافر..ومراكز تجميع الشرطة على الشوارع..على الحواجز وعلى محطات النقل..البنت مالازم تطلع من المنطقة...

((فتحت عيوني كانت الريحة جدا سيئة والمكان بارد...ومعتم...واسمعت صوت حيوانات..او بالاحرى مواشي..((ابقار واغنام..))وتحتي كان قش..حسيت اني محبوسة بحظيرة بس وين انا ماكنت بعرف...كانت الدنيا على وشك يطلع فيها نهار...كنت عم اترقب لتوضح الصورة قدامي...وهاد يلي حصل...

#منار :- هااااااااااا شو هاد يارب يارب...

.((كانت جثة لطفل عمروا شي 11 سنة ..جنبي..والظاهر انو ميت من فترة قصيرة ..كان مالو عيون ...كان منظروا يقتلني ...مستأصلين عيونو..بالقوة قمت من مكاني بدي اهرب ماعرفاني وين..كنت خايفة من البقار يلي كانت بالحظيرة...بس لقيت منفذ اهرب منو وهو الشباك يلي بنزلو الاكل فيه للحيوانات...

#نضال :-غبية وين رايحة...

#منار :-بترجااك تتركني والله والله ما احكي لحد بس ما اتأذيني..

#نضال :-ههههه بتفكري عمك اهبل ولي...

((ضربني كف..وشد شعري بقوة.))

#نضال :- لك في حد بيترك شي بقدر بملايين الدولارات...لك عين وحدة من عيونك بتعيشني ملك..شفتيه هااداك يلي جنبك...يالا ساعديني ندفنو...ولا اقلك رح تدفنيه انتي

#منار :- اااااخ حرام عليك والله حررام...شو ذنبو تعمل فيه هيك...وشو ذنبي انا...

#نضال :- هاد متلك اهلو مابهتمو فيه رمووه يبيع علكة عند السيارات وليكو اجا برجلو لعندي كرمال اشتري منو كم علبة علكة...😂😂...اشتريتو لالو وبعتو ...الشغل هاد متعب ياعمي كتير...

#منار :-انا رح تعمل فيني هيك...

#نضال :-يعني بس مو هلاء ..لاتعب من هالشغلة بتكوني اخر حجر نرد برميكي.

#منار :-لكان شو رح تعمل فيني 😢..

#نضال :- رح تجبيلي احجار نرد...

#منار :- مافهمت 😢...

#نضال :-متل هاداك يلي على القش..

#منار :-جيب اطفال..

#نضال :-دخيل الفهمان ياربي ..طالعة لابوكي اشطر من امك ...

#منار :-مابدي مابدي ...

#نضال :-شو صار ماكنا حلووين....

#منار :- مابدي الله يلعنك...انا بكرهك انت مو عمي انت شيطان...

((ضربني اول كف..ورجع يضربني تاني وتالت ماقدرت الحق عد يلي عم انضربهن ...ربط لالي ايدي...ورجليه ..وجرني من شعري لبرا الحظيرة...وقعدني بنص حقلة....بنص الشمس..بعدها بربع ساعة رجع معو مقص وشفرة حلاقة...حاولت صارعو بس ماحسنت بلش يقصلي شعراتي ...شعري الطويل يلي كانت امي تعتني لالي فيه..قصو لالي كلو...حتى عاد عليه بالشفرة ..وحواجبو كمان...ورموشي.....

#نضال :-بتجنني هيك صرتي متل الفزاعة..وشوية حبوب عليكي..صرتي اكلة مفضلة للطيور والغربان...

((كنت عم ابكي واشهق بحرقة..كل مايقرب مني طير حاول بقوة دافع عن حالي..كان عم يراقبني ويضحك...كان مجنون بمعنى الكلمة..لاغمى عليه وقتها من ضربة الشمس والوجع والقهر والعذاب يلي شفتو وقتها...تاني يوم فقت على مي باردة على وجهي...

#نضال :-نوم الهنا قومي يالا قدامنا شغل طويل...

((كان جرحي عم يوجعني وينزف شوي شوي..اعطاني اداة احفر فيها الارض ...بقيت يوم كامل لقدرت احفر قبر وادفن فيه الطفل يلي كان بايع اعضائو كلها مو بس العيون...لان كان عم يخيط جسمو بعد ما اخرج منو كتير اكياس فيها بودرة متل الطحين...بعد ماخلصت شغلي تقريبا كانت 9 المسا كنت تعبانة حيل..وجرحي كان بعدو عم ينزف شوي دم..اطلعنا ميكروباص صغير بعد ماكانت كلها صناديق مابعرف شو هي...كنت خايفة بالاول تكون جثث او اعضاء اطفال...بس بالاخر من فتحوها كانت كلها كمان سلاح...بقينا بالسيارة نتنقل من مكان لمكان تقريبا اكتر من اسبوع ...

#نضال :-فووتي...

#منار :-حاضر....

#نضال :-احملي معك هاد..

#منار :- ماني شايفة شي...ظلام..

#نضال :- الاضاءة تحت مو على اول الدرج..

#منار :-قبو..

#نضال :-لا فيلا ورثتيها عن ابوكي..الووو اي دكتور شوكت لا لا متل ما اتفقنا انا مابنقرص من حجري مرتين ١٥الف دورلا..انا بجبلك شي مرتب..خلال اسبوع بكونوا عندك...سلام..
الووو اي عيد...ياراجل تعبان هاد القبو...بدي شقة منيحة هالمكان مابتحملو...انت بتعرف لا لاتخاف مابتحسن تنطق نفس

#ⴅმძ3Һค

الجزء السابع ..

((من وقت مافاتت ايناس البيت ...كانت لا مبالية لشي ..

\
#سامر : انتي بعقلك شي تطلعي من البيت وتتركي اولادي لحالهن هوون ...

#ايناس : انا ماتركتهن لحالهن انا تركتهن مع البيبي ستر ..

#سامر: انتي طبيعية شي ..امي اعطتك الاولاد لتنتبهي عليهن بس لساعات ..تتركيهن عند خدامة وبعدها تروح ويبقوا لحالهن ...

#ايناس : شووف انا عروسة ..وانا ماشفت منك شي لاعتبر حالي مرتك..انا ماني
مجبوورة اربي اولاد مانن اولادي ..انا بدي ارتاح بحياتي..

#سامر : وليش وافقتي واظهرتي وجهك المزيف انك بتهتمي باولادي ...
#ام سامر: مو عيب يابنتي ..ماحزنتي على هالاطفال الايتام ..طفل بعدو بلفتو وطفلة مسكينة انا اعطيتك اياهن وقلتي رح تهتمي فيهن ...ليش ماخبرتيني انك مابتحسني ...
كان ماضغط عليكي فيهن ...بس والله حرام ينتركوا البنت كانت جوعاني ...شو قصتك شو اللي ناقصك مو انتي اللي قلتي يامرت عمي بعيوني بحطهن ...
#ايناس : بدي ارتا ح تعباني من مشوار اليوم جبلن خدامة ..تصبحو على خير..
#سامر : وقفي هون..
#ايناس: مارح وقف ...انا بجد بقلك اياها ماقدرتي حتى احملو لابنك او اهتم ببنتك ...مانن اولادي ...هادولي اولادك...
(حاولت يومها ما اكبر القصة وقلت اكيد رح يرق قلبها ..شي يووم ..كنت من اقرب اينااس احس بغصة بقلبي ما اتحملها بس واجبي كزووج ما اكسر خاطرها ..بس بدل ما اكون متفرغ لاولادي صرت بدي اتفرغ لطلباتها ومشاويرها والضغط صار عليه اكتر..زبس اخر فترة من اجيب الاولاد لعندها ..تطلب مني هي تنيم الاولاد كنت استغرب شلون الاولاد بينامو بهالسرعة معها ...بس اللي كشفتو بنهاية الامر انو اولادي ما كان نومهن طبيعي ...راقبتها لاينااس لاعرف شو سبب انو اولادي بيهدوا وبينامو لحالهن ...
#سامر : ايناس شو هاد اللي بايدك
#ايناس : ممم سامر هاد ببرونة الحليب تبعت الاولاد جهزتهن مشان يتعشوو وينامو ..
#سامر : اي بعرف بس شو هاي المي يلي بايدك هاتي اشووف..
#ايناس : لا لا مية عادية لالي هااي
#سامر : اعطيني لاشووف ..ماااء غريب مع اعشاب منومة ..عم تحطي لاولادي اعشاب وقرف لينامو ويحلى لالك الجو ...قسم بالله انتي مريضة ..
#ايناس : هاي مفيدة مشان يرتاحو .
#سامر : هيك اعشاب ومية بتتلف العصب عندهن انتي زودتيها كتير حااج قرف بعدي عن حيااتي وعن اولادي ماعم يكفي اهمالك فيهن جاي تقتليهن بايدك ..
#ايناس : لاااااا انت المرض ماعاد فيني ماعاد فيني انا من حقي اقعد مع جوزي بدون وااااء ووييء
#سامر : ما انا معك طول اليوم شوفي اينااس ..بتاخدي شنتة تياابك وبتروحي عند اهلك خليهن يعلموكي على الحنان شوي ..
#اينااس : انا رح رووح ومارح ارجع لخدمة اولادك اذا بدك اياني جبلن دادا تهتم فيهن بااي ..
#سامر : اينااس وقفي عندك انتي طالق ..الله معك
#ايناس : طلقتني ..كرمال اولادك..
#سامر : كرمال اولادي ببيع حالي.. الله معك ..
(هيك نهيت علاقتي بايناس كلامها كان متل السيف ..انا والله ماقصدت اتركها هيك ..بس هي ماحببتني فيها مااعطتني ايه مجال..او هي مابعرف ماكان ببالها نية تهتم بأولادي ...مرقت الايام ...كانت اموري عادية مايأست من طلاقي من ايناس هي اجت من الله لان ماكان ببالي فكرة اني اتزوج مرقت السنة الاولى على وفاة سوسن ..اولادي كبروا ..كنت حاول قد مافيني ساعدها لامي بتربايتهن ....ومن رجعت اختي منار شالت الهم الاكبر عني ...
#سامر : امي شو في عنا ..ليش في ضجة
#ام سامر : هادولي رفيقات اختك ..رنيم وجنى ..جايين يباركوا لالها بالتخرج..
#سامر : طيب امي ..انا طالع لفووق بدك اخد الاولاد عنكم..
#ام سام: والله ياامو ما اعتقد بنتك وابنك ماقبلانين يقوموا من حضنها لجنى ""
(بعدني واقف عم احكي مع امي مرقت بنتي بسرعة وهي عم تضحك وكانت عم تلحقها صبية مابعرف شلون سرحت فيها ..حسيت ملامحها بيشبهوا ملامح سوسن نفس الضحكة ......ركضت بنتي لتتخبي وراي هيى عم تضحك ووقفت الصبية قدامي لتحاول تكمشها لدالياا..
#داليا : بابي بابي بليز خبيني ..
#جنى : لك يازعرا وين بدك تتخبي مني ...ها ها 123 هههه كمشتوو ..
#ام سامر :هههه هاي جنى الله يحميها ..وهباد ابني سامر ابو احمد وداليا ..
#جنى : اتشرفت فيك خيي
#سامر : شكرا وانا اكتر ..
#جنى : عن اذنكم ..يالا تعي نلعب لعبة تانية يازعرا ..
((من وقفت جنى قبالي حسيت حتى ريحة عطرها متل سوسن ..ماقدرت قااوم شي ..حتى نظراتها ...اطلعت لغرفتي وحاولت اكتر من مرة اتقصد انزل لتحت ...لارجع ارسم ملامحها لجنى ببالي ..مابعرف شو صار معي وشو اللي خطفني هيك ..هاي البنت كانت جذابيتها كتير كبيرة ..انا الشخص يلي قلت خلص مابدي بنات بحياتي من بعد وفاة مرتي \,,ومن بعد افعال اينااس مع اولادي ...

الجزء الخامس..

#الدكتورة ايناس :-حازم اتركو اتركو كل شي بالتفاهم بصير...

#نضال :-مين انت ياحيوان لطلعني من هون..

#حازم :-رح قلك مين انا وهااا وهااا..عرفت مين انا..

.#الدكتور رمزي :-لا لا تضربو ...

#دكتورة ايناس :- شباب شو واقفين عم تتفرجوا ..افصلو بينهن بسرعة.. خدوه نزلوه بالاستقبال..

#حازم :-طلعووه برا المشفى
تفي..

#نضال :-رح دفعك ثمنها غالي..

#سيكيروتي :-مشي معنا ..لو سمحت..

#دكتور رمزي :-وانت حازم مشي معي على مكتبي بسرعة ...

#دكتورة ايناس :-انت بأي حق بتمد ايدك على شخص جاي عم يزور بنت اخووه..

#دكتور رمزي :-شغل الاستعباط والنورنة والتهجم على
العالم بلا ذنب من متى ربيتك عليه..ولا بتفكر لانها مستشفى اللي خلفك وقت مابدك بتهين العالم..

#حازم :-خلصتو..

#ايناس :-ولد شو قلة الاحترام هاي..

#حازم :-عمتي انتي بتعرفيني منيح ...انا مابعتدي على حد بلا ذنب..وهاي يلي برا اسمو نضال ومعروف جدا عنا بالمخفر..ولالو سوابق بتهريب الدخان والممنوعات...

#الدكتور رمزي :-بس هاد مابيعطيك الحق تعتدي عليه بالمشفى تبعي...اطلع برا..

#حازم :-بابا..

#الدكتور رمزي :-الف مرة قلتلك انو بالعمل مافي بابا وعمتي ومستشفى ابي..

#حازم :-بعتذر منك دكتور رمزي ...انا عم أدي واجبي بناءا على قرارات عليا..اسمحلي اخلص اموري..

#دكتورة ايناس :- هلاء البنت ماعندها القدرة لتفوت بتحقيق..لهيك من نتصل عليك بتجي

#حازم :- بعتذر منك كمان دكتورة ايناس..انا عينت حماية للبنت ..يعني رح ضلي راقبها حماية لالها...عن اذنكم..

#دكتور رمزي :-ياااربي هالمجنون مارح اخلص منو حتى بالمشفى...

#دكتورة ايناس :-هدي اعصابك اخي انت بتعرفوا طول عمروا عنيد ويلي براسو بدو ينفذو...خلينا نرجع نطمن على صحة البنت...

#دكتور رمزي :-شكلو علق تاني هالولد اذا انجلطت شي يوم بكون بسببو...شوفي شلون صوتوا عالي بمكان فيه مرضى محتاجين راحة

#دكتورة ايناس :-الظاهر علقان مع الممرضة...

#الممرضة :-استاذ حازم الله يسعدك احرس البنت برا..اذا اجا الدكتور رمزي رح يعملي قصة ..انا هون بشتغل كرمال لقمة عيشي دخيلك لاتسبب لالي مشاكل..

#حازم :-انا قلت رح ضلي هون يعني رح ضلي هون وجنب راسها كمان...

#دكتور رمزي :-اتركيه انسة صابرين ...كملي شغلك ...

#الممرضة :-حاضر دكتور...

#دكتور رمزي :-طمنيني كيف صارت...

#الممرضة :-كان جرح البطن عم ينزف وانا عالجت الامر..

#دكتور رمزي :-جد شو السبب..

#الممرضة :-هي ماتحركت من مكانها وانا ما اعطيتها مجال لتصارع حالها..من الالم رجعت نامت ....بس كانت عم تردد خايفة نضال خايفة...

#دكتور رمزي :-يمكن محتاجة عمها نضال..

#دكتورة ايناس :-لا ..البنت مو هيك..حاولو لا ادخلو هاد الشخص لعندها ..كلام حازم احتمال يكون صح..ويكون لالو ايد باللي صار مع بنت اخوه

#دكتور رمزي :-مستحيل في حد بيأذي بنت اخوه...حازم ..شو السوابق تبعت نضال.

#حازم :-اللواء حازم اذا بتريد اسف مافيني اكشف اي معلومات عن اي شخصية

#دكتورة ايناس :-انا رح ضلي هون مع البنت كمان روح انت دكتور رمزي كمل امورك..وانتي انسة صابرين اذا احتجت شي رح دقلك.

#دكتور رمزي :-ماشي بكون افضل اسبقيني ممرضة صابرين لغرفة 13 ..الست العجوز اعطيتها دوا السكر .

#دكتورة ايناس :-اقفلي الباب حبيبتي معك...اووووه واخيرا بقيت انا وابن اخي العنيد لحالنا...ياعمري ياحبيبي..افصل حياة عملك عن حياة عائلتك...

#حازم :-عمتي انتي اكتر وحدة شايفة اني قديش عم عاني مع هالعيلة..

#دكتورة ايناس :-ياحلو يا ابو سمرة..يعني اخوك حاتم ليكو هادي ماحد بحس عليه بالبيت...وهو توأمك وانت بتختلف عنو بكل الاطباع..مثلا اذا حاتم بالبيت والله مابنحس عليه..واذا انت جيت بس لتصف سيارتك بالشارع التاني بنسمع صوت الضجة تبعتك...

#حازم :-هلاء شو عمتي..

#دكتورة ايناس :- بدي منك تهدى شوي..فكر بفكرة الزواج رح تساعدك صار عمرك 27 سنة يعني جرب ...

#حازم :-انسي عمتي هالموضوع انا ماعم فكر بالزواج هلاء..

#دكتورة ايناس :-اكيد ماهو الرجال اللي متل عقلك ...هني السبب بعنوستي هلاء...

#حازم :-هيك لكان انا السبب بعنوستك مو انتي يلي عم ترفضي كل اجناس الرجال...

#دكتورة ايناس :-هلاء شو دخلك فيني انت...

#حازم :-انتي يلي فتحتي المواضيع..عمتي ابوس على ايدك مابدي اتزوج وقفي انتي وامي..

#دكتورة ايناس :- انا عن نفسي مادخلني بعد هيك..

#حازم :-احكي لامي توقف ..مابدي هاي كاترين مافايتة راسي صرت شوفها حتى بطبق الاكل من كتر ما امي بتحكي عنها...

#دكتورة ايناس :-ههههه والله حلوة.

#حازم :-واذا حلوة بس والله مابقدر اجمطها غليظة متل البزاقة العريانة..زوجوها لحاتم ليش انا بالذات..

#دكتورة ايناس :- 😂يقطع عمرك ضحكتني ..قال بزاقة عريانة...قلتها شوفي حاتم..هاد اخوك رافض يتزوج الا حبيبتو..وامك ماعم تقبل فيها.

#منار :-مي..عطشانة

#ⴅმძ3Һค

#الجزء الثامن...

#دكتورة ايناس :- اسفة اح نضال خلصت الزيارة...

#نضال :-لاء ليش ماشبعت منها بدي اطمن منيح عليها...

#دكتورة ايناس :-ممنوعة الزيارة لالها لان وضعها الصحي حرج...

#نضال :-طيب فيني بوسها ...

#دكتورة ايناس:-اي مافي مشكلة...

((قرب لعندي وهمس لالي))
.
#نضال :- لاتنسي راجع...😊...

#دكتورة ايناس :- اقفل الباب لو سمحت بعدك..

#منار :-اااااه اخيرا

#دكتورة ايناس :- اي ابني حازم...اي رح هلاء

#حازم :- اي منيح عمتي... بعتت ناس وراه...المهم هي منيحة...

#دكتورة ايناس :- عيونها ببكو ..

#حازم :-عم يهددها ويخوفها...انتبهي عليها لوقت ما انا ارجع ناوب مكانك..كتير تعبان رح اغيب ساعتين نام فيهن...

#دكتورة ايناس :- حبيبي ضيوف...خلص الله معك نوم الهنا

#حازم:-شو عمتي قولي ضيوف شوو...

#دكتورة ايناس :-امك عندها ضيوف .. .

#حازم :-اي كملي..

#دكتورة ايناس :-حبيبي روح على البيت ..امك ناطرتك..

#حازم :-اي فهمت عليكي عندها كاترين مااا ...منيح انك خبرتيني..جاي لعندك...

#دكتورة ايناس :-حبيبي بترجاك لاتحرجها لامك...هي طلبت مني احاول معك...الله يسعدك كرمالي بعدين هني على 4 جايين وبعدها 2 يعني بتنام ساعتين وبتشوفهن وبترجع لهون...

#حازم :- استغفر الله هو انا ناقصني ...ماشي عمتي رايح انتبهي لمنار ..سلام

#دكتورة ايناس :- الله معك...اويلي على عقلك يا حازم الله يصبرها يلي رح تكون من نصيبك...وها الحلوة بشوووووو صافنة شو في بالسقف ليتأملو هيك...له له ليش ببكي هيك...

#منار :- اخر مرة اسمعتها من امي من كان عمري 9 سنين..

#دكتورة ايناس :-شو هي ياعمري...

#منار :-يابنتي ...نيالو حازم ..

#دكتورة ايناس :- تعي العب لالك بشعراتك الحلوين .. حازم مو ابني...بس انا ربيتو انا بكون عمتو...هو وحاتم اخوه توأم...يعني بشبهو بعض كتير بالشكل بس بالمضمون بختلفو...ام حازم دكتورة كمان.ماكانت تقدر تربيهن الاتنين...انا ربيت حازم وهي ربت حاتم...حازم كنت على طول اعطيه حريتو يعبر عن كل شي..يعصب يصرخ يكسر يعاند ..كنت بحب اشوفو عم يفرغ كل مشاعروا... لهيك طلع عنيد..تعبت عليه ... حازم كمان طبيب ...درس طب..متل حاتم.....طبيب اطفال..بس درسها كرمال يرضي ابووه ...يعني مابحبها لان على طول كان يحب الجيش..والشرطة..وهالأموور...من خلص البكالوريا.

#حازم :- انا مابدي ادرس طب ..كل العيلة اطبااء مابحبها مابحبها..

#دكتور رمزي :- ولا تحلم تفوت الجيش او كلية الشرطة.. لاتحلم...

#ايناس :-اخي رووق على الولد يعني لاتعصب عليه هيك اتركوا على راحتو...

#دكتور رمزي :-انتي مو شايفة انو بلا عقل واحد مخلص بكالوريا بامتياز...بدو يفوت كلية الشرطة..

#دكتورة ايناس :- طيب انا عندي حل..

#دكتور رمزي :- هاتي اللي عندك..

#دكتورة ايناس :- ابني حبيبي رح يدرس الاتنين...

#دكتور رمزي :-هو على البكالوريا غصب درسها بدو يدرس الاتنين..

#حازم :- اي رح ادرسهن الاتنين..

#دكتور رمزي :- اقص ايدي اذا بنجح ...

#حازم :-ماشي خليك على كلمتك هاي...

#دكتورة ايناس :-ولد لاتحكي هيك لبيك...

((غادرنا حازم وهو بتوعد يصل لاحسن مرتبة انا بعرفو انو ولد عنيد بس جدا ناجح..ماكنا نشوفوا خلال السنوات الماضية على طول مشغول دراسة ليل نهار...ماكان يتوقف حتى بالاجازات تعب على حالو كتير..لخلص طب اطفال..وترقى لرتبة ملازم اول..وبلش دورات تدريبية كان عم يحقق انجازات باهرة بكلية الشرطة..لوصل لهيك مرتبة..وهالشي صعق والدة ...تعب كتير على حالو ...اما حاتم طفل امو المدلل..بس بصراحة اخي رمزي بحبو لحازم كتير اكتر من حاتم. بشوي بعتبروا ناجح اكتر ...اااه امو عم تلاحقو ببنت رفيقتها ..وهو ماعندو استعداد يرتبط ماعم يقبل .بحياتي ماسمعت عندو شي رفيقة....

نمتي ...اخدنا الوقت وانا عم احكي 😂😂...دخيل هالوجه الصافي متلك الملاك نايمة.....

في الفيلا...

#حازم :-امي عندي شغل مافيني ضل دقيقة هون..

#ام حازم:- ياعمري دخيلك لاتحرجني العالم صاروا تحت ..

#حازم :-انتي بتعرفيني مابطيقها لهاي المخلوقة ليش عم تحشريها فيني امي..

#ام حازم :-استغفر الله نفسي ترضيني بشي ...

#حازم :-شرفي امي اشوووف ...واكتر من ربع ساعة مارح ابقا ..رح فل..

#ام حازم :- الله يصبرها عليك كاترين...

#حازم :-امي حاجتك خلص ..لا تلزقيها فيني مابطيقها اسمعي مش حلوة مانها فايتة راسي...

#ام حازم :-هلاء كاترين صارت ماحلوة كل عيلتها عم يتقاتلو عليها...

#حازم :-وليش ما قتلوها وخلصوني منها ...

#ام حازم :-خلص اسكت اسكت...رتب قميصك..

#حازم :-بكره القمصان انا عم تجبريني على تياب غير شكل...

#ام حازم :-هممم اهلا اهلا نورتي بيتي ام يوسف ..كيفك حبيبتي كاترين..الله طالعة بتجنني الله يحميكي من العين..

#كاترين :-مغسي خالتو...

#ام حازم 😞(بقرصة لحازم وعضة على شفافا ...رحب فيها امي...

#حازم :- اها اوك اهلا ...
#ⴅმძ3Һค

الجزء الخامس والعشرون...

#حازم :-حاولي قد مافيكي قليلي شو يلي جواتك وانا ارضى فيه...

#منار :-خايفة قلك اني موافقة انت تعتبرني اني طمعاني بعيشتك...واهلك نفس الشي...بس انا صح ماعشت يلي عشتو بس مستحيل مابعرف شو قلك بس الامر صعب..

#حازم :-بتحبي انعيش بكوخ وحصيرة ماعندي مانع يلي بريحك وبتشوفيه الانسب..اذا على شوية برستيج واتيكيت انا بعلمك اياه..هاد كرمال امي..اما انا وانتي بدي حتى ناكل بصوابعنا انا مبسوطة معك هيك
...

#منار :- 🙁 ..

#حازم :-مابدي منك الا بس تحبيني..واتركي كل شي لالي رح نجيب بيت انعيش فيه...وامك رح جيبها واخوكي كمان...

#منار :- اخي...😲..

#حازم :- اي خيك ايمن ..انا بعرف مكانو رح جيبو واعتني فيه انا...

#منار :-وين هو...

#حازم :-بدار تاهيل المعاقين...

#منار :- اخي هونيك .....

#حازم :- اي امك ولدتو في شوية مشاكل جسدية بس سامر ضربوا بالارض واصيب براسو وهو صغير صار عند

و اعاقة عقلية...لهيك امك ما رحمتو لسامر...اخوكي حلو كتير متلك ..

#منار :- خليني رووح شوفوا...

#حازم :- شوفي الساعة 2 بالليل ...يعني مستحيل يفتحو لالنا هلاء..اليوم هاد متعب كتير وانا تعبت من الخناق جاي على بالي نام وارتاح...بعديلي هيك ..

#منار :- اسفة يعني رح نام وين انا...

#حازم :-ليش قمتي ارجعي مكانك..

#منار :-مابصير انت نايم هون...

#حازم :- واذا..انتي على طرف وانا على طرف...

#منار :-لا لا بترجاك نام تحت او بغرفة تانية...

#حازم :-خايفة مني..

((وقفت بمكاني على تصرفات حازم كانت جديدة عليه ..وهو وقف مقابيلي كنت اشعر انو انفاسو قريبة مني كتير..حتى ريحة برفاانو..ماكنت اقدر اتمالك حالي..

#حازم :-شعرك عم يطول بسرعة معقول رح يرجع احلى من الاول...دخيلو اللي شعروا حرير...

((من كتر التوتر يلي انا فيه كنت عم اعرق وخايفة من لمساتو لوجهي وشعري...لوقت مادقت عمتو علينا على الباب...

#ايناس :- اوووه اسفة ..حبيبي عمتو انت خد هاي المخدة ..واعطيني تبعتي ..وبجامتي...

#منار :- ايناس خديني معك...

#ايناس :- مممممم لا لا مابصير يادوب السرير يكفيني...باي ..تصبحو على خير

#حازم:- شفتي ماحد قبلان..ماعندك مكان الا جنبي...

((بقيت صامدة ورافضة كل الفكرة ..وبقيت على طرف السرير قاعدة وهو عم بحاول يغيرني بالدفا والنوم ...كنت حيل تعبانة بس مو ماعم يقبل يفهمني..لوقت ماغطيت بالنوم وانا قاعدة...

#حازم :-اوووه واخيرا ...نمتي..شوي شوي ايوووة هيك تمام ..وليكها المخدة تحت راسك..وهيك صرتي دفيانة...نوم الهنا يا اميرة ياريت كل البنات عسل طفوليات وبريئات هيك...دخيل هالنومة اللي بتسحر...خليني بس شوي صغيرة اقرب بس شوي .💤💤 ..

#اينااس :-ياااولاد بعدكن نايمين فيقووو...

#منار :- اينااس ...صباح الخير شو هاد يلي فوقي...

#ايناس :-هههه هاي ايد حازم مربطك...الظاهر كنتي عم تحاولي تهربي بالليل ...

#منار :- حازم حازم بعد ايدك عني ...بعد لهيك...

#حازم :- اتركيني امي نعسااان يالله شو هالراحة هاااي..

#ايناس :-هههه لك حااازم قوم خنقتها للبنت ..

#حازم :- شووو اخ راسي..وين انا ...

#ايناس :-بعد ايدك عن البنت..

#حازم :- اها اسف اسف ...ماكنت حاسس على حالي...

#ايناس :-فيقو يالا رح نروح انشوف الولد ايمن ونروح على السجن..لان لقيت محامي جدا شاطر ...

#حازم :- اي صحيح...

((كنا على طول الطريق نتبسم..عمتو ايناس تنكشو وهو يبتسم وانا كنت اخجل على النومة يلي كان نايمها جنبي...

#حازم :-تعرفي ياعمتي فرشة السرير تبعتك مريحة على عكس تبعتي..

#ايناس:- الفرشة يلي مريحة ولا اللي كان نايم فوقها...

#حازم :-شو عمتي...

#ايناس :-شو حبيبي رح نوصل..

#حازم :- اها هيك لكان...

#منار :- حازم اخي عمروا 8 سنين...

#حازم :-8_9 هيك شي...هلاء بتشوفيه.. عمتي .ايناس امبارح كانت تحكي معو ...بس هو قليل مابجيب السانو تقيل...

#ايناس :-يالا حبيبابي عم ينطرونا....

((فتت غرفتو كانت كتير صغيرة ..وهو حجمو صغير على كرسي متحرك ايدية الاتنين متل ايدي...وراسو على كتفو ورجليه كتير نحاف
...هو عندو نفص نمو...قربت لعندو وانا لاول مرة شوووف اخي ايمن..يلي كانت امي حامل فيه...كان جدا برئ...ومابخاف شاطر...مد ايدية وسلم عليه....وانا حضنتو بقوة مابعرف متل يلي كنت محتاجة حد من ريحة امي يضلو معي..صح مانو متل هالاولاد جسمو صحيح..بس روحو كانت احلى ...ياريت االمشاعر يلي حسيتها لحظتها كانت تنوصف واكتبها ...كنت عم لاعبو ..واضحك معو..ويلي خلاه يرتاح اكتر كان عم يشووف ايدي متلو..ماشعر بنفور بالمرة....وبعد ما خلصنا زيارة اتفاجأت بايناس عم تطلع لالو ورق الخروج...

#منار :-ايمن رح يروح معنا...

#ايناس :-اي حبيبتي اكيد..

#حازم :-البطل رح يروح معنا لنلعب هونيك براحتك صح ايمن.

#ايمن :- اي اي اي 😁...

((كانت تضحكتو لاخر مدى عم تصل عم يلاعب حالو وهو مبسووط.

#ⴅმძ3Һค

الجزء السادس والعشرون..

((انطلقنا لعند امي ...ودخلنا لعندا كانت عم تبكي من فرحتها ...انجمعت فيني وباخي ايمن اللي ماكانت تشوفوا الا بالصور..كان حالي وحال اخي بكسر الخاطر قدامها..
كلماتها وهي بتحكي بتوجع...

#علا :- عندي امير واميره شوفي صح اولادي هيك بس سدقوني بعيوني احلى اطفال..

((كان عم تبوس رجلينو وايديه لاخي
.ماكانت تتوقع ترجع اتشوفني انا واياه سوا كان منظر مبكي ..حتى يلي كانو موجدين معها صاروا يبكو..))

#ايناس :-ان شاء الله بتطلعي من هون براءئة...وبتنجمعي معهن وبتعيشي احلا ايام...وبتعوضيهن يلي راح...

#حازم :- عمتي احكي ..

#ايناس :-حبيبي مو وقتو...

#حازم :- لا وقتو ماعندي صبر...

#ايناس :- طيب طيب..حبيبتي ام ايمن بعرف انو المكان مو مناسب بس آلحاح ابني هو يلي عم يجبرني...بدي اطلب منك طلب..بدي ايد بنتك منار لابني حازم...

#علا :-شوووفوا هالفرحة يانسوان شووفي مين رح يطلب ابني..امانة علبكي يا اعتدال تهاهي وتزغلطي لبنتي امانة بدي افرح فيها..معقول ما اوافق انا هو في شاب احسن من حازم لبنتي..

#ايناس :-يعني شو ام ايمن..

#علا :-طبعا موافقة اذا بنتي موافقة شو منار..

((من الاحراج والخجل ماعدت استوعب يلي بصير رديت على امي متل مابدك...))وقدام المسجونات قرأت امي الفاتحة...والكل صار يهنيها كانت فرحانة لدرجة رقصت بنص السجن لالي.....حتى حازم ماتصور اني وافق ومن الخجل كمان طلع وتركنا مع امي...ومن ودعتها حضنتني وهي عم تبكي...

#علا :-ديري بالك على حالك ياامو انتبهي لاخوكي كتير انا بحبك....

((في السيارة ))

#ايناس :-حكيت مع المحامي ...هو قرا قضيتها...ورفعت المحاكمة مابعرف رح يحكمو عليها بالبراءة دفاع على النفس ولا يخفضو المحكومية للنص...هالشي بنعرفوا في المحكمة بعد اسبوعين....

#حازم :-شو جاي على بالكم تتعشو...

#ايناس :- رح نتعشي حبيبي بالبيت بيك طلب منا ننجمع اليوم ...حتى منار...

(( دخلنا الفيلا وانا متوترة من الاجتماع الجديد وخايفة بشو رح تكون النتيجة...جهزت حالي انا واخي وقعدنا على الطاولة ..امو لحازم بعدها ماكانت موجودة بس حاتم كان وعمي رمزي وحازم وايناس...اجتمعنا ...كلنا ..وكان الترحيب من الكل ..من اجت سونيا مرت حاتم..رفضت تقعد على الاكل لان اخي كان مقابيلها وقالت انها بتقرف لانها حامل...اخي كان يفهم الحكي وبلش عيونو تدمعو..وانا كنت بدي قوم بس حازم خلاني ارجع اقعد...

#حاتم :-رح خلي ام صبحي تطلع لعندك الاكل روحي فووق مو ضروري تحضري الاجتماع...ليش امي اتاخرت...

#ام صبحي :-ليكها جاي سيدي رح تنزل...

((ام حازم كانت بأجمل اناقتها غير الذهب والحلي يلي كانت لابستو والتانية اول ماشافت اخي صرخت ...

#ام حازم :- لا لا هاد كتير هيك شو فاتحين حضانة معاقين بالبيت ....

#رمزي :-عيب هالحكي هاد اخوها لمنار وبعد طفل مابصير تحكي هيك...

#ام حازم :- مابعرف شلون رح تزوج وحدة هيك مانك خايف اولادك يطلعو متلها معاقين ومتل اخوها..ناقصة ياربي انا مابدي اجتمع اخدة تيابي وطالعة من هون....

#رمزي :-اذا طلعتي من هون اعتبري حالك طالق...

#حازم :-بابا ...

#رمزي :-هشش خليك بمكانك...

#ام حازم :- بدك اطلقني رمزي بعد هالعمر الطويل ..شي طبيعي اذا خربت حياة ابنك بدها كمان تخرب حياة ابوه....

#ايناس :-ابني حازم موبايلك بدق هاد من اصلاحية السجن...

#حازم :-الووو..اخي لحظة اطلع لمكان مافيو صوووت...الووو مين..ام ايمن علا...متى هالشي صار ..راجع...انا ..لاتحركوا جثتها الا من اصل...

#منار:- حازم جثة مين...

#حازم :- انتي من متى هون...

#منار :- حازم جثة مين واصلاحية سجن شوو لاتخبي عليه حازم...اسمعتك عم تقول علا ام ايمن..امي ماتت ..احكي احكي ليش انخرست امي ماتت..

((كانت اخر كلمات تقلي اياها انا بحبك ديري بالك على اخوكي كانت فرحاني انو حازم خطبني وفرحت لانو اخي ايمن معي..كانت عم ترقص وتغني لالي...خلص راحت امي ودعتني على الاخر..صابتني هستيريا وصرت اهلوس ..امي ماماتت ايمن سدقني ما ماتت عمتي ايناس الخبر كذب صح...وصلت السجن..وحضنت امي يلي كان جسمها بارد..

#الله يرحمها كانت تعبانة اخر فترة ..لله ما اعطى ولله ما اخد..

#منار :-امي قووومي دخيلك ...لاتروحي انا سمعت انك رح تاخدي براءة ...وتعيشي معي...امي ليش ساكتة ..بعدني ماشبعت منك ليش بدك تحرميني منك.بس فيقي خلينا نتفاهم بترجاكي امي فيقي..اطلعي عليه عجبك الحزن يلي عم عيشو..

#ياجماعة احملو المتوفية ...

#منار :-بترجاكن اتركوها شوي بدي شمها كمان بدي حاكيها كمان...امانة امي قومي مشطيلي شعري...امانة امي تعي احميني من يلي متل سامر ونضال...لاتتركيني ....يعني شوفتيني صرت مع حازم ارتحتي وتركتيني ليش انتي هيك..طيب اخي ايمن ..محتاجك لسه ماشبع منك امي. اميييييييييي قوووومي بترجاااكي اميييييييييي ليش هيك عملتي ورحتي. .دخيلك يالله اتركها لالي مابقي بالدنيا الا هي ..

#ⴅმძ3Һค

#الجزء السابع والعشرون...

((ابي واخدتو وجدي واخدتو وتيته واخدتها طيب اتركلي امي..طيب خدني انا لعندك معها...خليني ارتاح من وجع هالدنيا ..مو حاجتي يارب مو حاجة اختبرت صبري فوق طاقتي......

#ايمن :- امااا امااا 😢😢.....

((حضنت اخي كان حزين عم يبكي قلبو كان يوجعو بس ماكان قدران حتى يلمسها ...وقع حالو من الكرسي ..واتسطح جنبها وصار بطرف ايدو يكمش فيها...كان عم يتعذب وهي بيبكي جنبا...انا واياه فتتنا بحالة سكوت لايام...كنت ضلي قاعدة جنبو وما احكي شي ولا هو ...والاكل بالقوة ينزل بمعدتنا....متل يلي غابت شمس الدنيا علينا....احساس كأنا ميتين....مرقت الايام ودموعنا ماجفت على فراق امي...ومن الايام للاشهر..ولا قدراني لا انا ولا اخي ننسى..كل ليلة نبكي ......

#حازم :-رح تبقى هيك...

#ايناس :-والله مابعرف ياعمتي....

#حازم :- حال البيت مكسور على حزنها...

#ايناس :-والله حتى امك شفتها عم تبكي على حالها...

#حازم :- امي ..

#ايناس:- اي والله جيت بالصدفة لقيتها واقفة عند باب غرفتهن وعم تمسح دموعها كانو بيبكو الاتنين منار وايمن...

#حازم :- ماعرفان شلون اسعدها....

#ايناس :-مع الايام بتنسى ..مسكينة بعدها بتذكر امها تقولي حياتها وقفت على هاداك اليوم....

#حازم :-مو امي يلي هونيك...

#ايناس :-اي لوين رايحة...

#حازم :-لعند منار وايمن..

#ايناس :-تعا لنشووف...

((انفتح الباب كانت امو لحازم كنت ناطرة كلامها الجارح لالنا. ماكان هاممني كلامها اساس?
هى النهاية...

انفتح الباب كانت امو لحازم كنت ناطرة كلامها الجارح لالنا. ماكان هاممني كلامها اساسا ماعاد في شي ينزعل عليه..من بعد فراق امي.....




#ام حازم :-منار مانك جوعاني بنتي...



(ماكنت متوقعة حديثها الدافي...كررت كلمة كنت اسمعها من امي..هجت بالبكي ماعرفت شو صرلي لقيتها عم تحضني....


#ام حازم :- الله يقطع لساني اذا جرحتك بالحكي..اعتبريني امك..انا رح عوضك انتي وايمن عن كل شي بس بترجاكي سامحيني ..مابعرف انو الايام كانت هيك عليكي لو بعرف مازدت حرف من كلامي لالك..انا معك رح ضل ...رح ساعدك ..اعتبريني مكان امك يلي رح تعوضك حنانها...انا ماعندي بنات..ومبسوطة انو لالي بنت متلك طيبة...



(( كلامها برد على قلبي...واهتمامي فيني صار يخفف عني كل شي..لدرجة تكمش المشط وتمشط لالي شعري واخي تلبسو تيابو...وماتاكل الا من تشوفني انا واخي موجودين...هالشي كان يخفف عني شوي..بلشت الايام تمشي اخف من اول عليه...امي ذكراها ما انتسى ...عند الله صارت..وهي اكيد طلب من ربنا يحنن قلب خلقو علية...


#رمزي :-جاهزة غرفة العمليات ...


#اي دكتور...


#رمزي :-عمي لاتخافي مارح تحسي بشي رح نرجع نركب عضم الايد صح لترجع متل الاول واحسن ...



((كان قراري اعالج ايدي افضل قرار ...قضيت اكثر من 6 شهور وانا عم انطر ايدي تنبنى منيح...وفكيت الجبس عنا..كانت اول مرة احسن ارفعها بطريقة سليمة بدون حاجة لمساعدة ايدي التانية...اما اخي ايمن..الدكتورة ايناس كانت مشرفتو الاولى...لدرجة صار يحسن يعمل عمليات حسابية...



#منار :-عندي سؤال لالك لهلاء محتفظة فيه...


#حازم :-هاتي لاشوف اسئلتك اللي مابتخلص...


#منار :-بتذكر من حملت بإيدك قطعة الزجاج لتنتحر قدام امك معقول كنت رح تعمل هيك ..



#حازم :-انتي شو رأيك معقول رجال طويل وعريض يتصرف متل مراهقين...


#منار :-لكان ليش هيك عملت..


#حازم :-امي وانا صغير ضربتني مشان كسرت طقم فااز غالي وانا من الزعل كنت عم اتخانق معها دفشت ايدي بفاز مكسور فانجرحت...وهي ما كانت منتبه فهي يا منورتي فكرت اني بدي انتحرت ومن يومها بتخاف...امي جدا حنونة سدقيني بس بتحب الحياة والبرستيج وليكي اتعلمتي وهي مابتحب تطلع مشوار الا معك...



#منار :-بس هلاء ماعادت تحب...



#حازم :-اي بعرف انا قلتلها...



#منار :-شو قلتلها...


#حازم :- مرتي رجليها تعبانين من الحمل...واتركيها ترتاح بلاا مشاوير...


#منار :-شو يعني انت يلي ورا كل هالشي ..وبسببك مرت عمي ماعادت تاخدني مشوار...


#حازم :- اي مشان هيك بصراحة ابني محتاج راحة وانتي وامي وعمتي ماعم تقعدو بالبيت فرارات من مكان لمكان ...هلاء سؤال على السريع انتي بأي شهر...



#منار :- مابدي خبرك...


#حازم :-اوكي انتي الخسرانة...


#منار :-امبارح خبرتك كل يوم بتسألني هالسؤال...


#حازم :-يعني بالشهر السابع الا يومين...


#منار :-شطور ....حبيبي انت..


#حازم :- انا حبيبك..


#منار :-لاء حبيب بنت الجيران..


#حازم :- اي وحدة ام عيون عسلية ولا زرق..


#منار :-حااازم..


#حازم :- مناااار 😂😂...



#منار :-حبيبي حاج غلاسة...


#حازم :-يعني اذا ماغلست على مرتي على مين رح غلس..بتذكري شو عملتي يوم العرس...


#منار :- اي شو عملت ..


#حازم :-ماعرفتي تمشي بالكعب قمتي وقعتي على وجهك سطيح ..


#منار :-به به به ما بضحك...

#حازم :-بس انا بحب اضحك..فكرك ابني رح يطلع متلي سايب وعلى طول بيضحك هيك..ولا متل امو عبوسة وجكمة..


#منار :- لا متل عمو هادي ورايق .😋



#حازم :- يعني ابوه مانو هادي ورايق...


#منار :-لا عقلو صغير ومجنني ...وعيونو زايغة على النسوان


#حازم :- هاتي ايدك..


#منار :-مابدي ...



#حازم :- وحيات ايديكي يلي بموت عليهن اذا عيني راحت يمين وشمال فوتي صوابعك فيهن وانزعيهن...لاني بحبك...



#منار :-ادخل صوابعي فكرة حلوة بدي اعمل وقتها متل نضال وابيع اعضائك صحيح شو صار فيهن...



#حازم :-ماحبيت خبرك بس من اشهر اعدمو نضال وشوكت. وكمان اتنين كانو يشتروا اعضااء بس تجيبي ابني بفرجيكي الفيديو ..بخاف تشوفيه ويصير فيكي شي...


#منار :- ههههه ليش كنت اتمنى شوف هالشي جهنم وبئس المصير...


#حازم :-طيب دخيل عيونك قليلي بحبك قبل لتجي عمتي بسرعة بسرعة قبل لتوصل...


#منار :-بحبك..


#ايناس :-وانا كمان بحبكم..


#حازم :-سمعتها...


#ايناس :-مستحيل فووت هاللحظة..تعو لجوا حاجتكن وقفة بالبرد ....عم نعمل كستنة وحاتم ورمزي عم يلحقو الكستنات بالصالة..قلتهن مافي بعد حزززوم بيعرف يحمصهن بسرعة...وانتو يا فانزات جمايكا...حاجتكن خلص...قومي حمصي كستنة انتي واياها...😂😂...سكروا هالشاشة..



#انتهت..

الجزء العشرين...

#ام حازم :-شو هاد القرف يلي في بيتي...

#حاتم :-شو امي قرف شو...

#ام حازم :-هاي التياب
من وين لقيتا في المطبخ..

#حاتم :-اوووف ياريحتهن...

#ام حازم :- ماعرفاني من وين هالقرف بيجي...

#حاتم :-يمكن امي للخدامة...

#ام حازم :-اساسا هي خبرتني عنهن..وينو حازم...

#حاتم :-يمكن نايم بغرفتوا....

#ام حازم :-ايناس..

((ايناس كانت طالعة على الدرج بخطوات خفيفة حتى ما تشلق ام حازم لالها ..لان كانت معصبة من تياب منار ...

#ايناس :- مممم صباح الخير...

#ام حازم :- صباح النور ليه اخدي فطار معك لفوق..مارح تفطري معنا...

#ايناس :-مممم لا رح افطر فوق كتير تعباني...

#ام حازم :- اها اوك...ام صبحي..

#ام صبحي :-نعم ياخانوم..

#ام حازم :-خدي التياب كبيهن برا البيت...وجهزي الفطار بغرفة المعيشة..لان ام كاترين جاية لعنا.. حاتم مرتك لهلاء نايمة...

#حاتم :-اي امي ...

#ام حازم :- اها اوك نوم الهنا...رايحة افيق بيك يفطر معنا.....

((داخل الغرفة))

#حازم :-لهلاء بالحمام ست منار خلصي..

#منار :- مممم حاضر بس بعدن رجليه وسخين...

#ايناس :-اتركها عمتي تتحمم براحتها ...شكلا انبسطت جوا..صوت ضحكتها طالع...

#حازم :-عم تلعب برغوة البانيو...

#ايناس :-وله شو عرفك هاا...

#حازم :-احم احم...لا اسمعتها وهي بتغنى للرغوة...

#ايناس :-هههه امك فاقت تحت وقالبة الدنيا على صوت التياب..

#حازم :-يييي عمتي هلاء بتعرف...وين كبتيهن..

#ايناس :-مالقيت الا المطبخ شو اعمل..رح تفطر هون ولا تحت...

#حازم :-لا هون..

#ايناس :-وامك..

#حازم :- اساسا مارح انزل ..انا صفيت سيارتي باخر الدنيا لتعرف اني بعدي بالشغل...لان كاترين بعتت لالي رسالة بدها اجي لانها معزومة على الفطار هون..لهيك عمتي رح اختصر..

#ايناس :-رح تبقى بغرفتي..

#ام حازم :-ايناس...

#ايناس :-امك..ام حازم ثواني حبيبتي عم غير تيابي..

#حازم :-وين انتخبى..

#ايناس :-دبر حالك فوت الحمام ..

#حازم :-هووون ...

#ام حازم :-ايناس...

#منار :- حازم 😲😲

#حازم :-مغمض عيوني والله ..بس هشش ولا نفس امي هون...

(( غطيت حالي بستارة البانيو..ماكان عندي حل غير هيك كان حازم عيوني على الباب مغمضهن وضهروا لالي وحاطط ايديه وفوقهن ..اتذكرت من كنت بالمشفى واتصرف نفس التصرف...بقيت انا وهو ساكتين شي 5 دقايق..لعند ما عمتو ايناس فتحت الباب وشدتو لبرا وهي عم تضحك بدون توقف...

#ايناس :-اااخ يابطني ماقدراني امسك حالي...

#حازم :-عمتي وقتك هاد...يمكن البنت احمرت واصفرت على هالحال وهات يلي يطلعها من الحمام اساسا من الخجل...

#ايناس :-اسمع بالعافية لقدرت اقنع امك اني مرضاني ...بس شكلها شكت..بدك ادبر حالك..يمكن زبطت هالمرة مارح تزبط المرة الثانية...

((اطلعت من الحمام وكان البنطلون يلي لابستو كامشتو بإيدي لان رح شوي ويقع من عليه.لان عم يسحل...والقميص رقبتها واصله لكتفي..لان حازم عضلاتو كتير كبار..يعني بحسن يرفعني بإصبع واحد.وهون الاثنين ماعادو وقفو ضحكت..حتى انا اول مرة اضحك هيك...كنت مبسوطة من حالي معقول رح ترجع لالي فرحتي...

#حازم :-اعطيني البطلون ...

#منار :-شو مابصير شلون اعطيك اياه...

#حازم :-هههه قصدي اعطيني طرف خصروا اربطو بهاد الخيط لوقت ماعم تصل ..راحت تجبلك تياب...

#منار :- اها ...

#حازم : - هيك تمام ماعاد اضلك كامشتيه...

#منار :-فيني اسالك سؤال. .

#حازم :-اسالي..

#منار :- انت كان فيك بعد ماكمشت عمي والعصابة تتركني او تبعتني لشي ملجا ليش اهتميت فيني هيك واخدتني لعندك...

#حازم :- عادي لو حد غيري كان رح يتصرف نفس الشي...

#منار :- اها ممكن...

(( ارجعت قعدت بسرير ايناس كانت ريحتي كتير طيبة وكنت مبسوطة بوجودي بهيك بيت يمكن كان شي امنية او حلم...بس كان حازم رايح وجاي قدامي ...ومن بعد سؤال بحاول يفكر بشي حكي جديد ماقدر..غير انشغالو بموبايلي مع خطيبتو...كنت احسدها نيالها على هيك انسان... شخصيتو لحازم كانت اول شخصية حبها من يوم ما وعيت على الدنيا...كانت رسائلها ماعم توقف وهو ابتسامتو ماعادت وقفت معقول بحبها هيك...

#حازم :-امو ليونس عم ترسل على موبايلي رسائلك اقرئها لالك...

((ماكنت بعرف انو عم يبتسم بسبب رسائل امو ليونس...

#حبيبتي منار..كل دقيقة بدعيلك على اهتمامك بإبني ياريت عندي بنت متلك ......الخ..

كان كتير حكي قلب عليه المواجع..وكتير حكي ضحكني وخاصة من ذكر لالها يونس مواقفي معو...اشتقتلو وحكيتو من موبايل حازم...وانا عم احكي كان كل شوي ينقطع الخط بسبب اتصالات كاترين...لعند ما اتفاجئت انها عم ادق علينا الغرفة...

#كاترين :-حازم انت بغرفة عمتي ايناس صح...

#ⴅმძ3Һค