لا ماسة ...انا هالمرة مارح اتركك .. طول فترة بعدي عنك وانا عم بتعزب ... ماعم بئدر انساكي وانسئ الشي يلي عملتو معك ... 
رجعت التفتت عليه وئالت :طبعا مابدك تنسئ يلي عملتو معي... لك انتة حقييير 
ايهم : ....
ماسة :تركني بحالي ...لك انا لحد اليوم وعم حاول لملم حالي وماعم بئدر استوعب انو هالشي بدر من اكتر شخص حبيتو ووثقت فيه 💔 
ايهم :عطيني فرصة تانية لحتا...
ماسة :اعطيك فرصة تانية لحتا اتدمرني ... مارح اسمحلك ... وماتفكر انو بعملتك كسرتني ايهم ...لااا وفشرت عينك كون انكسرت ... الرصاصة يلي ما بتموتك بتخليك اقوئ وانا هيك .. هالرصاصة يلي استقرت بئلبي بسببك ئوتني ماموتتني. ... وهلء روح ايهم روح وتريك غيرك يعيش مرتاح... 💔

بلشت ماسة تمشي ولحئها ايهم ... 
ايهم :طيب سمعيني بس...
ماسة :مو متطرة ..سبئ وئلتلك طلاع من حياتي 💔

ضلت تمشي وما حست علئ حالها انها نزلت عالشارع والاشارة كانت مفتوحة... 
صرخ ايهم :لككك ماااسةةة انتبهييي 
وبلش يركد لعندا ...
التفتت بسرعة عليه وانصدمت لما شافتو دفشها لحتا بعدها عن الشارع و وئعت عالأرض وضربتو سيارة بدالها... 💔 

ضلت صافنة بالشي يلي صار وشافت كل العالم اجتمعو عليه وهوة مكوم بدمو بنص الشارع 😢 
وفجأة وبدون وعي ئامت وركدت لعندو وبعدت العالم وبلشت تصرخ :محدا يلمسووو ..بعدو عنووو 
...:بس بدنا نأسعفو 
ماسة :لااا ازا حركتو هلء رح ينحبس تنفسو ورح يموت ...هوة لازمو اسعافات اوليه بالأول 
...:وانتي شو عرفك ؟؟ 
ماسة :انا بدرس طب وبعرف ... 
واشرت لواحد وطلبت منو يتصل بالاسعاف 
وهية توترت ودمعتها علئ خدها ومسكت معصمو وبلشت تئسلو ضغطو ... 
ماسة : في نبض بس خفيف ،وتنفسو محبوس... ياربي لا تضرو وفتحلي بصيرتي لحتا ائئدر انقذو 😢 

وحطت ايديها علئ صدرو وبلشت تضغط ورجعت حطت راسها علئ صدرو لحتا تسمع دئات ئلبو ... 
واصلت الضغط وكل الناس بتطلع فيها ومستغربة لأنها كانت عم تبكي وتحكي :ايهم مشان الله اصحااا لااا تموووت لاا تتركني والله انا مابكرهك ...والله انا بحبببك 😢💔 

ورجعت عملتلو تنفس صناعي بس بدون فايدة وحست انو رح يموت بين ايديها وبسببها .. 
ماسة :اييهم لا تمووت ببوس ايدك 😭 
وفجأة سمعت صوت شهئتو وهون انئبض ئلبا وفكرت حالا خسرتو ... بس كانت المفاجأة انو رجع تنفسو طبيعي ونبضو كمان ... 
ماسة :نفد...والله نفد من الموووت .. لك ايهم رح يعييييش ❤ 
ارتاحو كل الناس اللي حواليها وخصوص بعد ماشافو لهفتها عليه ❤ 

وصلت الاسعاف اخيرا واخدو أيهم عالمشفئ وراحت معو ماسة ... 
حطو بغرفة بعد مانضفولو جروحو ولفولو ايدو وراسو وصدرو بالجبس... 
ئعدت جنبو وبلشت تحاكيه وهوة لسا فائد الوعي...
ماسة (مع ابتسامة حزينة ):بتتزكر اول مرة تئابلنا بمشفئ ... ووئتا كمان اتخانئنا وخليت اخي يحبسك 😢💔 
حطت ايدها علئ ايدو وئالت :مع اني انسحرت بعيونك وئتا ... 
وبلشت تتزكر (ايهم :بعد عنها ...وصرخ :بعد عنها عم ئلك 
الشب :لك شو صرلك 
هجم ايهم عليه وبعدو عنها وضربو علئ وشو وئلو :لككك هي روحي ... 
الشب :مو انتة طلبت مني اعتدي عليها ؟
ايهم :لكك فشرت عينك خليك تلمسها يا ابن الحراااام ... روح انئلع من هوون 
ايهم :سامحيني ...مشان الله سامحييني 😢💔💔 
ماسة :إنتة... مجرم بعد عنيييي )
ماسة :بعرف انك بتحبني لولا هيك كنت خليتو يـ... 
وانفجرت بالبكي ... 💔

أخيرا صحي أيهم بس ماكان في حدا جنبو ... رفع حالو بصعوبة ولئا ورئة كانت محطوطة علئ صدرو ... مكتوب فيها (الحمدلله عسلامتك ... أيهم ... أنا مسامحتك ولو بدك تتأكد ارجاع اتأدملي من جديد وسدئني لو رفضت كل الدنيا انا رح كون موافئة ... بحبك ❤)

((«هذه هي لعبة الحب ... رغم خطأه الفادح بحقها...ورغم كرهها له الذي قنعت نفسها فيه 
الا انه يبقئ هناك ضوء خافت يعلن وجوده في حياتهم ليعود أقوئ... ليتمكن من انارة حبهم الذي ظلم بسبب شيئ اسمه انتقام »)) 

#النهاية...
#نسمات_عشق... 
#بقلمي_HajarSh

#قصة_القلب_وما_يهوئ #بقلمي_HajarSh ❤️

#قصة_بقلمي :$ 💜 #قصة_قصيرة.... 💞

#آلَقۣۗـۙلَبۣۗـۙ_وۣمۣۗـۙآ_يۣۗہهۣۗہوۣئ ❤️
#قصة_قصيرة... 💗


رنيت جرس الباب وفتحتلي حماتي وعيونها من كتر ماكانت معصبة حسيتون رح يقلبو متل عيون سوبر مان لما بيطلع الأشعة القاتلة منون ماعلينا ...
... ابتسمتلا ابتسامة كلها برائة وانا عم ادعي ربي ماتكون حاملة الهاون تبع الكبة لحتئ ما تفجني فيه عراسي
شادي :كيفك مرت عمي لك ليش هيك حليانة
حماتي :الك عين تجي لهون يا محترم ....!
شادي :له ليش هالحكي بعدين وينا مرتي بدي شوفها
حماتي :لا ماحزرت مالك عندي مرة روح انقلع لعند حبيبة ألبك ليش تجي لهون
شادي :هاد الحكي الي مرت عمي ؟
حماتي :اي الك يا بعدي يبعتلك حما من بين الاصهرة شو انك مابتنعطئ وجه ...
شادي :لا حول ولاقوة الا بالله ،طب بعديلي بدي شوف ريم ...

بعدتا لحماتي بإيدي وفتت عالبيت وانا عم نادي :رييم يا ريم وينك

طلعتلي ريم من الغرفة وعيونا مخوخين من كتر البكي
شادي :ريم حبيبتي هاتي شنتتك خلينا نرجع عالبيت
ريم :تركني بحالي شادي وللا قلك طلقني احسن ...
شادي :لك شو طلقك ماطلقك ،ريم حبيبتي انا بحبك ...❤️

قربت عليها وحاولت هديها بس ماتجاوبت معي نترتلي ايدي وفاتت عالغرفة
بصراحة أول مرة ريم بتتصرف معي هيك ،اتدايقت ورجعت فتت وراها عالغرفة ولحقتني حماتي المصون...

حماتي :لك انتة مابدك تستحي ،شرف اطلاع لبرة
شادي :والله انا قاعد بغرفة مرتي ،مرت عمي كوني محضر خير احسن ،طلعي خليني اتفاهم مع مرتي ...
ريم :طلعي ماما انا رح اتفاهم معو...

اخيرا طلعت حماتي وبقيت انا وريم لحالنا بالغرفة ....
واتطلعت بـ ريم اللي كانت مفحمة بكي ،لك انا مابحب بكيها هالعيون الزرق حرام يبكو ولا شعرا البني الناعم يلي كانت رافعتو لفوق كعكة ووشها الأبيض يلي انقلب وردي مع زعلها ،لك حتئ وهية زعلانة حلوة يسلملي البا. وللتمويه ريم بنت عمرا 21 سنة بس...
ريم :شو لسا بدك ؟
شادي :بدي اياكي ترجعي
ريم :مشان تقاعدني خدامة الك ولعروستك ؟
شادي :خسا وحياتك رح اتضلي الكل بالكل
ريم :لك بس بدي افهم انا شو نقصت عليك بشو كنت مقصرة ...!!؟
شادي :بصراحة ... انتي بحياتك ماقصرتي بشي اتجاهي ،كنت ارجع عالبيت لاقي كلشي من احسنو الأكل جاهز مرتي حلوة وجاهزة وولادي نضاف ،وبحياتي ما بتزكر ايمتا نمتي وايمتا صحيتي لأنو أصلا بحياتي ماشفتك نايمة ،انتي أخدتي دورك كزوجة وبتستحقي جائزة علئ هالشي وعن جدارة ،بس انا مابدي بس زوجة ،، انا من حقي حس بالحب كمان
ريم :ليش... انته مابتحبني ؟
شادي :مبلا انا بحبك بس انتي لا ريم ...

حسيت كأنو كبيت عليها سطل مي باردة لما حكيتلا هيك ... قعدت عالكرسي وحطت راسها بالأرض وصارت تحاكيني بصوت عم يرجف :مـ مبلا... مبلا شادي أنا بحبك ❤️

قربت عليها وانحنيت عند رجليها ورفعتلا راسا بإيدي ،، :لا ريم ... انتي مابتحبيني وانا بعرف هاد الشي ... انتي بتقومي بدورك كزوجة بس لأنو هاد الشي يلي انفرض عليكي ،بس حب لا مابحياتي حسيت بنظرة حب من اتجاهك الي ...

ريم :شادي لاتحكي هيك .. النا مع بعض 5 سنين كيف يعني مابحبك ،لو مابحبك كنت زعلت كل هالزعل لأنك اتجوزت عليي ؟؟
شادي :أي مرة بالدنيا بتزعل عشي فقدتو ... وانتي وحدة منون ... لما أخدتك كان عمرك 15 سنة مابتعرفي شي ،، وانا ماكنت احسن منك جوزوني أهلي صغير لحتئ يفرحو فيني ،20سنة عمر شب مراهق مابيعرف لسا شو معناة كلمة مسؤولية ، أهلي ظلموني متل ما أهلك ظلموكي ....
ريم :يعني انتة ندمان ؟
شادي :لا .. ولا بحياتي اندمت علئ جوازتي منك ... بس مو تحت هيك ظروف...

بعدت ريم ايدي عن وشا وهية عم تبكي ... ماكان قدامي غير واجهها بشغلة عرفتا من فترة اتطلعت بعيونا وحكيت : «وماذا عني ... عن أحلامي ... عن طموحي ... ماذا عن قلبي الذي لم يستطع احتوائه »

حكيت هالكلمة وحسيتا انصدمت ،طبعا بدها تنصدم لأنو يلي حكيتو كان خاطرة صغيرة من دفتر مذكراتها السري يلي كانت مخبيتو عني....

ريم :عم تتعدئ علئ خصوصياتي شادي..!
شادي :بالصدفة ... وشدتني هديك الكلمات ،انتي عم تحاولي تحبيني ،بس ماعم تقدري ... ريم رح قلك شي ،انا عكسك حبيتك وتعودت عليكي ... وماعم بستوعب فكرة اني طلقك وأخسرك ،لهيك. لا تيبسي راسك وتخربي بيتك بإيدك ،وازا مصرة عالطلاق انا جاهز مع انو رح يكون عليي صعب كتير ...

وقفت وحطيت ايدي بجيابي ،،، :انا رايح ...
فتلت ضهري لحتئ امشي وما حس غير ريم اجت وضمتني من ورا وقالت وهية عم تبكي :خدني معك 😢

ابتسمت وفتلت عليها ،، :معناتا جيبي شنتتك والولاد وتعالي خلينا نرجع عالبيت .. ❤️

هزتلي براسها وراحت لبست بسرعة وجهزت ولادي يامن وتيم واسمعت حماتي عم تحكي معها :لك يخربيتك شو طلعتي حوبة ... هي ضحك عليكي بكلمتين ... لك انا شو عاملة لأبتلئ بولاد عقولون قد عقل النملة .....

كتمت ضحكتي وانا عسامع كيف حماتي عم تبهدل بـ ريم يلي ماكانت عاطيتها أي اهتمام...