#لغز_الحب
#بقلم_أمل_الحياة
#الجزء_الرابع_عشر

( كانت لجين متسطحة عالارض وجنبها مزهرية مكسورة ... وفي بإيدها قطعة من المزهرية ... والايد الثانية مجروحة وعم تنزف .... )
نورة : شو اخي طمني ....
نورس بتوتر : في نبض الحمد لله بس ضعيف ... بسرعة اتصلي بالاسعاف ... انا رح احملها ونزلها لتحت لحتى يوصلو الاسعاف ...
نورة بسرعة : ماشي اخي ....
( مسكت نورة الجوال واتصلت بالاسعاف ... ونورس حمل لجين ونزل لتحت ينتظر سيارة الاسعاف ... )
تيم بإستغراب : نورس ؟!.. ايمت رجعت ؟!...
نورس بعصبية : قوم من وجهي مو فاضيلك ...
" انتبه تيم على لجين وتيابها المليانين دم " .....
تيم بخوف : شبها لجين ... لك ليش ايدها عم تنزف ...
نورس بغضب : كلو منك ... انت السبب ...
( بهالحظة وصلت سيارة الاسعاف واخدو لجين عالمشفى ...)
" خبرت نورة باقي العيلة باللي صار ... انصدمو كلهم بالخبر ... "
ميرا والدمعة بعينها : انا بدي روح عالمشفى ... بدي شوفها واطمن عليها ...
ابو نورس بقلق : طلعي نروح انا وانتي ...
نورة : بابا خدني معكن ...
ابو نورس : طيب امشي ....
ماهر : وانا كمان ... رح روح معكن ...
ابو نورس : لاء انت عندك دوام بالجامعة ... روح على جامعتك وبس جيت لحقنا عالمشفى ...
ماهر : طيب ماشي ... بس دقولي وطمنوني عنها ...
ميرا : اي تكرم ...
( راحو ابو نورس وميرا ونورة عالمشفى ..... وصلو وهني متوترين وسألو على غرفت لجين ... وبعدها راحو بسرعة لعندها عالغرفة .... فتحو الباب ودخلو ... )
ميرا بقلق : شو صار ان شاء الله تحسنت ؟!...
نورس ودموعة على خده : الحمد لله صارت احسن ... بس كانت بحالة حرجة كتير ... قال الدكتور لو متاخيرين كمان شوي كنا خسرناها 😭....
ابو نورس وهو يحضن نورس ويهديه : اهدى شوي يا ابني ... انت رجال ... والرجال مابيبكو .....
نورس وهو يمسح دموعه : مو بإيدي والله ...
ابو نورس بتسائل : انت ايمت رجعت ... وليش ماخبرتنا ...
نورس : جيت من ساعتين .... ماخبرتكم لانو حبيت فاجئكم .... بس لجين خربت المفاجئة .....
ابو نورس بإبتسامة : اي الحمد لله عالسلامة ... يلا روح انت عالبيت نام ورتاح شوي ... والمسا بترجع ....
نورس وهو يطلع على لجين الي متسطحة عالتخت متل الملاك : بسسس لجي.....
قاطعه ابو نورس : لاتاكل هم لجين ... رح تبقى عندها عمتك ميرا ونورة ... يلا امشي ...
نورس بإبتسامة رضى : يلا جاي ...
( راح نورس مع ابوه عالبيت مشان يرتاح ... وبقيت نورة وميرا عند لجين ... )
نورة : يالله ... ليش هيك عملت ....
ميرا : الله يسامحه تيم ... قهرها ودمرها
نورة : اهدي عمتو وطولي بالك ... الحمد لله صارت احسن هلق ...
ميرا : اي الحمد لله ...
بعد فترة دخل ماهر وسامي عالغرفة ....
ماهر بتساؤل : كيف صارت لجين ؟!...
ميرا بإبتسامة : الحمد لله صارت منيحة ...
ماهر : اي الحمد لله طمنتيني ...
سامي وهو يحضن لجين ويبكي : لولو ... لاتروحي ... والله خوفتيني عليكي ... اختي بترجاكي لاتتركيني متل ماما وبابا ... الله يخليكي اصحي واحكي معي ...
ميرا بحزن : ماهر طالع سامي من الغرفة ورجعو عالبيت ... حرام قطعلي قلبي ...
ماهر : بس لجين لحالها هون ...
ميرا : لاتاكل هم ... انا ونورة رح ننام هون الليلة ...
ماهر : طيب ... رح روح بما انو اطمنت عليها ... بكرة بس اجي من الجامعة بجي لهون ...
ميرا : اي تمام ....
ماهر : انتبهو على لجين ...
نورة : ولا يهمك لجين بعيونا ....
ماهر : يلا سامي امشي نرجع عالبيت ...
سامي بعناد : مارح اترك لولو ...
( مسك ماهر ايد سامي وطلعه من الغرفة غصب عنه ... )

بنفس المشفى بمكان تاني ....
تيم : طيب دكتور يعطيك العافية ...
علاء : الحمد لله خلصت المهمة ... اليوم المسا ان شاء الله منجي مناخد التحليل ....
تيم : اي ان شاء الله ... حاسس حالي متوتر ...
علاء : اهدى شوي وطول بالك ... المسا بتطلع النتيجة ومنعرف الحقيقة ....
تيم : يلا خير ... رح حاول اهدى ...

الساعة 6 المسا بفيلة ابو كرم ....
( صحي نورس من النوم عطشان ... قام ومسك كاسة المي مشان يشرب .... بس لقاها فاضية .... قام من عالتخت .... ونزل عالمطبخ مشان يشرب ... والنوم بعيونه ... سمع كلام خلاه يصحى من النوم بصدمة .... )
سميرة : ههههههه لك السحر لهلق شغال ... وهالمجنونة جنت نظامي ...قال شو ... حاولت تنتحر لانو تيم تزوج
فتون : لك سكتي قبل ماحدى يسمعك ...
سميرة : كلهم قاعدين بغرفة القعدة ماحدى بيسمعنا ...

نورس بصدمة ( بقلبه ) : معقول عاملين سحر ل لجين ...
( اقترب اكتر مشان يسمع حديثهم بوضوح ...... )
فتون بحزن : لك اللي قاهرني انو نورس حاببها ... لك انصدمت وقت عرفت انو نورس هو اللي حملها عالمشفى ...
سميرة بخبث : شو رأيك نروح عند الشيخ ونعمل سحر ل نورس مشان يحبك ...
فتون بحزن : لاء انا مستحيل أئذي نورس ...
سميرة : نحنا مارح نأذي نورس ... كل القصة انو رح نعملو سحر مشان يحبك ... متل السحر اللي عملناه ل لجين السنة الماضية مشان تحب تيم ....
فت

#لغز_الحب
#بقلم_أمل_الحياة
#الجزء_الثاني_عشر

بمشفى كبير بأمريكا ....
الدكتور : ان شاء الله الف مبروك .... هلق صار فيك ترجع على بلدك ...
حلا : الف مبروك تيم ... عنجد فرحتلك من كل قلبي ...
تيم بفرح : الله يبارك فيكم يارب ...
( استأذنو من الطبيب وطلعو من المشفى ... )
حلا : يالله الأيام عم تمشي بسرعة مو طبيعية ...
تيم : اي معك حق .... ماعم صدق انو صرلي متعرف عليكي 3 شهور ... وقت بفكر بحس هالكلام صار مبارحة ...
حلا بحزن : تيم انا تعودت عليك ... كيف رح تروح وتتركني؟....
تيم : وانا كمان والله ... بس مجبور ارجع على بلدي
حلا : ايمت راجع ...
تيم : الاسبوع الجاي ان شاء الله ...
حلا : ماشي ... لاتنسى تحاكيني مشان ودعك قبل ماتسافر ...
تيم : لا مستحيل انسى ... اطمني ....
حلا : وصلت سيارة اخي علاء ... يلا بالإذن صار لازم روح ...
تيم : ماشي سلام ... سلمي على علاء ...
حلا بإبتسامة : بيوصل ...

( رجع تيم على الفندق المقيم فيه ... دخل على غرفته ووقف قدام المراية .... )
تيم بإبتسامة : وأخيرا رجعت متل ماكنت ... وأخيرا صرت امشي والعالم عم تطلع على جمالي ... الحمد لله يارب ... الحمد لله ... بسسس ... بس انا كيف رح اقدر سافر واترك حلا ... والله حبيتها ... اي مع انو بعرف انو البنات كلهم خاينات ... بس حلا غير ...

بالفيلا عند لجين .....
لجين : عنجد عمتو ... يعني الاسبوع الجاي رح يرجع تيم ...
ميرا بفرح اي ... رح يجي الاسبوع الجاي ... ماعم صدق ...
لجين بإبتسامة : إي الحمد لله يارب ... الله يرجعه بالسلامة ...
ميرا : امين يارب ... تعي لهون وليه لجين ... ليش صرلك فترة تاركة الصلاة اههه ....
لجين : اسفة عمتو ... مابعرف شو عم يصرلي وقت صلي ...
ميرا : اي تحججي أشكال والوان ... يكون بعلمك تيم مابحب العالم اللي تاركة صلاتها ...
لجين : خلص عمتو ولا يهمك ... رح صير صلي ...
ميرا : اي الله يهديكي ...

عائلة ابو نورس بألمانيا .....
نورة : عنجد بابا ؟!...
ابو نورس : اي عنجد ... نقلت شركتي وشغلي لسورية ... وخلال شهر بالكتير رح نرجع نسكن فيها ...
نورة وهي تحضن ابوها وتبوسه : وأخيرا ... شكرا بابا ...
نورس : انا رح ابقى هون ...
ابو نورس : بس يا ابني نحنا كلنا رح نرجع ... مابصير تبقى لوحدك هون ...
نورس : ولا يهمك بابا ...انا مارح انساكم ... رح اعمللكم زيارة كل فترة وفترة ....
ابو نورس : الله يهديك ويرضى عليك ...

بعد أسبوع بالمطار بأمريكا .......
تيم بحزن : يلا سلام حلا ... انتي صديقتي الوفية ...
وانا مارح انساكي طول حياتك ....
حلا وهي تبكي : تيم .... انا حبيتك ... اي انا بحبك ... بترجاك لاتروح وتتركني ...
تيم وهو يحضنها والدمعة بعينه : وانا بحبك والله ... بس مابقدر ابقى ... مجبور ارجع فهميني ....
@ : الرجاء من الأشخاص الذين في الرحلة ..... التوجه إلى .... في الحال ....
تيم تركها ومشي ... وحس انو ترك شفقة من قلبه وراه ....
حلا من وراه وهي تحضنه : لاتتركني .....

بعد فترة عند لجين بالفيلا .....
ماهر : يلا بتكون قربت الطيارة توصل ... ساعتين وبيوصل تيم ...
لجين وهي تطلع عالتلفزيون : خبر عاجل ... علي الصوت شوي سامي ...
( مسك سامي الريموت وعطاه ل لجين ... اخدتو منو بسرعة وعلت صوت الtv )
"" خبر عاجل .... اختفاء الطائرة رقم .... التي كانت متوجهة من امريكا إلى سوريا لامر مجهول .... ووكالة ناسا والأقمار الصناعية عاجزون عن معرفة مكان الطائرة ... او حتى اذا كان ركابها مايزالون على قيد الحياة .... لقد اختفت لأمر غامض ومجهول .... تابعونا وسنوافيكم بالجديد .....

لجين وهي توقف بصدمة : كيف اختفت ..... كييييف ...
بهالحظة اغمي على ميرا ...
ماهر : بسرعة جيبو مي مشان صحيها ....
( راح سامي عالمطبخ جاب مي ورجع ..... ولجين واقفة مكانها مصدومة وماعم تتحرك .... بعد فترة صحيت ميرا .... )
لجين بإنهيار : كيف يعني اختفت ... لك فهموني كيف اختفت ... طيارة كبيرة فيها اكتر من 150 راكب .... كيف اختفت بهالسهولة ...
وكملت بصياح : تيم رح يرجع ..... رح يرجع وبتشوفو ...
ماهر وهو يحاول يهديها : بسم الله عليكي ... اهدي شوي ... شو صرلك ...
لجين بعصبية : ابعد عني ... تركوني بحالي .....

مر شهر على اختفاء طائرة تيم .... ولجين انهارت .... وماضل فيها قوة ... بالرغم انو الكل حاول يقنعها او تطلع من جو الحزن .... بس مع هيك بقيت زعلانة ومنهارة ....
ميرا بحزن : قومي ياقلبي .... لاتدمري نفسك ... انا امو ماعملت متلك ... قومي غسلي وجهك وبدلي تيابك ... قربو يوصلو بيت عمك كرم ... ومو حلوة تستقبليهم وانتي بهالشكل ...
لجين بإبتسامة مصطنعة : ماشي عمتو .... لاتاكلي هم ...
( طلعت ميرا من عند لجين من الغرفة ... وبقيت لجين عم تفكر بحبيبها ( الوهمي ))😔

( بعد فترة وصلت عيلة ابو نورس ... راحو عالمطار واستقبلوهم .... رجعو عالفيلا وقعدو يرتاحو ... )
ام كرم : وين نورس .... ليش مو شايفتو معكن ....
ابو نورس : والله ياحجة

#لغز_الحب
#بقلم_أمل_الحياة
#الجزء_الثالث_عشر

( بهالحظة انهارت لجين واغمي عليها من الصدمة ..... )
ماهر وهو يحاول يصحيها : اصحي اختي ... لجين ....
( بعد فترة صحيت لجين ... بس كانت تعبانة كتير )
اطلعت لجين على حلا بنظرة غضب وعصبية ..... بعدها ماحست على حالها غير هجمت عليها وصارت تضربها .....
لجين وهي تضربها : لك شو انتي .... لك كيف هيك بتعملي ...
( ركد تيم بسرعة وعصبية لعند حلا ... وفلتها من ايدين لجين .... وبعدها قرب على لجين وعيونو عم تقدح شرر من الغضب .... اطلع فيها نظرة تكبر وضربها كف وقعها عالارض ..... )
ابو كرم بعصبية : شو عملت .... الله يغضب عليك ياتيم ....
( ركدت ميرا بسرعة لعند لجين ... وحاولت تساعدها لتوقف .... )
لجين وهي توقف وحاطة ايدها على خدها : الله لايسامحك ياتيم .... الله ينتقم منك ياظالم .... انت كذاب مابتوفي بالوعد ... الله ينتقم منكم كلكن ...
( تركتهم كلهم بصدمة وطلعت على غرفتها بسرعة ..... كانت تعبانة كتير ... ومارضيت تحكي حدى .... وحبست حالها بغرفتها .... )
ابو كرم بعصبية : تيم لحقتي على غرفتي انت وامك ...

( راح ابو كرم على غرفته ... وبعد لحظات لحقوه تيم وميرا .... )
ابو كرم بعصبية : كيف بتتزوج بدون ماتخبرنا ... نحنا بالنا مشغول عليك وانت مبسوط وفرحان ... لك شو انت اههه ...
تيم : اسف جدو ... بس انا بحبها ل حلا ... ولو خبرتكم قبل الزواج كنتو رفضتو ...
ميرا بحزن : شو زنبها هالمسكينة .... احكيلي شو زنبها لحتى تعطيها وعد كاذب .... لك ليش ضربتها فهمني ....
تيم : ماما انا ماوعدتها.......
قاطعته ميرا : اطلع لعندها واحكي معها واعتذر منها ... وإلا لا انت ابني ولا انا بعرفك ...
تيم بصدمة : ماما ... بتتخلي عني كرمالها ....
ميرا والدمعة على خدها : اي ... انت واحد اناني مابتفكر غير بحالك ... انا ماربيتك هيك ...
زعلتني كتير بلي عملتو .... والبنت يتيمة ... وهي الوحيدة اللي صبرتني على غيابك ...
تيم وهو يمسح دموع امه : خلص ياغالية ولا يهمك ... رح اعتذرلها كلو الا زعلك ....

( ترك تيم غرفت جده وطلع على غرفت لجين ... دق الباب ودخل .... )
تيم بأسف : لجين انا اسف .... عنجد بعتذر منك .... ماكان قصد....
قاطعته لجين بصياح : اطلع من هوووون ... مابدي اسمع صوتك ...
تيم بحنية : طيب رح اطلع ... بس بترجاكي سامحيني اول ...
لجين : انا زعلانة كتير .... ومستحيل سامحك بهالسهولة ... تركني لحالي واطلع لو سمحت ....
تيم : بسس...
قاطعته لجين بعصبية وصياح : قلتلك تركني لحالي .... تركوني لحالي ....
( تركها تيم بحزن ونزل لتحت ... )
ميرا بتساؤل : رضيت ؟!...
تيم بأسف : لاء ماسامحتني ...
ابو كرم : بتستاهل ...
علاء : بالإذن ياجماعة .... انا صار لازم روح ...
ابو كرم بلطف : وين رح تروح يا ابني .... مابصير تروح بهالسرعة ... فيك تبات اليوم عندنا ...
علاء : شكرا كتير ياجدو ... بس وعدت قصي ابن عمي رمزي انو بات الليلة عندهم ...
ابو كرم : يلا خير ان شاء الله ... سلم على عمك ...
علاء : بيوصل ان شاء الله ....
ابو نورس بإبتسامة : عمك شو بيشتغل ؟!...
علاء : عمي بكون المهندس رمزي ال .....
ميرا بصدمة : شوووو
علاء بخوف : شوفي خالتي ... ليش تفاجئتي ...
ابو كرم بصدمة : يعني تيم تزوج بنت عمه ...
تيم بتساؤل : كيف يعني ....
ابو كرم بحزن : يعني ابوك وأبوه لعلاء وحلا اخوات .... يعني انتو ولاد عم ....
تيم بفرح : عنجد ؟!... يعني انا عندي عم وولاد عم .... وعندي أخ ؟...
ميرا بحزن : اي ....
تيم بعصبية : ليش ماخبرتوني .... ليش ماخبرتوني انو أبي هون بسوريا ... ليش ماخبرتوني انو عندي اخ .....
ميرا بصياح : لانو ابوك ماسأل عليك ... لانو ابوك ماكلف خاطرو واجا شافك ...
تيم وهو يهدي امه : خلص ماما ... بترجاكي اهدي ... انا اسف ماكان قصدي اجرحك ....
ميرا : مو مشكلة .... انا تعبانة ولازم ارتاح ... سلام ...
( طلعت ميرا على غرفتها ... وقعدو كلهم ببيت القعدة وصارو يحكو ويتعرفو على بعض ... بعد فترة استأذن علاء وراح عند عمه ..... )

بالجنينة عند حنان ونورة ....
حنان : قطعت قلبي لجين والله ...
نورة : والله وانا كمان .... لك ماتوقعت تيم هيك يعمل ...
حنان : نورة هاي الفرصة الي لازم نستغلها لنرجع نبني حب نورس ولجين فيها .....
نورة : اي معك حق ..... بس كيف ....
حنان : اتصلي على اخوكي بحجة بدك تطمني عليه ... وبس سألك على احوالك واخبار العيلة احكيله اللي صار ... وقليله ياحرام لجين كتير تعبانة وهيك .... صدقيني رح يجي بسرعة اذا قلتيله انو لجين مريضة ...
نورة : معقول يجي ....
حنان : جربي وشوفي ... مابتخسري شي ...
نورة وهي تتصل على نورس : طيب رح حاول ...

نورس : اهلين ياغالية كيفك ....
نورة بحزن : الحمد لله انا منيحة ... بس ....
نورس بخوف : بس شووو ... لك احكي ... ماما وبابا فيهم شي ؟....
نورة بسرعة : لاء ... لاء هني بخير اطمن ... بس لجين ياحرام كتير تعبانة ...
نورس بتساؤ

#لغز_الحب
#بقلم_أمل_الحياة
#الجزء_الثاني

لجين بصدمة : عمتييي
ميرا بإستغراب وعصبية : انتو شو دخلكم لهون مو حكيت مابصير حدى يدخل على هي الغرفة ...
لجين بتساؤل : ليش انتي معلش تدخلي ونحنا مابصير
ماهر :عيب اختي احترمي عمتك
بهالاثناء طلع صوت من الحمام اللي بالغرفة
سامي بخوف : انا خايف ... شو هالصوت اللي طلع
لجين بتوتر : صوت شي وقع عالارض ونكسر ...
ميرا بإرتباك : يلا طلعو من الغرفة ولبقا تدخلو عليها مرة تانية لانو رح تشوفو شي مايعجبكم ...
"( طلعو من الغرفة وهم خايفين )"
سامي : انا مستحيل ادخل على هالغرفة مرة تانية ...
ماهر : وانا ماعد ادخل عليها ... شو لولو وين صافنة
لجين : بالشي اللي صار من شوي
ماهر : لاتفكري بجوز في قطة او فارة بالغرفة لاتتوسوسي
لجين : ان شاء الله ...
" وكملت بقلبها : والله مارح يهدى بالي حتى أعرف شو هالسر ...
""( عدت الايام بسرعة ولجين حاطة ببالها انها تعرف شو هو الشي اللي مخبيته عمتها .... وصارت كل يوم تراقب تحركات عمتها .... وصارت تراقب الغرفة ... وأوقات تحس انو في حدى بالغرفة .... وأوقات تسمع صوت بكي ...... ذاد الشك بقلبها وقررت تطالع المحقق كونان اللي جواتها وتعرف شو هو حل هاد اللغز الغريب ... )""
" بيوم كانت لجين جاي من المدرسة وعم تغير تيابها سمعت صوت شي وقع والصوت كان قوي "
لجين بقلبها : ياترى شو هالصوت ...
" طلعت لجين من غرفتها وصارت تدور على مصدر الصوت لحتى لمحت عمتها ميرا طالعة من الغرفة اللي مراقبتها "
لجين بهمس : طيب رح ادخل شوف شوفيها هاي الغرفة ... هاي فرصتي ...
( مشيت لجين بأتجاه الغرفة بخطوات خفيفة ... مسكت ايد الباب وفتحته ببطئ ... ودخلت عالغرفة وهي تمشي على رؤوس أصابع رجليها مشان ماحدى يحس عليها ..... دخلت عالغرفة ونصدمت من اللي شافته ... وصاحت صوت قوي رج بأنحاء الفيلا ...
وقفت شوي مصدومة ... وبعدها طلعت من الغرفة بسرعة وسكرت الباب وراها ... وراحت ركد على غرفتها ...دخلت على غرفتها وصارت تبكي )
لجين وهي تبكي : مو معقول اللي شفته ... هاد شيطان ولا بشر ... لك وجهو بخوف ... ياربي دخيلك خايفة كتير ... شو اعمل ... ومين هاد ؟!...
( بهالحظة دخلت ميرا على غرفت لجين بعصبية ...)
ميرا : كم مرة قلتلك على عهالغرفة لاتدخلي ... ليش دخلتي فهميني ...
لجين بخوف وتساؤل ... عمتو مين هاد اللي كان بالغرفة ؟!... بترجاكي احكيلي مين هاد وليش هيك شكلو ...
ميرا بحزن : طيب رح احكيلك بس وعديني يبقى سر بيناتنا ...
لجين : بوعدك ...
ميرا وهي تبكي : هاد ابني تيم ...
لجين بصدمة : ابنك ؟!...
ميرا بحزن : اي ابني ...
لجين: تمام عمتي كملي عم أسمعك ...
ميرا : من مدة خمس سنوات كان تيم عمره 20 سنة كان رايح عالجامعة متل كل يوم وعمل حادث ...
لجين بحزن : كيف عمل حادث
ميرا : كان عم يقطع الشارع وفجأة عدت شاحنة كبيرة بسرعة جنونية ... ضربته ل تيم ضربة أليمة طيرته مترين وبعدها ارتما عالارض .....( وكملت كلامها بقلب محروق ) ... وقتها اخدوه عالمشفى واتصلو فينا ... رحت عالمشفى انا وجدك ابو كرم ... كان وضعه خطر كتير ... عملوله عمليتين لحتى تحسن وضعه ... بس للأسف قالولنا صار معو شلل ومستحيل يرجع يمشي ... اذا بالأيام مشي بكون صار معجزة ...
لجين وهي تبكي لا اراديا : وبعدين ؟
ميرا وهي تكمل بحزن : بعد ماتحسن شوي دخلت لعنده عالغرفة لحتى شوفه واطمن عليه ... بس انصدمت من المنظر اللي شفته ... كان وجه تيم وايديه متشوهين بشكل مو طبيعي ... وقتها تمنيت موت ولاشوف هالشوفه ... طلعت بسرعة من الغرفة ورحت لعند الدكتور ... وسألتو على وضع تيم ... قلي بدو طبيب تجميل يكون شاطر ... و25 بالمئة انو تنجح العملية ويرجع وجهه متل ماكان ...
لجين بحزن : لاحول ولا قوة الا بالله انا اسفة عمتو ما كان قصدي زكرك بالماضي ...
ميرا بإبتسامة : مو مشكلة ... يلا لبيلي هالطلب وقومي عتزريلي من تيم ... حرام بكون اخد على خاطره ...
لجين : ماشي عمتي رح قوم ... بس ممكن اسألك سؤال ...
ميرا : اي طبعا تفضلي ...
لجين : ليش خافية حقيقة تيم عن الكل ؟... وليش حابستيه بغرفة لحاله ...
ميرا : من بعد ماصحي من الحادث وشاف شكله بخوف وانو مابيقدر يمشي ... زعل كتير على حاله ... وصار مايحب يروح على مكان ...
صارت العالم تجي لعنا مشان تطمن عليه ... وكل ماحدى يشوفه يخاف منه بالاول وبعدين يشفقو عليه ... والأولاد الصغار مبقى يقربو عليه ويبكو بس قرب عليهم ...
صار معه عقدة نفسية . ومبقى يحب يقعد مع حدى . مشان مايشوف نظرات الخوف والشفقة من العالم ....
لجين بتفهم : ياحرام .... عمتو وين ابوه ل تيم ليش مابيجي يشوفه ...
ميرا بحزن : ابوه لتيم مابيعرفه ... ومابيعرف حتى شو اسمه ... انا أطلقت من وقت كنت حامل ب تيم ... ومن وقتها ماشفت زوجي ... ولا حتى كلف خاطره يسأل كيفو ابني ...
لجين بفضول : شو سبب الطلاق عمتو ...
ميرا : هاي قصة طويلة ... اذا بدي احكيلك مابخلص حكي للمسا ...
لجين : عمتي والله الفضو

#لغز_الحب
#بقلم_أمل_الحياة
#الجزء_الرابع

حنان وهي تطلع على باب الفيلا بصدمة : تييييم
لجين وهي تطلع على حنان بإستغراب : تيم ؟!.. وين تيم ولي هبلة !!!...
حنان بتعجب : اطلعي وراكي ...
(" طلعت لجين وراها وانصدمت من اللي شافتو ... ماهر ساحب الكرسي المتحرك اللي ل تيم ... وعم يحكو ويضحكو مع بعضهم ... ")
لجين بإبتسامة : اهلين تيم ...
تيم : اهلين فيكي ...
حنان : كيفك تيم شو اخبارك ؟!... وين هالغيبة ؟!..
تيم : اهلين حنان ... الحمد لله تمام ...
حنان : اي الحمد لله ...
فتون بغرور : شو شايفة المشلول هون ...
ماهر بعصبية : فتون اخرسي ...
فتون : احترمني انا بعمرك ...
ماهر : لكن اوزني كلامك قبل ماتحكي ...
فتون بتكبر : شو عم احكي انا ... عم احكي الحقيقة ... تيم مشلول ومشوه كمان ...
ميرا من وراها بصياح : اخرسي وليه ...
فتون بإبتسامة نصر : وإذا ماخرست شو بصير ؟!...
ميرا بعصبية وهي تضربها كف : 😠👋 بخرسك بطريقتي ... انتي بدك ترباية من اول وجديد ... اختي ماعرفت تربيكي ...
فتون بصدمة وعصبية : انتي عم تضربيني كف .... لك انا بحياتي ماحدى مد ايدو عليي ... بتجي انتي بالاخر بتضربيني كف ؟!..
ميرا : اي اذا ضليتي تقللي ادب مع الاكبر منك بنتفك كمان مو بس كف ...
فتون بخبث : انا قليلة ادب وبدي ترباية ولا انتي ؟!...
مين اللي هربت مع حبيبها بيوم عرسها اه ... مو انتي ؟!.. مين اللي رجعت بعد كم شهر حامل ومطلقة؟ !... انا ولا انتي ؟!... لك مين اللي طفشت اخو......
( بهالحظة اتدخل الجد ابو كرم ... )
ابو كرم بعصبية : اخرسي وليك ... ماكان ناقصني غير انتي ... انقلعي من بيتي ...
فتون : جدو ... بس انا عم احكي الحقيقة ...
ابو كرم : انقلعي عم احكي ...
فتون : خلص جدو انا اسفة ... وبوعدك مارح عيدها ...
ابو كرم : اعتزري من خالتك وتيم وماهر لحتى سامحك
فتون بحزن : حاضر جدو ...
وكملت موجهة كلامها لخالتها وتيم وماهر : انا اسفة وبعتذر منكم بتمنى تسامحوني ....
ماهر : حصل خير ... انا من جهتي سامحتك ...
فتون وهي تطلع على تيم بمعنى سامحتني ؟!...
تيم بإبتسامة مصطنعة : وانا سامحتك ....
فتون : وانتي خالتي ؟!...
ميرا بحزن : سامحتك ... بس لبقى تعيديها ...
فتون : ان شاء الله ...
إم كرم من بعيد : يلا ادخلو كلو ... الاكل صار جاهز ...
ابو كرم : يلا يا اولاد ... انسو اللي صار وفتحو صفحة جديدة ....
( دخلو الكل يتغدو .... وكل واحد عم يفكر بشغلة شاغلة باله ... قعدو عالسفرة وبدأو بالاكل )
ابو كرم : وين سامي ماشفتو اليوم ؟!..
لجين : كان بغرفتو عم يلعب ... يلا طالعة ناديلو ...
ابو كرم : اي الله يرضى عليكي ...
(طلعت لجين لعند أخوها سامي عالغرفة ... وفهمته قصة تيم ... ونبهت عليه انو مايخاف منه او يزعجه بالكلام ... وبعدها سحبته من ايده ونزلو ياكلو .. )
ابو كرم : وينكم لهلق تأخرتو ...
لجين : لانو كان سامي عم يكتب الوظيفة ساعتدو شوي فيها بعدين نزلنا ...
ابو كرم : اي الله يرضى عليكم ... يلا قعدو تغدو قبل مايبرد الأكل ...
سامي : حاضر جدو ...
( كان في شخص عم يغلي غلي من جوى من غيظه وغيرته ....... " اكيد عرفتوها ... اي فتون ماغيرها "
كانت قاعدة وعم تاكل وهي ساكتة بس بقلبها عم تتوعد أشكال والوان لأبو كرم وخالتها ميرا .... )
تيم بتوتر : بما انو مجموعين كلياتنا قررت احكيلكم على شغلة رح أعملها ...
ميرا بإصغاء : اي تفضل ابني شو هالشغلة ...
تيم بإبتسامة : قررت ابدأ بالعلاج ... ورح روح بكرة عند طبيب حتى ابدأ جلسات فيزيائية ...
ابو كرم بفرح : عنجد ؟!... ان شاء الله الف مبروك يارب ... جدو انا جاهز ... شو بقدر ساعدك رح ساعدك ... اطلوب اللي بدك ياه ولاتخجل ...
تيم : شكرا جدو .... خيرك عليي مابنساه طول عمري ...
ابو كرم : ولو ياتيم ... أنت الغالي ابن الغالية ....
تيم بفرح : شكرا جدو
ميرا وهي تمسح دموع الفرح : الحمد لله ياربي ... الحمد لله أخيرا قتنعت وقررت تبدأ بالعلاج ....
لجين وام كرم : الف مبروك الله ييسرلك يارب
تيم : الله يبارك فيكن تسلمو ....
حنان : موفق تيم الله يشفيك ....
تيم : تسلمي ... الله يبارك فيكن جميع ... عنجد فرحتوني ... ربي يسعدكم متل مااسعدتوني ....
والفضل بالاخر بيرجع لماهر ... هو اللي اقنعني ...
ماهر بإبتسامة : ولو ياتيم ... من اليوم اعتبرني متل اخوك الصغير ...
تيم : واعز ان شاء الله ....
" خلصو اكل وشالو السفرة ورتبو البيت ..... "
فتون : يلا حنان ... صار لازم نرجع عالبيت تأخرنا ...
حنان : والله مبسوطين ... خلينا كمان شوي ...
فتون : انا ضجت وبدي روح عالبيت ... بدك تروحي معي اهلا وسهلا ... مابدك انا رايحة ...
حنان بحزن : طيب ماشي ماشي ... رح روح معك ... يلا سلام لولو ... صار لازم نروح عالبيت .... هلق ماما بينشغل بالها علينا ...
لجين : مع السلامة ... خلينا نشوفكن عطول ... وسلمي على عمتو انعام
حنان : ان شاء الله
( دخلت لجين على غرفتها ... كتبت وظايفها ... ورتبت غرفتها .... وعملت دو

#أسيرة_الماضي
#بقلم_أمل_الحياة
#الجزء_السابع_عشر

ارتفعت رايات النصر ... وبدأو الجنود يهتفو بالفوز ...
الكل كان مبسوط وفرحان ... كانت الخسائر كبيرة بس المهم انهم انتصرو ...
كنان مات وماقدرو ينقذوه لهالسبب دفنوه بعد انتهاء الحرب مباشرة .. وسام متصاوب بكتفه وعم ينزف كتير .. نقلوه على بيت تيم ليعالجوه ... وهيك اجتمعو الفرسان كلهم ببيت تيم ...
قربت سالي على سام وحطت ايدها عالجرح وبثواني اختفى الجرح ووقف النزيف ... بس لساته غايب عن الوعي ...

مايا بتساؤل : انتي من الفرسان ؟

سالي : اي انا سالي وحدة من الفرسان .. يالله شو بتشبهي ميلا ...

مايا : اهلا وسهلا فيكي ...

تعرفو الفرسان ومساعديهم على بعض وفرحو كتير بجمعتهم ...
مضى اليوم متعب على الكل لهالسبب نامو بكير ...
بس مايا بقيت طول الليل سهرانة جنب سام بإنتظاره يصحى ...
ونيرمين عم تراقبها من بعيد بقهر

اشرقت الشمس معلنة عن يوم جديد ومغامرات جديدة ...
صحي سام واتفاجئ بمايا قاعدة حده وعم تتطلع عليه ...
مسكلها ايدها بإبتسامة : مايا ...

مايا بفرح : سام ... الحمد لله يارب ... طمني كيف صرت ... كيف حاسس؟

سام : منيح الحمد لله بس تعبان شوي ... وين انا ...

مايا : انت ببيت تيم .. شاب من الفرسان ...

سام : خفتي علي ؟

مايا : اكيد خفت عليك ... مو انت صديقي ...

كانو عم يحكو ومو منتبهين للعيون اللي عم تتطلع عليهم وتسمع حديثهم بألم وكره (نيرمين)

سام : بس صديقك ؟

مايا : شو قصدك

سام : مايا انا بحبك و..

مايا : لاتكمل .. اسمعني اول .. انا اعجبت فيك من اول ماتعرفت عليك ... ومع مرور الايام حبيتك ... اي حبيتك ...

نزلو دموع نيرمين وتركتهم وطلعت من البيت بحزن ...

مايا : بس مستحيل نكون لبعض .. انا من غير عالم ورح ارجع لعالمي بأي لحظة ... وصديقتي المقربة بتحبك ... وانا مستحيل خونها ...

سام : بس انا بحبك انتي ...

مايا : مستحيل هالشي بعتذر منك .. وبتمنى تعطيها فرصة لنيرمين .. صدقني أنها طيوبة ورح تلبقو لبعض ...

تركته صافن وطلعت من الغرفة ... راحت عالمطبخ تساعد سما بتحضير الفطور ... وبعد ساعة اجتمعو كلهم على طاولة الاكل ...

مايا : وين نيرمين ؟

هيثم : طلعت من البيت الصبح بكير بس مابعرف وين راحت ...

مايا بإستغراب : بس نيرمين مابتعرف المنطقة هون ... وين ممكن تروح ؟

هيثم : اللي عدت فيه مو قليل ... خليها تشم هوى وتصفي ذهنها ... مملكتها ناطرتها

سما : كيف يعني ؟

هيثم : يعني هي الوريثة الوحيدة للمملكة بعد موت ابوها واخوها ...

بهالحظة دق الباب وراح سامي اخو تيم وفتح الباب ...
دخل غيث وجدته ..

غيث : مرحبا ... كيفكم ... ماشاء الله صاحين بكير ...

ام تيم : أي والله تفضلو فطرو معنا ...

غيث : شفت نيرمين من ساعة راكبة الخيل وطالعة من المدينة مع عدد من الجنود ...

وقفت مايا وحطت الخبزة عالطاولة بإرتباك : وين راحت ..

غيث : قال راجعة على قصرها مشان تتفقد احواله وترجع الوضع متل قبل ... وبعتتلك رسالة على لسانها بتقول
اسمعت كل شي حكيتوه انتي وسام وبتمنالكم التوفيق ياخاينة ...

مايا بصدمة : شوووو ... نيرمين هيك حكت ...

سام : اهدي شوي .. اكيد ماسمعت الحديث كله ...

مايا : بس مفكرتني خنتها ... شو رح اعمل هلق ... لازم فهمها اللي صار ..

قاطعهم دق الباب واتفاجئو بالأمير زيد ...

زيد : اكيد متفاجئين ... بس جيت اخذكم معي عالقصر ..
الليلة في حفلة كبيرة بمناسبة النصر والملك حابب يتعرف عليكم ويستضيفكم بالقصر اسبوع ...

ميلا : وانا كمان رح روح ؟

زيد : اي اكيد ...

ميلا : بس بابا...

قاطعها زيد : الملك سامحك وقرر يرجعك عالقصر ويعتذر منك كمان ...

ميلا : وماما ؟!

زيد : هالشي بتسأليه للملك ...

اتجهزو كلهم وراحو مع زيد عالقصر ...
استقبلوهم الخدم والوزراء ... واخدوهم عند الملك ...
دخلو على غرفة الملك والقو التحية وعرفو عن حالهم .. وبعدها راح كل شخص على غرفته بمرافقة خادم او خادمة ... ليجهزو حالهم للحفلة اللي رح تصير بعد كم ساعة ...

كانت ميلا واقفة قدام المراية وعم تدور بفستانها الطويل الإبتسامة كبيرة .. ولونا واقفه حدها وعم تتفرج عليها ..

ميلا : حلو شعري هيك ؟

لونا : بطيري العقل ...

قاطعهم صوت دق الباب ...

ميلا : تفضل..

دخل تيم عالغرفة وهو بكامل اناقته وهيبته ..
تيم : شو ماخلصت اميرتنا ...

ميلا : مبلا خلصت ... بس البس الطوق وأجي

قرب تيم منها ومسك الطوق : انا بلبسك ياه ...

قرب منها أكتر ولبسها الطوق وطبع بوسة على راسها
تيم : طالعة بتجنني ...

ميلا : وانت كمان ..

لونا : احم احم ...

تيم وهو ينتبه : هاه ... اي يلا نازلين ...
مسكلها ايدها وطلعو من الغرفة متوجهين لقاعة الاحتفال

كان الاحتفال كبير وبضم عدد كبير من التجار والنبلاء ...
والفرسان كلهم موجودين عدى نيرمين ...
الكل لابس احلى لبس وفرحانين ومبسوطين وعم يرقصو ...

قرب سام من مايا وطلب ترقص معه بس رفضت ...

#أسيرة_الماضي
#بقلم_أمل_الحياة
#الجزء_الثامن_عشر_والاخير

بعد انتهاء الحفلة طلبت مايا من الفرسان والمساعدين يجتمعو كلهم بغرفتها ...
استغربو من طلبها بس اجتمعو ليعرفو شو بدها ...

مايا : اكيد مستغربين ليش جمعتكم ... انا متل مابتعرفو من غير عالم ... ولازم ارجع لعالمي بأسرع وقت ...
وليصير هالشي بدي مساعدتكم ... ومساعدة نيرمين ...
بترجاكم ساعدوني لارجع لعالمي ورح اتمنى السلام لهالكتاب ...

زيد : فيكي تبقي هون بعالمنا ورح نعاملك احسن معاملة ... رح نعتبرك وحدة منا ...

مايا : متفهمة موقفك بس صدقني مابقدر ابقى هون .. لازم ارجع لوطني وعالمي ... اهلي عم ينتظروني ...

هيثم : طيب كيف فينا نساعدك ؟

مايا : لازم شوف نيرمين وفهمها سوء التفاهم اللي صار
وبس نجتمع كلنا بمكان واحد رح اتمنى ثلاث امنيات ومن ضمنهم انو ارجع لعالمي ...

ميلا : هيك رح تتركينا بهالسهولة ... والله تعودنا عليكي ...

مايا : والله رح اشتقلكم ... بس مهمتي خلصت ولازم ارجع ...

تيم : المطلوب هلق انو تشوفي نيرمين ؟

مايا : اي

تيم : جهزي حالك رح نروح بكرة لعندها

مايا : بس انا وانت ؟

تيم : اي رح نروح طيران ... ومابقدر احمل اكتر من شخص ...

مايا : تمام ...
.
.
.
تاني يوم المسا بمملكة الظل ...
الحارس : مين انتو ؟!

مايا : قلها صديقتها ...

الحارس : بعتذر منك الملكة رافضة تشوف حدى ..

مايا : لازم شوفها ضروري ...

الحارس : مين قلها .. قصدي شو اسمكن

تيم : قلها الفارس تيم ...

دخل الحارس عالقصر ورجع بعد شوي عند مايا وتيم ...

الحارس : تفضلو ...

دخلت مايا وتيم عند نيرمين ... واول ماشافت مايا امرت بتقليعها من القصر ...
@rwayate
مايا : اسمعيني بعدين قلعيني ...

نيرمين : شو بدي اسمع أكتر من اللي سمعتو هداك اليوم ...

مايا : انتي ماسمعتي كل الحديث ... رح اسمحلك تقرأي افكاري وتشوفي ماضيي ... وفيكي تشوفي شو صار هداك اليوم ... صدقيني انا بحبك وبردلك الخير انتي وسام ...

قربت نيرمين منها غمضت عيونها للحظات بعدها نزلو دموعها وصارت تبكي ..
نيرمين : مايا انا اسفة ... فهمتك غلط ...

مايا : ولا يهمك .. وهلق بدي منك تساعديني ارجع لعالمي ...

نيرمين : تكرمي ... الف طلب متل هالطلب ..

تيم : معناها انا ومايا رح نرجع عالقصر الليلة .. وانتي بتلحقينا مع خدمك وحراسك ...

نيرمين : خليكم اليوم وبكرة بتروحو ...

تيم : لاء وعدت ميلا ما اتأخر ...

نيرمين : تمام على راحتكم ... ان شاء الله اسبوع بكون بمملكة الضوء ...

مايا : ونحنا بإنتظارك ...

تركو قصر الظل ورجعو طيران بنفس الليلة على قصر الضوء ... وصلو تاني يوم الصبح ودخلو عالقصر ... اتفاجئو بحالة القصر المتوترة ... سألو الخدم شو في ليش الكل مرتبك والقصر صاخب ..

الخادمة : توفت اليوم الملكة شهرذاد وهي بالزلزالة

تيم بإستغراب : كيف ماتت ؟؟

الخادمة : والله ماحدى بيعرف ... دخلو الخدم ليوصلولها الاكل لقيوها ميتة ...

تيم : وميلا وين هلق ؟

الخادمة : هي بغرفتها ... قافلة عحالها الباب وما عم ترضى تحكي مع حدى ...

تيم : طيب فيكي تروحي ... بالاذن مايا بدي روح شوف ميلا واطمن عليها ...

مايا : عادي ولا يهمك ...
.....
وصل تيم على غرفة ميلا ودق الباب
ميلا : قلتلكم روحو من هون ما بدي شوف حدى ..

تيم : انا تيم حبيبتي فتحيلي الباب ...

بعد لحظات انفتح الباب ورتمت ميلا على تيم وحضنته ...
ميلا : قتلوها ياتيم ... قتلولي امي ...

تيم بإستغراب : مين قتلها ... احكي مين ؟!...

ميلا وهي تبكي بحرقة : اكيد ابي او اخي زيد ... انا شو ذنبي حتى حرموني من امي ...

تفاجئت بزيد واقف جنبهم
زيد : اختي صدقيني انا ماقتلت أمك ... صحيح كنت اكرهها لانها قتلت امي .. وكنت ناوي انتقم منها واقتلها ... بس شلت هالفكرة من بالي وقت شفتها جنت ... وقلت ربنا انتقملي منها ما في داعي اقتلها ... صدقيني اختي والله ماقتلت أمك ...

ميلا وهي تحضنه : اكيد بابا قتلها ... اكيد انتقم منها .. وين بابا بدي شوفه ... بدي عاتبه ...

زيد : من وقت عرف بوفات أمك وهو بغرفته ...

ميلا : خدوني عنده ...

راحو على غرفة الملك ودقو الباب اكتر من مرة بس ما في جواب ..
زيد : ياحراس ... اخلعو الباب ...

#أسير_أحلامي
#بقلم_أمل_الحياة
#الجزء_الخامس
@rwayate
سياف بحزن : الحل الوحيد انو ناخدها معنا .... ونبحث عن طبيب يعالجها ...

وائل : معك حق .... لازم نلاقي طبيب بأسرع وقت ...

( اتفقو انو يكملو مسيرهم ويبحثو عن طبيب يداوي سيلين .... وحزمو اغراضن وحملو سيلين وتابعو طريقن )

ايمليانا وهي طايرة : شباب ... شايفة قرية صغيرة قريبة من هون ...

ماجد بفرح : متأكدة !...

ايمليانا : اي طبعا متأكدة ... وقريبة كتير من هون ...

وائل بفرح : وأخيرا رح نعرف وين نحنا ... ونعالج سيلين ...

سياف : يلا شباب لازم نسرع ...

وائل : بس انا حامل سيلين ... كيف رح أسرع ؟!... مابقدر ...

آندرو : وانا مابقدر لانو جرحي لسا ماتعالج عالمظبوط ...

سياف : تمام .... يلا نكمل مشي ... المهم نوصل قبل مايحل الليل ...

ايمليانا : اي معك حق ...

بعد ساعتين متتاليتين من المشي .....
آندرو : وأخيرا وصلنا .... انا تعبت ...

ايمليانا : الحمد لله وصلنا وصار فينا نرتاح ...

وائل : خليكم انتو هون عند سيلين ... وانا وسياف رح نروح نبحث عن طبيب ....

الكل : تمام ...

آندرو : لاتتأخرو ...

سياف : لاء مارح نتأخر ... بس انتو لاتتحركو من مكانكن ...

ماجد : تمام ... نحنا بإنتظاركم ....

( راحو سياف ووائل يبحثو عن طبيب يعالج سيلين ... وبقيو ايمليانا وماجد وآندرو عند سيلين اللي داخلة بغيبوبة ... )

سياف : مرحبا اختي ... نحنا عم ندور على طبيب شاطر ... مشان يعالج صديقتنا ...

مجهولة : اول شي انا اسمي جوليا ... تاني شي مابعرف حدى هون .... انا جديدة بالمدينة ....

سياف : شكرا الك جوليا .... بالإذن نحنا لازم نمشي ...

جوليا : استنو ... انتظرو شوي ....

وائل : شو في ؟!...

جوليا وهي تضمهن : وأخيرا لقيتكم ....

وائل وهو يبعد عنها : شو لقيتي مافهمت !!!...

جوليا : انتو من الفرسان السبعة وانا وحدة منكم ... وصرلي فترة عم دور عليكم ....

سياف بقلبه ( اممم كيف عرفت انو نحنا من الفرسان .... معقول تكون من الأعداء وعم تراقبنا ؟!..)

جوليا بإبتسامة : ههه لاء انا ماني من الأعداء ... انا من الفرسان ....

سياف بإستغراب ودهشة : كيف عرفتي شو عم فكر ؟..

جوليا : لانو قوتي المميزة هي قراءة الأفكار ....

سياف : يعني هاد السبب اللي خلاكي تعرفي انو نحنا من الفرسان ؟!...

جوليا : اي .... وعرفت من تفكيركم انو سيدة الفرسان بغيبوبة ... وانا رح ساعدكن ...

وائل : كيف رح تساعدينا ؟!...

جوليا : بعرف وحدة من الفرسان ... اسمها شهرزاد ... هي قوتها المميزة هيي العلاج ...

سياف : واااو ... يعني واخيرا جمعنا الفرسان السبعة ....
@rwayate
جوليا : اي الحمد لله انا كتير مبسوطة ....

وائل : تمام نحنا بإنتظارك روحي جيبيها وتعي ...

جوليا : للأسف مابقدر جيبها بيوم وليلة ... لانو هيي بقرية مجاورة قريبة من هون ... يعني بدي يوم روحة ويوم رجعة ... ورح بات ليلة عندها ...

سياف : يعني رح ننتظرك ثلاث أيام !!!...

وائل : مو مشكلة مننتظرك ... بس لاتتأخري اكتر من هيك ... لانو سيلين بغيبوبة .... ولازم نصحيها بأسرع وقت قبل ماتتأزم حالتها ....

جوليا : تمام ... انا رح جهز غراض السفر وامشي .... بشوفكن بعد ثلاث أيام ....

سياف : تمام ... منشوفك ...

( رجعو وائل وسياف والبسمة على وجوههم ... )

ايمليانا : شو طمنوني .... لقيتو طبيب ...

سياف : لقينا شخص اهم من الطبيب ...

ماجد وهو يتطلع عليهم بإستغراب : شو لقيتو ؟!...

وائل : لقينا وحدة من الفرسان ... وقال انو رح تجيب وحدة من الفرسان قوتها المعالجة .... ورح تعالج سيلين ...

ايمليانا بفرح : لقيتو تنتين من الفرسان ... يعني واخيرا اجتمعنا ...

سياف : بس المشكلة انو هي بقرية قريبة من هون ... وبدها ثلاث أيام حتى تقدر تروح وترجع ...

ماجد : والحل ؟!...

وائل بحزن : الحل الوحيد انو ننتظر

ايمليانا : مافي مشكلة مننتظر ... بس المهم ترجع .

آندرو : طيب عرفتو نحنا وين ... او شو اسم المنطقة ؟!...

وائل : اي القرية اسمها قرية الأقزام ....

آندرو : امممم اسم غريب

ايمليانا : شباب لازم ناكل .... انا جعت ...

ماجد : اي والله معك حق ...

#أسير_أحلامي
#بقلم_أمل_الحياة
#الجزء_السادس

ماجد : تمام شباب اجتمعو وبس رجع آندرو مننتقل فورا ...

وائل : وسيلين ... مارح نعالجها ؟....

جوليا : رح نعالجها بعد ماننتقل من هاد المكان ....

سياف : تمام .....

آندرو وهو يتطلع عليهم بإستغراب : ليش واقفين

ماجد : لانو رح ننتقل على مكان ثاني

آندرو برفض : لاء المكان هون ممتاز .... ليش رح ننتقل ...

جوليا : لانو ما لازم نبقى بمكان واحد فترة طويلة ... مشان مايكتشفو الاشرار مكاننا .....

آندرو بإصرار : بس هاد المكان كتير منيح ... ومابظن حدى عرف مكاننا ...

وائل : هاد المكان مو منيح لعلاج سيلين ... رح نضطر ننتقل لغير مكان مشان سلامة سيلين

آندرو بحزن : تمام متل مابدكن ....

( اجتمعو الفرسان حولين بعض ووائل كان حامل سيلين .... وفجأة حسو حالهم بدوامة ... وانتقلو على مكان ثاني خلال لحظات )

وائل : وين نحنا شباب ؟!....

سياف : نحنا قريبين من قصر الملك تشارل أبوك ...

وائل بفرح : يعني رجعنا للمدينة !!!...

ماجد : اي رجعنا لمدينتك ...

وائل : كتير منيح خلينا نروح عالقصر ونرتاح

ايمليانا : بالاول لازم نداوي سيلين ...

وائل : اي معك حق ... وكمل كلامه ... شهرزاد وين انتي ماعم نسمع صوتك ... يلا ابدأي بالعلاج

ايمليانا : اي والله لهلق ماحكيتي شي ...

جوليا : شباب لاتضغطو عليها ... هيي كتير خجولة مابتحكي كتير ...

وائل : ايوا ... يلا مو مشكلة منعتذر .... بس ممكن من بعد اذنك تعالجي سيلين ....

شهرذاد بخجل : اي تكرم .... بس ممكن تحطها عالارض ...

( قرب وائل بحذر عالارض وسطح سيلين .... وبعدها قربت شهرذاد عليها حطت ايدها على راس سيلين وفجأة طلع نور قوي من ايدها ... وبعد لحظات صحيت سيلين ... )

وائل بفرح : سيلين صحيتي ... الحمد لله عالسلامة

سيلين بإبتسامة : الله يسلمك ... ماعم صدق ... واخيرا صحيت ...

سياف : شكرا الك شهرزاد ...

شهرذاد : العفو ...

سيلين بقلق : وين آندرو ....

ماجد : من شوي كان هون ...

سيلين : شباب لاتخلوه يروح ... آندرو خاين ولازم تقبضو عليه ...

جوليا : منعرف هالشي ...

سيلين : وليش لهلق ماقبضتو عليه ....

ماجد : لك سمعو ... صوت الناي ...

سياف : شباب .... حاسس بخطر ...

سيلين : سياف ... انت شو قوتك المميزة ...

سياف بعد تفكير : قوتي المميزة ...؟!... مافي عندي قوة مميزة ....

سيلين : حاسة انو قوتك المميزة هي الشعور بالخطر ....

سياف بجدية : كيف يعني !!!...

ماجد : يعني بتحس بالخطر قبل مايصير ...

سياف بفرح : معقوووول ...

وائل : اي لانو من الأول انت مو مرتاح لأندرو وكمل كلامع بسرعة شباب لازم تلاقو آندرو وتقبضو عليه ... قبل مايتواصل مع ملك الاشرار ويقله نحنا وين ... لانو هداك الوقت رح تكون المدينة كلها بخطر ....

( اتفرقو الفرسان ... وراح كل شخص بإتجاه مشان يبحثو على آندرو ويوقفوه قبل مايتواصل مع حدى ... )

سيلين : وائل لاتروح ... في شي مهم لازم خبرك ياه ...

وائل بحنان : تفضلي ...

سيلين : وقت كنت بغيبوبة ... سمعت من آندرو وشادي ... انو ابوك هو الشخص الشرير مو الملك ستيفن ...

وائل بصدمة : شو عم تحكي انتي ... معقول تصدقي شي سمعتيه من الاشرار .... وكمل بخجل ... يعني بفهم من كلامك انو كنتي تسمعينا وتحسي فينا ؟!...

سيلين صار وجهها احمر وصارت تحاول تتجاهل النظر لوجهه : اي بصراحة ... كنت حاسة بكل شي ... وسامعة كلشي ... بس مو قادرة اتحرك ....

وائل : سيلين ... اطلعي بوجهي ... بفهم من كلامك انو سمعتيني ....

سيلين وهي تحاول تغير الموضوع : المهم ... لازم تلاقي حل مع ابوك .... لانو عم يرفض الصلحة مع الملك ستيفن ...

وائل : تمام .... رح احكي مع ابي واسألو عن الوضع ... وبتمنى يكون كلامك مو صحيح ... لانو اذا كلامك صحيح وقتها يمكن تصير مشكلة كبيرة ....

وكمل كلامه وهو يتطلع عليها بحنية : منرجع لموضوعنا .... انتي سمعتيني وقت حكيت معك وانتي بغيبوبة ؟!....

سيلين ودموعها على خدها : امم سمعتك وتأثرت كتير .... بس ماقدرت احكي معك وجاوبك ...

وائل : سيلين .... انا رح احكي معك موضوع بجدية ...

سيلين وهي تطلع بعيونه : تفضل ...

وائل وهو يركع على رجليه : بتقبلي تتزوجيني ؟!......

سيلين وهي تشده عشان يوقف : رجعو الشباب قوم بسرعة ....

وائل بإنزعاج : وقتكم هلق !!!...

سياف : بشو زعجناك أستاذ وائل ....

وائل بإبتسامة مزيفة : لاء ولا شي عم امزح معكن ...

ماجد وهو ماسك آندرو بقوة : قبضنا عليه والحمد لله ....

وائل : اي كتير منيح ... ربطوه وخلو عينكم عليه ...
ايمليانا : تمام ...

آندرو وهو يتصنع الحزن : شباب ... انا واحد منكم ... كيف بتعملو فيني هيك ...

وائل : انكشفت كذبتك ... رجائا اسكت مو وقتك ....

اندرو : عنجد افهمتو الموضوع غلط ... خلوني اشرحلكم الموضوع بترجاكم ماتعملو هيك ...

وائل : اخرس ... مستحيل نصدق واحد خاين

#أسيرة_الماضي
#بقلم_أمل_الحياة
#الجزء_الرابع

كانو قاعدين بالصالون عم يحكو ويتعرفو على بعض أكتر ... وبقيو لوقت متأخر من الليل سهرانين وعم يتناقشو ... بعدها نعسو وراح كل شخص على غرفته ...

وببداية يوم جديد صحيت مايا بكير وراحت عالمطبخ تساعد سما بتحضير الفطور ....

مايا : صباح الخير ...

سما : اهلين ... صباح النور ...

مايا : بشو فيني ساعدك ....

سما : يعطيكي العافية ما في داعي تتعبي حالك انتي ضيفتنا ..

مايا : لاء مابصير ... بما اني رح عيش معكم بالوقت الحالي فلازم ساعدك ...

سما بإبتسامة : تمام متل مابتحبي ...

تعرفو مايا وسما على بعضهم وصارو رفقات ...
بعد ماحضرو الفطور وفطرو كلهم، بدلو تيابهم وراحو تيم ومايا وميلا عالسوق يعرفو مايا على المدينة ويتمشو بالشوارع على أمل يلاقو بقية الفرسان ...

بعد ساعتين من المشي المتواصل ...
ميلا : والله تعبت ... انا مو متعودة امشي هيك مسافة ...

تيم بإنزعاج : اي طبعا ... لأنك أميرة وطول وقتك قاعدة ... واذا رحتي مشوار بتروحي عالخيل او بالعربة ...

ميلا : ما دخلك كيف كنت عايشة ياغيور ...

تيم : ييي على شو بدي غار ... على حبسك بالقصر طول ال17 عام اللي مرو 😏

مايا : خلصنا انت وياها انصرعت ... لسا متل توم وجيري ....

تيم بإستغراب : مين توم وجيري ؟!...

مايا وهي تكتم ضحكتها : ههههه مارح تعرفهم ....

بهالحظة شافو شخص عم يركض قريب منهم وباين عليه هربان ... وفي صبية عم تركض وراه وتصيح بأعلى صوت : حراااامييي .... سرقلي جزداني ....
وبلمح البصر صار الجزدان بإيد الصبية والحرامي وقع بالارض ... الموجودين انصدمو من اللي صار ... وماعرفو كيف رجع الجزدان لصاحبته والحرامي نال عقابه بوقوعه عالارض ...

مايا بتعجب : شفتو اللي انا شفتو ؟!...

ميلا : اي شفت ... بس ماعرفت شو صار ...

مايا وهي لساتها صافنة : في شخص ركض بلمح البصر ضرب الحرامي واخد الشنتة ورجعها للصبية بدون ماحد يشوفه ... بس الغريب بالموضوع إنو انا شفته ...

تيم : غريب احنا مو شايفين شي ؟!

ميلا : طيب وين الشخص اللي شفتيه عمل هيك ...

اطلعت مايا لمكان معين وأشارت عليه بإصبعها ... والغريب انو ماحد شايفو غيرها ...
فجأة انتبه الشخص على مايا انها عم تتطلع عليه ... قرب لعندهم والقى السلام بإبتسامة على وجهه

مجهول : مرحبا...

مايا : اهلين

مجهول : انتي شايفتيني ؟!

مايا : اي شايفتك ... بس حاسة ماحدى شايفك غيري😅

مجهول : ههههه حتى انا مستغرب انو شايفتيني ...

بهالاثناء كانو ميلا وتيم صافنين ببعض وعم يتطلعو على مايا بإستغراب ... لانو مو شايفين شي ولا سامعين حدى عم يحكي معها ...

مايا : ممكن اعرف مين انت وشو اسمك لو سمحت ؟!..

مجهول : انا .... بس عفوا بس مين انتي لحتى اقلك اسمي

مايا : عفوا اذا ازعجتك ... بس صار عندي فضول اعرف اسمك ومين انت ...

مجهول : انا غيث وانتي شو اسمك ؟!...

مايا وهي تصافحه : اهلا وسهلا انا مايا ....

صفنت مايا للحظات وصارت تفكر بعقلها. ( كيف انا الوحيدة اللي شايفته ؟!... معقول يكون واحد من الفرسان ؟!... اي عالاغلب انه واحد من الفرسان وقوته التخفي ... طيب انا لازم اتأكد من هالشي .... )