ة بتهمة قتل أخوهم أبو سيلينا وزوجته .. وبتهمة سرقة ممتلكات بنات أخوهم وتهديد بنت أخوهم سينار ...

هاجر استقالت من وظيفتها... وفتحت شركة استيراد وتصدير... وصارت مديرة الشركة .... وعم تشتغل من ورا مكتبها وهي مرتاحة ...

وإمها كل يوم بتجبلها شاب شكل مشان تزوجها وتفرح فيها .. بس هي رافضة فكرة الزواج نهائياً ... وكل مافاتحتها إمها بالموضوع بتقلها لساتني صغيرة ..

يزن أسس حاله وبنى بيته اللي رح يسكنوا فيه هو وندى ..ومرت هالفترة عليه طويلة كتير وهو يعد الأيام و الأسابيع لحتى يوصل لليوم اللي رح يتزوج فيه ندى ويعيشوا سوى تحت سقف واحد ...

علياء تصالحت هي وأبوها.. واشترت فيلا كبيرة سكنت فيها هي وأهلها سوا .. وبنت مستشفى خاصة كبيرة... وصارت هي مديرة المستشفى ...

حاولوا بهالفترة أهل زوجها يتقربوا منها ويصالحوها.. بس هي رفضت تصالحهم بأي شكل من الأشكال.. لإنه ماصالحوها إلا مشان مصلحتهم والمصاري اللي معها ...

مهند بهالفترة تقرب من سيلينا واعترفلها بحبه... وهي وافقت تتزوجه لإنه مارح تلاقي شب متل مهند وأخلاقه... وإم مهند كانت فرحانة كتير بقرار مهند .. ابنها وحبيبها...

وسام وماريا اشترو فيلة كبيرة وسكنوا فيها مع أهلهم وإخواتهم ربيع وريحان اللي تزوجوا من فترة قصيرة .. ورعد.. وهلأ قاعدين يحضروا لبس البيبي اللي جاي عالطريق وبختاروا السرير والخزانة وألوان الغرفة..
وكل يوم إم ماريا وإم وسام عم يتقاتلوا على اسم المولود اللي لسا ما أجا اصلاً

حمدي كمل دراسته وسمح لأخته ترجع عالجامعة وتكمل دراستها.. اقترح على والدته يشتري بيت كبير وأحلى من البيت الشعبي اللي قاعدين فيه ... بس إمه رفضت الفكرة لإنه هدا بيتها اللي ربيت وتزوجت فيه .. ومستحيل تتخلى عن البيت اللي ورثته من أهلها...

ففتح مطعم كبير وصارت إم حمدي الشيف الأساسي بالمطعم .. وكل الزباين صارت تعرفها وتعرف طبخها وأكلاتها المشهورة ... وحمدي كان مدير المطعم .. يروح عالشغل كل يوم بعد الجامعة ... وبوقت الجامعة تكون إمه موجودة بداله ....

نسمة رجعت على مصر عند أهلها .. وأبوها ماسمحلها ترجع على سوريا .. وسمحلها تكمل دراستها بدون مايغصبها عالزواج بشرط إنه ما ترجع تتركهم ...

ففتحت مشروع كبير لأبوها وفتحتله محل صياغة كبير بيتضمن كل أنواع الذهب والفضة والألماس...وصارت عيشتها هي واهلها من المحل ...
*

بعرس يزن وندى...
كلهم فرحانين ومبسوطين بهالفرحة...
قاعدين كلهم على طاولة ولابسين أحلى لبس .. ليش لأ وهمه من أكبر رجال ونساء الأعمال بالبلد ...

هاجر : شو مبروك قال خطبتوا إنت وسيلينا ..

مهند : الله يبارك فيكِ يارب .. إي والله عقبال عندك ... الأسبوع الجاي خطبتنا وكلكم معزومين عالخطبة...

سيلينا : إي أمانة تيجو كلكم...

: يالهوي.. إزاي تخطبوا من ورايا ؟؟... وإزاي يزن وندى يتجوزوا بدون ما يعزموني.. هزعل منكم أنا والنبي ...

كلهم باستغراب: نسمة !!!!!!

نسمة : أيوا نسمة .. إيه شفتوا شيطان والعياذ بالله ..

حمدي : ليش ماخبرتينا قبل ماتيجي مشان نستقبلك بالمطار ...

نسمة: زيارتي جات فجأة ... ولحد دلوقتي مش مصدقة إزاي بابا سمحلي آجي سوريا أشوفكم ...

علياء : الحمد لله عسلامتك.. نورتِ سوريا ..

وسام: شبكِ ماريا .. ليش وجهك أصفر ..

ماريا: عم أتوجع .. بس عم ثبت حالي مشان ماصرخ ولم أهل الحفلة علينا ...

علياء: لتكوني رح تولدي؟

ماريا : لسا باقي 20 يوم لوقت الولادة ..

عليا : احتمال ولادة مبكرة.. بسرعة وسام خدها عالمستشفى شو عم تنتظر ...

وسام وهو مرتبك : آه عالمستشفى.. ليش المستشفى؟

ماريا بصراخ : وسااام..

وسام : حاضر حاضر ..

بعد ساعتين ولدت ماريا وجابت ولد سمته قدر .. نسبه لقدرهم اللي رجعهم على وطنهم وخلى قصة الجزيرة رب ضارة نافعة... واللي بسبب قدرهم بهديك الجزيرة صاروا معروفين بالبلد...
مع إنه إم ماريا كان بدها اسم نزار على اسم أبوها.. وإم وسام كان بدها اسم حمزة على اسم زوجها .. والتنتين زعلوا لإنه ماسموا على الاسم اللي كل وحدة اختارته...
**

لوّن حياتك بألوان التفاؤل والسعادة والفرح، الحياة كلوحة تنتظر الألوان لتغدو أكثر جمالاً، نولد ولوحة حياتنا بيضاء نقيّة، منا من يحولها إلى الســــواد ومنا من يحافظ على نقائها و صفائها، إذا سمـاؤك يوماً تحجبت بالغيوم أغمض جفونك تبصر خلف الغيوم نجوم، والأرض حولك إذا ما توشحت بالثلوج، أغمض جفونك تبصر تحت الثلوج مروج، رغم وجود الشر هناك الخير، رغم وجود المشاكل هناك الحل، رغم وجود الفشل هناك النجاح، رغم قسوة الواقع هناك زهرة أمل .. ويمنى كمان 😁

#الاقتباس من عمو جوجل

*انتهت*****
#بقلم_الثنائي
#يمنى_عفيف #أمل_الحياة
نلقاكم بإذن الله بقصة جديدة وأحداث جديدة .. وبنتمنى تكون القصة نالت إعجابكم.. وماتنسونا من دعواتكم وآراءكم.. دمتم بحفظ الله ورعايته

خواتكم #أمل_الحياة_و_يمنى_عفيف

#كـوكـتـيـل
#الجزء_الرابع
#بقلم_الثنائي
#امل_احمد_سلوم
#هاجر_ابراهيم

وصلت حنين عالبيت وهي حاسه بضيق م̷ـــِْن الشي اللي صار معها بالجيم
فتحت الباب وفاتت وشلحت م̷ـــِْن اجرها

حنين: مرحبا
محاسن: اهلين بنتي
منار: طمنينا كيف كان اول يوم
حنين: ماشي الحال
انجي: شو عملتي هاتي خبرينا

ابتسمت حنين وهي بتتزكر كيف قعدت عالبنت وعشوي حولتها لورقه

حنين: شو بدي ساوي يعني تمرنت وركضت عالجهاز
انجي: وشو كمان
حنين: اي شو هي سيرة ابو زيد الهلالي ولا تحقيق بعدولي هيك بدي اتغدا صحيح شو طابخه حسونه
محاسن: محشي
حنين: اوووه معناتا لروح بدل تيابي واجي اتفاهم مع طنجرة المحشي 😋
منار ; والريجيم
حنين: مو الًيَوُمًِ
منار: كيف يعني مو الًيَوُمًِ

نفخت حنين ورمت الشنته عالكنبه وقعدت

حنين: المدربه حكتلنا رح يكون الريجيم علـّۓ. مدار ست ايام مابناكل فيهم الا السلطه والشوربه والفواكي
منار: اي وشو بالنسبه للمحشي
انجي: ههههه شكلو المحشي م̷ـــِْن القائمه تبع جدول الريجيم
حنين: لٱ يافصيحة زمانك بس في يوم فري بناكول فِيَھ كلشي بدنا ياه
منار: ومتى هاد الًيَوُمًِ
حنين: الًيَوُمًِ 😋
منار: 😶
انجي: هَـ (⊙﹏⊙) ــاآ
محاسن: 🤦‍♀️

كانو بيحكوا ويضحكوا علـّۓ. حنين لما رن جرس الباب

منار « فطت م̷ـــِْن مكانها » اكيد اسر قَلبـ♡ــيے. ،،،،،،،،، انا رح افتح
وراحت تركض عالباب ومسكتها انجي م̷ـــِْن كشتها ورجعتها لورى
انجي: لٱ لٱ انا رح افتح ارتاحي انتي
منار: تركي شعري ولي
انجي: تركي انتي بلوزتي اول
منار: تركي بترك
حنين: يبتعلكم مية حما متل الولاد الصغار تعلموا م̷ـــِْن اختكم الصغيره اصول الادب

قامت حنين وهي تتقمز بمشيتها وتتمايل متل البطه المزغطه وفتحت الباب واتفاجئة بشرطي واقف عالباب

حنين: خير!!
الشرطي: هاد بيت حنين زياد
حنين بلعت ريقها اه، ،،، ايه ااانا حنين

منار: شو في اختي
انجي: شو بدو الشرطي

الشرطي.: انسه حنين مطلوب القبض عليكي بتهمة الشروع بالقتل

محاسن: شوووووووو

««««««««««««««««««««««««

حطو أخر كرتونة من ايديهم ومسحو عرقهم الي نازل ع جبينم،

أسر:الله يعطيكم العافية شباب يلا تفضلو الغدا صار جاهز اكيد بتكونو جعتو

سعد:والله ماكان في داعي يابيك

لكزه عطية بكوعه ع خاصرته

تامر:اي والله فرفطنا من الجوع معلومك شغلنا مو سهل
اسر: اي لَـگِنْ تفضلوا عالسفره وبدي تنسفوها نسف
عطيه: ماتاكل هم معلم اعتبرها صارت بعداد الاموات

بلعو ريقهم وهنه عم يشوفو أصناف الاكل المرصوصة ع الطاولة

تامر: وين حنون تشوف هالوليمه اي والله لتلعن فاطس ابوها

قعدو ع الصفرة وعملو جهدهن ليبانو اكابرية وهم عم يمسكو بايديهم الشوكة والسكين ويحاولو ياكلو فيهن
اسر: عفوا بس ازا مو متعودين تاكلوا بالشوكه والسكين خدو راحتكم
سعد: لٱ ابدا اساسا متعودين ماهيك ولا عطيه
عطيه: لٱ والله مو متعودين
ورمى الشوكه والسكين وشمر عن زنوده ومسك رغيف وزته فوق مقدوسه وشفطها بلقمه وحده
تامر: علـّۓ. مهلك لتغص
عطيه: لاتخاف شريك زكاتك ناولني صحن الكبه م̷ـــِْن حدك

كان اسر بياكل بهدوء واكابريه لما فجأه رن تلفونو، ،، مسح تمه ومسك الجوال وفتح خط

آسر: ااهلين خالتي محاسن

اول ماسمعوا الشباب اسم محاسن دندللو أدنيهم ورفعوا قرن الاستشعار ليتسمعو ع مكالمة آسر مع محاسن

آسر : شو هالحكي خالتي حنين بالمخفر

اتطلعو عطية وسعد بتامر الي كانت عيونه رح يطلعو من مكانهم،وشرق باللقمة

اسر: طيب خالتي هدي حالك انا رح شوف شو القصه اطمني مارح ارجع الا وهي معي

سكر الخط وصفن شوي ..
اسر :معلش شباب مضطر امشي كملوا غداكم صحه وهنا، ،،، سحب مفاتيح سيارته وطلع من البيت بسرعة البرق

تامر:.العمى بقلبو ليش طار طيران معناتو اكيد حاطط عينه ع حنين العمى اذا هالحكي مزبوط
عطية: ياحراااام يا سيدة ملعقة آخرتك خريجة حبوس
سعد : يا ترى شو عاملة لحتى شحطوها ع المخفر لبنت المبيض
عطية : يمكن سطت ع دكان الخضري
عطية: او اقتحمت مطعم فوال الحارة
سعد: لالا اكيد اكلتلا شي ولد من الولاد الي بالطريق يمكن فكرته نقانق
عطية:اوقعدت ع شي حدا بالباص ورح فعيس معيس
عطية وسعد:هههههههههههههههههه

تامر:لك الله لايوفق لانت ولاهو لك اخرسوووووووو البنت راحت فيها ولسا عم تتمئلسووووو

طلع يركض وطلعو وراه عطيه وسعد
وصلو للمخفر
سعد: ڵـڱ بصفتنا شو بدنا نسأل عنها
تامر: بصفتنا ايا شي المهم ما اترك حنين بهالمكان
عطيه: ولا تامر شوفلي هالشوفه

التفت تامر وجمد مكانه وهو شايف حنين واقفة مع آسر والخجل عم ينقط من تفاحات خدودا
اتمنى تامر لو تمر شاحنة وتفعسه وتمعسه وتكحكله كحكلة ولاشاف هيك منظر

حنين: مرسي سيد اسر تعبتك معي
اسر: مافي داعي تشكريني ماعملت الا واجبي، ، بس تاني مَـرّھٌ اتحكمي ب اعصابك
حنين: صدقني اني كنت بحالي بس هيه استفزتني
اسر «مسك ايديها» :اساسا انتي ليش بتروحي عالجيم انتي بس بدك شوية رياضه متل المشي مثلا وتتبعي حميه صحيه ولا ناويه ت