وح هلأ .
صلاح : امرك .

صلاح : الغالي راح لا اسف على الرخيص .
________________________________________
#بقلم_فتاة_من_ورق_بسمه_السباعي

أمين : خالتي نحنا بكرا مسافرين .
احلام : يعني هيك رح تتركوني ؟
أمين : بوعدك لما نزبط وضعنا بتركيا رح جيبك لعنا تعيشي معنا .
احلام : انتو لسا المستقبل قدامكن طويل اما بالنسبة الي ما باقي بهالعمر اكتر من يلي راح .. ما بدي اطلع من بلدي ، الله يوفقكن و يكون معكن .
أمين : الله يطول عمرك خالتي لا تحكي هيك انتي امي التانية ما بتخيل هالدنيا بدونك .
احلام : الله يرضى عليك و يحميك و ينولك مرادك يا ابني .
نورا : ارضي عليي انا كمان خالة .
احلام : الله يرضى عليكي ويبعتلك الذرية الصالحة وما يفرقك عن ابني ولا لحظة .
نورا : امين .
أمين : لما يرجع ضياء سلميلي عليه و خبريه يلي صار معي بالتفصيل ، و قوليلو يسامحني .
احلام : من عيوني .
________________________________________
#بقلم_فتاة_من_ورق_بسمه_السباعي

ضياء : بدك تضل هيك قالب خلقتك ؟
عمار : الله لا يحطك بموقفي .
ضياء : انحطيت بموقف اصعب من موقفك ، الله لا يدوقك وجع فقدان الأم .
عمار : الله يجعل يومي قبل يومها ، ضياء انا ماعاد اتحمل افقد حدا من عيلتي .
ضياء : الله يطول عمرهن .
عمار : آمين .
ضياء : بغيابك تعرفت على صبية .
عمار : الله يهنيك .
ضياء : و تركنا بعض .
عمار : الله يعوضك .
ضياء : بعرف حديث مانو مهم بس عم حاول غيرلك جو .
عمار : ما رح انسى وقفتك جنبي .
ضياء : عم اعمل واجبي ما اكتر .
عمار : من اليوم انت اخي ضياء .
________________________________________
#بقلم_فتاة_من_ورق_بسمه_السباعي

غسان : حبيبتي و وردتي و سعادتي ، كرمالي بيكفي بكي ، امسحي دموعك و امشي نطلع نغير جو .
لمى : كنت متمنية اسمع صوتو و شوف صورة وجهو .
غسان : الله يجمعك فيه بالجنة .
لمى : حاسة حالي تعبانة كتير .
غسان : غسلي وجهك و بدي تيابك مشان نطلع متأكد رح تتحسني ، دموعك ما رح تغير شي ، دعائك هلأ هو يلي بيفيد ، ادعيلو و ارجعي اضحكي كرمالو .
لمى : ان شاء الله .
غسان : والله اشتقت شوف ابتسامتك .

*تطلعت بعيون غسان و ابتسمت بالنهاية هو ما ذنبو...

غسان : الله لا يحرمني من هالضحكة .
________________________________________
#بقلم_فتاة_من_ورق_بسمه_السباعي

*باليوم التاني..انتقلنا انا و نورا على المكان يلي رح نهرب منو على تركيا....

نورا : ايمتا رح نمشي ؟
أمين : بالليل .
نورا : انا كتير خايفة .
أمين : معقول تخافي و انا جنبك ؟
نورا : الله يخليلي ياك بس كل شي مجهول بيخوف ، ما بعرف اذا رح نوصل او لا .
أمين : بإذن الله رح نوصل ، الطريق مأمن هيك خبرني المهرب .
نورا : يا رب .

*نطرنا لحتى عتمت الدنيا و مشينا..كنا مجموعات عم نمشي بعاد عن بعض..مشينا كتير بين جبال و وديان..انجبرنا نمرق بمكان طين و وحل لنوصل بخير و سلامة بعد ما صار الجيش التركي يطلق الرصاص علينا..بعمري ما حسيت بتعب و خوف متل هلأ..وبعد ٨ ساعات من العذاب قدرنا نعبر الحدود و نوصل....
________________________________________
#بقلم_فتاة_من_ورق_بسمه_السباعي

*بعد مرور 5 شهور*

ختام : كتير مبسوطة انو زبطت اوراقك و رح تسافري لعند لمى .
ام بلال : الحمدلله .
ختام : رح تطولي الغيبة ؟
ام بلال : لما تولد بخير و سلامة و أمن عليها برجع .
سمر : خالة .
ام بلال : نعم .
سمر : ساويت هي الكلاكيل لإبن لمى وصليلها ياهن مني .
ام بلال : يسلمو ايديكي كتير حلوين .
سمر : و ايديكي خالة .
ام بلال : الله يفرحني فيكي انتي و صلاح .
سمر : انا رايحة اعمل قهوة .
ختام : هههههه خجلت .
ام بلال : اول ما ارجع من عند لمى رح اخطبها .
ختام : تروحي و ترجعي بالسلامة .
________________________________________
#بقلم_فتاة_من_ورق_بسمه_السباعي

غسان : بابا عم تسمعني انا هون جنبك و ناطرك .
لمى : ههههه عم يتحرك كأنو عم يقلك اي عم اسمعك
غسان : ان شاء الله بتقومي بالسلامة انتي و ياه .
لمى : آمين ، غسان .
غسان : عيوني .
لمى : خليني روح بكرا معك على المطار .
غسان : الدكتور قال لازم تضلي مرتاحة ، وبتعرفي الطريق صعب ، ما بدي يصير شي ما منيح لا سمح الله .
لمى : يا الله .
غسان : حبيبتي امك بتوصل آخر الليل يعني بتنامي و
بتصحي و بتحضريلنا العشا بتلاقينا فتحنا الباب و فتنا .
لمى : ان شاء الله بتوصل بالسلامة .
غسان : آمين .
لمى : اليوم حكيت مع مرت عمو تطمنت عليها .
غسان : الله يرضى عليكي .
لمى : قالتلي انها خطبتلو لأخوك .
غسان : حققت يلي ببالها .
لمى : بصراحة خوفتني ما تقوم تحط ببالها تخطبلك انت كمان .
غسان : ههههههه مفكرة اذا حطت ببالها انا بوافق ؟؟ انتي عمري و دنيتي كلها ، مستحيل فكر بوحدة غيرك .
لمى : يلي شاغل بالي اخوك كيف قبل يخطب و يتزوج على مرتو ؟ كيف طاوع امك ؟
غسان : الله يعينو لو ما جننتو مرتو ما كان طاوعها .
لمى : الله يخترلو الخير .