القصة كاملة والقصة حقيقية
#مكتبة_سندس
@rwayate
#من_ك_مريم
#بقلم_لؤلؤةالبحر
المقدمة
شفتها واقفة على باب بيتها بتستنى بابن الجيران يشتريلها ربع كيلو لبن مع رغيف خبز ...استنت شوي وصارت تحكي مع حالها : لك يا مريم من ايمتا بتستني حد يشتريلك شي ...شو صرلك لك مريم ...معقول عجزتي ...لا ..لا مستحيل...اييييييه ما بحك جلدك إلا ظفرك رح سكر بابي و روح جيب اغراضي ..ايوا هيك اتشجعي اخرتك رح تنامي بقبرك... ....كل هالحكي صار وانا براقبها من البلكونة متل كل يوم ..شفتها سمرت بابها وبلشت تمشي جريت عليها قربت وسألتها : بعدك ما بدك تخبريني قصتك والا رح تجاوبيني مثل كل يوم قصتي ما هي إلا قصة قصيرة تبدأ من التراب وعلى التراب وسأنتهي في التراب ...ابتسمت وقالت اممم حفظتيها لكان شطوره ...وكملت مشيها. ..قلت لها ايه وبعدين بدي ضل الحق فيكي من مكان لمكان لك صرت احلم انك بتحكيلي من شاني خالة ولو مالي شان عندك ...ضحكت وحكتلي اااخ على روح الشباب وعناده ..احملي هاي الأغراض والحقيني ازا سبقتيني وحطيتي الأغراض بالتلاجة بقلك اياها وازا سبقتك ما فيه ....قلت لحالي بسيطة اكيد رح اسبقها... ...بس راح عن بالي انه المفتاح مو معي ..ضحكت من بعيد وبس قربت قالتلي نسيتي المفتاح يا حلوة ....جاي تضحكي على عجوز تعدت السبعين ..بس ولا يهمك فوتي يلا رح احكيلك قصتي فوتي ... ممكن تلاقي فيه طياتها درس الك ولكل الي حيقرأها ...وأول درس اني من التراب وعلى التراب وبستنى ارجع التراب تابعوني
طبعا انا تعبانة بكتب عراحتي بس مابقدر اترك سندس بدون ما اكتب ولو سطر كل يوم لأنه هون الأساس بحبكم كومايات انتظروني لما اكتب اول جزء حنزل بس هاد عشان تشجعوني القصة واقعية مية بالمية
ج1
سبقتني ودخلت البيت اطلعت فيي وقالتلي حطي نعالك بالجزامة لسه هلا ماسحة ... هزيت راسي ونفذت كنت بعمل اي شي بس صير رفيقتها ..من اول ما دخلت ...ريحة القهوة فايحة ومخلوطة مع ريحة القرنفل والياسمين تركتني ودخلت المطبخ وانا ضليت بالغرفة وكنت سامعة صوت اغنية كتير بسمعها بدندنها وهي بتسقي بزرعاتها
اسيب النوم .. وافكر فيه
.. انا افكر فيه
انت تقول وتمش
.. وانا اسهر ما انامشي
ياللي ما بتسهرشي
.. ليله يا حبيبي ..
سهرني حبيبي
.. حبك يا حبيبي
بكتب ع الليالي ..
اسمك يا حبيبي
......
دا قالي في يوم .. يا حبيبتي خذي القمر
ورحت معاه ..
وما اداني إلا السهر
....
وانا رمشى ماداق النوم ..
وهوا عيونو تشبع نوم
روح يانوم من عين حبيبى .. روح يانوم ..
...
كنت كتير مبهورة ..قديش سمعت عن الإتيكيت الي هي فيه وبيتها فيه بس الشوف غير ...دخلت علي وحاملة فنجانين القهوة ....وانا كنت بشم بالقرنفل الي عالشباك. ...بروحها المرحة قالتلي ....اييييييه يا عمي قرنفل بشم بقرنفل ما بصير ...بلا ما ياخد حلاوتك...يعني افهمي لحالك واتركي لتخربي بس بطريقتها الحلوة ...وانا مو قليلة ب عجبكم ذكية وبفهمها ع الطاير ...تركتهم وقعدت جنبها واخدت فنجان القهوة...قالتلي ايوه يا حاجة عاوزه تعرفي ايه ...
قلتلها اول سؤال ليش كلامك مكسر ...شي فلسطيني على شامي على خليجي على مصري . وانتي شو اسمك الحقيقي مريم والا امينة وليش بحكولك ام محمود وينه محمود عمري ماشفته..
ضحكت وحكتلي حيلك حيلك يابت حبه حبه علي ...حستني اتلبكت قدامها قامت ابتسمت وحكتلي لما تعرفي حكايتي بتعرفي لحالك اشربي القهوة ...شربت فنجانها وشعلت سيجارتها وطت صوت المسجلة وحكتلي اسمعي ...

#الكف_والمخرز
#بقلم_لؤلؤةالبحر
الحلقة الأولى
@rwayate
( مستوحاة من قصة حقيقية)
حارة قديمة ...زمن لسه الجار للجار....وزمن لسه فيه البراءة والحرص ع العادات ... وفيه حقد نسوان ....وظلم بنات .....وناس مالقت أنها تعبر عن انتقامها إلا بالحجابات والأعمال التانية ... وبنت كبرت قبل أوانها .. وبلشت قصتها من حب المساعدة الي مضحية... تعالو نشوف حياة نعيمة
.. .
ام فتحي : هلا يما جيتو من المدرسة مالها اختك بتعيط
نعيمة : زعلانة من المعلمة منقصتها علامتين بالامتحان عشان نسيت سؤال ...وبحكيلها بهمش مش راده علي ....وين عزوز صحي ...يا حبيبي محلا ريحتك كنه متحمم
ام فتحي: اه حممته...غيرن اواعيكن وتعالن اتغدن. ..
...
نعيمة : الحمد لله يما شبعت ..بدك اجلي الجليات والا اروح عند خالتي أم منير اساعدها....
ام فتحي: لا ..روحيلها وخذي غسيلات اولادها معك هيني صفتهن...وقصري لسانك ...وتيجيش بصفية وتحكيش معها
نعيمة : أنا بحكيش هي الي بتصير تشدلي شعري
ام فتحي : بهمش مهي مش بعقلها يما المسكينة ....الله يعينها ويعين اهلها....فهمتي علي مثل ما قلتلك وبس يرجع ابو منير بتيجي تقعديش فاهمة
نعيمة : فاهمة ..فاهمة بخاطرك ...
......
( هاي نعيمة بنت عمرها 15 سنة بيضا مثل قرص الجبنة وشعرها اسود مثل الليل وتتميز بهالجدولتين الطوال والشبرتين الي آخرهم ...بنت فتحة ومربية منيح ...الها اخت نفس حلاوتها أو أكثر بس أصغر منها ب 5 سنين والها اخ أصغر منها بسنتين واخ جديد لسه عمره شهر ...ونعيم اكبرهم....هيها شفتوها طلعت من دارها وسكرت الباب وحاملة الغسيل وراحت تدق ع دار ام منير ...مين ام منير ...لا مو خالتها. ..بس جارتها ....مهو كانو الزمان الجار للجار .....ام منير صبية أواخر العشرين مش كبيرة بس عايشة ببيت العيلة مع حماتها المقعدة وسلفها المتجوز وبنت حماها صفية ....وخلفت ثلاث بنات ورا بعض وولدين وهسا حامل بشهر ها با لولد الثالث. .بس صحتها تعبانة كثير ....والدكاترة مخطرينها ونعيمة كل يوم بتروح اتدير بالها ع الصغار وتساعد ام منير ....بلي بتقدر عليه ...لعند ما يجي ابو منير .....والأولاد كثير بحبوها ومتعلقين فيها )
منير ( 6 سنين ): جيتي يا حبيبتي يا نعيمة ...فوتي ...يما ..يما نعيمة
ام منير : اااااخ...اهلين يا حبيبتي. ...جبتي الغسيلات حطيهن بالخزانة آخر طبقة تحت ..ايوه الله يرضى عليكي
نعيمة : كيفك اليوم يا خالتي ...وينتا بدك.تولدي ....انتي وعدتيني اذا بنت حتسميها نعيمة ...
ام فلاح( حماة ام منير و طيبة جدا ولكن مقعدة ما بتقدر تساعد ): والا يا حبيبتي اكيد نعيمة ....ادعيلها بس
نعيمة: الله يقومها بالسلامة ..يلا يا خالتي أم فلاح اول شغلة نغير اواعيكي قبل لا احمم الأولاد واجمع الغسيل لامي ..بس وينها صفية
ام منير : تخافيش يا حبيبتي نايمة الله يهديها نايمة
نعيمة ( بنفسها الحمد لله. .وتدور بعنيها وبتحكي): وام شكري وينها قصدي خالتي أم شكري
ام منير : طلعت عند اهلها اليوم زيارة يا حبيبتي. ..يلا خذي هاي اواعي رنا وسها ووسام حمميهن وانا بمشطهن وانا قاعدة
ام فلاح : لا أنا بمشطهن تتحركيش انتي هو انا ايدي مالهم ..
...
( وهيك حممت ونظفت ورتبت نعيمة وجمعت الغسيلات وحطت الاكل عالنار تحت إرشادات ام فلاح وهي عالكرسي واجا وقت الي صحيت فيه صفية ورجعة ابو منير عالدار )
صفية( بنت عمرها 25 سنة من لما انولدت عقلها عقدها وكثير بتفقد أعصابها وبتكره البنات الحلوات وبتغار كثير خاصة من نعيمة ) : ولي ..ولي ..شو جابك ...
نعيمة : اااي ..شعري اتركيه ..يا خالتي ...يا خالتي ..
ابو منير : ييي ولك صفية ..صفية ...تعالي جاي مالك عالهصغيرة....انتي منيحة يا نعيمة
نعيمة ( بتبكي) : اه منيحة ...وبتوخذ الأغراض وبتروح عدارها. ..
....
( ما لحقت توصل والا سمعت صوت ام منير بتصرخ بدها تولد ...)
نعيمة : يما ..يما ..الحقي ..
ام فتحي : شو يما
نعيمة : ام منير .. صوتها ..اجاها الوجع ..(ركضت نعيمة ودقت الباب )
ابو منير: فوتي يا نعيمة الله يرضى عليكي الأولاد وصيتك
ام فتحي : تخافش يا ابو منير وكل امرك لله على أي مستشفى رايح ع الجيش
ابو منير: اه يا اختي اه
ام فتحي : رح نلحقك انا وأبو فتحي بس لأمن ع اولادي وولادك ...الله معك يا حبيبتي يا ام منير تخافيش ...الله كبير ..
ام منير : يارب ..يارب
( راحو المستشفى. ..ونعيمة قعدت بأولاد ام منير الي ضموها وقعدو يعيطو وهي المسكينة تعيط على عياطهم ...لانه كانت حاسة انه امهم حيصرلها شي )
(في المستشفى )
الدكتور : لسه بدها وقت لتولد...وقلبها بتحملش بنج العملية
ابو منير : انتو حكيتو بس يجيها الوجع جيبها عطول ...اعمل اشي الله يخليك
الدكتور : ماشي بس ضغطها مرتفع ومش قادرين ندخلها عملية ...إن شاءالله خير ..حخلي الممرضات يجهزو العمليات..وكل امرك لله
ام منير : ابو منير ..الأولاد امانة برقبتك...ها هيها ام فتحي ...تعالي يا اختي ..وانت يا اخوي يا ابو فتحي ..اسمعوني الثلاثة

#حيااة
#بقلم_لؤلؤةالبحر
Telegram:@rwayate
كل ما أردت ابعد قليلا..عن القصص الواقعية. ..ترجعني اقدامي مسرعة اليها ....تشدني ما بها من دروس. ..دروس انا شخصيا معظمها لم أسمعها أو أعرفها الا من أصحاب قصصي التي اكتبها ...وهذا ما طلبته صاحبة قصتي هذة ...هذا ما طلبته حيااة. .قالت اخبريهم ما علمتني الحياة ...في حياتنا ومع ما أصبحنا نقرأه ونعانيه...نجد أن البشر كحروف اللغة العربية بعضها مؤهل للرفع. ..وأخرى تحترف النصب عليك بجدارة ..وانت تصدق ..والبقية الباقية تستحق الحذف من حياتك ...وتختم ورائها بالشمع الأحمر ....قصة حياة مليئة بالأحداث والدروس التي سأذكر لكم كل درس أرادت أن تعلمكم اياه بعد كل مرحلة من حياتها ... حياة انتي للصبر عنوان ...اركبو قطار الرحلة أعزائي وشدو الأحزمة. .فهناك الكتير من العثرات في هذة الرحلة ...تعالوا نسمع من حياة شو حتحكي. ...
ابو معاذ: يام معاذ ..ام معاذ ..مالك تعبانة شو قربت ولادتك
ام معاذ: يعطيك العافية يا ابو معاذ ..اه والله من الصبح الوجع ما هدي ..وهيني وديت معاذ ينادي الداية ..
ابومعاذ: الله يسهل ...ترى من هسا اذا بنت ومش حلوة بكبها بالزبالة. ..مش ناقصني تقعد بخلقتي. .ههههه
ام معاذ: يعني لو مش حلوة بدنا نرجعها. ..اااه روح شوف معاذ ليش طول ..روح
.....
الداية: مبروك يا ابو معاذ يتربن بعزك توم بنات ...سمي واحمل ..
ابو معاذ: بسم الله ..ول ليش هيك واحدة بيضا وواحدة سمرا. ..مش لازم يكونن زي بعض ...خذي
.خذي هاي السمرا ...وخليلي هاي البيضا ..الي زي الملاك ..خلص اسمها ملاك ...
الداية : والثانية شو بدك تسميها ...
ابو معاذ : بتفرقش خلص انتي سميها المهم عندي ملاك ...
الداية : ول ...خلص انا بسميها ...حسميها حياة. ..
حياة هي أنا ....انا البنت السمرا الي من اول يوم ابوي حتى اسم ما سماني .....وكانت ملاك هي الاساس ربنا اعطاها كل الجمال والبياض واخذت عقل امي وابوي ..وانا حياة السمرا كنت من اول يوم منبوذة. ...ليش ...لأني مش بجمال اختي ...بس انا شو ذنبي ... فالبطن بستان مثل ما بحكو ..والجمال مش بأيد حدا إلا الله ...كنت عايشة في ظل ملاك ...كان أبوي ما بشوف بعيونه إلا ملاك ....لما كان بدو يطلع يشتري شي أو يروح يزور عماتي أو اعمامي .. يحمل ملاك ..وياخذها معه ..ولما كنت أعيط عشان يوخذني كنت الحقه مشي وكثير كنت أوقع ...بس انه يحملني مثل اختي لا...أو يحكيلي لا ما تيجي خليكي عند امك ....يالله ما اصعب هذا الشعور ...شعور التفرقة ..وإن تكون منبوذة ومن ..من ...من اقرب الناس الك ...
كثير ...لماة كنت بعمل شي غلط أو اخرب أو اكسر شي مثلي مثل أي طفل كان أبوي رغم صغري يضربني كثير ..يضربني فيه كل مكان ..حتى صرت من خوفي ...لما يرفع ايده عشان يضربني ...اعملها على نفسي ...وبالمقابل لما تغلط اختي لا يكلمها. ...كنت أسأل نفسي ليش ...مهي ملاك غلطت ...بس لما اشوف كيف بحكي عنها وعن حلاوتها ..بعرف لاني مش بيضا وحلوة مثلها ...كثير كانت امي تروح للسوق ...خاصة في فترات العيد ..اترجاها توخذني نفسي اختار فستاني مثل ملاك ..بس تحكي بقدرش امسكن الثنتين وابوكي حكا اوخذ ملاك ... وفعلا كانت توخذ ملاك ..وانا تجيبلي على ذوقها. ..وصرت اتعود على انه ملاك لازم الها كلشي. ..
وهدا اول درس بدي احكيه الكم إياكم التفرقة بين فلذات اكبادكم مو ذنبي انه الله خلقني سمراء واختي بيضاء جميلة ...مو ذنبي ولا ذنب أولادكم صدقوني...
.. . Telegram:@rwayate
والتميز الي كنت اواجهه بشكل يومي بالبيت ...واجهته كمان بالمدرسة من اول سنة الي فيها....ما بنكر أنه ملاك كانت اشطر مني. .صدقوني ما بعرف السبب ..هل هو بسبب اعتناء اهلي الكثير فيها خلاها دايما لازم تكون شاطرة بكلشي..ام ان إهمال اهلي الي عمل في نفسي نقص وقلة ثقة ...ام ان المعلمة هي السبب هي الي خلتني أكره أي شي اسمه مدرسةاو معلمة ...تخيلو كانت ما تتعامل معي الأ بالضرب ..كنت اشوف ابوي فيها...صرت أحس اني انا الي اوحي للناس بضربي. ..عشان كنت ما أنطق حرف الراء صحيح .عيب خلقي لا استطيع نطقه ..وهي مش مقتنعة وتحكيلي بتدلعي ..وتضربني وتضع القلم بأذني وتصرخ علي افتحي مخك افهمي ...افهمي.....كنت أعيط ... وأقول لها ..والله فاهمة...ولكن مو بايدي مو عارفة انطقها. .. بس ما تقتنع وحصل في مرة ...خلت كل طلاب الصف جميعهم يضحكون علي ...وانا كنت بس اصمت أو ابكي ..وما اشكي لأهلي ..كنت احكي لحالي .... .شو الفائدة. ...إذا هم اصلا مش شايفيني ..
مرت السنين بالمدرسة وانا اجلس آخر مقعد ..صرت اتمنى اكون خيال ..ما تشوفني المعلمة ..ولا تسألني .

# الكف والمخرز
@rwayate
#بقلم_لؤلؤةالبحر
الحلقة 3
( خلصت العزومة وروحو أهل نعيمة ونعيمة قضتها عياط بدها تروح مع امها ...بس الي شغلها صوت عياط الولد الصغير الي للان ابوه ما سماه بس هي سمته امين )
منير: نعيمة ...نعيمة
نعيمة ( بتمسح بدموعها): نعم يا حبيبي
منير: ستي بتحكيلي انك صرتي امي صح
نعيمة: اه يا حبيبي صح صرت امكم
اسراء ( بنت 5سنوات): يعني انتي ماما وحضتتها
نعيمة : اه يا حبيبتي انا ماما
منير : وامنا فاطمة خلص مش راجعة مثل ما حكا ابوي
نعيمة: اه يا حبيبي امكم الله يرحمها وانا صرت امكم ...امسك آمين بدي اغليلو مي للحليب
( كل الحكي الي صار بالغرفة وأبو منير قاعد عباب الغرفة يسمع وقلبه بتقطع على الي صاير ..ويلو أولاده ..وويلو مرته الي دفنها. .وويلو هالمسكينة نعيمة كيف بدها تكون مرته وكيف رح يعاملها ...طلعت نعيمة من الغرفة لقتو قاعد )
ابو منير ( بتلخبط هاي مرته صارت ): وين بدك تروحي
نعيمة ( بغضب مخنوق داخلها وخوف) : بدي اغلي مي لحليب آمين
ابو منير: مين سماه آمين
نعيمة : أنا اذا بدكيش خلص بس حرام ما سميتوهوش
ابو منير: لا مدام عاجبك خلص ..حلو اسم آمين روحي اغلي مي يعطيكي العافية
نعيمة ( هزت راسها) وحكتلو الله يعافيك وراحت
( ابو منير حس انه بقبولو لاسم آمين مع انه عمرو ما رضي مرته الاولى الله يرحمها تسمي ولد بس ممكن يحسسها هيك انهم فعلا اولادها وأنه عشان هي تلين معه وتبلش تتطمن جهته لأنه لاحظ هروبها وصار يحاول يقعد جنبها تقوم ...ووقت النوم تنام مع الاولاد لأنه هي حاطة براسها انه عشان الأولاد وبس ... بس بنفس الوقت هاي مرته وبده مرته أو على الأقل عشان يحكو انه تزوج وهاد الي كان شاغل تفكيره .... ..وبنفس الوقت خوف نعيمة منه كان واضح بس مرت اول كم يوم وهي بتتهرب منه ...بس بالاخر حكا مع امه وهي حكت مع امها و لما عرفت امها وبهدلتها وحكتلها ابوكي بقتلك. ..سلمت حالها لأبو منير مثل الطير الي حط رأسه تحت السكين لينذبح بس بدها تخلص من هالقصة وترجع لتهتم با الأولاد وستهم ام فلاح ....حست حالها كأنها خدامة واجت لخدمتهم..وكانت معظم الوقت بس بدها تهرب من ابو منير الي هروبها منه خلاه يرجع لعصبيته بعد ما كان مقرر يراعي صغرها ...بس الرجال لا بتحملو ولا براعو متل النسوان حتى ولو أكبر منهم بالسن )
ابومنير ( بعصبية): نعيمة يا نعيمة
نعيمة ( بخوف ): نعم ..شو فيه. ..
ابو منير : ليش هاظ الولد مش متحمم وهاي مش مغيرة وانا اواعيي مش مغسولات ..شو بتعملي حظرتك فهميني
نعيمة ( بتنصدم): والله حممتهم وغيرلتهم وهيني بغسل وبتصير تعيط
ام فلاح ( بتسمع صوتهم بتصير تنادي على ابنها لانها بتقدرش تقوم وبتخاف ع نعيمة بدهاش حد يزعلها ): يا فلاح ..يا ابو منير
ابو منير : نعم يما ..نعم
ام فلاح : شو مالك يما ...بنت الناس مش عبدة عندكم ....ليش هيك بتحكي معها ..
ام شكري: والله اذا مش قايمة بجوز ها بدها ضرب
ابو منير : تتدخليش يا ام شكري انا كنت معصب وفش اشي يما
( وهون بطلع صوت نعيمة بتصرخ وبركض ابو منير يشوف شو فيه بلاقي صفية اخته حاملة مقص ولاحقها نعيمة إلا بدها تقصلها شعرها وعلى لسانها)
صفية : نعيمة بدي اقصه شعرك ..نعيمة شعرك مش حلو ...نعيمة تعالي
نعيمة( بتعيط) : صفية ابعدي عني حبيبتي هاتي المقص انتي شاطرة
ابو منير : شو فيه ...صفية هاتي ياختي المقص مين أعطاكي اياه هاتي
( وبعد صراع طويل اخدو المقص وأبو منير حضن نعيمة وهي بتعيط وحس بالندم انه حكا معها هيك وصفية بعد ما هديت عرفت ام فلاح انه المقص برضو من ام شكري وهي وزتها على نعيمة. ..بس مين مصدق صفية ....ولوين حتوصل ام شكري لوين يا ترى

#الكف_والمخرز
@rwayate
#بقلم_لؤلؤةالبحر
الحلقة 4
( مرت الأيام على نعيمة وهي بس بتربي وبتحمم وبتنظف وبتتجنب صفية وجنونها وأبو منير يوم معها منيح ومقدر تعبها وعشرة لأ وهي المسكينة ضايعة بين الكل ....وام شكري بلشت غيرتها تكبر بقلبها من نعيمة لأنه كل ما كانت تكبر تحلو أكثر ..وام شكري مش حلوة مثلها وكثير كانت تلمح ابو شكري وهو بحكي عن جمالها وفي يوم اجت اخت نعيمة زارتها وهي مروحة من المدرسة ...واخت نعيمة مثل حلاوة نعيمة وأكتر ....وهون شافها ابو شكري ...وعجبتو وحكا بعقلو مش غلط اتجوز الثانية واكيد مثل ما اعطو اخوي ...ابو فتحي أبوها لنعيمة مش حيرده. ...وفعلا بلش ابو شكري يتعلق بأخت نعيمة ...وهون صار دايما يدافع عن نعيمة ... والفار لعب برأس ام شكري والغيرة عمت عينيها وهيك بلشت شرور ام شكري تبين وراحت قطعت من اواعي نعيمة وراحت لواحدة بتتعامل معها ام شكري )
ام شكري: كيفك يا ام سراج
ام سراج : اهلين ...شو هالمرة شو العمل الي بدك اياه
ام شكري: بدي أي شغلة يخلي الي بالدار يكرهو سلفتي وما يطيقوها. .أو أي شي يخليها تنخلع من الدار ..وبدي شغل منيح ...مش زي ام منير ...كان أقصاها ابو منير يقتلهاا ويرجعو يتصالحو
ام سراج : اي الله يرحمها شكلها كاينة قلبها طيب ....
ام شكري : شو قصدك يعني قلبي اسود ..
ام سراج : لا على سلامتك ....بس ترا بدك تدفعي قبل لا اعمل مش زي آخر مرة ....لما عملتلك لصفية ..اه صح كيف هي
ام شكري : هيها شوي وبحطوها بمستشفى المجانين وبخلص منها أو داهية توخذها وتوخذ امها مثل الشوكة بالزور قاعداتلي
ام سراج: اي هم قاعداتلك هاي دار فلاح ومن زمان اشتراها وسكن امه واخته وسكنكنو معه
ام شكري: هسا انتي مالك اليوم قالبه واعظة...خلصيني وخذي هاي عشر ليرات زرقا بس خلصيني بكرا باجي بوخذه....وصح بدي شغلة لجوزي عشان ما يشوف غيري وهاي بعطيكي حسابها بعدين ...
( وفعلا أنعمل أول عمل لنعيمة وكان أول مرة ابومنير بمد ايدو عليها وبضربها وام شكري بتسمع ومبسوطة بس هون ام فلاح فهمت اللعبة ..أو على الأقل حسها قلبها ودت ورا أم فتحي امها لنعيمة ونعيمة وحكت معهم)
ام فلاح : فوتي يا اختي يا ام فتحي تعالي
ام فتحي: والله لو معزتك ما بقعد هاي جزاتها بنتي الي قايمة باولادكم ليش ليضربها شوفي وجهها كيف مصبغ
ام فلاح : بعرف يا ختي بعرف بس انا عندي ألك كلمتين اسمعيهن واحكمي بس سكري الباب بديش حد يسمع
( وهيك حكت ام فلاح احساسها انه ام شكري عاملة عمل وأنه ابو شكري كان حاكي لامه بده اخت نعيمة وهيك ردت ام فتحي
ام فتحي: ول عليها الله أكبر وصلت معها للسحور بنت المسعود ...مش غريبة عليها مهي امها وأهلها كلهم شغل سحور وفتاحين وهسا شو نعمل
ام فلاح : والله شو ما تعملي انا بعرف أنها بتعملي وتعمل لصفية والله ياختي مافيه دوا غير القرآن بس أقرأ ع صفية بتهدى....صح صفية من لما اجت عقلها عقدها بس من اجت ام شكري على هالدار زمن اول طوشة الها مع صفية...وليش جوزها يضربها عشان اخته ...وطلعت ع دار أبوها ورجعت مثل الحية وصارت صفية تتغير عرفت انه عملت شغلة ..خاصة أنها صارت تبين أنها بتحبها. .
ام فتحي : أنا داري شو جابركو عليها أي طلقوها ..لليش أخذها من الأساس اهلها معروفين والله الكل استغرب
ام فلاح : هو انا ماين ع جوزها أي قتل حاله بده اياها وقال لو ماخذهاش ابصر شو يسوي بحالو وهينا بالليل بتلاقيه حيطلقها ثاني يوم بقلك هاي مرتي وام اولادي لا وبدل الولد مخلفتله خمسة.
ام فتحي: الله يستر علينا يارب ....
ام فلاح : يارب وهسا يا حبيبتي يا نعيمة ...برضاي عليكي ضلي اقري قرآن انتي شاطرة ومتعلمة صح يا حبيبتي
وهون نعيمة الصغيرة كبرت مع أول قتلة اكلتها من جوزها ....كبرت لدرجة وقفت وحكت
نعيمة : صح يا خالتي ..وانا ربنا معي ..والقرآن معي
ومن وقتها نعيمة بلشت تقرأ قرآن وتحفظه وعلى قد ما تعمل ام شكري الأثر يكون وقعه أخف ومشت الأيام وحملت نعيمة وجابت بنت مثل القمر...وأبو منير أيام منيح معها وأيام بس تكون ام شكري عاملة عمل جديد يضطرها بره ويرميها..وهي عشان بنتها والأولاد الي يكونو يعيطو عليها ترجع وتضل تقرأ قرآن ...
ومرت الحياة ...وكبرت الأولاد ....وكانو يموتو على نعيمة أكثر ما يحبو ابوهم ....وراح هم صفية لما لقوها كاينة تجرح حالها بالمقص وما لحقوها وماتت وام فلاح من حزنها ع بنتها لحقتها. .وهون ضلت كف نعيمة مرفوع لمخرز ام شكري ...طول السنين الي مرت ...وغيرة ام شكري من الأولاد الي كبرت وشالت نعيمة عكفوف الراحة خلى النار تغلي بقلبها وما خلاها ترتاح

#قصص_من_الواقع
#الكف_والمخرز
@rwayate
#بقلم_لؤلؤةالبحر
الحلقة الثانية
ام فتحي : شو يما طعميتي الصغار
نعيمة : اه يما وهي الغسيل خذيه وهاتي ها لولد رضعتيه
ام فتحي: اه وهيني حرضع اخوكي ...حطيه عالفرشة وروحي عند ام فلاح ....غيرليها وهاتي اواعيها...حرام
نعيمة: اي مهي ام شكري قاعدة تغيرلها
ام فتحي: الله يرضى عليكي ام شكري تجيش فيها الله يكفينا شرها وشر اهلها ...
نعيمة: ليش
ام فتحي : ولا اشي تكثريش حكي وتعالي بسرعة تقعديش كثير...وتحكيش مع ابو منير فاهمة
نعيمة : ليش
ام فتحي: هيك ...يلا روحي واتطوليش
...
( في بيت ابو منير)
نعيمة: منيحة هيك الجدولة يا خالتي ....خذي البسي الحطة قبل ليجن النسوان ...وين صفية
ام فلاح: يسلم اديكي يا حبيبتي ...صفية راحت مع عمتها تشتريلها اواعي مبارح انجنت ولقيناها بتقص باواعيها بالمقص
نعيمة: ومين أعطاها المقص مش انتي مسكرة عليه
ام فلاح : ااااخ قال ام شكري بتقول سرقته من عندها بس الله وحده الي بعلم الحقيقية ...متأكدة أعطتها اياه هي ....هيك حكتلي صفية ...بنتي بعرفها بس تروق بتحكي الحقيقة. .الله يختارلها الأفضل
نعيمة : آمين يا خالتي ...بدك اشي قبل لاروح
ابو منير: يما ..يا حجة ..مين نعيمة هون ( ينصدم بشوفتها)
نعيمة : أنا مروحة ..بخاطرك يا خالتي
أم فلاح: الله معك يا حبيبتي. .خير يما فوت تعال
ابو منير: والله هالدار ابو فتحي لو يطلبو روحي لاعطيهم ...الأولاد ما بدري عنهم اشي ...قايمين فيهم
بس وصية ام منير الله يرحمها كاسرتني
ام فلاح : والله مانا عارف يما شو أقلك. ..هو لو جينا للحق ما حد بحب اولادك قد نعيمة وهم بحبوها بس صغيرة 15 سنة وانت 35 والله ما أنا عارفة ..بس اكيد ربنا الهم ام منير الله يرحمها بهالوصية ولازم تريحها بقبرها ..انت دق الباب واسمع الجواب ..احكي مع ابو فتحي وشوف ....
ابو منير: لا بقدرش والله ما بقدر
ام فلاح : اقولك انا الي ححكي ابو فتحي مثل ابني الثاني ....وانا بعرف شو احكي معه ...
.....
( بعد اجتماع ابو فتحي وام فلاح وام فتحي )
ام فلاح : ها يابنيي شو قلت ...ترا هاي وصية ..والله لوما انا خايف ما ترتاح المسكينة بقبرها ما بجيلك
ابو فتحي: بعرف يا خالتي بعرف ...وخلص نعيمة اجتكو هدية ما من وراها جزية ..احنا أهل مش جيران
ام فتحي: بس يا جماعة
ابو فتحي : لا بس ولا اشي ..أعطيت كلمتي وبنتك حتنكتب كتابها وتتجوز ابو منير بدون عرس ولا اشي ..الناس بحزن ...وشو ما تدفعو يا خالتي مهر ادفعو أن شاءالله دينار ..احنا أهل ...
ام فلاح : الله يجزاك الخير يا بنييي وبأذن الله نعيمة رح تكون صاحبة الدار واحنا ضيوفها ...الله يعلم قديش بحبها ...يلا اسمحولي ...بخاطركو
.. ( بعد ما طلعت)
ابو فتحي : تطلعيش فييي وقومي احكي مع بنتك وفهميها ...قومي
...
( في دآر ابو منير)
ابو منير: ها يما طمنيني
ام فلاح: عيب يما انا ام فلاح ...خلص تم الموضوع والله هالابو فتحي لازم تحطو ع راسك وتلف فيه الحارة كلها ما حد بقدم بنته ...هدية ...والله الأخ ما بعمل هيك ..وانت يما هاي بنت صغيرة مش تفكرها ام منير ..طالع تصيح عليها ..نازل تصيح ..هاي طفلة ..وجايبنها عشان الصغار متعلقين فيها فاهم ..
ابو منير: فاهم يما فاهم رح احطها عراسي تخافيش
....
( في دار أبو فتحي)
ام فتحي: يما ليش بتعيطي مش انتي بتحبي الصغار ..برضيكي بكرا يجيبلهم واحدة تصير تضربهم
نعيمة: لا يما برضينيش ..بس ابو منير عصبي ومرة ضرب ام منير ...وصفية مجنونة ...وام شكري بتحبنيش وبتحكي عني عقربة. ..وجوزها ابو شكري بظل يتطلع علي ...
ام فتحي : أنتي هسا الملكة ...وام شكري لو حكت معك شغلة بس تعاليلي. .وجوزها هس صرتي مرت اخوه ..وأبو منير فش زلمة بعصبش مانتي بتشوفي ابوكي ..أهم الشي الصغار يما ...حرام والا شو
نعيمة: اه حرام ..حرام ... ( وبتبكي)
....
( وهيك انكتب كتاب نعيمة وجهزوها اهلها بلي قدرة عليه وعملو دار أبو منير عزومة غدا بعد أربعين ام منير بدل عرس وهيك نعيمة بين يوم وليلة صارت مرت ابو منير وام ست اولاد وكل الي بعقل نعيمة بس بدها تدير بالها ع الأولاد الس اكبرهم 6 سنين وأبو منير حس عنده سبع اطفال بالدار )
* ملاحظة : القصة حقيقية وما حد يحكي مش معقول ....وتاني شي انا لما حكيت أيام ما كان الجار للجار ..لانه ما فيه حد بقدم بنته هدية لجاره هالايام بس الخير رح يضل فينا ..متل قال نبينا محمد صل الله عليه وسلم ( الخير فيي في أمتي إلى يوم القيامة)

#شقائق_النعمان
#بقلم_لؤلؤةالبحر
الحلقة الاولى
@rwayate
يا علبة الألماز ومنين جابوكي.. إمك أصيلة والمسمّى أبوكي..
يا علبة الألماز وشو اللي هامّك.. إمك أصيلة والمسمّى يا عمّك..
يا علبة الألماز من هو خيّالك.. إمك أصيلة والمسمّى أبوكي..
فرح : الله عليكي يا ستي كملي ..كملي ..
ام جواد : ها جيتي يا حبيبتي تعالي جنبي ....شو اشتريتي
فرح : جبنا الذهب يا ستي ...ورحت قست البدلة البيضا ..وبالطريق شفتلك أرض مرشوقة رشق شقايق نعمان قومي نخلي ابوي يوصلنا....قومي ..
....
ها كيف ستي حلوة الأرض صح
ام جواد : حلوة بأصحابها ياستي. ...قديش بحب هالوردة ياستي ....على قد ما بتذكرني بشغلات بديش اتذكرها بس بحبها ...لانه هو بحبها ...الله يسامحه
فرح : قصدك نايف يا ستي
ام جواد : ها والا ..مين غيرو يا ستي مين
فرح : الله لا يسامحه. ..لليش تسامحيه انا عنك مش مسامحه
ام جواد : ييي قصري حسك هسا بسمعنا ابوكي ..انتي لو تعرفي القصة كلها بتعذريه. .اسكتي ..تعالي اقعدي جنبي اكولك كل القصة. ..عشان لازم حد فيكو يعرفها .....تعالي
فرح : وهي قعدة ...احكي يا ستي احكي
ام جواد: هاظ يا حبيبتي انا امي الله يرحمها ستك مريم اتجوزت ابوي سيدك جبريل من لما كان عمرها 14 سنة وهو عمره 75 سنة
فرح : معقول بتحكي جد يا ستي
ام جواد : وجد الجد ..يا ستي وانصتي واتظليش تقاطعيني
فرح : طيب طيب كملي
ام جواد : المهم ابوي وقت اتجوز امي كان عنده اولاد من الأولى الله يرحمها ..وامي على صغر سنها ..خلفت اربع اولاد وأربع بنات سيادك محمد وأحمد ومحمود ومصطفى وستاتك خديجة وفاطمة وزينب وانا رقية وانا كنت الصغيرة آخر العنقود عقولتكم ..وبديش احكي اني كنت حلوة شوفت عينك يا حبيبتي. ..ومات ابوي وانا عمري خمس سنين. ...ما بتذكروش كثير وما بتذكر غير امي الله يرحمها الي قظتها بالأراضي تحصد وتفلح واحنا معها بهالارض نساعدها عشان تربينا وظلت حياتي هيك ...لصار عمري خاف الله 17 سنة ...وقتها اجا عمي ابو نايف وما يجي من رحمة الله وقلي بدو يجوزني ليعقوب الاحدب وبدو يجوز بنت عمي الثاني سميحة لأبنه نايف وهون انا انجنيت انا الي زي القمر اوخد يعقوب الاحدب وهذيك توخذ نايف ...وقفت بوجه عمي وقلتلو بديش ..وبيني وبينك نايف كان بالجيش وطول بعرض كانن كل البنات بس يمر يرقص قلبهن وزي مهو ابن عم سميحة هو ابن عمي اه والا ...ايه ...لليش بتضحكي انتي هسا
فرح: ولا اشي كملي يا ستي كملي
ام جواد : وهون صار النصيب وانخطبت واتجوزت نايف ....ومن وقتها ...ما شفت يوم حلو يا ستي ....بنات عمي وأمهن لا خلن ولا بقن. ...من ساعة ما يفوت نايف الدار ..على مرتك عملت ومرتك ساوت وما يهنالهن بال إلا لما يقوم يقتلني ويفزع الدنيا علي...وظليت صابرة...وحملت وجبت عزيزة وفؤاد. ...الله يرضى عليهم ويسامحهم وين ما كانو .....آاااااخ ( ودمعت عينيها)
فرح : كملي يا ستي مالك
ام جواد ( بتبكي وبتمسح بدموعها): ولا اشي يا ستي وظليت متحملتهن ومتحملة نايف وضربه ليوم صار بدو يطلقني. ..بوست أيديه ورجليه وقولتلو بس خليني اربي ولادي بديش اشي منك ....وهو رأسه والف سيف إلا يطلقني ....بس ااااخ ربك كبير يا ستي وقتها فاتو اليهود وطلعنا من دورنا ونزحنا ع المخيمات هاظ الحكي ب67 متذكرو كأنه مبارح ...
فرح : وبعدين شو صار
ام جواد: ولا قبلين...تقولي هناك بالمخيم..صار الكل يخاف وهالعقربات انشغلن شوي عني وهيك قلت يابنت هاي فرصتك اتقربي من جوزك بلكي الله هداه ورجع عن قصة الطلاق ...اي الواحد فيه الي مكفيه. .بكفيش أوضاع البلد ..والكل فوق بعضه بالمخيم. ...وتقولي حن قلبه عليه ورجعنا مثل كل المتجوزين. ..وخواتو شايفات ومقهورات رجع ينام جنبي وكله عال العال ..ومر كنو شهر واشتهيت الفلافل. ..صرت طول الوقت نفسي اوكله وصرت اقولو امانة تجيبلي فلافل ...وهون صار يقولي شكلك حامل ...قلتلو بعرفش ...وهون اشتغلن خواتو ولا تقولي وسواس خناس...وصار يا ستي يا حبيبتي رأسه والف سيف انه هاظ مش ابنه وأنه انا استغفر الله زنيت وهون بلشت المصايب تترمى عراسي تقولي رصاص اليهود ارحم منها....ااااخ حسبي الله ونعم الوكيل فيهم بس ... ( ورجعت تبكي )... والمصيبة الشاطر فيهم الي يتهمني بشرفي وهو أنكر نومته معي ...واهلي بعاد ...إخواني كل واحد بجهة وامي بتقدرش عحد..وانا مثل الذبيحة بين أيديهم. ... ( وصارت تبكي بحرقة وفرح تبكي معها)
فرح: خلص يا خلص تحكيش الله ينتقم منهم
ام جواد : ااااخ ....الله كبير يا حبيبتي
فرح : خلص تحكيش لتتعبي وضغطك يرتفع
ام جواد : لا خليني احكيلك ...بدي تعرفي كلشي ...وبدي تتعلمي انتي حاسة رايحة حياة جديدة وبدي اياكي تكوني قوية وواعية...اسمعي خليني اكمل