نتقم منهن بس..

خلوني أهلي اترك شغلي واخدت اجازة بلا راتب لان كان عندي امل ارجع بعدما اتعدا هالمشكلة وبقيت بالبيت شبه محبوسة … مكتئبة وماعم حاكي اي حدا فيهن … وهني كان شعورهم بارد كتييير كنت ما احكي بس اتطلع فيهن من بعيد لبعيد وحسسهم بالذنب لانهن سكتو وما دافعوا !!

واكتر موقف دايئني لما اتصلت باخي الكبير أحمد قلت هوي الوحيد الواعي يلي رح ينقذني … وما قبلو أهلي اطلع معو لحتى قلتلهن انو عازمني ع الغدا … واجا هوي اخدني وطلعنا بالسيارة وخبرته بكلام "سوسن" عني وخبرتو شو الحقيقة بس بقي عم يسوق كان رده كتير بارد … اتوقعتو يفور ويغلي ويعمل شي بأخوه
أحمد: كل ما حكت مرة اخوكي كلمة بدنا نرد عليها ونضل عاملين مشاكل من وراكن خلص بكفي فهمنا ما عملتي شي واخوكي الغبي لفق هالكلام انتهينا.

ندى: كيف انتهينا لك انا أختك عرضك وشرفك انحكي عليي لك انتي شووو

احمد: يا اختي خلص انا بخليهن يسكروا ع الموضوع ولا بدك ننفضح قدام الناس

ندى: كلام الناس !! رجعنا لهالجملة ؟؟
صار ينفخ وركن السيارة على جنب ونزل منا وراح عالمول ليجيب اغراض كانت موصيتو عليها مرتو وانا دموعي عم تحرق جوف عيوني وبقيت قاعدة وساكته ورجع لبيته اتغدينا سوا
ومرتو كانت عادية وملامحا جامدة كمان وحسيتا ببعض الأوقات خافت مني !! ... اعوذ بالله لك والله يا بشر ماصار شي أبداً كلو حكي فاضي … بس الله يدوقهم يلي دقتو … كل واحد شك فيي الله يدوقهم يلي دقتو!

وكملنا قعدتنا وهوي يضحك ويلعب مع ولاده وكانه ما خبرته شي !!
ما بعرف كيف بيونصف هالشعور … بس كانك متعلق بقشة وضاعت منك أخواتي ستة بس مافيهن بركة ولا بحسهن رجال من زمان من قبل هالموقف حتى ... لهيك قررت انا اتجاهل نسوان اخواتي وعيش وحيدة.

منسكت أحيانا ومنخرس بس ما لضعف فينا … حتى لو فسروه متل مابدن … نحن منسكت لأن كل شي إنتهى ومارح يرجع … منسكت لأننا منعرف أن الجُرح أكبر من الكلام يلي عم يحكوه … فما فائدة الحديث لقلوب صماء مابتشوف غير نفسها !!

#تابعوني بصفحتي � مروةآغا � للمزيد من القصص �

*

كنت وكأي بنت بيجيها عرسان … وهلق حسيتهن زادوا … متل ما بقولو بيعلق قنديل البنت بالسما وبتصير تنطلب كتير !! صار يجيني عرسان كتييير ورفضوهن اخواتي أو بالأحرى نسوانهن والله ما عاد عرفت مين الرجال !!

ووافقوا على عريس واحد بس وكان ابن خالي ووافقت عليه لأخلص منهن كلهن لان بعرفو انو بحبني ورايدني … وحسيت رح ارتاح من العيشة وانتقل لحياة تانية حياتي أنا لاقي فيها راحتي وحريي كمان ويمكن يخليني اشتغل.

صارت الخطبة بسرعة وكل شي اتجهز ع السريع حتى أنا ما كنت مصدقة انو هاي خطبتي لأنهم كانوا بس بدن يخلصوا مني وهالشي حز بقلبي كتير.
حفلة صفيرة وتقليدية فيها بس القرايبين وماحدا من العيلة عرف أبداً بيلي صار أو سمعوا وما صدقوا لان بيعرفو نسوان اخواتي شقد قوايا وبلفقو حكي.

وبيوم الخطبة كنت فرحانة شوي وحسيت حالي طلعت من السجن يلي انا فيه … وكنت عم ابني احلام كبيرة.
لبست فستان أزرق بلون السما وعلى قماشو اتناثرت حبات من اللؤلؤ لتعطيه لمسة ناعمة مع تسريحة شعر خفيفة … بس كنت ضعفانة كتير ووجهي شاحب وحتى حوالي عيوني أسود … ماحدا صدق انو هاي "ندى" هيي نفسا "ندى" القديمة!! كأني كبرت عشر سنين بسنة وحدة بس.

بعد ما عملنا مراسيم الحفلة التقليدية تركونا لوحدنا لأول مرة … وقعدنا انا وخطيبي بالصالة لحالنا متل أي خطيبين...
مؤيد: كيفك

رفعت راسي وانا خجلانة وقلتلو: الحمد لله.

مؤيد: لسا ما بتحبيني؟

دققت بملامحو منيح واستغربت من سؤالو وشفتو كيف بلش يخنق ويعصب وقلتلو: مافهمت؟

مؤيد: نسيتي؟

قرب مني وانا بلعت ريقي قعد بقربي بالظبط وضربني كف ...

#الجزء الخامس 💙

#رفقاً_بالقوارير
#بقلم_مروةآغا �

#الجزء_الخامس (5) :

شهقت وحطيت ايدي على خدي وأنا عم ارجف منو وكنت بدي اضربو نفس هالكف بس ما قدرت اعمل شي حركتي انشلت وبلشت ارجف ونفسي بلش يتقطع … الدموع اتجمعت بعيوني وهوي لسا عم يكمل بكل برووود
مؤيد: بتتذكري لما اعترفتلك بحبي من 13 سنة شو عملتي انتي؟؟

ما عطيتو ولا إشارة ولسا ايدي ع خدي وبهالحظة هرت أول دمعة من عيني ومشيت ع خدودي لوصلت لشفايفي
كمل كلامو وما اهتم: بتتذكري الكف يلي ضربتيني اياه … هاي هلق رجع لصحابو.
#مروةآغا
لفّت فيني الدنيا وضحكت ضحكت غبية وسكتت ... ياربييي شو حقود وحقير لك ما نسي الكف يلي ضربتو اياه لما كنت صغيرة … لك كان ولد وجاي عم يعترف بحبو لطفلة أصغر منو … ما بعرف هلق هاد رجال يلي بيعمل هيك ولا ولد!
ومن بعد هاليوم اكتشفت انو لساه ولد.

بعد خيبتي الأولى ما عطيت نفسي ولا فرصة للمواجهة … خفت من الألم و الخسارة و الفراق … وهي الأمور مافي مفرّ منها على طريق المشاكل والهموم والمعاناة … وحتى نتجنّب هاي المعاناة لازم نتخلى عن طيبة القلب … وهالأمر بيشبه بأنو نقتلع عيونا كرمال يعمى نظرنا عن بشاعات الدنيا وبلاويها !!

للأسف ندمت من أول يوم لانه طلع نفس نسخة اخواتي وما طلع رج

أنت بالذات بتخرس

عصب مني ووجهو خنّق وقلي: فشرتي ولي وزواجك رح يصير الشهر الجاي كمان

ندى: اتزوجوه أنتو

قرب عابد مني ووقف قبالي بالظبط وقلي بتحذير: والله اذا ما بتتزوجيه لتشوفي شي ماشفتيه بحياتك.

ضحكت بمرارة وقلتلو: أكتر من هيك!!

عابد: والله هاد ولا شي

قرب أخي "أحمد" الكبير ونطق وأخيراً وياريتو ما نطق.
أحمد: يعني كيف بدك تطلقي لك انتي جنّيتي هاد ابن خالك والظفر مابيطلع من اللحم … مفكّرة حالك رح يجيكي أحسن منو.

ندى: هه أحسن منو!؟ إي ما هوي بيشبهكن فأكيد هوي أحسن رجال.

شرد بعيونو وسألني بغباء: شو قصدك؟

رجعت ضحكت بصوت عالي وقلتلو: لا سلامتك أخي يا سندي أنت.

وكملت ضحك وبصوت عالي كمان … ولمحت "صهيب" قرب من "عابد" وهمسلو بأذنو وبلشو يأشرو عليي يمكن فكروني جنّيت ههه … بس عنجد كنت حاسستن صغااار كتير وهني واقفين قدامي بهالشكل.
ماما وبابا عم يتفرجو من بعيد لبعيد وساكتين برودهن رح يعملي فالج … وماكانوا رايدين اتطلق … بابا بدو يستر عليي وماما كمان وبرأيا ابن اخوها منيح بس لو يعرفوا شو حاول يعمل شو رح يقولو؟ … وماقدرت احكيلهن شو صار أحسن ما تنحط عليي تهمة جديدة … لان أول الشي رح يحطو الحق عليي وأنو أنا سمحتلو لحتى اتمادى بس هني مابيعرفو طريقتو الحقيرة !!

ندى: والله اذا بتجوزوني اياه لموت حالي لأن الموت أرحم منكن كلكن.

باستهزاء "عابد" رد: أي عادي موتي أو قلك بالاول بكسرلك اجرك وبحملك اياها وبحلقلك ع الصفر لحتى تصيري فرجة لكل مين حب يتفرج وبعدين موتي ع راحتك.

التفتت لعند بابا وانا عم اترجاه يتحرك !! يحكي شي !! يوقفهن عند حدهن!!
ندى: باباااا احكي شي.

بابا: بكفي حكي بلا طعمة وندى اعقلي لازم تتزوجيه وبكرا مع الايام رح تحبيه

ندى: لك أنا بكرهو بكرهووو

قرب مني "عابد" وضربني على راسي وقلي: غصب عنك لتتزوجيه لا تخليني اتصل فيه يجي ياخدك من دون عرس لتصيري سيرة على كل لسان

ندى: مستحيل مستحيل … والله من هاليوم ومن هاللحظة مارح حط شي بتمى لأتطلق.

تركتن ودخلت على غرفتي رميت حالي ع السرير وأنا عم ابكي من قلة حيلتي وتحكم الكل بحياتي!!
كتبتلو رسالة ل "مؤيد" وقلتلو فيا ( أنا بكرهك واذا هلق بشوفك رح اضربك كمان كف متل قبل … وندمانة على كل دقيقة ضيعتا من عمري معك طلقني اذا كنت رجال)
ونمت ولسا دموعي على خدودي.
#رفقاً_بالقوارير_بقلم_مروةآغا
تاني يوم كانو اخواتي فوق راسي وعم يهددو ويتوعدو وكمان حددوا موعد قريب للعرس!!
وبعد تهديد اخواتي وكلامهن الجارح ومعاملتن السيئة وكتير اشيا ما بقدر احكيها ... لحتى بالنهاية أخدت قرار بالإضراب عن الاكل.
بقيت على هالحال عدة ايام ماما تحاول تطعميني وانا رافضة كلياً ومافي ع لساني إلا جملة (ماباكل لأتطلق)

وبعد أربع ايام من عدم الأكل جسمي تعب وحتى ماعاد قدرت وقف على اجريي.
مشيت غصب عني لوصلت لباب غرفتي لروح ع الحمام … ركيت جسمي على حرف الباب ودارت الدنيا فيي وبلشت شوف غباشة قدام عيوني … وقعت ع الأرض وغبت عن الدنيا.

ماحسيت بشي ولا سمعت شي بس فتحت عيوني وشفت حالي بغرفة كلا أبيض بأبيض وصوت ماما بقربي عم تقلي: الحمد لله ع السلامة هيك خوفتيني عليكي والله اذا ما بتاكلي لأزعل منك

كررت كلامي بصوت مبحوح: ماباكل لأتطلق.

هزت راسا بتعب وهيي عم تقول: الله يهديكي يابنتي.

وبعد التحاليل طلع معي فقر دم حاد ونقص تغذية وحتى نقص سوائل وحطولي سيروم بالمشفى … والدكاترة فكروا أهلي حارميني الأكل وصار في تحقيق بالموضوع وحاولو يبررو وحكولن انو خيفاني من الجازة والمسؤولية
ومن كتر ماتعبوا من عنادي وخافوا ع حالن من الشرطة بالنهاية وافقوا على طلبي وطلق واخيييييراااً..

كنت كتير مكتئبة وزعلانة صح خلصت منو بس كمان خسرت اهلي واخواتي ما حدا منهن طايقني.
حطيت قدامي صنية اكل كبيرة فيها مشكل ملون وكأني أول مرة باكل … أكلت بس شوي لان معدتي بلشت توجعني … وقفت ع شباك غرفتي وشفت السما كان لون السواد طاغي عليها … فتحت الشباك ودخلت نسمة هوا قوية لفحتلي وجهي … أخذت نفس عميق حسيتو دخل لكل ذرة بجسمي اتنهدت بألم وأنا عم اتنفس بعمق … الحمد لله رجعت #حرة بس لسا في غصة بقلبي من كلام الكل حواليي ولومهم الدائم …
مشيت عدة خطوات لوصلت للحمام اتوضيت ورجعت صليت استخارة ودعيت كتير لشوف شي يدلني انه معي حق بالطلاق.
ختمت صلاتي بسورة مريم والحمد لله بسرعة نمت

#تابعوني بصفحتي � مروةآغا � للمزيد من القصص �

{ كنت أنا ورفقاتي يلي معي بالجامعة عم نمشي وناكل بوظة … التفتت على يميني وشفت طريق طويل فوقو في غيمة سودة كبيرة قلتلن (تعالوا نمشي من هاد الطريق)
وأنا بداخلي عم قول انه هالطريق متعب بس الكل وافقوا ومشينا فيه....
وأنا عم امشي وجعتني اجري وحسيت بوخزة خفيفة التفتت وشفت حية كانت سودة وكبيرة ومرعبة … فجأة أختفوا رفقاتي وشهقت بقوة وصوتي كان عالي بس ماحدا سمعو رفعت اجري وبعدتا عني بقوة وبسرعة صرت أركض وبلش السم يمشي بجسمي … حسيت حالي رح انشل، حرارة جسمي أرتفعت، وبل

عم حاول ابتسملن … ورجعت عالبيت جهزت ابريق شاي وعملتلوا أركيلة وشوية موالح … وحطيت راسي ع صدروا وبلشت أعملوا مساج لأيديه لان بشغلو ايديه بيتعبو … وبدي أسألو ليش هيك عمل بس اترددت بالبداية.
ندى: حبيبي.

آدم: عيونو.

آدم: هلق أنا ماهاممني الفستان والحمد لله عندي بس ليش هيك خجلتني قدام أختك ع القليلة أحترمني.

قرب مني وغمرني وبعدين مسكلي دقني ورفع راسي باتجاهو وقلي
آدم: بتعرفي اختي أصغر وحدة وبابا متوفي من زمان وماداقت دلال متلنا وما الها غيرنا بخاف تزعل انه بشتريلك قدامها وهي ما في حد يشتريلا لانه ما تزوجت لسه.

عنجد جوابو خلا جسمي كلو يرتعش … اتذكرت اخواتي كيف بيعاملونا كرمال نسوانهن و "آدم" خايف على مشاعر أخته من شي من حقي عنجد لأول مرة بحياتي بشوف رجال عن حق وحقيق.

كنت ما اتمنى جيب بنت حتى ما يعملوا ولادي فيها هيك وكنت ادعي ما شوف البنات … بس لما شفت زوجي وتعامله مع اخته حسيت بنتي حتكون بأمان والحمد لله الله بعتلي "يامن" و "سلوى" يلي هني كل حياتي.

رغم كل التغيير يلي صار بحياتي إلا إني عشت وحيدة بمشاعري ما حدا حاسس فيي وبجروح قلبي لأن يلي بعيش بالألم ما متل يلي عم يشوفو ويسمعو ويقراه !
@rwayate
تزوجت وصرت أم بس ما قدرت افرح متل ما كنت افرح من قبل … ومتل ما كل أم بتفرح !
ولله الحمد زوج رائع بتتمناه كل فتاة وحبيتو أكتر شخص بحياتي وبفديه بروحي وأنا هلق عايشة كرمالو وكرمال ولادي.
#تابعوني بصفحتي � مروةآغا � للمزيد من القصص.

انا هلا ببيت زوجي بحلب … مبسوطه كتير وربي عوضني عن اخواتي الستة بزوجي واخواته … كتير حنونين عليي وعلى اولادي.
زوجي بيحبني كتير ووعدني وعد رجال انه ما يخلي حدا يشمت فيني ولا يتدخلو فيي كلامو دائماً بفرحني وبطمني وببكيني … وهوي دائماً بحس على دموعي وبيغمرني بحضنه.
عنجد رب العالمين بيبعتلنا ملائكة على هيئة بشر لتعوضنا عن كل الأسى والظلم.
آدم: دخيل هالدموع لك أنا وعدتك رح كون الك ومعك ووعد الحر دين

غمرتو بأيديي وانا عم اعصروا فيهن وقلتلو: الله يخليلي اياك.

خيفانة يروح … يبعد عني … لانو هوي الشي الحلو بحياتي وخيفانة يكون حلم ومابدي اصحى منو ابداً.

لهاليوم بحس في شي انشال من قلبي وحسيتو مارجع وبقي مكانو فاضي … ما عم حس بحزن ولا بفرح متل قبل هالشي الحقيقي يلي صار معي ما عرفت وصلكن اياه والمعاناة الي عشتا بالتفصيل … وما قدرت عبرلكن عن حجم الدموع والغصة والقهر والظلم يلي عشته … اختصرت الأحداث
@rwayate
وياريت قدرت وصلكن يلي عم يدور داخلي يمكن ارتاح … وبرجع "ندى" متل قبل … "ندى" الضحوكة والمزوحة يلي كانت لما تقعد بلمة بنات تمسك القعدة بحكياتا الحلوين واسلوبا … "ندى" يلي بتحلم وبتنبي أحلام ما بس بتعد الأيام لتنتظر نهاية الحياة لأن لما تغيب الشمس بيجي القمر … ولما يغيب المسا بيجي الصبح … ولما يغيب اليأس بيجي الأمل … ولما بغيب الحزن بيجي الفرح … ولما بتغيب الناس بيجي ناس غيرهم … بس وحدك لما بتغيب رح تترك وراك كل الأشياء في حالة غياب....
والنسيان هو محاولة قلب صفحة من كتاب العمر … أحياناً ممكن يكون الموضوع سهل … بس مادمنا ما قدرنا انو نقتلعا من جذورا رح تطلع دائماً بوجهنا بين كل فصل من فصول حياتنا.

بتمنى ما تقسو عليي وعلى أهلي بكلماتكن لان يلي بعيش المشكلة ما متل يلي عم يقراها بدي تنصحوني، تقووني، وتدعولي الله يحميلي جوزي وولادي ويبعد عننا كل شر.
وأهلي للأسف لسا محاوطين بالعادات والتقاليد والعيب والسكوت عن المشاكل كرمال وجع الراس !!

قصتي لحد الآن انتهت وبقلم #مروةآغا
_______________________________________
#النهاية