#داء_وَ_دواء
#الحلقة_الرابعة
#ياسمينة .
..
..
..
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت يمان واقف وبايدو المسدس وكان عم يتطلع ع الارض .. تطلعت هيي لقت في واحد ميت ع الارض صرخت وركضت لعندو
- يمان : تركيه وقومي
- فتون : كيف بدي قوم
- يمان : اكيد رح يجو لهون .. هلأ بيقتلونا
- فتون : بس لسه في نفس ممكن اساعدو
- يمان : فتون عم قلك رح يجو لهون قومي بسرعة
#كانت فتون عيونها ع الشب وبدا تساعدو مسكها يمان من ايدها وشدهااا
- يمان : لازم نمشي
- فتون : بس ..
#ركض يمان بالغابة وكان ماسك ايد فتون .. اما فتون فكانت عيونها لورا لسه وعقلها عندو وبدا تساعدوو .. بعد شوي سمعو صوت رصاص
- يمان : قلتلك رح يجو ولو كنا هنيك كنا هلأ متنا
- فتون : طب ممكن نستريح شوي انا تعبت ..
- يمان : رح نوصل تحملي شوي
#ضلو يركضو لحتى وصلو للطريق
- يمان : تعالي هي وصلنا عند السيارة
#قربو ع السيارة لقوهن مخربين الدواليب
- يمان : الله يلعنكم
- فتون : وهلأ شووو ؟؟ اكيد جاين ورانا
- يمان : مافينا نعمل شي غير انو نركض
- فتون : بس اذا لحقونا ح يقتلونا فورا هالطريق لا فيه سير ولا فيه دنيا
- يمان : ح ندخل بالقسم التاني من الغابة .. طريق مختصر لبيتنا
- فتون : يعني لفيت ودرت ورجعت لعنكن
- يمان : شو بدك تعملي نصيبك هيك
#فاتو بالجهة التانية من الغابة وبلشو يركضو لحتى وصلو للبيت .
- يمان : هنن وراي ع الاغلب تصرفوا
- حاضر معلم
#تفركشت فتون ووقعت
- فتون : اااخخ رجليي
- يمان : انتي منيحة ؟
- فتون : ع الاغلب التواء
- يمان : تمام شوي شوي
- فتون ؛ مو قادرة وقف عليهاا
- يمان : خلص اهدي ..
#حملها يمان ومشي .. دخلو ع البيت كان الكل قاعد وفات وهو حاملها وحطها ع الكنباية
- يمان : جيبي شي قطعة متلجة لهون
- فتون : انا منيحة
- جليلة : شو صار
- يمان : التوت رجلها ووقعت
#نور كانت واقفة وساكتة .. شايفة كيف عم يهتم فيها .. اول مرة بتشوف يمان هيك كتير انقهرت وتذكرت يلي حكاه يوسف مبارحة

#الليلة_الماضية ..
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : تتزوجيني ؟
- نور : شوو
- يوسف : منعلن خطبتنا وبوقتا يا بيرجعلك يمان يا اما بتلاقي حالك عايشة كتير منيح بلاه
- نور : يوسف انت عم تحكي جد ؟
- يوسف : اكتر مرة بكون فيها جدي .. فكري نور

#الحاضر
- يمان : صرتي احسن ؟
- فتون : ايي
#كانت جو العيلة متوتر من يلي عم يصير ومن انو عدوهن مو شايف قداموو ونور بس واقفة وعم تتذكر حكي مبارحة .. عم ينعاد ببالها
- نور : يمكن هالحكي ما وقتو بس ..
#التفت الكل عليها
- جليلة : بس شو بنتي ؟ شو صاير ؟
- نور : يعني الشي يلي بدي خبركم ياه انو ..
- انوووو ؟
#مشت نور باتجاه يوسف ومدت ايدها ومسكت ايدو
- نور : نحن قررنا نخطب
#الكل انصدم واستغرب وحتى يوسف كان مصدوم
- جليلة : شو هالحكي يلي عم اسمعو
- يوسف : صح انا مبارحة حكيت مع نور وقررنا نخطب
# الكل مصدوم مو عرفانين يفرحو ولا ينزعجو من تصرفن .. معروف نور ليمان كيف هيك بقررو يخطبو
- هاد الشي ممنوع بعيلتنا نحن كبار العيلة وقررنا نور ليمان ب اي حق بدكن تخطبو هلأ وما فكرتو بيمان
- يمان : انا ما عندي مشكلة
#تطلعت نور فيه وهي مصدومة توقعت يقول لا توقعت يركض ويبعدهم عن بعض ويقلها انتي الي
- يمان : يعني يوسف احسن مني بالف مرة ونور بتستاهل تتزوج حدا يحميها ويحبها ويصونها
- جليلة : بس نور انتي ...
- نور : كنت
#تطلعت بيمان وضحكت
- نور : انا ويمان ما النا نصيب مع بعض
#بعدها متأملة يمنعها ويقلا لا بس يمان رجع لعند فتون
- يمان : كيف صرتي
- فتون : احسن
#كل العيلة قعدت تباركلن وتهنيهن وقعدوا يحددو موعد الخطبة ونور عم تبتسم وتحاول تمنع حالها من البكي
- نور : عن اذنكم شوي
- جليلة : لوين بنتي
- نور : بدي ارتاح شوي بغرفتي
- الهام : تركيها خجلت عروستنا من حكينا
- نور : ستييي
- الهام : حكي غلط
#طلعت نور بدون ما ترد وقامت فتون وراها
الكل كان عم يخطط اما يمان ويوسف فكانو بالمكتب عم يفكرو بطريقة ليخلصو من عدوهن .
راحت فتون لعند نور وفتحت الباب كانت عم تبكي
- نور : مين سمحلك تفوتي كيف بتفوتي اصلا بدون ما تدقي الباب انقلعي انقلعي برا
- فتون : ليش هيك عملتي
- نور : شو عملت هاد الناقص تجي تحاسبيني
- فتون : انا ما عم حاسبك بس حابة قلك لا تعملي هيك شي .. لا تربطي حياتك بشخص ما بتحبيه
- نور : مين قال ما بحبو
- فتون : نور انتي يلي بيتطلع بعيونك بشوف يمان هلأ صرتي تحبي يوسف
- نور : لك انتي شو دخلك

#داء_وَ_دواء
الحلقة الخامسة
#ياسمينة .
..
..
..

#ضرب الباب برجلو ودخل ع المكتب .. كانت قاعدة وعم تشتغل ورا مكتبها وقفت اول ما شافتوو
- فتون : ش.. شو عم تعمل هون !!
- يمان : امشي معي
- فتون : يمان اطلع برا
- يمان : فتون امشي معي وبلا كتر حكييي
- فتون : ما بدييي ما بدييي ما عم تفهم
- يمان: انتي يلي ما عم تفهمي انو ولا مرة رح تستفادي شي لما تعانديني
#مسكها من ايدها وبالايد التانية اخد جاكيتها وطلع من الغرفة وهو عم يجرها وراه
- فتون : يمان تركنييي .. لك اتركني ما عم تفهمم
- يمان : امشي من تم ساكت
#ضل عم يشدها لحتى وصل للسيارة ركبها وراح للجهة التانية وفتون تأفأفت
- يمان : اوعك تعيديا
#تطلعت عليه بعيونها وقلبتهم بعدم اهتمام بدون ما ترد .
قرب منها وحصرها بينو وبين باب السيارة
- فتون : بعد هيككك
- يمان : انتي ليش بتعاندي دائما ولازم دائما تستفزيني
- فتون : وانت ليش مفكر انو الناس عبيد عندك ؟؟؟
- يمان : يمكن التصرفات هالناس هي يلي بتخليني اتعامل معن هيككك
- فتون : هاد مو مبرر .. انت عم تواسي حالك مو اكتر
#لمس خدها بايدو لمسة خفيفة رجفت وغمضت عيونا وبعدين مسكها من فكهااا بقوة وحكا بنبرة غضب
- يمان : لا تخليني عصب اكتر
#ما كانت قادرة تحكي من كتر قوتو .. نزل ايديه ورجع لمكانو وفتون دارت وجها ع الشباك
- يمان : بتعرفي انو بتكوني حلوة لما تسمعي الكلمة
#غمضت عيونا وعملت حالها مو سمعانة .. وضلت طول الطريق هيك لحتى وصلو ع بيتهن نزل وراح فتح الباب ومسكها من ايدها
- يمان : اوعك تحكي شي جوا عم تفهمي.. ولا تحاولي انك تتذاكي علي
#هزت براسها باستسلام وفاتو
- جليلة : ابنيي
- يمان : امي فتون تعبانة ولازم ترتاح بعدين منحكي
- جليلة : بس ابنيي
- يمان : امي قلت بعدين
#كفا طرريقو بدون ما ينطرها ترد حتى وفتون ما حكت ولا كلمة ونور كانت واقفة وعم تتفرج بس ..
فتح باب الغرفة ودخلها رماها ع الارض وسكر الباب
- يمان : لازم نحكي
#قامت فتون عن الارض وضحكت باستهزاء وقالت
- فتون : حابب نخطط لنخرب حياتي بطريقة حلوة مثلا
- يمان : ابدا مو وقت مسخرتك
- فتون : طبعا طبعا تفضل احكي انا رح اسكت
- يمان : رح نتزوج
#فتحت عيونا ع وسعهم وحكت
- فتون : شووووو
- يمان : متل ما سمعتي ومعك من هون لبكرى تتقبلي الفكرة
- فتون : مستحيل عم تفهم مستحيل اتزوج واحد مجرم متلك مستحيل مستحيلللللل
- يمان : لا تصرخي
- فتون : بدي صررررخ لا تكون بهالبرود .. لككككك انا ما رح اتزوجك عم تفهم ما رح اتزوجك لو بتكون اخر رجال بهالكون .. لانك مجرم وفاشل ومتسلط وما بتعترف باغلاطك واني اتزوجك يعني اني عم وقع ع ورقة موتي وكل هاد بكفة وانو فوت لهالعالم بكفةةة تانية
- يمان : كل هالحكي ما بهمني . انا يلي عندي قلتو
- وفتون : وانا مو موافقة
- يمان : انا ما طلبت موافقتك اصلا
- فتون : بس الشيخ رح يطلبها وانا رح قول لااا لا لاااا
- يمان : بنشوف
#تركها وطلع وقفل الباب من برا ونزل
- يمان : يا ويلو يلي بسمع انو طلع لعند فتون
- جليلة : ابني فهمني بس شو في
- يمان: بكرى رح نتزوج انا وفتون اذا حابة انك تجهزي شي
- جليلة : بكرى ؟
- الهام : ابني مستحيل نلحق
- يمان : معناها لا تجهزو شي لانو انا مستحيل اجل
- نور : ما عاد قادر تنطر
- يمان : لا رح موت على ما نكون سوا
- جليلة : ابنييي
- يمان : يلي بدق الباب بيسمع الجواب
#طلع يمان من البيت ورجع ع الشركة
- جليلة : هو ما قصدو شي يا بنتي
- نور : بعرف .. بعرف
- جليلة : يلا لكن خلينا نبلش
- يوسف : بشو بدكن تبلشو
- جليلة : اخوك بدو يتزوج بكرى
- يوسف : بكرى !!
- جليلة : اي والله يا ابني . عقبال ما جهز لعرسك
- يوسف : لا امي صعبة شوي لانو انا ونور قررنا انو ..
#قاطعت كلامو نور وحكت
- نور : نعلن خطبتنا بهالفترة للعالم كلا.. صح يوسف ؟
- يوسف : ها !!
- نور : عم قول ليش ما منخلي الفرحة فرحتين يعني خطبتنا انا ويوسف ويمان وفتون
- جليلة : بس يمان حكى انو العرس بكرى يعني مو ناوي يأجل
- نور : يوسف بيحكي معو وبيقنعو
#يوسف واقف ومصدوم من كلام نور وعم يحاول يستوعب ويقارن بين حكيها هلأ وحكيها قبل يومين.. سحبها من ايدها ودخل ع غرفتو وسكر الباب
- يوسف : انتي شو عم تحاولي تعملي فهميني
- نور : عم جهز لخطبتنا
- يوسف : خطبتنا يلي كنتي بدك تلغيها كلو قبل يومين
- نور : ما كنت عم فكر بعقلي
- يوسف : بشو كنتي عم تفكري !! بشووو
انا عنجد بطلت افهمك ابدا عم حاول كل الوقت انو كون رايق وسايرك وما اجرحك بس انتي بتصرفاتك هي عم تجبريني جن وعصب
- نور : تصرفاتي ؟ ليش شو عملت انا
- يوسف: بعرض عليكي نتزوج بتعصبي وبتقولي لا وفجأة قدام كل العيلة بتقولي رح نتزوج وبعد يومين بصير بدك تلغي العرس وبدك تجيبي حكي لحالك وتششككي الناس بشرفك لحتى ينلغى العرس واليوم بدك تجهزي للخطبة ... نور فهمينيييي لشو عم تحاولي توصليي

- يمان : فتون امشي
- فتون : اتركنييييي انت مو احسن.. طول هالمدة كمان انت بتعرف وساكت كلكن ساكتين كلكن عم تضحكو علي كلكن .. وانا اللي كنت طول الوقت عم فكر يمان ليش رفع دعوة طلاق .. وفكر وفكر وفكر وما لاقي سبب وطول الوقت فكر يمان ليش بيكره امي ؟ وسألتك مرة وتنتين وتلاتة وما كنت تجاااوب ليشششششش
- منار : ابني
- يمان : لا تقوليلي ابنييي انتي مو ام ولا بعمرك ح تصيري ام .. بعمرككك
#مسكني يمان من ايدي وسحبني وراه
- منار : ما فيكن تروحو هيك .. اسمعوني .. يماااان .. انا مو امها لفتون
#وقفنا انا ويمان اول ما سمعنا هالجملة وفتلنا عليها.. قربت وانا ناطرتا تكمل الجملة لاستوعب الحكي
- يمان : حاج تكذبي حاااج
- منار : ما عم كذب ..
#تطلعت بفتون وكملت كلامها
- منار : امها لفتون ماتت ومن زماان ..منار مااتت .. انا.. انا بكون توأم امك
- فتون : ككيف !!

#يتبع
#ياسمينة 💜🌸

#داء_وَ_دواء
#الحلقة_الرابعة_عشر_والاخيرة
#ياسمينة 💜
..
..
..
- فتون : كيف
- منار : ما عاد قادرة خبي اكتر من هيك لازم تعرفو يمكن ع الاقل هيك بسامحني يمان
- يمان : ما رح نسمعك لانو مافي اي كذبة بتقدر تخلينا نسامحك
- فتون : انا بدي اسمع انا ما فيني عيش جوا متاهة ما الها بداية ولا نهاية
- يمان : فتون
- منار : انتو التنين مو اخوات .. وانا مو منار انا لمار
- يمان : وين الجديد
- لمار : رح بلش من البداية .. انا ومنار توأم كبرنا بعيلة مافيا .. منار حبت شخص اسمو خالد كمان كان من عيلة مافيا واصلا تعارفن كان بفضل المافيا .. نفوذ عيلة خالد كانت ضعيفة كتير وعيلتي ما قبلت تربط اسمها مع اسم هالعيلة لانو هالشي رح يسببلا مشاكل كتير قررت منار انو تهرب مع خالد وبالفعل هاد اللي صار وهربو على مكان بعيد وما عاد عرفنا عنن اي شي بس اهلي بقيو يلاحقوهم وكانو مصّرين انو يلاقوهم .. بهاد الوقت كنت انا وابوه ليمان منحب بعض وابوه ليمان كانت نفوذ عيلتن قوية بس كان في تار بين العيلتين يعني كان من سابع المستحيلات انو نقدر نتزوج وحتى كنا نتلاقى قليل كتير بس كان في مرسال بينا كانت رفيقتي .. تاخدلو اخباري وتجبلي اخبارو وهالمرسال كان جليلة
- يمان : جليلة !!!
- لمار : اي جليلة .. جليلة كانت من عيلة عادية كتير وكانت تروح وتجي كتير .. حتى علاقتها مع اهل ابوك صارت قوية كتير ولما عرفو بعلاقتنا ما كان قدامهم غير جليلة يزوجوه ياها وهي كانت ناطرة الفرصة ع احر من الجمر
#تطلعت بفتون
- لمار : عرفتي هلأ ليش كان بدي اخطف جليلة . كان بدي انتقم واطفي النار اللي شعلتها بقلبي من سنين طويلة ..
اول ما عرفت بزواجهم جنيت وعصبت ومرضت وكمان بعدت يعني قررت سافر برا البلد فترة منيحة لانسى وهنيك تعرفت ع داوود اللي هو زوجي هلأ مشينا كذا شغل سوا وكان بدو نتزوج بس انا تركت المدينة ورجعت لهون .. ورجعت التقيت بابوك وتزوجنا بالسر وخلقت انت .. كنت كل يوم قول الوضع رح يتحسن .. كل شي رح يزبط بس كان يصير العكس تماما كل شي كان عم يروح بالاتجاه السيء .. الامور ابدا ما كان بقدرتي انو سيطر عليهاا .. وبهالفترة رجع داوود ع البلد والتقينا ورجع عرض علي الزواج وانا قبلت لانو ما عاد قادرة اتحمل اكتر .. انا ما تركتك انا قلتلو لابوك وترجيتو انو ع الاقل تبقى انت معي اذا هو بدو يروح.. بس هو ما رضي هو اخدك لعند جليلة لتربيك وتشعل نار تانية بقلبي.. تزوجت انا وداوود وما بكذب ابدا كنت ليل نهار عم خطط لادمر جليلة وابوك بس ابوك مات
- يمان : انتي اللي قتلتيه
- لمار : ابدا ما كان الي علاقة بالتفجير اللي صار .. كنت مخططة لكل شي بس فجأة فتون دخلت ع عيلتكن بدون اي تدبير مني .. وانا استغليت الفرصة واستغليت شبهي لامها واستغليتا لانتقم بس ما كنت مفكرة انو الموضوع رح يوصل الك
- فتون : استغليتيني كرمال انتقامك ؟؟
- لمار : انا اسفة
- فتون : بشو بتنفعنيييي
- لمار : بعرف ما عاد في شي ينفع بس في شي تاني لازم تعرفيه
- فتون : شو في اكتر من هيك شووووو
- لمار : انا السبب بموت امك .. امك ما تركتك ولا بعمرا فكرت انو تترك بس تواصلنا انا وامك بعد فترة انقطاع طويلة .. وكنت شوفا اديه مبسوطة بحيااتا مع الشخص اللي بتحبو وما قدرت اتحمل هي تكون مبسوطة وانا لا .. بالبداية انا اللي خربت شغل خالد ولما شفتها ضلت معو رغم كل شي انا ..
- فتون : ايييي انتي شووو
- لمار : انا رحت وخبرت خوالك عن مكانها وراحو وقتلوها وبوقتا انا صورت فيديو انو ما عاد اتحمل الوضع وانو رح ارجع لعند اهلي وتركتو لابوكي
#انفاسي بلشت تتسارع وكلامها عم يدور براسي
- يمان : فتووون .. فتووون
#اختل توازني ووقعت وما عاد وعيت ع شي .. فتحت عيوني كنت بالسيارة وكان يمان عم يسوق

#داء_وَ_دواء
#الحلقة_الاولى
#ياسمينة
..
..
..
#النجاح شعور كتير حلو .. فعلا بتحس بانتصار لما تتغلب على فشلك .. تنجح رغم كل الصعوبات كل المشاكل .. كل الازماات .. كل المعوقات
الشي الغريب فعلا انوو اول واكبر اعاقة لنجاحي كانت ابي .. ابي يلي المفروض يكون سند يكون ملجأ امان بس لا .. كان ملجأ عذاب .. عذاب وبس .. بس رغم هيك نجحت .. نجحت ودرست وصرت دكتورة معروفة بجهدا وشطارتا وقوتا وذكائها ..
_______
#خلصت مناوبتي وبدلت تيابي وطلعت من المشفى .. حبيت اتمشى متل كل يوم والطرقات فاضية .. اكتر من الف شخص مرق من هون اليوم وكلن في بقلبن هموم متلي متلن .. يا ريت لو ما كان في هم بالدنيا .. يا ريت لو قدرنا نزيل الهم بشي تاني .. وشو رح تنفعني كلمة يا ريت ..
#كانت ماشية وعم تفكر بينها وبين حالها لحد ما هدت جنبها سيارة ونزل منها شب لابس اسود ب اسود
- لو سمحتي ..
- فتون : تفضل بشو بقدر اخدمك ؟
- حضرتك بتشتغلي بالمشفى شي
- فتون : اي انا دكتورة هون
- الله يوفقك رفيقي جريح لازم تساعديه
- فتون : وينووو
- ما قدرت جيبو لان في ببطنو سيخ
- فتون : سيخ شو ؟
- كنا بمنطقة عم يبنوها ووقع واجى فوق قطعة وفيها سيخ لازم تنقذيه الله يوفقك هو قريب من هون خمس دقايق منوصل
- فتون : طيب طيب امشي
#كان عم يحكي بلهفة وخوف مو طبيعي .. ركضت فتون وركبت معو بالسيارة ومشي وصار يفوت بطرقات وقفل السيارة
- فتون : لي قفلتا
- ولا حرف
- فتون : مين انت شو بدك مني ؟؟ نزلنيييي
- لازم تعالجي شخص بالاول بعدين برجعك لقدام المشفى
- فتون : لي قفلت السيارة
- اضمن
#حاولت فتون تبقى البنت القوية وما تبينلو انو الخوف متملكها .. كانت عم تردد بينها وبين حالها انو هاد شغلها ورح تخلص شغلها وترجع وتحاول تقنع حالها انو مافي شي رح يصير بس الشب بلش يفوت بمنطقة مقطوعة ما فيها حدا ..
- فتون : رفيقك لي ما اجى عالمشفى وشو هالمكان يلي جاي عليه
- ما تخافي لو بدي اعملك شي رح قلك مو خايف منك
- فتون : رفيقك وين
- بالغابة
- فتون : نزلني
- مو مستاهلة رح نوصل ..
#كان عم يمشي بطرق الغابة .. ما ضل لا بيوت ولا شي وضل يمشي لحد ما وقف قدام بيت .. صف السيارة ونزل وراح فتح الباب ومسكها من ايدها ومشي ..
- فتون : شوي شوي
- امشي من تم ساكت
#دخلها ع البيت ودخلها ع غرفة ووقعت بالارض قدام شب منصاب برصاصة بكتفو
- عالجيه
- فتون : لازمني كتير غراض وحتى بدي حدا يساعدني
- كل شي موجود
#راح ومسك صندوق وعطاها ياه وقعد جنب الشب من الجهة التانية
- كل شي بدك ياه بتلاقيه هون
- فتون : بدي كحول لحتى عقمهن
- نور
- نور : امرني
- جيبي كحول
- نور : حاضر
#جابت البنت كحول وبلشت فتون تعقم الاغراض .. مسكت المقص وقصت الكنزة
- فتون : مافي مخدر هون
- مشي حالك بلاه
#تطلعت فتون بالمصاب
- فتون : انا اسفة بس رح تتوجع كتير
- بتحمل مو مشكلة بس خلصينيييي
#بلشت فتون تفتح الجرح وكان الشب عم يساعدا بتخفيف الدم وتعقيم الجرح وكتير شغلات وهي عم تشيل الرصاصة توجع الشب ومسك ايدها
- فتون : ما بقدر شيلا
- كيف ما بتقدريييي مو انتي دكتورة
- فتون : الواضح انو الرصاصة بين عظام الكتف ما بقدر طالعها بدون الصور والتحاليل
- طالعيا
- فتون : صدقني خطر كبير كتير ع حياتو اذا رح طالعها
- ما فيني اخدو ع المشفى
- فتون : وانا ما فيني اعمل شي غير انو عقم الجرح واكتبلك ع مسكناات
- تمام
- فتون : شكلك ما عم تستوعب اللي عم قولو
- انتي اللي ما عم تستوعب انو ما بقدر دخلو مشفى ما بقدررررر .. قوليلي اي شي تاني لحتى جبلك ياه
#خيطت الجرح وعقمتو وضمتو
- فتون : هلأ لحالك رح تغفى
#حرك الشب راسو بمعنى اي .. اما الشب التاني ف طلع من الغرفة ولحقتو فتون
- فتون : لازم يروح ع المشفى
- ما بيقدر يروح
- فتون : ليشش
- نور : لا تكتري اسئلة
- فتون : اها .. تمام معناها رجعني ع المشفى
- ما بقدر
- فتون : لحظة كيف ما بتقدر !!! ما قلتلي بس تعالجيه رح رجعك
- بس انتي ما عالجتيه
- فتون : بس انا م..
#عصب وضرب ايدو بالحيط
- قلت ما فيكي تروحييي
- نور : تمام يمان اهدا
- فتون : ما فيك تحبسني هون
- يمان : مبلا فيني واي تصرف غلط باخد روحك ماشي .. فوتي ضلي جوا عندو وانتي خليكي معا مشان ما تعمل تصرف غلط
- فتون : عم قلك ما فيني ابقى هووون شبك ما عم تفهم
- يمان : نور خديها من هون بسرعة
- نور : امشي قدامي .. فوتييي
#دفشتها نور لجوا الغرفة وفااتت وقعدت ع الكرسي وفتون ضلت واقفة اما يمان ف طلع برا البيت وشغل السيارة ومشي
- فتون : فيني اعرف ليش ما رح تاخدوه ع المشفى
- نور : لانو بالمشفى حياتو بخطر اكبر

- خالد : منيح كتير منيح يوم خير علي وع بنتي كيف ما بدي كون منيح
- فتون : تمام بس بدي خبرك انو صار عندي وضع طارئ ويمكن اتأخر اليوم او يمكن ما اجي اذا تأخر الوقت كتير
- خالد : عنجد بس .. انا شفت مناوبتك بكررى
- فتون : اي مزبوط بس اليوم وضع طارئ .. ليه في شي ؟
- خالد : كنت .. خلص انسي مافي شي بس ترجعي منحكي
- فتون : ماشي
#سكرت الخط وشلفت الجوال ل يمان
- يمان : كان نكسر
- فتون : اخر همي
- يمان : همجية
- يوسف : مطولين انتو التنين
- فتون : هه
#وقف يمان قدام بيت فخم كتير.. بالحقيقة قصر مو بيت والحراسة بكل مكان نزل يمان وساعد يوسف لحتى ينزل وانا نزلت وقفت جامدة بمكاني ما عرفانة شو اعمل وكيف امشي .. طلعت وحدة منيحة بالعمر ومبين عليها هيبة وركضت لعند يوسف وضمتو وما تحكيلو غير يا ضناي .. لحقوها اكتر من وحدة منهن اكبر ومنهن اصغر وكمان ضموه وبوسوه وكل شي كان ريلاكس لحد ما اجت العفريتة " نور " ريتو الله ما كان جابا وركضت لعند يمان وضمتو وتحكيلو كنت خايفة عليك كتير هالحقيرة! وما بعرف ليش انا مزعوجة وعم فور واغلي وبعد ما خلصو حبن واهتمامن قررو بجلالة قدرن يلتفتو ويسألو عني
- مين هي ؟
- يمان ؛ هي الدكتورة يلي عالجت يوسف
- يوسف : يعني لولاها انا ما كنت عايش
- بعيد الشر لا تحكي هيك .. بنتي عنجد شكرا الك انقذتي ابني وحيدي
#تطلعت فيا وقلت بيني وبين حالي وحيدك ! كيف وحيدك وطول الوقت يمان بناديلو اخي وما بعرف شو !!
- فتون : ولو هاد واجبي يا خانم
- تفضلي تفضلي ما تواخذينا ما النا بالعادة ننسى ضيوفنا
- نور : ضيوف .. هه الله يبعد هيك ضيوف عنا
- عيب بنتي ليش هيك عم تحكي
- نور : ولا شي عمتي
- عيب تحكي هيك مع شخص واقف ببيتنا
- نور : بس عمتي
- بلا بس بلا شي يا ريت ما يتكرر هالموقف فهمانة
#ضحكت ضحكة استفزازية بوجها ودخلت لجوا معهن .. ضيفوني ورحبو فيني وحبوني واهتمو فيني واخر دلال ونور اعصابا عم تحترق .. الصراحة ما بعرف ليش بس كنت مبسوطة بهاد الشي.. مبسوطة كتير
#المسا
#كل واحد انشغل بحالو وانا قاعدة بالصالة مع نور وختيارة كبيرة بالعمر ونور وهالختيارة عم يحكو بمواضيع وع ناس وانا متل الاطرش بالزفة .. انتبهت ل يمان كان قاعد بالحديقة . وقفت وبدي روح لعندو
- لوين لك بنتي
- فتون : طالعة شم شوية هوا وارجع
- لا تطولي لان السفرة رح تجهز
- فتون : ماشي
#مشيت فتون وتطلعت نور وشافت يمان بالحديقة وعرفت انوو رايحة لعندو وقفت وبدها تروح توقفا
- بنتي وين رايحة انتي كمان
- نور : ستي هلأ بجي
- تعي كمليلي شو صار بعدين انقلعي
- نور : بس ستيي
- اقعدييي
#قعدت نور وهي عيونا ع الحديقة بس مو قدرانة تعمل شي غير تطلع من بعيد
____
#وصلت فتون لعند يمان كان قاعد ع الكرسي وعم يدخن وهي واقفة وراه بدون اي صوت
- يمان : شو بدك
- فتون : كيف عرفت اني هون
- يمان : حاسة سادسة
- فتون : ااا قلتلي
- يمان : صار شي
- فتون : بدي ارجع ع البيت
- يمان : تأخر الوقت .. اصلا اهلي ما رح يخلوكي تطلعي الليلة
- فتون : بس انا بدي اروح ومتل ما خطفتني لازم ترجعني
- يمان : فتون بلا نق
- فتون : ما بشتغل عندك لتحكيني هيك
#قام وقف قبالا وتطلع بعيونا
- يمان : بلا نق
#ضلت فتون واقفة مكانا وهنن التنين عم يتطلعو ببعض وهدووء .. نور كانت معصبة بعدين ما عاد تتحمل وقامت فتحت باب الحديقة وشافت ضو احمر ع يمان ..
- نور : يمااااااااان
#تطلع يمان فيها وبعدين انتبه ع الضو ع فتون وفتون عم تطلع ع نور بعدين ضمها وفتل بسرعة بعد عن المكان وطلع صوت رصاصة وصرخت فتون
- فتوون : شو هااد
#الشب فورا هرب .. ونور نادت للحراس مشان يلحقوه وركضت لعند يمان
- نور : انت منيح
#طنشها وتطلع بفتون
- يمان : صرلك شييي
- فتون : لا انا منيحة
#انقهرت نور كيف تجاهلها وتطمن ع فتون
- يمان : هالندل صار يشتغل غدر
- فتون : ممكن تفهموني شو صااار
- يمان : ولا شي
#مشي يمان بدو يروح ورا الحراس مسكتو فتون من ايدو ونور واقفة عم تطلع بس .. التفت يمان وتطلع ع ايدها بعدين رفع راسو وشاف عيونها كلها دموع ورجع بلهفة
- يمان : شو في ؟؟ صرلك شي
- فتون : لا
- يمان : ليش عم تبكي
- فتون : بدي ارجع ع بيتي
- يمان : تمام بس ارجع باخدك
#نور كانت عم تحترق وبدها تصرخ وتبكي بس مسكت حالهاا .. مسكت ايد يمان وسحبتا من بين ايدين فتون
- نور : لازم تلحقن
#انتبه يمان انو انزعجت من يلي صار بس ما حكا شي وراح .. ورجعت فتون ع البيت لقت امو ليمان واقفة ع باب الحديقة وشافت نور عيونها مليانين دموع
- جليلة : نور !
#خبت نور دموععا فورا وضحكت
- نور : ايي
- جليلة : شو يلي صار ؟
- نور : ولا شي

#اجت بدها تطلع
- زياد : لحظة ما بحقلك تتركيني هيك لازم تنقذيني
- فتون : لك انا ابي تركتو بين ايديهن بدك انقذك الك
- زياد : فتون ..
#بهاللحظة ضرب يمان الباب برجلو ودخل .. سكر الباب وقفلو وطالع المسدس
- زياد : يمان بيك خلينا نتفاهم شوف انا مسكتلك فتون ما خليتا تهرب بظن لازم تتركني عايش مقابل هالشي
- فتون : يخرب بيتك من حالككك
- يمان : فتون انطريني بالسيارة
- زياد : لك بتهرب لا تتركها
- فتون : من كل عقلك جاي انقذك انا لك انا جاي افضحك وافضح كذبك يا واطي
#رفعت الجوال وفرجتو المكالمة
- يمان : فتون انزلي انطريني بالسيارة انا رح خلص شغلي واجيي
- فتون : ماشي
#طلعت فتون وسكرت الباب ورجع يمان قفل الباب ..
- زياد : ما فيك تعملي شي المشفى مليان امن
- يمان : عنجد خفت كتير
#حط المسدس ع الطاولة
- يمان : شوف ها تركت المسدس لا تطلب الامن
- زياد : هاا كنت عم تعمل مراجل قدام فتون يعني .. اطلع برا بسرعة مشان ما اطلب الامن
- يمان : مزبوط وليكني رح اطلع بس مو قبل ما العن شرفك يا وسخ
#هجم عليه وبلش يضربو لحتى شوهلو وجهو وكسرلو عضامو .. قام يمان وعم يرتب تيابو
- يمان : شغلتين لازم ما تنساهن الاولى انو لو فكرت تلعب معي مرة تانية رح اقتلك والتانية اذا بتحاول تفكر مجرد تفكير انك تأذي فتون رح تلاقيني بوجهك وكمان وقتا رح اقتلك فاهممم
#هز زياد براسوو وهو عم يمسح الدم من ع وجهو . حمل يمان المسدس وطلع
- زياد : الله يلعنك .. ما بكون زياد اذا ما بقتلك يا حشرة
_
#ركب يمان بالسيارة
- فتون : قتلتو ؟
- يمان : شوفك خايفة عليه
- فتون : بينخاف منك صراحة حتى عدوي ما بسخى سلمك ياه
#رجعو ع البيت وكان الكل مشغول وعم بحضر ويزينو الحديقة
- فتون : افف
- يمان : شكلا ما عاجبتك الزينة
- فتون : لا العريس هو يلي ما عاجبني عنكن تبديل
- يوسف : اذا العريس كان سيء كتير بنبدلو اكيد
#ابتسمت فتون ليوسف وضمتو
- فتون : سيء كتيررر
#سحبها يمان
- يمان : احترمو اني واقف.
- يوسف : صح العريس سيء بس شكلو بغار
- يمان : هه انا .. مستحيل
- يوسف: وانا بشهد
- يمان : اخيييي
- يوسف : خلص تعا بدي ياك بشغلة
- يمان : اطلعي ع الغرفة
- يوسف : الكل بغرفة نور عم يجهزو حالن روحي لعندن
#تطلعت بيمان يلي رفع حواجبو بمعنى لا بدون ما ينتبه يوسف
- فتون : لا معلش انا بتجهز لحالي
#دخلت فتون ع الغرفة لقت فستان ابيض بسيط وطويل للارض
___
- يوسف : امجد
- يمان : شبو
- يوسف : ما اله اي اثر
- يمان : اريح
- يوسف : كيف اريح يمان كيف اريححح
- يمان : شو بدك اعمل يعني
- يوسف : يمان ركز معي امجد دخل بينا وعرف كتير شغلاااات عن شغلنا وغير هيك انت كسرتو للولد تكسير وبعدين بيوم وليلة بيختفي لكك لدرجة انو حتى اسم بالنفوس ما الو
- يمان : هاد بدل ع انو رح نلعب مع عيلة قوية شكلنا
- يوسف ؛ قوية وكتير .. صرلي اسبوع عم حاول اعرف لاي عيلة ممكن يكون عم يشتغل بس عبث
- يمان : طيب الولد مو المفروض انه يتعالج
- يوسف : بعض المشافي تأكدت انو هو مانو فيها ولكن في مشافي تانية ما قدرنا نشوف سجل العمليات او سجل الدخول او بيناتن بشكل عام
- يمان : جربت تدفعلن
- يوسف : لا لانن من المشافي يلي اسمهن معروف وما بيقبلو رشوة ومستحيل يوافقو ع شي ممكن يخرب سمعة المشفى
- يمان : والحل
- يوسف : في حل براسي بس ما بظن يمشي حالو
- يمان : شو هو
- يوسف : فتون
- يمان : فتون !! فتون شو دخلها بشغلنا
- يوسف : فتون دكتورة ومعروفة كتير وحسب ما فهمت اي دكتور بيقدر يشوف بيانات المشفى بحجة انو بدها تساعد بالعملياات الخطرة .. بس فتون مستحيل توافق
- يمان : اتركها علي
- يوسف : يمان ما رح تهددها وما بدنا اي مشاكل لحد هلأ ما بعرف ليش امجد ما اشتكى عليك بس رغم هيك خبرت المحامين من هلأ ليكونو جاهزين .. خلينا نخلص من هالمشكلة وبعدين ادخل بمشكلة تانية الله يوفقككك
- يمان : تمام خلص ما رح هددها
#دخلت جليلة لعندن
- جليلة : انتو لهلأ لسه ما جهزتوو يلا
- يوسف : لسه بكير
- جليلة : ولاحقين ع الشغل يلا
- يمان : قوم قوم قبل ما تقتلنا
- جليلة : انت وين رايح
- يمان : ع غرفتي
- جليلة : ممنوع
- يمان : غرفتيييي
- جليلة : قلت ممنوع فتون فيها .. انا رح خبرن ياخدو طقمك ع غرفة يوسف .. واذا بعرف انك رحت ع غرفتك مو نيالك
- يوسف : عنديي خلص ما رح اتركوو
_
#كانت واقفة قدام المراية لابسة فستان للارض وكمامه شفافة تصميم بسيط كتير ورافعة شعراتها لفوق بتسريحة بسيطة ونزلت خصلتين ع وجها ومكياج خفيف .. حطت تاج صغير ع راسها
- فتون : انتي اليوم كان المفروض يكون عرسك .. نفدتي اليوم فتون بس بكرى شو .. لما يجي يمان ويقلك العرس اليوم شو .. يا الله ليش هيك ليش عم تمتحني هيك بعمري ما تخيلت حتى مجرد تخيل انو رح ادخل ع هالعالم .. العالم يلي هربت منو سنين طويلة ليكك فتون اليوم انتي عم تتزوجي من واحد مافيااااا .. يا رب اي معجزة

كسرتو تكسير بس اجى حدا من وراي وضربني ع راسي وغميت لفترة لما فقت ما لقيت الشب وكنت متأكد انو كان عايش وجماعتو انقذوه .. اختفى الشب حتى اسم بسجل النفوس ما الو يعني عيلتو قوية كتير لدرجة قادرين يتلاعبو بوراق الدولة بسهولة ولهلأ ساكتين ما عطو اي ردة فعل
#كان عم يحكي وهو حاضنها وعم يلعب بشعرها .. رفعت راسها وتطلعت فيه
- فتون : انا شو دخلني
- يمان : انت ما دخلك بشي كل القصة انو يوسف كان بدو يطلب منك مساعدة كونك دكتورة مشان ينقذني بس كان بيعرف من الاول انو ما رح توافقي
- فتون ؛ شو ممكن يعملو
- يمان : يدخلوني ع السجن وبعدها بدبرو موتي
#سكتت شوي ما بعرف ليش قلبي وجعني لما حكا هيك رغم انو مجرم ووحش واناني وعصبي وكل الصفات السيئة مجتمعة فيه بس ما فيني شوفو عم يدخل السجن او يموت
- فتون : بشو بدي ساعدكن
- يمان ؛ اذا دخلت السجن رح تكوني حرة
- فتون ؛ رح كون حرة رح يجي اليوم يلي تتركني بحالي وتعملي بايدك مع السلامة
- يمان : صايرة بتحلمي وانت فايقة كمان
#ضربتو ع كتفو
وقمت نزلت لعند يوسف ونزل هو معي.. فتحت الباب ودخلت راسي
- فتون : ممكن ادخل
- يوسف : اكيد تعالي
#دفش يمان الباب بهمجية
- فتون : همجي
#تطلعت بيوسف
- فتون : اسفة ع اللي صار قبل شوي بس عنجد ما كنت بوعي يعني دخلت بصدمة من يلي حكيتوه
- يوسف ؛ بس ردة فعلك كانت غريبة
- فتون : اوقات بصير معي هيك لما تجيني كتلة مصايب
#اشرت باصبعتا ع يمان
- فتون : بس قلبي طيب لدرجة جاي انقذ كتلة المصايب يلي فوق راسي
- يوسف : حكالك
- فتون : نص الحكاية
- يوسف : يعني بتعرفي شو لازم تعملي
- فتون : لا
- يوسف: تعالي
#قربت ع طاولة المكتب بس قبل ما يبلش يحكي رن جوال يمان .. سكر الخط بس رجع رن مرة تانية وطلع من المكتب ليرد
- يوسف : شوفي الولد اكيد بالمشفى او يمكن ما يكون موجود بس الو سجل في بعض المشافي قدرت شوف السجلات وكاميرات المراقبة والبعض لا واول مثال مشفاكم والمطلوب منك تقدري تخليني ادخل ع سجلات المرضى وانا بتكفل بالباقي وكونك دكتورة معروفة بس رح يكون سهل
- فتون : سهل وحتى بقدر دخلك ع امن المراقبة وتشوف الكاميرات
- يوسف : تمام لكن امشي
- فتون : بس قبل ما ساعدكم عندي شرط
- يوسف : شو هو
- فتون : بدي ارجع ع شغلي ع مشفاي ع مكتبي ع جزء صغير من حياتي الطبيعية
- يوسف : موافق
- فتون : بس يما..
- يوسف : اتركيه علي انا بقنعو
- فتون : تمام
________
#طلعو فتون ويوسف ومن مشفى لمشفى بس عبث
- فتون : شكلنا ما رح نلاقيه
- يوسف : بقي مشفى واحد بس واللي هو مشفاكم
- فتون : شو يضمنلك ما يكونو عالجوه برا البلد
- يوسف: كان مكسر محطم ع الاخر اقل شي بدو عمليتين تلاتة هون ليتحسن وضعو ويسمحولو بالسفر خلينا نشوف مشفاكن وفي حال ما لقينا شي مندور ع طريقة تانية نلاقيه
#نزلت فتون ويوسف من السيارة ودخلو ع المشفى
- اهلين دكتورة
- اشتقنالك كتير
- اهلين
- دكتورة اهلا وسهلا
#الكل كان عم يأهل ويسهل فيها ويوسف واقف بعيد عنها كم خطوة
- فتون : تمام تمام شكرا الكن كلكن وانا عنجد اشتقتلكن واشتقت لشغلي ومكتبي بس صرلي كم يوم غايبة ولازم روح شوف شغلي لانو تأخرت بما فيه الكفاية
#مشيت ومشي وراها
- فتون ؛ تعرف لو كان يمان مكانك شو كان صار
- يوسف : شو
- فتون : كان صرخ وعصب وطربق الدنيا فوق راسي ومسح بكرامتي الارض واخر شي بيشحطني من ايدي ليكمل مسح اللي ضل من كبريائي
- يوسف : مو لهي الدرجة
- فتون : معك حق .. اكتر
#دخلت فتون ع مكتبا اللي مليان ملفات ووراق
- فتون : دارين
- نعم دكتورة
- فتون ؛ بعتيلي ادم وشيرين فورا
#فاتت وسكرت الباب
- يوسف : ليش ناديتي
- فتون : اتطمن رح يساعدوني ويسهلو الموضوع علي وما بيحكو شي
- ادم : دكتورة أخيرا اجيت..
#بقي واقف وعم يتطلع بيوسف
- فتون : سكرو الباب
#طلعو وسكرو الباب
- فتون : اددددددددمممممم
- ادم : نعم دكتورة
- فتون : دخلو وسكرو الباب .. اسمعوني كتير منيح بغيابي اجت شي حالة ل شخص اكل ضرب كتير .. متعذب .. مشوه
- ادم : لا
- شيرين ؛ مبلا
#تطلع يوسف بشرين وبعدها تطلع بفتون لانو مو قادر يستجوب هو

- فتون : انت شفتيه ؟
- شيرين : اي
- يوسف : خلينا نشوفو
- فتون ؛ لحظة يوسف .. مين استلمو
- شيرين : هلأ العلاج كل الدكاترة بس بعتقد انو مسجل تحت ايد الدكتور زياد
- فتون: روحي تأكدي بسرعة وما تحكي اي شي قدام حدا
- شيرين : تمام
- فتون : ادم اهل المريض بالمشفى
- ادم : بظن بس الام
- فتون : روح مع شيرين وفي حال كان المريض باسم زياد بتروح عند ام المريض وبتحكيلا عني بطريقة تخليا تجي لعندي وتطلب مني عالج ابنها فهمت ولا عيد ؟

#داء_وَ_دواء
#الحلقة_التاسعة
#ياسمينة .
..
..
..
#عم الهدوء اول ما حاول حدا يفتح الباب بس كان مقفول
- فتون : مين
- زياد: هاد انا .. ليش قافلة الباب خايفة صح
#توترت ووقفت
- فتون : لازم تتخبى
- يوسف: مستحيل خليني افتح واقتلو قتلة تانية وربيه
- فتون: اذا بتريدد يوسف انا وافقت ساعدك لا توقعني بمشكلة
#سكت يوسف عم بفكر وهي عم تطلع عليه نظرات ترجي
- زياد : فتون
- فتون : ثانية
#رجعت تطلعت بيوسف
- يوسف: تمام حاج تطلعي هيك وين بدي اتخبى
- فتون : عند المكتب هنيك
#راح يوسف وتخبى عند المكتب وفتحت فتون الباب
- فتون : خير
- زياد : ليش قافلة الباب
- فتون : حرام الواحد يكون عندو خصوصية
- زياد : خصوصية وبالمشفى
- فتون : زياد مو ناقصتك
- زياد : في حساب بينا لازم نصفيه
- فتون : حساب شو
- زياد : الضرب يلي اكلتو من حبيب قلبك
- فتون : محدا قلك تروح تلعب لعبة وسخة متلك
- زياد : ان..
#ملامح زياد بين عليها الخوف اول ما سمع صوتو .. التفت لورا كان يمان وادم
- يمان : انا شو قلتلك من قبل
- زياد: انا.. ان..اا
- يمان : انتتت شووووو
- زياد : اجيت اطلب منها السماح بس لانو انا غلطت
#تطلعت فيه ورفعت حاجبي .. كمية الكذب اللي بحكيو مو معقولة
- يمان : اعتذر لكا
- زياد : اعتذرت
- يمان : بس انا ما سمعت
- زياد: فتووون
- يمان : اترك فتون تطلع فيني انا هون عم قلك اعتذر
- زياد : ان..اا اس..اسف ما كان لازم اعمل هيك
- يمان : صاير شاطر وهلأ انقلع واتأكد اذا بلمحك مجرد لمحة جنب فتون رح اسحب روحك فاهم
#راح زياد بسرعة .. انا كنت حاسة بالنصر والفرحة غامرتني كيف انكسرت شوكة زياد واعتذر مني لاول مرة بفرح انو يمان دخل ع حياتي بس يا فرحة ما تمت ..
مسكني من ايدي ودخلني لجوا ع الغرفة
- يمان : وانتي شو اعمل معك
- فتون : شوو عملت
- يمان: ليش اجيتي لهون
- يوسف: اجت معي
#التفتنا كلنا وتطلعنا ع يوسف يلي عم يوقف ويزبط تيابو
- يمان: اخي !!
#ادم كان عم يضححك من تحت لتحت
- يوسف: ادم اخرس قبل ما اجي فضي كل الرصاص براسك
#انفجر ادم ضحككك
- ادم : والله اخر شي كنت بتوقعو انو تجي بنت تعمل فيكم هيك انت واخوك
- يوسف : أخرس ادم اخرس
- يمان : انتو كيف بتطلعو بدون ما تخبروني
- يوسف: فكرتك مشغول
- يمان: لا تفكر تاني مرة اخي بدون ما تسأل . شو صار معكن
- يوسف : لسه ما ص..
#بهاللحظة دخل ادم (الممرض ) مع شيرين
- ادم ( الممرض) : دكتورة
- فتون : اي ادم شو صار
#اشرلها ادم بايديه ع حالو
- ادم : عم تحكي معي !
- فتون : لا ادم وشيرين بكونو مساعديني .. شو صار معكن
- شيرين : تأكدتت انو المريض باسم زياد وهو هلأ موجود بقسم العناية
- فتون : وانت ادم شو عملت
- ادم (الممرض) : متل ما قلتيلي رحت وحكيت قدام امو متل ما قلتيلي وسألت عنك قلتلا مشغولة شوي بس رح روح احكي معها وهي بتجي بتشوفو
- فتون : تمام فيكن تطلعو
#طلعو ادم وشيرين وسكرو الباب
- فتون : بقي شغلة وحدة
- يوسف : اللي هي ؟
- فتون: انا ما بعرف شكل الشب اللي عم تدورو عليه
- يمان : نحن منشوفو
- فتون : ممنوع ع قسم العناية ما بيدخل غير الاطباء يعني حتى ام الشب بتدخل دقايق بتطمن عليه وبتطلع
- يوسف : والحل
____
#ماشية فتون وهو وراها .. حطت بطاقتها ع الالة اللي جنب الباب اشتغل الضو الاخضر ودخلو
مشت بالممر لحتى وصلت لباب الغرفة ١٠٩ الموجود فيها
دخل شال الكمامة ونزلت راسها فتون عم تحاول تكتم ضحكتها
- يمان ؛ فتون والله بقتلك
- فتون : تمام تمام .. بس بتعرف فكرة انك دكتور ما عم تدخل ع عقليييي 😂😂
#طنشها وقرب ع المريض
- يمان: هو
- فتون : تمام لكن خلينا نطلع
- يمان: مو قبل ما خلص عليه
- فتون ؛ جنييييت لا تخليني اندم اني ساعدتكن
- يمان : معناها خلينا نطالعو من هون
- فتون : ما بقدر ما بقدررررر
#التفتت فتون لورا شافت من البلور في حدا جاي باتجاه الغرفة
- فتون : يمان يمااان حط الكمامة بسرعة في حدا جاي
#حط الكمامة ورجع لورا ودخلو ممرضين ومعهن مرا كبيرة بالعمر الهيبة واضحة عليها ملبسينها كمامة ومعقمينها وكل شي .. كنت شايفة عيونها بس ..
حسيت باحساس غريب كتير بلشت انفاسي تكتر وانا عم اتطلع بعيونا .. مو غريبة ابدا مو غريبة انا بعرفهاا بس وين فتون وين شايفتيها
- دكتورة .. دكتورة
- فتون: هاا
- شو عم تعملي هون
- فتون : قالولي في حالة خطرة هون اجيت افحصو بس .. ع كلن انا راجعة ع مكتبي
اذا احتجتو اي شي خبروني
#طلعت فتون وطلع يمان وراها وكانت مستعجلة .. مسكها يمان من ايدها ورجعها لعندو
- يمان : شو اللي صار
- فتون : ما صار شي
- يمان : ما تكذبي
- فتون : عيون المرا حسيتا مألوفة

- يمان : مستحيل هنن مافيا والمرا ما رح تكوني بتعرفيا يعني مستحيل هالشيي
- فتون : بس ان..
- يمان : انتي شو
- فتون : ولا شي انسى حكيك مزبوط .. خلينا نطلع قبل ما يجي حدا تاني
#دخلنا ع المكتب كانو يوسف وادم ناطرين
- يوسف: شو
- يمان : هو بس الخانم ما خلتني اقتلو
- فتون : الامن معبي المشفى يعني لو كان في نتفة امل انك تنفد من عملتك بس تقتلو اعملها بيباي
- يوسف : معا حق خلص انا بتصرف المهم قدرت اوصلو
- ادم : تمام يلا خلونا نروح لكا بلا ما نسبب مشاكل لفتون اكتر
- يوسف : يمان وادم روحو ع الشركة وانا بوصل فتون ع البيت
- يمان : انا بوصلها
- يوسف : انا رايح ع البيت مشان المؤتمر خلص بوصلها بطريقي
- يمان : تمام
#طلعو يمان وادم
- يوسف : بعرف رح تقليلي عن شرطك ..كملي دوامك انا رح ببعتلك سيارة تنطرك بالكراج لوقت تخلصي
- فتون : بس يمان...
- يوسف : انا بحكي معو المسا بس خليني اخلص من شغلة المؤتمر وشوف شغلة امجد والف قصة بدا حل
- فتون : تمام
- يوسف : حاولي ما تتأخري
- فتون : طيب
_
#طلع يوسف ونزلت فتون لتحت ع الاستراحة الموجودة بالمشفى وطلبت قهوة لتغرق بين الاوراق والصور والتحاليل لساعات
- تفضلي دكتورة
- فتون ؛ شكرا
#كانت بدها تمشي بس وقفتها
- فتون
#فتلت لورا شافت نفس المرا اللي فوق .. وقعت القهوة من ايدها وعيونها ع اوسعهم عم تحاول تنكر اللي شايفتو
- دكتورة انتي منيحة .. دكتورة .. دكتورة
- فتون : تمام تمام انا منيحة .. اسفة وقعت من ايدي بدون قصد
#تطلعت بالمرا الواقفة
- فتون : انتي..
- فينا نحكي شوي ع جنب
#مشت معها فتون وقعدوا ع احد الطاولاات
- فتون : انت..
- اي انا .. انا بعتذر انا عنجد ندمانة اني بعدت عنك بس صدقيني ولا يوم غبتي عن بالي وطول الوقت كنت عم راقبك واحميكي حتى لو من بعيد
- فتون ؛ انتي شو عم تعملي هون
- منار : انا نفسي اللي شفتك فوق
- فتون : كنت بعرف .. بعرف عيونك حافظتن من كتر ما تطلعت بالصور من كتر ما مسكت الصور وتفرجت علين ليششش لانو طفلة بعمري كانت بحاجة لحنان ام تركتا وراحت .. كنت استمد الحنان من الصور. تركتيني مع مدمن ورحتي .. كنتي تراقبيني !!! كنتي تحميني !!!!! لكككك وين وييين ما شفت شي من اللي عم تحكيه ..انتي ميتة بالنسبة اليي .. يا ريت ما طلعتي قدامي ع القليلة كانت ضلت صورتك الحلوة بباليي كانت ضلت صورة امي يلي اخدوها غصب عنها وقتلوها لحتى يفرقوني عنهاااا .. امي المظلومة
- منار : انا ميتة بالنسبة الك وبدك تتركي اخوكي يموت كمان
- فتون : اخي..!!
#تذكرت فتون انو بتكون ام امجد المريض يلي عم يدورو عليه يمان ويوسف
- منار : بعرف انو يمان اللي كان معك اليوم بالغرفة
#واقفة ومصدومة من الحكي يلي عم بسمعو
- منار ؛ يمكن انا غلطت بس امجد ما دخلو صدقيني ما دخلو حاولت قد ما فيني بعدو عن عالم المافيا بس ابوه .. ابوه اصر انو يدخلو بهالعملية والنتيجة متل مانك شايفة ما بعرف اذا بضل عايش او لا
- فتون : امج..د اخ..ي
#غمضت عيونا وحطت ايدها ع راسها والارض كلها عم تدور حواليها انفاسها عم تاخدها بصعوبة .. وقعت ع الارض وتجمع الكل حواليها وعم يحاول يصحيها
___#المسا
قاعدين الكل ع العشا وعم ياكلو الا فتون كانت صافنة وعم تحرك الاكل بالشوكة وسارحة بعالم تاني
- جليلة : بنتي ليش ما عم تاكلي
#بقيت شاردة مو سامعة شي .. حط ايدو يمان ع كتفها
- يمان : فتون
- فتون : هاا
- يمان : امي عم تحكيكي
#تطلعت بجليلة
- فتون ؛ اسفة ما سمعت
- جليلة : اكيد ما رح تسمعي وانتي بعالم تاني شوفي مانك ع بعضك
- فتون : مافي شي عادي.. انا شبعت بالعافية الكن
#قمت عن السفرة وانا ملخطبة طلعت ودخلت ع غرفتي .. طالعت البوم الصور وقعدت ع التخت اتفرج عليهن وحدة ورا وحدة.. وكلامها ينعاد براسي جملة ورا جملة .. فتح يمان الباب ودخل بهمجية كالعاادة
- يمان : انتي شو صايرلك ها ؟؟ من لما شفتي هديك المرا انقلبتييي
#بدون ما شيل عيوني عن الصور
- فتون : عيونها كتير بيشبهو عيون امي
#خفت عصبيتو شوي وقف عم يتطلع فيني كيف قاعدة ع التخت وكل الصور حوالي انا وانا وابي وانا وامي وانا ورفقاتي صور كتيرة بتحكي عن كل طفولتي .. قعد جنبي ع طرف التخت .. مديتلو صورة
- فتون : امي..
#مسكها يتطلع فيها ..و ايدو عم ترجف من كتر العصبية .. حطيت ايدي ع كتفو
- فتون : يمااان
- يمان ؛ هي امككك !!
#تطلعت ع الصورة مستغربة من حالتو من سؤالو من ردة فعلو
- يمان : انا سألتتتتتتتت هييي امككككككك
#غمضت عيوني لما صرخ
- فتون : اي ايي امييي ليشششس
#شفت الصورة كيف جعلكهاا بايدووو اللي لساتا عم ترجف
- فتون : يماان ..

#رمى الصورة ع الارض وطلع وضرب باب الغرفة وراه .. نزلت وراه ع الدرج وانا عم نادي عليه
- فتون : يماااان .. يمان فهمني شو اللي صار .. يماااان
#طلع يمان من البيت بدون ما يلتفت او يرد علي والكل تجمع حوالي.
- يوسف : شو اللي صار
- فتون : ما بعرف ما بعرففف
- يوسف : تعي معي
#مسكني يوسف من ايدي واخدني ع المكتب واجى ادم معنا
- يوسف : عرف انك بقيتي بالمشفى
- فتون : لاا
- يوسف : لكا شو اللي خلاه يعصب لهي الدرجة
- فتون : صورة امي
- يوسف: صورة امكك !!!
- فتون : اي دخل لعندي كنت عم بتفرج ع صوري القديمة ولما شاف صورة امي عصب وجن وصرخ وطلع حتى انا ما فهمت شي
- يوسف: جيبيلي الصورة
#ركضت جبتلو الصورة وقعد يشوف فيها وشافها ادم
- يوسف : بحياتي ما شفتا .. من وين بيعرفها يمان
#تركتن وطلعت رميت حالي ع التخت فوق كل الصور عم حاول اربط احداث اليوم بس عبث ما عم بفهم شي
مسكت الجوال وكتبت الرقم بس ترددت اتصل او لاا .. قفلت الجوال ونمت
فقت الصبح رحت فورا ع غرفتو ما كان موجود حتى الغرفة لساتها مرتبة عرفت انو ما اجى بالليل .. رجعت لغرفتي عم جهز حالي لاطلع ع المشفى رن جوالي
- فتون : بابا انت كيف هيك بتسافر فجأة وحتى بدون ما تخبرني
- خالد : ان شاء لله ما رح طول
- فتون : ليش رحت لعندن
- خالد : عمك مريض وتعبان وحالتو صعبة كتير وطلب يشوفني وانا اجيت
- فتون : بس..
- خالد : انا منيح لا تخافي
- فتون : طيب دير بالك ع حالك وحاول كل ما صرلك تتصل وتطمني
- خالد : وانتي انتبهي ع حالك
#نزلت لتحت وقعدنا كلنا ع سفرة الفطور
- فتون : لوين بكون راح
- جليلة : ما تخافي اليوم بيجي .. الليلة اللي بكون مخنوق ومعصب ومزعوج بروح ع مكان ليهدا
- فتون : طيب وين ع المكان
- يوسف : محدا بيعرفو
#تطلعت بيوسف اللي فهمتو انهن بيعرفو المكان بس ما بدهن يخبروني .. وانا كتير هاممني يعني يروح ع جهنم الحمرا اخر همي ..
قمت بدي امشي
- جليلة : لوين بنتي
- فتون: ع المشفى
- جليلة: بلاها هلأ اذا اجى يمان وما لقاكي بيخرب الدنيا
- يوسف : انا بتصرف امي تركيها تروح
#رحت ع المشفى ورحت طول لعند امجد .. شفقت عليه حالتو خطرة كتير.. حسيت بندم مو معقول لانو متأكدة يوسف ما رح يخليه عايش بعيدا عن حماية يمان هو خانن ومستحيل يسمحولو يعيش بعد كل المعلومات اللي اخدها منن .. برافو فتون برافو صرتي دكتورة لحتى تساعدي الناس وتقتلي اخوكيي اوف ياا اوفف
سمععت صوتها كانت واقفة وراي
- منار : رح خليكي الدكتورة المسؤولة عنو
- فتون : لا
- منار : معقول ما تساعدي اخوكي بعترف انا غلطت بس هو شو ذنبو لسه عمرو ١٨ ما شاف شي من حياتو
- فتون : رح نهربو
- منار: شو ؟؟
- فتون : ما رح اسمحلن يقتلو وانا موجودة .. انا خسرت حياتي بسبب المافيا ما رح اخسر اخي مرة تانية بسببن .. لازم نهربو والاحسن يضل ع اسم زيااد لحتى ما يشكو فيني
- منار : ننقلو ع مشفى تاني ؟
- فتون : لا رح يفتلو بكل المشافي .. رجالن رح تكون متل النمل بالمشافي رح يقتلوه ورح نحطو بخطر اكبر
- منار: فتو..
- فتون : خرجيه ع البيت وهناك بعالجو انا واذا ما قدرت سفريه برا البلد كلللااا ما لازم يموت ما رح اسمحلن ابدااا
#كانت واقفة ومصدومة من حكيي كنت دائما بنظر الكل البنت الهبلة والغبية يلي بينضحك عليها بسرعة بس وقت الجد بضحك ع الكل وبلعبهم ع ايدي وهاد اللي رح يصير
___
#رجعت ع مكتبي عم حاول مشي اليوم بشكل طبيعي بين مواعيد ومرضى وتفقدات
- شيرين : واخر شي هي تحاليل سارة
- فتون : مين سارة
- شيرين : دكتورة سارة سارة ما غيرا البنت اللي عندا ورم بدماغا سببلا تشوشات بالمخ
- فتون : اوووف نسيتا كليا لازم شوف وضعا وحددلا عملية
#نقر ع الباب نقرتين ودخل والابتسامة ع وجهو
- ادم : دكتورة فتون لازم نخطفك هيك الاوامر
- شيرين : ادم بيك
#كانت بتطلع فيه وبتبتسم متل الهبلة
- فتون : تمام شيرين فيكي تطلعي
- شيرين : ايي
- فتون : شيرين .. شيرييييين
- شيرين : نعم دكتورة
- فتون : فيكي تمشي
#اخدت الوراق ومشت وقفت قبالو ابتسامتها شبرين
- شيرين : نورت المشفى ادم بيك
- ادم : شكرا يا ..
- شيرين : شيرين اسمي شيرين
- ادم : تشرفنا شيرين
- شيرين : وانا اكترررر
#كانت فتون قاعدة وبتطلع عليهن رحت شيرين وعيونها لورا وبتوزع ابتسامات وادم دخل
- ادم : لطيفة هالبنت
- فتون : بس معك
- ادم : اي يلاااا يلا قدامي لشوف انا جاي اخطفك مو جاي تتمسخري علي
- فتون : حسب المكان يا بقوم يا لا
- ادم : حبيب القلب
- فتون : انو حبيب هاااد .. قصدك المتوحش
- ادم: ايوا هو بذاتو
#وقفت فتون مستنفرة
- فتون : لحظة قصدك هو عرف اني بالمشفى .. اقرأ الفاتحة ع روحييي