- فتون : مافي داعي او بالاحرى ما بدي شخص متلك يعرف عنوان بيتي
#وقف السيارة بسرعة وقربت فتون لقدام
- فتون : هيك بوقفو السيارة
- يمان : انا معصب انتي حابة تكمليها يعني ولا كيف
- فتون : انا ما حكيت شي
- يمان : ما حكيتي شي ؟؟
- فتون : لا
#غمض يمان عيونو وهو معصب
- يمان : ماشي .. ماشي
#ما لحق يقول الكلمة التانية الا كان في حدا ضرب رصاصة ع السيارة.. صرخت فتون وطت راسها
- فتون : شو هاد
#ضرب رصاص مرة تانية .. شغل يمان السيارة ومشي بسرعة
- فتون : لك هدي شوي
- يمان : هدي لحتى يقتلونا يعني
#كان يمان عم يمشي ع طريق كلو شجر وغابات ولما بعد عنهن شوي وقف السيارة ونزل
- يمان : نزلي بسرعة
- فتون : لوين
#فتح باب السيارة ونزلها
- يمان : ابدا مو وقت اسئلتك هلأ
#مسكها من ايدها ودخلو ع الغابة وبلشو يركضو
- فتون : معلش تفهمني شو يلي صااار ؟؟ طب عالقليلة لوين اخدنيي
- يمان : قلتلك مو وقت اسئلتك اسكتي شوي وبشرحلك كل شي
#ضلو يركضو لحتى اخر شي وصلو ل بيت صغير بنص الغابة
- يمان : تعالي
- فتون : لمين هاد البيت
- يمان : الك .. خلصيني فوتي
#فاتو ع البيت وتذكرت فتون انو هاد البيت يلي كان يوسف فيه .. البيت يلي جابا عليه اول مرة
راح يمان ووقف عند الشباك وعم يلتفت ويتنقل من شباك ل شباك
- يمان : الوضع تمام ما حدا لحقنا
- فتون : تمام لكن ليش لنضل ع العتمة
#مشت فتون وشغلت الضو وركض يمان وطفاه
- يمان : مجنونة انتي
#كانت فتون واقفة ع الحيط وهو واقف قبالها وحاطت ايدو ع الحيط .. ضل عم يتطلع بعيونها وعم يتأملها بعدين نزلت راسها وبعدت عن الحيط ومشت وقفت قبال الشباك
- يمان : ما رح تقدري تروحي ع بيتك اليوم
- فتون : مين هدول
- يمان : ما بتعرفي شي وما رح تفهمي حتى لو حكيت
- فتون : مين
#قعد يمان ع الكنباية وشبك ايديه ببعض
- يمان : القصة قديمة كتير ولهلأ بدهم ينتقمو ولما يأذونا بنأذيهم وهم بردو الاذية كمان ولهلأ
- فتون : معقول في هيك اشيا لهلأ
- يمان : وعم تصير قدام عيونك كمان
- فتون : مزبوط انا يلي ما بعرفكم ولا الي ذنب بشي الحمدلله صرت ملاحقة ليش ما بعرف
- يمان : اسمعي فتون انا بعترف اني دخلتك بهالمشاكل كلا بس ما عاد ينفع شي
- فتون : اها وشو يعني ؟؟
- يمان : لازم هالفترة تبقي عنا لحتى نحميكي مو اكتر
- فتون : تحموني ؟ يمكن قصدك تسببلي مشاكل اكتر
- يمان : فتون
- فتون : شو فتووون لك ما صرلي اسبوع بعرفك وصار كل هاد كيف لو اضل معك اكتر ؟؟ بتضمنلي ضل عايشة ؟ قلي بتضمنلي ؟؟؟ انا اليوم وبهي اللحظة ندمانة كتير ولاول مرة اني صرت دكتورة يمكن لو ماني دكتورة ما كنت عرفتككك ما كنت خطفتني ما كنت وقعت بكل هالمشاكل ما كان صااار كل هاد لكك انت شو فهمني ؟؟ انت مغناطيس للمشاكل ؟ انت اكبر مصيبة بحياتي لاوللل مرة بحياتي كلا بندم انو طلعت من عالمي الماضييي لاول مرة بندم انو قررت صير منيحة وصير دكتووورة
#كان يمان عم يسمع كل هالحكي وساكت ومعصب بعدين وقف وصرخ بوجها
- يمان : بكفييي
- فتون : ليش ؟؟ انزعجت من الحقيقة
- يمان : حقيقة !! حقيقة شو بالله
- فتون : انك اكبر مصيبة بهاد الكون وكل شخص بتدخل ع حياتو ولو لساعة وحدة بتخربلو كل حياتو
- يمان : حياتك ما كانت خربانة ع اساس
- فتون : لااا
- يمان : لا ترمي فشلك ع غيرك
- فتون : انا مو متلك ما برمي فشلي ع غيري فاااهم ؟
- يمان : عطيني مرة وحدة شفتيني عم برمي فشلي
- فتون : شفتك ولا ما شفتك انت انسان فاشل
- يمان : لا
- فتون : مبلا فاشل واكبر فاشل بشوفو بحياتي
#حط يمان اديه ع وجهو ومشي خطوتين وكان ساكت وعم يحاول يهدي حالو .. تطلعت فيه فتون وكالعادة ما قدرت تسكت وتنهي القصة
- فتون : ما عاد عندك قدرة تواجه حكيي صح !
#نزل ايديه عن وجهو وفتل لعندها .. قرب وحصرها بالحيط
- يمان : حاج تحكي
دفشتو فتون
- فتون : ما دخلك
- يمان : فتوووون
#قرب خطوة وهي ركضت ع الغرفة وقفلت الباب وقعدت وغفيت وهي قاعدة ورا الباب ..
__________
#بالبيت
#طلع يوسف ودق الباب ع غرفة نور
- نور : مين
- يوسف : هاد انا يوسف
#فتحت نور الباب ومبين عليها انها بكيانةة .. مشت وقعدت ع التخت .. فات يوسف وسكر الباب
- نور : اذا جاي لتصلح اخطاء اخوك كالعادة ف مافي داعي
- يوسف : انا ما بجي لحتى صلح اخطاء اخي
- نور : لكا ليش
- يوسف : بجي لانو ما بهون عليي اتركك زعلانة
- نور : يا الله لو يمان يهتم فيني متل ما انتو عم تهتمو فيني
- يوسف : انتي عنجد بتحبيه ل يمان ؟
- نور : كيف يعني ؟ قصدك اني عم مثل ؟
- يوسف : لا ما قصدي هيك بس الفكرة انو من لما توفى عمي ومرتو الله يرحمن فورا قالو نور ليمان .. يمان رح يتزوج نور .. يمان ونور ممكن تكون الفكرة انرسخت براسك مو اكتر

- يوسف : لا من هالناحية اتطمني مافي مصايب اليوم
- فتون : منشوف
#ركبنا بالسيارة وطلعنا بدون ما اعرف اي شي
#بالطريق
- فتون : يمان
- يمان : امم
- فتون : شو ح تعمل
- يمان : قلتلك ح اخطفك
- فتون : ما قصدت هاد الموضوع ..بقصد لمار يعني امك
- يمان : نحن طالعين نريح راسنا وما بدنا نفكر بالقصص هي
- فتون : كيف فيك تكون هيك .. كل ما اتذكر اللي عملتو بجن بحس بالف احساس وبحس بدي انتقم مدري ابكي مدري اتناسى ما بعرف كيف فيك تكون هيك
- يمان ؛ تعودت
- فتون : ليش ما خبرتني
- يمان : شو كنتي ناطرة اجي قلك فتون نحن اخوات لان امنا ما عندا مسؤولية وعندا عادة انو ترمي ولادها
- فتون : كنت بتعرف انو عايشة
- يمان : بعرف
- فتون : كيف ما عرفتا بالمشفى
- يمان : كانت عيوني بالارض لحتى ما حدا يشك فيني وما انتبهتلا
- فتون : و..
- يمان : حاج اسئلة حاج
- فتون : تمام سكتت
#فتلت وجهي ع الشباك ودموعي نزلت حاولت خبيها بس ما قدرت ما كنت قادرة اتجاهل كل شي وكأن شيئا لم يكن
#وصلنا ع مزرعة فيها كل شي .. يمكن بتضيع فيها ع قد مو كبيرة وقد مو فيها
- فتون : اديه عنكن بيوت
- يمان : اوووه لسه ما خفي كان اعظم .. تعالي نتمشى شوي
- فتون : اووووه يمان بيك المحترم شو هالتطورات هي
- يمان : اذا ما عجبك منرجع للاصدار القديم
- فتون : لا لا عاجبني وكتير كمان
#بقينا نتمشى ونفتل بالمزرعة للمسا بعدين دخلنا ع البيت
- يمان : جعتي
- فتون ؛ ح تتحول لشيف مثلا
- يمان : نحن عنا مواهب مدفونة
- فتون : عم تمزحح
#ضحكت لا اراديا
- فتون : يمان اللي ما بيعرف غير يمسك سلاح بيعرف يطبخ
- يمان ؛ والله لما تنجبري تقعدي ببيت يومين وتلاتة بدك تتعلمي هالقصص يعني عالمنا كمان اله ايجابيات
#قعدت ع طرف الطاولة وهو كان عم يجهز الخضرة وهالقصص والله طلع بيعرف يطبخ اكتر مني
- فتون : شي مرة فكرت تترك عالم المافيا
- يمان : مررات .. بس هو ما كان يتركني
- فتون : القصة ما بتصير بيوم وليلة
- يمان : فتون خانم عندك خبرة بهالموضوع وعم تعطي نصايح كمان
- فتون : امم لكن ..
- يمان : انا خلقت بين السلاح .. خلقت بعالم مافيا يعني من انا وصغير كنت مستهدف ابن مصطفى .. انا وعيت ع الهجوم والرصاص والقتل والضرب والتار وكل هاد انا ما دخلت هاد العالم ب ارادتي
- فتون : بس فيك تطلع منو ب ارادتك
- يمان : صعب هلأ
#مسكت ايدو
- فتون : رح كون جنبك
- يمان ؛ بفهم منك اذا بقيت بعالم المافيا ما ح تبقي جنبي
- فتون : يمان انا يمكن خلفت بوعدي وقتلت ما بنكر هاد الشي بس اكيد ما رح استسلم فورا وارجع ادخل برجليي ع هاد العالم يعنيي مافيني عيش وانا ما بعرف اذا ح ترجع ع البيت عايش او لا .. ما فيني عيش ونحن ملاحقين طول الوقت .. متل ما انت كنت مستهدف ك ابنو لمصطفى ابنك رح يكون مستهدف .. ما فيني اتخيل هالشي ما فيني اتحمل عيش كل يوم ع اعصابي
- يمان : فتون اسمعي
- فتون : يمان انت اسمعني .. انتو عنكن شغلكن بالعالم الطبيعي البعيد كليا عن عالم المافيا يعني فيك تبقى تشتغل فيه فيك تبعد عن المافيا .. انا بعرف انو عندك القدرة تتخلى بس انت ما بدك .. انت
#تركتو وطلعت ع الحديقة شم هوا وبقيت لحالي ما كلف نفسو ولحقني ..
#بعد_فترة
#حط الجاكيت ع كتافي .. رفعت كتافي ما بدي اي شي منو
- يمان : لا تعاندي
#تركتو ومشيت بدي ادخل لجوا
- يمان : فتوون
- فتون : شو فتوون هاد اللي شاطر فيه اصلا
- يمان : تمام
- فتوون : شو تمام!؟
- يمان : تمام رح حاول
- فتون : بشو رح تحاول ؟
- يمان : فتون خلصنا
- فتون : احكيييي
- يمان ؛ رح حاول اترك القتل والسلاح وكل شي وراي وابني حياة جديدة
#ابتسمت ومسكت ايديه
- فتون : نبني حياة جديدة مع بعض .. صدقني رح ترتاح كتير انا متأكدة
- يمان : تمام تعالي .. الاكل صار جاهز
- فتون : تمام
#طول الوقت كنت عم بتطلع فيه واضحك .. البسمة ما كانت عم تفارق وجهي ابدا من كتر الفرحة
- يمان : حاج تضحكي
- فتون : ليش ضحكتي موو حلوة
- يمان ؛ ابدا
- فتون : نننن حلوة وكتير
#خلصنا اكل وغسلنا الصحون كنت كتير مبسوطة يمكن عنجد هاد اكتر وقت بكون فيه مبسوطة ومن قلبي .. انا تعلقت فيه وتعودت عليه وحبيتو بكل شي فيه .. حتى عصبيتو ونبرة صوتو بلشت حبها ..
حضني وبلش يلعبلي بشعري
- فتون : يماان
- يمان ؛ نامي بلاها اسئلتك باخر هالليل
- فتون : يمااااان
- يمان ؛ خير فتون خير
- فتون ؛ ايمت بلشت تحبني وتتعلق فيني
- يمان : برأي لو تنامي مو احسن
- فتون : لا مو احسن احكيليي
- يمان : ما بعرف ايمت يعني انا دخلتك بمصيبة كنت خاف عليكي وفكر انو خوفي مجرد مسؤولية وانو ما بدي يصرلك شي بسببي وهيك

#طالع المسدس ووجهو علي قربت خطوتين وحطيت المسدس بنص راسي
- نور : اقتلني .. من انا وصغيرة تعلمت انو ما خاف من السلاح مفكر هيك رح تخوفني
- يوسف : حاج تكابري
- نور : اقتلني او افتح الباب خليني اطلع
- يوسف ؛ اذا بدك تطلعي من هاد الباب لازم تقتليني
#حط المسدس براسو هو
- نور : شو عم تعمل انت
- يوسف : اللي بدك ياه مو بدك تقتليني بس الفرق انك عم تقتليني ع البطيء انا بدي ارتاح وخليكي ترتاحي
- نور : تمام يلا
#مشيت وبعدت عنو
- نور : يللااااا شو ناطر
- يوسف : لحد هي اللحظة كنت ناطرك
#كان بدو يقوص بس قربت منو واخدت السلاح ورمتو بالارض وضربتو كف واول ما رفع وجهو وتطلع فيها ضربتو كف تاني
- نور : واحد غبي
#ضميتو بقوة وكأنو عم عوض السنين اللي راحت بدونوو ..
_____
يمان وفتون صار عندهم بنوتة تانية ونور ويوسف تزوجو وناطرين بيبي ع الطريق اما مصطفى ف بفضل فتون واخيرا بعد فترة طويلة من المعالجات قدر انو يرجع يمشي ع رجليه .. اما امجد ف سافر لبرا البلد ليكملل دراسات عليا ..

__________
- فتون : وبغزل دكتورة فيني قلك انو انا وانت متل الداء والدواء اكتر تنين بجاكرو بعض بس بكملو بعض ما حدا بيقدر علي غيرك وما حدا بيقدر يمشي كلمتو عليك غيري عنجد يااا والله انو نحن مميزين كتير مو هيك.. يمان .. يمانن نمتتت
- يمان : فتون مشان الله نامي بدي نااام تعبااان خلصص
- فتون : طيب لا تعصب ما حكينا شي ..يمان نمت

#النهاية..
واخيرا حسيت انو بعمري ما رح اكتب هالكلمة 😂😂
اعطوني رأيكن شو ما كان ايجابي سلبي نقد اي شي بس ما تقرأو وتمشو
كتير بحب أقرأ تعليقاتكم ع القصة لا تحرمونا من تعليقاتكم اللطيفة 💕😁
نلتقي في قصة جديدة واحداث مختلفة ان شاء الله 💕
احبكم 💜

#اجت بدها تطلع
- زياد : لحظة ما بحقلك تتركيني هيك لازم تنقذيني
- فتون : لك انا ابي تركتو بين ايديهن بدك انقذك الك
- زياد : فتون ..
#بهاللحظة ضرب يمان الباب برجلو ودخل .. سكر الباب وقفلو وطالع المسدس
- زياد : يمان بيك خلينا نتفاهم شوف انا مسكتلك فتون ما خليتا تهرب بظن لازم تتركني عايش مقابل هالشي
- فتون : يخرب بيتك من حالككك
- يمان : فتون انطريني بالسيارة
- زياد : لك بتهرب لا تتركها
- فتون : من كل عقلك جاي انقذك انا لك انا جاي افضحك وافضح كذبك يا واطي
#رفعت الجوال وفرجتو المكالمة
- يمان : فتون انزلي انطريني بالسيارة انا رح خلص شغلي واجيي
- فتون : ماشي
#طلعت فتون وسكرت الباب ورجع يمان قفل الباب ..
- زياد : ما فيك تعملي شي المشفى مليان امن
- يمان : عنجد خفت كتير
#حط المسدس ع الطاولة
- يمان : شوف ها تركت المسدس لا تطلب الامن
- زياد : هاا كنت عم تعمل مراجل قدام فتون يعني .. اطلع برا بسرعة مشان ما اطلب الامن
- يمان : مزبوط وليكني رح اطلع بس مو قبل ما العن شرفك يا وسخ
#هجم عليه وبلش يضربو لحتى شوهلو وجهو وكسرلو عضامو .. قام يمان وعم يرتب تيابو
- يمان : شغلتين لازم ما تنساهن الاولى انو لو فكرت تلعب معي مرة تانية رح اقتلك والتانية اذا بتحاول تفكر مجرد تفكير انك تأذي فتون رح تلاقيني بوجهك وكمان وقتا رح اقتلك فاهممم
#هز زياد براسوو وهو عم يمسح الدم من ع وجهو . حمل يمان المسدس وطلع
- زياد : الله يلعنك .. ما بكون زياد اذا ما بقتلك يا حشرة
_
#ركب يمان بالسيارة
- فتون : قتلتو ؟
- يمان : شوفك خايفة عليه
- فتون : بينخاف منك صراحة حتى عدوي ما بسخى سلمك ياه
#رجعو ع البيت وكان الكل مشغول وعم بحضر ويزينو الحديقة
- فتون : افف
- يمان : شكلا ما عاجبتك الزينة
- فتون : لا العريس هو يلي ما عاجبني عنكن تبديل
- يوسف : اذا العريس كان سيء كتير بنبدلو اكيد
#ابتسمت فتون ليوسف وضمتو
- فتون : سيء كتيررر
#سحبها يمان
- يمان : احترمو اني واقف.
- يوسف : صح العريس سيء بس شكلو بغار
- يمان : هه انا .. مستحيل
- يوسف: وانا بشهد
- يمان : اخيييي
- يوسف : خلص تعا بدي ياك بشغلة
- يمان : اطلعي ع الغرفة
- يوسف : الكل بغرفة نور عم يجهزو حالن روحي لعندن
#تطلعت بيمان يلي رفع حواجبو بمعنى لا بدون ما ينتبه يوسف
- فتون : لا معلش انا بتجهز لحالي
#دخلت فتون ع الغرفة لقت فستان ابيض بسيط وطويل للارض
___
- يوسف : امجد
- يمان : شبو
- يوسف : ما اله اي اثر
- يمان : اريح
- يوسف : كيف اريح يمان كيف اريححح
- يمان : شو بدك اعمل يعني
- يوسف : يمان ركز معي امجد دخل بينا وعرف كتير شغلاااات عن شغلنا وغير هيك انت كسرتو للولد تكسير وبعدين بيوم وليلة بيختفي لكك لدرجة انو حتى اسم بالنفوس ما الو
- يمان : هاد بدل ع انو رح نلعب مع عيلة قوية شكلنا
- يوسف ؛ قوية وكتير .. صرلي اسبوع عم حاول اعرف لاي عيلة ممكن يكون عم يشتغل بس عبث
- يمان : طيب الولد مو المفروض انه يتعالج
- يوسف : بعض المشافي تأكدت انو هو مانو فيها ولكن في مشافي تانية ما قدرنا نشوف سجل العمليات او سجل الدخول او بيناتن بشكل عام
- يمان : جربت تدفعلن
- يوسف : لا لانن من المشافي يلي اسمهن معروف وما بيقبلو رشوة ومستحيل يوافقو ع شي ممكن يخرب سمعة المشفى
- يمان : والحل
- يوسف : في حل براسي بس ما بظن يمشي حالو
- يمان : شو هو
- يوسف : فتون
- يمان : فتون !! فتون شو دخلها بشغلنا
- يوسف : فتون دكتورة ومعروفة كتير وحسب ما فهمت اي دكتور بيقدر يشوف بيانات المشفى بحجة انو بدها تساعد بالعملياات الخطرة .. بس فتون مستحيل توافق
- يمان : اتركها علي
- يوسف : يمان ما رح تهددها وما بدنا اي مشاكل لحد هلأ ما بعرف ليش امجد ما اشتكى عليك بس رغم هيك خبرت المحامين من هلأ ليكونو جاهزين .. خلينا نخلص من هالمشكلة وبعدين ادخل بمشكلة تانية الله يوفقككك
- يمان : تمام خلص ما رح هددها
#دخلت جليلة لعندن
- جليلة : انتو لهلأ لسه ما جهزتوو يلا
- يوسف : لسه بكير
- جليلة : ولاحقين ع الشغل يلا
- يمان : قوم قوم قبل ما تقتلنا
- جليلة : انت وين رايح
- يمان : ع غرفتي
- جليلة : ممنوع
- يمان : غرفتيييي
- جليلة : قلت ممنوع فتون فيها .. انا رح خبرن ياخدو طقمك ع غرفة يوسف .. واذا بعرف انك رحت ع غرفتك مو نيالك
- يوسف : عنديي خلص ما رح اتركوو
_
#كانت واقفة قدام المراية لابسة فستان للارض وكمامه شفافة تصميم بسيط كتير ورافعة شعراتها لفوق بتسريحة بسيطة ونزلت خصلتين ع وجها ومكياج خفيف .. حطت تاج صغير ع راسها
- فتون : انتي اليوم كان المفروض يكون عرسك .. نفدتي اليوم فتون بس بكرى شو .. لما يجي يمان ويقلك العرس اليوم شو .. يا الله ليش هيك ليش عم تمتحني هيك بعمري ما تخيلت حتى مجرد تخيل انو رح ادخل ع هالعالم .. العالم يلي هربت منو سنين طويلة ليكك فتون اليوم انتي عم تتزوجي من واحد مافيااااا .. يا رب اي معجزة

#داء_وَ_دواء
#الحلقة_الثامنة
#ياسمينة ..
..
..
..
#فتون :
دخلنا ع الصالون هو وعم يجرني من ايدي كانت قاعدة جليلة وابي وتنين شكلن من الحراس وشيخ .. تطلعت بيمان ناطرة انو يشرحليي
- يمان ؛ رح نكتب الكتاب هلأ بس ما رح نعلن شي للعالم
#حركت راسي بمعنى لا .. قرب مني وهمسلي
- يمان : شايفة هدول التنين يلي جاين يشهدو ع زواجك بخليهن يشهدو ع موت ابوكي فاهمة ؟
#اخدت نفس وغمضت عيوني ما بدي ابكي.. ما بدي دموعي ينزلو
- فتون : تمام
#انكتب الكتاب وراح الشيخ قامت لعندي جليلة وضمتني
- جليلة : الف مبروك بنتي تتهنو .. صح ما عملتلك خطبة بس رح اعملك عرس خلي كل العالم تقول نيالها
- فتون : مو مشكلة
#حط ابي ايدو ع كتفي عم بطمني ابتسمت بوجهو ورجعنا اطلعنا لبرا ع الحديقة بس كنت باردة حاسة حالي عايشة خيبة امل مو طبيعية ليش !! ما لحقت افرح انو التغى العرس اجى وكتب الكتاب متل كأنو عم بقلي لا تفرحي ..انسي كلمة فرح وانا موجود ..
#خلصت الحفلة وبلشت العالم تروح واحد ورا واحد
دخل الكل ع الصالون وقبل ماادخل انا وقفني صوتو
- آدم : فتووون
- فتون : نعم
- ادم: تطلعي نشم شوية هوا
- فتون : انا..
- ادم: ما قصدي احرجك ابدا بس انا شفتك متدايقة قلت بخليكي تغيري جو
- يمان : انا يلي بدي غيرلك جو
#كان واقف قريب منا ..قرب لعنا وحط ايدو ع كتف ادم والغضب بعيونو
- يمان : انت تعا معي .. فتون انتي ادخلي لجوا
#ما نطرني حتى لجاوب ومشي هو وادم بس انا اقعد عاقلة لا والله لحقتن بسرعة كانو واقفين ورا البيت اول مرة بشوف هالمنطقة مافي اي شباك او برندة بالبيت بطل لهون
- ادم: شو في يمان
#قرب يمان ومسكو من قبة قميصو وضربو . رجع ادم لورا وحط ايدو ع الدم اللي نزل من انفو
- يمان : ع فتون ما عاد تقرب عم تفهم
#رجع ادم وردلو الضربة ع فكو
- ادم : ليش لتكون بتخصك
#بزق يمان الدم من تمو وفشكلو ل ادم وقع بالارض .. نزل لعندو وحط ايديه التنتين ع رقبتو عم يخنقو
- يمان : بتخصني وكتير
#كان عم يحاول ادم انو يفك ايدين يمان بس ما عم يقدر .. ما قدرت ضل واقفة واتفرج كيف عم يموت بين ايديه
- فتون : يمااان
#التفت يمان لعندي واخدو ادم ع غفلة ودفشو وقام عم يحاول يرد النفس
- يمان : انا ما قلتلك فوتي ع البيت
#ضربو ادم ووقعو بالارض
- فتون: يمااان
#قام يمان وردلو الضربة ورجع ادم ردلو ياها وانا واقفة محدا فيهم برد عليي .. بقيو هيك لحتى شوهو بعض .. قعد ادم ع الارض عم يلقط انفاسو بصعوبة
- ادم: اوووه بتعرف انو من زمان ما تقاتلت مع حدا هيك عنجد فادتني
- يمان : ايمت ما بدك تعا اهلا وسهلا
- فتون : لا انتو اكيد مريضين نفسيا
- يوسف : لسه الخير لقدام رح تشوفي شغلات كتيرة من هدول التنين
#تركتن ومشيت ودخلت ع البيت
- جليلة: هاا بنتي خليتن يجهزولك غرفة فوق جنب غرفة نور
- فتون : تمام
#دخلو يوسف ويمان وادم
- جليلة : انتو شو صاير معكم
- يمان : ولا شي امي
- جليلة: كيف ولا شي لك ابني ووجوهكم هي يلي ما بتتفسر
- ادم: تسلينا شوي
#طلعت ع غرفتي وتركتن تحت.. دقايق وسمعت صوتن طالعين ع الدرج ضليت رايحة جاي بالغرفة وانا متحرقصة بعدين ماعاد اتحمل نزلت لتحت اخدت علبة الاسعافات الاولية وطلعت دقيت الباب ع غرفة يمان ما رد ..فتحت الباب كان نايم متل عادتو شالح الكنزة وحاطت ايديه تحت راسو قربت لعندو اتأمل فيه كانت الجروح كتيرة ع وجهو
- يمان : مو ناوية تحكي شي
- فتون : ككيف
#تجلس وتطلع فيني
- يمان : اكيد مو جاي لهون لحتى تتصفني فيني
- فتون : ابدا .. جاي عقملك جروحك
- يمان: مافي داعي فيكي تطلعي
#قعدت ع طرف التخت وطالعت المعقم وبلشت عقملو وهو ساكت وعم يتطلع فيني بس
- فتون : شو في
- يمان : شو في
- فتون : ليش عم تطلع فيني هيك
- يمان : انا عم بتطلع فيكي
- فتون : لكا اانا
- يمان : ليش لاتطلع فيكي شايفة حالك حلوة
#سكرت علبة الاسعافات الاولية وبكل ثقة حكيت
- فتون : حلوة.. وكتير
#ضحك ع جنب واخد علبة الاسعافات مني ورماها ع الارض ودفشني ع التخت وقلب حالو فوقي
- يمان : ابدا مو حلوة
- فتون : يماا..ن
- يمان : امم
- فتون : شو عم تعمل..
- يمان: عم اخد حقوقي
#حاولت ادفشو بايدي بس عبث
- يمان : برأي لا تقاومي
- فتون : اللي عم تحكيه تخبيص ما الك حقوق عندي
- يمان : ولوو نسيتي كيف انكتب كتابنا من شوي
- فتون : لا بس شكلك نسيت كيف كنت مجبورة ع هالشي
#حط ايدو ع رقبتها وبلش يشد شوي شوي وبلشت تختنق
- يمان : اوعك الشي اللي صار بالحديقة ينعااد
- فتون : يم..اان..
#جرحني باضافيرو بعدين قام
- يمان : هي عقوبة انك رقصتي اليوم مع ادم اوعك تفكري تعيدي هيك شي
#رجع تسطح ع التخت وهي قامت تركض ع المراية

- فتون : الله يلعنككك
- يمان : ملعون من زمان ما تخافي
#حطت ايدها ع رقبتها وطلعت تركض من الغرفة وعيونها مليانة دموع
ودخلت ع غرفتها ورمت حالها ع التخت
- فتون : برافو فتون برافو والله هو بيعمل فيكي العمايل وانتي رحتي تعقميلو جروحو والله برافو بتاخدي جائزة اكتر وحدة ما عندا كبرياااء
#بقيت تحكي مع حالها لحتى غفيت
_______
#اليوم التاني
#كانو قاعدين كلهم ع الفطور .. طلعت فتون من غرفتها لقت نور طالعة من غرفتها
- نور : فتون خانم صارت جنبي والله عيب كان لازم يحطولك تخت بغرفتي
- فتون : لا شكرا ووقت الحاجة غرفة يمان موجودة غرفتك ما الها لزوم
#غمزتها ونزلت حاسة قلبي مفرفح بس يا فرحة ما تمت .. قلبت وجهي وزورتو اول ما شفتو كيف اتطلع فيني وغمزني ..
يعني يا الله فورا رديتلي ياها خلص والله ما عاد ازعج نور
رحت وسحبت الكرسي جنب ابي
- جليلة : بنتي نحن ع طاولة الاكل كراسينا محددة لكل شخص مكان
- فتون : ما فهمت
- جليلة : يعني مكانك هون
#اشرت ع الكرسي يلي جنب يمان
- جليلة : ويوميا بكون هون .. وحتى بغيابك عن السفرة ممنوع حدا يقعد هون
- فتون : ااا طيب
#رحت وسحبت الكرسي يلي جنب يمان وقعدت
- جليلة : بنتي شو هاااد
- فتون : شووو !! قلتيلي اقعد جنب يمان وقعدت
- جليلة : لك قصدي ع رقبتكك كيف جرحتيا
- فتون : جرحت..
#تذكرت انو حاطة لزقة جرح ع رقبتي .. حطيت ايدي عليها وتطلعت بيمان زورتو ورجعت تطلعت بجليلة
- فتون : مو مهم هو جرح صغير بس مشان ما يلتهب وهيك
- جليلة : خليني شوف
- فتون : لااااااا
#نزل يمان راسو عم يحاول يخبي وجهو وهو عم يبتسم
- فتون : صدقيني جرح صغير
#ضربت رجلي برجل يمان لحتى يحكي اي شي
- يمان : امي فتون دكتورة وبتكون خافت من جرح صغير وحطتلو الف معقم ما تخافي مافي شي
- جليلة : طيب
#تقريبا الكل خلص فطورو الا انا قاعدة عم اكل كل ساعة لقمة
- يوسف : يمان بس تخلصو اكل لحقني ع المكتب
- يمان : خلصنا .. يلا فتون
- فتون : انا شو دخلني روح وراه ع المكتب انا رح ضل هون عم اكل اتطمن ما رح اهرب
- يمان : فتووووون
#شد ع ايدي . رفعت راسي وتطلعت فيه شفت نظرة التهديد صرت حافظتها اقسم بالله يمكن اكتر شي بشوفو خلال يومي ..
مشيت معو ع المكتب كان يوسف قاعد ورا المكتب ونور مستندة ع طرف الطاولة رحت وقعدت ع الكرسي وحطيت رجل ع رجل
- فتون : انا شو جابني لهون
- يوسف : انتي ما بتعرفي
- فتون : شو بدي اعرف
- يمان : ما صار فرصة احكيلها
- فتون : شو بدكن تحكولي لا تجننونييي احكووو شو اللي صار
- نور : ما صار بس رح يصير
- فتون : لك شو رح يصير حاج تلعبو باعصابي انتو التلاتة
- نور : فينا نقلك اهلا وسهلا فيكي بعالمنا
#سكتت لثواني عم حاول استوعب الجملة يلي حكتها .. ترددت الجملة بعقلي مرة ومرتين وتلاتة لا لا مستحيل فتون انتي سمعتي غلط .. تطلعت بيمان ناطرة يشرحلي
- فتون : شو عم تخبص هي
- نور : وحدة متلك بتخبص
- يوسف : نور بكفي دجيتي الجملة دج برأي تروحي تجهزي حالك للمؤتمر الصحفي
- نور : مزبوط لازم اتجهز للمؤتمر الصحفي اللي رح تقول فيه مرحبا انا المضحي واقف قدامكن اخي يمان رمى نور وانا ما هانت علي ومتل ما شفتو خطبنا مشان اجبر بخاطرها
#ضرب ايدو ع الطاولة
- يوسف : نووووور
#رجفت نور من صوتو وضربتو وطلعت تركض من الغرفة
- يوسف : فتون .. فتون سامعتيني
- فتون : مستحيل ادخل عالمكن .. مستحيل اخطي خطوة وحدة بعالمكن فاهمين !! فاهمين بفضل موت ولا اخطي هالخطوة عم تسمعووو
#وقفت بدي اطلع من الغرفة بس يمان مسكني
- يمان : مو متل ما فكرتي خليني اشرحلك القصة
- فتون : اتركنييي
#دفشتووو وكان مبين انو داخلة بحالة غريبة
- فتون : قلت لا يعني لااا فاهممممم
#طلعت اركض من الغرفة وانا خايفة مصدومة متوترة الف شعور عم حسو
- يمان ؛ انا بقنعا
- يوسف : شو رأيك تخليني احكي معا
- يمان : قلتلك انا بحكي معا
- يوسف : مبين انو داخلة بحالة جنان واذا بدك تروح تعصب وتبهدل وتصرخ ما رح تنفع بشي عارف صح ؟
- يمان : تمام رح كون هادي قد ما بقدر
#طلع يمان ورا فتون ودخل ع غرفتها كانت قاعدة وضامة رجليها وحاطة راسها عليهن .. راح وقعد جنبا
- يمان : فتون
- فتون : ما بدي يمان ما بدييي ما بدييي ما عم تفهم
- يمان : تمام اهدي
- فتون : اطلع برا غرفتييي ما بدي حدا معييي
#حط ايدو ع كتفها وشدها وحضنها وعم يلعبلها بشعرها .. ضلت هيك فترة بدون ما تطالع صوت
او ردة فعل
- يمان : فتون
- فتون : امم
- يمان : هديتي
#بقيت ساكتة ما رديت عليه
- يمان : بتعرفيني لما جن شو بعمل صح .. بضرب بكسر بخبط بعمل اي شي بيخطر ع بالي .. بيوم كنت عم مشي الشغل وبالصدفة اكتشفت انو في واحد من رجالنا عم يخوننا .. سمعتو بالصدفة وهو عم يحكي مكالمة ويعطيهم المعلومات وحدة ورا وحدة .. وصلت لاعلى درجة ممكنة من التعصيب فقدت عقلي ما عدت عم فكر بشي ولا شايف شي قدامي .. بلشت اضربو ..

#داء_وَ_دواء
#الحلقة_التاسعة
#ياسمينة .
..
..
..
#عم الهدوء اول ما حاول حدا يفتح الباب بس كان مقفول
- فتون : مين
- زياد: هاد انا .. ليش قافلة الباب خايفة صح
#توترت ووقفت
- فتون : لازم تتخبى
- يوسف: مستحيل خليني افتح واقتلو قتلة تانية وربيه
- فتون: اذا بتريدد يوسف انا وافقت ساعدك لا توقعني بمشكلة
#سكت يوسف عم بفكر وهي عم تطلع عليه نظرات ترجي
- زياد : فتون
- فتون : ثانية
#رجعت تطلعت بيوسف
- يوسف: تمام حاج تطلعي هيك وين بدي اتخبى
- فتون : عند المكتب هنيك
#راح يوسف وتخبى عند المكتب وفتحت فتون الباب
- فتون : خير
- زياد : ليش قافلة الباب
- فتون : حرام الواحد يكون عندو خصوصية
- زياد : خصوصية وبالمشفى
- فتون : زياد مو ناقصتك
- زياد : في حساب بينا لازم نصفيه
- فتون : حساب شو
- زياد : الضرب يلي اكلتو من حبيب قلبك
- فتون : محدا قلك تروح تلعب لعبة وسخة متلك
- زياد : ان..
#ملامح زياد بين عليها الخوف اول ما سمع صوتو .. التفت لورا كان يمان وادم
- يمان : انا شو قلتلك من قبل
- زياد: انا.. ان..اا
- يمان : انتتت شووووو
- زياد : اجيت اطلب منها السماح بس لانو انا غلطت
#تطلعت فيه ورفعت حاجبي .. كمية الكذب اللي بحكيو مو معقولة
- يمان : اعتذر لكا
- زياد : اعتذرت
- يمان : بس انا ما سمعت
- زياد: فتووون
- يمان : اترك فتون تطلع فيني انا هون عم قلك اعتذر
- زياد : ان..اا اس..اسف ما كان لازم اعمل هيك
- يمان : صاير شاطر وهلأ انقلع واتأكد اذا بلمحك مجرد لمحة جنب فتون رح اسحب روحك فاهم
#راح زياد بسرعة .. انا كنت حاسة بالنصر والفرحة غامرتني كيف انكسرت شوكة زياد واعتذر مني لاول مرة بفرح انو يمان دخل ع حياتي بس يا فرحة ما تمت ..
مسكني من ايدي ودخلني لجوا ع الغرفة
- يمان : وانتي شو اعمل معك
- فتون : شوو عملت
- يمان: ليش اجيتي لهون
- يوسف: اجت معي
#التفتنا كلنا وتطلعنا ع يوسف يلي عم يوقف ويزبط تيابو
- يمان: اخي !!
#ادم كان عم يضححك من تحت لتحت
- يوسف: ادم اخرس قبل ما اجي فضي كل الرصاص براسك
#انفجر ادم ضحككك
- ادم : والله اخر شي كنت بتوقعو انو تجي بنت تعمل فيكم هيك انت واخوك
- يوسف : أخرس ادم اخرس
- يمان : انتو كيف بتطلعو بدون ما تخبروني
- يوسف: فكرتك مشغول
- يمان: لا تفكر تاني مرة اخي بدون ما تسأل . شو صار معكن
- يوسف : لسه ما ص..
#بهاللحظة دخل ادم (الممرض ) مع شيرين
- ادم ( الممرض) : دكتورة
- فتون : اي ادم شو صار
#اشرلها ادم بايديه ع حالو
- ادم : عم تحكي معي !
- فتون : لا ادم وشيرين بكونو مساعديني .. شو صار معكن
- شيرين : تأكدتت انو المريض باسم زياد وهو هلأ موجود بقسم العناية
- فتون : وانت ادم شو عملت
- ادم (الممرض) : متل ما قلتيلي رحت وحكيت قدام امو متل ما قلتيلي وسألت عنك قلتلا مشغولة شوي بس رح روح احكي معها وهي بتجي بتشوفو
- فتون : تمام فيكن تطلعو
#طلعو ادم وشيرين وسكرو الباب
- فتون : بقي شغلة وحدة
- يوسف : اللي هي ؟
- فتون: انا ما بعرف شكل الشب اللي عم تدورو عليه
- يمان : نحن منشوفو
- فتون : ممنوع ع قسم العناية ما بيدخل غير الاطباء يعني حتى ام الشب بتدخل دقايق بتطمن عليه وبتطلع
- يوسف : والحل
____
#ماشية فتون وهو وراها .. حطت بطاقتها ع الالة اللي جنب الباب اشتغل الضو الاخضر ودخلو
مشت بالممر لحتى وصلت لباب الغرفة ١٠٩ الموجود فيها
دخل شال الكمامة ونزلت راسها فتون عم تحاول تكتم ضحكتها
- يمان ؛ فتون والله بقتلك
- فتون : تمام تمام .. بس بتعرف فكرة انك دكتور ما عم تدخل ع عقليييي 😂😂
#طنشها وقرب ع المريض
- يمان: هو
- فتون : تمام لكن خلينا نطلع
- يمان: مو قبل ما خلص عليه
- فتون ؛ جنييييت لا تخليني اندم اني ساعدتكن
- يمان : معناها خلينا نطالعو من هون
- فتون : ما بقدر ما بقدررررر
#التفتت فتون لورا شافت من البلور في حدا جاي باتجاه الغرفة
- فتون : يمان يمااان حط الكمامة بسرعة في حدا جاي
#حط الكمامة ورجع لورا ودخلو ممرضين ومعهن مرا كبيرة بالعمر الهيبة واضحة عليها ملبسينها كمامة ومعقمينها وكل شي .. كنت شايفة عيونها بس ..
حسيت باحساس غريب كتير بلشت انفاسي تكتر وانا عم اتطلع بعيونا .. مو غريبة ابدا مو غريبة انا بعرفهاا بس وين فتون وين شايفتيها
- دكتورة .. دكتورة
- فتون: هاا
- شو عم تعملي هون
- فتون : قالولي في حالة خطرة هون اجيت افحصو بس .. ع كلن انا راجعة ع مكتبي
اذا احتجتو اي شي خبروني
#طلعت فتون وطلع يمان وراها وكانت مستعجلة .. مسكها يمان من ايدها ورجعها لعندو
- يمان : شو اللي صار
- فتون : ما صار شي
- يمان : ما تكذبي
- فتون : عيون المرا حسيتا مألوفة

جاب معقم واجى لعندي .. قعد ع الارض
- فتون : انا بعقم لحالي
- يمان : هسس
#عقملي الجرح وانا دموعي نزلت اكتر.. مسكلي وجهي بايدو واتطلع فيني
- يمان : ليش بتجبريني اتصرف معك هيك ليش دائما بتجبريني طلع كل جناني وعصبيتي فيكي ويا ريتك بتتعلمي او بتحرميي تعملي هالشي .. لا بقى تعيديها
#قام وتسطح ع الصوفا وانا غسلت وجهي ورحت قعدت مقابيلو
- فتون : يمان
- يمان : امم
- فتون : خلينا نتطلق
- يمان : تمام
- فتون : عنجد بهالسهولة !!!!
- يمان: اي
- فتون : يعني رح ارجع عيش حياتي الطبيعية
- يمان : اي يلا نامي مشان تعيشيا بالمنام
- فتون : يمااانن عم تتمسخر عليييي
- يمان : لا
- فتون : لا تكون مستفز
- يمان : تمام
- فتون : و..
- يمان : فتوووون بدي نااااام خلصنا نفسك ما بدي اسمعوووو
#تركتو وقمت اتفتل بالبيت .. اول مرة بجي لهون مكان هادي ومنعزل ع ضجة الطرقات .. وقفت ع الشباك اتفرج ع الجو برا كان كتير حلو لدرجة ما قدرت قاوم وطلعت ع حديقة البيت
- فتون : فتون احكي فتون سكتي فتون روحي فتون تعي فتون عملي هيك فتون لا تعملي هيك اف اف اففففففف وانتي بكل مرة متل الغبية سمعا وطاعا برافو فتون برافو والله بهنيكي ع قوة الشخصية يلي عندك مينو هاد يعني مييييين ليش ما بتقدري تواجهيه .. حضرتك يلي بتفرضي رأيك ع الكل وبتمسحي الاراضي باللي بقلك حرف غلط بس يمان ما بتحكيه شي بيمسح فيكي الارض وبيتحكم فيكي متل اللعبة مرة بعاملك منيح مرة بذلك مرة بيحترمك مرة بيكسر كبريائك وانتي شووووو ساكتة ساكتة والله برافوووو والله عنجد لازم يعطوني اوسكاار افففف يااا اففف يعني ليش هيك يا الله .. بعترف كنت اغلط شوي هالقد يعني شوي صغيرة واوقات كنت اتقصدد ابهدل العالم لحتى افرض شخصيتي بس كمان هنن كانو بيستاهلو يعني لو ما غلطو ما كنت مسحت فيهن الاراضي .. بس النتيجة ندم والله ندمانة .. يا رب معجزة تخلصني من هالوحش وبوعدككك اكون حدا كتير منيح وما عصب ابدا بس يا رب العيشة مع هالوحش كتير صعبة وانا اعترفت بغلطي برأي بكفي عقاب لهون والله حاسة نهايتي رح تكون ماتت في سبيل عصبية الوحش ..
فتون بدي ناااام ننننن نومة اهل الكهف
- يمان : ما تعبتي
- فتون : لا يا الله حتى لما اهرب منو دقيقة لارتاح عم تخليني اتخيل صوتوو لهالوحش
#حط الشال ع كتافي وحاوط خصري ب ايديه وضمني
- فتون : ي...م..انن..
- يمان : هئ الوحش
- فتون : خليني اشرحلك
- يمان : مافي داعي
- فتون ؛ كيف!!
- يمان : بقصد رح اقتلك بالحالتين اذا شرحتي او لا لهيك لا تشرحي خلي لسانك يرتاح شوي
#ضربتو بمرفق ايدي ع بطنو
- فتون : ما عاد تمشي عليي هالكذبة هي بطلت خاف منك
- يمان: تمام بنغيرها بعدين لحتى تخافي
_______
#اليوم_التاني
#صحيت ع صوت الجوال وهو برن ما هدييي .. مع مين قاعد بتحكي من الصبح
فتحت عيوني غصب وتجلست لقيتو واقف وعم يحكي
- يمان : تمام رح انطركن هون لكا .. تمام اخي بس تجي بحكيلك كل شي
#سكر الخط وتطلع فيني
- يمان : اخيرا صحيتي
- فتون : ليش انت بتخلي حدا ينام شو هالازعاج هاد
#طنشني وقعد يشوف بالملفات اللي قدامو
- فتون : ايمت حنروح
- يمان : انا عاجبتني القعدة هون مو حابب روح
- فتون : انا مو حاببتا
- يمان : فتون تركيني اشتغل بعد شوي رح يجي حدا .. وها بالمناسبة اختفي اوعك تبيني قدامو وتعملي مشكلة خبايصك وبعرفها
- فتون : الله يسامحك انا ما بعمل شي
- يمان : مزبوط
#سمعت صوت كلب من برا .. قمت ووقفت ع الشباك
- فتون : تمام ما زال شايفني مصيبة رح ريحك من هالمصيبة
#ما كلف حالو ورد علي حتى .. طلعت ع الحديقة كان في كلب ابيض كتير حلوو .. وكان في واحد عم يحطله اكل .. قربت وصرت الاعبو
- فيني اتركو امانة عندك شوي
- فتون : اكيد عمو
- انا ما بطول شوي وبرجع بس الله يرضى عليكي يا بنتي لا تتركيه لحالو يمان بيك كتير بعصب
- فتون : تمام
#راح الزلمة وانا بقيت قاعدة جنب الكلب وبحكيلو ع يمان وبسبسب عليه زي الهبلة ..
دخلت سيارة ع البيت كان يوسف ومعو حدا ما قدرت شوف وجهو
________
- يوسف : صراحة عرضك كتير مغري اغيد بيك بس كمان نحن لازم نفكر ونحسب كل خطوة بدنا نخطيها
- اغيد : اكييد وانا ما عندي مانع بتحبو تتناقشو هلأ او بنأجل الاجتماع
- يمان : الاجتماع صرلو اسبوعين بتأجل بكفي هيك عن اذنك خمس دقايق وبنرجع
- اغيد: تمام خدو وقتكن
#قامو يوسف ويمان ع الغرفة وهو وقف ع الشباك وشاف فتون كيف قاعدة جنب الكلب وبتشوبر ب ايديها ومندمجة كتير بالحديث .. طلع لعندها ووقف وراها وهي ما انتبهت لوجودو .. سمعت صوت يمان من وراها
- يمان : اغيد بيك
#التفتت وشافت يمان ويوسف جاين باتجاها وكان هو واقف قبالها .. عيونها توسعت والصدمة بانت ع ملامحها عكس ملامح اغيد اللي انقلبت لفرح

- نور : ما بعرف
- يوسف : تركيني لحالي
- نور : يوسف
- يوسف : قلتلك تركينييي لحاليي لا تجبريني انو اجرحك بكلامييي
#دمعو عيونها وكانت بدها تطلع بس غيرت رأيها ورجعت لعندو وضمتو وصارت تبكيي .. هو نسي كل غضبو وضمها ويمسح ع شعرها
- يوسف : اسف ما كان قصدي زعلك
- نور : انا يلي لازم اعتذر ما كان لازم اتصرف من عقلي هيك .. دائما عم احكي يلي بدي ياه واعمل يلي بيخطر بعقلي وما عم فكر فيك ولا عم اخد رأيك بشي
#مسك وجها بين ايديه وعم يمسحلها دموعها
- يوسف : مو مهم .. المهم عندي تكوني مبسوطة وهلأ حاج بكي .. اكيد امي بحاجتك روحي لعندا
- نور: ماشي
#نزلت نور لتحت وضل يوسف رايح جاي بالغرفة وعم يتصل ع يمان بس ما عم يرد عليه
- يوسف : اوف منك انت التاني
#طلع من غرفتو وراح ع الغرفة يلي فيها فتون وفتح الباب . كانت قاعدة جنب التخت ومنزلة راسها اول ما انفتح الباب فورا رفعت راسها
- فتون : كيف دخلت لهون والباب مقفول
- يوسف : معي نسخة لكل غرف البيت
#راح وقعد جنبها
- يوسف : شو صار
- فتون : بتصدق اذا قلتلك ما بعرف
- يوسف : كيف ما بتعرفي
- فتون : صرلي يومين ما شفتو .. فكرت انوو رجعت لحياتي الطبيعية قبل ما شوفو وقاعدة بمكتبي وعم شوف فحوصات المرضى فجأة ضرب الباب وكأنو داخل على شي خرابة
- يوسف : وبعدين
- فتون : وبعدين شحطني قدام الكل وحطني هون وبكل برود قلي بكرى ح نتزوج
- يوسف : ما بتعرفي السبب
- فتون : مافي سبب بالكون كلو بخليني اتزوج واحد متل اخوك مع احترامي الك
- يوسف : صدقيني يمان قلبو طيب وحنون كتير صح عصبي بس بروق وبينسى بسرعة
- فتون : انت متأكد انك عم تحكي عن يمان يلي بعرفو ؟ لانو يمان يلي بعرفو مانو هيك ابدا
- يوسف : نفسو نفسو .. وحتى لقلك شي ما بياخد اي قرار بدون سبب مقنع يعني اكيد لما قرر يتزوجك في سبب مقنع ورا هالشي
- فتون : اذا بكون الف سبب ما بتزوجو يعني ما بتزوجو .. يوسف بترجاك ساعدني
- يوسف : ساعدك بشو
- فتون : اهرب .. او تخليه يتراجع
- فتون : ليش كل هالقد رافضة فكرة الزواج منو .. حاولي تفكري بالموضوع وتتقبلي يمكن يكون سهل واسهل من انو تهربي من يمان
- فتون : شو قصدك
- يوسف : قصدي انك تهربي من يمان شي شبه مستحيل .. يمان بلاقي الشخص يلي بدو ياه لو كان تحت سابع ارض
- فتون : طب قنعو انو يتخلى عن فكرة الزواج
- يوسف : ما جاووبتيني ليش رافضة الفكرة لهدرجة
- فتون : لانو يمان مجرم ما عندو احساس قلبو قاسي مما بفكر ابدا وبيجرح الكل بدون اي استثناء وما بتهمو ارواح الناس اهم شي حياتو هو اناني وبحب يتملك كل شي حواليه بحب يكون مسيطر ومتقمص عالم المافيا بشكل كبيرر يعني حتى ما عم بفكر يتراجع عن جرائمو وعن حياتو هي
- يوسف : اوف اوف كل هاد
- فتون : واكتر
#حط ايدو ع كتفها وشدها وحضنها
- يوسف : يمكن يكون كل يلي حكيتيه صح بس يمان ما رح يأذيكي ولو صار هالشي بيوم من الايام اعتبريني اخوكي الكبير وتعي قوليلي لحتى اقتلو قتلة ربيه فيها
#ضحكت فتون ضحكة عفوية ومسحت دموعها يلي ع خدها وفجأة ضرب الباب برجلو ودخل والشر بين عيونو .. رجفت فتون وبعدت عن يوسف
- يوسف : يمان
- يمان : بنص غرفتي قاعدين عم تتمعشقو
- يوسف : احترم حالك واحترم اني اخوك الكبير
- يمان : اخي الكبير ومرتي المستقبلية بأجواء حب ورومنسية كان لازم جيب العيلة كلا تتفرج
#ضربو يوسف بوكس ع وجهو وقع ع الارض .. ضحك ضحكة استفزازية وقام وضربو ع وجهو
- يمان : لا بقى تضرب متل النسوان
- فتون : شو عم تعملو انتو
- يمان : انتي خليكي ع جنب حسابك بعدين
- يوسف : ما ح تحكي معا شي
- يمان : ومن ايمتى حضرتك محامي دفاع عنها
- فتون : من لما دخلت ع حياتي يا متوحش
- يمان : انا قلتلك خرسييي
#رفع ايدو بدو يضربها كف وهي غمضت عيونها وخبت وجها ب ايديها بس ايدو ضلت معلقة بالهوا
- يوسف : ليش ما ضربت
- يمان : يوسف طلاع برا الغرفة
- يوسف : ح اخد فتون ع غرفة الضيوف
- يمان : ما دخلك قلتلك اطلععع
- يوسف : يمان
#مسكو من ايدو وشحطو من الغرفة وطالعو وسكر الباب وقفلو وخلا المفتاح مشان ما يقدر يفتح يوسف الباب من برا .. رجع لعند فتون وحصرها بالحيط وحط ايدو ع الحيط
- فتون : بعد هيك
- يمان : اخر مرة بشوفك بحضنو هيك
- فتون : ما دخلك
- يمان : دخلني
- فتون : ما دخلك وبعد هيك
#نزل ايدو عن الحيط وهي مشت بس مسكها من ايدها وشدها لعندو
- يمان : لا تغلطي مشان ما تشوفي شخص تاني
- فتون : اتركني
#بعد عنها يمان وهي راحت وقفت عند الشباك
- يمان : بالمناسبة ابوكي تحت بالصالون
#تطلعت عليه باستغراب
- فتون : بابا !!
- يمان : اي
#مشت فتون باتجاه الباب لتنزل لتحت بس مسكها