ست وانا ناطرة دخول احمد لاحكيه كنت ناطرة هاي اللحظة بفارغ الصبر بدي اسئلو ليش مابدو يقابلني ليش مابدو يحاكيني ..ليش بيهرب مني ..كل مابدي لاقية بدو يروح ..

#ام احمد : شفتي يابنتي

مانو قبلان يطلع من سمع اسمك ماني عرفاني شو القصة فوتي لعندو ليكو بلش يصرخ ويعصب ..الله يسعدك روحي شوفي شو قصتو
انتي بنت فهمانة وعاقلة ..وبتعرفي شلون تتصرفي معوو ..

#رنيم : خالتو اتاخر الوقت صار لازم امشي الله يخليكي..

#ميسون : امي تعي شوفي احمد بلش يضرب حالو بالسرير

#ام احمد : الله يخليكي بنتي فووتي شوفيه ..

#رنيم : حاضر خالتو بس اتركيني معو لو سمحتي ..\

(دخلت لعند احمد وجلست على طرف سريروا ..غرفة كتير فوضاوية وحزينة ..كلها كتب بكل مكان وقطع اجهزة واسلاك ...

#احمد : ليش فتي لعندي حاجة تعذبيني روحي ..

#رنيم :............

#احمد : ليش ماعم تسمعي لالي.. اطلعي من حياتي روحي حاج تلاحقيني حتى بخيالي تعبتيني انتي ..

#رنيم : هاي القطعة بتكون رام كمبيوتر ماا

#احمد : دخيلك اسمعيني روحي من هون انا كنت بخير من دونك ليش ارجعتي ..

#رنيم : ارجعت لانك انت ارجعت ..

#احمد : بس انا مارجعت احمد اللي بتعرفية

#رنيم : طبعا هاداك احمد كان عندو عزيمة بتهد جبال ..هلاء قدامي احمد الضعيف السهل اللي مجرد اعاقة بسيطة هدمت احلاموو

#احمد : اعتبرتيها اعاقة بسيطة ..انا حياتي ادمرت بسبب هالاعاقة

#رنيم : انت يلي عم ادمرها حاجتك نوووووح على حالك ...حاج اتعذبها لامك بوضعك فيق على حالك عم تضرب حالك بالسرير مشان تعذب جسمك ..مو انت بتخاف الله ومجاهد انت مانك عارف انو جسدك عليك حق....

#احمد : اذا قلبي معلول شو فايدة جسدي

#رنيم : انت يلي عليتو بأيدك ليش مشان كم وحدة رفضتك ..

#احمد : مانك فاهمي شي

#رنيم : لا فاهمي انت طول عمرك مابتحب ينحني ضهرك انت طول عمرك بتحب تكون اقوى من يلي قبالك تركتني ورحت وانت سليم وقلت سببك انك بتجاهد كرمال اخووك ..
وسافرت وارجعت وانت مافيك شي وطلبت من امك تحقق لالك احلامك وتزوجك ..خطبت وعشت حياتك ..بس لما انكسرت شوكتك ماتحملت مااا

#احمد : حاج اتعذبيني بكلامك ..انا ارجعت من سفري لادور عليكي ماعرفت لالك طريق وانا نسيتك كنت خلص ...بس شلون ارجعتي طلعتي لالي وانا بهيك وضع ليش ما طلعتي قبل ..

#رنيم : يمكن اذا طلعت قبل ماكنت اتقبلتك متل غيري ...بس انا مو متل غيري انا اتقبلتك بكل حالاتك حتى وانت هيك حاجتك تكون مغمض حالك عني ...كل كلامك بقول انك بتحبني ليش لتبقى مقفل قلبك عليه ..

#احمد : لا مانو هيك

#رنيم : لكاااان شوو

#احمد : انا مابحبك خلص روحي روحي ..

(حكي احمد هادولي الكلمات وانا حسيت حالي جدا مذلولة اكتر من مرة صارحو بحبي لكن هو عم يكابر على حالو اطلعت من الغرفة وانا العبرة عم تخنقني ودمعتي نزلت ماحسنت خبيها ..

#ام احمد : خالتو خالتو انطري وين رايحة بهالسرعة شو صار يابنتي ليش بتبكي ييووووه شوو ساويت يا احمد..

#احمد: امي ليش جبتيها والله عم اتعبيني بزيادة

#ام احمد : امي فهمني شو في

#احمد : امي هاي البنت بتكوون

#ام احمد : بتكون شووو ياعمري احكي

#احمد : هاي ياامي حب حياتي اللي خبرتك عنها مرة ..هادي هي يا امي ...

#ام احمد : رنيم هي حب حياتك اللي انت تركتها ورحت

#احمد : اي امي هي هاااي

#ام احمد : حب حياتك اجت لعندك على البيت هوون وقفت قبالك وانت طالعتها زعلاني عم تبكي قدامك امي قلي فهمني شو صاير لعقلك

#احمد : قلتها اني مابحبك ...

#ام احمد : ليش يا امي ليش طول عمرك تتمنى تسمع لو خبر واحد عنها ورحت خطبتلك بنت وقلتلي مانو متلها وكل مانروح لبنت تقلي مابتشبها ومن اجت لعندك البنت هيك عملت فيها قلي يااامو شو السبب فهمني لا ادخلني بالحيط..

#احمد : ااخ يا امي بالاول خفت روح اخطبها يقولوا عني ماني متعلم رحت درست وارجعت دور عليها قالو غيروا بيتهن لانو انقصف وماعدت سمعت عنها خبر.. بحثت كتير ومالقيتها وانتي ضغطي عليه مشان اتزوج وانساها ومن رجعت لقتني بهاي الحالة راجل طريح فراش وكرسي ....مابحسن يقوم وهي دكتورة قد حالها ليش لاعلقها فيني وعذبها وهي ماناقصها شي ....خليني امي بعيد خليها تروح تتهني بحياتها مابدي ادفنها وهي باول عمرها ...

#ام احمد : الله يسامحك يا امي اوجعتلي قلبي على هالليل ...انا والله هالمرة مارح اسمعلك رح رووح اخطبها والشاهد الله ...

#احمد : لا تتتصرفي امي هيك بترجااكي

#ام احمد : مارح اسمعك البنت بتحبك لابعد الحدود وانت مانك قبلان حتى تقلها بحبك رايحة لاهلها اعطتني هي رقمها ورح دقلهن ورح روح اطلبها والله والله وشو مابدو يصير يصير انا متاكدة انها مارح ترفضك .....