بعدها صارت اليهود تقصف البلد بالدبابات والمسلحين يطلعوا على الشجر؛ كان عنا شجر برتقال طول هالبواب، صاروا يتخبوا بالشجر من فوق ويضربوا بالنرتين (نوع سلاح) على الدبابة، هاي الدبابة اجت علينا من العباسيه ووقفت على البيادر، ...

في واحد (تضرب بغضب على ارجلها)، شفته ممد قدامي،، كان يحارب مع المكاومين الله يحميهم ، صارت الناس تقول له: يا ابن الحلال ارجع، يا ابن الحلال ارجع، ما رضي يرجع، بده يموت، الدبابة على البيادر قباله، ضرب عليها أول طلقه والثاني وقفت الباروده، الخنزير(المقصود المحارب من عصابة الهجانا) عرف انه الباروده وقفت، قام دحَل عليه وقتله؛ بعد حوالي أسبوعين اجت عائلتة، قلنا لهم: حطّينا الجثة بالفستقيه، يعني ملجأ او غرفة للميتين، لما اجو عليه يطلعوه، شاهد الله، كان بعد وكأنه اليوم ميت، ايديه مثل الحرير؛ قاموه وقعدوه على الكرسي بالسياره وجللوه، مرته قالت: حّلوا الكلاشن عنّه، بعد ما حلّوه لقينا المصاري اللي كان شايلهم عشان يروح ع الحج. طالوا المصاري عنه، وأخذوه على سلمه.

وصارت يا خالتي الطريق مثل الزبيب: لما صار القتل فينا، صاروا يضربوا البارود على الناس اللي جوّا واللي برّا، وصارت يا خالتي الطريق زي الزبيب من الجثث، كلهم شباب اشي متجوز واشي اعزب، اشي بالجوّر واشي بالاستحكامات، كنا نطلّع فيهم واحنا مارقين، مش قادرين نقيمهم، لانه الشباب كلها طلعت وبس النسوان بقيت. كيف بدنا ندفنهم؟، صارت النسوان تتسلل بالليل ويقيموا فيهم ويحطّوهم بالفستقيّة فوق بعض. صاحيتها مثل ما انا صاحي اسا.

والله ابن صابر انقتل واجريه عالقة فوق بالشجرة وراسه لتحت وهو ميت، بعدين طالوه وقبروه. ابن جابر انقتل باب داره، وامه انقتلت جوا ..

حاولو الجنود يعتدوا على بناتنا، قمنا هجمنا عليهم وصرنا نرجمهم بالحجار حتى اطلعناهم من البيت، كانوا حوالي اربع او خمسه يهود. في بيت كان فيه بنتين مسكرات على حالهن، خلعوا الباب وخشّوا عليهم، البنات شردوا على البيارات، لحقوهم واغتصبوهم.

في بنت خطفوها يهود ملبّس، اخذها واحد يهودي ربّاها وتجوزها، كان عمرها عشر سنين واهلها فكروا انها ماتت. كانوا يخطفوا بناتنا حتى يكسروا انفنا، حتى يكسروا هيبة العرب .
لما طلعنا اخذنا كل اغراضنا، ما ظل في البلد الا الخزانات، كل شي حملناه على اكتافنا. بس القمح والذره حطيناه بالعرباي مع الاولاد الصغار، مشينا مسافه كبيره لا مي ولا زاد، قلت لهم يا @rwayate جماعه شو بدنا نساوي؟ قالوا: هيّنا وصلنا، واللا شفنا سيارة بالطريق، طلبنا منه يحمّل الاولاد، قال لنا: على الولد ليرتين، قلنا له: كتير هيك، بربر قريبة يا زلمي، من وين نجبلك ليرتين، ما رضي، وبتنا هديك الليله بالطرق والصبح مشينا ونزلنا بعابود. صار القمل علينا طول شبر، والله عمري ما شفت القمل، نصه احمر ونصه ابيض، الا هناك، الإهانة اللي عشناها بالتهجير ما خلق بالدنيا انسان انهان مثلها.

طفشنا انا وجوزي واولادي على الزيتون، بدنا نوكل حب زيتون، متنا من الجوع، صاحب الزيتون شافنا وعزمنا نتغدى معه، والله اعطيت ابني فتّه وبنتي فتّه وانا..

#ثائرة :- جمايكا تعي في شي بدي قلك اياه...

#ام عوض :-وين اخذي البنت خليها تكعد تسمع كصص زمان..

#ثائرة :- رح تجي...شوي بس ...جمايكا صار لازم تسمعي قصة اخي عمر...

#جمايكا :- عم اسمعك...
@rwayate
#ثائرة :- اخي عمر لالو قصة بدي تصل لكل هالعالم...اخي ربي بحياة قاسية عليه...كل ذنبو بدو يشتغل ليتزوج جميلة...اخي كان يحبها حب شريف متل حبو للقدس...بس يلي صار مع اخي دمر لالو احلامو حتى شمس يلي عملتو فيه كسر قلبو....

الجزء الثالث..
@rwayate
قبل 5 سنوات ...

#امي :- يمه بلاش اليوم تروح والله الوضع بخوف..

#عمر :- شغلي هاض بقدرش اتركوا..بدي جيب مصاري بدي اجوز...

#امي :- طيب استنى شوي بس ليوقف القصف...

#عمر :- يا حجتي هسا لازم اطلع ...يالا هاتي راسك ابوسها ..

#ستي :- عمر عمر استنى ياستي استنى..

#عمر :- شو ستي قولي مضلش معي وقت..
@rwayate
#ستي :- جيب لالي دوا السكر ياستي خلص من عندي ..

#عمر :- ماشي حاضر غيروا.....

#ستي :-خذني لعند دار عمتك صبحية بدي اشوفها..

#امي :- مرت عمي شايفة الوضع برا وين يوخذك ...

#ستي : بدي شوف بنتي زمان ماشفتها مابتجيش بطل عليه يمكن مريظة..

#عمر :- لا ستي ارتاحي امبارح شفتها بالسوق بتجهز لبنتها العروس..عن اذنك يمه ادعيلي...

#امي :- الله يسهل عليك دير بالك على حالك...

#ثائرة :- عمر عمر ...
@rwayate
#عمر :- اووو بعدين مع هالعيلة ...شو خلصيني لح يقلعني الزلمة هسا من شغلي..

#ثائرة :- جميلة..

#عمر :- جميلة شو مالها احكي..

#ثائرة :- بتقلي احكي لعمر انو عمي لح اليوم هو وابوي رايحين على برزة ((عزاء)) وبتقلك بدها تشوفك على السطح..

#عمر :- قوليلها طيب...

(( ماحد بالبيت يقدر يعمل شي بدون اخي عمر هو يلي كان ساند البيت اما اخي محمد....

#محمد:- اختي خوذي هال2 شيكل لالك.