لمي : احكي معو من جوالي ...بسم الله راح ادق الرقم ..
لمي : الو معي غريب..
غريب : اي بس مين معي ؟!
لمي : انا اختي ل سجي ..
غريب : تفضلي ...سامعك ...
لمي : مابعرف كيف بدي بلش احكيلك ..بصراحة سجي ..عم بتمر بظروف صعبي ..وهي بحاجتك ..
غريب: ... 😔
لمي : أبي عاقبها لسجي ..واخد منها تلفون ومنعها من الجامعة بس هلاء رجع سمحلها ..وهية حابة تشوفك ضروري ....وتحكيك .
غريب : اي نطرتها اول يومين ما عم شوفها .. وماحبت دقلها بعد ما امك ردت علي اهلي بإن هي محكي فيها من قرايب لالكن
...
لمي : مافيها تتواصل معك وحبيت اوضح ليك الصورة ..
غريب : اي فهمت كل شي ..بدون ما تكفي ...فيني اطلب منك شي ..فيكي تخبريها اني راح شوفها بكرا ..
لمي : اي هية عندها دوام بس ماراح اقدر خبرها لانو ما عم نتواصل.. وبالاخص انو ما معها تلفون ...
غريب : ما تعتلي هم ... انا راح اتصرف ...
....
((مذكرات))..
اشعر ان داخلي يضيق كلما ضاقت المسافة ...للرجوع ..وهل يرغب الطائر بالعودة الي القفص!؟ ..واي قفص ذلك.. ؟؟
وهل يحب ان يقيد ويكبل من فك قيده ..!؟
كم اتمني ان لا اعود .. اعود لجلادي .. لا ...لا اريد ..
كيف ساهرب مما انا فيه .. وكيف اخرج من هذه الدوامة بدون ان اغرق في هذا البحر العميق.. اخرج دون ان اصيب سفينتي بضرر ...اخرج دون ان اترك بها اثر .. دون آلم لي ..أو ل ابي و امي..
اخرج وقبطاني معي ..غريبي انا .مسافرة تحت اضلاعة ..
لماذا اشعر بأن طريقي سريع ...هل فاتني القطار او لم يتوقف في محطتي ..هل...لعل القطار لم يفتني بعد .. لعل قطاري... بانتظاري ..
ها هي خطواتي الاخيرة في الطريق ..اعدها الخامسة ..
الرابعة .. الثالثة ..الثانية ...والصفر 🙁


ام صادق: : جيتي يامو ...
سجي : اي في شي ؟!
ام صادق : لا ارتاحي وغيري تيابك وتعي اتغدي..
سجي : مو جاي ع بالي اكل ..
ام صادق : والله مابنفع هيك ..تعملي بحالك.. ماعم تاكلي.. وماعم تطلعي من غرفتك ..
سجي : كرمالي خليني هيك احسن الي ..
ام صادق : هادا الي كاتبو ربنا الك ولازم ترضي بالي قسمو الك ..
سجي : طيب ...
ها انا اقود نفسي .. الي مشنقة..
اجلس بزاوية تلك الزنزانة .. لا ادري ماذا افعل ..
ماذا سيصنع بي الغد .. وكيف سيمضي اليوم ..
لن اجلس هكذا ..
سجادة صغيرة .. دعاء صغير حدوده السماء.. اناجي رب الخلق ..رباه ما لي احدا سواك ..
كتاب صغير .. مابداخله كبير ..وكلمات مثل المسك والعنبر.. نزلت علي قلبي.. ليهدا ..حروفا من زنبق ..بعد ماافرغ ساشعر بتلك الراحة اعلم ذلك جيدا...
كنت اظن انني نسيت طعم الراحة .. الحمد الله يارب ....
في مساء اليوم التالي ...

ام صادق : سجي ..سجي . ..قومي ..حضري حالك
سجي : حضر حالي لشو ..
ام صادق : سامر واهلو جايين اليوم وبيك اتصل وقلي ..
#سجى :-شوو
#ام صادق :- جايين يطلبوكي..
سجى :-شو ..
ام صادق : متل ماسمعتي ..برضاي عليكي خلي هاليوم يعدي..
سجي: جايين يتفقو معاه ولا لسة ..
ام صادق : مابعرف بيك قلي جايين المسا...
سجي : مافيكو تعملو فيني هيك ...انا ماني موافقة..ومابدي سامر...
ام صادق : بلا مايسمعك صادق ويقول لبيك ..
....
ها قد حل المساء... واي مساء هذا ...معتم ..دون ضوء قمر ..ولا تلك النجوم .. اعلم انها حزينة ...
اذكر ذلك المساء.. مساء غريبي...كيف كان ... قمر ساطع..مثل ضوء نهار ..ونجوم ملئت السماء كأنها كانت تشهد على لحظات كنت سأخوضها بحب. اين هي الان ..
دق الجرس ..واشعر انها اخر دقة قلب لي ..لااشعر بما حولي ..توقفت الساعة عن العمل ..واشعر ان الظلام اشتد وخيم ع عيناي ..

ام صادق : تعي يامو سجي ..
سجي : ........
ام صادق : مالك خجلانة اقعدي..
سجي : ......
#صادق :-اقعدي حاجة تخجلينا.
#خلود :-اسمعي الحكي بلا تصير مشكلة ..
#ام صادق :-خجلانة ياجماعة اعذروها ..
سجى :-مارح اتزوجوا انا مابدي اياه فهمانين مابدي اياه...
#ام صادق :- سجى وين رايحة تعي يابنت الحق اختك هربت ..

#ابو صادق :-اخرسي انتي لاتحكي حرف واحد فهماني ..
#لمى :- يامو احكيلك شي بترجاكن..
صادق :-فووتي جوا بسرعة فووتي..
((خالو خلص لاتضربها لماما ، ماما بدي اروح لعند بابا اتصلي على بابا يجي ياخدنا مابدنا نجي لهون تاني ))
#لمى :-والله ربنا مايسامحكن .
#ام صادق :- هشش لاتحكي ، خلص خلص روحوا ماعاد تحكي شي حاجتكن ضرب لهالبنات...ليش يامو عملتي هيك ودمرتي اختك معك..ليش ماعم تفيق ..
لمى :-اكلت ضرب الحيوانات ما اكلتو .والله ربنا مايسامحكن .
# ام صادق :- هاتي الفوطة اعطيني ..
#لمى : هاد اذا ماصار فيها شي بسبب الضرب الله يستر فيقي اختي ابوس ايدك لاتخوفيني عليكي ..مابقي حد لالي غيرك قومي ربك كبير مابنسا حد ...
#ام صادق :-فاقت فاقت..
#سجى :-ااااااخ ..
(مذكرات)..
هنا ندبة ...وهنا اخري ..انها تشبه خارطة...
هذه كلها علاماتي ...وفي جسدي ... كيف استطعت ان احتمل الالم ..ربما الالم الذي في تلك الزاوية من صدري اكبر من اي الم ...رغم وجعه ..لكنه ما زال ينبض ..وينتفض...ولعله ينتفض ...رافضا ..ومحتجا...
كل محاولاتي ..لن تجدي معهم بنفع...
ولن تخرجني من هذا السجن...كلما حاولت الهرب...مسكت متلبستا اكثر واكثر...وتزداد الندب...
ام صادق : يامو حرام الي عم تعمليه بحالك وربنا ما قال هيك ...
سجي :.......
ام صادق : واذا موتي ...تموتي كافرة ...لا اخدتي دنيا ولاواخرة ...
سجي : ......
خلود : مرة عمي ...ماتخافي عليها زي البسس ..بسبع ترواح
ام صادق: ما الك حكي معها ...وياريت ما تدخلي...
خلود : اي ما النا حكي ...وان حكينا ..مابعجب...
سجي : امي اتركيني ...بدي نام ...
ام صادق : طيب ارتاحي...
خلود : هلا بنرجع بنلاقيها معلقة مشنقة ...وشانقة حالها ...هههه
ام صادق: شكلك مابتفهمي بالحكي..بس يجي عمك راح يشوف حل معك ...
خلود : اي وشو كزبنا...بنت كل يومين تلاتة ..عاملة مصيبة... راح تجيبلنا فضيحة ..يوم بتحب ويوم هربت ويوم منتحرة ..
صادق : شوفي مالكون اليوم ..؟!
ام صادق :مافي شي خد مرتك من هون ..

خلود : اي مافي شي ..
.
ام صادق : وين بيك ما اجي لهلا ...؟!
صادق : واقف مع جارنا هلا بيجي انا سبقتو ..
.
ام صادق : ع العافية يارب
ابو صادق : يعافيكي...ها ..طمنيني ..صار شي اليوم كمان .!
ام صادق : مافي شي ..قاعدة بغرفتها ..لا طلعت ..ولا شربت...حتي الحمام ماراحت ...
ابوصادق : طيب قومي شوفيها ...
ام صادق : ....الحقوني ...الحقوني ...
ابوصادق : شوفي ..
.
ام صادق : ..سجي ...سجي... عملتها مرة تانية ...
ابو صادق:......
صادق:.... اللهي نعدمها ... والله البنت هادي راح تجيب اخرتنا
خلود: شوفي...شوفي...مرة عمي...له له له ...ياسجي...
ابو صادق : اطلعو كلكم برا....يلاااا لبرا ...
ابو صادق: دقي ع رفيقتك تيجي لهون بسرعة....
ام صادق : حاضر ..ياربي ياربي.. الطفها...
ام رعد :- اي يا ام صادق يلااا جاااي جاااي
ام صادق : الحمد الله ...كانت راح تفلت من بين ايدينا من تاني ...
ام رعد: شو بها سجي هادي مش اول مرة ..
ام صادق : راح قلك بس توعديني ما يعلم حدا ...
ام رعد : ولو يا ام صادق .
ام صادق : بيا لسجي بدو زوجها ...وهية مو موافقة علي الزواج ...
ام رعد: كرمال هيك ..مابيسير ...تعمل بحالها هيك ...ربنا يفرجها عليكي اختي ام صادق ويهونها ..ديري بالك ع حالك ليصير فيكي شي ..انت عارفة تعي لقيسلك الضغط ...
.
.
#سجى :- خلص خلص ابعدو عني هيك ، اعملو اللي بدكن اياه بس ابعدو عني ...
#ام رعد :-اتركوها ترتاح ، لا تضغطوا عليها هاي الفترة بكرة بتنسى وبتقبل فيه ...
مذكرا ..
لم اكن اتوقع ان احتمل كل هذا الالم كلمات امي افاقتني :لم عيانك هكذا كأن مات لك احد؟
ايقظتني ...؟
هل مات لي احد ؟! ماهذا السواد الذي يقتحم جفن عيناك ايستحق كل هذا العناء والألم ..
ألم نعم هنا !؟.
ألم ؟!.
فقمت مسرعة لاتفقد ملامح وجهي الشاحب وعيناي الذابلتين ..
ما سببه ؟
لماذا. ؟
ماهذا ؟..
يارب
ثم فقت..من هذه العاصفة....
هل انتهي الألم ؟..
لا اشعر بشئ الان ، اشعر بضبابك اجتاح الغرفة ..امي لملميني أنتي.. خذيني في احشائك ولا تخرجيني .. كنت اتكئ ع كتفها ولكن لا تشعر بي .. امي نعم قد مات احدهم .. امي سمعتي مات احدهم ..ماااااااات احدهم ..."هل داخلي يصرخ !؟ " ..لما لاتتحرك شفتاي لما لا يخرج صوت ؟!!..ولكني اصرخ مااااات احدهم...
ماذا افعل... اظن انني بكماء .. هل انا فعلا كذلك ..؟!
توقفت عن الصراخ وامي جالسة بجواري بعيناها الذابلتان اللتان ارهقهما المرض# ..
هل كنت نائمة وأحلم ..أم أمي استيقظت من نومها على صراخي..؟! ماذا افعل هنا علي سريرها ...انا كبيرة واستطيع النوم وحدي.. امي ..... لما يداي مغطا ب الابيض ..من فعل ذلك بي..
الفصل السادس..

تصارعت الاحداث والماضي سبق الحاضر ..يبدو ان آلة الزمن ...قد اصابها الخراف ، يبدو وان هناك غريب اخر قد اتي...وغريبي قد تلاشي واندثر ..
كانت اول بدايتي مع الغريب الاخر الذي اصبح قريب الآن ....
اتذكر ذلك جيدا، وكيف كنت اشعر...، وماذا افعل ...لكن لماذا افعله ...!!؟
ماذا افعل الآن هل اشتري حذاء ذو كعب عالي ...لما؛ ما المناسبة ...انا لا ارتدي الاحذية العالية ..لما لونه ابيض !؟
هل لاني ...احب اللون الابيض.
(بعد اسبوع )..
ام صادق : سجى مابدك تروحي معنا .....
سجي : اي ..اعملو متل مابدكم...وجيبو الي بدكم
اياه ...
ام صادق : بس ما بنفع ، مرة عمك راح تروح معنا..لحتي نشهل ...لانو سامر مستعجل...على طول ....
سجي : اي ..قوليها اني تعبانة ..مشان جامعتي...وهيك ...اي حجة قولي ..
ام صادق : مابدي اضغط عليكي ...وان سالني بيك شي..راح اقلو اني نسيت اقلك..واي شي ...
سجي : اي أحسن ..
ام سامر : وين مو جاي معكن العروسة ..!؟
ام صادق : شوية تعبانة من جامعتا...
ام سامر : بس هادا جهازها ... وفرحها ..
ام صادق: مرة الجاي ..بتيجي...
#ام سامر :-شلون رح نعرف قياسها
#ام صادق :-بتجربهن بالبيت والصغير او كبير عليها بنرجعهن..
#ام سامر :-اي خلينا نرجع كرمال تقسيهن..
.....
ابو صادق : شو رجعتو بكير
ام صادق : اي ماطولنا شوية اغراض مهمة بس ..
ابو صادق : ما اخدتو سجي معكم...
خلود : لا عمي ...قال تعبانة ...
ام صادق : اي تعبانة مشان بدها تخلص امور جامعتها قبل ما تتزوج ..
.
ابو صادق : اي تمام ..
ام صادق : سجي قومي ...مشان تضبي اغراضك الي جبناهم
سجي : ....
ام صادق : والله مرة عمك سالت عنك ...ومتل الي حسيتها زعلت لانو ما رحتي معنا ...
سجي : ...امم
ام صادق : مافية المرة الجاي ألقي حجة لازم تروحي معنا ..
.
سجي : ....امم..
ام صادق : تلفونك بيرن مو سامعتيه ...سجي عم حاكيكي...
سجي : ...امم ...
ام صادق : مين عم يدقلك ...
سجي : موحدا مهم..
.
ام صادق : هاتي شوف مين...هادا سامر ليه ما عم تردي ...
سجي : ....
ام صادق : اي سامر اهلين ابني ...
سامر : كيفك مرة عمي ...
ام صادق:- الحمد الله...
سامر : فيني احكي سجي ...؟!
سجي: ...لا .نايمة ..في الحمام ..اي شي ..
ام صادق : سجي في المطبخ ..بس تخلص بخليها دقلك...
سامر : ماشي مرة عمي ..سلمي ع الجميع ...
ام صادق : ليش هيك ..مابيصير ..هدا هلاء خطيبك ...
سجي : ..اي بس تعبانة ..موقادرة احكيه...
ام صادق : الي بريحك ..
سجي : فيني روح لعند لمي ...بترجاكي ..
ام صادق : وبيك وصادق...والحرباية ..خلود..
.
سجي : بترجاكي..برجع قبل ما يجي من مشواره ..وعد
ام صادق : والله مافيني بخاف صادق وبيك يعملو شي فيكي وباختك المسكينة ..والله بكفيها الي صار فيها....
سجي : كرمالي يامو ...راح روح معك ..لما تروحي ع السوق ..وحياتي...
ام صادق : ماشي .. بس مو مرتاحة ..
سجي: ماراح اطول
...
..
..
كان لابد ان يكون هناك لقاء بيني وبينك ... لقاء ... لاختبر كل قصص الحب تلك ...التي طالما حلمت بها ... واختبر مرارة البكاء معك ..واختبر عذوبة اللقاء ...ولوعة الفراق ...
لمي: حبيبتي ما تطول ان رنت ماما راح اقلها انك غفيتي جنب الاولاد وراح افيقك...
سجي : طيب ما تعتلي هم .
لمي : بدقلك اقلك انو ماما رنت..
سجى :-ماشي ..كتير مشوقة قابلو لغريب..
لمى :-والله خايفة عليكي يشوفك حد..
#سجى :-اختو رح تاخدني
لمى:-الظاهر وصلت ثواني اشوف ..اي هي هاي اختو انزلي بسرعة...
مذكرات..
حبيبتي .. قد نال العجز مني رَغم عني .. و أنتِ تدرين أني منكِ و أنتِ مني .. وكم تمنيت قربك وقد تبرأ مني التمنّي .. 😞
حبيبي .. قد نال الضّعف مني .. ونشفت اخر قطرةِ عِندٍ وتفنّي .. وواجهت كل أنواع الاضطهاد والتجنّي .. اجهضوا حلمي .. قتلوا جنين حبّي .. سلبوه مني 😢
حبيبتي ... لا تحزني .. وامسحي دمعاً طفى فوق المُقل .. وعد قطعته على نفسي منذ ازل .. انّ حبي لكِ في قلبي رَغم القَهر لايزل ... فلا حياة بلا امل .....
لا تَسَلْ ..
عن حُبّكَ في قلبي إن لَمْ يَزَل ...
عن تمرّدي وصَحْوَةِ جنوني
عن تبخّرِ أحلامٍ
كم وَلّدَت بَعْد اليأسِ أمَل ..
عن احتضارِ حروفٍ
كم زَيّنَتْ جدران الْعُشّاق
وارتدَتْ من الْمَعاني أجْمَلَ الحليّ والْحُلل...
لا تَسَلْ ..
أين التي أنشأَت فيَّ من الْعِشْقِ
مُستَعْمراتٍ و دوَل؟
واحتَلّتْ كلّ ما فِيّ بكلّ عنفوانٍ
محارِبَةٌ لا تعرِف استِسْلاما أو كلَل . .!
مابالُها ؟!
اسْتَبدَلَت رداءَ العزيمةِ بالْكَسَل ؟!
وخَفَتَ بريق النّصَر في عَيْنَيْها
وفاضَ الدّمعُ مِن الْمُقَل !
لا تَسَلْ ..
كيفَ أعيد لعشقي الذي شاب َ شبابَهُ
ما الْعمَلْ ؟
كيف أرسم حدود بَدْرٍ ما اكتمل ؟
كيفَ أبثّ الحياة في بقايا الحنين؟ ..
كيف أزرع الفرح واقطف المرح وتضحي جروحنا
أمرّها عسل ؟!
لا تَسَلْ ..
ألا تعلم ؟!
كيف يكون حال عاشِقٍ
تاهت مِنْه معاني الحنين
ونجْم الشّوْقِ فيه قَد أفَل .. !
وماعادَ اللوم عَن البُعْد ينهيه

إلي_الهاوية_أيها_الغريب
جمايكا_أحمد
لم اكن اتوقع ان احتمل كل هذا الالم كلمات امي افاقتني :لم عيانك هكذا كأن مات لك احد؟
ايقظتني ...؟
هل مات لي احد ؟! ماهذا السواد الذي يقتحم جفن عيناك ايستحق كل هذا العناء والألم ..
ألم نعم هنا !؟.
ألم ؟!.
فقمت مسرعة لاتفقد ملامح وجهي الشاحب وعيناي الذابلتين ..
ما سببه ؟
لماذا. ؟
ماهذا ؟..
يارب
ثم صحوت..من هذه العاصفة....
هل انتهي الألم ؟..
لا اشعر بشئ الان ، اشعر بضبابك اجتاح الغرفة ..امي لملميني أنتي.. خذيني في احشائك ولا تخرجيني .. كنت اتكئ ع كتفها ولكن لا تشعر بي .. امي نعم قد مات احدهم .. امي سمعتي مات احدهم ..ماااااااات احدهم ..."هل داخلي يصرخ !؟ " ..لما لاتتحرك شفتاي لما لا يخرج صوت ؟!!..ولكني اصرخ مااااات احدهم...
ماذا افعل... اظن انني بكماء .. هل انا فعلا كذلك ..؟!
توقفت عن الصراخ وامي جالسة بجواري بعيناها الذابلتان اللتان ارهقهما المرض# ..
هل كنت نائمة وأحلم ..أم أمي استيقظت من نومها على صراخي..؟! ماذا افعل هنا علي سريرها ...انا كبيرة واستطيع النوم وحدي.. امي .....
#ام صادق :- بنتي فيكي شي ، بسم الله عليكي بشو صافنة ..سجى حاكيني شو شايفة قدامك خبريني شو يلي صادمك .
#سجى :- تعباني امي متى رح تنتهي هالقصة ..
#ام صادق :-الله كريم يامو صبرك على الايام هي رح تنسيكي كل شي ، خدي اشربي كاسة هالمي..واستهدي بالرحمن ونامي.....
وضعت امي يداها على قلبي وكانت تردد ايات الراحة ، يبدو انها تعرف علاج قلبي ، اغمضت عيناي من جديد ورحت استعيد افكاري واستجمع ماكان بعقلي الباطني ، بماذا كنت احلم ،اريد ان اعرف نهاية ماكنت اراه تحت جفوني ، هيا ياعقلي اكمل احداثك من مات قلي ارجوك...ماذا يحدث اين ذهب ذلك الحلم لماذا اصبح هذا الحلم يروادني كل ليلة لقد اتعبتني تلك الاسئلة ، كل ليلة اسمع صراخ لقد مااات ، من هو ، وما شكله ،أين يسكن في الخفاء أم الحقيقة ،في العقل أم القلب ، بالواقع ام الخيال، كل ما أعيه اني كنت اكثر حياة في البيت، تلك الصغيرة الضحوكة الفضولية الجذابة الأنيقة الدمية المدللة لكثير من الاسباب ..كانت البداية ودائما البدايات جميلة ولكن ليست معي فبدايتي مملة ..
بهذا العمر لا اعي شي...
جاء ذلك الغريب البيت ..لم اكن اعلم اني اهتم بالغرباء ولكن فضولي لم يسكن ويهدا .. انتظرت طويلا لاقابل ذلك الغريب وها جاء دوري جلست لمقابلته ...
اتذكر تلك الليلة كانت اول ليلة اسهر بها فجرا
منتظرة دوري لمقابلته وانتظر ان ينتهي هذا وذاك ..شعرت بالتعب والنعس ولكن لم اشأ ان اذهب دون مقابلته.. "فضولي" ..
اجلس امامه اتذكرون (الغريب) لا افهم كيف ؟!ومن اين ؟!
ولكن اريد ؟!
هل تعلمني ؟!..
تلك كانت البداية ...لقصتي الكرتونية...
#ام صادق :- يامو رح اطلع هلاء لعند خالتك اذا رجع بيك من الشغل سخني لالو الاكل ، بس حطيه بالميكرويف وخلص ..
#سجى :- حاضر امي بس عندي امتحان انا هلاء، اطلبي من مرت اخي لاتنزل اولادها هون .
#ام صادق :- خبرتها رح تاخدهن وتطلع لعند اهلها .
#سجى :-شو زعلت ؟.
#ام صادق :- لا بس معزومة يالا طالعة انا ، لا تنامي وتنسي بيك .
#سجى :- لا مابنسى ميسرة ماما..
#ام صادق :-حبيبة قلبي سلام..
((عندما تأكدت أن امي وزوجة اخي وجميع من في البيت غادرو وافرغ المنزل بكامله لي..احسست بقليل من الطمأنينة ، قمت مسرعة لسريري ، أزحت الغطاء وجلست اتأمل تلك العبارات اللي كتبتها بقلمي ..
(2مارس اليوم شفتو واقف مع اخي..)
(ياربي بس لو اعرف اسمو )
(4يونيو :- شفتو عم يضحكلي )
( ام الجود وابو الجود)
(ياسمين وعبير وسجى رفيقات للعمر )
(بحبك ماما )
( اغلي شي بالكون هو ابي الحنون)
( أشرلي أفوت البيت واقفل الباب ياربي بغار )
كان انتظاره كل يوم اشبه بحصة مدرسية يجب متابعتها ،فأنا اتعلم كل شي عن الغريب ليس صعب وبدا لي ممتع ويستحق هذا الانتظار...
حفظته جيدا وكأني سأختبر به في يوم غدا وراجعته مرات ومرات حتي لا انسي تلك المعلومات..
كان هو بوابتي لقصتي الكرتونية كان هو غريبي ...الذي ايقنت الان انه لا يستحق ذلك الانتظار...
#لمي :- كيفك بابا اي اختي معي وانا راجعة من الجامعة اخدتها من جامعتها لاتقلق اذا جيت اليوم بجيبها معي..
#سجى :- قفل بابا..
#لمى :-اي قلق عليكي بقلي صارت 4 العصر ومارجعت من جامعتها ..
#سجى :-زوجك متى راجع.
#لمى :-اليوم سهران عند رفقاتو للصبح .
#سجى :-اعطيني موبايلك..
#لمى :-اختي دخيلك والله اذا زوجي طلع براقب موبايلي والله ليعملي قصة.
#سجى :-طيب والحل .
#لمى :-رح انزل جبلك خط جديد، واحكي معو منو .
#سجى :- خديني معك.
#لمى :-البسي تعي ، بدك تحكيلو مشان ابن قرايبنا متقدملك..
#سجى :- اي خايفة يزعل ، انتي شو رايك بسامر.
#لمى :-مو كان يحبك وانتي صغيرة.
#سجى :-اي ومن شفتو عم يغازل بنت عمك كرهتو انا ،مابدي اياه وبدي اياه ،ماعرفاني شو اعمل مابدي اياه لاني
بحبو لهاداك الغريب..وبدي اياه لاني بدي اقهر كل بنات عمك..

#لمى :-انتي مابتعرفي اسمو.
#سجى :-لاء وبحياتي ما اسمعت صوتو.
#لمى :-شلون بتعرفي رقمو ،وكيف حصلتي عليه.
#سجى :-اخدتو من موبايل اخوكي هو هيك مسميه غريب 😟.
#لمى :-يمكن اسمو غريب.
#سجى :-مابعرف شو اسمو بس كان موبايل اخوكي يامن على الطاولة لاني اسمعتو عم يحكي تلفون معو كمشتو ونقلت الرقم بسرعة .
#لمى :-واذا اتصلتي عليه هلاء رح يعرفك.
#سجى :-لاء
#لمى :-احتمال يقفل الموبايل بوجهك ، او احتمال يعرف انك بنت خفيفة وسايبة ومايرجع يحكي معك.
#سجى :-والحل.
#لمى :-نرجع على البيت نتفاهم .
جلست وانا أبادل اختي نظرات الحيرة يبدو أنني لا أملك اي صفقة لنجاحي في الحديث معها ، هي تفهمني ولا تبادر بالحديث صامتة ومكبلة اليدين ، اعتقد أنها تقرأ افكاري ، تقرأها من خلال حركات عيني ، حاول ان اغلق عيناي حتى لاتتبعني إلي الصميم ، إنها تبحث عن إجابة ، كم هي محتالة بسرقة الافكار والالغاز والاجابات المفخخة ، أشعر ان هناك فكرة ما ستنفجر بوجهي لقد عرفتها يا الهي ..
#لمى :-سجى !
ارجوك اختي حاولي أن تكوني ملاكي ألا تحرجيني إني أملك قلبا يشبه الورق ، اتسمعيني .
#لمى :-اي عم اسمعك .
انها شيطان افكار تجيب عن عقلي الباطني ، فأنا لم انطق بكلمة اتسمعيني .
#لمى : حبيبتي احكيلي انا اختك يلي قريبة منك اذا ماقلتي لالي لمين رح تحكي ..
#سجى :- خايفة من اهلك انتي رح تخبريهن..
#لمى :-ليش لاخبرهن ، اقلك على سر صغير ، الحب مو حرام الزواج التقليدي هو مقبرة للبنت ، لا تأمني بفكرة الحب يأتي بعد الزواج ، هاد يلي بيني وبين زوجي مجرد عشرة ومو قدرانين نستغني عن بعض كرمال اولادنا ، بس الحب شعور غير فيه عشق فيه غيرة وفيه اشتياق وفيه شعور انتظار كتير حلو ، جربي يلي بدك اياه وحبي بس ياعمري بحدود ، ركزي بكلامي بس بحدود ، وسرك بس انتي احتفظي فيه لاتخبري فيه حدا شو ماكان هالحدا ، حتى لالي لاتحكي انا رح أطوي كل شي بيني وبينك وكأني مابعرف شي بس اعرفي انو الغلط بالحب جريمة والحب بحدود اجمل وتأكدي اذا وجعك قلبك رح اكون جنبك رح اسمعك واقرا افكارك رح اشعر بلي عم يدور بقلبك ، اذا صار معك شي تعي خبريني لاقدر ساعدك وخلينا نقوم هلاء نلبس الاولاد ونروح على بيت اهلي نرجع ذكرياتنا سوا .....
7 ابريل 2016
تصارعت الاحداث والماضي سبق الحاضر يبدو أن آلة الزمن قد اصابها الخراف والزهايمر ، يبدو بأن هناك غريب آخر قد آتي وغريبي قد تلاشى وأندثر ، كانت اول بداية خطواتي مع الغريب الاخر الذي اصبح قريب الآن .
اتذكره ذلك اليوم جيدا وكيف كنت اشعر ..وما الذي كنت افعله..ولكن لماذا افعله ..
كان اتصال شدي من واقعي ليخبرني انه هنا ما زال ولكن للاسف قد فات الاوان ..
ماذا افعل الآن هل اشتري حذاء ذو كعب عالي ..لما ما المناسبة..
انا لا ارتدي الاحذية العالية ..لما لونه ابيض ..اجل فهمت اني احب اللون الابيض ..
استهواني ذلك الحذاء انه جميل .. اذكرها تلك علبتي المملؤة بالنقود الحديدية ..واذكر كيف اختلقت تلك الاكذوبة مع البائع حتي يعطني الحذاء الابيض ذو الكعب العالي ..اريد أن اجربه !
ماهذا الشعور هكذا يكون شعور الاخريات ..ماذا ارتدي ما هذا كله ولما انا .."ليتني استطعت " ...."لا اريده" ..
انزعوه عني من فعل هذا لا اريده ...ماذا تقولون انا من ارتداه هل تمزحون الان !! .. ولماذا ارتديته ... حتي انه ليس جميل انه ليس ذوقي ..
امشي وكان احدهم يسحبني ماهذا الذي امسكه بيدي...
ماهذا..لما لا احاول ان انظر حولي...لما اتصرف هكذا ..لماذا احاول ان اكون ..اين انا... ما هذا الصوت الصاخب ، من هؤلاء الجموع ، لماذا كاميرات التصوير بكل مكان ، من تلك السيدة التي تطلق الاهااات ، اين أمي ؟ بماذا مشغولة ؟ لمى لما أنتي حزينة وجميعهن يطلقون الابتسامات لماذا صوت الطبل مؤلم ؟يلبسون ثياب قصيرة ، اقتربي لمى اريد أن اهمس بإذنك ، من هذا الذي يعلق يداي بيديه يبدو انه مقرف لقد شعرت بلعاب عرقه بين اصابعي ،يبدو انه الغريب الاخر ماذا يفعل لما هو هنا وماهذا الذي يرتديه ..اسمعي ما ارتديه ثقيل علي جسدي الصغير...لا استطيع حمله
كفي....
قلت كفى اوقفو تلك المهزلة انا لا اريده ،اعيدو لي غريبي .
كانت تلك ضربة قاضية لي.. لتنتهي قصتي الكرتونية
وتبدا حياتي واي حياة تلك ..
حياة لم اخترها وانما اختارتني ..او لا ادري ربما اخترتها ..
شعور البرود الذي كنت اشعره في تلك اللحظة لم اعره اي اهتمام .. كنت اتساير مع الاحداث فقط لقد سئمت 😢..
الفصل الثاني ..
تحاملت نفسي وعدت انا واختي ادراجنا اسمته هي "زكريات"
بيتي الذي اشعر انه سجني ومن فيه سجاني وهل يشعر السجان بالسجين.. .
منذ بداية الطريق لم تجفن عيني ولم تكل من الغرق اكثر واكثر... كيف المفر والهرب من لي يارب سواك ..
اريد بصيص أمل .. شعاع صغير ينير لي طريقي...
كيف سيعلم من انا؟!وما اريد منه؟! هل سيشعر بما قالته لي اختي..!؟كيف ساخبره ؟! ..
كيف اقول له انا هنا انتظر هنا ها هنا ! انا تلك التي احبتك وما زالت تحبك وحدي ..

#لمى :-بشو صافنة ..
#سجى :-احم شوفي شو بعتلي..
#لمى :-هاتي اقرأ..
#مسج غريب :- كانت القهوة طيبة شميت انفاسك بريحتها ، والحلويات بوستها قبل لاذوقها لمسات ايديكي كانت باينة فيها ، تعرفي شو عم اتمنى بس اني اعرف اسمك خبريني شو اسمك..
#سجى :-شو ارد عليه .
#لمى :-يلي قلبك بقلك عنو..
#سجى :-احكيلو اسمي .
#لمى :-مرتاحة .
#سجى :-وطايرة من الفرح كمان..
#لمى :- اعملي يلي بقولوا لالك قلبك..
#سجى :-ارد عليه ..
#لمى :-قلتلك يلي بريدو قلبك..
#سجى :-لا لا مابدي ..
#لمى :-مثل مابدك ..
((قد توالت تلك الايام ببطئ يبدو أنني اصبحت ارى حروف الرسالة بكل مكان ، على جدار غرفتي ،بجانب ساعتي ، على مرآتي ، بصفحات كتابي ، بالحديث مع أمي ،لقد ادركت للتو أنني اعشق شرب القهوة ذات الدرجة الوسط ، بنفس الفنجان ،وبنفس المكان ..
#ام صادق :- استغفر الله ليش صراخها طالع هاي..
#سجى :-مابعرف يامو .
#خلود :-مرت عمي انا مابحب الغلط بس هالشي مابصير..
#ام صادق :-الواحد بقول السلام عليكم مرحبا اهلين دفشتي الباب وصرتي بنص الغرفة عم تصارخي مشان شو..
#خلود :-انا اولادي بكرة عندهن مدرسة ونشرت التياب على حبل الغسيل يلي مقابيل الشمس .هلاء مين نقلهن غيرها ..
#ام صادق :-غير مين ..
#سجى :-امي انا نقلتهن بكرة عندي جامعة وبدي يلحقو ينشفو جلبابي تقيل وبدو وقت لينشف ، تياب اولادها بسرعة بينشفو..
#ام صادق :- مشيها هالمرة كنتي ، ما صار شي حطيهن مكان تياب عمك..
#خلود :-لاء بدي ارجعهن مكانهن ..
#سجى :-امي قليلها لاتشيل تيابي مابدي يتسخوا من تاني..
#ام صادق :-خلود استهدي بالرحمن..
#خلود :-طول عمرك بصفي جنب بنتك ،ما هي الكنة عدوة هون.
#ام صادق :-يابنتي شو قصتك على حبل غسيل عم تعملي قصة يوم حلو ويوم مالح انتي انسانة مزاجية وبدك اتمشي كل البيت على هواكي..
#خلود :-هيك انا ماشي هلاء بحكي لصادق..
#سجى :-شو يعني عم تهدديني ..
#خلود :-لان ماغيروا يحسن يربيكي لان عم تعملي جكر لتخلقي مشاكل بيني وبين حماتي اي بسيطة جبتي الدب لوكرك..
#سجى :-امي احكي معها شي دخيلك ..
#ام صادق :- اي تروح تحكي لصادق اذا بنزل وبمد ايدوا من تاني عليكي غضبي ليوم الدين رح ينزل..
#سجى :-امي ليكو اجا دخيلك والله بخاف منو..
#صادق :-يااااامو..
#ام صادق :-خير يا طير شو جديدك نازل حاجب فوق وحاجب تحت شو يلي بدك اياه.
#صادق :-وينا سجى ..
#ام صادق :-مانا فاضية عم تدرس عندها امتحان بكرة .
#صادق :-ليش مانها محترمة مرتي ومقللة ادب معها شو كل يومين على نفس الموال ، انا قلتلك بنتك مانها مرباية وبدها ترباية .
#سجى :-لا مرباية غصب عنك وعن مرتك وانا ماغلطت بحرف معها..
#صادق :- شفتي يامو لسانها طويل بدو قص وبدها ترباية ..
#ام صادق :-تعى لهون وين رايح ، اذا بتفكر تفكير بس تمد ايدك على اختك الصغيرة غضبي ليوم الدين رح ينزل عليك بدون ما اسامحك ،اختك ماغلطت عندها بكرة جامعة غسلت جلبابها ونشرتوا على السطح مقابيل الشمس ، ونقلت تياب اولادك الصغار على الحبل التاني ، مشان بسرعة ينشفو ،ماصار شي نزلت مرتك مثل الضبعة تقاتل بذبان وجها وفاتت البيت دفشت الباب بدون احم ولا دستور اذا بدك تربي حد روح ربيها لمرتك لتتعلم تحكي بأدب مع ام زوجها ..
#ابو صادق :-ليش صوتكم طالع للشارع..
#ام صادق :-ولا شي شوية خناق مثل كل يوم ، هات عنك يعطيك العافية ساعديني امي..
#سجى :- حاضر ماما .
.....

بصيرتي وبصري ما ملت ولا كلت من التحديق في الملا ...سأجدك ...بأي ثمن.. سأدق أول باب لي رب اثق به ولن يخيبني ...وسأشق الارض للبحث عن طريقك ... سأدق الصخر لينبت اسمك ... سأغوص البحار ولو كلفني البحث عنك الغرق ...
وأي جريمة تلك ...التي تقولها لي اختي... أن احب بحدود وانا إمرأة حدودي السماء..! وهل يوجد ابعد من السماء...سأصل باذن ربي الواحد الاحد ..هيا لملمي ماتبقي منك تشجعي هيا يا ذاتي وقلبي وعقلي .. الان حان الوقت للبحث عن طريق غريبي ....
#ام صادق :- ها اجو الصبايا ، وين يامو قلقنا عليكي.
#سجى :-انخنقت وقلت بدي روح لعند لمى .
#ام صادق :-من شو في حد مزعلك مدايقك..
#يجى :- امي انا مابدي سامر مابحبو .
#ام صادق :-ليش يامو الرجال مافيو عيب وشغيل ومرتب .
#سجى :-انا ماحبيتو.
#ام صادق :-بس تزوجي رح تحبيه .
#سجى :-مابدي اتزوج.
#لمى :-امي اتركيها شوي تفكر لاتضغطوا عليها.
#ام صادق :-براحتها بس والله الرجال منا وفينا وبفهم علينا وبنفهم عليه ..
#لمى :-الله كريم لاتاكلي هم رايحة احكي معها شوي ..
#ام صادق :- طيب اولادك وين ..
#لمى :-مع ابي برا بالحارة .
#سجى :-شفتي امك بلشت تكون مثلهن.
#لمى :-امي مو مثلهن بس هي مقتنعة بافكارهن لاتشغلي بالك ،كل شي بتصلح سدقيني ياقلبي .
#سجى :- لمى انا بدي احكي معو ، مافيني اتحمل.
#لمى :-شو بدك تقليلو .
#سجى :-اي شي حتى لو بدي اسمع منو كلمة الو..
#لمى :-مانك خايفة .
#سجى :-لاء ماني خايفة اكيد هو هلاء بتمنى مني شي .
#لمى :- مابعرف شو بدي قلك قايمة انا اشوف امي ساعدها شوي ..وانتي فكري بالموضوع ..
(تناولت هاتفي واستعديت للخطوة الاولى ، كنت متوترة خائفة ،تتصاعد الشهقات ، عدد الرمشات قد سبقت الثواني ،يبدو انه العذاب لا محالة ، ضغطت على الرقم الاول والثاني والثالث كم كانت صعبة هيا هيا اسرعي لماذا كل هذا الوقت بالضغط على الرقم 5 ، بقى خطوة واحدة اضغطي على اللون الاخضر ،هو ايضا ينتظرك ،يمسك هاتفة بإنتظار ذلك الصوت الحنون يناديه :- انا هنا ياغريب انا سجى لقد اشتقت لسماع صوتك هل تعرفني ،انا تلك المبهمة هل تفهمني .
#غريب :-الو الو مين معي .
صوتك الرجولي اقفل الابواب وربط لساني ،يا إنا تكلمي ،فآذانة الصانتة تسمع تلك الانفاس يبدو انه شعر احس بوجودك هل أنت تلك السيدة الصغيرة التي اعشقها تكلمي ،انطقي بحرفين قولي نعم ،او حرف واحد قولي انا من احبك .
#غريب :-صوت نفسك عم يربكني .
لم استطع كم انا فاشلة ،لم أعي لماذا اغلقت الهاتف ،مابي ايعقل ما افعله كم انا حمقاء وضعيفة ولا استطيع حتى أن افسح الطريق لنملة لحمل ذرة سكر ...
#لمى :- شو صار معك .
#سجى :-اسمعت صوتوا بس ماقدرت احكي شي ، اتوترت على الاخر حسيت حالي مربط لساني ..
#لمى :-وصلتك رسالة .
#سجى :- هو هاد شوفي شوفي بعتلي رسالة ..
#لمى :-اقرايها ...
#سجى :- عم يقلي ...
(( حاسس انك هي صوت انفاسك خبرني كنتي خايفة كتير بس بتشكرك على جرعة الاكسجين يلي اعطتيني اياها ..انا اليوم العصر رح مر من هونيك ..
#لمى :-من وين رح يمر..
#سجى :-رح يوقف سيارتوا عند باب جيرانا ،انا من اسمع صوت السيارة بوقف عند الشباك هو بشوفني ..
#لمى :-شباك يلي على الدرج مقابيل شقة صادق.
#سجى :- اي ..
#لمى :-شافتك شي خلود مرت اخي ..
#سجى :-لا ولا مرة.
#لمى :- شلون رح تطلعي تشوفيه وهي فاتحة باب شقتها ..انتبهي منها هاي السلعوة ليكني حذرتك بدمرلك كل حياتك.
#سجى :-ساعديني .
#لمى :-بشو
#سجى :-من يجي اعملي حالك واقفة معي .
#لمى :-يشوفني ، شوفي عم يتصل تاني .
#سجى :-شو اعمل ارد ولا لاء دخيلك احكيلي .
#لمى :- افتحي الخط .
#سجى :-لا خايفة مافيني ..
#لمى :-افتحي الخط لاتخافي من شي .
#سجى :-ياربي ليكني ليكني فتحت ..
#غريب :- لحسن حظي الاجمل اليوم رح زوركن في بيتكن ، ياريت قهوتي تكون وسط مابحبها بسكر كتير .
#سجى :-قفل
#لمى :-ههههه بدو قهوة وسط.
#سجى :-مابعرف اعملها .
#لمى :-بعلمك انا.
#سجى :-بس نحنا ماعنا قهوة اليوم اخر فنجان الصبح امي عملتو لابي..
#لمى :-بدبرها قومي نرتب كم شغلة حلوة ..جاتو او بسكوت شو رايك..
#سجى :-فكرة حلوة..
....
#لمى :-شو بشهو ..ومنظرهن بشل ..
#ام صادق :-شو يابنات ريحة البيت طيبة شو عاملين..
#لمى :-عاملين حلويات محبة .
#ام صادق :-ياعيني مممم شو طيبة يسلمو هالانامل الحلوة..
#يامن :- ماما دخيلك فنجان قهوة وسط من ايديكي ..
#لمى :- امي انا بعمل .
#ام صادق :-ماشي امي تعباني من المشوار ،ضيفي اخوكي ورفقاتو..
#لمى :-اي تكرمي ..سوسيتي احم احم..
#سجى :-شوو
#لمى :-يضرب الحلو شو بذل ،وبخلي سجى تعمل قهوة ..
#سجى :- بدي اتقنها كرمالو.
#لمى :-الحب عنا 😋
#سجى :- لمى حاجي خلص..
#لمى :-استني رح جيب الكرسي واستخدم طقم الفناجين يلي امي مخبيتن للضيوف الاكابر ..
#سجى :-واذا شافتن..
#لمى :-بنغسلن قبل لتشوفهن ..
#سجى :-هيك تمام القهوة ..
#لمى :-اي بتجنن وعليها رغوة ياعيني شو هالاهتمام ..
...
في المسا 11:45

.....
#لمى :-اي الو معك اختي كملي شو صار ..
#سجى :-لو مابيك اجا كان صبغو لجسمي مثل كل مرة..
#لمى :-حسبي الله ونعم الوكيل ، يالا معلش ياعمري ،اتحمليها كرمال امي وابي ، حرام كل يوم تتخانق معها والله بيعلى عليها الضغط والسكر ..
#ام صادق :- حردت خلص لازم تعملها كل مرة نفس الشي ..
#لمى :-شو في اختي ليش امي صوتا طالع.
#سجى :-مرت اخوكي حردت مثل عادتها وتركت الاولاد لامك ..
#لمى :-خليها تكبهن لابوهن ، هي مانها مجبورة بقرف خلود وصادق ..
#سجى :- امك عم تبكي لمى خليني شوفها والله السبب منى بعرف ، ماحد متحملني ..
الفصل الثالث ..
احتضنت هاتفي ، فكان اسمه يبعث لقلبي النور .. اغلقت قائمة الاتصال وفتحت قائمة الرسائل كان لابد ان اكتب لك :-
غريبي...احتاجك...خذني من عالمي..مد يديك اصحبني معك واليك الي عالمك الزمردي .أتسائل واسألك وأساله ..
هل لهذا الحد يعشقني حظي الأليم ؟!
ان فارقته ...جاء الي مهرولا ..
وهل ياتي فقط للحسناوات التعيسات
واي تعيسة تلك من تمتلك غريبا مثل غريبي..
كم انني غبية ذو عقلا صغير..
امتلك السعادة كلها..واقول اني تعيسة..
لدي غريب يملك سعادتي ..فرحي ...والحياة...
متاكدة انا هو فقط من سينتشلني من هذا السجن اللعين...
سياخذني واسافر معه الي عالمنا فقط ..
واشعر .مثل نجمة يغازلها القمر .مثل تلك الجميلة الذي سرقها الوحش اوسندريلا وهي تهرب منه اليه ..مثل ليلي عندما عشقها الذئب وغيرها الكثير ...
اسمعني يا هذا ...انت الذي بكل ما املك من جوارح اريد ان اعيش تلك اللحظات معك ..ب بريقها ولمعانها .. بفرحها..وان كانت بأحزانها.. ولكنني أدرك انها ستكون معك ..ولكن ادراكي كان حلم لقد غلبتني القيلولة واصبحت في عداد الغافين ..قمت مفزوعة ماذا كتبت ...
اين هاتفي..اانت هنا كدت اجن...
ماذا كتبت له..اشعر بان قلبي سيتوقف...
هل دقاته مسموعة..اشعر ان صوتها مثل صوت طبول.. يخرق الاذان...وانفاسي ستنقطع..ماهذا...
وجهي...يحترق... يا ربي...
ما اشعر به لا يوصف ...
هكذا يكون ..
من يترشف من كاس حب...اطلقت اهاتي واقول...صابني البلاء..
وكم من بلاء لذيذ.. مثل قطعة كعك امي الجميل...
وهل سابقي غارقة هكذا..
ساكتب له هو... وحروفي وكلماتي ستكون له هو ..مثل حبي...
كلما حاولت الكتابة له لا يخرج مع شي ...
بسم الله الواحد الاحد عليه اتوكل..
رسالة ..(كلما احتاج الي منفي ... هل ستكون انت منفاي ..؟!)
#غريب:- واخيرا قلتي مرحبا ..
#سجى :- انا اسمي سجى..
#غريب :-بعرف سألت وعرفت ..
#سجى : ! ؟ .
#غريب :- علامة تعجب وبعدها استفهام..اها مستغربة وبدك تعرفي من مين ..انا سألت لاني صار اكثر من سنة ونص وانا على هاد الحال ومازلت صابر وبآخر المطاف ماقدرت لازم اعرف انك سجى وعمرك 20 سنة وانتي اخر العنقود عم تدرسي فيزياء شاطرة بجامعتك مواعيدك كل يوم من الاحد حتى الاربعاء بتبلشي من الساعة 8 ونص حتى الساعة 2 ونصف ..صباحا بتروحي بالميكروباص مع عمو جمعة وبالاحرى بالمقعد الامامي مع رفيقتك بنت الرابي. هي منيحة وعاقلة وبنت مرباية مثلك..بالمسا بترجعي بباص الطلاب ..بتجلسي بالمقعد الثالث جنب الشباك وراسك مائلة مغطاة بكتاب ..بعض السفلة من الشباب بالمقعد الخلفي بتقصدو يطلقو صفارات على نزولك بس هالشي انتهى من شي شهر لا تقلقي ..شجرة يلي بقفا كافتيرية الجامعة صارت تحبك كتير ..ومابجي ظلها الا من تكوني..اي صحيح الجلباب الازرق الغامق بجنن عليكي..ولا تزعلي من رفيقتك الطويلة تقلك يازعرا طولك حلو وعاجبني كتير بالمناسبة متى فيها امي تتقدم لخطبتك 🤔..
#سجى :- ؟!..
#غريب :-علامة استفهام وبعدها علامة تعجب ..السؤال سبق الاستغراب يعني شوووو مش مسدقة ...ههههه اي اولا انا عم دق بابكن ماعم دق شبابيكن ..تستغربي ماتستغربي هاي الحياة بالمناسبة انا اسمي غريب..
#سجى :- 😊..
#غريب :-حلوة ابتسامتك بس تنبيه بسيط ما تعيديها لبائع الفاكهة من يقلك لالك بسعر احسن.. مابيستاهل تبتسمي لالو كرزات خدودك بغاروا 😂 😂..
#سجى :- 😋..
#غريب :-يعني مو كتير مجنون فيكي تقولي من عرفك انجن وهيك شي ..
#سجى :- 👋..
#غريب :-ديري بالك على حالك ..اكتفيت بكلمة مرحبا واسمي سجى .. 😍.
#سجى :- لمى اختي من تشوفي الرسائل دقيلي ..
#لمى :-معك شو قليلي ..
#سجى :- بعتلو رسالة مرحبا انا سجى ..
#لمى :-اي وشو حكالك ..
#سجى :-بعتلك صورة شوفيها ..
#لمى :-عم اقرا ...هههههه عم يفهمك .. 😂 😂..
#سجى :-شو رايك..
#لمى :-واقعان على الاخر ..وذايب ماقدر يتحمل كل شي ببطنو قالو ..حلو الثقل 😂 😋 خليكي هيك ..
#سجى :- مممم كلامو حلو بس قرأتي من قال رح يخطبني ..
#لمى :-اي ، رح اجي لعندكم الشهر الجاي .جوزي بدو يسافر وبدي اقعد معك فترة...
(بعد مرور شهرين ))
#ام صادق :- مين هاي ..
#يامن :-ام الغريب يامو ..
#ام صادق :-اهلا وسهلا تجي لعنا بابنا مفتوح للكل ..
#يامن :-بس بيني وبينك هالحكي جاي خطابة ..
#ام صادق :-بس اختك محكي فيها ..

#يامن :-دخيلك امي لاتحرجيني هاد رفيقي وغالي عندي سألني اذا عندي خوات للزواج حكتلو بقيان وحدة ..
#ام صادق :- وافرض المرا عجبتها اختك شو رح نرد عليها ، انو رافضين البنت طالبينها قرايبنا ..
#يامن :-يا امي ياحنونة هاد سامر مابفوت لالي براس والله حرام يعني اختي لهلاء ماقبلاني تحكي اذا موافقة او لاء خلي الناس تجي ويمكن نصيبها معهن ..
#ام صادق :-طيب ماشي مشانك بس ...
....
اتذكر جيدا تلك الليلة كانت اول ليلة اسهر بها حتى فجرا
منتظرة دوري لمقابلته وانتظر ان ينتهي هذا وذاك ..شعرت بالتعب والنعس ولكن لم اشأ ان أنام دون تجهيز نفسي لمقابلته..
اجلس امامه اتذكرون (الغريب) لا افهم كيف ؟!ومن اين ؟!
ولكن اريد ؟! اريد أن احدق به عن قرب ؟! الجميع حاضرون ..الغريب وامه وشقيقته ..وامي واخي وشقيقتي ..ابي بالعمل واخي صادق لا يأتي ...
جالسة هكذا مرتدية ثوب ازرق داكن ..وحجاب باللون الابيض .. يكاد الخجل يخجل مني لا استطيع رفع رأسي كلما حاولت ان استسرق النظر اليه خلسة ، أجده يرمقني بعينية يمينا ويسارا ..كم هو جرئ..
#لمى :- تعي اختي معي انقدم القهوة ..
#سجى :-حاضر .
#لمى :-احم احم شو شخصية يخرب زووقك ..
#سجى:-هيك شايفتيه ..
#لمى :-طلع مهندس معماري حافظ كل الاماكن .. 😂..
#سجى :- بس اختي
#لمى :-والله رجال عملها واجا للبيت يخطبك ..
#سجى :-بس امي يا لمى ..
#لمى :-بقنعها بالليل هي على هوا ابي ، ومابدها تحرج اخوكي .
#سجى :- ااااه ..
#لمى :- ريحي قلبك اللي ربنا كاتبو بصير ..
#سجى :-حلوين تيابي ..
#لمى :-بجننو اللون بطير العقل .
#سجى :-هو قلي البس هيك..
#لمى :-زوقوا حلو ..
#سجى :-شوفي بعتلي رسالة ..
#لمى :-شو كتبلك ..
#سجى 😞( لاتتأخري خلي لمى تعمل القهوة وتعي اقعدي ماحلوة القعدة بدونك ))..
#لمى :- ههههههههه..اسمعتيها امو من قالت بيت لحالها مو شقة..وتكمل دراستها ويلي بدها اياه تكرم عيونها ..
#سجى :-اسمعتا ..
#لمى :-على فكرة هني وضعهن بسيط بس الشاب تعيب ومجهز حالو على الاخر هيك قلي يامن..مابنام لا ليل ولا نهار ..بشتغل على حالو كتير..
#سجى :-شو قلك يامن ..
#لمى :-قلي اختي مارح تلاقي احسن منو..بس خايف من صادق وبيك يرفضوه..
#سجى :- هاد يلي مخوفني خايفة يغصبوني على سامر ولا مابطيقو بقتل حالي ..
#لمى :-لاتقلقي اليوم صارت الشوفة وانتي بالليل من يسالك ابي قولي موافقة ..وهيك بتنحرق ورقة سامر انا بالليل بضغط على ابي بطريقتي ...
..
8:20 مساءا ...
#ابو صادق :- اتصلي عليها واحكيلها البنت محجوزة ..
#لمى :- انطري ماما..الله يخليك بابا اسمع بس لالي لاتسمع لصادق..
#صادق :-ولا وقحة شو عم تحكي انتي مين مطول لسانك عليه..
#لمى :-اسمع مو مشانو ابن عم مرتك ، هالرجال مانو مناسب لاختي مابتحبو وبعدين لا عندو بيت ولا مهر ولا شي جاي ياخد اختي هيك حمل وشيل وانتو بدكن اتكبوها لالو مشان ابن عيلة وقادرين تدعسو على راسو وقت مابدكن ، مو هيك احكيلك شي امي..
#ام صادق :-مادخلني انا البنت وابوها يصطفلو ..
#خلود :-اكيد رح ترفض لان الحب مانعها ..
#صادق :-حب شوو..
#خلود :- ابني جاب موبايل عمتو سجى كان يلعب فيه ..فتحتو شوف الرسائل والاتصالات ..شي طبيعي الحب مغطي على عيونها ماعاد يعجبها ابن عمي سامر ..
#سجى :-هاتي موبايلي ..
#صادق :- اتركي اشووف اتركيه قلت
#سجى :-مابدي هاد موبايلي ومابدي حد يكمشو ..وهاي وحدة كذابة عم تتبلى عليه ..
#خلود :-لا مافشرتي هالمرة تقنعيهن بوجهك الاصفر..
#ابو صادق :-اعطي الموبايل لاخوكي ..
#لمى : - لحظة لحظة ماحد لالو دخل بحياة اختي بعدين هاي انا كتبتها لجوزي ..لان مامعي رصيد..
#خلود :-جوزك اسمو غريب...
#صادق :- هه وانا دايما بظلمها لمرتي طلعت اختي المانها مرباية بتعرف شباب من ورا ظهرنا واحنا مثل الثيران مانا عرفانين انربيها ...خد شووف اقرا
#ابو صادق :-صحيح هاد الحكي ..سجى بحكي معك صحيح هاد الحكي ..
#سجى :-مابعرف مابعرف..
#ابو صادق :-اعطيني القشاط من عندك ..
#لمى :-يابي بس اصبر عليها الله يخليك الشاب بحبها وبريدها واجا لعندا ليخطبها ..بترجاك بابا لاتضربها ..
#سجى :-امي احميني الله يخليكي ..
#خلود :-عم تتخبي بإمك خليها تحميكي مثل كل مرة تستاهلي ..
#لمى :- ماحد رح يمد ايدو على اختي ،هي حرة بحياتها مارح تجبروها تعيشوها مثلي يوم جوزها عندها وعشرة مسافر على قولو فسح وانتو يلي مابتعرفوا انو بخوني ..كرمال ضلي في بيتي ..ومشان اولادي ..اختي مارح تعيش حياة كريهة مع شخص مابطيقو كرمال العشرة وشو قالت الناس ..بدها تجوز الشخص يلي قلبها اختارتو..بعدين هي ماغلطت الشاب كان يكتبلا واجا للباب يخطبها حرف واحد وسخ منو ماطلع ...
#خلود :- وكلام الغزل هاد..
#لمى :-اخرسي انتي مالك بحياتنا شي وماتدخلي التهي بحالك وباولادك ..
#خلود :-شفت لاني كشفتا ماعجبكن دايما انا الظالمة ..
#لمى :- يابي اسمعني اختي والله ماغلطت الشاب ووصل بيتنا يخطبها واختي بدها اياه وافق عليه بدون مشاكل..