قصة قصيرة: #ضحية_عشق
.............
قراءة ممتعة🦋💙"
#ⴅÂÐЄĦÂ

#ضحية_عشق
#اسراء_عزام
@rwayate
#الجزء_الاول+ التاني +التالت+الاخير

* سمر *
كنت واقفة عباب غرفة العنآية المشددة ، لآبسة بدلة عرسي .. وبتطلع على احمد وسلمى بكل ذهول وخوف ، شعوري كان مابينوصف ، كنت شايفة اختي بتودع الحياة وقاعدة بتموت ، واحمد منهار جمبها وماسك إيدها وبترجى فيها تعيش وتضل جمبو ، بس هي ما كانت سامعيتو 😢

دموعي كانت معبية عيوني ، شكلي صار بخوف لأنو ختلط مكياجي بدموعي ، تحول يوم عرسي لأسوء أيام حياتي ، كان نفسي الارض تنشق وتبلعني .. عيوني طول الوقت كانو على شاشة تخطيط القلب .. التخطيط كان بيضعف شوي شوي .. وكل ما يضعف كنت احس بهدة حيل ، بعيط بحرقة وبدعي انها تضل عايشة .. شو ما كان هاي اختي من لحمي ودمي .. كنت بدوامة انا صنعتها بإيدي ..

أحمد قدامي مآسكك إيدهاا وبعيط بحرقةة وبترجى فيها ماتموت ، وصوت امي وابوي واخواني بعيطو وبشهقوا بغرفة الانتظار ، وانا واقفة بالنص متل المسمار مو عارفة اواسي حالي ولا اواسي حد فيهم ..

قعدت بزاوية الغرفة .. وحطيت ايدي عوجهي وغطيت عيوني ، كان بدي بس ثواني من الراحة .. وبعد عن هالقلق .. بس ما لحقت تمر الثواني الا وسمعت صوت جهاز نبضات القلب صار يطلع صوت متل الانذار .. وصراخخ احمد عبى المستشفى وهو يحكي " لااااا سلمى .. لا تتركيني .. ما راحح اتركك بس لا تموتي " .. كان متل المجنون ... تطلعت عالجهاز .. كان مافي نبضض

دخل الدكتور بسرعة وبعد احمد عنهاا ، حاول يعمل صدمات كهرباا بس ما ستجابت ... ولما نفقد الامل .. تطلع علينا الدكتور بنظرة كلهاا حزن وخيبة وحكالنا " العمر الكم "

شو يعني ؟ يعني اختي ماتت ؟؟ استنوو ليش بتغطو بوجهها .. راحتت سلمى ! راحتت بدون رجعة 😣

--؛--؛-؛؛-------؛:؛؛؛---------؛؛؛------
" قبل سنة "

- سلمى : سمر يلا امشي نطلع عالمحاضرة ، مالك متمسمرة هون بالحديقة ؟؟

- سمر : ولكك قلبي ، تعي شوفي الشب اللي هناك عالمدرج

- سلمى : طيب ، شو مالو !!

- سمر : ولكك ابو القميص الزهر ، شوفي ما احلا ئي ، شوفي شعراتو ولا عيونو ، ولا طولوو

- سلمى : طيب يلا يلا عالمحاضرة بلا حكي فاضي

* سلمى *

طلعت انا واختي سمر عالمحاضرة ، بس طول الوقت كنت بنحرق من جواتي ، لانو اختي بتتغزل بحبيبي .. صحيح هي ما بتعرف انو حبيبي ، بس انا فقت من غيرتي بعد حكيها هاد وصار نفسي امسكو وتحطو بعلبة واسكر عليه .. ستنيت المحاضرة لبين ما خلصت وقلت لاختي انو بدي اروح اشوف صاحباتي ، وطلعت من القاعة ورنيت على احمد عطول

- احمد : هلا حبيبتي

- سلمى : اهلين استاز احمد

- احمد : مالك هبولتي !

- سلمى : تعال مكان ما بنلتقي دايما بدي اشوفك

- احمد : حاضر يا عمري

اجا احمد وقعدت انا ويا .. كنت معصبة كتير من الغيرة واول ما شفتو فلتت عليه

- سلمى : اسمعني سيد احمد ، مو ضروري تيجي عالجامعة متشيك مفهوم ، تعاال بالبيجامة ما بزعل .. بس لا تزبط حالك ولا تحط عطر ولا تعمل شعراتك هيك .. وبعدين معك ياا

- احمد : ههههههههههه ، يسلملي المعصب ولك مالك ؟ هدي ياعمري هدي

مسك ايدي وصار يهدي فيي

- احمد : يا حبيبتي الصغنونة قوليلي مالك !

- سلمى : هاي اختي سمر ثبحت تتغزل فيك

- احمد : ليش هي عرفت عن علاقتنا ؟؟

- سلمى : ولك لا ، مجنونة احكيلها عشان توصل الحكي لامي .. بس هي شافتك عالمدرج وبلشتت تتغزل وانا نحرق دمي

- احمد : يا حبيبتي ليش غيرانة ؟ مو انا معك وبحبك انتي !

- سلمى : اهه

- احمد : طيب خلص ، وبعدين صح هي اختك التوئم بس ما بتنزللي من زور .. مو متلك ابدا

خلصت حكي مع احمد وحملت حالي ورحت عالبيت ولقيت الست سمر واصلة قبلي ، واول ما دخلت سمعت صوت امي برن متل الجرس

- ام خالد : ولكك سلمى ، وبعدين معك ! بتخلصي محاضرات وبترجعي عالبيت مو ضروري تضيعي وقت مع صاحباتك والا والله بحكي لابوكي

- سلمى : امي شو فيها يعني ، بتسلى شوي وبغير جو

- ام خالد : انا حكيت كلمة ، ويا ويلك ازا بعرف من سمر انك خلصتي محاضرات وما روحتي

- رامي : اسمعي كلمة امي ، مفهوم

- سلمى : ولا رامي يا فصعون اسكت انت ، حاضر امي بس خلي ام لسان تقص لسانها شوي مو كلشي تيجي وتفسدو

دخلت عالغرفة وانا معثبة ونفسي اطلع اضربها للست سمر ، عمري ما حكيت عنها وهي أقل الاشياء بتنقلها .. وبعدين مع هالحالة، وبعد بساعة لقيت سمر داخلة عندي عالغرفة وبدها تراضيني قال

- سمر : اختي .. تعي اقعدي معي ، ليش حابسة حالك هون ؟؟

- سلمى : - - - -

- سمر : اختي ردي علي ئي ، لا تزعلي بس والله لساني لحالو بيحكي

ضربتها بالمخدة وصرت العب انا وياها .. بتضلها اختي واكيد مو قاصدة تإذيني