#چگونه یک پاورپوینت اصولی و جذاب برای جلسه دفاع پایان نامه یا کنفرانس و ... تهیه کنیم؟
#فوق العاده کاربردی و ساده
قرآن پژوهی
@yortchi_bosjin_pdf
#فوق العاده کاربردی و ساده
قرآن پژوهی
@yortchi_bosjin_pdf
من حبك حبيت ظلم الاقدار
البارت 51
👌🏻👇🏻 😍
📚 @rewayatyamania 🇾🇪
ريم ورؤى وفريق العمل لمنظمه ال……. قرروا بعد ما شافوا حال هذه القريه كل واحد منهم فوق الباص وهم راجعين لصنعاء بيتناقشوا على اوضاع القريه مقررين أنهم يبذلوا قصارى جهدهم أنهم يبنوا على الاقل مدرسة لتعليم الاساسي والثانوي ومستوصف طبي بسيط… ومشروع مياه لكل بيت
روح غسان بيتهم وشل مصطفى معه يتغدى
جلس مصطفى في المجلس وغسان سار لعند جميله يقلها تجهز له غداء هو وأبوه ومصطفى
غسان: سلام عـْليگم
جميله: وعليكم السلام
غسان : قد به غداء ياخاله
جميله : شويه ويجهز بقي تنضج اللحمه بس
غسان: يله نصلي وقدو جاهز
جميله : أن شاء الله
طلع غسان لغرفته يغير ثيابه وبعدها سار لعند أمه
عائشه كانت فوق سجادتها بتصلي
غسان: ريع لأمه لما تكمل
عائشه كملت وقامت من فوق السجاده
غسان سار حب رأس أمه وقال تقبل الله
عائشه : منا ومنكم أن شاء الله
عائشه : عيس حن جيت كنت شاتصل ڵـڱ
غسان : خير ليش ؟؟
عائشه : أشتي تقل لصاحبك مصطفى يقل ﻹأمه تجي عندنا خطوبه رهف يوم الخميس
واشتيك تنفعني وتحجز لنا ببس وترته ومقفص من عند أبو خالد ساع الذي حجزت ليـّۓ لما سرنا في زياره أختك ميساء وهي والده.
غسان بقهر لانه عادو عزم أم مصطفى كيف عيقتهر مصطفى أكثر وفكر انه مايقل ڵـهٍ أحسن وفي نفس الوقت مايسبر ما يعزمها وهو واصل عندهم وقد هم بالنسبه لغسان أهله واعز.
غسان: ټمـٱمـ ان شاء الله كم أحجز حق كم
عائشه : حق 50 مَـرّھٌ وعلى الله يكفي
والترته خليها كبيره دورين أشتي شي يبيض الوجه هذه رهف آخر العنقود
غسان: بقهررررررر ماعادو قهره على رهف بس علـّۓ مصطفى ماتكلم انه يشتي أخته وقهر أن رهف لوليد لشخص مايستاهلها .
غسان: أن شاء الله شا حجز من اليوم
ماعاد تشتوا
عائشه : عافيتك الله يحفظك
نزل غسان من الدرج وابو غسان ورهف دخلوا البيت
غسان سار حب رأس أبوه وقال كيف حالك ياأبه ؟
أبو غسان : الْحٍمَدٍ للـّہ او قد تغديتوا
غسان: ماشي مريع ڵـڱ فيسع انا في المجلس انا ومصطفى
أبو غسان : يله الان أغير ثيابي واجي
ومشي غسان متجاهل العيون التى بتشوفه بكل شوق ومنتظره الكلمه منه .
★★★★★
في بيت هيثم
أبو هيثم بيجابر مرته
أبو هيثم;: تمام حاكي الولد اذا نفسه في أي حد خطبناها ڵـهٍ واذا مابش في نفسه دوري ڵـهٍ أنتي
فتحيه ( خلاص اليوم فوق الغداء نقله أنا وانت
ابو هيثم : ټمـٱمـ ان شاء الله
وصل هيثم وسلم عليهم بالسلام عليكم
فتحيه وزوجها( وعليكم السلام
هيثم: واخيرا كملنا المحاضرات قدو آخر يوم
ابو هيثم: كملتوا خلاص ذاحين ويحين عتختبر
هيثم: بعد العيد علـّۓ طول
فتحيه وزوجها بصوت واحد وفي نفس اللحظه ( الله يعينك ويوفقك
هيثم: آمين يارب
قد به غداء
فتحيه: أيوه بس مريعين ڵـڱ
هيثم;: يله أبدل وانتوا قربوه أشتي أخزن بدري علـّۓ سب أمخمخ للمذاكره
فتحيه : قامت وبتدعي بنتها سميه يخطين يقربين الغداء وتوجهت للمطبخ يقربين وهيثم سار يغير ثيابه ويصلي
#فوق الغداء
أبو هيثم: ايوه يا أبني قدك رجال وماشاء الله وقلت انا وامك نخطب ڵـڱ بقي ڵـڱ أربع سنين تكمل الدراسه حقك سهل توك بس أشتي أزوجك وابسر عيالك
هيثم: خزي وقال مشتيتوا بس العرس عادو بدري عليه
أبو هيثم: ليش بدري ما ناقص عليك شا زوجك واصرف عليك انت وهي لما تتخرج وتبسر لك عمل بعدا الله يفتح عليك بعد ما تلقى عمل زد كن أدي ليـّۓ أنت بس نفسي أزوجك قذا بتبسر كيف السكر هدني مدري عاد شاعيش لبعد ماتكمل الجامعه او ماشي
هيثم وسميه وفتحيه: الله يطول في عمرك الله يحفظك
فتحيه:خلاص من نفسك نخطب ڵـڱ قبالك بنت نفسك فيها
هيثم: الصدق مابش قبالي بنت ولا في نفسي بنت بس نفسي في ناس أشتي واحده من بناتهم
ابو هثيم: من هم
هيثم قال : بنات عبدالله ال…. جارنا
بنات ماقد سمعت عليهن شي ومساكين وامهن دخلت قلبي واشتي أكون رجال لهم أحميهم من ابوهن ويكون ليـّۓ حق أدخل اذا حصل شي
ابو هيثم : زاد فخره في أبنه وكيف تفكيره وحسه عندهم وما نسيهم وقال ونعم فْيَگ يا هيثم وانا موافق
فتحيه: ماعجبها الخبر وقالت ليش واحنا نناسبهم وابوهن مشو سوى ومشو سمعته سابره
سميه: ياأمه امانه مادخل هذا في هذا ابسري البنات ماحلاهن
فتحيه: ماعرفهنش
سميه: انا قد بسرت ريم الكبيره وهي مناسبه لهيثم وقمريه
هيثم ذكر جمال خالد وقال في نفسه هذا الولد كيف عتكون البُـنًتٍ
ابوهيثم قال: يا فتحيه ما ذنب البنات نربطهن با أبوهن مافكرت أنش هكذا وبعدا والله ان به أمهن ذهب محد داري ان به مَـرّھٌ عانت هذا ڱڵـه سنين من زوجها بعدا تشلي لش بنت مسكين ماتجيش تنخط فوقش ساع بنات هذا الايام قد بسرتي مَـرّھٌ أبن أختش ماقد فعلت باأختش نهايه النسب العالي نشل لنا مساكين والله يسخر لهم
فتحيه: ومشي مقتنعه قوي قالت .......
✍نجلاء يحيى
📚 @rewayatyamania 🇾🇪
