قصة بقلم صديقات القناة ، شامة ، تالا 🌸✨
بعنوان: #في_عرين_الحرب
.............
قراءة ممتعة🦋💙"
#ⴅÂÐЄĦÂ

#في_عرين_الحرب
#بقلم_شامة_و_تالا_عباس

الجزء الثامن
8

نامو الكل من التعب وقسمو الغرف غرفة للرجال وغرفة للنساء بقيو نايمين كل اليوم وصحيو المسا مصحصحين مو قدرانين ينامو ..

ابو ضرغام : ماشاء الله على هالجمعة الحلوة شكلكن اليوم ماحتنامو

حسن : لا والله نمنا كل اليوم لان بالليل محدا نام

ابو ضرغام : هيك افضل سهرو اليوم ونامو بكرة الصبح مشان تسهرو وقت الطلعة هي جبتلكن الغراض اللي وصيتوني عليها لازمكن شي تاني لسا

طاهر : سلامتك ابو ضرغام يعطيك العافية

ابو ضرغام : الله يعافيك اي شي بدكن ياه حاكوني يلا السلام عليكم
الجميع : وعليكم السلام

كان ابو ضرغام جايبلن شوية اكلات وفواكه للسهرة واكلات طيبة للولاد
بقيو سهرانين سوا يحكو ويضحكو كأنو بيعرفو بعض من زمان طويل..

هالحرب متل مافرقت ناس بالمقابل جمعت ناس كمان
رجعو الصبح افترقو وراح كل حدا ع غرفتو لينامو اجا المسا وحان الوقت اللي يطلعو فيه

ابو ضرغام : يلا ياجماعة جاهزين
الجميع : اي جاهزين

ابو ضرغام : يلا طلعو بالباصات لكان
طلعو بالباصات اللي وصلتن ع منطقة جنب الحدود

ابو ضرغام : مابقا فيها السيارات تمشي اكتر مابدنا يشوفنا العكسر التركي فيه مجموعة شباب رح تروح تدليكن عالطريق توصلو بالسلامة
بلشو يمشو ب هالطريق كان بالبداية شجر كثيف من العتم مو معروف شو هو فجاة وقفوهن وحكا شي من المهربين
المهرب : رح نقعد هون شوي لبينما يصير الطريق سالك هنيك في عسكر تركي عالساعة ١٢ بيتبدلو وبوقت التبديل نحنا منمشي
قعدو عالتراب كلن كانو اكتر من ١٠٠شخص بين ولاد ونسوان وشباب الولاد يضوجو شوي بس يسكتوهن بس البرد تمكن منن
واحد من الشباب همس للمهرب : مافينا نشعل نار نتدفا والله جمدنا من البرد

المهرب : لا اوعكن بدكن ننكشف لا ضو ولا صوت ولا اي شي حتى سيكارة ماتشعلو

ضلو هيك قاعدين حتى بدون حكي واذا بدن يحكو من البرد مو قادرين يفتحو تمن
مضو ساعتين وصارت الساعة ١٢

المهرب : يلا جهزو حالكن بدنا نمشي وديرو بالكن الولاد تبكي فورا بيمسكونا

مشيو كلن ورا بعض متل العسكر الطريق قدامن من كتر العتم مو مبين وقعت نارين وصرخت اخ رجلي

المهرب : لك بلا صوت قلتلكن ساعدوها لتوقف
قربو الشباب منها ليوقفوها بس ينار ماسمحلن وهو ساعدها ومسك ايدها وصار يمشيها معو رغم الوضع اللي هنن فيه بس عيونن كانت تحكي قصص ..

صحي ابن حسن الصغير من النوم وبلش يبكي واهلو يحاولو يهدو بس ماكان يهدا

المهرب : لك سكتو سكتو هيك ١٠٠شخص رح يتضرر بسببكن
سمع الصوت العسكر التركي واجا لعندن
كانو العساكر كتير مناح ف طلبو منهن يرجعو بهدوء بدون مايحكوهن شي

رجعو خايبين من نفس الطريق لنفس المسبح اللي كانو قاعدين فيه ونامو من بردن وتعبن
اجا الصبح لعندن ابوضرغام

تامر : بعد كل هالعذاب والقعدة بالبرد هيك منرجع مو عاساس الطريق مضمون
طاهر : بالفعل حتى غطا مافينا ناخدن معنا لان الطريق صعب لك الولاد رح تمرض هيك

ابو ضرغام : طولو بالكن ياشباب انتو مفكرين الطلعة هيك مو من اول مرة بتظبط بدكن تجربو مرة ومرتين وتلاتة الا مايتيسر طريقكن سالو الحج ابو مرعي كم مرة حاول

ابو مرعي : اي والله ياشباب هي الي هون ست شهور عم حاول فيهن ناس كتير دخلت قبلي وانا ماتيسرت الشغلة حظ بدكن تطولو بالكن

تامر : لنشوف اخرتا

ابو ضرغام : طيب ريحو حالكن هلأ وانا عم شفلكن طريق تاني اضمن من هاد تطلعو منو فجأة وهو عم يحكي داخت سالي ووقعت بالارض

قربو البنات وعمر من سالي ..
بس بعدتهن ام مرعي ورجعتن لورا ..

ام مرعي : بعدو انا بشوف شبها ... اتطلعت لاقت الشباب كلها بالغرفة ..
صرخت فيهن صوت : لك انتو ما تستحون .. برا على السريع .. في عجية هني ...

طلعو وهنن عم يفوتو ببعضن من الخجل ..

ام مرعي : نارين ي بنية .. جيبيلي بصلة ..

طلعت نارين وجابت بصلة ..
ورجعت ..
قربت البصلة من انف سالي وفتحت سالي عيونها ..

ام مرعي : مابيها شيء .. نزل ضغطها ..

الحمد لله عسلامتج ي بنية ..
من كم يوم مصابج ذا ؟

سالي : صرلي يومين عم دوخ و معدتي عم تقلب ..

ام مرعي بصوت واطي : لولولوليشش

سالي : شوفي ؟؟

ام مرعي : بإذن الله يبنية انت حامل ..

سالي : شوووو .. حطت ايدها ع تمها وبلشت تبكي ...

والبنات حواليها عم يهنوها وعمر والشباب برا عم يغلو ويفورو بدهن يعرفو شو صار ..

طلعت ام مرعي وهي زعلانة ووجها ما ببشر ..

ام مرعي : طول بالك ي ولدي .. كله لخير .. انت لازم ترضى بقضاء ربنا ..

عمر : ش شو قصدك ؟

ام مرعي اشرتله ليفوت ويشوف بعينه وهي عم تلعب بأعصابه لعب ..

دخل رامي لجوا لقاها نايمة متل الملاك ..
قرب منها وفكر انها ودعت ..

عمر وهو عم يبكي : ا انا ما الي غيرك .. انت كنت كل دنيتي .. مين بدو يلقي عُمَري هلأ ؟
مين بده يحضنني وينسيني وجع الدني .. مين بده يدللني ويطبخ الاكلات يلي بحبا ويطعميني بايده ..
انا كنت طالع معك .. لانه بدك .. هلأ ماعاد الي مكان غير الشام ..
بيتك وذكرياتك ...

#في_عرين_الحرب
#بقلم_شامة_و_تالا_عباس

الجزء التاسع
9

سالي: واذا عصبت شو بتعمل؟

عمر : اممممم قرب منها وبلش يكركها وهي عم تضحك وتبعده عنها ..

سالي : لك خلص خلص استسلمت ..

عمر: يعني شو ؟

سالي : يلي بيجي مم الله يا محلاه ..

عمر : اي يلا لكن طالع فرح الشباب بكونو قاعدين على نار ..

ساالي: مااشي .

طلع عمر وخبر الكل انه مرته حامل والكل فرحان لعمر وعم يزلغط..

نارين : بس عمر .. ! هلأ سالي كيف بدها تطلع؟

عمر: شو كيف بدها تطلع ..

ام مرعي : تقصد انها حامل والركض خطر عليها ..

عمر : اي والله كيف نسيت هالشغلة .. فات عمر لعند سالي هو وام مرعي ونارين رواء وتغريد ..

عمر : سالي رح نرجع ..

سالي : شووو .. كيف يعني رح نرجع ..

عمر : انت حامل .. ما بواتيك الركض والبرد ..

سالي حطت ايدها عبطنها : بالعكس .. انا مو مستعدة ارجع .. هلأ صرح حاسمة امري اكتر انه روح .. رح اتحمل كرمال ابننا عمري .. ابننا مارح يكون اله حياة هون ...
بعدبن لوين بدنا نرجع آه ؟ هو بقي مكان نقعد فيه ؟ ما بيتنا وبعناه وغراضنا وكل شي .. !
عمر نحنا ما بقي النا مكان هون ..

نارين : يا عمري كيف رح تتحكلي تركضي وانت حامل ؟

اندق الباب ودخلت وحدة وعرفت عن حالها .. : انا الدكتورة وسام .. اذا بتسمحولي لبرا مشان افحص سالي ..

طلعو لبرا وبقي عمر وام مرعي جوا ..

وسام : حامل شهر ونص .. حملك صعب لانه اول مرة ولانه تأخر ..
لازم تنتبهي على حالك منيح ..

عمر : طيب دكتورة بتعرفي هلأ نحنا طالعين ع طريق تهريب.. فينا نكمل ولا منرجع ؟

وسام : فيكن تكملو .. بس لازم تنتبهولا كتير كتير وتديروا بالكن ع اكلها اهم شي ..

عمر : طيب .. شكرا كتير دكتورة ..
طلعت الدكتورة وسام ورجعوا فاتو الصبايا ..

سالي : قال بقدر روح .. بعدين انا ما بقدر اترك نارين لحالا ..

نارين : الله يخليلي ياك..

^%^%^%^%^%^%^%^

صار المسا ورجعو لمو أغراضهن ليطلعو ..

فات ابو ضرغام وحكا : هي جبتلكن منوم .. يا جماعة يلي عندن ولاد ياخدوه ويشربوهن منه ..
شفتو شو صار فينا المرة الماضية ..

اخدو الدوا وشربو ولادهم منه ..
حمل طاهر تيم ورواء تميم ..
والشباب ساعدو حسن بولاده وعمر كان ساند سالي ..

ابو ضرغام : اليوم رح نغير الطريق .. نص رح يروح معي ونص مع ابو الخناجر ..

رح نلتقي بعد ربع ساعة ع طريق الساعة .. عنا جبل رح نمشي عليه .. الجبل حافة .. تحت في نهر .. اذا حدا وقع يعني راح فيها .. وما منقدر نشغل أي ضو مشان ما ننكشف ...
جاهزين !

الكل : جاهزين .. افترقو وراحو ابطالنا كلهن مع ابو ضرغام والمجموعة التانية راحو مع ابو الخناجر ..

شوي يمشو على الهسي وشوي يركضو وشوي يرتاحو ..
لوقت وصلو على طريق الساعة ..
استنو اقل من خمس دقايق لوصلو جماعة ابو الخناجر ..

ابو ضرغام : هلأ رح تجو ورايي من هون واحد واحد وبهدوء .. تمسكو ببعض منيح وامشو على الحرف مشان ما توقعو ..

مشي ابو ضرغام على حرف الجبل والكل مشي وراه وآخر واحد مشي وراهن هو ابو الخناجر ..

قطعو الجبل وركضو مسافة طويلة وبعدين وقفو ليرتاحوا شوي ورا الشجر !

فجأة بلشو يسمعوا صوت صريخ وعياط وصوت اطلاق نار ..

طلع يمان من ورا الشجرة العريضة وفاتت الرصاصة الطايشة قريب قلبه ..

ينار ركض لعنده وسنده : يمان يماان انت منيح قلي اخي انت منيحح

يمان : منيح .. منيح انا ...

التفتو الكل ورجعو يتطلعوا لما شافو الجندرما ماسكة مجموعة من المهربين يلي راجعين من تركيا ع سوريا وعم يعذبوهن ..

قربت الجندرما لعندن وطلعوهن كلهن على ساحة .. بعد ما كان المهرب منبه عليهن ما يجيبو سيرته ..

وقفو كلهن بهالساحة وقلوبهن عم ترجف وعيونهن عم تبكي ..

الجندي : Siz ne yapıyorsunuz burada ؟

اتطلعو كلهن ببعض وماحدا فهم شي ..

اشر الجندي لواحد من المهربين مشان يترجملهن ...

المهرب : عم يسألكن شو عم تعملو هون ..

ماحد جاوب ..

الجندي صرخ : Ne yapıyoorsunuz burda dediim ..

المهرب : جاوبوه شو عم تعملو .. رجع سألكن ..

تامر : بدنا ندخل على تركيا ..

ساله الجندي براسه ل المهرب ..

المهرب : Türkiye'ye girmek istiyorlar ..

الجندي : Hmmm

قرب من تامر وحكا ..
Niye? Sizin bir ülkeniz yok mu ?

المهرب : عم يسالكن ليش انتو ماعندكن دولة ..

سارية : قله ماعاد عنا ..

المهرب : artık yok ..

الجندي : Bize ne ؟
ha bize ne ? niye bizim ülkemize geliyirsunuz ...

المهرب : عم يقلكن هنن شو دخلهن ليش عم تجو ع دولتن ..

سكت الكل وما حدا جاوب ..

راح الجندي قطع جزع من الشجرة .. وحط المهربين يلي كمشوهن... وبلش فيهن ضرب بكل مكان بجسمن .. وهنن عم يصرخو .. الولاد بلشو يصحو ويضوجو والبنات بلشو يبكو وماحدا قادر يعمل شي ..

الجندي : Eğer bir daha burdan girmeye kalkarsanız .. çok fena olacak ..bunlar gibi olacaksınız..

نكش واحد من المهربين يلي الدم كان معبي وجهه ..وقله يترجم ..

المهرب :عم يقول اذا مرة تانية حاولتو ت

#في_عرين_الحرب
#بقلم_شامة_و_تالا_عباس

الجزء العاشر و الأخير ..
10

مشيو ومشي ينار معن وايدو بايد نارين ماقبلو يتركو بعضن لحظة...
كل الطريق كان مرتفعات وجبال الشباب تطلع وتساعد البنات ليطلعو وحتى المهربين يساعدوهن ليقدرو يطلعو لان الطريق كتير وعر وصعب

ابو الخناجر: وقفو استريحو هون شوي لنكمل مشي بعد شوي ..

بلش المهرب يصورن ويقول انو وصلنا كان عدد كتير كبير ..

تامر : يعني هلا خلص وصلنا
ابو ضرغام : فيك تقول هيك شي مابقي شي قليل جدا جدا بس تقريبا خلصنا ..

ابو الخناجر : يلا ياجماعة لنكمل

اجا قدامن منحدر ع شمالو ويمينو اشجار سرو كبار والظاهر انو هالطريق عاملينو المهربين برجليهن لانو مو مبين طريق ابدا منحدر كتير صعب وعالي نزلو منو وبالزور ماسكين حالن مايوقعو

ابو الخناجر : يلا شباب شدو همتكن اسرع شوي

سارية : اسرع من هيك مافي غير تدعكلنا ونخلينا ننزل كر بهاد المنحدر حاسس ركبي فرطو

سعد : اي والله اتكسرت الا شوي

ابو الخناجر : بتتعبو شوي هلأ وبترتاحو بعدين
خلص المنحدر اللي كان صعب وطويل وقعدو الشباب كلن بالارض

سالي : انا مابقا قادرة كمل لسا في جبال قدامنا ولا خلص
ابو الخناجر : بقي جبل واحد وطريق رئيسي وهو الأخطر وبعدا اعتبرو حالكن صرتو بتركيا يلا مامعنا وقت نستريح امشو
طلعو هالجبل وارواحن واجسادن عم تتطلب الرحمة والراحة...
طريق شاق ومتعب وطويل لو كان مكتوب عليهن عقاب كان اسهل من هالطريق

ابو الخناجر : هون ياشباب قدامنا هداك الطريق الرئيسي بعدو ح نكون صرنا بتركيا والمهرب التركي عم يستنانا هنيك بس في شغلة لازم نركض بسرعة على هاد الطريق والا ح ننكمش وكل عذابكن هاد ح يكون عالفاضي

الشباب ركضت وقطعت الطريق بس اكتر النسوان ماقدرت تركض وتقطعو من تعبا وخصوصا اللي معن ولاد وبالفعل كان في سيارة عم تنتظرن بس فجأة سمعو صوت رصاص وكلاب عم تركض اجت الجندرما التركية وبلشت العالم تركض لتهرب منن لما شافو المهرب التركي تركو كل العالم ولحقوه الو ..
ابو الخناجر وابو ضرغام جمعو العالم اللي اجت معهن وخلوهن يمشو بعكس الطريق اللي راحو منو وكأنو هالحركة خدعة من المهرب التركي عشان يلحقو. والناس تنفد شاف شادر (كيس نايلون كبير) اللي بيستخدمو الناس للزيتون رفعو وقلن دخلو دخل اكبر عدد من الناس تحتو في ناس ركضت بالاتجاه التاني ياقدرت تهرب يا انمسكت محدا بيعرف ..

استخدم ابو ضرغام كل الشوادر الموجودة ليخبي الاشخاص تحتا قدر يخبي تقريبا اربعين شخص والباقي مابيعرف عنن شي بقيو مكبوسين متل المخلل تحت الشوادر قريب الساعة ونص او الساعتين ..
أمنو انو الجندرما راحت من المنطقة واتصلو ع سيارات تانية تنقلن اجو السيارات اطلعو المهربين شوي شوي مالقو حدا رفعو الشوادر وقالو بسرعة اركضو لعند السيارات بدون ماتطلعو لورا لازم نطلع قبل مايجو الناس يقطفو الزيتون

ركضو كلن عالسيارات وكان في عيلة متخبية تحت الشجر اخدوها معهن

اطلعت نارين عالساعة كانت ٩:٣٥
نارين : واخيرا صرنا بتركيا أكيد مابقا في خطر يعني هلأ نجحنا .

ابو الخناجر : اي مبروك نجحتو

ابو ضرغام : لسا بدن يطلعو عالمانيا والطلعة هلا مباشرة مأمنة

سالي : يعني لسا رح نتعب عمر ابنا انا خايفة كتير اخسرو مابدي اخسرو وصارت تبكي

ابو ضرغام : للاسف مافينا نستنا عم يقولو جاية اسبوع عواصف والبحر مستحيل ينطلع فيه بهيك اوقات واليوم كتير مناسب والوضع منيح والبلمات مأمنة اذا مابدكن ع راحتكن

الكل : لا بدنا خلينا نتعب هلأ بس رح نرتاح ان شاء الله بالاخر

ابو الخناجر : معلم خدنا عالشط فورا... هنيك بترتاحو شوي وبتاكلو ومنتيسر
..
وصلهن عالشط الا تغريد اللي كان خطيبا بتركيا وعم يستناها وصلها لعندو وأول ماشافتو كان حامل بايدو باقة ورد وعم يستناها ركضت فورا وحضنتو اتعلقت برقبتو وهو حملها وصار يدور فيها فرحتن ببعض ماكانت بتنوصف كل الموجودين دمعت عيونن من شوفتن نزلها وباسها من جبينها وعطاها باقة الورد قربتها من انفها وشمتا مسكو بايدين بعض ومشيو ليكملو مشوار حياتهن سوا ايد بايد

منرجع لعند الشباب جابولهن اكل وتمددو عالرمل ع شاطئ البحر من التعب كانت الشمس دافية غسلت شوي من برد الليل اللي عانو منو كان كل واحد فيهن صافن بالسما وعم يتذكر اللي مر فيه عند العصر اجو كتير ناس وبلشو المهربين ينفخو البلمات تجهيزا للانطلاق

ابو الخناجر : يلا ياجماعة قربو لهون بلشو البسو هي الستر الواقية ولبسو الولاد منها كمان

لبسو الكل الستر وصارو يطلعوهن عالبلم
ينار : ابو ضرغام مو شايف انو البلم صار عليه كتير عالم هيك رح نغرق
ابو ضرغام : مضطرين نطالع كل العالم مافي مكان يروحو عليه والبلم الاخير طلع مبخوش لهيك رح نوزعن ع كل البلمات الباقية ماعنا حل تاني يلا شخص تاني كمان تعا انت لحالك طلاع هون اي يلا جهزو حالكن وتوكلو عالله بامان الله توصلو بالسلامة متل ماوصيتكن بتسلمو حالكن للبوليس وهو بيتولى اموركن

مشي البلم ب هالبحر المجهول بلشو ش

#في_عرين_الحرب
#بقلم_شامة_و_تالا_عباس

الجزء الخامس


"ينار"
ع طريق المجهول ماشيين صحيح نحنا منعرف لوين رايحين بس مامنعرف شو ممكن يواجهنا كتير سمعنا عن طرق التهريب وخطورتا بس يحكو مجرد اشاعات وهلا رايحين برجلينا نجرب اتفقنا مع ابو ضرغام وحكالنا نستناه بمنطقة *** في كتير عالم رح تستنا بهي المنطقة لنطلع بالباصات ونروح عالحدود

"نارين "

النا ساعة عم نستنا هون في كتير ناس معقول كل هدول مسافرين مين ضل بالبلد لكان حتى الشب اللي ساعدني موجود هون شو اسمو يييي هو حتى على اسمو ماحكا بس شكلو كتير محترم وشهم ..

"سالي "
رحت ع بيت اهلي لودعهن بس ..
مالقيت حدا مع الاسف ..
كلهن رايحين .. سالت الجيران قالولي انهن طلعو من شهرين .. وماحدا بيعرف لوين
__________________

بعد انتظار وقت منيح والناس اتكسرت من التعب بين وقفة وقعدة مو مريحة اجت الباصات اللي رح تنقلن

ابو ضرغام :يلا ياجماعة اطلعو كلكن عالباصات خلونا نمشي

ابوضرغام : لك على مهلكن ليش هيك عم تدفشو بعض اطمنو كلكن رح تطلعو مارح اترك حدا

طلع الكل بالباصات ومشيت فيهن

شوفير الباص : باين عليكن متوترين شبكن خليكن ريلاكس رح شغللكن أغاني لتروقو

شغل الاغنية كانت "موطني "

الشوفير :لا لا هي رح تنعسكن بزيادة بلاها رح شغل غيرا

"يا طير سلملي ع سورية
ع ألب ودعتو بأراضيّا
بلادي الحنوني كل ما صليّت
بطلب ياربي تضل حاميا

سلّم ع حمص وبرج صافيتا
ع ألعة الحصن ومرمريتا
وع دير الزور وعالقامشلي
وعلى مية الحمّي وعلى جبلي
على إدلب وحرني وداريا

سلم عالحواش وع تنورين
وع ميسلون ومسعدة وبئين
تين السبيل ومحردة وبلودان
بصرى وحماه ومعرة النعمان
على تدمر و آشيّة

سلّم على النبك وعلى يبرود
وع صيدنايا وعلى جيرود
وع بانياس ومنبج وعفرين
جسر الشغور و أزرع وشلئين
وعالسويدا والدير عطيّة

سلّم عالغوطة وع صحنايا
ع دمر ودوما وسرغايا
عالرستن وطرطوس والحفّي
ع تل كلخ أرواد وصلنفني
عين المريدي وميّتا وفيّا

يا شام يا شام ما بأدر حنيني أوصفو
سر المحبي الناس كلها بتعرفو
ألبي...ألبي على نسمات هالغوطة ربي
وإلا ع حبك عيوني ما غفو

سلّم على الرقة وحلب والغاب
وعلى طوف شلالات تل شهاب
ومشتل حلو ومصياف وضعمرة
وعاللادئية وع رأس شمرا

عالشام حب الألب سوريّة

ياطير سلملي ع سوريّة وع ألب
ودعتو بأراضيّا بلادي الحنوني كل
ما صليّت بدعي ياربي تضل حاميّا"

هالغنية فتحتلن جروحاتن اللي لسا مااندملت والكل حزن ونكس راسو واللي دمعت عيونو طلّع فيهن ينار شاف الكل حزين ف حكى

ينار : معلم أنت حدا دافشك علينا ولا عاطيك مصاري لتذكرنا ولا الشغلة اجتهاد شخصي بهي الغنية بدك تروقنا شوف كيف قلبت الباص مأتم هلأ
الشوفير : ليش شو عملت أنا
ينار : سلامة فهمك نحنا تاركين البلد هلأ ليكون عندك علم ها قلت بخبرك بس
الشوفير : طيب طيب سماع هي الغنية لفارس كرم


"الله يلعن بي الغربه شو سوت بحالي

مره ومرمرتلي قلبي وسرقت مني الغالي

النا بنسافر سنتين وبنرجع عالضيعه

ضاع العمر وبعده حسين ما خلص هالبيعه

ويلي_ويلي_ويلي

الله يعين الي عنده عيله

عايش عالشمعه مهموم عم يتحمم بالكيله"

ينار : لا حول ولا قوة الا بالله اخي بطلنا نسمع أغاني ونروق ياريت تتركنا نقعد بهدوء وبس وبصوت واطي العما على هالعلقة

¶¶|•♪••••••♪••♪•¶¶¶¶

#في_عرين_الحرب
#بقلم_شامة_و_تالا_عباس

الجزء السادس

¶¶|•♪••••••♪••♪•¶¶¶¶

بعد فترة زمنية ........

الشوفير : تفضلو نزلو وصلنا
تامر تمتم لرفقاتو : كأنو مكتوب مسبح ال * ولا أنا مو شايف

سارية : لا صح اللي قريتو هاد شكلو مخربط بالعنوان من وقت طلعنا معو وانا شاكك انو عقلو مو تمام

سعد للشوفير : معلم انت شكلك مخربط نحنا مو كروب سياحي مابدنا نتفسح ونغير جو
قبل مايحكي الشوفير ويرد عليه وصل ابو ضرغام

ابو ضرغام : ماتواخذوني ياجماعة اتاخرت عليكن بس كان لازم وصل العالم التانيين ع اماكنن

عمر : شو هالمكان ابو ضرغام شوف لوين جابنا الشوفير

ابو ضرغام : بس الشوفير مو مخربط هون رح تقعدو وترتاحو بينما ننطلق

طاهر : بالمسبح ؟؟؟

ابو ضرغام : اي بالمسبح واطمنو جواتو في غرف فيكن ترتاحو فيهن من السفر وشوي رح جبلكن غدا تتغدو ووقت يصير الطريق تمام مننطلق تفضلو ارتاحو هلأ
دخلو كلن لجوا بالفعل كان في غرف ومجهزة ومطبخ كمان صحيح شكلو ماكان كتير مقبول لكن بيفي بالغرض

*___________*****_________

لما صار المساء بعد ماجاب ابو ضرغام العشا اجتمع الكل على سفرة وحدة وبلشو ياكلو ويتعرفو على بعض..

"تامر"
انا تامر عمري 29 سنة .. ربيت بالميتم بدون اهل .. الشام كانت امي يلي ربتني .. ضمتني الها وعطتني حبها وحنانها .. لهيك عازز علي اتركها كتير ..
التقيت قبل سنتين بسارية يلي عمره 27 توفت امه من كم سنة وتعرّف علينا بالصدفة وقعدنا سوا وسعد متل اخي الصغير .. بخاف عليه من النسمة الطايرة عمره 25 سنة بس بتحسوه اوعى من هيك بكتير .. وكان ناوي يخطب حبيبته سلوى ..
نكشه سعد بايده والكل صار يضحك عليه كيف خجل ..

_ صارو متل اخواتي الصغار وبحس انو من واجبي دير بالي عليهن .. سكنا سوا ببيت صغير على قدنا .. كنا يوم نشتغل وعشرة لا .. سعد كان دائما يقنعنا نطلع بس انا كنت ميبس راسي .. بس آخر فترة الأمور تعقدت .. فلقيت احسن حل .. هو الهرب ..

"ينار"
انا ينار .. عمري 28 سنة .. الحرب ما خلتلي غير اخي يمان ..
حط ايده على كتف يمان وأردف ..
عمره 23 سنة .. اطلع عليه وضحك .. هو السبب بأني اطلع لهون .. والا انا بحياتي ما كنت فكر اترك بلدي...

بس لشوف اخي فرحان بهرب من الدنيا كلها كمان ..

كانت عم تطلع عليه نارين وهو اتطلع عليها والتقت نظراتن .. بس سرعان ما خجلت وزاحت نظرها عنه وقلبها عم يدق ..

كمل نيار حكي .. كنت خاطب .. وفسخت ... بلشو يسألوه ليه بس ما جاوب حفاظاً على مشاعر يمان .. لانه ما عرف انه بسبب الطلعة فسخ اخوه ..

"عمر "

انا اسمي عمر بكون اسمي عمري بالنسبة ل سالي هههه
عمري 29 سنة أشّر على تامر وحكا .. بقدك ..

حبيبتي ومرتي سالي عمرها 25
تزوجنا من خمس سنوات بس الله ما طعمنا ولاد لهلأ ..

اهلي توفو بالحرب .. واهل سوسيتي مسافرين ..

طالعين مع ناري .. نارين بعمر سالي 25 مع الاسف استشهدو كامل اهلها من كم يوم .. هي بتكون جارتنا وقريبة جداً مننا ..
قررنا نطلع سوا ..
وهي نحنا هون ..

"طاهر "

انا اسمي طاهر ..
عمري 30 سنة متزوج من اجمل امرأة بالكون .. اطلع برواء وحكا ..
رواء .. يلي روت روحي وقلبي ..
وجابتلي اجمل توأم بالكرة الارضية ..

تيم وتميم .. اشر عليهن وهنن بحضن امهن .. هي تيم وهي تميم ..
اطلع الكل فيه مستغربين كيف قادر يميز بينهم ..
بس ضحكت عليه رواء وقالتله ..
هاد تيم وهاد تميم .. مو دايما بتصيبها يا طاهر ..
ضحك الكل عليه وهو صار يضحك معن ..

بعد ما هديو رجع كمل .. وهي جارتنا تغريد .. مخطوبة وطالعة لعند خطيبا .. طلعنا كلنا سوا بما انها جارتنا وبتضل معنا احسن ...

•••¶¶¶¶¶||||•••

بعد شوي من الأحاديث والتعريف اجا ابو ضرغام
ابو ضرغام : كيفكن شباب ان شاء الله عجبكن الاكل وارتحتو بالقعدة

طاهر : الحمد لله بس ايمتا الطلعة مو حابين نبقى هون كتير معنا عيالنا ومو ظابطة نضل هيك سوا
ابو ضرغام : والله الطلعة اتأجلت يومين كمان عم نستنا جماعات لتجي وهاد الرجال النشمي وعيالو ح يبقو معكن كمان
عمر: ليش نستنى ؟ نحنا مااتفقنا هيك جايين نطلع فورا مو هيك عاساس
و بلشو الشباب يضوجو ماعجبن الحكي
ابو ضرغام : طولو بالكن ياشباب مابصير هيك الشغلة مو سهلة لازم ننطر الجماعة لتكمل وتطلعو كلكن سوا روقو شوي اذا سمحتو
ينار : رح ننطر ونشوف بس مو اكتر من يومين
ابوضرغام : ان شاء الله خير هلا رح اترككن ترتاحو يلا السلام عليكم

دخل الرجال هو وولادو ومرتو وقعدو معهن بعد ماسلمو كان باين عليه كتير متدايق ومو
عاجبو شي

بعد فترة قصيرة قرر طاهر يستجوب هالغريب شو الشي اللي مدايقو ومعكر عليه

حط ايدو طاهر ع كتف الرجال وحكا : شبك أخي شكلك كتير مهموم بتحتاج شي فيني ساعدك بشي نحنا
حسن : اخ شو احكي لاحكي انا قصتي قصة
عمر : تفضل اخ شو كان اسمك بلا صغرة
حسن : اسمي حسن ٤٠سنة من الشقا والتعتير ..
عشت منن ١٢سنة مع اربع ولاد بشقا اكبر ..

عمر : باينتك كتير متعذب حكيلنا اذا ماقدرنا نساعدك منخف

#في_عرين_الحرب
#بقلم_شامة_و_تالا_عباس

الجزء السابع
7
..
بعد فترة بلشو الشباب يضوجو من القعدة وكتير ملو

ينار : خير شبكن شباب ليش هيك ضايجين كلهن يومين ومنطلع صبرتو كتير اصبرو شوي هلأ كمان

سارية : صبر شو عاجبك هالمكان حاسس ريحتو طالعة وهالشباب اللي طالعة فايتة اشكالن مو مريحتني

سعد : معك حق يومين والله كتار شو بدنا قاعدين هيك وكيف بدنا ندبر امورنا وننام

تامر : لك ايي والله قرفان نام ع هدول الله عليم شو بكون معبا فيهن حشرات
سمعهن شخص من بعيد وقرب لعندن

مجهول : معك حق من يومين شفتلك بنت اسعفوها منن وطلع فيهن حشرة قرصتا

تامر : صرلا شي ؟

مجهول : لا الحمد لله اسعفوها

يمان : وانت بدك تسافر تهريب كمان

مجهول : لا انا بشتغل مهرب

يمان : عنجد انت كمان

مجهول : اي في انا ورفقاتي هون طالعين الليلة كمان سكت شوي وقال شو رأيكن تطلعو معنا

يمان : وابو ضرغام شو بدنا نقلو

مجهول : هههه ابو ضرغام هاد شغلتو ناكتة وماخرجو يطالعكن ليكو بلش يمطمط ع يومين وتلاتة بكرة بصيرو شهر وهو تارككن هون ..

تامر : معك حق شكلو مو طالع بايدو شي لهيك رح اطلع معك انا مابدي استنا

مجهول : ماشي بس طريقي كتير صعب ومافيني أخد غير الشباب لان في ركض وزحف وكذا اذا حدا من البنات بتقدر اهلا وسهلا بس طريق كتير خطر..

ينار : لا البنات مابتقدر نحنا بس رح نطلع معك والتفت لعند عمر وطاهر وحسن وحكا ماتواخذونا شباب اتفقنا نبقى سوا بس مافينا نضل ان شاء الله منلتقى بالمانيا

مجهول : يعني كلكن مع بعض لاتشيلو هم في رفيقي هون بيعرف طريق تاني بياخدكن منو اذا بدكن وبتلتقو ع حدود المانيا شو قلتو

عمر : موافقين

مجهول : طيب هلا بخبرو يجي لعنكن يلا شباب جاهزين

سارية وتامر وسعد وينار ويمان سوا : جاهزين
طلعو الشباب بعد ماودعتو رفقاتن ومشيو بطريق صعب مابيعرفو شو ناطرهن فيه ..

●○●○●○●○●

بعد ما طلعو الشباب وراحو .. مر وقت لا طويل ولا قليل لما دخل واحد ..

مجهول : اممم نارين وين ؟

وقفت نارين وحكت انا ..

مجهول : قرب منها ووشوشها بادنها .. انا من طرف الدكتور **** اذا بدك هلأ بقدر طالعك من هون ..

نارين : عفوا ليش بس انا ؟ بعدين انا طالعة مع رفيقتي وزوجا ..

مجهول : امممم مو مشكلة منطلع نحنا وياهن سوا ..
سمعت انكن ضايجين لانكن رح تتأخروا هون .. وهي مجموعة شباب طلعت .. خليني طلعكن من هون قبل ما يجي ابو ضرغام
..
يلا رتبو غراضكن مشان نطلع

حكت نارين لسالي وعمر ورتبو غراضهن وطلعو معه ..

♡♡♡♡◇♡♡♡♡

عالطريق ..

كانو عم يركضو نارين وسالي وعمر وبنتين كمان طلعو معهن ما بدهن يستنو بعد اقناع وجهد كبير للمهرب...

ركضو مساحة منيحة وبعدين ارتاحو شوي تحت الشجر...

رجعو وقفوا وركضو كتير ..
لبلشو يسمعوا صوت حدا عم يمشي غيرن ..
تخبوا ورا شجرة عريضة عمرها مئات السنين .. وقلهن المهرب انه هي الشرطة ..

المهرب ..

اسمعوني منيح .. هي الشرطة .. اذا نكمشنا بتعرفو مصيرنا .. مالازم تطالعو اي صوت .. وقت قول ٣ بتركضوا كلكن على هاد الطريق .. خمس دقايق ركض بتوصلو على مستودع ادخلو عليه واستنوني ..

عمر : انت وين رايح؟

المهرب : انا راجع جيب دفعة تانية واجي .. متى ما وصلتو على المستودع فانتو صرتو بأمان ..

يلا واحد .. تنين .. ثلاثة .. ركضو ..

ركض عمر وسالي ونارين وماري وسامية ..

والمهرب استنى شوي عند الشجرة لاجاه واحد ..

..: معلم الامور كلها تمام

المهرب : تمام تمام هلأ هدول رايحين عالمستودع .. اتصل بجماعتنا وقلهن يجهزو حالن .. شب واربع صبايا سكت شوي وقال : متل فلقة القمر ..

بعد ركض تواصل خمس دقايق فقط .. وصلو على مستودع كبير كتير وصرلو مهجور وقت طويل ...

اول ما فاتو ايد ماسكة محرمة عليها مخدر .. نحطت على انف كل واحد منهن .. وراحو الخمسة مغمى عليهن ..

بعد وقت طويل .. ساعات ..

فتحو الشباب عيونهن .. تامر .. سعد .. سارية .. ينار .. يمان ..

كانو بالمستودع المهجور نفسه ..
بس شو صار ؟

خليكن معنا لنعرف بلعبة شو وقعو ابطالنا ..

~◇~◇~◇~◇~◇~

تامر : ينعنن .. لك مين مربطنا هون شو عم يصير

ينار : ااخ راسي .. اخر شي بتذكره انه جابنا المهرب لهون ..

سارية : قصدك دلنا لهون واجينا برجلينا ..

سعد : بتقصد انه هاد فخ ؟

يمان : مين اله مصلحة يخطفنا ..

تامر : كلشي وارد شباب .. مين هاد يلي نازل راسو ماعم اعرف ميز وجهه وليش لهلأ ما صحي متلنا ..

سارية : معقول ميت؟

ينار : تف من تمك شو ميت بعيد الشر .. الشب ما اجا معنا .. معناها اجا بعدنا وخدروه بعدنا ولهيك لسا ما صحي ..

بعد شوي صحي عمر على صوت وتوتة حده .. رفع راسه وبلش يفتح عيونه ويغمضن لتوضح الرؤية امامه ..

سعد : لك مو هاد عمر يلي تعرفنا عليه بالمسبح ..

يمان : هو بذاته .. عمر .. عمر سامعني ..

عمر : آخ دايخ كتير .. شو صار وين انا انتو ليش هون ..

بعد ما حكو القصة لعمر ..

عمر : لعماا .. لك .. هدول ضحكو علينا .. شو بدنا نعمل هلأ .. المشكل

#في_عرين_الحرب
#بقلم_شامة_و_تالا_عباس

الجزء الثاني
2

¥*¥*¥*¥*¥*¥*¥*¥*¥

منرجع لعند ينار اللي استغل انشغال أخوه بالعشاء واتصل بخطيبتو ..
نطر جزء من الدقيقة حتى سمع صوتها عم تقلو

سناء : عاش من حظي بكرمك واتصلت فيه

ينار : ههههه يقبرني المعصب بتعرفيني عندي شغل كتير

سناء : بعرف حبيبي بس والله عم اشتقلك

ينار : وانا كمان كتييير عم اشتقلك

سناء : فيك شي ينار حاسة انك مو على بعضك ..

ينار : دائما بتعرفيني حتى لو مانك شايفتيني..

سناء : اكيد حبيبي نحنا واحد روحك ساكنة بقلبي وبحس فيك..
هلأ خبرني شو اللي شاغلك

ينار : أخي رجع فتح موضوع السفر معي وبيني وبينك كتير محتار ..
منو مافيني اترك البلد ومنو أخي كتير متدايق من الوضع هون... وبتعرفي ابي وامي الله يرحمهن موصيني فيه ..

سناء : وأنا كيف رح تتركني هون وتسافر ؟

ينار : أنا اتصلت فيكي مشان هيك شو رأيك تسافري معي ..

سناء : حكينا كتير ب هالموضوع وانت بتعرف أهلي كيف بفكرو ماحيقبلو أني سافر ..

ينار : طيب وشو يعني مافي غيرنا تركنا البلد مااكتر الناس طلعت وهجت انا تعبت هون بشتغل ليل نهار مابلحق لك كلشي صار عالبطاقة الذكية
..
بقي يعملو التنفس عليها..
لك هي غير غلا الأسعار اذا بتشتهي اكلة لازم تصمدي مشان تاكليها شي سنة كاملة لتقدري تعمليها لك أقل مقومات الحياة انعدمت ..

سناء : بس عالاقل انت ساكن ببلدك بين اهلك وناسك مع ناس تقاليدن متل تقاليدك وعيشتن متل عيشتك ..

ينار : أنو ناس عم تحكي عنها ليش الناس ضلت ع حالها كلو نافشلك ريشو متل الطاووس ومحاوط حالو بهالة شوك متل الصبار اذا بتقربي منو بينخزك

سناء : حتى لو

ينار : يعني شو ....مابدك تسافري معي

سناء : اها يعني قررت تسافر فضّلت اخوك عني... طيب اذا هيك انا مافيني اترك اهلي وسافر معك واعتبر اللي بيننا انتهى وبكرة خاتمك وهداياك بكونو عندك ..

وسكرت الهاتف بوجهو

يمان : شبك أخي ليش هيك وجهك مابيتفسر

ينار : مافي شي

يمان : تخانقت انت وسناء ؟؟

ينار : هز براسو بمعنى أي ومشي رايح ع غرفتو

يمان : وين رايح والعشا

ينار : كول انت انا مو جوعان

■□■□■□■□■

بالمشفى تحديدا عند سالي وعمر

سالي : الله يخليلي ياك وما يحرمني منك .. انت اطلع من هون بخير وسلامة وبكون انا ضبيت كل شي بدنا ياه ومنطلع فورا ما منستنى شي ..

عمر : اااخ شو صعبة .. الواحد يترك بلده وارضه يلي ربي وكبر فيها ..

سالي بغصة : شو بدنا نعمل .. نصيبنا من الدنيا .. بعدين .. بلكي اذا طلعنا ع ألمانيا .. حطت ايدا ع بطنا ..بلكي بكون النا حظ ومنتعالج وبصير عنا بيبي ..

عمر : ان شاء الله يارب ... المهم انت تكوني مبسوطة ..

سالي : ضمته سالي بحب لوقت صرخ من وجع كتفه..

سالي : آسفة .. ورجيني .. يي كتفك عم ينزف ..

طلعت قبل ما يحكي عمر ولا كلمة نادت للدكتور ..

فات الدكتور لعنده وكشف على كتفه ..: مافي شي عرضية اجا ضغط عالجرح لهيك انفكت قطبة منه ...

اطلعت سالي بعمر بخجل انه بسببها وهو ابتسملها وهزلها راسه بمعنى لا ..

طلعت لبرا ليشوفو شغلهن واتصلت برفيقتا الوحيدة نارين لتحكيلا كل شي ..

نارين : أ أ لو

سالي : ناري شبو صوتك ؟

بلشت نارين تبكي بهستيريا وسالي ما قدرت تاخد منها لاحق ولا باطل .. بحثت عن موقعها ولاقت انه بنفس المكان يلي هي متواجدة فيه ..

سالي : بالمشفى ! شو الها شغل بالمشفى ..
نزلت لتحت بسرعة لاحقة الاشارة لوقت ودتها الاشارة على غرفة من الغرف .. فاتت لجوا شوي شوي ولمحت نارين مسطحة عالتخت وهي عم تبكي ..

سالي ركضت لعندا : ناري ..

نارين قعدت وفتحت ايديها لتستقبل الحضن الدافي يلي بقيلها بعد اهلها ..

نارين : راحو .. راحوا كلن يا سالي راحووا .. راحوا الغوالي وتركوني لحاليييي...

سالي : ناري شو عم تحكيي .. ش ش شو يعني راحوا ، كيف ..

نارين : قتلوهن .. قدام عيوني قتلوهن .. وقعوا كلن ابي وو و امي و اخواتي ..

شهقت سالي وحطت ايدها على وجهها لتمنع دموعها تنزل.. بس دموعها كانو اسرع منها ...

ضمت سالي نارين وبلشو يبكو سوا ليفرغوا عن بعض ..
ووقت هديو ..

سالي : الله يرحمن .. والله ما كنت بعرف .. ما كنت بعرف والا كنت اجيتك من الاول ...

نارين : اصلا انا ما كنت صاحية .. كل ما كنت فيق يضربوني ابرة وينيموني .. بس خلص .. ما بقيلي مكان هون .. رح سافر ..

سالي : لوين!!!

نارين : الدكتور اقنعني اطلع تهريب .. وانا وافقت ..

ساالي : اي دكتور ..

نارين : دكتوري اسمو .. شو كان اسمو ؟

سالي : جابر ؟

نارين : اي يمكن

سالي : يعني بطّلع تهريب ؟

نارين : مو هو واحد بيعرفه ..

سالي ابتسمت : ونحنا كمان بدنا نطلع .. اخيرا اقنعته لعمر ..

نارين : عنجددد

سالي : ايي

نارين : يعني مارح تتركيني

سالي ضمتها : ابدااا ابدا

نارين : صح ما سألتك وقت حكيتيني فورا اجيت كاينة بهالأماكن ؟

سالي بحزن : كنت فوقك ..

نارين : فوقي .. شو الك شغل بالمشفى؟

سالي : عمر

نارين : شبو عمر !!!

سالي : عمري تصاوب يا

#في_عرين_الحرب
#بقلم_شامة_و_تالا_عباس

الجزء الثالث
3

ضمت نارين سالي وبقيت عم تبكي بحضنا لوقت هديت ..

نارين : سالي بدي اطلع اتطمن ع عمر

سالي: قدرانة يا روحي ؟

نارين : اي قدرانة بس انت ساعديني .. انا ما بقيلي غيرك بهالحياة يا سالي

سالي : لا تحكي هيك يا ناري .. انا وعمر معك دائما ..

نارين : بتعرفي سالي .. عم قول .. ارجعي لعند اهلك .. شوفيهن اتطمني عليهن ..
والله بكرا بتندمي .. ها .. شوفيني .. ندمانة لاني ما متت معن .. انا عشت كل لحظة معن بس انت نحرمتي منن كتير .. رجعي ودعيهن .. بضلو اهلك .

مسحت دموعها يلي نزلو واردفت : يا ناري انت بتعرفي .. اذا رجعت يمكن يقتلوني .. انا عملت اصعب شي ممكن تعمله بنت باهلها ..

نارين : سالي انتي غلطتي لما هربتي مع عمر .. بس عمر بحياته ما غصبك على شي .. ولا منعك تروحي لعندن .. بعدين انتي جربتي تروحي وقلعوكي ؟

سالي : لا ..بس. .. بخاف..

نارين : سالي هي آخر فرصة لالك لا تضيعيها من ايدك .. ما الك غير اهلك ..

سالي : طيب رح فكر .. هلأ قومي معي .. قلتيلي اليوم لازم يخرجوكي مو ؟

نارين : اي ..

سالي ؛ ممتاز وعمر منقدر نطلعه اليوم .. بتروحي معنا عبيتنا ..

نارين : لا شو روح ع...

سالي : ولا حرف بدي اسمع .. بتنفذي وبس .. صح .. سؤال مو وقته بس .. كيف بدك تسافري ..

قربت نارين منها ووشوشتها : تهريب

ضحكت سالي ع بلاهة نارين وقالتلا : قصدي بأي مصاري ؟ معك مصاري ؟.

نارين بحزم : رح بيع بيت اهلي ..!

سالي : شوو . عنجد عم تحكي ..

نارين : انا ماعاد فيني دوس البيت بعد يلي صار .. حتى لو بقيت بالبلد ...

سالي : الله يهدي بالك ..

نارين : آمين وبالك ..

طلعو لفوق لعند عمر .. دقت الباب سالي وانتظرت كلمة تفضل وفاتت ووراها نارين ..

نارين : الحمد لله عالسلامة عمر .. ما ع قلبك شر ..

عمر : الله يسلمك ناري .. كيفك وكيف اجيتي لهون .. تطلع على سالي وحكا : ما قلتلك ما تتصلي وتشغلي حدا ...

اجت سالي لتحكي بس سكتتا نارين : انا كنت هون .. عمر انا .. انا ماتو اهلي ..

عمر : شووو

نارين : كلن ماتو .. قدام عيوني يا عمر متخيل .. انا صرلي خمسة ايام هون ويمكن اكتر ماعم عد ..

عمر : ما كنا منعرف .. العمر الك يارب .. وهلأ وين رح تضلي ..

نارين بأسف : رح اهرب ... متلي متلكن ..

عمر : حسبنا الله ونعم الوكيل ...

سالي : عمر قدران نطلع؟

عمر : اي يا روحي .. والله مليت من المشفى ..

سالي : لكن رح حاكي الدكتور ..

نادت سالي الدكتور وقلو مافي مشكلة انه تطلع .. بس لازم تنتبه على حالك كتير ..

عمر. : تمام دكتور يعطيك العافية ..

نارين : دكتور شغلة تانية ..

الدكتور بخبث : تفضلي ..

نارين : قلتلي مشان التهريب .. فيني اخد التفاصيل .. انا ورفقاتي بدنا نطلع ..

سكر باب الغرفة وقرب منن وبلش يشرحلن كيف رح يهربوهن ..

عمر : يعني يلي فهمتو انو انت بدك نسبة من العملية ..

الدكتور : اي طبعا ..

عمر بهمس : طماعين مو بايدكن ..
واديش بدك؟

الدكتور. : ع كل نفر 50$

عمر : اووف

الدكتور : هاد الموجود .. هي رقم هاتفي .. اذا قلتو اوك بعتولي لنحكي ..

طلعو من المشفى وتوجهو لبيت عمر ..

فتحت نارين الانترنت وعرضت بيتن للبيع ..
وسرعان ما اجتا زبائن كتير بسبب انه بيتن بوسط المدينة وطالبينه كتير ..

راحت لهنيك مع عمر وسالي لانه ما بتسترجي تروح لحالا .. ودعت بيتا وذكرياتا وهي عم تبكي .. بوست كل شي ..
اخدت شنتة فيها اغراضا وشنتة تانية فيها شوية اغراض الها مع اغراض لاهلها ليضلو ذكرى معها ..

طلعو من هالبيت وسكرت الباب .. اخدت نفس ومشيت بدون ما تطلع نظرة حتى ..
بس رجعت بعد ثواني ركضت وقعدت قدام الباب تبكي ..

عمر حكا لسالي تتركها ع راحتها ..
استنو شوي لاستجمعت حالا ومشيت ..تاركة وراها بيت جمعها بكل شي حلو .. إلا آخر شي فيه .. الشي يلي خلاها تفكر تتركه من الأساس ..

اليوم التالي ..

نارين بفرح : اخيرا لقيت حدا يدفعلي المبلغ يلي بدي ياه .. غصت : اليوم رح سلم المفتاح ..
وبكون انا جاهزة لاطلع ..

سالي : بس نحنا لسا مصارينا مو كاملة ..

عمر : انا بعت البيت هاد ، ورح يستلموه .. اليوم رح استلم المصاري بس ما بكفو لانه بيتنا صغير ..

طلعت سالي دهباتا من ايدا وقالت .. هدول بكفو وبوفو

عمر : يخليلي ياك يا حبيبة قلبي ..

لكن انا رايح عالمشفى هلأ انتو طلعو بيعو الدهبات بس انتبهو ع حالكن منيح ...
وانا وجاي رح استلم المصاري ومنكون نحنا جاهزين كمان ومنحكي مع الدكتور ..

سالي : ماشي يا روحي .. انتبه على حالك

عمر : مع السلامة

طلعو نارين وسالي بنفس الوقت يلي طلع فيه ينار ليبيع دهب امه مشان يسافر هو واخوه ..

فاتو سالي ونارين ع اول محل دهب شافوه بطريقن بس سرعان ما اكتشفت سالي انه بدك ينصب عليهن .. طلعو منه وراحو على غيره ..

بالمحل الثاني

الصائغ : يا اختي هدول سعرن هالقد وبدك تبيعي معن هي بصيرو هالقد ..

سالي : بس هيك حقن ..

الصائغ : اي والله يا اختي ..

ينا

#في_عرين_الحرب
#بقلم_شامة_و_تالا_عباس

الجزء الرابع

رجع ينار عالبيت لقا أخوه ضابب الغراض وعم يستناه وامورن صارت جاهزة للسفر

"ينار "

بعد ماشفت أخي ضابب غراضنا وبيتنا فاضي حسيت بوجع بقلبي صحيح مانو بيتنا وهو بيت آجار بس بتضل ذكرياتنا فيه بعد مازرت قبر أمي وأبي مبارح وودعتن عرفت شو يعني الوداع يعني حتى قبرت مابقا فيني زورو وهي أقل شي كنت سكت شوقي لالهن فيه صحيح رح روح بس حامل ذكرياتن بقلبي وحامل حب البلد فيه كمان هالشي مابيختلفو فيه تنين بضل بلدنا وروحنا فيه بتبقى عالقة

"يمان "

مابعرف شلون اوصف شعوري هاللحظة نطرتا من زمان بس وقت حان موعدها ماحسيت بهداك الشعور الحلو حسيتا شي عادي لسبب ما حاسس حالي مارح فارق هالبلد .....

*•~~~~~~~•*~~~~~~~

طلع تامر من البيت ليتفقد الوضع برا ..

رجع بعد شوي وقلهن يطلعوا لانه مافي حدا ..

سعد : انا رايح مشوار وبلتقي فيكن عند ابو ضرغام الساعة 12 بالليل

تامر : وين رح تروح ؟

سعد : مشوار

سارية : وانا كمان .. بس رح اجي بالوقت ..

تامر : لكن مارح ابقى لحالي مع ابو ضرغام .. رايح لمكان كمان ..

ودعوا بعض وطلعوا ..

بعد ساعة .. عند سعد .. كان قاعد وحاضنها بين ايديه وهي عم تبكي ..

سعد : حاج تبكي حبيبتي مشان الله ..!

: كيف ما بدك ياني ابكي وانت جاي هلأ تقلي انك مسافر آه ..
طيب وانا ؟ ما فكرت فيني ابدا اهئ اهئ

سعد : يا سلوى يا حبيبتي ، بكرا بس روح ع المانيا وجهز حالي فورا رح جيبك لعندي..

سلوى : هههههههه هي اذا اهلي وافقو

سعد ضمها اكتر لياخد منها القوة والصبر ..

اما عند سارية فكان قاعد عند قبر امه وهو عم يحكيلا كل شي صاير

سارية : بتعرفي يا امي ، انا رح اترك البلد وسافر .. او بالاصح .. رح اهرب .. مو هاين عليي اتركك يا امي ..
مو هاين عليي اترك شامي ..
انا هون خلقت وبهالحارات كبرت .. هون اهلي وعزي وبلدي
هون انت ، انت يلي تعبتي عليي وربيتيني .. انت يلي ما انحنيت لحدا لحتى تربيني وما نحتاج لحدا ... بس انا لهلأ محتاجك يامو .. وين رحتي وتركتيني وين ..
بقي قاعد وعم يشم تراب قبر امه ويودعها ..

اما عند تامر ف كان قاعد متدايق على جبل قاسيون

تامر : ااااخ يا شام .. آخر أيامك معتمة كتير .. ما كنت هيك يا شامي .. انت كنت الضو لكل سوريا .. ليش عتمت بيوتك ليش
ليش هر ياسمينك .. ليش راحو ولادك .. ليش انكتب علينا نتركك هيك ليش ..
رح اشتقلك يا شامي .. رح اشتاق اجي انا ومتدايق لهون .. وقف وصرخ .. وانت تسمعيني .. رح اشتاق اجي اشكيلك ع رفقاتي و اشكيلك ع اوجاعي .. رح اشتاقلك يا شام ..

الساعة 11:00 وصل سعد والتقى ب سارية اتصلو ب تامر بس لاقو موبايله خارج التغطية ..

سعد : بما انه معنا لسا ساعة خلينا نروح نجيبه

سارية : بتعرف وينه ليش ؟

سعد : وين بده يكون .. بمكانه المعتاد ..

راحو سعد وسارية على جبل قاسيون وكان تامر هنيك قاعد على الحفة وعم يتفرج على الشام ..

حط سعد ايده على ضهر تامر وحكا : رح نرجع صدقني ..
شامنا بحاجتنا ورح نرجع ..

سارية : والله منظر الشام ما بينتسى ابداً ..

تامر ضحك من وسط دموعه : طيب شو رأيكن بشغلة ما تنسينا آخر يوم النا هون بحياتنا ..

سعد و سارية : شو ؟

تامر : شاورما من عند البيك

سعد : اووووه .. اجت بوقتا ..

سارية : اااخ يا تامر .. بعد كل شي الك نفس تاكل ..

تامر : ورانا رحلة طويلة .. ويمكن هي تكون آخر شغلة مناكلها من هون ..

راحو اشتروا الشاورما وقعدو ياكلو فيها وبقلوبهن الف غصة وغصة ..
بس هاد الحال والله اعلم بالاحوال

~~~~*•~~~~~*•~~~~~~

"أبكيك يا وطني أم أنت تبكيني الجرح فيك ولكن نزفه فيني "
اقتباس *
"تغريد"
الدمار اللي صار نحنا دفعنا تمنو حتى المادي رغم انو مارجعنا بنيناه بس كان تمنو غالي كل نظرة عليه بترجع بتفتح جرح جديد بعمرو مابيندمل من هون لمليون سنة لقدام الشغلات اللي عشناها مستحيل نقدر ننساها او نتخطاها اللي صار نخر عضامنا وعشعش فيها وأثر بقلوبنا
قلوبنا !!! اخ اصلا ماضل عنا قلوب لأن اللي صار ماخلا عنا قلب سليم يمكن نشرولنا دوا بالهوا لنتفسو حتى يغير تركيبتنا لنقدر نتحمل لأن مستحيل الانسان الطبيعي يقدر يتحمل كلشي عم يصير اليوم رح ودع أهلي وبيتي اللي ربيت فيه وكل ذكرياتي الحلوة والبشعة رح ودع حياة كاملة عمر كامل رح ودعو اليوم لأخطي اول خطوة بطريق المجهول ودعت أمي وأبي وعيلتي ورفقاتي كلن بهديك اللحظة مافيني أوصف شعوري لأني كنت مغيبة تماما عن الواقع الألم كان أكبر من أنو ينحكى وشو لسا ناطرني مابعرف بس اللي بعرفو أني رح التقى بحبيبي اللي ياما حلمت أني كون جنبو وماسكة ايدو وعم نكفي حياتنا سوا متأكدة ناطرتني أيام حلوة و أكيد مارح انسى أهلي وبلدي اللي هو وطني وانتمائي يمكن شي يوم ارجع ألتقي فيه والمس ترابو وان شاء الله هاليوم مايكون بعيد

⁦________________•°*⁩⁦*･゜

"رواء "
اليوم آخر يوم إلي ببيتي اللي جمعني مع أجمل انسان ب هالكون هالبيت اللي حيطانو شهدو عالحب ال