قصة اليوم: #قاصرات_الطرف
.............
قراءة ممتعة🦋💙"
#ⴅÂÐЄĦÂ

#قاصرات_الطرف
#بقلم_جمايكا_احمد

الجزء الاول >>>
Telegram:@rwayate
ان كنت تعتقد انك مهموم وان مصائبك قد هزت قواك وان ماتبقي منك لا حول ولا قوة منها..فهذا لايعني ان تفقد الامل طالما نعم الله مازالت موجودة... هذه كلمات خطتها مروة لتروي بها حكاية قاصرات الطرف..مروة فتاة بالخيام نازحة هي والدها تاركة خلفها والدتها واخوتها الخمسة في قبور جماعية..وتاركة ايضا اطراف قدميها تحت ركام بيتها ، وزوج وطفلين لا تعلم مأواهن أين...لا احد يتصور كمية الالم الذي تعانيه مروة..مجرد رسالات وكلمات ومناشدات واماني تراودها.. عندما اقتربت من تلك الخيمة لاعطي اصحابها صندوق فيه بعض المعلبات الغذائية وبطانية شتوية. ..فتح لي طرف الخيمة رجل قد شاب الامل في عينيه وغمر العبوس والبأس والحزن ملامح الوجه .

.الاب :- اتفضل اخي

عمار :- شكرا لالك اتفضلو هاي المونة ان شاء الله مايكون ناقص شي

الاب :- عمار والله حالي تعب احكيلي مع هالصليب الاحمر

عمار :- ابو ياسر والله حكيت وسجلتلك كل شي

الاب :- انا ماحد حاسس فيني والله تعبان فوت شوف حال بنتي يلي بقيتلي من هالحرب شوف بتواصل ليلها بنهارها بكي ...

عمار :- والله عارف يا ابو ياسر الله يعينك ما انت شايف حالك وحال هالناس اذا بيطلع بإيدي بعيوني بحطكن انا نازح متلي متلكم وانت شايف اولادي والله الدفا ماقدران امنو لالهم ..

ابو ياسر :- ماحد شاف حال بنتي ..وشوف كيف الخيمة غامرتا المي والطين اسبحنا فيها ..

عمار :- طيب انا رح احكيهن من تاني ويجو لهون..بلكي طلع من امرهن شي

ابو ياسر :- يارب مالي ملجأ الا انت ..

مروة :- يابي
Telegram:@rwayate
ابو ياسر :- 😖

مروة:- رح يساعدنا عمار والله قلبي عم يقطع بدي شوف اولادي الله يخليك يابي ..

ابو ياسر :-😭 لو بايدي اااخ ..

مروة:- الجيران حكولنا انهم عايشين وكانو قبلنا هون بالخيام قبل ليسفرهم الصليب

ابو ياسر :- ان شاء بالله بنلاقيهم..بردانة..

مروة :- الله يسامحك يابي ما انت شايف مالي اطراف ليبردو ..

ابو ياسر :- خلي املك بربنا كبير..

عمار :- ابو ياسر يا ابو ياسر

ابو ياسر :- هاد عمار اجا ..لاشوف شو بدو

عمار :- المندوب بدو يحكي معك تعال معي

ابو ياسر :- بيحكي عربي

عمار :- اي هو يمني تعال..

ابو ياسر :- الله كريم...بدهم يطالعونا شي

عمار :- هلق بنشوف ..تعال اقعد هون ..

المندوب :- السلام عليكم انا زياد مندوب الصليب الاحمر وطلب منا عمار لنسمع منك شو قصتك بتقدر تساعدنا لنحسن انساعدك
Telegram:@rwayate
ابو ياسر:- اي ماشي..بس بدكن من وين بلش

المندوب :- من وين مابتحب..

ابوياسر :- 😖 اللي بحبن اجتمعو سوا وتركوني..

المندوب :- احكي سامعك ابو ياسر.

#قاصرات_الطرف
#بقلم_جمايكا_أحمد

الجزء الثاني::::
Telegram:@rwayate
في اليوم التالي ..كنا واقفين منتظرين باص النقل..انا وخالتو ام حسن ..كنت بعرف واحساسي عالي اني يلي بعملو مجرد فضول..وصل الباص وانطلقنا كانت المسافة طويلة حسيت بالارهاق والتعب غفيت الطريق كلو لعند ماوصلنا..نزلنا استقبلتنا صديقتها وقضينا يوم وانتهى اللقاء للاسف بدون ما اشوف الاطفال..زاد فضولي اكثر من بعد ما ذكرتلي رفيقة ام حسن انو الاطفال مابيشبهو امهن وخاصة انو الاب والام لون بشرتن حنطية والاطفال بشرتن بيضة ..وانا زوجي بشرتو حنطية مرت الايام وكانو الوجع بلش يحيي من جديد فيني ماتركت قروب او موقع الا كنت فوت افتش فيه عن حسابات السورين في اوروبا حتي المنظمات فيها سألت حطيت صور اولادي بالقروبات لعلى وعسى يكون حد شافن للاسف لا من مجيب.. استغرقت بهاي الحالة اشهر ..لعند ماقررنا انا وابي نترك المنطقة ونستأجر بيت تاني بمنطقة ثانية.. التحقت بمؤسسة اوربية لاعادة تأهيل المتضررين من الحرب كانت بتشمل صغار وكبار واطفال وشباب بعمر الورد..
Telegram:@rwayate
مرحبا يا انسة بعتذر على التطفل فيني اقعد احكي معك،،

مروة :* اي اكيد بس مين حضرتك

انا سيزار
مروة :- اهلا وسهلا اخ سيزار بشو فيني فيدك

سيزار:- انتي سورية

مروة :* اي

سيزار :- وانا كمان ..من وين بسوريا

مروة :* من الغوطة

سيزار :- اتشرفت فيكي وانا من الساحل

مروة :* اهلا وسهلا
سيزار:- فقدت ايدي بالحرب متل ما انتي شايفة

مروة :- وانا متل ما انت شايف .. .

سيزار :* الله يكون بالعون بس برافووو عليكي انك بعد مصممة على عزيمتك لتبقي عل طول صامدة رغم الصعاب يلي عم تواجيها

مروة :- الحمدلله

سيزار:- كأني متطفل زيادة عليكي

مروة :- لا ابدا

سيزار :- عندي سؤال اخير

مروة :- اتفضل

سيزار :- انتي مرتبطة

مروة :- مم اي

سيزار :- الله يوفقك

مروة :- شكرا لالك

( هاد كان اللقا الاول مع سيزار كانت بدايتو فضولية معي وخاصة بطرحو للاسئلة الخاصة.، مر الاسبوع الاول والثاني والثالث ونظرات سيزار لالي كان فيها احاديث طويلة..

مروة :- فيني اعرف شبك وليش مسلط نظراتك لالي
Telegram:@rwayate
سيزار :- انا

مروة :- اي انت من هاداك اليوم وانت عم تراقب تحركاتي وعن تلحقني من مكان لمكان

سيزار :- ليش عن تكذبي عليه

مروة :- بشو كذبت عليكي اساسا شو حكيت معك لاكذب عليك

سيزار :- انك مرتبطة

مروة :- وهيدا الشي بشو بخصك او بهمك

سيزار :- سالت الاسستن فوق قالت لاء مانك مرتبطة وانت عايشة مع بيك

مروة :- لا اله الا الله هيدا الشي مو اختصاصك

سيزار :- اذا ازعجتك بعتذر

مروة :-،مابدي تعتذر بس اتركني بحالي

سيزار :- ممممم

مروة :- عن اذنك

(( كان شخص كتير مصمم ليحقق يلي عم يسعى وراه .. حاول معي مرة واثنين وعشرة وكانت ردة الفعل وحدة مابتتغير ..لعند ما اجا اليوم وشفتو انسان تاني انسان منهار عم يبكي بحرقة قدام كل يلي كانو متواجدين ..قربت باتجاهو لاعرف شو سبب الحزن والبكي يلي مسيطر عليه وليه عم يحاول يأذي نفسوو..

سيزار :- ااااااااخ لك راح اخي ررراح اخدتو الحرب مني ريتن اخدو عيوني ولا اخدوووه ياربي رجعووني بدي شووفو..

مروة :- شبو
Telegram:@rwayate
..اخوه استشهد بالحرب دقو اتصال عليه خبروه وهو هلق تحت الصدمة

مروة :- الله يكون بعونو

(( بقي يبقي لفترات طويلة وماحد كان قدران يساعدو او يساندو فعلا صعبا جابو لالو اخصائيين نفسييين ليساعدوه ويخففو عنو لكن هالشي ماكان سهل اعطوه مهدء ومن بعد ماراح مفعولو رجع يهستر ويضرب بحالو بالحيطان والارض

مروة :- لك حاجي خلص..

...مروة شبك اتركيه الله يعينوو

مروة :- مانو لحالو خسر كلنا خسرنا اهلنا ورفقاتنا بالحرب هاي ..عم يبكي مثل الاطفال..

مروة الله يعينو كلنا مرينا بهيك شي

مروة :- اي مرينا

سيزار :- قلبك من شو انتي ..لك ارحميني واسكتي
Telegram:@rwayate
مروة :- قلبي متحطم..ومافي الا قدرة رب العالمين قادرة تجبرو..انت انسان فقدت شخص واحد انا من كل عيلتي مابقي الا ابي..انا واخواتي الاتنين واخواتي التلاتة استشهدو..انا فاقدة فاقدة اولادي ومابعرف هني عايشين ولا ميتين ولا بأي ارض بعدن موجدين..فاقدة رجليي الاثنين،،بجي هون بوقف ع ركبي علي حديدتين عم حاول اتاقلم انهن رجليه وبرجع ع البيت بتركهن جنب سريري لاعيش كوابيس الحرب من تاني...اي كلنا مجروحين وموجوعين وقلوبنا عم تنزف بس وجعنا بعدو ماطاب ولا برد ..

..