كرم: ارتاحي تعبتي كتير اليوم رح احكيلك كل شي بوقتو
Telegram:@rwayate
باسها من جبينها وغطاها منيح وطلع لبرا الغرفة وقعد عند حرف الحجر وهو عم يريح اعصابو وكل شوي يطل عليها ليشوفا نامت وارتاحت
بس هي كانت دايرة وجهها بعيد عنو وما غفيت عينها أبدا كل شوي تحاول تطل عليه لتطمن وترجع تبعد عن الشباك لتوهمو انها نامت بس ما قدرت ترتاح وراسها عم يشتغل ويشتغل من دون ما يوقف....
*****
تاني يوم كانوا سناء وتوفيق بغرفتهن عم يستنوا هاللحظة مانامو بالليل ابدا وهني متوترين
دقت الباب نجاح علين اتطلعت سناء بتوفيق وركضت فتحت الباب
سناء: شوفي من بكير الصباحات
اتلبكت نجاح وهي بتقول: أمان مانا بغرفتها
سناء: بتكون طلعت لبرا ع المزرعة
نجاح بتلبك: لا………
سناء: شوفي احكي
نجاح: ضابة شوي من تيابا
سناء: شوووو
باللحظة كان توفيق واقف وراها ركضو بسرعة وطلعو ع الغرفة … ولقو باب الخزانة مفتوح وشوية تياب ناقصة
سناء: لوين راحت
توفيق: هالفلتانة العايبة لوين هربت
طلعت ليال على صوتن ووقفت مصدومة ومن بعدها. اتصلو باهلها ليتطمنو اذا راحت لعندن
خلال ساعة كانو اهلا بالبيت وتوفيق وسناء عم يستنوهن عند باب الفيلا
ركضت أم أمان وهي بتقول: بنتي وينا بنتي
سناء: اذا ماعندكن معناتا هربت والله يعلم مع مين
أبو أمان: شو هالحكي بنتي مترباية احسن ترباية
توفيق: لكن قلي وينها لحتى نعرف اذا مترباية ولا لأ
بهاللحظة بتدخل الشرطة
وقفت توفيق مصدوم وهو بقول: مين خبر الشرطة
أبو أمان: انا خبرتن مابدي اعرف وين بنتي
شدو من قبة كنزتو وهو بقلو: لك ياغبي ليش لتدخل الشرطة وتفضحنا وتفضح حالك برأيك بنتك هربت من بيت جوزا اذا ماعندك وين بدا تكون راحت !!؟؟
هلق حس على عملتو وقف مفجوع وهو بقلو: يافضيحتي
Telegram:@rwayate
*****
فتحت عيونا على صوت سيارة … نزلت من السرير لوصلت للشباك شافت ليث وكرم واقفين عند السيارة وعم يحكو
رجعت قعدت مكانا لما شافتن جايين باتجاه البيت
فتح الباب وقرب منها وهو بيسألها: كيفك اليوم ؟؟
أمان: الحمد لله احسن
كرم: ناقصك شي
هزت راسها يمين وشمال وهي بتسألو: أهلي عرفو بغيابي
ليث: توفيق نشر خبر اختفائك بكل مكان وقال انك هربتي
ضربت اجريها وهي بتبكي: الله لا يوفقو شو بدن يحكو عليي العالم
كرم: المهم طلعتي من الخطر
أمان: بس سمعتي صارت بالأرض … هربت من بيت جوزي
كرم: كل شي بيتصلح
أمان: واهلي
ليث: اتصل فين وخبرن انك هربتي
بلشت تضرب حالا وهي بتقول: يافضيحتك يا أمان …
شو صار فيكي يا أمان
مسكلا ايديها وحاول يهديها وهي لسا بتبكي
أمان: وهلق شو بدنا نعمل
كرم: لازم جهز اوراق سفرك ولان مافي لا جواز سفر ولا هوية هالشي بياخد وقت المهم انت ابقي هون أأمن
أمان: شو في هونيك لحتى بدك نروح ع لندن خلينا نبعد عن هالمنطقة وبس
كرم: هونيك في شي مهم كتير بحياتي
أمان: أهم مني
Telegram:@rwayate
نزل راسو وهو بقلها: شي انحرمت منو طول عمري
كانت بدها تسألو اكتر بس شافتو سكت ماقدرت تحكي شي تاني بلعت ريقها وهي بتقول: ماشي بس ماتطول
كرم: خيفانة من شي؟؟
أمان: أكيد مارح يوصلنا توفيق!؟
كرم: لا هالبيت بعيد كتير ونسيتي توفيق شافنا لما دفناكي
هزت راسها برضا ومشيت قعدت على الكنباية … ابتسملا من بعيد ومشي باتجاهها وهو بقول: مارح طول بوعدك
نزلت راسها حتى ما تفرجيه دموعها وهي بتهمس بشفايف بترجف: وأنا رح أستناك
قعد على ركبو مقابيلها ومسك ايدها بحنان وهو بقول: وثقي فيي
نزلت راسها وهي بتسحب ايدها شوي شوي وقالت: واثقة .. واثقة
باسها من جبينها بوسة طويلة خلت مشاعرن تتلخبط هو كان بحاجتها واكيد هي كانت محتاجة الها ليرجع قلبها ينبض من جديد … واتراجع لجهة الباب وطلع برا البيت من دون ما يحكي شي تاني وحست بهاللحظة انو قلبا طلع معو !!
وهو حس انو هالنهاية يمكن ما تنتهي على خير وأكيد مارح تنتهي قصة حبهن ببوسة مع نزول الستارة الحمرة !!
فجأة اتحولت حياتو السعيدة الكاملة يلي كان بشوفها ببيت توفيق لتعاسة لأن الأمر اتعلق فيها … بس هذا الحب بفرّح كتير بس كمان بيوجع كتير … وهو اختار انو يحب فلازم يتحمل للنهاية … وهو بيعرف أو لأ هو متأكيد انو الحب مانو اختيار
#الحب هو
#قدر …………
مابتعرف ليش فرحت لان عرفت أنو ماطلع ابن توفيق … لأن لو كان ابنو كان رح يصير محرم عليها أما هلق بتقدر.....
(لأ مستحيل اتزوجو كيف بدي اتزوجو وهو حتى ما قدر يجاوبني بصفتي شو)
(بس هو رجع ليحميني وقلي بحبني)
(طيب شو يلي ناطره بهديك البلاد وانحرم منو !!!!)
Telegram:@rwayate
هيك كانت عم تفكر وهي بتشوف ليث عم يودع كرم على أمل اللقاء القريب
رجعت من افكارا على صوت ليث وهو بقول: بعرفك ما بتحبيني بس متطرة تتقبليني معك هالكام يوم
أمان: شو بدي أعمل ما طالع بأيدي شي الا استنى
ضحك وهو بقول: والله فكرتك رح تجامليني شوي
أمان: ماخرج دجني دجتك العفية
ليث: واضح واضح
رفعت حاجب ونزلت حاجب وهيي بتزورو
