#قصة__لـو_تـعـود__بقلم_حكايا_لازورد

أم زيد:شو رايح تجيبها من عند خالتها؟
أبو زيد : البنت ما ضللها حدا من اهلها وانا عمها الوحيد ووصي عليها لازم تعيش ببيتي
أم زيد : خير ان شاء الله
...........................................
أنا زيد رح بلش بقصتي من لما كان عمري 16سنة كنت بالصف الحادي عشر وعندي اخت اسمها ريما اكبر مني ب 3سنين واخ اسمو مرهف عمرو 6سنين وقصتي بلشت لما ابي جاب بنت عمي روز عالبيت لان اهلها ماتوا اختناق من صوبة الغاز وليلتها كانت روز نايمة عند بيت خالتها وما ماصرلها شي وكانت روز بعمر اخي مرهف .حكايا لازورد
................................................
أم زيد : مرررررهف فتاح الباب ما عم تسمع
مرهف : دايماً انا انا انا بكل شي بتقوموني انا يلا قايم قايم
ريما بضحكة : ههههه صغير القوم خادمهم يا ولد
زيد : أهلين بابا ..اهلين روز
روز :......(راسها بالارض وساكتة)
أم زيد : تعي يا البي جوعانة ؟ بدرجلك صندويشة؟
روز :......
أم زيد : ابو زيد شبها ما عم ترد ليكون صاير شي لنطقها؟؟؟
أبو زايد : لااا لاااا بتكون تعبانة وبدها تنام خليها تنام ع تخت مرهف وفرشيلو لمرهف عالارض ينام وبكرا رح اشتري احلى تخت ل روز
مرهف : ما اجت عينكن غيييير ع تختي لسا قوم فتاح الباب وقوم امساح الدرج كل شي انا ليش بتعاملوني كاني ابن البطة السودا بكرررهك روووز
أبو زيد : مررررهف !!!!رووووز رح تكون اختك وبدك تدير بالك عليها ...حكايا لازورد
روز : انا عندي ماما وعندي بابا وعندي اختي رند خدوووني لعندن ما بدي اخوووااات جدد(تبكي)
زيد : حبيبتي ما بتعرفي انو اخواتك عم يشوفوكي هلأ من فووق واذا بطلتي تبكي يمكن يجو لعندك بلمنام
روز ابتسمت ومسكت ايد زيد وقالت : قووم ننام لكن
زيد شال روز عكتفو الكبير وحطها عالتخت وغطاها وحكالها قصة
زيد يفكر : كأنها نامت وماسكة ايدي ...شادها بريئة هال روز
..........……………………………………
(تاني يوم)
ام زيد : تعي روز مسحي الدرج
زيد : امي البنت صغيرة حرام عليكي
ام زيد : شو بدك تقويها عليي ..ليك اخوك مرهف بعمرها وبمسح الدرج
زيد : امي البنت نفسيتها تعبانة ولازم ندللها
ام زيد : روووووز مو عم اندهلك
روز : نعم عمتي
ام زيد : قومي مسحي الدرج
روز : ماني انتي امثحيه
ام زيد : عم تردي جوابات بوشي وليك
(روز تتخبى ورا زيد وتحتمى فيه)..حكايا لازورد
زيد : خلص امي انا بمسحو هاتي المساحة
ام زيد : لا والله ما بخليك تمسحو مشان يقولو زيد طرطور انت رجال البيت ...واختك ريما بالجامعة
زيد : شو الها دخل..اليوم قلنا استاذ الديانة انو الرسول كان يساعد اهل بيتو
ام زيد : انا بفرجيكي يا كلبة عم تتخبي وراه
وركدت ام زيد ورا روز وكان باب البيت مفتوح وهربت روز وطلعت من الباب وهيي عم تركد
زيد : رووووووز ....يا ويلي يا امي شو عملتي فيها وقعت من الدرج رووووووز .....
#يتبع

#قصة__لـو_تـعـود__بقلم_حكايا_لازورد
الجزء الثاني

زيد : روووووووز....ياويلي يا أمي شو عملتي فيها وقعت من الدرج رووووووز
....شال زيد روز وركد فيها عالمشفى.....

ام زيد : تاخر الدكتور جوا خلي يطلع يطمننا ع روز
زيد : امي كلو بسببك اذا بصرلها شي انتي السبب ..البنت يتيمة يتيمة مالها غيرنا
ام زيد : شو دكتور طمننا شو فيها البنت؟؟؟
دكتور : البنت جسمها رقيق والوقعة سببتلا كسر بايدها وبعض الجروح الطفيفة ع جسمها
زيد : بقدر اخدها عالبيت دكتور
دكتور : اي بتقدر
زيد : روز يا البي لا تبكي ما عاد اسمح لحدا يقرب عليكي لو كان امي ..رح احميكي على طول وما تنزلك دمعة(يمسح دموع روز) ..حكايا لازورد
روز :(تبكي) بدي امي بدي أمييييييي
.......حمل زيد روز عالسيارة ورجعوا عالبيت......
ريما : شووو صاير شبها روز؟؟؟
ابو زيد : ليش ما حدا رد عتليفوناتي ؟؟؟شو صاير على روز!!!!
ام زيد : ما فيها شي عم تنط متل القردة ووقعت من الدرج وانكسرت ايدها ..شهر زمان وبتطيب !!شبكن عم تتطلعو فيي ؟؟؟..قومي ريما حطي الاكل جعت ..حكايا لازورد
..............................................
ابو زيد : ليش روز ما عم تاكل معنا اندهولها
ام زيد : البنت مانها جوعانة
ابو زيد : كيف مو جوعانة ؟؟رايح لعندها
.................................................
ابو زيد : روز قومي كلي يا حبيبتي قومي
روز : ما بدي ما بدي
ابو زيد : طيب عراحتك بس جعتي قوليلي
ام زيد : عم تدللل الخانوم
زيد : انا رايح شوفها...روز
روز تصرخ: عم قلكن ما بدي اكل
زيد طلع ع روز بطرف عينو : وانا ما جيت لطعميكي ..جاي اضربك ابرة هي بدل الاكل ..يلا رايح جيب الابرة
روز : لاااا رح اكل
زيد : بابتسامة انا رح طعميكي يا البي ..(وصار يطعميها بايدو لقمة لقمة وبعد ما خلصت حكالها قصة ونامت)
زيد : كمان اليوم نامت وهي ماسكة ايدي ..هالبنت عملت جو بالبيت وتعودت عليها
........بعد 6 أشهر ........
زيد : يلا بسرعة فوتو السيارة ليش متاخرين مرهف وروز؟؟؟
بدي اخدكن عالمدرسة
روز فاتت عالسيارة وقعدت من قدام جنب زيد والدمعة بعينها
زيد : ليش الحلو زعلان!!
مرهف : بدها علبة الوان متل اللي معي وامي ما اشترتلا
مشي زيد بالسيارة ووصلن عالمدرسة
.....…………………………………………
رجعت روز عالبيت ولقت عسريرها علبة الوان كبيرة واكبر من اللي عند مرهف وركدت عند زيد وضمتو
مرهف : بدي متل علبتها الالوان !! ليش علبتها اكبر؟؟
………………………………………………
تعودت ع روز كتييير تعودت تنام وانا عم احكيلها قصص تعودت انا احميها وكبر راسها بالبيت لانو انا بدافع عنها عطول كنت السند الها وبعد سنتين قدمت عالبكالوريا ونجحت بمجموع عالي وسجلت ع طب الاسنان واختي ريما كانت سنة تالتة جامعة وانخطبت ل كمال اللي هو من نفس جامعتها وانا ما هضمتو للشب ابدا بس كانت ريما بتحبو ووافقوا اهلي عليه
......................……………………………
ام زيد : شو رايحين تكتبو الكتاب بالمحكمة
ابو زيد : اي رايح انا وريما وكمال
.....بعد ساعة بيرجع الاب وشو احمرررر ومعصب
ام زيد :خيييير شو صاير
ابو زيد : الواطي كمال بدو يخل بالاتفاق وما يكتبلا شي لا مقدم ولا مأخر
ام زيد : ااااااي؟؟؟؟
ابو زيد : قلتلو ما لك بنت عنا ومشيت
.....وفجاة بدق باب البيت وكانت روز ومرهف بالمدرسة وريما وزيد وامها وابوها بلبيت....
ابو زيد : هاد انتي !!!
كمال : بنتك الي والا نسيان عقد الشيخ
ابو زيد : نحنا اتفقنا بنقد ما بببلااااش
كمال تهجم عابو زيد ومسكو من رقبتو وقلو ريمااا الي وهلأ بدي اخدها غصب عن الكل
وفار دم زيد ومسك السكين اللي كان عصحن الفواكه وصرخ عم تتهجم عابويي يا واطي وضربو بالسكييين ....
#يتبع

#قصة__لـو_تـعـود__بقلم_حكايا_لازورد
الجزء_الثالث

وفار دم زيد ومسك السكين اللي كان عصحن الفواكه وصرخ عم تتهجم عابويي يا واطي وضربو بالسكين
ريما : كمااااال كماااال قوم ...يااا ربييي شو صرلو
ام زيد : وليييييي وليييييي اتصلو بالاسعاف
ابو زيد : الو دكتور بدنا سيارة اسعاف ضروري اكتوب العنوان عندك.....

………………………………………………
……………
زيد : دكتووور طمننا كيف وضعو؟؟؟
الدكتور : ما بقدر اجزم بكلامي ليوصلني تقارير التصوير والاشعة
الممرضة : دكتور التقارير جاهزة تفضل..
ريما : دكتور مشان الله طمني شو فيه خطيبي؟؟؟
الدكتور : للاسف متل ما توقعت ضربة السكين اللي اجت عكتفو الايسر اصابت العصب الزندي اللي موصول بلاصابع وتضرر هالعصب بسبّب شلل دائم باليد بس منستنى ليفيق لنتاكد
زيد : دكتور مشان الله عميل اي شي اي شي بس يطيب
الممرضة : دكتور المريض فاق
الدكتور : خليكن برا ما بدي يصير مضاعفات للمريض رح ادخل واتأكد بنفسي

ريما وزيد واهلو وقفوا عالباب ويشوفو من بعيد شو رح يصير...حكايا لازورد
الدكتور ضرب اصابع كمال وسالو : عم تحس بشي ؟؟؟
كمال : دكتور ما عم حس ما عم حس بشي
رجع الدكتور ضرب ايدو وسالو نفس السؤال
كمال : ليششش ما عم حس؟؟؟؟ معقول انشليت ما بقا بقدر امشي وقام كمال فجاة ليتفحص اجريه ..اجريي ما فين شي ولا ايدي اليمين !!!...ليش ما عم حس بايدي اليسار حاسسها مخدرة فهمني دكتور؟؟
الدكتور : للأسف ايدك اصابها الشلل بسبب الضربة
كمال : الله لا يوفقك يا زيد الكلب انا بفرجيك بأختك لساتها على زمتي
....دخل الضابط وتنين من الشرطة على كمال ...
لما شافن زيد فورا راح فكرو عند روز وراح عالبيت........
الضابط : في حدا بتحب تشتكي عليه وسببلك هالاصابة؟؟؟
كمال : اي حضرة الضابط هاد اخوها لخطيبتي زيد الواطي من يوم يومو ما بريدني لاختو واليوم كنت جاي لعندن وعم نتفق عالنقد واذا ب زيد ساحب السكين عليي وضربني فيه عكتفي وهاد اللي صار بدي اشتكي عليه وآخد حقي من هالواطي
ريما : لا مو صح انتي اللي بلشت واخي كان عم يدافع عن ابي كنت متهجم عليه
كمال : طبعا ً حضرة الضابط بدها تدافع عن اخوها
الضابط : رح يتوقف زيد عنا ونشوف ملابسات القضية
…………………………………………………
زيد وصل عالبيت والدموع ع عينو وشافها ل روز واجت لعندو
روز : ليش عم تبكي زيد مين مزعلك؟؟
زيد : روز يا البي ما حدا مزعلني بس انا مسافر وجاي ودعك رح ضل ببالك؟
روز : لا ترووووح الله يخليك ما حدا بدافع عني غيرك لا تتركني بعدين ماما رح تضربني ومرهف رح يزعلني مين بدو يحميني ؟؟(وانفجرت روز بكي)
زيد : انا مو بايدي رح سافر وضلي تزكريني ورح ارجع ما بتاخر كتير انتبهي عحالك كرمالي (ونزلت دمعتو)
مسحت روز دمعتو وضمتو : انتي متل الاب لا تتركني ومسكت ايدو...حكايا لازورد
بعد زيد ايد روز وهو عم يبكي وطلع من البيت وهو نازل عالدرج مسكتو الشرطة وكانت ريما موجودة
زيد : انتبهي عروز بغيابي ولاتخبريها باللي صار قولولها اي شي ولا تخبري مرهف كمان
ريما : الله يحميك يا اخي(تبكي)
……………………………………………………
بالنسبة لكمال جاب محامي شاطر والب القضية بالمحكمة ضد زيد
القاضي : وقت النطق بالحكم
بعد الأخذ بأمر التقارير الطبية لقد سبب زيد اعاقة دائمة وعن سابق اصرار وترصد قررت المحكمة على المتهم زيد بالسجن 6سنوات مع الاعمال الشاقة قراراً وجاهياً قابلاً للطعن عن طريق النقض ..رُفعت الجلسة....
#يتبع

#قصة__لـو_تـعـود__بقلم_حكايا_لازورد
الجزء_الرابع

روز : ريما ايمت بيرجع زيد ؟؟
ريما : والله ما بعرف حبيبتي عم ننقض الحكم لنشوف اذا بيطلع شي
روز : حكم شو ؟؟؟
ريما : ولا شي كنت عم احكي مع حالي ..خلص لا بقا تساليني ايمت بيرجع زيد (وانفجرت بكي)
ام زيد : رووووووز تعالي لهون
روز : نعم ماما
ام زيد : روحي جلي الجليات ونضفي البيت عالسريع
روز : حاضر
ام زيد : مرررررهف شوف مين عالباب مو سامع عم يندق
مرهف : يلا يلا....ماما هاد ابن الجيران غياث واختوو بنان
ام زيد : خلين يفوتو
غياث : وينا روز ؟؟
مرهف : بلمطبخ عم تجلي
بنان : انا رايحا شوفها
روز تعي لعبي معنا
روز : اهلين موزة
بنان بعصبية : رح اشكيكي لامك اذا رجعتي ناديتيني هيك !!
روز : لااا حبابة عم امزح معك ..يلا رح خلص جلي وجاي العب معكن ..حكايا لازورد
…………………………………………………
ام زيد : روووووز وينك يا بهيمة فضحتيني قدام رفقاتي مانك منضفة البيت والغبرة هيك سمكها
روز : .....
ام زيد : انا بعرف كيف ربيكي !!
وجابت ام زيد من البراد قرن فليفلة
صارت تضحك روز من برائتها وما خطرلها شو رح يصير فيها
وام زيد قسمت القرن بالنص ودهنت جسم روز كلو فيه حتى شفافها بكل محل
بالبداية روز ما عرفت شو يعني هالعقوبة ومانها قاسية
بس بعد شوي صار جسم روز كلووو نار ودموعها تشر لحالها صارت تبكي وتبكي
روز (تبكي) : شيلي الحد الله يخليكي يا امي ما عم اتحمل عم يحرقني جسمي
ام زيد : روح نقلعي حتى تسمعي الكلام من هلأ ورايح..خليكي كل الليل عم تتحروقي وما تنامي
ابو زيد : ليش روز عم تبكي ؟؟
ام زيد : ما فيها شي عم تبكي جوعانة
روز : عم ابكي لان جسمي عم يحرقني...امي دهنتلي ياه بلفليفلة
ابو زيد : لك شووووو عملتي بالبنت ؟؟؟
وشال روز عالحمام وكت فوقها المي
وضل كل الليل عم يكت فوقها المي حتى نامت
ابو زيد : ام زيد هالبنت امانة برقبتي اذا بشوفك عم تاذيها مرة تانية رح طلقك !!! وهلأ روحي من وشي مو طايق شوفك....حكايا لازورد
……………………………………………………
ام زيد : كيفك يا ابني ليش ضعفان كتير
ابو زيد : ابني حدا عم يدايقك لازمك شي؟؟
زيد : ما تاكلو همي..هاد حبس مانو منتزه ...بعيني الله ...شو حكيتو ل روز ومرهف وشو صار ب ريما؟؟؟
ام زيد : مرهف وروز قلنالن سافرت لتلم مصاري وتتجوز واختك ريما انفصلت عن كمال
زيد : اي منيح طمنتيني
…………………………………………………
بصراحة انا ما حكيت لاهلي شو عم بصير فيني بالحبس وكيف عم نام عالقذارة وجنب الجراذين والفيران وتحت العناكب والحشرات بانواعها وكيف بطعمونا حبة البطاطا المسلوقة نص سلقة والا الحمامات اللي بلمي الباردة بعز دين البرد والا الازعرية اللي بلحبس اللي بس بدن حدا يتفششو فيه ...اللي بعيش يوم واحد بلحبس بينسى امو وابوه و لك بينسى كل العالم ...كيف اذا 6سنين وكل ما استانف القضية ليخفف الحكم ما بيطلع وراه نتيجة لان كمال مزبط الامور منيح لتبقى القضية ضدي...حكايا لازورد
………………………………………………
(بعد مرور 6 سنوات)
زيد : مو مصدق اليوم رح اطلع من السجن وشوف امي وابي ومرهف وريما و حبيبة البي روز ...اي روز عجب كيف صار شكلها؟؟ امي كانت تجيب صور العيلة كلها الا روز
………………………………………………
ام زيد وابو زيد كانو عم يستنوني برا وقت شفتن كتير انبسطت وضميتن واخيراً صرت شوف ضو الشمس واخيراً رح شوف روز
زيد : امي ليش ما اجو اخواتي معك ؟؟؟
ام زيد : مرهف وروز ما بيعرفو انك كنت بالسجن وريما عند جوزها كمال
زيد : كماااااال؟؟؟؟؟...
#يتبع

#قصة__لـو_تـعـود__بقلم_حكايا_لازورد
الجزء_الخامس

زيد : كمااااااال؟؟؟؟؟؟ أمي مووو قلتيلي وانا بالسجن انو ريما وكمال انفصلو؟؟؟
ام زيد : يا ابني والله ما كان يطلقها وصار يهددنا انو يبعت ناس ويأذوك بالسجن ونحنا خفنا عليك
ابو زيد : تعال ابني عالبيت بتكون تعبان
…………………………………………………
زيد : وينها روز امي؟؟.....حكايا لازورد
ام زيد : كانت عند ريما هلأ دقتلي قال خطيبها غياث رح يوصلها
زيد : غياااث مين غياااث ؟؟؟؟ لك شو صار بغيااابي!!! ليش ما خبرتيني بشي بالسجن!!!
ام زيد : غياث ابن الجيران نجح بالبكالوريا هديك السنة واتفقنا بعد ما تنجح روز بالتاسع هالسنة منجوزها وبكملو دراستهن هيي وياه وهني متجوزين
زيد : ع جناااازتي ما بتتم هالجوازة ع جناااازتي
ام زيد متفاجئة : ليش لك امي ؟؟؟
زيد : ئئئئ....لانو ...لانوووو...لانووو روز لساتها صغيرة وتحت سن 18 بس بدي اعرف كيف وافق ابي اكيد من كتر ما نقيتي فوق راسو لك ااااااااخ ااااااخ ريتني ضلان بالسجن اختي اتجوزت هداك الحقيييير ورووووز انخطبت وليش ريما ما اجت شافتني ما بدها تجي مع روز؟؟؟؟
ام زيد نزلت راسها بالارض : جوزها ما خلاها
زيد : حسابو عندي هالحيوان بدو يحرمني شوفة اختي ..طمنيني امي كيف معاملتو الها؟؟؟
ام زيد : ممن..منيحة منيحة
زيد : ان شاء الله خير
……………………………………………حكايا لازورد
وبعد دقايق بتفوت عالبيت بنت بيضا بعيون عسلية هالملامح مو غريبة عليي لك هي رووز ما تغيررت عليي ،ملامحها الطفولية ما راحت من عن وجهها وبسمتها البريئة زينت وجهها عم تطلع فيني عم تستشبهني لحدا بس انا متغير الشعر غطى دقني.. وكتافي عرضو.. وطولي تغيرر بس ....بس ما انتبهت مين اللوح اللي واقف جنبها !!!!!
ابو زيد : ما بدك تسلمي عابن عمك زيد يا روز؟؟
روز متفاجئة : زيييييد
غياث : اهلا اثتاذ زيد الحمد لله عثلامتك
زيد :(يا حبيبي وبيقرط علسانو كمان) اهلين غياث تفضل قعود
....روز استئذنت وراحت ع غرفتها ....
زيد : ( انا بفرجيكي يا خاينة قلتلك تستنيني وحضرتك فورا انخطبتي) امي شبها روز ؟؟
ام زيد : رايحا ع غرفتها شوفها
……………………………………………حكايا لازورد
ام زيد : شبك حبيبتي روز؟؟ ما فرحتي على جية زيد ؟؟؟
روز : مبلا فرحت ...كنت عند ريما وكالعادة جوزها ضاربها وجسمها مزرق وانقهرت عليها
ام زيد (تبكي) : لك الله يكسر ايدو ...انشلت ايدو اليسار وان شاء الله تنشل اليمين ونرتاح من هالحيوان ..هلأ بعد ما طلع زيد من السجن ما عاد فيه يهددنا بشي
روز (متفاجئة): زيد كاااااان بالسجن؟؟؟
ام زيد : نحنا خبينا عليكي انتي ومرهف لان كنتو صغار وجوز ريما انشلت ايدو بسبب زيد وكان كمال هو المتهجم ع عمك وانحبس زيد حبيب البي
روز : يعني زيد ما تركني اصدا زيد راح غصب عنو
......وطلعت روز من الغرفة وطلعت ب زيد تطليعة مليانة حزن مليانة شوق مليانة خوف وطلعت ب خطيبها غياث تطليعة حزن من واقعها ورجعت ع غرفتها غرقانة بالدموع....
زيد : انا رايح عند اختي
ام زيد : انا رايحا معك ما بدي مشاكل
ابو زيد : كلنا رايحين معك
……………………………………………حكايا لازورد
ريما : زيد اخي يا نور عيوني شاد اشتقتلك (وضمتو)
زيد : ليش ايديكي مزرقات وليش عيونك مورمين بكياانة!!!
كمال : انقلع من بيتي يا واطي وعندك اخت بتنساها
زيد : مو فشرت عينك اختي رايحا معي
كمال : خدها معك وانا ببعتلا الشرطة يشحطوها عبيت الطاعة متل الكلبة
زيد : ريما رح تخلعك ريتو الخلع لحنكك وترتاح هالبشرية من تعوايتك
كمال : معناها غسلو ايديكن من ابنها لان ما بقا بتشوفو ضفرو
زيد : لك انتي شوووو بدك شووو بدك حبس وحبستني شو لسا بدك؟؟؟
كمال : بدي ايدي ترررررجع متل ما كانت بتحسسسسن؟؟ يلا رجعلي ياها يلااااا بدي ارجع حس انو في عندي ايد عاليسار
زيد : اذا انشلت ايدي بتشفي غليييلك بتشفي حقدك؟؟؟؟
كمال : اي لك اي اي اي
.....وراح زيد عالمطبخ وجاب سكين وحطو بايد كمال وقلو : تفضللل ضربني عايدي واختي بتتطلق وبتاخد ابنها معها يلااا اضربني....
ومسك كمال السكين والغل والحقد بعيووونو وهجم عكتف زيد ورووز وقفت محل كتفو ودخل السكين بصدرها والكل مدهووووش
زيد : روووووز حبيبة البي رووووز لك قتلتها قتلتها رووووز......
#يتبع

#قصة__لـو_تـعـود__بقلم_حكايا_لازورد
الجزء السادس والأخير

زيد :رووووز حبيبة البي روووز لك قتلتها قتلتها روووووز
ابو زيد : لسا في نبض خلينا نلحقها
وحمل زيد روز وحطها بالسيارة والكل عم يبكي بس اكتر شخص كان عم يبكي ما رح تتوقعو مين ؟؟ ام زيد اي ام زيد
ووصلت روز عالمشفى ودخلوها غرفة العمليات والكل برا عم يستنى حتى كمال عم يستنى النتيجة من بعيد ومصدوم من اللي صار ولوين وصلو حقدو
……………………………………………
ام زيد : طلع الدكتور خلينا نشوف شو صار معو
زيد : طمننا دكتور مشان الله
الدكتور : الضربة كانت قريبة من القلب ولحسن الحظ ما صابت القلب بس المشكلة مو هون المشكلة انو روز فايتة بغيبوبة واذا ما فاقت مو هون ل 24ساعة احتمال فيقتها بقل
ام زيد : لا روووز رح تفيق حبيبة البي رح تفيق (تبكي)
زيد : بقدر شوفها ؟؟
ام زيد : وانا بدي شوفها
الدكتور : ما بصير يدخل الكل ..واحد واحد بيدخل
ودخلت لعندها ودموعي بتسع الكون كلو
زيد : روز حبيبتي ليش هيك عملتي ليش ؟؟ تنشل ايدي ولا يصيبك شي قومي يا روحي صدقت ع الله اني طلعت من السجن والله انا ما لي حظ بشي خسرت دراستي وخسرت سنين من عمري وطلعت لقيتك مخطوبة وهلأ بغيبوبة خايف اخسرك خايف ...كل شي خسرتو بكفة وانتي بكفة لحالك
وطلع زيد من الغرفة ودموعو عخدو ودخلت ام زيد لعند روز
ام زيد : يا عمري انا شاد عزبتك وانتي صغيرة وانتي تناديني ماما عطول والله ما بتستاهلي هيك ام ..انا كنت حنونة مع الكل الا انتي بصغرك يمكن بعد ما تجوزت ريما تغيرت معك وصرت منيحة بس قبل ما كنت منيحة كنت شوف محبة ابو زيد الك اكتر من باقي الولاد واتدايق بس هلأ عرفت انو كان تصرفو صح وانا الغلط راكبني وكان لازم كون متلو واذا بتموتي ما رح سامح حالي ابداً (تبكي)
……………………………………………………
غياث : رح ادخل شوف روز
زيد : بتقعد محلك بنت عمي تعبانة وبدها ترتاح
ابو زيد : ادخول ابني انتي خطيبها وبحقلك تشوفها
………وطالع زيد سيكارة ورا سيكارة لحتى طلع غياث من غرفة روز
……كانت ليلة صعبة عالكل……
وما حدا نام ابدا
الدكتور : فاقت روز وبدها تشوف ابوها قبل الكل ولحالو
الكل اتفاجأ من هالشي وما حدا بيعرف شو صار حكي بيناتن وبعدو الكل فات واستسمحت ام زيد من روز
……………………………………………
بنان : مو حاجتك بالمشفى هي صرلك اسبوع فيه
روز : اليوم عاساس يخرجوني من المشفى
بنان بنظرة خبيثة : اي منيح لان عندك مهمة بعد ما تطلعي من المشفى
روز : مهمة شو ؟؟؟
بنان : عندك ابن عم شخصية ومخبيتيه عني يا ملعونة بدي تطبقيلي ياه
روز بعصبية : ابن عمي ما بحب الموووز
بنان بعصبية : اذا بتقوليلي موزة قدامو لاخنقك ...هي انتي مخطوبة لازم تعملي خير مع غيرك
روز : روحي من وشي هلأ تعبانة
………………………………………………
زيد : انا حكيت مع كمال وظبطت موعد مع المحامي مشان يطلقك
ريما : وابني؟؟؟
زيد : ابنك بضل معك اتفقت معو عهالشي لا تخافي
ريما : الله يخليلي ياك يا سندي
………………………………………………
والساعة 3بالليل دق الباب طلعت ام زيد من العين الساحرة كان كمال ما حدا فتحلو .. قعد عباب البيت نص ساعة يبكي ويقول ريما ارجعيلي وبعدو راح
…………بعد اسبوع…………
زيد :امي وين بابا و روز؟؟
ام زيد : راحو مع غياث عالمحكمة لكتب الكتاب
زيد : شوووووو؟؟؟؟
وركدت بايدي واجريي عالمحكمة لحق روووز بس ما لقيتها للاسف ورجعت عالبيت وجارر معي ذنب الخيبة
كانت روز عم تضحك وغياث عم ياكل الحلو الجايبينو
ام زيد : شو جيت ما بدك تقول مبروك!!!
زيد (بخيبة): مبروك
ابو زيد : مو لتعرف بالاول عشو ال مبرووك
زيد : خلص بقا مو ناقص حدا اتركوني بحالي
مسكت ام زيد كتف زيد وقالتلو قعوووود
زيد : وهي قعدنا شو بدكن مني؟؟
ام زيد : روز وابوك كانو برا عم يتمشو واشتهت روز حلو وجابوه معن وانا حكيت مع غياث وقلتلو يجي
زيد : ليش قلتيلي كتبو الكتاب؟؟
ام زيد : انا عملت هالشي لاتاكد من شغلة واتاكدت ، انا ظلمتا ل روز وبدي كفر عن ذنوبي وانا اللي قنعتها ب غياث لانو مرهف عم يكبر وما بجزلها ولا انت بتجزلها ..و روز حكت مع ابوك من لما كانت بلمشفى انو هيي بتحس غياث متل اخوها وحكينا مع غياث بلموضوع وتفهم الموضوع ورح يضل صديق العيلة
زيد : اي وبعدين؟؟
ابو زيد : ولا قبلين ، ما حدا رح يتجوز روز ، روز رح تكمل دراستها وبعد ما تاخد التاسع وتاخد البكالوريا هيي بتختار شريك حياتها وموضوع الزواج تسكر هال 3سنين وانتي رح تعيد البكالويا وتكمل دراستك وما رح اقبل اي اعتراض ع كلامي
……………بعد مرور 3سنوات............
زيد : الو روز ..الف مبروك نجحتي البسي عم استناكي تحت بالسيارة
روز : يلا عشر دقايق ونازلة
زيد : بكالوريا وخلصتي رح قلك شغلة
روز : هههههه بعرف شو رح تقلي
زيد : بدي اخطب بنان
روز (متفاجئة): نعممممم
زيد : رح اخطبها لاخي مرهف ههههه
روز : غلييييظ ههههه
……………………………………………
انا نجحت بالبكالوريا وعم ادرس جامعة والليلة حفلة نجاح روز بالبكالوريا وحفلة كتب كتابنا
اللي بدي قولو انو شو ما صار معكن من ظلم رح تنفرج وتنفتح ابواب امل ب