#كف_القمر ♕✿♡✿♕
#بقلمي ☜#امل_احمد (◕‿◕✿)
#الجزء_الخامس ⑤ ♬
Telegram@rwayate
♬✿♬✿♬✿

طلع وديع من غرفة العمليات وشال الكمامه عن تمو واطلع بقيس يلي كان بحالة انهيار تام
قيس : طمني بيسان كيفها
وديع : نحنا عملنا يلي علينا والباقي على رب العالمين
قيس : شـ شو يعني
ثائر : اخي فهمنا بالالم نشرح كيف وضع بيسان
وديع : وضعها حاليا مستقر عندها ارتجاج بالمخ ورضه قويه بالقفص الصدري وحاليا رح تنتقل لغرفة العناية المركزة ورح نعطيها مسكنات ومنوم لحتى تبقى نايمه لانه لو فاقت مارح تسكت من الالم
قيس : بقدر شوفها
وديع : حاليا صعب جدا استنى لتفوق من البنج اول .. حمدلله ع سلامتها
ركا قيس ضهرو للحيط ونزل وقعد ب الارض ودموعو على عرض وجهو
ام ينال : ان شاء الله بتقوم بالسلامه طول بالك ابني
قمر : خلص قيس ماسمعت اخي شو حكا وضع بيسان مستقر بس بدها راحه لتتحسن وتقوم متل الحصان كرمال الله ماتعمل بحالك هيك قوم غسل وجهك وصلي ركعتين طلب حاجه لله
قيس :……
اطلعت قمر ب ثائر وطارق ورفعت كتافها وهزت راسها
اتجهوا الشباب لعند قيس وتجلسوا ع الارض حدو
طارق : قوم اخي قوم البكا للنسوان وانت رجال
Telegram@rwayate
ينال : تضرب انت وكلامك طارق… .. اخي قيس قوم معي لتغسل وجهك ان شاء الله بيسان مارح يصرلا شي
ثائر : انا كمان كنت حاسس انها بيسان انسانه نقيه من داخلها بس ظروفها خلتها تحبس حالها بدوامة الحقد والانتقام
اطلع قيس بثائر ومسح دموعو : انا كنت امها وابوها بعد وفاة امي الله يرحمها .. تمنيت عوضها الحرمان يلي عاشته وطالعها من دوامة 🌀الحقد يلي زرعها فيها اخي قاسم
ثائر : ان شاء الله كل شي بيتصلح والوقت كفيل يداوي جراحها بس هلأ شدلي حيلك وقوم لازم تبقى قوي وثابت لحتى بيسان تستمد قوتها منك
وسيم : جبتلكم قهوه يالله تعوا اشربوا وحاج تفاولو عالبنت ليكا متل الفل اسم الله عليها
بعد ماشربوا القهوه وهديت اعصابهم شوي غمز ثائر ينال لياخد اهله ويروحوا عالبيت
ينال عم يتصنع انه بيتثاوب… ااااخ ياربي مو حسنان فتح عيوني
قيس : خلص روحوا ارتاحوا و شكرا لوقفتكم معنا
ابو ينال : شو عم تحكي ابني هاد واجبنا
قيس : تسلم عمي جواد بس وجودكم هلأ بلا فايده خلص روحوا ارتاحوا وبس تفيق بيسان بخبركم
وسيم : خود سجل رقمي عندك واي شي بتحتاجه لاتتردد اخي قيس
قيس : تسلم وسيم
ابو ينال يالله ياولاد
Telegram@rwayate
قيس : طارق
التفت طارق ب اهتمام . اي قيس عاوز شي
قيس : رح تلقي القبض على بيسان بس تتعافى
اطلع الكل بطارق يلي وقف حاير وماعرف شو يرد جواب لقيس بس بالوقت المناسب جاوبو ينال
اخي قيس اختك كانت ضحيه واخوك استغلها وشوه افكارها اعتقد يلي صار رح نحسبه مشكله عائليه ومارح ندخل الشرطه بيناتنا ماهيك طارق
طارق : اي اكيد اخي وهلأ بالازن
قمر : انتبه عحالك قيس وطمنا على بيسان
قيس : ان شاء الله
ينال : وديع مناوب هون ازا صار شي فورا بتروح لعندو مشي
قيس : تمام
طلعوا من المشفى وتركوا وراهم قيس يلي فورا اخد نفس عميق واطلع للسقف ونزلت دمعه من عينه وهو يتمتم ويشكر ربه انه لحق بيسان قبل ماتغلط غلطه مايقدر يساعدها
حاج تبكي بيسان بخير
اطلع قيس جهة الصوت لقي ثائر بعدو مكانو ماتحرك
قيس : انت بعدك هون ليش مارحت معهم
ثائر : بكرى الجمعه ومافي شغل وبصراحه حابب ادردش معك شوي ازا ماعندك مانع
قيس : تكرم عينك
ثائر : لكن تعا ننزل للكافتيريا نشرب شي
قيس : يالله
┬──┬┬──┬┬──┬
Telegram@rwayate
نورتي البيت بنتي
قمر : تسلم لقلبي بابا
وسيم : ايه ام خدود هاتي خبرينا كلشي صار معك
قمر : خليها للصبح اخي والله تعبانه
طارق : روحي ارتاحي اختي بس بكرى نهارنا طويل مع بعض
بلعت قمر ريقها وخافت من لهجة طارق : شـ شو يعني بدك تستجوبني
طارق : وليش لأ مابيكفي يلي صار فينا من تحت راس كزبتك
ابو ينال : تروك اختك طارق… . روحي بنتي ارتاحي والصباح رباح
ام ينال : جوعانه حبيبتي
قمر وهي عم تتزكر المائده يلي قدملا ياها قيس : ها لا امي مالي نفس بدي اخد شور ونام يالله تصبحوا على خير
الكل : تلاقي الخير
فاتت قمر لغرفتها وفورا دخلت عالحمام شغلت المي السخنه ونزلت تحتها وهي مغمضه عيونها ومبتسمه عم تتزكر كل لحظه جمعتها مع قيس وبس خلصت لفت حالها بالمنشفه وطلعت نشفت شعراتها ولبست بيجامه زهر قطنيه وحضنت دبدوبها لترجع تسترجع احداث نهارها مع قيس
لك شبني انا ليش ماعم يروح قيس من بالي…… . وليش قلبي عم يدق هيك ليكون ❤️
مسكت دبدوبها وشوشته… شكلي وقعت بالحب يادبدوبي ومحدا سمى على قلبي 💓
✺✺✺✺✺
Telegram@rwayate
طارق : وضع قمر مو عاجبني
وسيم : ليش اخي
طارق : مابعرف حاسس في شي مخببته عنا
ينال : شي متل شو انت كمان كأنك مابتعرف اختك ماعمرها غلطت
طارق : بس كزبت اخي
ينال : هلأ بدك تمسكلا على هالكزبه
وسيم : اخي ماتكبر الموضوع هي كانت كزبه بيضه لحتى تروح مع رفيقتها
طارق : كأنكم ماشفتوا بعيونكم عواقب هالكزبه البيضه
وسيم وينال :………… ..

( ˘ ɜ˘) ♬♪♫( ˘ ɜ˘) ♬♪♫( ˘ ɜ˘) ♬♪♫

#كف_القمر ✯
#الجزء_الرابع ④
#بقلمي☜#امل_احمد♡
Telegram@rwayate
♕ ♢ ♕ ♢ ♕

. حطت سعاد ايدها ع تمها وشهقت اما جواد كان هادي جدا ولف وجهو وطلع من الغرفة
جمانه : جوااااد تعال بترجاك لا تتركني بهي المصيبه
سعاد : اهدي جمانه………… . انتي حامل من جواد
جمانه :…………… .
طلعت سعاد ورى جواد يلي كان قاعد بيقلب عالتلفزيون
سعاد : جمانه حامل منك ؟؟
مشط جواد شعرو ب ايدو بعصبيه
جواد : لا مو مني وهالسيره لتبقى تفتحيها وهلأ بتقومي تقلعيها من هون قبل ما افقد اعصابي
سعاد : بس ياجواد… ..
وهون سمعت صوت الباب اتسكر ركضت للغرفه مالقيت جمانه وفهمت انها سمعت كلام جواد
بعد يومين
سعاد : الو مين معي
جمانه : الحقيني سعاد انا عم انزف
سعاد بقلق وين انتي
عطتها جمانه العنوان وراحت سعاد لعندها لقيتها فاقده وعيها وتحتيها بركة دم… اتصلت ع الاسعاف واخدتها عالمشفى وهناك جمانه خسرت حملها
جواد : انتي ليش مابتسمعي الكلمه سعاد مو قلتلك ماعاد النا اي علاقه بجمانه
سعاد : بعتزر منك جواد بس مافيي شوف انسان بحاجة مساعده ووقف اتفرج كرمال الله سامحني
حضنها لصدرو وهو يمسح عراسها .. بعرف انك بنت اصل وقلبك كبير بس انا مابدي يجينا وجعة راس من ورى جمانه وبالنسبه للحمل ليكو نزل وهلأ مافي شي يستدعي نبقى كرماله
اطلعت سعاد بعيون جواد وعيونها تعبت دموع
انت ابو هالطفل صح
Telegram@rwayate
جواد : اقسم بالله العظيم مو ابني وحاج نجيب هالسيره انتي الوحيده يلي بتعرف انا ليش طلقت جمانه
هزت سعاد راسها ومشيت مع جواد ومرت ايام وسنين ماعاد سمعوا سيرة جمانه ولا اي خبر عنها
حملت سعاد ب ينال وبعدو ثائر وشرف بعدو طارق ووديع ووسيم وحياة جواد وسعاد هاديه ومافي شي يعكرها
وبيوم كان جواد بشغله كالعاده دخلت لعندو السيكرتيره وحكتلو في مريضه بدها تفوت لعندك
جواد : اخده موعد شي
السيكرتيره : لا دكتور جواد هي اول مره بشوفها
جواد : طيب اذا مافي قدامها مواعيد دخليها
السيكرتيره : امرك دكتور
عم يطلع بالاوراق يلي قدامه وقت وصل لمسامعه صوت بيعرفه منيح رفع راسه ليشوفها قدامه بعد هالسنين وبطنها لحلقها وعيونها دبلانين وتحتيهم سواد ووجها شاحب
قام من مكانو وتوجه لعندها
جواد : شو رجعك جمانه
جمانه :………
جواد : بعتقد ماجيتي بعد هالسنين لتبقي ساكته
نزلت جمانه لعند اجرين جواد وبلشت تترجاه وهي تبكي وتشهق… كرمااااااال الله اكتب كتابك عليي اخي رح يدبحني
Telegram@rwayate
جواد : شووووو عم تخبصي جمانه انتي انتي بتعرفي اني متزوج وبحب مرتي وصار عندي منها خمس صبيان والماضي تبعك نسيته لو سمحتي اطلعي لبرا قبل ماجيبلك الامن يطالعوكي بالزور
جمانه وهي بتبكي : ضحك عليي وفهمني انه رح يتزوجني وبس عرف بحملي تركني وماعاد شفتو صرلي ايام وشهور هربانه من البيت واخي عم يدور عليي بكل مكان ليغسل عارو حاولت اتخلص من الجنين ماقدرت كرماااال الله ياجواد اكتب كتابك عليي لحتى اولد وبعدها طلقني
جواد : يعني بدك تبليني ب ابن ال……… .. استغفر الله العظيم
قومي جمانه قومي انا مابقدر اعمل هيك شي ولادي لسه صغار ومابدي بس يكبرو يعرفوا انه الهم اخ ابن حرام وهو مو ابني اصلا… لا تكوني انانيه وماتفكري الا بحالك ياما حاولت انصحك بس الوساخه بدمك
جمانه : عموما انا قاعده بهاد العنوان حاليا بعرف انك رجل ومارح تتخلى عني
طلعت جمانه من عند جواد والخيبه على وجهها
اطلع جواد عالورقه يلي قدامه وبلش يقلبها بين ايديه وبعدها حطها بجيبته وطلع عالبيت
بالمسا قعد جواد مع سعاد وحكالها يلي صار
سعاد : اكتب كتابك عليها جواد
جواد : انتي جنيتيييييييي
Telegram@rwayate
سعاد : مو عم تحكي اخوها رح يقتلها حرام جواد يمكن انضحك عليها افرض عنا بنت وصار معها هيك بترجاك جواد اكتب كتابك عليها
وبعد اقناع طويل من سعاد وافق جواد يكتب كتابه على جمانه بشرط تسجل بصوتها تسجيل يثبت انه هالطفل مو ابن جواد لحتى يضمن بالمستقبل مايصير مشاكل لاولاده
راح جواد وسعاد للمشفى عند جمانه بعد ما عرفوا انها ولدت وجابت بنت بس للاسف لقيوها ميته كانت شاربه ادويه وجسمها ماتحمل وصار عندها تسمم وماتت ..ماتت وتركت طفلتها وراها حتى بالموت كانت انانيه
قربت سعاد لعند جواد وحطت ايدها ع كتفه
عظم الله اجركم
رفع جواد راسه واطلع بسعاد…كيف هيك بتعمل بحالها كيف بتقرر تموت وتترك بنتها كيييييييف
سعاد :…… .
جواد : كأنه بتمك حكي
سعاد : شو رح تعمل بالبنت هلأ
جواد : رح رجعها ل اهلها
سعاد : بس يمكن مايعترفوا فيها
Telegram@rwayate
جواد : لشو عم تلمحي سعاد
سعاد : لو نخليها عنا شو رأيك بتــــ…
جواد : لااااااا انتي جنيتي عالخالص انا ماعدت فهمت كيف بتفكري
سعاد : والله مو هاين عليي هالطفله يعني شو زنبها
جواد : زنبها انها بنت جمانه… هاد هوي زنبها
سعاد : طيب مو انت كتبت كتابك على جمانه شو بيمنع تنسب البنت الك
جواد : سعاااااااااد نسيانه عندك خمس صبيااااان وليكك حامل بدك ربي بنت حرام بين ولادي

#كف_القمر #الجزء_العاشر⑩
♬♫♪◖(● o ●)◗♪♫♬
#بقلمي ☜ امل احمد
Telegram@rwayate
♬♫♪◖(● o ●)◗♪♫♬
حينما يفقد الشيء بريقه فلا يكون ذا تأثير ولا أثر، و حين تفقد علاقة الأخوة قوّتها ، يدوي صهيل الوجع و الفقد بداخلنا ...فمهما اشتد بنا العمر فعلاقة الأخوة هي الأخص و الأشدّ حاجة للعناية و الاهتمام ...و الأقدر على البقاء و مواجهة الصعاب يداً بيد ..و قلباَ لِقلب ....
لـكن ماذا لو توترت هذه العلاقة و تنافرت و أصبحت بينهم حواجز فولاذية ، فينقطع بينهم الاتصال ، ويتراكم الجليد فتبرد المشاعر الحارة بينهم، وتختفي معاني الأخوة والتصافي بينهم...لكأنّ هذه الفتنة عرس الشيطان؟
ماذا يحدث ...حين نفقد أخا أو أختا لأسباب نمطية لا تستدعي هذا الكم الكبير من القطيعة و الفقد ...؟
و ما الحاجة للاحتواء العاطفي والحاجة لأن يكون البنيان الأسري مرصوص؟
حقا ...يؤلمني جدا أن أرى إخوتي يُصارعون الزمن و يتصارعون مع أنفسهم ...
قاسية هذه الحياة حين تفرقنا بسلطة الضرورة ...و سوط البعاد ...
و كم يُدميني أن يحزن أخي و أراه وحيدا يُجابه الحياة بكل ما أوتِي من قسوتها ...
يُميتني ألف موتة حين يسألني أخي :
• هل لابتسامتي مكان في قلبك يا أختي ...؟
فأردُّ بصوتٍ يكاد أن يكون وجعاً :
• بحق ظلمة رحم جمعتنا ...إي والله لها أثر ...
Telegram@rwayate
هكذا تتجدد الحياة بداخلي ..و يهنأ القلب و تسمو الروح ...
هكذا تنجلي عتمة العيش و هموم الحياة ...
هكذا أجِدُني سعيدة ...بابتسامتهم ، بفرحهم..ونجاحهم ...

إنّهُ العطاء: أن تكون في الحياة گزجاجة العطر، تقدم للآخرين كل ما بداخلك، وَإن فرغت تبقى رائحتك طيَبة...

لذلك .. مهما يكن عطاؤك أعطه بسرعة..ولا تتردد !

و تذكّر أنه مثلما يعود النهر إلى البحر هكذا يعود عطاء الإنسان إليه...

و لا تنتظر من يُبادر ...فالتسامح قوّة داخلية تصنع المعجزات ...
لذلك ..تحابّوا و تهادوا ...و تواصوا خيرا ..فالغفران الحقيقي لا ينكر الغضب، لكن يواجهه...

♬♫♪◖(● o ●)◗♪♫♬

بقيت قمر يومين وهي على نفس الحال ورافـضه تحكي مع اي حد
قيس : صباح الخير ي قمري كيفك اليوم
قمر :……
قرب قيس لعند قمر وحط ايدو حوالين كتافها… . لايمت هالحال قمر انتي مو بس عم تعاقبي ثائر .. عم تعاقبي نفسك وتعاقبينا كمان
قمر :… ..
قيس : كرمالي حبيبتي احكي اي شي
قمر :……
دق دق…
قيس : تفضل
Telegram@rwayate
بتفوت زينب وهي حامله معها حلويات يلي بتحبها قمر
زينب : صباح الخير اخي قيس كيفا قمر اليوم
بيتأفف قيس بضيق وبيهز راسه والله تعبت معها ومو قابله تتجاوب ابدا
زينب : ممكن تتركني معها لو سمحت
قيس : خدي راحتك انا رايح شق على عمي جواد
بيطلع قيس وبيترك الباب مشقوق
زينب : شو قموره وبعدين معك
قمر :… .
زينب جبتلك الحلويات يلي بتحبيهم يالله افتحي تمك
قمر :… .
زينب : ماكنت بعرف انك انانيه… لك شو يعني بدك تموتي حالك وتموتي امك وابوكي طقيق عليكي شوفي وجهك بالمرايا كيف كان وكيف صار
قمر :……… ..
┬──┬┬──┬
وديع : اها صهري انت هون صباح الورد
قيس : اهلين وديع
وديع : شبك…
قيس : قمر ماعم تتجاوب معي ب اي شكل من الاشكال حاولت معها بس رافضه تحكي
وديع : طول بالك صهري الصدمه يلي تعرضتلا كانت قاسيه عليها… بدها شوية وقت لتقدر تتجاوز هالمحنه
قيس : الله يسمع منك… كيف صار عمي
وديع : عمك صحته حديد بس ماعم يبطل سؤال عن قمر وكأنه حاسس انه صايرلا شي
قيس : مارح تخبروه
وديع : حاليا لا بس لتتحسن صحته شوي تانيه
قيس : ان شاء الله
وديع : يالله بالازن بدي شق على قمر قبل ماروح عالبيت
قيس : ازنك معك وانا رايح شوف عمي بس تخلص خبرني لنطلع سوا
وديع : مشي صهري بشوفك
┬──┬┬──┬┬──┬┬──┬

كان على وشك يفوت لعند قمر لوقت سمع زينب عم تحكي معها وقف حد الباب وبلش يسمع كلامها
┬──┬┬──┬┬──┬
Telegram@rwayate
زينب : بتتزكري وقت تعاهدنا مانخبي شي على بعض… .بصراحه انا خبيت عليكي
انا بحبو لطارق بحبو كتير مابعرف ازا هو كمان بيبادلني هالشعور بس وقت بيكون قريب مني بحس نار شاعله جوات قلبي
قــمـــر :… ..

#كف_القمر (－‸ლ)
#الجزء_11( ˘ ɜ˘) ♬♪♫
#بقلمي ☜ امل احمد (◕‿◕✿)
Telegram@rwayate
♬♫♪◖(● o ●)◗♪♫♬♬♫♪◖(●

على انغام فيروز كانت قمر عم تعمل القهوه الصباحيه وتغني معها بصوتها الحنون
♬♬♬♡♡♬♬♬♡♡♬♬
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي
حبيبي ندهلي قلي الشتي راح
رجعت اليمامة زهر التفاح
و أنا على بابي الندي و الصباح
و بعيونك ربيعي نور و حلي
و ندهلي حبيبي جيت بلا سؤال
من نومي سرقني من راحة البال
أنا على دربو و دربو عالجمال
يا شمس المحبة حكايتنا أغزلي
♬♫♪◖(● o ●)◗♪♫♬
Telegram@rwayate
وسيم: وانا لمين 😢 لك حبوني معكن والله بقعد عاقل 😭
قمر : ههههههه لك انت حبيب قلبي
وسيم : يسعدلي هالصباح اللي بريحة القهوه فواح
قمر : وصباحك ابو السوم شو فاقو اخواتي
ثائر : معقول شم ريحة قهوتك ومافيق
قمر : صباحك ورد اخي
قرب منها وباسها من خدها وهو عم يلعب بشعراتها… صباح الورد والياسمين والحبئ والزمبئ لك يامحلا صباحي لما يبلش بطلتك ي روحي
غمرة راسها بحضنه واطلعت فيه بكل حب وحنيه… لك ربي مايحرمني منك ولا من حنيتك
وديع : هالله هالله شو هالرومانسيه انت واختك من على الصبح
وسيم : تعا اخي اقعد حدي حجزلتك مقعد بالسطر الاول
وديع : ههههههه اي كتر خيرك
ثائر : لك غيرانين من اختكم الصغيره
وسيم : انا غار من ام خدود لك شوف شوف كيف خدودها شبه الطبق
وديع : انتبه بلا ماتلاقي الطبق الطائر بنص خلقتك هلأ
قمر : مممم مارح رد عليكم اساسا انتو بتغيرو مني ومافي قهوه هه 😛
وديع : لادخيلك الا القهوه خلص حرمنا
بيفوت طارق وهو حامل جريدة الصباح وعم يقرأ الاخبار
وسيم : طب احكي صباح الخير
طارق : تضرب انت وصباحك
وديع : هههه بلش القصف الصباحي
قمر : صباحووو كابتن طارق
بيطلع فيها طارق بطرف عينه وبينزل الجريده من ايدو
لك انوو تعي تعي لهون ياصبااااح الخيرات والليرات شو هالصباح الحلو هاد
قمر : ☺️
Telegram@rwayate
وسيم : لاااا هيك تخنتوها راعو شعوري شوي انا بعدني صغير
ثائر : انت اسمك قمر شي
وسيم : لا
ثائر : لكان انقبر ونقطنا بسكوتك 😂
وسيم : 😏
ماشاء الله عليكن الله يحميكن من عيني ولا يحرمني من هاللمه الحلوه لك صباح الفل عليكن
قمر : يسعد صباحك امي
ثائر : اهليييين ست الكل تعي حدي تعي بشوف وجهك منور اليوم يخزي العين
وديع : اكيد مو رح يطلع ابي
ام ينال : استحي ولا
الكل : هههههههه
وسيم : ايمت رح تسجلي بالجامعه قمر
قمر : كمان شوي جايه لعندي زينب ورح رتب معها
وسيم : زينب جاي لهون
قمر : اي اخي في شي
وسيم : ها لا لا شو بدو يكون في يعني يالله اودعناكم
ام ينال : شو ينال ايمت رح نروح لنخطبلك زينب
ينال : بس يطلع ابي بشوفو وبنقرر امي
اطلع وديع بطارق يلي كان قاعد ومشغول بالجريده يلي معه…
وديع بقلبه… معقول مو حاسس بحب زينب الك… وانا شلون رح فهم ينال انها البنت بتحب اخوه ياربي شو هالمشكله هي
┬──┬┬──┬
Telegram@rwayate
ام ينال : قمر بنتي شوفي مين عالباب
بتنشف ايديها بسرعه من الجلي وبتروح ركض عالباب… ياامي ماحلك تحفظي دقة زينب
زينب : السلام عليكم
قمر : وعليكم السلام
بتتجمع الدموع بعيون زينب وبتحضن رفيقتها وهي مو مصدقه انها طلعت من الحاله النفسيه يلي كانت فيها
قمر : حاج ولي رح تبكيني
زينب : لك ياااعمررري مو مسدقه عيوني الف حمدلله عالسلامه
قمر : الله يسلمك تعي فوتي لجوا يالله
بتفوت زينب وبتسلم على ام ينال
ام ينال ; اهلا وسهلا بنتي ماتواخزيني مطره روح عالمشفى لعند ابو ينال مابدي وصيكي بقمر
زينب : خدي راحتك خاله وقمر بعيوني
ام ينال : تسلميلي يارب
زينب : خاله بكرا حفلة خطوبة هبه رفيقتنا بالمدرسه ممكن اخد قمر معي
بتطلع قمر ب امها : شو امي ؟؟؟
ام ينال : انا شخصيا ماعندي مانع بس وقت يجي ابوها واخوتها بنسألهم
زينب : حاضر خاله
ام ينال : يالله سلام حبيباتي
زينب وقمر : الله معك
وبعدها بيبلشوا البنات حكي وكركره
قمر : ايمت رح نروح نسجل بالجامعه وليه
زينب : انا رح سجل بكلية الحقوق
Telegram@rwayate
قمر : حقوق !! مو ع اساس ندرس بيولوجيا ؟؟
زينب بتلعثم : فكرت فيها ولقيت الحقوق اقرب لقلبي
قمر بمكر : الحقوق ولا طارق ؟
زينب : شـ شـو خص طارق ؟؟
قمر : ولي دبه انا صحيح كنت ضعفانه ومو حاسه على شي بس كلامكم كنت اسمعه وافهمه
بتنزل زينب راسها بخجل وبتبلش تلعب ب اصابيعها : يعني الصراحه انا… ..
قمر : انتي عشقانه لشو الخجل
زينب : لك هسسس وطي صوتك
قمر : زينب في شي لازم تعرفيه من هلأ
زينب : خير شو في
قمر : اخي ينال حاطط براسه يتقدملك وحكا للكل والكل موافق
انصدمت زينب وحست بخيبة الامل لأن ينال بالنسبه الها مجرد اخ وبس
زينب : وطارق شو رأيو
قمر : موافق 😅
زينب : 😔
Telegram@rwayate
قمر : مو وقت دموعك هلأ ازا فعلا بتحبي طارق لازم ادافعي عن حبك
زينب : كيف ادافع عن حبي ويلي بحبو مو حاسس فيني
قمر : رح يحس بس انتي اعطي اشاره لقلبك يتحرك

#كف_القمر ✯( ˘ ɜ˘) ♬♪♫
#الجزء_الثاني ②♬♫♪◖(● o ●)◗♪♫♬
#بقلمي☜#امل_احمد♡(◕‿◕✿)
Telegram@rwayate

♕ ♢ ♕ ♢ ♕

نزلت قمـر لعند بيسان بسرعه وبلشت تعتزر منها لانها تأخرت
بيسان : ولايهمك حبيبتي واشرت للشوفير ليتحرك
اخيرا وصلوا للمحل… . دخلت قمر بالاول وشافها عماد
عماد : اهلا وسهلا قمر خانوم زارتنا البركه بطلتك
قـمر : تسلم اخي عماد اتصل فيك اخي ثائر
عماد : اي اتصل بس وينها رفيقتك مو شايفها معك
اشرتلو قمر ناح الباب وفاتت بيسان بكل ثقه وغرور توسعوا عيون عماد وبلع ريقوا
قمـر : ايه اخي عماد شو في موديلات جديده
عماد : ها .. كـ كلشي تحت امرك ياخانوم اطلبي واتمني
قمر : خليني شوف هدول الموديلات وانتي بيسان شوفي هدلاك ازا عجبك شي اندهيلي
بيسان بخبث : تمام حبيبتي💋
عمـاد بهمس : الله لا يوفقك هلأ هي هيه البنت يلي بدك تئزيها وبدك ياني ساعدك
بيسان : ايه ونفذ من تم ساكت
Telegram@rwayate
قرب منها عماد وكز ع اسنانو
اطلعي لبرا بلا ما اعملك فضيحه بنص المحل لك هي قمر خانوم اخت معلمي
بيسـان : عم تقلعني لك عماد
عمـاد : ايييييه بقلعك وقت تجني وبدك تتصرفي تصرفات مجنونه لازم قلعك وازا بتريدي لاتعودي تتصلي عليي ولا تجي لهون وهلأ رح لاقيلك حجه مناسبه لتطلعي من هون بدون بهدله
بيسـان : هاد آخر حكي عندك
عمـاد : تعي لهون قمر خانوم
بيـسان : والله لتندم يا عماد
عمـاد : وقت تعرفي مين اخوتها لقمر فكري اللعبي معها هيك اللعاب وسخه
قربت منهم قمر… ايه اخي عماد ندهتني
عماد : بصراحه يا قمر خانوم بكرا جاي لعنا موديلات جديده وتشكيله غير شكل لهيك اقترحت ع الانسه تشرفوا لهون بكرا المسا منه بنكون رتبنا البضاعه ومنه بيكون ثاااائر بيك هون ولا شو رأيك يا انسه
اتلعثمت بيسان وما عرفت شو ترد واكتفت انها تهز راسها وطلعت من المحل والدم بيغلي بعروقها وعم تتحلف لعماد يلي خرب عليها مخططها
قمر : ممممم ماشي اخي عماد يعطيك العافية بالازن منك
عماد : انسـه قمــــر
قمــر : ايه اخي
عماد : انتبـهي عحـالك
تبسمت قمر وبينت غمازاتها يلي بتسحر القلب وهي عم تحكي بود وامتنان .. ان شاء الله اخي ربي يخليك يالله بالازن
عمـاد : الرب يحميكي
Telegram@rwayate
وبس شافهم طلعوا بالسياره وتحركوا اخد نفس عميييق وقعد عالكرسي وبلش يمشط شعرو ب ايديه وهو متوتر وبالاخير قرر يتصل لثائر ويخبرو بكل شي لانه كان بيعد قمر متل اخته وبيحترمها كتير
هه والله نار تهديدك يابيسان ولا جنة زعل واحد من اولاد جواد بيك على اختهم لك والله بيمحوني من على وجه الأرض لك مو لاقيه غير قمر تورطيها بوساختك وبعدين قمر من وين بتعرف هيك اشكال وسخه انا لازم اتصرف فورا واللي بدو يصير يصير مية عين تبكي ولا عيون قمر تدمع
ومسك موبايلو واتصل ب ثائر
ثائـر بصوت تعبان : اي عماد وصلو الصبايا لعندك
عـماد : ايه معلم وبصراحه وزعتهم
ثائـر : نعم !!!! شو يعني وزعتهم وليش !!
عماد : رح قلك كلشي بس بدي توعدني ماتحكي شي لقمر خانوم لانه الضاهر مابتعرف هالبنت على حقيقتها
انعدل ثائر بقعدته وبين على وجهو علامات الاهتمام
ينال : خير اخي
رفعلو ايدو انه استنى شوي
بلشوا الاخوه يطلعوا ببعض وجواد وسعاد خافوا يكون صاير مع قمر شي
طارق : اخيييي شوووو في
سكت فتره وهو عم يسمع لكلام عماد وعيونو احمرو متل الجمر
ثائـر : تمام عماد يسلموو كتير مابعرف كيف اتشكرك انت نعم الاخ… .. ايه اكيد رح شوفك بالمحل… .. ان شاء الله … .. سلام الله معك… ..وسكر الخط ))))
ابو ينال : شووو في ابني ليش انخطف لونك
ام ينال : اختك صايرلا شي
وديع : احكي اخي والله نشفت الدم بعروقنا
ثائـر : امي مين بتكون بيسان
ام ينال : مين بيسان مابعرفها
وسيم : فهمناااا شو القصه اخي
Telegram@rwayate
ثائر : رح فهمكم… .…………………… ..✺✺✺
وشرحلهم ثائر كل الموضوع … .
ـــــ
ام ينال : يوووه لكن ليش حكت انها رايحه مع زينب وقت سألتها
ثائـر : هاد يلي رح يجنني لك قمـر بعمرها ماكزبت علينا شو صار هلأ لتكزب ومين هي بيسان…
وسيم : هلأ بس تجي منفهم منها
وديع : اي ورح تحكي غصبا عنها هاد اخر دلعنا فيها
ابو ينال : خراس انت وياه نسيتو انه بعدني عايش
وسيم : بس يابي
ابو ينال : خلللص
وديع : طيب يابي متل مابدك بس وقت ترجع من حقنا نعرف ليش هيك اتصرفت هي عرضنا واختنا الوحيده
طارق : هاد ازا اختكن رجعت
انصدم الكل بكلمة طارق وقربت امه لعندو وهي عم ترجف شـ شـ شو قصدك ازا رجعت
طارق وهو عم يطلع بساعته : ووجه نظرو لثائر بدك من هون للمحل شي تلت ساعه صح
ثائر بضيق : ايه !!!!!
طارق : رح انطر كمان ربع ساعه وازا ما وصلت بتصرف
ابو ينال : ابني شو بدك تنطر اختك صاير معها شي يعني كف القمر انخطفت احكي ياطارق فهمني
طارق : بابا لسه مافي اي دليل ولو عشر بالميه بيثبت انها مخطوفه
ابو ينال : بس يا ابني
طارق : اطمن بابا انا رايح هلأ ع القسم ومو راجع الا وقمر معي
ثائر : رح اجي معك
طارق : شو انا رايح سيران اخي خليك هون وطمني اول ب اول صحيح موبايل قمر وينو

#كف_القمر ✯
#الجزء_الثالث③
Telegram@rwayate
#بقلمي☜#امل_احمد♡
♢♡ ♡♢ ♡♢ ♡♢
طلعت حدو بالسياره وهي خايفه وعم تفكر بمية شغله بشعه
(( اكيد هلأ رح يعصبلي عيوني لحتى ماشوف الطريق ويمكن يحط المسدس براسي ويقلي ازا بطالعي صوت رح قوصك… ياربي شو هالعلقه هي وينك يابابا وينكم يا اخواني……… 😥))
قمر : مارح ناخد بيسان معنا
قيس : بيسان مو هون اصلا قلتلك بس نرجع رح فهمك كل شي
قمر : بدك تعصبلي عيوني وتربطني
اتطلع فيها قيس وحنية الكون جوات عيونو ركز جوات عيونها يلي عم يسبح فيهم سيل من الدموع وقبل مايغسلو وجهها مد ايدو ومسح ع خدها وشغل السياره ومشي
بعد مشي ساعه بالسياره كان الصمت سيد الموقف حاولت قمر تخترع اي نقاش لتكسر حاجز الصمت بس ماكانت قادره لان الخوف بهالوقت تملكها وخافت تغلط اي غلطه تخلي قيس يطلع عن هدوئو
اخيرا وصلو لاطراف المدينه وعند اول مطعم نزل قيس وفتح لقمر الباب واشرلها تتزل
قمر : رح ناكول هون ؟
قيس : شكلك حبيتي القعده بالمستودع
قمر : ها لل لالا
قيس لكن يالله انزلي قبل ماغير رأيي
نزلت قمر من السياره وهي تطلع حواليها كان مطعم جبلي على تله عاليه بيطل ع منظر بياخد العقل والطاولات مرتبين ومزينين بالورود ونسمات الهوا البارده بتنعش القلب
قربوا من الطاوله يلي بتكشف منظر طبيعي ونبعه صغيره وسحبلها الكرسي لتقعد
قمر : شـ شكرا الك
Telegram@rwayate
قيس : العفو وفتل حالو وقعد قبالها يتأمل ملامحها بدقه عيونها يلي لون السما عاكس عليهم وخدودها يلي نسمات الهوا لفحتهم ليسيرو بحمرة التفاح وشفايفها يلي منحوتين بدقه… كل شي كان فيها من جمال وانوثه رباني وطبيعي
قمر : بشو سرحان
قيس : سلامتك واشر للنادل ليجي عندو
النادل : اؤمرني قيس بيك
قيس : شوف الانسه شو بتحب تاكل
قمر بخجل : عادي اي شي
قيس : شلون اي شي انتي هلأ ضيفتي روح يا ابني وجيبلنا من كل شي عندكن جوا
النادل : امرك يابيك
قمر : كأنو النادل بيعرفك
قيس : هههه ايه هيك شي
قمر : انت كتير غريب
قيس : ليش غريب
قمر : يعني خاطفني وحابسني بمستودع بعيد كتير وبنفس الوقت كتير طبيعي وهادي مو خايف اهرب ولا حتى عم تجبرني احكي شي… . صحيح انت ليش خطفتني ازا ماكنت سفاح انت شو
رجع قيس بكل رزانه عالكرسي وولع سيجاره وبلش ينفخ فيها
قيس : بعدك مصره اني سفاح
قمر : بصراحه لا بس يمكن عندك سبب تاني وياريت اعرفه
┬──┬┬──┬┬──┬┬──┬

فاتو للبيت وعيونهم بالارض رغم انهم عرفوا بيت بيسان وراحو عليه ب اذن نيابه وفتشوه بس كف القمر بعدها مختفيه
Telegram@rwayate
كان وديع ووسيم وينال قاعدين بالصاله وبعيونهم الف سؤال بس الضاهر اخدو الجواب
ثائر. وين امي وابي
وديع : عطيتهم ابرة مهدئ وسطحتهم بغرفتهم ..
وسيم : وجوهكم مابتبشر بالخير شوصار معكم
رمى طارق حاله ع اقرب كنبه وطلع سيجاره وبلش ينفخ فيها وثائر بعدو واقف مكانه حاطط ايديه بجيابه وبيطلع ب اخوه يلي محطم متلو تمام
ينال : يعني رح نبقى واقفين نتصفن ببعض لك نحنا خمس شباب طول وعرض شقفة بنت تلاعبنا ع اصابيعها
ثائر : هالبنت مريضه نفسي
وديع : شو يعني
ثائر : طارق عمل عنها تحريات واكتشفنا انها كانت تتعالج عند طبيب نفسي
طارق : قصدك ابوك ليش خجلان تحكيها
ينال : لحظه لحظه يعني ابي بيعرفها
طارق : عز المعرفه
وسيم : لك فوتوني بالحيط
Telegram@rwayate
ثائر : بس يصحى ابي رح نفهم كلنا لانو الضاهر كلنا فايتين بالحيط
بيرن الجرس وبيروح وديع ليفتح الباب
زينب : السلام عليكم طمني اخي في اخبار عن قمر
وديع : وعليكم السلام اختي تفضلي و بالنسبه لقمر لحد هي اللحظه مافي عنها اي خبر
فاتت زينب وبس شافت الشباب كلهم مجتمعين وام ينال مو موجوده خجلت و نزلت عيونها بالارض وبقيت واقفه مكانها
زينب : انا جيت لاني تزكرت شغله ممكن تهمكم مابعرف
انعدل طارق وقال ب اهتمام : شو هيه
ينال : تفضلي ارتاحي اختي
زينب : لا معلش رح قلكم يلي عندي وروح
امبيرحه ونحنا رايحين عالمدرسه اتعرضتلنا بيسان
طارق : ايه
زينب : ايه و بلشت تطلب من قمر يحكوا على انفراد بس قمر رفضت وبعد رفض قمر حكت بيسان جمله غريبه
وسيم : شو حكت
زينب : حكت انه انتي يلي رح تجي لتطلبي تحكي معي وانه الموضوع شخصي
وديع : شو يعني شو نفهم من هالحكي !
زينب : اسفه يمكن الموضوع مو مهم بس قلت يمكن اي معلومه تفيدكم
طارق : اكيد هي المعلومات بتهمنا لان المعنى واضح
وديع : شلون اخي فهمني
طارق : بيسان كانت بدها تخبر قمر بموضوع معين ووقت مالاقت قبول وتجاوب من قمر اضطرت تنتقل لخطه تانيه
ينال : يعني هدفها توصل شي معين لقمر ومابيهمها الطريقه
طارق : بالضبط
Telegram@rwayate
وديع : العما على هالقصه شو بدو يكون براسها هالشيطانه وليش قمر ليش مو واحد مننا نحنا الشباب
زينب : لان بيسان بتغار من قمر
ينال : مدام ما بينهم اي احتكاك من اي نوع لشو تغار منها
وسيم : مزبوط حكي ينال بعدين اختي متواضعه جدا وماعندها شوفة حال
زينب : لان قمر بتملك شي بيسان مابتملكه

#كف_القمر ♬♡♬ #الجزء_السادس⑥
#بقلمي☜ #امل_احمد♡♬♡
┬──┬┬──┬┬──┬
Telegram@rwayate
زينب : ياربي شو متوتره اليوم النتائج وحاسه حالي رح ارسب
قمر : تفائلو بالخير تجدوه نحنا تعبنا وسهرنا ودرسنا واجتهدنا وان شاء الله ربنا مابيضيعلنا تعب
زينب : امين يارب بس هاد الاستاز ماني مرتاحه شوفي كيف كل مابيفوت لعنا بيجحرني بعيونه
قمر : شكله معجب 😌
زينب : تضربي انتي وهالاستفقاده اي قومي لنشوف ازا نزلت النتائج
قمر : يالله
زينب : لك شوفي مين اجا مو هاد اخوكي ينال
قمر : وينو ؟؟ اي والله هاد اخي واشرتلو ب ايدها انا هوووون اخي
قرب ينال لعندهم : صباح الخير
زينب وقمر صباح النور
ينال : طلعوا النتائج
زينب بقلق : لسه 😥
اطلع يامن لزينب بنظره تفحصيه سريعه من فوووق لتحت… اي ان شاء الله ربي مابيضيعلكم تعب
قمر : شو جابك اخي
ينال : شو جابني لك اطلعي هونيك بتعرفي شو جابني
اطلعت قمر ب اتجاه ماعم يئشرلا ينال شافت امها وابوها واخوانها كلهم موجودين وعم يستنوا النتائج
ركضت قمر لعندهم وحضنت امها .. ليش جيتو ماما هلأ بتطلع النتائج وكنت رح اجي للبيت دغري
ام ينال : لك والله ماعندي صبر اقعد انطر بنتي
ابو ينال : شو مطولين النتائج
وديع : ليكن عم يعلنو تعول بسرعه نروح
راح الكل مع قمر يلي شافت الكشف وطلعت وعيونها بالارض
طارق : شو صار معك اختي
قمر : 😔
ثائر : احكي قمر ليش ساكته
قمر : 😔
وديع : لتكوني رسبتي
قمر : 😔
Telegram@rwayate
وسيم : انطقي ام خدود حاج تلعبي ب اعصابنا
قمر : 😔
ينال بصوت حنون : شو صار معك ياقمري
قمر : 😔
ابو ينال وام ينال ماطلع معهم الحكي وفهموا انها قمر رسبت
ابو ينال : معلش بنتي بتعوضيها السنه الجايه
ادايق الكل وحبسوا الغصه جواتهم بس قمر بلشت تضحك وتنط اناااا نجحت نجحت نجحت
ام ينال : لك الف مبروووووووك بنتي لولولوللللييييي 🎉🎊🎉🎊🎉🎊🎉🎊🎉🎊🎉🎊🎉🎊🎉🎊
بلشوا اخوانها يحضنوها ويهنوها وشي يغني الناجح يرفع ايدو وشي يصفر وشي يلعبلا بخدودها وشي يرش الورد عليها وقمر الدنيا مو واسعيتها من الفرحه
┬──┬┬──┬┬──┬
🔥🔥🔥🔥🔥🔥
بركن بعيد عم تطلع عليهم ونار الغيره عم تاكلها اكل .. عم تلعن حظها يلي خلاها بعيون الناس بنت حرام ولازم تكون بعيده عن الناس وماتفرح متل باقي البنات
حط ايدو على كتفها ليطالعها من شرودها
ثائر : شو صار معك بيسو
بيسان : نجحت 😔
ثائر : ايه الف مبروووووووك وليش الحلو زعلان
بيسان : انت رحت بالاول لعند قمر و
قاطعها فورا : بيسو .. قمر اختي مو عدوتك قمر طيبه وبتحبك رغم كلشي صار
بيسان : انا مابدي حدا يحبني
ثائر : بس انا بحبك
فتلت حالها لتروح بس للحظه استوعبت الكلمه يلي حكاها ثائر رجعت خطوه لورى والدهشه بعيونها
بيسان : شو حكيت
ثائر : ايه بحبك يامجنونه
Telegram@rwayate
بيسان : بتحبني ولا بتعطف علي
اطلع ثائر ببيسان وسكر نص عيونو… . اممممم لشو اعطف عليكي مو شايفك لا خرسه ولا طرشه لا حوله ولا كتعه ومانك مشلوله… .. لك ليكون فيكي عاهه وماني منتبه
بيسان : بلا غلازتك ثائر
ثائر : بحب عيونك يلي سحروني بحب هي الابتسامه وهي النظره بحب صوتك بحب طولك بعشق كل شي فيكي بيسان
بيسان : بس بتحب قمر اكتر مني
كان ثائر ذكي جدا وحريص على كلمه بيحكيها مابدو يخسر بيسان وبالوقت نفسه قمر اخته يلي اغلى من ضي عينه
ثائر : ليكي بيسو شو رأيك اعزمك اليوم عالعشا وهونيك منحكي اكتر واكتر
بيسان : طيب
وصل قيس وكان بيتلفت شمال ويمين عم يدور بعيونو على بيسان و دليلته بالعشق… عيونو اول ماشافت شافت قمر واجريه لوحدها ساقته لعندها
قيس : الضاهر اني تأخرت
التفتت قمر وشافت قيس قبالها بلش وجهها يحمر ودقات قلبها تتسارع وانفاسها تتخربط… قـ قيس ❤️
قيس : الف مبروك قمر ومد ايدو وسلم عليها
✿♡احتضن كفها وغاصت عيناه بمقلتيها كانت كالطفله الشقيه تتراقص على اوتار قلبه هو لايعلم انها تحبه وهي لاتعلم انه تعدى مرحلة العشق وتاهت ابتهالاته في محراب عيناها ✿♡
Telegram@rwayate
بيسان : انت هون خالو
انتفض قيس وعرف انه هاد الهدوء يلي بيسبق العاصفه
قيس : حبيبة خالو كنت عم دور عليكي طمنيني شو صار معك
بيسان : اعتقد عرفت يلي بيهمك بالازن منك
راحت بيسان وهي عم تفكر بطريقه تخلص فيها من قمر… كانت مقتنعه انه حياتها رح تصير جنه بس تتخلص منها وحتكون وحدها محور اهتمام الكل
قمر : هيه ليش بتكرهني لهدرجه انا شو عملتلها
قيس : انا بعتزر نيابه عنها وصدقيني بيسان طيبه بس بدها شوية وقت لتقدر تنسى الماضي
قمر : انا ابدا مو زعلانه منها بالعكس زعلانه عليها ياريت تهتم فيها اكتر قيس
قيس : تكرمي ♡
┬──┬┬──┬┬──┬┬──┬

#كف_القمر( ˘ ɜ˘) ♬♪♫
#الجزء_الرابع_عشر✿♡♬✿♡♬
#بقلمي امل احمد (◕‿◕✿)
Telegram@rwayate
♬♫♪◖(● o ●)◗♪♫♬

ـــ وبعد اسبوع ـــ

قمر : قيس حبيبي ممكن تاخدني لعند زينب اليوم رح يخرجوها من المشفى وبدي كون معها
قيس بتعب : حاضر حبيبتي جهزي حالك وانا ناطرك
بتقرب منه وبتنزل ليسير وجهها قبال وجهو وبتحط ايدها ع خده بحب
قمر : حبيبي شبك صرلك مده مو على بعضك
قيس : ااااه يا قمر حاسس حالي كبرت عشر سنين
قمر : سلامتك من الاه حبيبي اكيد مدايق بسبب هروب بيسان ماهيك
قيس : لك بيسان تحولت لوحش ماحدا قادر يسيطر عليها وجودها ب اي مكان بيشكل خطر
قمر : حتى اخي طارق من يوم ماهربت وهوي عم يدور عليها متل المجنون واخواتي زاد خوفهم عليي وعم يراقبوني بالفوته والطلعه واساسا مستحيل يسمحولي اطلع وحدي
حط ايديه التنتين على خدودها ورجع شعرها لورى ليشوف هالوجه الملائكي يلي بيعشقه
قيس : محلاكي وتطلعي وحدك لك والله بجن لو يسير فيكي شي
قمر : بتخاف عليي قيس
بيقربها منه وبيطبع بوسه ع جبينها
قيس : ازا عليكي ماخفت على مين بدي خاف
قمر : انا كتير بحبك قيس
قيس : وانا بعشقك ياروح قيس
وسيم : احم احم يالله يا ساتر
قيس وقمر : ههههههههههه
وسيم : الله يحميكم من عيني لك اااخ ايمت اخطب وخطيبتي ادلعني هيك
بيلف ايدو حالوالين خصرها وبيقربها منه
قيس : بس تلاقي وحده متل قمر اول بعدين احكي
وسيم : شو يعني انخلقت وانكسر القالب بعدا
قيس : اي نعم حبيبتي مافيي الها شبيه وحتى الاربعين منها مجتمعين فيها
وسيم : عمهلك ع عقلك صهري لتكون ام خدود عامليتلك شي عمل
بتمسك المخده وبتضربه فيها : لابقى تقلي ام خدود
وسيم : هههههههه اي ماشي
قيس : يالله حبيبتي جهزي حالك لنروح
وسيم : لوين
قمر : لعند زينب عالمشفى اليوم رح يخرجوها وانا طلبت ازن من بابا ليوصلني قيس
وسيم : اي تمام ومابدك وصايه صهري بترجعها عالبيت بنفسك وازا عندك شغل خبرني انابجي اخدها او بتخلي وديع يجيبها
قيس : لا تشغل بالك وسيم مفضي حالي اليوم بس ل اميرتي
قمر : 🥰
┬──┬┬──┬┬──┬┬──┬

تحت البنايه ناطره وعم تراقب
بيسان : افففففف وبعدين مع هالشغله مو ناويه تطلعي من البيت ياحقيره
وفجأه بتلمح قيس وقمر نازلين سوا وايديهم مشبوكين ببعض بيتوسعوا عيونها وبيرجف قلبها… . خـ خـ خالو 😲
Telegram@rwayate
┬──┬┬──┬┬──┬

بيطلعوا بالسياره وبتطلع وراهم بسرعه وهي متخفيه ولافه وجهها بشال
قمر : كتير انبسطت انه زينب فازت بحبها بالاخر
قيس : احلا شي بالدنيا الحب لك انا مستعد حارب هالعالم بس كرمال عيونك
قمر بتضحك : افرض هجم عليي اسد
قيس : لك بقتلو وبدعس عليه وبعملك من كشته باروكه شقرا ومن جلدو مداس لاجريكي
قمر : لك يسلملي قيسووو 😍😍
┬──┬┬──┬┬──┬┬──┬
Telegram@rwayate
وبقسم الشرطه كان قاعد بيحك بدقنه وبيفكر ببيسان
طارق : بيسان مستحيل تكون قدرت تهرب وحدها اكيد في حدا ساعدها اكيد في بيناتنا خاين بس مين
حط راسه بين ايديه وهو بينفخ بضيق
لك وين بدك تروحي مني يابنت جمانه انا وراكي والزمن طويل

┬──┬┬──┬┬──┬┬──┬

ثائر : وسيم وينها قمر
وسيم : طلعت عالمشفى مع قيس
ثائر : ايوا ووصيتو يبقى معها و يرجعها بنفسه عالبيت
وسيم : اكيد اخي مع انه مافي داعي وصي قيس بقمر هوي كتير بيحبا وبيخاف عليها وبعدين وديع بالمشفى بحال ازا قيس مارجعها بترجع معه
ثائر : اي منيح … و ان شاء الله بتنمسك بيسان ونرتاح من هالكابوس وبنفرح فيهم
وسيم : يارب
Telegram@rwayate
┬──┬┬──┬┬──┬┬──┬

قمر : ياربي شوووو شووووب اليوم
قيس : فعلا الجو نار حتى الكندشن عطلان لسوء الحظ
قمر : بحب الهوا الطبيعي بحسو بيغسل القلب
قيس : دخيل قلبك انتي… .. بتحبي تشربي شي بارد
قمر : اي والله بلكي حس بشوية انتعاش وبدي ايس كريم
قيس بحب : لك تكرم عيونك انا كم قمر عندي
قمر : تسلملي حبيبي
✺✺✺
زينب : يخرب بيتك ياقمر ورحمة امي لندمك
وبتلمح سيارة قيس بتهدي وبيروح يوقف بموقف سيارات وبينزل… بتوقف بعيد عنهم بمسافه كافيه لتقدر تراقبهم
قيس : حبيبتي خليكي بالسياره بجيب عصير وايس كريم وبجي فورا
هزت قمر راسها ومسكت كتيب صغير وبلشت تقرأ فيه
بيسان : 9/8/7/6/5/4/3/2/1/0 بتعد دقيقه لبعد روحة قيس عالسوبرماركت و بدق ساعة الصفر وبتبتسم بمكر لتبلش خطتها بتتلثم وبتمسك مسدسها وبتخبيه بين تيابها وبتاخد ب ايدها بخاخ مخدر وبتنزل من السياره
قمر : يييي طول قيسو والله الجو كتير شوب وماعدت اتحمل
بتنزل من السياره لتشوف وين قيس لتلاقي بوجهها حدا ملثم مسلط مسدسه عليها
قمر بخوف : مـ مـ مين انت
الملثم : انا موتك المحتوم
بتفزع وبتحاول تهرب بس بتكون واقعه مغمى عليها بسبب المخدر يلي نرش بوجهها
┬──┬┬──┬┬──┬

عماد : نزلني هون طارق
طارق : لشو
عماد : انك تقرب بالسياره خطر كبير خليكو هون وانا بأمنلكم طريق لتفوتو
ثائر : مجنون انت افرض شافك قيس وقوصك
عماد : الروح بترخصلكم معلم
طارق : لا مو موافق وازا حدا بدو ينزل ويخاطر بيكون انا
عماد : بس يا طارق
طارق : انت عرضت حالك للموت كرمالنا قبل هالمره ولولا ستر الله كنت رحت فيها
عماد : يعني عاديني غريب عنكم
ثائر : لو عادينك غريب ماجبناك معنا لهون
طارق : متل ماحكا ثائر وهلأ احمولي ضهري انا نازل لفوت جوات البيت ازا ماطلعت خلال عشر دقايق بتلحقوني وقبل ماتلحقوني بتطلبو دعم
ثائر : قول الله اخي
┬──┬┬──┬
كرماااااال الله لاتقتلووووو ياقيس كرمااااال الله اااااه يابابااااااا
بيسان : شووو ناطر خالوو اقتلوووو لهاد الشيطان اقتلووووو
قيس :……
بيسان : لازم تاخد بتار امي منه اقتلووو ياخالوووو هي فرصتك
بترجف ايد قيس بلحظة ضعف وبينزل مسدسه وبتحس قمر براحه بس فجأه بتركض بيسان ناح قيس وبتسحب منه المسدس وبتسلطه على جواد
بيسان : موتك حيكووون على ايدي ياجواد الكلب تشاهد على روحك وقبل ماتضغط عالزناد بتكون اكله ضربه عراسها من قمر بقطعة خشب
بتوقع بيسان ب ارضها وبيهجم قيس على قمر وبيبلش يخنق فيها وهي تفرك ب اجريها وتحاول تبعده عنها بس بيكون اقوى منها وبيستحكمها
قيس : سامحيني قمر 😭
قبل ماتلفظ قمر انفاسها الاخيره على ايدين قيس بيهجم جواد عليه وبيركله بقوه ببطنه وبيبعد قمر عنه وهو حاطط ايدو عقلبه وعم يلهت بتعب
جواد : قمر بنتي اهرررررربي
بيرجع قيس يهجم على جواد وبيسلط ضرباته ناح قلبه الضعيف
قيس : بعرف مواقع ضعفك خد هي مني يا ندل
بتصحى قمر وهي عم تسعل وبتستجمع قوتها لتشوف قيس عم يضرب ابوها بدون رحمه بتشهق بخوف وهي عم ادور على شي تضرب قيس فيه وبيوقع نظرها عالمسدس يلي بحد بيسان…
بلمح البصر بتقوم بتاخد المسدس وبتحاول تضغط عالزناد بس بتخاف تجي الرصاصه ب ابوها…
قمر : ماااافيييي قوص ماااافيييي
بتستجمع قوتها وبتضرب قيس بكل عزمها عراسه بكعب المسدس ليوقع مغمى عليه
┬──┬┬──┬┬──┬

طارق : ثائر عم تسمعني
ثائر : سامعك اخي
طارق : في حركه غريبه جوات البيت خليكوا مكانكم ولا حدا يتحرك رح قرب اكتر وشوف شو في
ثائر : تمام
عماد : لك ثاااااائر اطلع هناك ليكاااا قمرررر
ثائر : اختييييييي
بينزل ثائر وعماد لعند قمر يلي بتكون عم تبكي وهي سانده ابوها وبتقاوم تعبها لتبعد عن هالبيت يلي كله ارواح شريره
بيلمحها طارق وبيروح لعندها ركض وبيحمل ابوه وبيحضنها
طارق : قمرررررر اختيييييي
ينال : لك وسيم وديع .. ليكاااا قمرررر ليكاااااا
قلوب ملهوفه دموع حائره اشواق وخوف ولهفه كلها اجتمعت بمشهد واحد
الاخوه الخمسه بيحضنو اختهم الوحيده يلي قدرت بقوتها وشجاعتها تتخلص من وكر الشياطين وتنقذ ابوها
طارق : يارووووووحي ياقلبيييي ياخيتيييييي ااااااخ شو خفت عليكي
ثائر : كسرتي ضهري بغيابك يغاليه لك ياااااربي ماعم صدق اني شايفك قدامي
ينال : اختييييي سامحينا نحنااا قصرناااا فيكي ياضي عيني
وديع : بعد ماشفتك بخير ماعاد بدي شي من هالدنيا ياخيتي ياقلبي انتي ياضي عيوني
وسيم : قمرررررر قمررررر اختييييييي كنت رح موت لو صرلك شييييي
بتطلع فيهم قمر يلي،خارت قواها واستماتت بمعركه داميه لتخلص اهلها من هالكابوس يلي بيطاردهم وبتمد كفها لاخوانها يلي بيمسكوا ايدها كلهم والايد التانيه بتحطها ع قلب ابوها
قمر بتعب : هـ هلأ عرفت يابابا ليش سميتني #كف_القمر
وبتوقع مغمى عليها
┬──┬┬──┬
Telegram@rwayate
بتفتح عيونها بتعب لتشوف اخوانها الخمسه وابوها وامها وعماد وزينب فوق راسها
قمـر بصوت منهك : بـ بابا
ابو ينال : ياروح بابا انا هون بنتي
قمـر : انا تعبانه كتير
ابو ينال : ريت التعب لقلبي يابنتي
قمر : بعيد الشر عن قلبك يابي
ام ينال (بتبكي) : حمدلله عسلامتك بنتي
قمر : الله يسلمك امي
زينب : خوفتينا عليكي صرلك 3ايام فاقده وعيك
قمر : شو صار بالشياطين
وسيم : الله جازاهم اختي البيت يلي كانو فيه انفجر فيهم وانحرقوا جواتو
بتطلع قمر بوسيم بتعب وبترجع بزاكرتها لهداك اليوم المشؤوم وبتبلش تتخيل احداث صارت معها
┬──┬┬──┬┬──┬
-كرماااال الله ياقيس لاتقتلووووو
-موتك على ايدي ياجوااااد الكلب
-سامحيني قمر
-خوووود تار امي من هالندل اقتلووو
-لااااااا ابوس اجرك لا تقتلوووو
-لك مااافييييي قووووص مافييييي اااااااه
-اقتلوووو خالووووو هي فرصتك
┬──┬┬──┬
ركزت عيونها بالسقف وتعبت عيونها دموع وهي عم تحكي .. انا قاتله
طارق : قمر انتي منيحه
قمر : انا قاتله
طارق : شو صرلك اختي
ثائر : اهدي حبيتي هاد بسبب الصدمه يلي تعرضتيلها
قمر : انا قاتله
ينال : قتلتي مين ؟؟
قمر : الشياطين
وسيم بيطلع ب ابوه ب استغراب .. مزبوط ابي ؟
ابو ينال : قمر بنتي شو عم تحكي انتي ماقتلتي حدا ياروحي
قمر : قتلت الشياطين
طارق : كيف قتلتي الشياطين
غمضت عيونها وبلشت تتزكر
┬──┬┬──┬
بابا بابا اصحى كرمال الله رد عليي
بيفتح عيونو بتعب

#كف_القمر #الجزء_السابع (◕‿◕✿)
#بقلمي ☜#امل_احمد♬♡♬
Telegram@rwayate
♬♫♪◖(● o ●)◗♪♫♬

ينال : صباح الخير قمر شفتيلي موبايلي ⊙﹏⊙
قمر : صباح الورد اخي ليكو تحت مخدتك يارب ماتنحرم من هالعاده
ينال : هههههه لو كان بحياتي حدا كنت اهتميت للموبايل بس للاسف حياتي فاضيه
ام ينال : وليش فاضيه ابني اتعلم من اخوك ثائر وشوفلك بنت حلال يلي تسر قلبك وخاطرك
ينال وهو بيحك شعرو : اممم شكلك فتحتي موضوع كنت رح افتحه معك ست الكل
ام ينال : خير ابني
وسيم : الهيئه اخي الكبير قرر يتأهل
وديع : شو اخي نويت
ينال : ههههه تقريبا
نزل ابو ينال الجريده من ايدو واطلع بينال يلي كان واقف وخجلان… ومين سعيدة الحظ ابني
ثائر : اكيد ليلى السيكرتيره
وسيم : العمااااا ازا هالحكي مزبوط
وديع : لك هي حوله شو بدك بهالعلقه
ينال : هيك يعني استلمتوني ع ضحك ومسخره انا الحق عليي يلي حكيت
ام ينال : حاجتكم انت وياه اتركوا اخوكم بحاله… .. اي ابني في وحده معينه ببالك
ينال : ايه امي
ام ينال : مين هيه
Telegram@rwayate
ينال : والله يا امي انا حابب ارتبط بزينب
ام ينال : رفيقة قمر
ينال : هيه بزاتها
وسيم بقلبه : زينب 💔
ابو ينال : والله يازين ماخترت ابني
قمر بفرررح : يااااااي هاد احلا خبر بسمعه يعني زينب رح تصير مرت اخي شووووووو حلووووووووو هالخبر الف مبروووووووك اخي
ينال : هههههههه على شو مبروك مو بس توافق العروس اول
قمر : محلاها وماتوافق
ثائر : مو كأن البنت صغيره عليك
ام ينال : يوه شو صغيره اساسا كنت بدي اخدلو بنت 14
لمين بنت ال 14 بالله
التفت الكل لطارق يلي يادوبه فايق من النوم ومو فهمان شي
قمر : اخي ينال بدو يخطب
طارق : اوف اوف بشوف فرطت مسبحتكم انت وياه ومين تعيسة الحظ
ينال : تضرب انت وحكيك
وديع : زينب رفيقة قمر اخي
طارق : زينب زينب 🤔 لك والله هالبنت مافي منها ان شاء الله تكون من نصيبك اخي
ينال : تسلم اخي
قمر : شو رأيكم ساويلكم قهوه قبل ماتطلعوا ع شغلكم
طارق : المنيحه مابدها سؤال اختي
بيسمعوا صوت الباب انفتح وانطرق بقوه
ام ينال : بسم الله شو في
وديع : شكله وسيم طلع من البيت
ثائر : شبو معصب
وديع : علمي علمك
┬──┬┬──┬
Telegram@rwayate
عم يمشي بالشارع والدنيا مسوده بعيونه كل اماله واحلامه تبخرت بلحظه
زينب زينب مالقيت الا زينب ياينال خلص ماعاد في بنات بالدنيا
لك كنت عم عد الايام والشهور لحتى اتخرج واشتغل وروح اخطبها ليش كسرتلي قلبي ليش 💔
┬──┬┬──┬┬──┬

مرق اسبوع وصار موعد كتب كتاب ثائر وبيسان وقمر وقيس
ام ينال : يالله بنتي جاهزه لنروح عالصالون
قمر : ايه امي جاهزه
طارق : تعي لعندي قمر
قمر : نعم اخي
حضن طارق قمر ونزلت دمعه من عينه
مو مصدق انك كبرتي وصرتي عروس… لك ايمت كبرتي قمر
قمر بتبكي : قد ماكبرت رح ابقى الطفله يلي بتتحامى بضهر اخوانها
طارق وهو بيمسح دمعتها : لك انتي طفلتي المدلله والله ازا بسمع انه بيوم زعلك رح احسب الله ماخلقه
ابو ينال : لك بعدها ماكتبت كتابها وعم تقوي عينها تروك اختك ولا
طارق : ههههههه عم حيطها علم بس
Telegram@rwayate
ابو ينال : تعي قربي لعندي كف القمر
قربت قمر من ابوها وحطت راسها ع صدرو وبلشت تبكي
ابو ينال : ليش عم تبكي بنتي لسه اليوم خطوبه مو عرس
قمر : انا بحبك كتير بابا
ابو ينال : وانا بحبك ياروح ابوكي ..شوفي بنتي اليوم اسمك رح ينربط مع اسم زوجك كوني اله الزوجه الصالحه والام بحنيتها والاخت بخوفها والصديقه بنصحها واتزكري بنتي طول ما بتحترمي زوجك وبتقومي بواجباتك الله رح يرضى عنك وزوجك ونحنا رح نفتخر فيكي
قمر : ان شاء الله بابا… ونزلت باست ايدو وحضنته بقوه
ام ينال : لك اليوم خطوبه مو عرس شبكم رح تخلوني ابكي هه وانا ازا بلشت ابكي مابسكت 😭😭
وديع : كله ولا ست الحبايب تبكي قومي ام خدود روحي مع امك عالصالون وحاجتك غلبه
ام ينال : وينو ثائر
وديع : راح يوصل خطيبته للصالون وبعدا رح يروح يجهز امورو لكان ياعمي عريس اوعدنا يارب
ام ينال : ان شاء الله بفرح فيكن كلكن يا امي
طارق : فيهن هنه انا انسوني
ابو ينال : ماحزرت بس نخلص من خطوبة اخواتك رح نشوفلك بنت حلال حاجتك عناد
طارق : بس اطمن عكل اخواتي بفكر اتزوج
ام ينال : لاتتعب حالك معه جواد ابنك راسه يابس
طارق : هلأ هيك يابنع الحنان
ام ينال : اي هيك وهلأ شرف وصلنا للصالون
طارق : وليش مايشرف قيس باشا شو من اولها
قمر : لا مافي داعي انا بدي انت توصلني اخي ☺️
طارق : لك مو على راسي شرفي قدامي ياست العرايس
┬──┬┬──┬┬──┬
Telegram@rwayate
قاعده بكل غرور وماده ايدها لفنية الاظافر يلي كانت عم تبردلا اظافرها وتعملا مونكير وبوديكير وبطرف عينها لمحت قمر وحماتها فايتين للصالون
بيسان : اهلين مرت عمي تأخرتو
ام ينال : حبيبة قلبي كيفك
بيسان : داعيتلك مرت عمي
ام ينال : لابقى تناديلي مرت عمي من اليوم ورايح بتناديلي امي ماشي
بيسان : حاضر امي
قمر : كيفك بيسان
بيسان : اهلين 😒
اخدو الصبايا قمر وبلشوا يجهزوها