#كلهن : مفهوم
#تيم : و لا تنسوا سماعاتكن لحتى نقدر نتواصل... اذا احتجتوا مساعدة اطلبوها من اقرب شخص الكن.... عددنا قليل و ادوراد رح ياخد احتياطه بما انه جدوله معنا
#مراد : إي صحيح... يمكن يلغي صفقته لانه عرف انه الملف معنا
#تيم : مستعد يقتلنا كلنا و لا يلغي صفقته... انا بعرفه الشغل أهم من حياة رجاله حتى... و نحنا بنظره خونة يعني لازم يقتلنا

ركبوا بالباص و راحوا للمنطقة... وقفوا الباص بمكان ابعد... حمل كل واحد شنتة على ظهره فيها الرصاص و اسلحة و لبسوا سترات واقية... توزعوا بمكانهم حسب الخطة القناصات رح يكونوا على السطوح اما الباقي متوزعين بين المباني.... مسكوا سماعاتهن لما سمعوا تيم عم يحكي

#تيم (تنهد) : شباب اسمعوني منيح... بعرف اني عم حملكن فوق طاقتكن... و طلبي صعب عليكن بس بدي اجتمع فيكن مرة تانية بغير هالمكان ... ممنوع تخسروا او تموتوا.... قاوموا لاقصى حد... قد ما فيكن حاولوا لا تخسروا... بترجاكن لا تخلوني ابكي مرة تانية
#كلهن (ابتسموا و بصوت واحد قوي) : عُلم
#تيم : المهمة بدات... ليكهن وصلوا

وصلت خمس سيارات ورا بعض... و من السيارة الوسط طلع ادوارد و مرتكي على عكازته حواليه رجال كتار ملثمين... و بعد شوي وصلت سيارتين و طلع منهن زلمة واضح انه الطرف التاني للصفقة

#علي : الهدف قدامي فيني أوص على ادوارد من هون... شو اوامرك تيم؟؟؟
#تيم (كز على سنانه) : لا... ما فينا نقتله
#علي (مستغرب) : لييييش؟؟؟ ا ا اه

#تيم : ع.. علي... علي عم تسمعني!!!! (صرخ بهمس) علييييي.... مراد سامعني
#مراد : إي عم اسمعك

#تيم : بمنظار قناصتك شوف علي ... ما عم يرد عليّ
#مراد (رفع راسه عن المنظار و قال بصدمة) : تيم... علي ان..قتل!!!

#تيم : شوووو؟؟؟؟ لا مستحيل .... ليك مراد انتبه منيح حاول تأوص على رجل ادوارد لازم ننهي هالمهزلة

#علي (بتعب) : ت تيم!!
#تيم : علي .... لك رد عليّ؟؟ انت منيح؟؟؟؟
#علي : س سل......
#تيم (مسك راسه و كز على سنانه) : خلص لا تحكي شي حاول تتماسك رح يوصلك دعم... شباب رح نبلش انتبهوا... العدو بعرف بوجودنا
#الشباب : تمام

أوص مراد على رجل ادوارد و صار الرصاص ينزل من كل مكان.... رجاله لادوارد حاوطوه مشان يحموه و ما قدر مراد ياوص عليه مرة تانية.... رفع تيم عن ايده الشمال فكر ينزع الجهاز و يقتل ادوارد و بعدها يهرب مع رفقاته بس توقع يكون الجهاز حساس و ينفجر لهيك طلّع هالفكرة من راسه

((ها قد بدأنا انتقامنا كمفترسين ...انت من ربيتنا على هذا))
*يْـــتٌـــبّـــعُ.......*
〰️〰️〰️〰️〰️〰️〰️〰️〰️〰️〰️〰️

#تيم : إي هلا صفي مراد و علي... طبعا لانكم مميزين اخترتكم و ادوارد كان معتمد عليكن بكتير شغلات... هلا اغلب اللي هون كانوا عكازات بيرتكي عليهن ادوارد و انا حبيت أخدهن لنشوف شو بدو يعمل.... اما بالنسبة لجاد لانه رفيقي من ايام الميتم

#جاد : يعني مو مشان قوتي او ذكائي او حتى شوية خبرة! طيب اقل ما فيها مشان جمالي هههههه
#كلهن :ههههههههههههه

(((مراد عمره 27 سنة... كان ابوه قاسي عليه كتير و يضربوا كتير لحتى هرب من البيت بالليل و ما عرف وين بده يروح و خطفه جورج.... اما علي بنفس عمر جاد 23 سنة هو وحيد و اهله متوفين كان عايش مع سته لبين ما توفت حطه عمه بالميت... و طبعا كان صيدة سهلة بالنسبة لادوارد)))

((تيم عمره 21 سنة... شب حلو بس حظه العكس.. شعره بني غامق و عيونه اخضر حشيشي و بشرته حنطية... عنده عضلات على قد جسمه يعني مو منفوخ ههههه... اما جاد شعره أشقر و عيونه حادين لونهم ازرق))

****و بإجماع من الكل اختاروا تيم قائد إلهن****

#تيم : من بكرة رح نبلش شغل و رح فهمكن شو بدنا نعمل... (قام على غرفته) جاد الحقني
#جاد : شو في تيم؟؟؟

#تيم : اقعد لفهمك.... من فترة سألتني عن خطة هروبنا من السجن .. و هلا صار وقت خبرك
#جاد (بسخرية) :و اخيرا حن قلبك

#تيم : لك الموضوع جدي و بدي مساعدتك
#جاد : قول ... بروحي بفديك

#تيم : هروبنا من السجن كان بمساعدة واحد منهن و فيهن.. اسمه المحقق عماد.. السيارة و لبس الشرطة و حتى القناع كله من عماد... بس المشكلة انه انا لسا مقيد ما فيني اتحرك
#جاد (مصدوم) : شلون يعني ما فهمت؟؟
#تيم (رفع عن ايده الشمال) : هي سواره بتكشف موقعي و كيف بتحرك... بدهن ادوارد مقابل حريتي
#جاد : و انت وافقت!!!!

#تيم : إي... شايف قدامي حل تاني ... بعدين ادوارد عدوي من زمان و انا كنت مفكر انتقم منه.. وقتها كنت طفل بس كل شي بتذكره متل كأنه مبارح... و ا ا امجد (غص بالحكي)
#جاد (فتح عيونه بصدمة) : شووووو؟؟؟ امجد... لا تقلي انو اللي كان معنا بالميتم

#تيم (غمض عيونه) : إي هو ... بس امجد متوفي من سنتين
#جاد (مسك راسه... و قال بصوت مخنوق) : ليش!!... اللي اخدنا هو نفسه اللي اخده!!!!

#تيم : ما بعرف ... بس اكيد الكلب ادوارد عمله شي... لازم انتقم منه هو السبب بكل شي هو خلانا مجرمين... لك يا ريت ضليتني بالميتم اكل قتل ليل و صبح و لا صرت مجرم... بس خلص فات الاوان على هالحكي

#جاد : لك تيم الموضوع كبير... انت قدّه لادوارد حتى تمسكه؟؟
#تيم : بدي حاول مشان امجد و كتير ولاد رح يتعذبوا بسببه..

#جاد (ابتسم) : كنت مفكر انك تغيرت بس طلعت غلطانك.. من و انت صغير بتفكر بغيرك قبل حالك... انا معك اخي بكل خطوة رح ادعمك
#تيم : كفو ابو الجود

... تاني يوم شرح تيم كل شي للشباب كيف هرب و كيف عماد عم يساعده....

#تيم (عم يرسم شبه مخطط) : الشرطة و ادوارد هم اعدائنا... كسبنا حليف من الشرطة اللي هو عماد ... هيك بنلغي الشرطة حاليا(حط X على الشرطة) بصفي عنا ادوارد طبعا هو العدو الاخطر (حط على اسمه دائرة)

#سليمان :بتضمن انو عماد ما يطعنك بظهرك؟؟

#تيم : انا ما بعطي الثقة الكاملة لحدا... يعني باخد احتياطي و اصلا انا بين ايديه... اذا صار هيك شي انتو هربوا و انا بسلم حالي.. هي الخطة الاحتياطية
#مراد : و شو خطتك مشان ادوارد؟؟؟؟
#تيم : الخطة عبارة عن 3 مراحل... رح نمشي فيهن خطوة بخطوة.. طبعا بدي مساعدتكن لأنه أنا ما فيني أتحرك براحتي
#كلهن : لعيونك

#تيم : اولا لازمنا فلوس لحتى نتحرك براحتنا.... ثانيا بدنا سلاح لنحمي حالنا.... ثالثا و هي الاخطر رح نحاول نقرب من ادورد و نعرف مخططاته

#مراد : الاولى و التانية فهمناهن... بس الاخيرة ما عم تخرط مشطي... كيف؟؟؟؟؟
#تيم (ابتسم بخبث) : نوصل لايده اليمين جورج... و بحط واحد منكن محله

((خطة القبض على المجرم قد بدأت)
*يْـــتٌـــبّـــعُ.......*
〰️〰️〰️〰️〰️〰️〰️〰️〰️〰️〰️〰️

#أليكس (عم ياشر بايديه) : لااااااا استنى
#تيم ( انصدم ) : مين انت؟؟؟ و شو عم تعمل هون؟؟؟؟
#أليكس (بلع ريقه) : ا ا انا بعتني سامر لعندك مشان الأسلحة!... ا ا نا اللي كنت اشتغل معه لما كان مع السيد ادوارد

#تيم (نزل سلاحه) : إي عرفتك... بس شو عم تساوي بالمطبخ؟؟؟
#أليكس : ما شفتك بالبيت قلت اعملي شي اشربه لبين ما تيجي

#تيم : شو هي وكالة من غير بواب... رن الجرس او قول إحم دستور... يقطع عمرك
#أليكس : اسف معلم.. حقك علي
#تيم : شو اسمك انت؟؟؟
#أليكس (ابتسم) : أليكس

#تيم : شرف لنحكي.... (قعدوا تنيناتهن) هات لشوف شو عندك اسلحة!
#أليكس (عم يورجيه بالصور) : في عندي سلاح كلاشن بيطلق 540 طلقة بالدقيقة.... و في المسدس العادي هي صورته هاد سهل الحمل.... و كمان رشاش سهل الحمل بيوسع 500 طلقة ....شو رايك؟؟؟

#تيم : ممممم تمام..... و شو بالنسبة للقناص؟
#أليكس : تكرم بدبرلك واحد
#تيم : لا ... بدي تنين
#أليكس : هي صعبة شوي بس بحاول.... المهم بدك شي من هدول؟؟

#تيم : طبعا .... بدي 2 كلاشن و 7 من المسدس العادي و 3 رشاشات .... و طبعا لا تنسى الرصاص... (مسك صورة) شو هاد السلاح
#أليكس : هات لشوف... إي هاد ما رح يفيدك بشي
#تيم : ما سالتك اذا رح يفيدني او لا... قلي لشو بيستخدم
#أليكس (بتوتر) : طيب.... هاد يا سيدي فيه قنابل ضوئية و قنابل دخانية

#تيم (فكر شوي و قال بحماس) : بدي منه تنين
#أليكس : تكرم... بس الحساب كبير
#تيم : هوهو علينا .... مو على اساس تراعينا ... ما هيك فهمك سامر!!
#أليكس : خلص تكرم انت و سامر

بعد اسبوع كان كل السلاح عند تيم... وزعه على الشباب بالاضافة لشوية الاسلحة اللي كانوا بالباص
************************((3))

قدام باب بيت واقف تيم.. دق الباب و فتحله واحد لابس اسود و نظارات سودة... رفع تيم بطاقته و سمحله يفوت... مشي لنعد زلمة حاني ظهره و عم يشتغل.. حط ايده على كتفه.. رفع راسه الزلمة

#مازن : هاااااي... اهلا تيم زمان عنك
#تيم : جهزتلي الطلب؟؟
#مازن : على كيف كيوفك ... نسخة طبق الأصل عن الصورة
#تيم : هات لشوف

طلّع ستاند عليه قناع طبق الاصل عن جورج و باروكة متل شعره
#تيم : ممتاز... و هي حسابك
#مازن : شكرا حبيب على راسي
#تيم : تسلم

اخذ القناع و رجع على البيت فورا... كانوا كلهن مجموعين و عم يستنوا تيم
#سليمان : شو تيم جبت القناع؟؟
#تيم : هه إي لكن عم نلعب... بس بدك تجربه هلا
#سليمان : ليش مستعجل خليه لبكرة!!
#تيم : لا لا ... هلا جربه مشان اذا ما زبط روح امسح فيه الارض
#سليمان : اوك

اخذ سليمان القناع من تيم و راح على غرفته لبس القناع و تياب متل جورج... و لما طلع
#جاد و تيم : ههههههههههههههه
#سامر : ههههههههههههه يخرب بيتك
#مراد و علي : هههههههههه رح موت
#سليمان (عصب) : شو ليش عم تضحكوا!!!!
#جاد : ههههه والله طالع شبهه
#سليمان : ههههه لك استحوا بقى اكبر منكن انا
#كلهن : هههههههههههههههه

#تيم : هيك بنكون خلصنا ال 3 مراحل و صار لازم نكمل المرحلة الاخيرة... سليمان من بكرة رح يتركنا لانه رح يروح مكان جورج
#علي : بس كيف بدنا نشيل جروج و نحط سليمان محله!!!

#تيم : هي مهمة سامر... لازم يخفي جورج عن وجه الارض
#سامر : و انا جاهز.... بس وين روح فيه
#تيم : رح سلمه لعماد
#سامر : متل ما بدك... رح اشحطه لهون و انت تصرف
#علي : إي يعني تركت المهام الخطرة لأصحاب الخبرات!
#تيم : بالزبط

قعدوا سهرة طويلة مع سليمان لانه رح يتركهم بعد هي الليلة.... مهمته خطرة لانه رح يقرب من ادوارد شخصياً ... كلهن عارفين اذا فشلت المهمة ممكن يموت.. بس عم يخبوا و يحاولوا ينكروا هاد الشي

((اصعب قرار ان تُرسل صديق تعتبره اخاك الى الموت))
#يتبع

وصلوا على بيتهن و تغدوا سوا... المسا كانت شهد عم اطعمي ملك.. شافت تيم عم يلبس و بده يطلع

#شهد : شو تيم... لوين؟؟
#تيم (عم يحكي من الغرفة و يرش عطر) : بدي اطلع مع جاد و الشباب... (طلع من غرفته و باسها على راسها) بدك شي ؟؟

#شهد : لا حبيبي بدي سلامتك... بس لا تتاخر
#تيم : بلشت امي... كله يوم بنجتمع فيه
#شهد (بسخرية) : ليكون مو عاجبك؟؟؟
#ملك : بابا بدي روح معك

#تيم : لا يا عمري ما فيك تروحي معي... بس اذا بتبقي مع ماما بجبلك سيد منفوش ههههه
#شهد : هههههه... و انا كمان بدي سيد منفوش
#تيم : انا عندي طفلتين لأنه... تكرموا ... سلااام

نزل تيم و كان جاد عم يستناه بالسيارة... مراد و علي قاعدين ورا

#جاد : وينك يازلمة... اكيد علقت مع بنتك و مرتك
#تيم : خلص انت التاني ... امشي بقى الزلمة عم يستنى... كيفكم شباب
#مراد : بدري هلا شفتنا... المهم مين الشخص اللي بدك تعرفنا عليه
#جاد : استنوا لنوصل

وصلوا على مقهى و قعدوا هنيك... بعد نص ساعة وصل الشخص.. وقف تيم

#تيم : بدي عرفكن على الشخص اللي بعتبره اخي... اسمه امجد
#علي و مراد (بصدمة) : امجد عاااااايش؟؟؟

#امجد (ابتسم) : الكل بيعرفني!!!!....هههههههه إي عايش..اقعدوا لفهمكن... قدرت اهرب من عند ادوارد و هو زوّر وفاتي مشان ما اقدر اتحرك براحتي و يمسكني... بس رحت عند الشرطة و لحسن حظي كان المحقق عماد هُنيك طلبت منه يساعدكن كلكن... بالأول قرر يساعدني خلاني سافر و كمل حياتي والحمد لله خلصت دراسة و هلا صار عندي شركة... و طبعا طول هالفترة كنت ساعد المحقق عماد و جبله معلومات و هالشي ما كان صعب علي بنوب بحكم اني دارس برمجة و بقدر اخترق مواقع... و بما إني شفت موقع ادوارد و بعرف كتير شغلات عنه قدرت وفر معلومات بتفيد عماد

#مراد (بدهشة) : برافو... و اكيد ما حدا بيعرف مشان سلامتك... بس ليش لهلا لتعرفنا؟
#جاد : لانه كان مسافر و مبارح وصل... اما تيم كان بيعرف انه عايش من بعد هروبنا الاول

#امجد : تيم صعب الاقناع .. و عماد رح يعاني معه كتير لهيك قررت اكشف إني عايش بس لتيم بلا ما يوقف بوجهنا ههههههه
#كلهن : ههههههههههه معك حق

#مراد : و جاد من متى بتعرف انه امجد عايش؟
#جاد : عرفت لما سافرت لعند تيم على اسطنبول... استقبلوني بالمطار
#علي : طيب وين أسير ليش ما اجى؟
#تيم : اليوم كان عنده عمليتين و تعبان كتير ما قدر يجي

بقيوا سهرانين مع بعض و عم يلعبوا شدّة..... بعد سفر تيم بسنة انتقل جاد عند تيم و اشتغل معه.... و أسير تابع دراسته و صار دكتور عيون... مراد و علي بعد ما طلعوا من السجن سافروا بمساعدة عماد عند رفقاتهن و اجتموا كلهن من جديد بصفحة جديدة و بدون اجرام

#النهاية