الجزء العاشر..
@rwayate
#جمانة :- اسف بس نحنا ماعنا بنات للزواج..

((يمكن ردي هيك كان على استعجال وانحرجت وقتها ..لان هاد الجواب اللي رح يكون للمستقبل لا اختي بتنفع تزوج ولا انا المعلقة.لاانا متزوجة ولا انا مطلقة..

#هيثم :-الله يسامحك ماقصدت بس امي طلبت تجي تتعرف على الجيران وتسلى معكن لانها وحيدة وانا على طول بالشغل ...

#جمانة :-اسفة ماقصدت..

#هيثم :-ولا يهمك..

#جمانة :-عن اذنك وصل الباص..

#هيثم :- وانا كمان انتي وين وجهتك..

#جمانة :- ليش عم تسال كتير..

#هيثم :-لان هاد الباص غير اتجاهو ..

#جمانة :-ليش من متى هالشي ..وين صار اتجاهو

#هيثم :-اول الاسبوع كان حاطط اعلان.. صار لعند باحة المدارس وبمر من حارة المسالمين ..انا هونيك شغلي

((اول ما ذكر لالي حارة المسالمين اتذكرت مرام ..والبنت يلي عملت فيها هيك..فتحت شنتتي وارجعت بدي افتح موبايل مرام يلي كنت مخبيه معي..

#هيثم :- ليش متوترة مو من هون بنفتح ..

#جمانة :-يسلمو شكرا ..

#هيثم :- عن اذنك رح انزل هون شغلي..

#جمانة :-وانا كمان..بدي اسئلك بالله بتعرف عيلة من دار عيد بالمنطقة..

#هيثم :-مممم بعرف بس ..

#جمانة :-بس شو..

#هيثم :- صرلي اكثر من ثلاث سنين . بشتغل هون .كان في عجوزة وجوزها ساكنين هون والله اعطاكي عمرهن ..

#جمانة :- اها مالهن حد مالهن قرايب..

#هيثم :- مابعرف والله بسألك وبخبر امي من تجي لعندكن..

#جمانة :-لا لا يسلمو شكرا..

#هيثم :-عن اذنك صار وقت شغلي هلاء..

#جمانة :-الله معك .

((لغيت مشواري مع رفيقتي ووقفت قبال الشقة يلي كانت رجاء ساكنة فيها ...وبلشت اتصفن بالشباك..لعلي ارجع شوفها ..

#لاحول ولا قوة الا بالله ،يابنتي بلاها هالشي والله الشرف غالي..

((التفتت على الصوت كان صاحبة محل الخضرجي ..رجال سمين وكبير بالعمر وقاعد على الكرسي ورا ضهري ..

#جمانة :-عفوا عمو مافهمت عليك ..

#انا ابو صالح صاحب هاد المحل صرلي اكثر من 20 سنة بشتغل فيه ..وبعرف كل تفاصيل هالحارة ..لهيك يابنتي كرمال شرفك وشرف ابوكي لاتوقعي باللي بتفكري فيه نصيحة لالك ..

#جمانة :-عمو مافهمت شو قصدك بس انا عم اسال عن عيلة هون من دار عيد وقالو لالي انهن بهاي البناية..

#ابو صالح :-ليش بتسالي يابنتي خدي حالك واكسري طريق الشر وخراب بيتك وبيت اهلك ..انتي باين عليكي بنت محترمة ..ومرباية على الغالي بعدي عن هالطريق ..

#جمانة :- بتعرفهن يعني ...

#ابو صالح :-شو يلي بدك اياه قليلي..

#جمانة :-اللي بتعرفوا عنهن..عن هاي العيلة .

#ابو صالح :-يعني افهم انك مش جاي لنفس يلي ببالي..

#جمانة :-مافهمت يلي ببالك ..بس انا عندي اسبابي وبدي اعرف مين هني ..

#ابو صالح :-الظاهر يابنتي واقعة بنفس المطب يلي وقع فيه غيرك..

#جمانة :-قلي عمو بترجاك..

#ابو صالح :-هااا طلعت من عندها..

#جمانة :-مين يلي طلعت من عندها ...

((درت وجهي لمكان نظروا والصدمة يلي كنت بدي اعرفها عرفتها كانت اخت تيسير طالعة من نفس البناية..ولوهلة وقفت رجاء مثل عادتها على الشباك تراقبها وتراقب الانظار. انا ماوسعني وقف ..لحقت اخت تيسير لاحكي معها ونادي عليها بالشارع ...

#جمانة :- رهف رهف اسمعيني رهف..

#رهف :-ها اه شو ..

#جمانة :-ليش مرتبكة ..

#رهف :-لا انا اها لا لا ماني مرتبكة بس استغربت مين بنادي عليه بالشارع شو بدك جمانة ..

#جمانة :-شو جابك لهون..

#رهف :-جيت كرمال ..اها انتي شو دخلك ليش بتسألي ..هالشي مابخصك..

#جمانة :- لا ماقصدت بس قلت شفتك هون واحيت اسلم عليكي..

#رهف :-لاتعيديها انا مابسلم على سراقة نصابة مثلك ..على العموم تيابك يلي عنا امي مجهزتن لالك لان مرت اخي راجعة من السفر
...مفاجأة ماا ..طبعا مرت اخي تيسير .. 😏😏..يالا باي..

((ماكنت استغرب من حقارتها لاني متعودة كنت على نفس هيك اسلوب ..بس يلي موتني هاي تاني مرة شوفها بنفس المكان..وهالمرة طالعة من بيت رجااء ..ارجعت لابو صالح لاكمل حديثي معو واسالو ليش انتبه عليها بالذات ..وشو يلي بعرفوا كنت بدي اربط افكاري كلها مع بعض..

#جمانة :-عمو عمو شو عرفك ب هاي الصبية ..

#ابو صالح :-الله يستر على بنات المسلمين اذا كانت قريبة لالك انصحيها يابنتي قبل لتوقع بمصيبة ..

#جمانة :-عمو احكيلي شو يلي بتعرفوا بترجاك انت مابتعرف حجم المصيبة يلي واقعين نحنا فيها شو عرفك بهاي الصبية ..

#ابو صالح :-اذا قلتي لالي شو صاير معك رح ساعدك..

#جمانة :-بتوعدني وبتحلف على المصحف الحكي يلي بقلك اياه ماحد يعرف فيه وبتساعدني بكل شي..

#ابو صالح :- ليكو مصحفي على طاولتي هاتيه لاحلف لالك لاني انا انسان صادق وبخاف الله ...

#جمانة :-رجاء عيد ..مين هاي عمو..

#ابو صالح :- حبة حبة عليه انتي جيتي دغري لراس الحرباي..اسمعي يابنتي كان رجال ومرتوا كبار بالسن عايشين هون ..كان لالهن ولدين وبنتين وكلهم مسافرين..

ا