اعوجاج مستقيم
〰 بارت 28 〰
👌🏻👇🏻 😍
📚 @rewayatyamania 🇾🇪
أسماء:وقته ذلحينه اديه
نزلته حلا بسرعة:ها
أسماء بإستغراب اول ماشافت الرقم:صالح!
قصي عاطف علياء جيهان بصوت واحد: ابي؟
نسيم لوليد:انا شطلع ادي لك كمادات باردة وشارجع "وسحبت نفسها وهي بتبتسم
أسماء:اللهم اجعله خير"وردت"ها الو صالح
أسماء بخوف:خير مالك بتصيح؟
الكل التفت لعندها مستغرب
صالح بعصبيه:يعني بنتي تطلق وانا اخر من يعلم مش انا ابوها او ايش
أسماء:صلي على النبي لاتصيحش
عاطف بيأشر لها:ايش في؟
أسماء بتأشر بعيونها لعلياء،عاطف فهم والكل تقريباً فهم،مد يده يسحب التلفون
عاطف:ادي انا شاحاكيهم
ناولته أسماء التلفون وهي خايفه:حاكيه بأدب
مسك عاطف التلفون:خير يا اباه صوتكم قد بيسمعوه الجيران مابه؟
صالح:عادك بتسأل يا قليل الادب اين هي اختك وليش تطلقت ماقد فعلت؟
عاطف: هيذا هي جنبي وليش تطلقت اعتقد الموضوع هذا وارد مادام وانت مزوجها على شبيه الرجال
صالح: اسمع هي كلمه ورد غطاها لوما ترجع اختك لبيت زوجها لاجي اسحبها من شعرها وارجعها غصب
عاطف بعصبية: مابش هذا الخبر وبعدا هو طلقها وماعد تحاكاش منها خلاص
صالح: انا شتفاهم معه وانت افعل اللي قلت لك عليه
عاطف: مابش لعلياء رجعه لو على جثتي وانتوا اخبر افعلوا ماشتيتوا "قفل ورجم التلفون لفوق السرير"
جلست أسماء في الارض وبدأت تبكي: ماهي هذي الليلة يا الله حسبي الله ونعم الوكيل بس
علياء ببكى: قلت لكم ضروري ابي يعرف من البداية ما احد صدقني
عاطف بضبح: ياسعم ماعيفعل هو هكذا طول عمره عيجلس يصيح
قصي: ماقالك؟
عاطف: يشتيها ترجع
علياء:مع مع قوا كله الا هذا
عاطف:وياسعم عنخليش والله ماتسيري بقعه ماعليش منه
جيهان بإستغراب:كيف دريوا ابي ان علياء تطلقت؟
قصي:ايوة صح كيف دريوا
عاطف:يمكن صادق حاكاه
مجد بيتذكر مكالمة امه بالعصر وشك بس ماتكلم
عاطف:المهم ماعلينا قد رأسي بيوجع قصي يلا معي وانتين سيرين ارقدين وماعيحصل الا كل خير بإذن الله
الكل:ان شاء الله
#للعلم صالح مغترب في السعودية وقد له اكثر من8سنوات مابيجيش اليمن
#بعد نص ساعة:
عاطف تنهد:والله ماعد دريت ما افعل!
رقية:امانه قد البيت هذا يطفح بالواحد مشاكل مشاكل واصل
عاطف:...
رقية:وعيالك قد بيفتجعوا من اعمامهم والله
عاطف:مابش شيء لا تكونيش تكبري المواضيع
رقية:والله مابين اكذب وكم قد قلت لك جي نخرج لنا بيت لحالنا ولا بتسمع هيا ها ابسر لاين وصلنا
عاطف بضبح:ضروري تنكدي على الواحد فوق ماهو منكد كرهتيني عيشتي والله
رقية بزعل:انت كون اضبح منهم وجي قرحها فوقي ما اقول غير حسبي الله ونعم الوكيل فيك
📚 @rewayatyamania 🇾🇪
〰 بارت 28 〰
👌🏻👇🏻 😍
📚 @rewayatyamania 🇾🇪
أسماء:وقته ذلحينه اديه
نزلته حلا بسرعة:ها
أسماء بإستغراب اول ماشافت الرقم:صالح!
قصي عاطف علياء جيهان بصوت واحد: ابي؟
نسيم لوليد:انا شطلع ادي لك كمادات باردة وشارجع "وسحبت نفسها وهي بتبتسم
أسماء:اللهم اجعله خير"وردت"ها الو صالح
أسماء بخوف:خير مالك بتصيح؟
الكل التفت لعندها مستغرب
صالح بعصبيه:يعني بنتي تطلق وانا اخر من يعلم مش انا ابوها او ايش
أسماء:صلي على النبي لاتصيحش
عاطف بيأشر لها:ايش في؟
أسماء بتأشر بعيونها لعلياء،عاطف فهم والكل تقريباً فهم،مد يده يسحب التلفون
عاطف:ادي انا شاحاكيهم
ناولته أسماء التلفون وهي خايفه:حاكيه بأدب
مسك عاطف التلفون:خير يا اباه صوتكم قد بيسمعوه الجيران مابه؟
صالح:عادك بتسأل يا قليل الادب اين هي اختك وليش تطلقت ماقد فعلت؟
عاطف: هيذا هي جنبي وليش تطلقت اعتقد الموضوع هذا وارد مادام وانت مزوجها على شبيه الرجال
صالح: اسمع هي كلمه ورد غطاها لوما ترجع اختك لبيت زوجها لاجي اسحبها من شعرها وارجعها غصب
عاطف بعصبية: مابش هذا الخبر وبعدا هو طلقها وماعد تحاكاش منها خلاص
صالح: انا شتفاهم معه وانت افعل اللي قلت لك عليه
عاطف: مابش لعلياء رجعه لو على جثتي وانتوا اخبر افعلوا ماشتيتوا "قفل ورجم التلفون لفوق السرير"
جلست أسماء في الارض وبدأت تبكي: ماهي هذي الليلة يا الله حسبي الله ونعم الوكيل بس
علياء ببكى: قلت لكم ضروري ابي يعرف من البداية ما احد صدقني
عاطف بضبح: ياسعم ماعيفعل هو هكذا طول عمره عيجلس يصيح
قصي: ماقالك؟
عاطف: يشتيها ترجع
علياء:مع مع قوا كله الا هذا
عاطف:وياسعم عنخليش والله ماتسيري بقعه ماعليش منه
جيهان بإستغراب:كيف دريوا ابي ان علياء تطلقت؟
قصي:ايوة صح كيف دريوا
عاطف:يمكن صادق حاكاه
مجد بيتذكر مكالمة امه بالعصر وشك بس ماتكلم
عاطف:المهم ماعلينا قد رأسي بيوجع قصي يلا معي وانتين سيرين ارقدين وماعيحصل الا كل خير بإذن الله
الكل:ان شاء الله
#للعلم صالح مغترب في السعودية وقد له اكثر من8سنوات مابيجيش اليمن
#بعد نص ساعة:
عاطف تنهد:والله ماعد دريت ما افعل!
رقية:امانه قد البيت هذا يطفح بالواحد مشاكل مشاكل واصل
عاطف:...
رقية:وعيالك قد بيفتجعوا من اعمامهم والله
عاطف:مابش شيء لا تكونيش تكبري المواضيع
رقية:والله مابين اكذب وكم قد قلت لك جي نخرج لنا بيت لحالنا ولا بتسمع هيا ها ابسر لاين وصلنا
عاطف بضبح:ضروري تنكدي على الواحد فوق ماهو منكد كرهتيني عيشتي والله
رقية بزعل:انت كون اضبح منهم وجي قرحها فوقي ما اقول غير حسبي الله ونعم الوكيل فيك
📚 @rewayatyamania 🇾🇪
