#ليلة_من_أيلول
#بقلم_مايا_سمير
الجزء التالت
خالد
تصرفاتا حركاتا عفويتا معي خلتني حبا غص من عني شعرا الاسود القصير المموج و عيونا السود المكحلين و حواجبا يلي دايماً معقودين جديتا المبالغ فيها مع الناس بياضا و طولا و شراستا تجاه جنس أدم و شخصيتا القوية يلي مخبية وراها قلب محطم بنت بكل هالصفات بتفرض حبا عليك ...بعرف انو مستحيل يصير شي بينا لأنو بعرف انو جرح الي فات ما مضى بس ما فينا نتحكم بمشاعرنا
شخصين متلنا نحنا التنين يمكن صعب كتير يكونو سوا بماضيهن انا يلي فقدت قبل سبع سنين مرتي و ولادي
و هية و يلي اتعرضتلو بيوم عرسا
مافي وحدة قدرت تقتحم قلبي بهاد الشكل من سبع سنين غيرا فكرت انو مستحيل ارجع عيش مرحلة الحب مع حدا بس هية اصرت انو تثبتلي العكس
بمكان تاني بغرفة فيها ضو خفيف مقفولة
كانت قاعدة و حاطة دفتر مذكراتا قبل تلت سنين على المكتب
٧/٩/٢٠١٦
اليوم احلى يوم بحياتي و اخيرررااً رح نخطب انا و يعرب ما عم صدق انو هلق رح نقدر نكون سوا قدام عيون الكل لنسكت كل الناس
١٢/٩/٢٠١٧
بكرة عرسي بكرة اليوم يلي صرلي سنين عم احلم فيه مع الانسان يلي ما حبيت و لا رح حب غيرو ...عرسي الايلولي شفت عالنشرة انو بكرة مطر مشان هيك اخترت يكون عرسي بهاد اليوم الكل قلي مجنونة ما بيعرفو انو بلا مطر ما بيكمل حلمي و بلا ورق اصفر بكل مكان مارح تكتمل مراسم زفافي يلي صرلي سنين عم خططلو
عرس ايلولي بأمتياز
غرام
هه معقول هي انا من كم سنة معقول قبل كم سنة بس كان عندي كمية هالمشاعر ...هلق انا بشبه الحجر البارد يلي ما بحس حتى ايلول ماعاد عم استناه و ماعد مشيت بالمطر لهلدرجة تغيرت !!
تاني يوم
غرام:ماما يلا قومو فطرو
ام غرام:يلا حبيبتي فيقي احمد لفيق ابوكي
غرام :يلا من عيوني
احمد:لاا ليكني فايق كلشي الا غرام تفيقني
غرام:نعم نعم احمد بيك مين يلي بينام ما بيفيق
احمد:و انتِ مين طلب منك ترشي كاسة مي كاملة عليي اذا ما فقت غررام خانم
غرام:اي حياتي شو ذنبي امي بتطلب مني فيقك و انا ما برفضلا طلب
احمد:اممممممم قلتيلي
ابو غرام:حاج نقار عند هالصبح
غرام:صبااح الخير بابا
ابو غرام:صباح النور ..عشو عم تتخانقو اليوم
احمد:ولاشي مامهم ما هيك غرام ..و غمزة
طلعت فيه غرام و مدتلو لسانو قام رجع مدلا لسانو و بعدين صارو يضحكو على اشكال بعض هنة الاتنين
ام غرام:يلااا يا ولاد برد الاكل
عالسفرة
ابو غرام:غرام جهزي حالك اليوم جايينا ضيوف
غرام:مين الضيوف ...قام غمزتا اما و فهمت بسرعة ....انا بدي روح عند بيت عمي المسا بابا نهى دقتلي و عزمتني
ابو غرام:الله يرضى عليكي بابا جهزي حالك المسا و بلا اعذار ...دايمة
احمد:الله يسمعنا الاخبار الطيبة
غرام:اي اخبار و اي طيبة ماااامااا انا شو حكيتلكن كم مرة بدنا نحكي بنفس الموضوع
ام غرام:بس هالمرة غير صدقيني جربي طلعي المسا و تعرفي عالعريس مارح تخسري شي يا امي حاج حابسة حالك من بيت للمكتب للمحكمة و العكس الصحيح
غرام:مابدي ماما قولي لبابا يعتذر
ام غرام:خلص غرام حاج وقفي هالحركات لا تضلي دافنة حالك يلي فات مات لا تضلي عايشة على ذكرى حدا عكل حال ابوكي عطاهن موعد و ماعاد فيه يعتذر الاحسن تجهزي حالك و حلك تنسي يلي صار
غرام:ماما انتِ ليه ما عم تفهمي عليي صدقيني رفضي للعرسان ما دخلو بالي صار بالماضي بس انا ما عاد فيي اثق و حب بحدا
ام غرام:طب شوفيه بلكي غيرتي رأيك يا امي
غرام:لا حول و لا قوة الا باللااه طيب رح اطلع المسا بس مارح وافق يكون بعلمكن
ام غرام : منشوف ...دايمة يلا قومي عنا شغل كتير
المسا و الساعة ٧:٣٠ بالضبط اندق الباب
طلع ابو غرام رحب بالضيوف و بعدين طلعت ام غرام سلمت و قعدت جنب زوجا
ابو غرام بهمس :نادي غرام رح يصيرلن ساعة الضيوف قاعدين
ام غرام:حاضر
بغرفة قدام المراية كانت واقفة و عم تحاول تخبي دموعا
فاتت اما
ام غرام:شو صار معك ....يييييه لي هيك لابسة تقول بعزا
غرام:هيك مابدي البس شي تاني مرتاحة
ام غرام:كلمتين مافي غيرن بتغيري لبسك و بتزبطي وشك لفوت ساوي القهوة عنك مشان تقدميها مابدي اسمع اي اعتراض
لبست فستان اسود ناعم بكتاف دانتيل و تركت شعرا محرر متل العادة و اكتفت بكحلة و مسكرة
ام غرام:اي هيك ها ماشالله عليكي الله يحميلي اياكي
غرام:انتِ بتعرفي اني مو رضيانة عن شي مو ماما!
ام غرام:يلا فوتي القهوة
فاتتت بخطوات ثابتة بكتاف مشدودة و حواجب معقودة كالعادة قدمت القهوة ل ابوا و ابو العريس و بعدا لأم العريس و لأما و لما وصلت لعند العريس رفعت راساا لتشوفو
غرام:انت!!!........يتبع