#رشا : بتعرف انا مصدقتك .. لانو بدي صدقك .. ما بدي فكر بشي بشع بخصوصك .. وفوق هيك بدي قلك شكراً على وقفتك معي مع انك ما كنت مجبور ابداً تنحط بهيك ظروف
#نزار : انتي جايه تودعيني صح ؟
#رشا : نوعاً ما
#نزار : خلص تاركه ورايحه على اهلك ؟
#رشا : لا ... رح مضي الليلة وبكرا الظهر بتوصل صفاء
#نزار : بعدك مصره تضلي بعد كل شي صار !!!!! لك كيف ؟
#رشا : عادي ما حدا بيموت ناقص عمر ..
رن موبايلي وكانو اهلي .. (( يلا انا راجعه عالبيت .. مره تانيه شكراً على كل شي .. ))
طلعت بدون ما انطر منو رد .. رديت على اهلي وحكيت معن انا وماشيه وعم ابكي .. عنجد مابعرف شو هالسخافه الي بتخليني اتعلق بشب بسرعه وفكرو بيحبني .. لا وصير احلم انو رح نتجوز ونعمل عيلة وكل هالغباء هاد ..
حكيت مع رغد وبكيت كتير حتى فشيت قلبي ..لما وصلت على البيت كانت ام حسام قاعده بالصالون ومشغله التلفزيون ..بايدها الريمود كنترول ومغمضة عيونها
#رشا : كيف قمتي لحالك لهون ؟
#ام حسام : _ _ _
Telegram@rwayate
#رشا : ام حسام عم احكي معك .. مو قلتلك لا تتحركي بغيابي ؟
نطرتها كمان تجاوبني بس ما جاوبت .. عصبت وانا اصلا كنت زعلانه بس قررت اتركها متل ما بدها وخلي هاليوم يمضى كيف ما كان
فتت عالمطبخ والتهيت بالطبخ .. بعد ساعتين حكيت مع ام حسام من المطبخخ انا وعم ارفع صوتي
#رشا : انا جهزت الأكل بدك ناكول بالصالون ولا اجي فوتك على غرفتك ؟ .. ولا بتفوتي لحالك ما في داعي لمساعدتي اصلا ؟
ما ردت علي بشي .. تطلعت عليها من باب المطبخ (( كمان ما بدك تحكي معي يعني ؟ ))
نطرت شوي لتجاوب .. بس لثواني حسيت في شي غلط .. بعدها على قعدتها من ساعتين ما تحركت ابدا ولا طلعلها صوت ختى !
كنت ماشيه باتجاها لما انتبهت انو باب الغرفة المقفولة مفتوح ... و عم تطلع منو نفس الريحة البشعه الي شميتها هديك المره
لعت نفسي وخفت .. كملت لعند ام حسام وقعدت جنبها (( ليكي خليني فوتك على غرفتك .. او بتعرفي شو ؟ خلينا نطلع نقعد برا احسن شي .. ))
كنت عم احكيها وعيوني على باب الغرفة .. بس ما جاوبتني .. تطلعت فيها ورجعت حكيت (( خلصيني احكي شي بقى .. ))
كان وجها شاحب كتير .. وعيونها مغمضين ... حطيت ايدي على وجهها بخوف (( ام حسام ..ام حسام نايمة ؟ ))
Telegram@rwayate
مال وجهها على كفة ايدي .. بعدين جسمها كلو مال باتجاهي .. شهقت بخوف (( ام حسام انتي نايمة صح ؟ .. اصحي ردي علي .. ام حسام احكي معي تعبانه ؟ موجوعه ؟ ... ام حسااام ... ))
بعدتها عني .. مددتها على الكنباية انا وعم ابكي ... كانت ميتة ... وصرت انا لحالي بهاد المكان وباب هي الغرفة مفتوح !
اخد التفكير معي نص ساعه حتى قررت شو بدي اعمل .. كانت الشمس غابت .... جبت علبة عود كبريت ... وفتت على الغرفة .. فتحت بابها انا ومشغلة فلاشة الموبايل.. قررت احرق كل شي .. متل ما قالتلي ام حسام .. قررت ما اطلع من هاد المكان الا بعد ما احرقهن ..

وقفت و بدي شغل عود الكبريت لاحرق اول شي الأغراض الي بالنص لانو هن اساس السحر الي كانو يعملوه .. شفت بنت صغيرة واقفة على الباب عم تطلع فيني وتبكي .. وبلشت تمشي باتجاهي ..
بلشت حاول شغل عود الكبريت كانت ايدي ترجف ويوقع من ايدي وارجع حاول لزبطت اخيراً .. ورميتو على الأغراض و بلشت النار تمسك بكل شي وتمتد .. ركضت البنت الصغيرة من جنبي و مرت من الحيط لبرا ..
Telegram@rwayate
طلعت من الغرفة انا وعم ارجف وابكي .. رفعت ام حسام وسندتها علي ومشيت .. بس لما وصلت لعند باب البيت كان مقفول ! ..
حاولت افتحو ما انفتح معي ابداً .. حاولت اكسرو واصرخ وارفع صوتي بس بدون اي فايده .. تطلعت حوالي بالبيت .. كان كلو عم يحترق والنار عم تمتد والدخان عم يعبي المكان ...
ركضت على الشبابيك حاول افتحهن او لاقي اي مخرج بس بدون اي فايده ..

اخر شي بتذكرو اني كنت واقفه عم اتفرج على البيت وهو عم يحترق حوالي والدخان عم يخنقني .. وام حسام على الأرض ممددة .. وشوي شوي ما عاد حسيت على شي .. وغبت عن الوعي
_
_
_
_
_

فتحت عيوني ... تطلعت حوالي
#رغد : ماما شوفي رشا صحيت
#ماما : رشا .. بنتي ؟؟؟
#رشا : ماما ! .. رغد ! .. انا .. انا وين
#رغد : انتي هون بأمان يعمري لا تخافي انتي بخير
#رشا :وين انا ؟
#ماما : بالمستشفى ... الحمدلله انك بخير كننت بموت لو صرلك شي والله بموووت
Telegram@rwayate
كان الكل حوالي عم يبكي .. وانا عم فكر شو ممكن يكون صار لوصلت لهون .. كيف بعدني عايشه .. بعدين اجا بابا وفهمت

#ندمانة لأنك طلعتي؟
مسحت دموعها..
مو ندمانة بس خايفة..خايفة عليك من اهلي وخايفة على حالي من لسان العالم.
مسكت ايدها وضغطت عليها..كنت بدي اعطيها كل الحب يلي بداخلي..كل الصدق يلي عم اشعره بس تكون معي..
_وانا معك لا تخافي..والله والله والله..لاظهرلك حقك يا ليلى وارفع راسك لو اخر يوم بعمري.
___
برة البلد طلعنا..وما كنت عارف لاي مكان اتجه..ابعدنا عن فكرة الفنادق لأنه اكيد رح يفتشوها وفجأة اجت ببالي فكرة.
اجى ببالي ابو علي حارس شركة ابي القديم.
_
يعني يا ابني انا ما بقدر اتورط مع ابوك!!
.الله يرضى عليك يا ابني تحل هالقصة بأسرع وقت..
عمي ابو علي يستر عرضك هالبنت ما الها غير الله وانا وانتِ..ما حدا رح يشك اذا انت ما جبت سيرة لحدا..
اعطاني مفتاح بيته القديم ولحسن الحظ البيت بنفس الارض يعني العم ابو علي قريب جدًا من ليلى..
رحت انا وليلى على البيت او ممكن نقول الكوخ..كانت الساعة ٥ الصبح..
____^^
دخلنا لبيت العم علي سابقًا بيت صغير ومهجور نوعًا ما...
#مراد المكان كله غبرة..انا ما بقدر اتحمل كل هالغبرة بدون شي نفسي تعبان.
انت خليك برة حتى نضف الغرفة وبعدا بتدخلي..
وبتتركني لوحدي..؟
#ليلى انا معك لا تخافي..بس بدي نظف المكان.
ما رح يصير شي بساعدك..
دخلنا على الغرفة وبلشنا تنظيف، للحظة شعرت انه كل الغبرة دخلتلي للرئتين..وتعبت اكتر..
#ليلى احنا اذا نمسكنا بس رح يمسكونا من صوت نفسك..اسمعي كلمتي واستني برة لا تخافي والله ما حيصير شي..نحنا هون بامان
ما تكوني عنيدة.
هزيت براسي وطلعت لبرة كان الندى عم يتجول على الورود..بداية جديدة..برودة الهوا انعشتلي فؤادي...والشمس بيداية شروقها ...الغيوم اتتحدت مع الشمس..ورسمت بلأفق اجمل منظر ممكن تشوفه العين.
#يا رب انصرني، يا رب ساعدني. اجت ايد مراد وطبطبت على كتفي.
#الغرفة جاهزة ست ليلى.
_اطلعت فيه وابتسمت..
شكرا لأنك جنبي بهاللحظات.
#من اليوم ورايح رح ضل دائمًا جنبك..
دخلنا للغرفة.
#شكرًا مراد..عنجد ما بعرف كيف ممكن رد معروفك..
اطلع فيني ورفع حواجبه المعقودات..وغرس ايده بشعره الاسود الكثيف..
والله؟ بدك تكافيني؟ اذا عنجد بدك تكافيني أنا بقولك كيف الوحدة بتكافئ حبيبها..
اطلعت فيني وفتحت عيونها بشكل واسع..
شو رايك هلأ تروح سيد مراد..
اطلع فيني وضحك..
بتعرفي كيف تغيري الاحاديث دائمًا، عل كل حال ما رح روح هلأ بروح بس اطمن عليكِ.
وانه نفسك صار تمام..
#مدلي جهاز النفس واخدت نفس..كان عم يطلع فيني وواضح الحب والاهتمام بعيونه..
_انا اذا ما بندم على شي..نا يندم انه عرفتك رغم انك واحد كذاب..
#كذاب بس عاشق من الدرجة الاولى..بحب انا بحب..لككككك بحببك...
طلعت فيني وخجلت..
#الله لا يحرمني من الخجول انا..
شالت جهاز النفس وحكتلي كمان مرة..
مراد الساعة صارت ٦ بدك نص ساعة طريق منشان الله اطلع..
_
وقف على حيله وكان محضرلي قائمة تعليمات...
اسمعي ليلى..متل ما اتفقنا انا حاليا اكيد كون مراقب. العم ابو علي رح يهتم فيكِ..رح اتصل عليك من تلفون تاني.
اكيد حيراقبوني..
كلي منيح.
خدي دوا النفس كل ما شعرت بخنقة..
ما تبكي..
ولا تخافي اي شي بتندهي للعم ابو علي.انت بأمان هون.
اهن شي لا تبكي..
كنت كل الوقت هز راسي..
طلع ورجع كمان مرة..نزل لعندي..
اطلع بعيوني..حبيبتي حتى نكون مع بعض لازم شوية وقت..بدي تكوني بخير ماشي..ما تتصلي انتِ انا رح ضل اتصلك واطمن عليكِ بحبك بحجم السما والارض..
#ماشيي.بس روح هلأ منشان الله.
#رايح..بس راجعلك بأقرب وقت.

________

وصلت البلد كانت الساعة ٧ ..دخلت البيت على امل انه الكل نايم.وبالفعل هاد يلي صار!
اففف..بتأمل القادم يكون احسن..
____
بس صحينا من النوم كان الوضع طبيعي..
مروان طلع من البيت حتى ينهي اموره قبل السفر وانا كنت عم جهز حالي حتى اطلع مع اشتري كم شغلة ناقصتني الي ولليلى...
#ماما ليلى مو بالبيت!
اطلعت بزين وشكيت انه عم تمزح..بس الصدمة غلبتني!
#شو مو بالبيت يا مشحرة؟
يمكن بالحمام..
لأ ولا بالحمام.
تركت امي كل شي وبلشت تفتش عليها..ما لاقيناها..فتلنا البيت والساحات وما كان الها اثر..
#صرت اضرب على راسي..وينننن اودي وجهي..لك ابوكن هلأ بيفضحنا..
ما تعملوا شي ولا تتصلي لصاحباتها حتى ابوكن يعرف..
اتصلت لمروان والخوف عم يوكل حصة من قلبي ..
#ماااا بعرف وين راحت..
بستين جهنم توخدك وتوخدها يا رب..ما صار وغير عملتها..انا جاي على البيت..
________
ما عرفت نام..اكيد اهلي بكونوا اكتشفوا كل شي..يا ويلي..يا رب احمي مراد من كيدهم.
______

مشطنا البيت تمشيط..اتصلنا على كل صاحباتها وما اخدنا نتيجة..