#مبيشبه_جنونك_حـدا 💚
#الجزء_التامن_قبل_الأخير
Telegram:@rwayate
فجأة الشخص الي كان قدامها راح وبسرعة ضلت واقفة متجمدة بمكانها ما عم تستوعب الي صار ..لفت وجهها كان في طلاب كتيير عم يزفو بطلاب متخرجين ..كانو كتار كتير ..دورت بيناتهم ..لحتى تلمح ينال ..او حدا بشبهو ..او حتى مو هو خيالو ..بس كأنو فص ملح وداب ..
مشيت بسرعة عم بدور علي بكل زقة وبكل كلية وبكل مكان ..بس ما كان يبين ..فجأة وقعت ع الأرض وأغمى عليها ..صحيت كانت بالمشفى .. وصاحبتها ايناس جنبها ..
ايناس : آية انت منييحةة؟
آية : كيف جيت لهون ..شو صار معي ..
ايناس : ما بعرف لقيوكي قريبة من الكفتيريا واقعة ومغمى عليكي ..
آية فجأة تزكرت الي صار ..قامت بسرعة ..وتوجعت من الأبرة الي مشبوكة من السيروم ..
آية : طيب خلص انا منيحة بدي روح ..
ايناس : لاا بدهم يعملولك فحص دم ..
آية : أففففف ..حكيتي لأمي .؟ ولله ازا حكيتيلها لأقتلك..
ايناس : لا لا ما حكيت ..
آية : منييح ..حرام تخاف المرة ع شي تافه ..
الدكتور دخل لعندهم وجنبو متدرب ..الدكتور بلش يحكي والمتدرب عم يسجل الي عم يحكي ع الطاولة ..
آية عم تلعب ع الموبايل ومو مهتمة
Telegram:@rwayate ..
الدكتور : كل الي صار انو ضغطك نزل ..مع هيك للأحتياط بدنا ناخد فحص دم عشان نكون متأكدين ..
أيناس بصوت واطي : آيية لك رديي عليي ..
آية وهي مركزة بلعبة الي ع الموبايل : طيب طيب يسلمو دكتور ..
الدكتور : يا ابني سجلت كلشي ما هيك ؟ طيب هلأ بتاخد منها دم وبتودي ع التحاليل تحت
هز المتدرب براسو ومسك الأبرة وقرب ع آية ..
آية مدتلو أيدها وهو رفع البلوز ودقها الأبرة ..
آية تركت الجوال من أيديها وصرخت : لك العماا ..ع مهلك شوي شوي ..لك انتو ما علمو.. وقبل ما تكمل طلعت ع وجه المتدرب ..كان مصدوم متلها ..كان ممكن يكون كل الوجوه الي بالعالم بس يكون وجه ينال ؟ شو هالصدف ؟
آية قامت من مكانها والأبرة وقعت ع الأرض والدم صار ينزل بكل مكان ..ينال مسك القطنة ومسح الدم ورجع حمل أبرة جديدة و دقها كمان مرة ..
آية وهي عم تبكي : ينال
Telegram:@rwayate ..!!!
وأخيرا نطق وبصوت واطي : وهيك بتكون خلصت ..فيكي تروحي والحمد لله ع سلامتك ..
أخد العينة وطلع ..آية بهاي اللحظة فقدت عقلها ..فتحت الباب من ورا وركدت لعندو مسكتو من أيدو وحكت : لوييين ..ما رح أسمحلك تروح ..
ينال : وطي صوتك انت بالمشفى ..
آية : ما رح وطي..يا بتقبل نحكي بمكان ما في حدا ..يا بصرخ هون وبخليهم يطردوك من المشفى..
ينال مسك أيدها ودخلها ع غرفة ..وسكر الباب وحط أيدو ع تمها ..كان قريب منها كتير ..ما لاحظ ع هالشي غير بعد شوي ..شال أيدو..وبعد عنها وشتت نظراتو .
آية : انت ينال ؟
ينال : اي ينال ..ليش كم ينال بتعرفي بحياتك ..
آية مسكتو من أيدي ولفتو لجهتها وحضنتو وشدت علي..
بعدت عنو لمست خدودو ..وطلعت بعيونو ..
حكت وهي عم تبكي : قديش مشتاقة لهالعيون ..
ينال هرب من نظراتها ..
آية مسكت وجهو ولفتو لعندها وحكت : هون هون طلع ..بعيوني ..قلي ليش عم تهرب مني ؟؟
ينال : ما عم بهرب
Telegram:@rwayate ..
آية : لك صرلنا سنين بعاد عن بعض ..ومنلتقي وبتعاملني هيك ؟؟ حتى حضن ما بتحضني ..يناال شو فييك ؟؟
ينال بقي ساكت ما عمي يحكي شي ..آية كان ممكن تكون أصعف انسان ع وجه الأرض ..كل المشاعرر تركامت بقلبها ..
نزلت ع الأرض وطلعت علي ..نزلت دموعها ..وبلشت تحكي : بتعرف قديش تعزبت من دونك؟ بتعرف قديش عملت المستحيل لشيلك من تفكيري ولو حتى دقيقة ..بس ما في فايدة ..كنت مستوطن تفكيري وكلشي فيني ..
بكل لحظة ..وعند كل ضحكة وعند كل دمعة ..بتخطر ع بالي ..بحس بغصة ببقلبي..وكأنو في حلقة ناقصة بحياتي وهي انت ّ!
شو عملت ..وين غلطت لحتى تواجهني بهيك برود !؟
ينال بقي ساكت ما عم يحكي شي ..
آية : طيب ما تحكي شي ..بس جاوبني ع هاد السؤال ..
كنت بتعرف اني بنفس جامعتك من قبل؟
ينال : لا ,,تفاجئت أكتر منك ..
آية : مو معقول شو هالدنيا غريبة ..
ينال : انا تأخرت صار لازم روح ..الدكتور هلأ ببلش حكي ..
آية : خليك كمان شوي
Telegram:@rwayate ..
ينال فتح الباب وخرج بدون ما يحكي شي ..
آية بقيت هنيك مع حيرتها وشوقها ووجعها وحبها الأعمى ..
رجعت ع البيت دخلت ع غرفتها ونامت ..صحيت ع صوت نيسان ..
نيسان : آيةة ..
آية : اي يا عمري ..
نيسان : شبك فيكي شي ؟ وجهك مو على بعضو..
آية : لا بس تعبانة شوي ..
نيسان : قومي بكفي نوم من وقت ما رجعتي وانت نايمة
آية : طيب يا فصعونة ليكني قمت ..
نيسان : ع فكرة انا كبرت ..ماني فصعونة ..
آية بنفس النبرة : وع فكرة انت رح ضلي الصغيرة الي نامت بحضني وما رح تكبري ابداً
نيسان : كنت غلبك ونا صغيرة ؟
آية : كنت نكدة شوي مع العيلة اما معي لا ..كنت تغفي بسرعة وانت بحضني ..وتنامي بسرعة بس احسس ع شعرك الناعم وبس أغنيلك بصوتي البشع ..
نييسان : ليش زمان ما رسمتي ؟
آية : ما بعرف ..يعني ما الي نفس ..
نيسان : آية فيكي شي ؟ حكيلي ..

#مبيشبه_جنونك_حـدا 💚
Telegram:@rwayate
#الجزء_التاسع_والأخير
مشيت وشرحت عن كل رسمة ..متى رسمتها والسبب والمشاعر والأحسايس الي كانت معها وقت رسمتها ..وبس خلصت راحت لعند أهلها وينال معها ..سلمت عليهم وكانو مفتخرين فيها كتير ..
كانو عم يطلعو ع ينال نظرات استغراب لأنو هي اول مرة بشوفو ..
ينال : هي الصغيرة نيسان ..وانت أتوقع عمر توئم آية ..وانت علي ..انتِ ما بعرف مين ..أم آية ..وأبوها ..تشررفت بمعرفتكم ..
زادت نظرات الأستغراب ..
ينال كمل وحكا : معكم حق تستغربو ..كيف بعرفكم وانتو ما بتعرفوني ولأول مرة بتشوفوني ..انا بكوون..يعني ..
آية : ينال بكون أخي ..الي لعبت معو لعبة الزواج ..
ينال : اي بقينا مع بعض خمس سنين ..
آية : بعدين هربني لهون ..
سلمو علي ورحبو في كتير ..وتشكرو كتير لأنو قدر يجمعهم بآية بعد سنين ..
ينال بصوت واطي : آية..
آية هزت براسها بمعنى اي ..
ينال : بدي اسرقك شوي بعد المعرض اي؟
آية فرحت كتير وبتسمت ابتسامة خفيفة.
Telegram:@rwayate.
خلص وقت المعرض وآية ودعت أهلها وحكتلهم انها رح تقضي شوية وقت مع ينال ويوصلها لبيتها ..
راحو ع جنينة قريبة من المكان وقعدو ع الأرض الخضرا ..
آية : ينال ..مو عرفانة شو احكي جد..هلأ انت عملت شي ..عم بحلم في من زمان وكان أشبه بالمستحيل ..لك تخيل كتير لوحات نباعو وبسعر كتيررر منيح..جد ما رح وافيك حقك لو شو ما عملت ..
ينال : آية بعرف انك هلأ ملخبطة كتير ..بس بدي أحكي وبدك تسمعيني ..رح تفهمي كلشي .وازا بدك أسألي ..
آية هزت براسها وينال بلش : من لما رحتي ..حسيت روح مني وطلعت ..كان خيالك عم يلحقني بكل البيت ..بكل شبر بالبيت الك أثر ..أواعيكي ..مكياجك الخفيف ...ألوانك ورسماتك ..ريحتك المميزة ..
عشت اصعب فترة بحياتي ..تعلقت فيكي لدرجة ما قدرت انساكي ..وصلت لحالة نفسية متل الزفت والدكتور رفيقي ..قترح علي اهرب واترك كلشي وراي ..لأنو طول ما انا بهداك البيت ..ما رح اتحسن ..لمعت الفكرة ببالي ..طرحتها ع أهلي وهمي عترضو طريقي وما وافقو ابداَ ..ما كان بأيدي غير طريقة وحدة..وهي انو قلتلهم اني بعرف الحقيقة..وبقيت معهم احترام للحنان الي اعطوني يا وكأنهم امي وابي الحقيقين ..وقتها ما حكو شي ..وطلعت من المنظمة ورحت لبلد تانية وبلشت جامعة ..سائت اواضاع البلد السياسية كتيييرر ..وما كان بأيدي غير أنقل ملفاتي وآجي كمل تعليمي هون ..وبهداك اليوم كانت أول محاضرة لألي..لما شفتك ..
Telegram:@rwayate
اكيد عم تسألي ..ليش تصرفت معك هيك ..آية انا بلوم حالي ع كلشي صار معك ...بلوم حالي ع الظلم والضرب والوحشية الي تعرضتي لألها بهداك الوقت ..خفت ادخل ع حياتك من جديد وخربها متل قبل ..أو خفت يكون في شب بحياتك ..هاد كان أكبر مخاوفي ..تكوني حبيتي شب وتعلقتي في ..بينما انت لحدا تاني الهوا الي بتنفسو ..يعني انا ..بحبك كتير ..خفت كتير ارجع لحياتك من أول وجديد ..بعدها عرفت انو انت مو مرتبطة ..وحكيت لازم خليكي تسامحيني ..
آية وهي مصدومة ما عم تصدق الي سمعتو: يعني ..جد عم تحكي ..انت ؟ انت بتح ب ني؟
ينال نتبه ع حالو انو عترفلها بحبو قبل شوي ..حمر وجهو وما عرف شو يحكي ..
آية : ينال احككيي.
ينال : اي بحبك بحبك ..لو سمعتي قلبي من سنين كان فهمتي قديش بحبك ..لو شفتي عيوني كيف بضعفو قبالك كان فهمتي ..لو عرفتي قديش انت نقطة ضعفي ..كان ما وصلنا لهاي النقطة ..بجوز انت ما بتح..
وقبل ما يحكي آية حطت أيدها ع تمو وحكت : لا لا ..انا ما بحبك..انا بعشقك ..انت كياني كلو..انت الروح الي حبيتها وبعمري ما مليت منها ..انت القلب الي حبني رغم كلشي ..انت نوري بالعتمة الي كنت فيها ..انت عم تلوم حالك ع اشياء كتير انت ما كنت الا الضحية فيها ..انت كنت حبي الأول والأخير
ولساتك هيك ..ازا ملاحظ حكيت قبل شوي انو انا ممكن حب حد غيرك ...لك انا من بعدك قلبي تسكر علي ..لو جابولي أحلى شباب البلد ما رح يفرق معيي شي..لأنو حبك عمة ع قلبي وبطلت شوف شي ..
ينال ودمعة نزلت من عيونو : بفهم من هيك انو انت بتحبيني ..؟وانو حبي مو من طرف واحد؟ وانو رح تكونو ملكي انا بعد هاليوم ؟
آية : رح كون ﻷلك ..رح يصير الشي الي حلمت في دايما ..انا حبيتك من زماااان ..حبيتك بالوقت الي كنت في مش شايف غير لورين ..قلبي حبك رغم كلشي ..ولما تركك حس بقطعة منو ضلت بهداك المكان ..
ينال قام وحضنها كان الحضن دافيي كتير ..ضمها لصدرو وبكيو التنين ..بعد هالسنين عترفو بحبهم لبعض ..وكانو لبعض ..
آية : ينال تأخر الوقت صار لازم روح ..
Telegram:@rwayate
ينال : ماشي متل ما بدك ..
ركب بسيارة ووصلها للببيت ..باسها من خدها وطلع بسيارة وراح ..
وآية دخلت ع البيت عم ترقص ..مسحت مكياجها ولبست البجامة بخمس دقائق ..بعدين سمعت صوت دقة خفيفة ع شباك غرفتها ..فتحت الشباك كان ينال ..
آية : لك شوو عم تعمل هوون..؟؟؟
ينال : نزلي بسرعة ..
آية نزلت وفتحت الباب كان ينال واقف هنيك ..
آية : نسيت شي ؟ ليش رجعت لك الوقت تأخر ..

ينال : آيية ..
آية : اي؟
ينال نزل ع الأرض وطال من جيبتو الي بتفتح الكولا ..وقلها : لا بتكبري ..لا بتصغري ..مبيشبه جنونك حدا ..بتقبلي تتزوجيني يا مجنونتي؟
آية وقفت متجمدة بمكانها ما عم تفهم شي ..هلأ جد ينال واقف قبالها بأيدو حلقة الحديد هاي وعم يعرض عليها الزواج؟
آية : لك ينال قوم بلا هبل شو عم تعمل هلأ اهلي بسمعوك..
ينال : آيييية جاوبي .
آية ضحكت والدموع بعيونها وحكت : اي موافققةة يا ابو عيون عسلية ..
لبسها الشي الي بشبه الخاتم بأيدها وحضنها ولف فيها لحتى وقعو تنيناتهم ع الحشيش الأخضر الي ع الأرض ..
آية : لك قوم قوم بسررعة ..
ينال : من أيمتى تقلانة ولي ؟
Telegram:@rwayate
آية : سكوت انت ضعيف ما عندك عضلات ..
ينال : انااا؟؟؟ كل هالعضلات ومو عاجبينك ؟؟
آية باستو من خدو بسرعة وحكت : تصبح ع خير يا قلبي ..
وراحت بسرعة وهو بقي مكانو عم يحاول يستوعب الي صار ..حكتلو يا قلبي وباستو من خدو !
مشيت لحتى وصلت غرفتها وهيي عم تضحك ..وعم تحكي : سجل يا تاريخ ..بنت نعرض عليها الزواج وهيي باليجامة وحفاية البيت ..
بعد فترة تخرجت آية وينال من الجامعة وعملو عرس حكت في حارات الشام كلها ..
كانت متل الملكة بالأبيض ..وهو خطف قلوب كل حد كان هنيك ..لبستلو الأبيض قبل هاي المرة آي ..بس هاي المرة لبستو وقلبها عشقان ينال ومو شايف غيرو ..لبستو للشخص الي حبتو طول السنين الي مرقت وكانو لبعض ..كانت أحلى ليلة بعمرها ..
وهلأ ينال وآية عندهم بنت عمرها سنتين ونص وأسمها مرام ..كانت بتشبه ينال كتير بالشكل ..اما بالحكي والحركات كانت بتشبه مرام ..
Telegram:@rwayate
ينال : حبيبة قلبي ..مين بتحبي اكتر ماما ولا بابا ؟
مرام بكلمات متقطعة : ماما ..
آية طلعت علي بنظرة النصر هديك ..
ينال : طب وازا جبتلك لعبة حلوة وكبييرررة ؟
مرام : بحبك انت ..
ينال حمل مرام وطلع ع آية وحكا : شفتي كيف؟
آية قربت عليهم وحكت : ما بقبل تعلم بنتي الرشوة ..غش هيك ..
ينال : يييي انا علم بنتي هيك ؟ الله يسامحك ..لك هي قلبي بحبها يا عمري انا ..وباس مرام من خدها ..
آية : اي حلو وانا ما الي وجود ..
ينال : شو بشوف في حدا غيران ..
آية : اي بدي غار ..مو ع اساس بس انا قلبك وما بتحب حد قدي ؟
ينال باسها وحكا : يسعدو الغيران بس ..
آية مشيت بدون ما تحكي شي وينال لحقها ..وحكا : طيب كيف بقدر راضيكي هلأ؟
آية : انت أدرى..
ينال قرب عليها وحكا : لا بتكبري ..لا بتصغري ..مبيشبه جنونك حدا ..💫
النهاية 💚
#مبيشبه_جنونك_حـدا 💚💫

#مبيشبه_جنونك_حـدا 💚
Telegram:@rwayate
#الجزء_التالت
آية : انساك ..حكيلي عنك أنت ..
ينال : قلتلك قصتي ..يعني لو يحكولي أطلع من هون من بكرا الصبح بتلاقيني بتاني بلاد ..كنت وحيد أمي وأبوي ما عندي حدا غيرهم ..وهون عندي أخت برضاعة ..متل أختي الحقيقة وأكتر ..وفي حبيبتي الي الظروف بعدتنا عن بعض ..
آية : طب شو رح يصير فيكم ..
ينال : رح ضل حبها ..لآخر نفس فيني رح يضل قلبي ينبض بأسمها لآخر نبضة في ..شعور انو قلبك يكون ملك حد تاني شعور بجننن ..وبشع بنفس الوقت ..عمرك جربتي تحبي حدا أكتر من حالك ؟ تخافي علي من الهوا الطاير .؟وتغاري علي من نجوم السما ؟
آية : ما بعرف ..يعني كنت حب أبن خالتي لما كنت هنيك ..بس اتوقع كانت مشاعر مراهقة لا أكتر ولا أقل ..ومن طرف واحد لأنو ما كانت عندي الجرأة احكيلو ..
ينال : تحب حدا لدرجة نفسك تحطو بصندوق لألك لحالك ..ما حدا يشوفو ما حدا يحكي معو ..ملكك انت وبس ..
آية : الله يجمع كل تنين بحبو بعض ..
ينال : آمين ..تزكرت شي ..
Telegram:@rwayate
آية : شو؟
ينال : اليوم وأنا بغرفتي كنت عم بستنى أمي تحكيلي أطلع ..دخلت بنت غريبة ع الغرفة ..كانت سمرة شوي وشعرها قصير مو طويلة كتير
حكتلي أوعك أوعك تأزي آية وألا بتشوفني بوجهك ..بخليك تندم ع الساعة الي نولدت فيها وقبل ما احكي شي طلعت لبرا وسكرت الباب بقوة ..
آية ضحكت وحكت : مرااام ...
ينال : مين هي ..
آية : هي رفيقتي وأختي ..تعرفت عليها لما جيت لهون ..وهي كمان متلي نخطفت بنفس اليوم حتى ..من هداك اليوم لمبارح ماحدا قدر يفرقنا عن بعض ..
ينال : ما رح تفترقو أساسا ..ما تخافي رح خليها تيجي لعندك دايما ووقت ما بدك طلبي مني ..
آية : شكرا كتير كتير ..يعني حاسة حالي بحلم ..انت متل المعجزة تماما .
ينال : وانت معجزة كمان ..رح نقدر نلعب عليهم بدون ما يعرفو شي وهيك انا ما بكون خنت لورين وما نزعتلك حياتك ..
آية هزت راسها ..
ينال : أي صح انا رح نام ع هاي الكنباي وانت ع التخت أي؟؟
آية : ازا بدك نام انت ع التخت هاي الكنباي صغيرة عليك ..
ينال ضحك وحكا : لا لا منيحة ..
آية : متل ما بدك ..
Telegram:@rwayate
ينال : لسا الساعة تسعة شو بدنا نعمل ..مو نعسان كمان ..
آية : ولا انا ..
ينال : عندي فككررة ..قام من مكانو بسرعة وبلش يفتح بالجوارير الموجودة لحتى رجع ع الكنباي وبأيدو وراق لعب "شدة"
آية : رح نلعب ؟!
ينال : اي وين المشكلة .؟
آية ما قدرت تسيطر ع حالها وضحكت بصوت عالي بعدها وقعت ع الأرض من الضحك
ينال ضحك وحكا : بعرف انو الأشي كتير سخيف ..بس شو أعمل هاد الحل الوحيد لنقتل الملل ..
آية : أي معك حق ..
ينال رجع ضحك وحكا : سجل يا تاريخ تنين بليلة عرسهم بلعبو شدة ..
آية : لعلمك ما رح تقدر تغلبني شاطرة كتير فيها ..
ينال : رح نشوف ..هند ما هيك؟
آية : اي اي ..
لعبو وضحكو مع بعض والوقت سرقهم بدون ما ينتبهو ..
آية : شفتك شفتك سررققت الورقة وحطيتها بالزبالة ..
ينال : انااا؟؟؟ لااا
آية : أفتش ولا تعترف ؟
ينال : طيب ماشي بعترف ..لك شو هاد من أول اللعبة والحظ معك ..مو عدل ..
آية : أولا اللعبة مو حظ ..اللعبة زكاء تانياَ الي ما بعرف يرقص بحكي عن الأرض عوجا ..
ينال : ها ها ها كتير بضحك ..
آية : اعترف انغلبت ..
ينال : لا ما نغلبت ..
Telegram:@rwayate
آية : طيب امشي نلعب كمان لعبة أرد أغلبك كمان مرة ..
ينال : ما بدي اللعبة مملة أساساً..
آية : طيب ماشي ما تعيط عشان نغلبت ..
ينال ضحك وحكا : آيية ..
آية حطت أيدها ع تمها وحكت : خلص آسفة ولله ..
ينال : شو رأيك نلعب انو نسأل بعض أسألة وهييك ..
آية : موافقة ..
ينال : رح بلش ..
آية : يلا ..
ينال : لو خيروكي تفقدي مرام من حياتك تماما ترجعي لأهلك وعيلتك بتوافقي؟
آية : ما بعرف ..
ينال : ما دخلني ..يلا جاوبي ..
آية : أكيد ما رح أفقد مرام ..لأنو هي جزء من حياتي ما بقدر أتخلى عنو ..وما بتركها لحالها اكيد..
ينال : طيب دورك ..
آية : لو خيروك تفقد حبيبتك ولا أختك ؟
ينال : حبيبتي ..لأنو حبيبتي بتروح بيجي غيرها بس أختي مين بدو يجي بدالها ..
آية : دورك ..
ينال : شمس ولا قمر ؟
آية : قمر ..ليل ولا نهار ؟
ينال : ليل .. علي ولا عمر ؟
آية : عمر ..
آية : تترك كلشي هون العيلة الي ربتك وتعبت عليك وتروح من هون بتتجرء تعمل هيك شي؟
ينال : اي بتجرء ..انا ما بتركهم يعني مجرد سفر لبرا شوف الحياه من الوجه التاني الي ما عتدت شوفو ..
آية : اي ..
ينال : شو كان نفسك تصيري بالمستقبل؟
Telegram:@rwayate
آية : كان نفسي أدرس تخصص فنون ..وأفتح معارض وحط رسماتي هنيك وهيك ..يعني مجرد حلم طفولة تافه ..
ينال : بتحبي الرسم .؟؟
آية : أي كتير ..يعني من وقت ما اجيت لهون
أيدي ما مسكت ريشة ولا قلم ..
ينال : ليش ؟!!
آية : الرسم بدو روح حلوة ..وأنا الروح الي فيي ماتت من هداك اليوم ..أساسا انا متت روحياً جسدي بس الي ضل ..
ينال : بعين الله ..
كيف كانت الأربع سنين ؟

#مبيشبه_جنونك_حـدا 💚
Telegram:@rwayate
#الجزء_الرابع
ينال وهو عم يضحك بصوت عالي : اخ بطني ..مو طبيعية ..
آية : كانو يسموني القطة السودة ..عشان شعري أسود وعيوني سود وهيك يعني شيطانة ..
ينال : معهم حق ولله ..
آية :قديش حابة ارجع ع هديك الأيام وجننن المدرسة كلها ..ودفش البنات وعمل العجايب ..اه سماع سماع هلأ المشارب كانت بآخرها في محبس بسكر وبشغل المي ..فكنا نوقف انا وصاحبتي هنيك ونقعد نحكي ونضحك وانا امد أيدي لأنو ايدي طويلة وأطفي المحبس ولي بشربو يحكو ييي ليش طفت بعدين بس يقربو عليها اشغلو ويرش عليهم أخ يربييي لو تشوف اشكالهم ككييف ببكونو زي القطة بس تتحمم ..واحنا منروح ييييييييي يحرااام ومنشف فيهم ..
ينال : بتقتلو القتيل وبتمشو بجنازتو ..
آية : هيك شي ..
آية : وكك شوف قديش الساعة صارت الحكي سرقنا وما نتبهنا للوقت .. "وهي عم بتأشر ع الساعة الي ع الحيط قبالها"
Telegram:@rwayate
ينال : صارت وحدة ونص !! بسرعة مرق الوقت ..يلا روحي نامي ..
آية : تصبح ع خييير ..
ينال : وأنتِ من أهلو ..
آية نامت بسرعة من النعس انا ينال ضل عم يفكر بلورين وشو عم تكون بتعمل هلأ ..
ولما طلع الضو ..
ينال : آية آية يلا قومي هي رابع مرة بصحيكي فيها ..
آية : بس شوي خلينا نام بس شوي ..
ينال شال الحرام عنها بسرعة وقال : ولله برش عليكي مي ..لك بدنا ننزل ع الفطور مع العيلة كلها شو بدهم يحكو عنا اه؟
آية : يحكو شو ما يحكو بدي نام ..
ينال عرف انو ما رح تفيق غير بالمي ..جاب كاسة مي ورشها عليها ..
آية : لكككك شووو عمممللت ..
ينال : ما كنت تفيقي غير هيك .."
آية : اف منككك بس..
ينال وهو عم يضحك : يلا هيني بستنى هون دخلي لبسي وتعالي بسرعة
قامت آية وهي عم تفرك عيونها وتتأفف ..غيرت أواعيها وطلعت ..
ينال كان يضحك بسر ..
آية : ليش عم تضحك في شي بشكلي؟؟
Telegram:@rwayate
ينال : ما علموكي انو العروس بس تنزل لازم تكون حاطة مكياج وأكسسوارات وهيك اشيياء؟
آية : ما بحب هاي الأشياء خلص هيك منيح ..
ينال : لك آييية لازم تحطي بتعرفي أمي هلأ بتصير تحكي ..خلص حطي بعينك الله ..
آية حطت مكياج خفيف وإكسسوارات وطلعت بتجننننن ..
آية : هيك منيح ينال بيك؟
ينال : اي اي طالعة بتجنني ..سمعي بتبوسي أيد امي وأبي بعدين بتقعدي قبالي ع الكرسي اي؟ يلا هاتي ايدك ..
نزلو ايد بأيد وبلشو أكل ..وكان ينال عم يتقن اللعبة مزبوط ..عم يطعميها بأيدو ويناديها حبيبتي وعمري ومن هالحكي ..وهي تحاول تندمج معو قدر الأمكان ..
وبس خلصو أكل ينال حمل شنتتو الشغل وآية لحقتو لتوصلو للباب الخارجي ..
ينال :ايي رح نستمر هيك كل يوم ..وانت مثلتي مزبوط ..برافوو..
آية : وانت ما شاء الله عليك ..ليش ما طلعت ممثل ؟
ينال ضحك وحكا : يلا باااي المسا بشوفك ..
آية : الله معك ..
Telegram:@rwayate
قضت آية اليوم عم تشتغل معهم وبعدين راحت ع غرفتها تقرأ ..كانت بتعشق اشي اسمو روايات وقراءة ..ومتى ما كان الوقت يسمحلها كانت تقرأ ..
ولما حل المسا ينال دخل ع الغرفة وكانت آية عم تقرأ..
آية : اهلاا ..
ينال : شو عم تقرأي..
آية : رواية ..
ينال : ونا بحب القراءة خلص بس تخلصيها بتعطيني اقرأها ..
آية : تمام ..بس شو الي ورا ضهرك ؟
ينال مد أيدي وكان في شي كبير مشيت آية لعندو أكتر وحكت : شو هاد
ينال : فتحي بتعرفي ..
آية : لألي؟
ينال : اي ..
آية فتحتو ..وهون كانت الصدمة ..كان لوح للرسم متل الي كان عندها زمان ...قديش شتاقت لهيك اشياء ..وكان في الوان كتيرة وريش واقلام ..
آية : ما عم صدق ..ينااال ..
Telegram:@rwayate
ينال : من يوم وطالع رح ترجعي ترسمي ..وهيك بتقضي وقت بدل الملل وهيك ..
آية : جد مو عارفة شو بدي قلك ..شكرا كتير ..
ينال : يلا حطيها بزاوية هي وبلشي رسم ..
حطتها بزاوية متل ما قلها ومسكت الريشة ..اول ما مسكتها رجعت فيها الزكرى لآخر مرة مسكت الريشة فيها ..هداك اليوم الملعون وهديك الرسمة الي ما كتملت ..وقعت الريشة من أيدها وبلشت ترجف ..قرب عليها ينال بخوف وحكا : آية انت منيحة ..؟؟
آية : خايفة ..ما بقدر ..
ينال : لا بتقدري ..هاي موهبتك ولازم تنميها ..يلا مسكيها كمان مرة ..
آية : ما رح أقدر امسكها كمان مرة ..هديك الليلة كانت آخر مرة مسكتها فيها ..بخاف ..
ينال نزل وجاب الريشة ومسك أيدها وحطها ع الكراسة أيدها وأيدو والريشة وحكا وهو عم يضحك : شو نرسم ؟
آية ضحكت وحكت : ما بعرف .
ينال : انا بعرف ارسم شخص كتير حلو هو الوحيد الي بعرف ارسمو ..
آية : جددد؟؟؟ ما كنت بعرف انك شاطر برسم .. يلا ارسم لشوف ..
ينال ضحك ورسم شخص اجريي خطين وأيدي خطين وراسو دائرة ..وحكا : هاي موهبتي شو رأيك فيها ؟؟
آية : لا مبدع الصراحة ..
ينال : فرجيني ابداعك ..
آية : روح أقعد ع الكرسي هداك رح ارسمك ..
ينال : انا ؟
آية : في حد غيرك بالغرفة ؟
Telegram:@rwayate
ينال طلع يمين وشمال بعدين حكا : لا ..
آية : يلا عم قلك ..
ينال راح وقعد ع الكرسي ..

#مبيشبه_جنونك_حـدا 💚
Telegram:@rwayate
#الجزء_الخامس
آية : بعرف الشي الي رح أحكي ما رح يعجبك ..بس بنفس الوقت هني الناس الي ربوك وتعبو عليك ..رغم كل أغلاطهم بضلو الناس الي قلتلهم ابي وامي ..
ينال ما حكا شي ضلو ساكت ..
آية : رح تفتح الموضوع معهم ؟
ينال : ما بتوقع عندي الجرأة لأعمل هيك شي ..
آية : خلص انسى ..شي ضضل بالماضي ..لو انا محلك كمان ما بفتحو وبحكي معهم بخصوصو..
ينال : هلأ كل ما بدي أطلع بعيونهم رح شوف صورة ابوي وهو ميت بسببهم ..
آية : بعين الله ..
ينال : خلص انسيكِ من الموضوع ..آه صح تزكرت ..اليوم رحت عند لمى خانم وتفقت معها انو تلتقي مع مرام بكرا الصبح عند النبعة ..
آية : جد عم تحكي؟؟؟ رح شوف مرام ؟
Telegram:@rwayate
ينال : ايي..وضلي معها طول اليوم وبس بدك ترجعي رنيلي آخدك اي؟
آية والضحكة ما عم تفارق وجها : اي اي ..ينال انا كيف بدي وافيك حقك
ينال : بكفي الي عم تعيشي هلأ بسببي ..
آية : اوعك تحكي هيك شي مرة تانية ..انت شو زنبك ؟؟؟ يعني لو مو انا كان وحدة تانية ..بعدين انا مبسوطة معك كتير ..مو ع أساس احنا رفقات وما في هيك اشياء بينا ؟
ينال : مو رفيقتي وبس ..انت اختي ..
الصبح صحيت ع بكير لبست اواعيها ونزلت لعند النبعة ونطرت مرام لحد شافتها عم تمشي من بعيد مشيت لعندها بسرعة وحضنتها ..
آية : يا قلبيي شو شتقتلك ..
مرام : مو قدي ولله ..
قعدو قبال النبعة وبلشو يحكو ..
مرام : ايي شو صار معك ؟ عم يعاملوكي منيح؟ مبسوطة؟
آية : صار شي ما بتتوقعي ابداً..
مرام : احكي احكي..
آية : هلأ بليلة عرسنا تفقنا نلعب لعبة ع كل الموجودين هنيك ..انو نحنا متزوجين ومبسوطين بس بالحقيقة نحنا رفقات ..يعني بهديك الليلة قعدنا نتعرف ع بعض ونضحك ونلعب شدة ..
مرام وهي مصدومة : جد عم تحكي؟؟؟؟
آية : متل الحلم صح؟
Telegram:@rwayate
مرام : اي اي ..طيب ليش ليعمل هيك شي ؟
آية : بحب بنت تانية ومتعلق فيها كتير وهو عارف انو ما بحبو فهاي الطريقة الوحيدة الي بنكون نحنا التنين مرتاحين فيها ..
مرام : ما توقعت يطلع واحد منيح ..لأنو ما بيطلع من نيسرين غير ال..
آية : هو مو ابنهم الحقيقي ..يعني تبنو فهمانة علي؟
مرام : آآآه...المهم انو انت بخير ما هيك؟
آية : اي وكتير..لو تشوفي قديشو طيب ومنيح ..كلشي بطلبو بجيبو وما بزعلني وبسهر ع مرضي ..متل أخي بزبط ..
مرام : لسا في ناس منيحة بهالبلد !
آية : المهم هلأ انت منيحة ؟
مرام : الحمد لله ..
آية : وجهك تعبان ونحفانة كتير ليش؟
مرام: مرضت شوي من فترة بس هي عافيتي عم ترجعلي .
آية : يقلبي عليكي ..سلامتكك.
مرام : الله يسلمك .
آية : كيف عم تعاملك لمى ؟
مرام : عادي متل دايما ..
ضلو عم يحكو ويضحكو ويمزحو مع بعض لحتى تأخر الوقت وآية تصلت ع ينال لحتى يجي ياخدها ..وبس وصل لعندها كانت عم تستنى قبال النبعة
Telegram:@rwayate
آية : ينال ..خلينا شوي هون بعدين منرجع ع البيت اي؟
ينال : متل ما بدك ..
آية : شو عملت بشغل اليوم .
ينال : ولا شي متل المعتاد ..ورحت لعند لورين شوي حكينا مع بعض قضيت وقت معها وأجيت ..
آية : كيف هيي منيحة ؟؟
ينال : اي منيحة ..
آية : الله يخليكم لبعض ..
حكو مع بعض كم ساعة عن مواضيع مختلفة ..ضحكو ومزحو مع بعض لحتى مرق الوقت وما نتبهو ..
آية : دوري رح أسأل..
ينال : يلا ..
آية : غنيلي مقطع غنية حلو ..
ينال :اولا هاد مو سؤال تانيا صوتي مو حلو ..
آية : طيب ولو يعني بدي اسمع .. هيك مقطع حسيتو لألي..
ينال فكر شوي بعدين حكا : لا بتكبري ..لا بتصغري ..مبيشبه جنونك حدا ..فيكي العمر شمة عطر وكتير ماشي ع الهدى ..
Telegram:@rwayate
آية : مطرح مكنتي صوت والكون كان سكوت خلقو ولاد جداد والزهر صار بيوت ..
ينال : المقطع لألك ..لأنو مبيشبه جنونك حدا ..
آية : جد؟؟؟؟
ينال : اي ..انت الحدا القوي والمجنون ولي روحو حلوة رغم وجع قلبو جد مبيشبه جنونك حدا ..
آية خجلت وحمرو خدودها ..
ينال : خلص ما تصدقي حالك ..
آية ضحكت بنبرة استهزاء
مرقت الأيام وآية زاد تعلقها بينال بشكل كبير ..صار جزء مهم كتير بحياتها ..كان رفيقها وأخوها وبئر اسرارها ..وهو نفس الشي ..
آية بغرفتها عم تستنى ينال لحتى يرجع ع البيت ..تأخر كتير ..عم تروح يمين وشمال وتخطر ع بالها افكار بشعة ..
آية : ليكون صرلو شي؟ لا يربي ..وينو ..
فجأة ينال بفتح الباب وبدخل ..آية بس شافتو ركدت وحضنتو بسرعة ..
ينال واقف متل الصنم ما فهم شو الي عم يصير ..
آية : الحمد لله ..انت منييح ..
ينال وهو عم يضحك : لك شبك ؟؟
آية : لك انت الشي الوحيد الي ضللي بهاي الحياه من دونك شو كنت بعمل اه؟وين كنت ليش تأخرت هييك ..
ينال : طب شو في ليش عم تحكي هيك ..
آية : لك خفت عليك ..ما عرفت أنام ..متعودة شوفك قبالي بحس بالأمان ..
ينال : مجنونة ..لك قعدت مع لورين عند النبعة ونسيت حالي وتأخر الوقت بدون ما انتبه ..
آية : اي ..
Telegram:@rwayate
ينال : ما بدك تتركي ايدي بدي روح اقعد تعبان ..

#مبيشبه_جنونك_حـدا 💚
#الجزء_الأول
Telegram:@rwayate
كان يوم عيد ميلادي ..بطبق ال15 خريف ..ما حد من العيلة كان متزكر انو آية نولدت بهاد اليوم ..لمحت بس ما فهمو علي ..رحت ع غرفتي ومسكت كراستي وبلشت أرسم رسمت شي مشتت مخربش..لأنو تفكيري كان هيك تماما ..كنت زعلانة ومو جاي ع بالي شوف حد او احكي مع حد ..وبنص حواري الداخلي , دخل أخي عمر ع الغرفة وقلي : آية آية
قلتلو ونا عم أرسم ومو معطيتو أهمية : مو جاي ع بالي اسمعك طلاع لبرا ..
عمر بسرعة وصوت في كمية خوف كبيرة : آية بسرعة ..امي مو منيحة أبدآ خايف يكون صرلها شي ..أغمى عليها فجأة ..
قمت من مكاني وسقطت الكراسة والقلام ع الأرض وحطيت أيدي ع صدري من الرعبة :أمي ؟!!!!
مشيت بسرعة فتحت الباب وطلعت وهون كانت الصدمة الأكبر ..كانت العيلة كلها متجمعة حولين الطاولة ..عليها كعكة كبيرة وأشياء زاكية ومزينة بطريقة حلوة وكل الصالون بلالين وصور لألي
نصدمت وصرت أضحك وأبكي بنفس الوقت ..لفيت وجهي كان اخي عمر عم يضحك عليي ..ضربتو ع صدرو ضربة خفيفة وقلتلو : لازم نخليك تمثل بشي مسلسل ..لازم ..
قعدنا ع الطاولة وحكينا وضحكنا كتير ..
أم عمر : يا رب تعقلي وتبطلي مجننة ..
عمر : أمي بتعرفي متى بتعقل؟
انا وعم عم بستهزء في : اي ؟
عمر : بس تشرق الشمس من الغرب ..
Telegram:@rwayate
آية : لا نغش كتير ..
علي أخوها الكبير : هاي حصتي محد يحكي عنها ..
آية : كلكم ضدي الا اخي نور عيوني ..يخليلي ياك ..
عمر :ماشي يا آية ..الحق عليي انا , تعبت حالي ومثلت وعملتلك آكشن ..وحزري شو كمان ..
آية : شو؟
عمر مد أيدو الي كانت ورا ضهرو وكان في صندوق صغير ..فتحتو بلهفة ..كان في اسوارتين متل بعض كتير حلوين ..حضنتو بسرعة وقالتلو يسلمو كتيرر..
عمر : هاد سوار التوئم رح يضل بأيدك لآخر يوم بعمرك..وقت تزهقي تتوجعي تزعلي ضمي لقلبك انا رح اسمعك ..ونفس شي رح اعمل انا ..وعد؟
آية : وعد رح يضل بأيدي ..بس ما بوعدك بشي التاني ..لأنو بهداك الوقت رح آجي وضمك انت ..
عمر : بكفي رومنسية زي العنجد..
آية : يسعدلي الخجلان بس ..
Telegram:@rwayate
كل حد فيهم أعطاني هدية أحلى من التانية ..بعدها رنو علي رفقاتي وحكو انهم عاملين حفلة مشاني ..ببيت رفيقتي الي بيبعد عني شارع ونص ..لبست أواعيي ونا طايرة من الفرحة ومشيت بشارع ونا عم نط وأرقص وغني ..فجأة وبدون سابق إنذار وقفت سيارة سودة كبيرة بالعرض لحتى سكرت الشارع من قدامي ..رجعت لورا خطوة بعدها خطوتين وبلشت أركد نزلو تنين لحقوني ومسكوني قاومت صرت صرخ بس خدروني..بعدها أجيت لهون ..لهاد السجن ..تخيلي ؟ مرقت اربع سنين ..كأنهم عمر كامل ..عم حس حالي بنت بالسبعين من عمرها ..عم حس وكأنو طاقة آية كلها نفذت ..كأنو محل قلبي صار في حجر ..لو شو ما صار فيي ما رح يهز شعرة مني ..
مرام والدموع ع خدها : تخيلي وانا كمان الي اربع سنين هون ..متل هاليوم نخطفت انا وياكي ..ما كنا منعرف بعض ..بس بهداك اليوم وبصدفة بشعة صرنا رفقات ..
آية : خوات ..مو رفقات ..
مرام : بكل سنة ومتل هاد اليوم منحكي قصتنا لبعض ومنبكي ع حالتنا ..قديش ضعيفين وعاجزين ..
آية : الله بعين ..
مرام : بتعرفي ..لسا عندي أمل انو بيوم رح أطلع من هون ..بجوز بالنعش او ع أجريي ..بس رح أطلع من هاد السجن .
آية : رح تطلعي يا أختي رح تطلعي ..
مرام : وانت معي ..
آية ضحكت ضحكة وكأنو فاقدة الأمل : هون بيتي وهون رح يكون قبري ..خلص ما في أمل اطلع من هون ..حتى التفكير بالموضوع أشبه من المستحيل ..
Telegram:@rwayate
مرام : ما في شي مستحيل ..
قطع حديثهم الدخول المفاجئ ..قامو من مكانهم بسرعة وعيونهم ع الأرض ..مشيت لمى خانم لعندهم ..وبلشت تمشي يمين شمال شمال يمين ..وهي عم تطلع ع وجوه البنات ..
مرام بصوت واطي : شو في ..
آية : الله أعلم ..
لمى خانم بصوتها الضخم وهي عم تمرر أيدها ع البنات : أنت وأنت وبعدها مسكت شعر آية وحكت وهي عم تبتسم : وأنت ..
لفت وحكت : لحقوني نسرين خانم بدها ياكم ..
كان في بنات بأيديهم سلاح بوقفو ع باب الغرفة هاي دايما ..دخلو لجوا وسحبو البنات التلاتة بالقوة ..
مرام : لك لويين ماخدينهمم ..
آية : ما تخافي ..ما رح يصير شي..
مرام : آيييييةة ..
آية : مرام ..أختي ..بحبك..ضلك قوية متل ما انت ايي؟؟
مرام : آية ما تحكي هييك بترجاككيي ..
Telegram:@rwayate
صرخت وحدة من البنات وحكت : خرسي انت وياها وانت نقلعي لجوا "وهي عم بتأشر ع مرام وعم تسحب بآية ..
دخلو البنات التلاتة لغرفة حلوة كتير ..وقفو جمب بعض والدموع بعيونهم
دخلت مرة بالأربعين من عمرها تقريباً ..ملامحها بتوحي انها انسانة متل باقية الي هون ..
وقفت قبالهم وحكت : طلعو فيني ..
رفعو نظراتهم شوي شوي لحتى لتقو مع عيونها ..ضلت ساكتة عم تطلع ع تفاصيل وجههم ..بعدين حكت وهي عم تبتسم ابتسامة خبيثة وعم بتأشر ع آية: هي الحلوة ..
آية عيونها تملو دموع والخوف الي بقلبها كان كبير ..وأيديها عم يرجفو ..

#مبيشبه_جنونك_حـدا 💚
Telegram:@rwayate
#الجزء_السادس
مرام وهي عم تحكي شوي شوي وبصوت وكأنو عم يطلع من جوا ..: أختي ..ما كان بدي يصير هيك ..آسفة يا عمري ..
آية وهي عم تبكي وترجف: لك شو عم تحكي مراام طلعي فيني مراام ..
مرام : آية انا خبيت عنك ..ما حبيت تشوفيني ونا ضعيفة ..حبيت ضل بزاكرتك البنت القوية دايما ً ..اختي بحبك ..
غمضت عيونها شوي شوي ورخت أيدها من أيد آية
آية صرخت وكأنو بهاي اللحظة الكوكب كلو سمع صوتها : اختتتتييييي مراام لا تتركيينييي لا تعمليها انت كمان ..اخت انت آخر حد ضللي بحياتي خليكي ..خدي من عمري وضلي ..أختييي ..ينال مسكها وهي ضلت عم تضربو ع صدرو وتصرخ بأسمها ..قربو وحطو الغطا ع وجه مرام ..
آية : لاااا لااا ما تحطووو ..اختي ما مااتت انتو غلطانين ..لك شيلووو عنها هلأ بتنخنق اختي ما بتخاف من الخنقة ..لك ليش ما عم تردو ..مرام ردي عليي..
ينال مسكها وحضنها بقوة وهي قاومت اول شي بعدين نزلت أيديها وبلشت تحكي بصوت واطي : مرام اصحي ..مرام ما تتركيني انا كمان ..اختي ..
ينال : البقية بحياتك ..
دفنو مرام قدام عيونها ..تزكرت كلماتها بس حكت انو رح تطلع من هاد المكان اما ع رجليها اما بالكفن ..وليكا طلعت بالكفن ..كانت آية منهارة ..قلبها ما عاد تحمل وجع ..تمنت تكون هي الي بالكفن بدل مرام ..كانت ضل تسأل ليش انا ..ليش انا محكوم علي اخسر كل الناس الي بحبهم ورا بعض ..ليش ..
Telegram:@rwayate
رجعت من الجنازة ع غرفتها هي ومرام ..نامت ع تختها لمرام وحضنت مخدتها وشمت ريحتها ..بعدها قامت لتفتح الخزانة وتشوف اواعيها وتحضنهم ..شافت صندوق اول مرة بتشوفو ..
حملتو وقعدت ع تخت وفتحتو ..كانت فيها بلوزة..تزكرت قصة هاي البلوزة ..لما اجت لهون ..كانت آية بلوزتها ممزوعة والدنيا شوي برد ..ومرام كانت لابسة بلوزتين أعطتها وحدة لحتى تدفى ..وكانت هاي البلوز نفسها الي
Telegram:@rwayate
بالصندوق ..حملتها وشمت ريحتها ..بعدين وقع رسالة منها فتحتها وبلشت تقرأ : آية ..يا عيوني ..ازا عم تقرأي معناتو انا هلأ بالكفن ..وانت ماسكة هالمكتوب وقلبك موجوع .. سمعيني يا اختي ..قبل شي شهر عرفت انو معي هداك المرض وبالمراحل الأخيرة حكالي الدكتور انو معي شهر لعيش مو اكتر ..كانت صحتي عم تروح مني كل يوم وتاني ..الشي الوحيد الي كنت زعلانة علي هو اني رح اتركك لحالك بهالدنيا القاسية ..آسفة ..يا ريت ضليت معك ..بس هاد القدر ..شو بشع حد يكتب رسالة عن موتو وهو عايش وعارف رح يموت ..بجوز ما تعرفي تقرأي لأنو الدموع كانت تخبص الحبر ..آية يا أقوى اخت شفتها بحياتي ..ويا أحن قلب وأقسى قلب عرفو قلبي..وأحلى عيون شافتها عيوني ..ضلي تزكريني لو شو ما صار اي؟ وما تنسي انو بيوم من الأيام كنت أاغلى شي بملكو انا
لو شو ما صار معك بهالحياة ضلي قوية ومن ضعفك أخلقي قوة ..حاولي تطلعي من هالجحيم وأرجعي لبيتك ولأهلك ..لو كلفك هاد الشي كتير ..حاولي المهم ما ضلي بهاد السجن اللعين ..انا ما قدرت حقق حلمي ..بس عندي امل انو انت رح تقدري تحققي حلمي وحلمك كمان ..رح تدرسي فنون متل ما وعدتيني اي؟ وأول رسمة رح تكون انا ما هيك؟ اي وبدي قلك ..تمسكي بينال لأنو الشخص الوحيد الي قلبو صافي بهالدنيا الي انت فيها .. ضلي تزكريني ..ضلي حبيني اوعك تنسيني..
Telegram:@rwayate
حضنت الرسالة بقوة وكأنها رح تخترق قفصها الصدري وتدخل لقلبها وتقعد في ..دخل لعندها ينال وشافها متمددة ع التخت وحاضنة البلوز والرسالة قرب لعندها وقعد جنبها ..
مدتلو الرسالة لحتى يقرأها .. قرأها وعيونو دمعو ع حالة آية ..ما ضللها بحياتها حدا غيرو ..
ينال : بعرف انو لو شو ما حكيت ما رح يخفف عنك شي ..بس سمعيني ..انا اكتر حد بيعرف معنى الفقد ..امي وابي تركوني ..وهني كانو الأشي الوحيد الي بملكو ..واهلي خاننو وكزبو عليي طول السنين ..وحبيبتي خانتني بدون ما يرفلها جفن بعد علاقة دامت تلت سنين ..يعني بأختصار الي ضللي هو انت ..ولسا متمسك بالحياه عشانك ..رح حاول اسعدك لو كلفني هاد الشي حياتي ..المهم شوف الضحكة عم ترتسم ع وجهك الحلو من جديد ..رح خليكي ترجعي لأهلك ورح اعمل المستحيل لتطلعي من هون
آية قربت علي وحضنتو وبكيت ع صدرو الواسع ..ما بقيلها حد غيرو ..قديش هالدنيا غريبة بتاخد منك أعز ناس عليك بالوقت الي بتفكر انو رح ضلو مع بعض عمر ..
مرقت الأيام وينال وقف مع آية وحاول كتير ليخليها تطلع من الحالة النفسية الي دخلت فيها من هداك اليوم ..كان بكل يوم حبو لألها عم يزيد وهو مو منتبه ..مو منتبه ع دقات قلبو بس يكون قريب منها ..وع لمعة عيونو بس يشوفها ..وضعفو وارتباكو بس يطلع عليها ويدقق بعيونها وملامحها الحلوة ..
Telegram:@rwayate
ينال : آية ازا بدك ما تنزلي عادي ..
آية : لا خلص لازم انزل لأيمتى رح ضل بالغرفة ..
ينال : متل ما بدك ..
نزلو ع العشا العيلة كلها وكانت اول مرة من بعد موت مرام ..وبرضو أول مرة آية بتاكل منيح لأنو ضعفت تقريبا سبعة كيلو ووجها صار نحيف كتير وأصفر ..