قصة اليوم: #مجد
.............
قراءة ممتعة🦋💙"
#ⴅÂÐЄĦÂ

دعاى #ابوحمزه_ثمالى
#فايل_صوتي
با صداى حاج قاسم #مجد

@Shahrah

#مجد
#الجزأ_الأول
#بقلم_Amna_Braze

عم راقب لهيب الشمعة كيف عم يتوهج .. الشمعة عم تدووب و تدوووب و تحرق حالا علهدا .. و انا متلا عم دوب علهدا
بابا هلفترة كتير تعبان و الشغل بلخياطة عم يتعبلو عيونو اكتر .. كتير حاولت معو ليخليني ساعدو بس عبث .. كتير خايفة افقدو .. مضللي من عيلتي غيرو .. يارب .. يارب تحميلي البابا و تطول بعمرو .. يارب

،، : مجد
مجد : اي بابا
محمود : جيبيلي كاسة مي
مجد : يلا
محمود : يسلم هلديات
مجد : صحتين و هنا

كنت عم راقب البابا كيف عم يشرب المي و كأنو عم احفظ ملامح وجهو
كرمال رسخا بذاكرتي .. ما بعرف ليش شعور المرار كان علقان بحلقي !

محمود : في شي بابا !

نزلت دمعة بلغصب و رتميت بحضنو و صرت ابكي و اشهق متل الولد لصغير الشايف كابوس .. لايمت .. لايمت لضل خايفة .. ايمت بدي ارتاح و عيش متل باقي البنات .. ابوا بصحة منيحة و مبسوطة بحياتا ... ااااخ يابي .. في كلشي مو شي واحد
صار يمسح عراسي و يحاول يهديني

محمود : اسم الله عليكي شبك يابنتي
مسحت دموعي و تطلعت في و شفافي مقوسة لتحت و عيوني رجعو تغرقو بلدموع
مجد : مشان الله يابابا حاج تهمل صحتك .. والله مالي غيرك بلدني
محمود : انا منيح يا بنتي ... انتي بس كوني مبسوطة لضل منيح
بست ايدو و كلي رجاء يكون عنجد منيح
محمود : الله يرضا عليكي

______________________________

،، : سيدي في الشب مجد العامود خبرت من الفرع انو صار بلتسطعش و لسا مو عامل دفتر عسكرية
العقيد : الشب وحيد ولا عندو اخوة؟
،، : وحيد سيدي
العقيد : مو معروف السبب ليش مو عامل الدفتر لهلق؟
،، : لا سيدي
العقيد : جبلي عنوان البيت لمر عليه بكرا
،، : حاضر

______________________________

غبت عن البابا نص ساعة و عملت عشا .. حتى خجلانة سمي هلسفرة عشا .. بيضتين و شوية لبنة و شاي
حطيت الصينية علارض و درت وشي علبابا .. نايم .. غفيان عقعدتو .. كتير عم يتعب حالو مشاني ..
قربت منو و ابتسامي يلي سبب دفا حنيتو مطبوعة عوشي بست ايدو و راسو و فاق دغري
مجد : صحيتك .. يعطيك العافية بابا .. حاجتك شغل تعال تعشا
محمود : ياالله جاييكي

تعشينا و رتكيت بفرشتي .. حاولت نام بس مقدرت .. بعدني متل ما انا .. بضل اتقلب ازا مضلت حدي امي و لعبتلي بشعري .. غمضت عيوني و نزلت دمعتي .. ماني عم سدق .. خمس سنين مرو و كأنو كان مبارح .. مابعرف كيف مرت هليلة بس كانت بشعة كتير ..
فقت الصبح عصوت تخبيط علباب و انا سامعة صوت البابا

محمود : يا اخي مين انت و شو بدك
العقيد : ياعم بدي شوف مجد العامود في موضوع بخصوص الجيش لازم ينحكا في .. خليني فوت لفهمك
محمود : جيش شو انت عم تحكي انا معندي شباب .. روح من هون احسنلك ها
العقيد : يا عمي ابنك وحيد ولازم يعمل دفتر عسكرية احسن ما ينشحط
محمود : عم قلك معندي شباب شو مبتفهم
العقيد : بس قالولي انو هون بيت مجد العامود

طلعت عصوت الصريخ و انا لافة شالي مفشكل و شوي من شعري مكشوف عقد ملتوجت

مجد : شوفي بابا

اول مشفت الشب لقدامي بلش يتفحصني من فوق لتحت بنظرات سريعة و انا بعدت نظري عنو

محمود : يا اخي روح من هون هي عاشر مرة بقلك ماعنا شباب .. مخربط بلبيت اكيد
مجد : شوفي يا اخي
العقيد : عمي يستر عحريماتك خلينا نحكي و نتفاهم
محمود : لا حول الله .. تفضل .. عملي شاي يابنتي
مجد : حاضر

دخلت اعمل شاي و ادنيي عندن .. تحرقصت اعرف شو القصة

العقيد : عمي خبروني انو هون بيت مجد العامود و عندي معلومات عنو .. يعني اسم الاب و الام و انت متل مقلتلي اسمك محمود العامود
محمود : مزبوط
العقيد : اي هاه هاد حكينا ... عمي ابنك مجد صار بلتسطعش و مو عامل دفتر خدمة علم و هيك بينشحط ازا مشتغل باوراقو انو وحيد
محمود : عمي انا معندي غير هلبنت و اسما مجد .. فدخيل عينك شراب كاسة هلشاي و تيسر لان شغلك مو عنا
العقيد : ايواه شو يعني هلحكي .. لتواخزني عمي حقك عليي

رحت و انا عم اضرب اخماس باسداس .. شو يعني هلحكي كيف مجد بكون بنت مو شب و مسجل بلدولة شب .. و قررت مر علسرايا لافهم شو عم يصير و بعد كم ساعة من البحث بلملفات تبين فعلا انو الموظف مخربط و مسجل مجد بصفة ذكر و تصلحت الغلطة بعد جهد كبير
مر يومين و قررت ارجع زور بيت السيد محمود و فتحتلي بنتو .. ضليت صافن فيا و بجمالا الغريب .. كانت لافة اشار بس نتبهت لخصلاتو السودة الغامقة باول مرة شفتا فيا .. عيونا العسلية الواسعة .. و النمش الخفيف
لو مقالتلي تفضل يمكن كنت ضليت واقف و صافن فيا

مجد : لبابا عم يصلي جوا .. شوي و بيجي

فتت اعمل كاسة عصير بردقان من شجرة بيتنا و انا حاسة بعيونو عم تراقبني

شاهر : تقبل الله ياعم
محمود : منا و منكم صالح الاعمال
شاهر : عمي بعتزر علازعاج لبدر المرة الماضية .. بس الظاهر صا في خطأ
محمود : انا قلتلك بس انت مكنت تقتنع
شاهر : القصة مو هيك
محمود : لكن!
شاهر : وقت سجلت بنتك الله يحفظلك ياها .. خربط موظف السرايا و سجلا

ذكر
محمود : بس كيف هيك و علهوية مسجلة بصفة انثى
شاهر : الظاهر نسو يصلحو هلخطأ بلسجلات .. عكلن حصل خير و كسبنا معرفتكون

ضيفت مجد العصير و بكل ادب و حتى بلا اي كلمة راحت و حتى مرفعت نظرا عن الارض .. هلبنت كتير محترمة و مرباية
مرق هلنهار بسرعة و رحت شتغلت كم شغلة بلفرع و رجعت عفرشتي .. كل ما حاول نام و اتقلب عجهة تطلع صورة البنت قدامي ..
شاهر : اففففف خلص حلي عني بقا بدي اعرف نام

_____________________________

صليت العشا و رتكيت بفرشتي و انا عم اتزكر زيارة العقيد شاهر متطلعت في كتير بس قدرت احفظ شكلو .. شعرو القصير و لحيتو الخفيفة .. انفو المستقيم الحاد .. عيونو الخضر .. رموشو المقلوبة .. و بلاخص ريحة عطرو البتشل .. شو مشتهية حط عطر شي مرة
مابعرف هليلة كيف قدرت نام ..
#مجد
#الجزأ_الثاني
#بقلم_Amna_Braze

فقت الصبح عرنة جوالي و كنت كتير تعبان .. خيال مجد ملاحقني و معم يخليني ارتاح .. حتى خلتني هلبنت انسا مريم

شاهر : الو
مريم : وينك لهلق من مبارح المسا .. لا حكيتني ولا زكرتني ولا مبتتزكر انك خاطب
شاهر : نشغلت مبارح و رجعت هلكان و تعبان .. حقك عليي
مريم : قد مكان .. مو معقول تنساني .. يعني علاقل طمني عنك و قلي انا بلبيت رح نام .. مو تشغل بالي .. هاد مو حكي
شاهر : خلص اخر مرة
مريم : ماشي.. صحي مر لعنا علغدا .. عازمينك عفريكة و كبة
شاهر : ازا طبخك لا دخيلك مبدي .. اخر مرة اكلت من طبخك ضليت ممغوص اسبوع
مريم : هيك صار الحكي لكن .. اي ماشي لا تجي لكن .. الحق علحيوانة لعاملتلك قيمة و عازمتك
شاهر : يه يه شبك شبك ما بينمزح معك .. ليش في اطيب من طبخ مريمتي
مريم : اي يلا كول بعقلي حلاوة و ضحاك عليي بكلمتين حلوين

______________________________

مجد : يارب .. اصبحنا و اصبح الملك لله .. لقوم اعمل فطور و صحي بابا

مجد : قوم بابا فطار .. بابا
بلشت هز في و معم يصحا معي و حسيت بلخوف و انو الوضع مو طبيعي
مجد : ياربي .. بابا شو صرلك .. بابا مشان الله قوم .. بابا

طلعت و مو شايفة قدامي ركضت و ندهت على الجيران و لما اجو و شافو طلع جارنا من الغرفة و طبطب عكتفي و قال كلمات وقعت عقلبي بتقل .. كلمات لو نحطت عجبل لنهد "العمر الك" نهرت و غميت و محسيت عحالي غير عم يرشو مي عوشي و الجارات متجمعة فوق راسي
رتميت بحض وحدة منن و مبعرف لحد هلق مين بتكون و بلشت ابكي و اشهق .. اخخ يابي .. ااااخ رحت ياغالي ... رحت ياسندي .. مين الي غيرك بلدني يابي .. يارب برد النار لبصدري يارب
مابعرف كيف قدرت اتماسك و اتحمل .. شعور الفقد كتير بشع .. بعد خسارة الام و الاب مابقا شي بلدني بهم ..
مر اول يوم متل السم .. مالي خلق ولا نفس عشي وولا اكل شي و طول الوقت شادرة و دمعتي عخدي

______________________________

مريم : حبيبي امشي نطلع مشوار بلسيارة
شاهر : جاهزة؟
مريم : بلبس جاكيتي و الجزمة و بكون جهزت

مشيت بلسيارة و كنت حاطط اغاني و طفيتن بس لمحت بيت شعر .. هلمكان حاسس اني جاي عليه .. صح صح تذكرت بيت السيد محمود .. ياترا لمين بيت هلشعر .. وقفت عجنب و نزلت لاسأل حدا قريب لما وقفني صوت مريم

مريم : لوين رايح
شاهر : ثواني و راجعلك
لو سمحت
،، : اي اخي
شاهر : بدي اسألك سؤال ازا مفي مانع
،، : تفضل سآل
شاهر : لمين هلعزا
،، : للمرحوم محمود العامود
كلماتو صابتني بصدمة .. السيد محمود يلي لتقيت في من فترة قصيرة و كنت اسا معو من يومين مات!
شاهر : الله يرحمو
رجعت عسيارتي لاتلقى كم من النكد و العتابات من مريم
مريم : وين رحت و تركتني
شاهر : لا حول ولا قوة الا بالله
مريم : خير يا طير شو صاير.. ليش نزلت و تركتني ساعة لحالي
شاهر : بتتزكري الزلمة لحكيتلك انو بنتوطلعت مسجلة بلسرايا بصفة ذكر
مربم : اي ؟
شاهر : مات مبارح
مريم : اي الله يرحمو ... يلا امشي نكمل مشوارنا داقت اخلاقي
شاهر : لا
مريم : شو لا
شاهر : رح رجعك علبيت و انا رح بحضر العزا
مريم : شو بدك بلعزا ازا مبنقربن ولا بيقربونا
شاهر : بس الزلمة بعرفو
مريم : كل معرفتو كانت يومين
شاهر : خلص مريم لتناقشيني .. بتعرفيني بكره تعانديني بشي
مريم : ايه شو عليه متل مبدك

حضرت العزا و عيوني عم تروح شمال و يمين بلكت المح مجد لعزيا .. يا ترا مين رح يهتم فيا و ما الها حدا .. كيف رح تدبر حالا و مفي حدا يصرف عليا .. كل هلاسئلة عم تدور ببالي و خلتني صافن و حاطط الحزن عوجهي لدرجة لبشوفني بهلحالة بفكر المرحوم عزيز عليي ..
مرق اسبوع العزا و قررت زور مجد و اطمن عنا و ساعدا ازا كانت بحاجة شي
طرقت الباب و فتحتلي .. البنت يلي كلا خجل و لمعة الجمال بعيونا العسلية راحت و حل لون باهت و هالات سود بدالن .. دبلت مجد ..

شاهر : ممكن فوت
من دون متجاوبني فتحت الباب اكتر و بعدتلي و كأنو عم تقلي تفضل .. دخلت و سكرت الباب و مشيت ناح غرفة و لحقتا .. كانت الغرفة بسيطة كتير و ممدودة مد عربي
مجد : تفضل قعود .. ثواني و

#مجد
#الجزأ_الثالث
#بقلم_Amna_Braze
مر يومين من اخر زيارة للسيد شاهر و اجا بعدا و خبرني انو لاقالي شغل بمصنع .. بلشت بلشغل في و من اول يوم بكل همة و اخلاص .. رغم انو بتعب بس تحملت كرمال عيش .. السيد شاهر شخص كتير لطيف .. حتى بعد مرور اسبوعين على بداية شغلي بلمصنع صار يزورني كل يوم و يتطمن عني

سمعت دقة الباب و طلعت افتح
،، : مسا الخير
مجد : هلا خالتو
،، : بتسمحيلي فوت
مجد : اي اكيد تفضلي
،، : مو عيب عليكي يابنتي تعملي هيك
مجد : كيف !
،، : الشب يلي عم يجي كل يوم المسا لعندك
مجد : خالتي انتي فهمانة غلط .. الشب ادمي و معم يعمل شي .. بس بيجي يتطمن عني و حتى مبطول ربع ساعة و بروح الله وكيلك
،،: بدك تضحكي عليي .. خالتي انا مشانك .. كل الجيران بلشو يحكو عليكي .. مو شايفة معد حدا داس بيتك
مجد : الله وكيلك يا خالتي مو صح هلحكي بنوب
،، : انا حكيت لعندي .. مشان متقولي نبهتك و انتي حرة بقا
مجد : بشو احلفلك انو مصار شي بيناتنا
،،: لا تحلفيلي بشي .. يلا عن ازنك
مجد : يا خالتي بس سمعيني
،، : خلص خلص مابدي اسمع شي
مجد : ياخالتي مشان الله
مردت عليي و طلعت و سكرت الباب و كأنو كلشي تسكر عقلبي .. ليش كل لهموم عم تنكبس عصدري .. ليش كلشي مصر يوقف ضدي .. بعترف انو غلط خليت شاهر يدخل بيتي و انا لحالي .. بس اقسم بالله انو شب ادمي و بخاف الله و نحنا ما غلطنا .. يارب .. يارب كون معي يارب
ربع ساعة و سمعت دقة الباب .. عرفت انو هو

شاهر : فتحي مجد
مجد : روح من هون
شاهر : ليش!
مجد : مشان الله روح من هون
شاهر : شبك شبو صوتك ليش عم تبكي
مجد : سمعتي صارت بلارض .. خلص روح مشان الله
شاهر : لك شو صاير شو القصة
مجد : بترجاك روح و لبقا تجي
شاهر : لك ليش شو عملت .. فتحي مجد خليني افهم .. مجد .. مجد فتحي .. وين رحتي

صوتو خلاني ابكي فوق البكي لعم ابكيه .. قفلت باب غرفتي و تمددت بفرشتي و دموعي عبت لمخدة .. مابعرف كيف هليلة نمت

مابعرف شو صاير مع مجد بس كلاما خلاني بحيرة .. لازم افهم منا شو صار .. نطرتا الصبح حتى طلعت من بيتا و مشيت بسيارتي و قطعت عليا الطريق

شاهر : صباح الخير
لفت وجها عني و وقفت بلناحية لدارت عليا وجها
شاهر : مو كأنو عم صبح عليكي
مجد : مشان الله تركني بحالي
شاهر : طيب فهميني شو صايرلك .. ليش بدك بعد عنك
مجد : العالم شافوك عم تفوت لعندي علبيت و مفكرين صاير شي بيناتنا .. بترجاك تروح و تتركني بحالي
شاهر : شو هلحكي .. اي والله يلي بدو يحكي عليكي بحرف لاحرقو و احرق عيلتو كلا
تطلعت فيي و عيونا تغرقت دموع لدرجة مقدرت قاوم نظرتا و عشوي كنت بكيت معا
مجد : بترجاك تبعد عن طريقي
مكان بقدرتي اعمل شي .. ركبت سيارتي و مشيت لبعيد و تركتا بحال سبيلا .. يمكن بس بهلفترة
مر كم شهر و انا عم راقبا بلا متعرف لاتطمن عنا من بعيد لبعيد .. رنت عليي مريم و حسيت بلاختناق لما سمعت صوتا
مريم : كيفك
شاهر : هلا مريم
مريم : معلش افهم شو صايرلك .. لك ليش هيك متغير
شاهر : رجعنا للنكد
مريم : لك انو نكد .. انت ملاحظ انك متغير كتير .. لك معد لا زرتني ولا زكرتني بمكالمة حتى اسمي صرت تقولو حاف .. لك حتى زواجنا اجلتو لسنة و كان المفروض نكون متزوجين من تلت شهور .. انت شو صايرلك معلش افهم
شاهر : ضغط شغل
مريم : ضغط شغل .. ضغط شغل .. ضغط شغل .. هي الحجة الشاطر فيا .. لك ليش هيك متغير .. ملاحظ حتى انك بارد معي هلق
شاهر : سكري بحكيكي بعدين
مريم : لا مو بعدين .. بدنا نحل الامور هلق
شاهر : شو قصدك
مريم : في بحياتك بنت تانية؟
شاهر : شو عم تخبصي
مريم : جاوب
شاهر : حاج تخبصي بلحكي مشان الله
مريم : انت بعدك بتحبني؟
شاهر : مريم شو صايرلك
مريم : جاوبني مشان الله
شاهر : اي بحبك
مريم : خلينا نتجوز بكرا لكن
شاهر : مابقدر
مريم : لك طيب ليش
شاهر : عندي ضغط شغل .. هلق صعب
مريم : مشااانو لالله حاج تقلي هيك .. خلص شاهر .. خلص تركني بحالي .. بدي ننفصل
شاهر : انتي هيك بدك؟
مريم : اي هيك بدي ... اريح الي و الك
شاهر : متل ما بدك
#مجد
#الجزأ_الرابع_و_الأخير
#بقلم_Amna_Braze

تاني يوم انهيت معاملة الانفصال عن مريم .. مابعرف ليش حسيت براحة .. يمكن تحررت من النكد يلي كانت معيشتني في .. بس بعدا كلماتا عم تطن بداني "في بنت تانية بحياتك"مبعرف ليش دغري راح فكري عمجد مع اني مبعرف لحد هلق شو مشاعري الحقيقة اتجاها
مر اسبوع و انا عم راقبا في لحد مشفتا رجعانة بليل و في شب ملاحقا ..

كنت رجعانة بليل .. اليوم كان في ضغط شغل بلمعمل و تطريت اتأخر .. حسيت عحدا عم يلاحقني .. امشي عمهلي يمشي عمهلو .. اسرع اكتر يأسرع ورايي .. خفت كتير و بلشت اركض و فجأة مسكني من كتفي و وقفني بلغصب و صرخت بصوت عالي .. مسك شالتي و زتا و هجم عليي و كان رح يمزع قميصي لولا حدا اجا و ساعدني باخر لحظة .. مابعرف كيف فجأة ظهر شاهر يلي بلزور قدرت اتعرف عليه بهلعتمة .. بلش الضرب في بكل وحشية و كأنو عم