قصة اليوم: #معزوفة_المشرحة
.............
قراءة ممتعة🦋💙"
#ⴅÂÐЄĦÂ

#معزوفة_المشرحة
#بقلم_جمايكا_احمد

#الجزء الاول..

وعيت ع الدني فقيرة لا في عندي ولا في لالي ، ماكنت شوف في بيتنا الا التياب المهترية والفرش القديم يلي اكلو البق والجرذان وادوات مطبخ مكسرة ومصدية ، وغسالة قديمة يوم بتشتغل وعشرة لاء.
وفرحة عمرنا يوم الفاكهة الطازة تدخل هالبيت، احلامنا ماكانت تتعدى هالشي.. واللبس الجديد كانت امنية وحلم ابليس بالجنة... بهاد البيت اب مقعد من 20 سنة وام مريضة قلب وضغط وسكر ، واختين جار عليهن الزمن ليدوس عليهن قطار الزواج وينساهن ، حتى اخوة شباب ليشيلونا من هالتعتير ربنا مارزقنا، الحمد لله ع كل شي، كل يوم عن يوم عم يكبر فينا الزمن لا درسنا ولا تعلمنا متل باقي الناس مصاريف المدارس اخر شي كنا بنفكر فيه بعد ماصار مع ابي اللي صار.. وكبرنا حتى انو يندق باب بيتنا لشي عريس داسو القطار متلنا ماكان يندق.. ،و من تنضيف البيوت لتنضيف حمامات المرافق العامة ، من هون كنا نجيب مصاري نشتري لقمة عيشنا.. وادوية لامي وابي.. بهاي الغرفة يلي حيطانها بالية وكلا عفونة ورطوبة وشباك من خشب مقفل بالنايلون ليحمينا من برد هالزمن واوجاعو كانت اختي جميلة قاعدة ع فراشها عم تحسب راتبها كيف بدو يكفينا لاخر الشهر لناكل ونشرب ونكفي حياتنا،. واختي رنا ايدها ع خدها من بعد ما صاحب المحل طردها وفضل بنت تانية اكثر جمال منها لتشتغل بالمحل،. معلش اصلا اختي التعب والفقر والهم اكل ملامح وجها الشبابية، وغطا شعرا الشيب عن عمر 35..

جميلة :- شو صار معك بالشغل يلي شفتيه

رنا :- ما اعتقد رح يقبلوني، اللي بيشتغل هونيك قلي بنتي روحي ارجعي ع بيتك بدهن حدا يتحمل مو حد جاي الموت اكل وجهو ويحطوه بالثلاجة ..

جميلة :- العما بقلبو شو قليل زوق

رنا :- يختي حقو وجهي الاصفر هاد كيف بدو يتحمل يشوف موتى

جميلة :- ولا مابعرف يا رنا لو في شغل غير هيك لقلتلك

رنا :- ماردت لالك الشيخة فيحاء على شغل المسجد

جميلة :- بلا قالت الشغل مادايما موجود لان بنات المسجد ع طول من حالهن بنضفوه قال يوم يلي تحتاج رح تبعتلك

رنا :- طيب والعمل

جميلة :- بدنا نصبر يختي

رنا :- وادوية امي وابي واكلنا ومصاريفنا وجاي علينا شتي كيف بدنا نجيب مازوت لندفي بدهن بياكلهن البرد.. يارب فرجك

جميلة :- الله كبير مابينسى حد شو اتعشيتو اليوم

رنا :- سوزان عاملة شوربة عدس مع بطاطا..

جميلة :- بقيان

رنا :- اي رفعتلك شوي من طبقي لان يلي باقي سوزان رح تعشي امي وابي فيه..

(( هموم خواتي لو حملوها لجبال لهتزت وانهارت ، ماكان فيني اعمل شي مهمتي بالبيت اعتني بامي وابي بغيابهن وماقدرتي اطلع اشتغل متلن، كان وقتي مفرغ ع تنضيف ابي المقعد واني اطبخ واطعميهن سوا.. واجهز لخواتي ليرجعو من تعبهن وياكلو لقمة واحيانا ياحسرة قلبي مايبقى ويكفي وينامو بلا اكل..

في اليوم الثاني..

رنا :- سوزان وين عم تلبسي

سوزان :- انتي اليوم ماعندك شغل خليني اطلع شوف شمس ربنا والله تعبت من الحبسة

رنا :- روحي اختي ما حد ساجنك بس كنت عم اسال بس

سوزان :- بدك شي من برا

رنا :- ليش معك مصاري تجيبي

سوزان :- خليها ع الله

رنا :- لكان ليش عم تسالي.. خدي تعي معي كم ليرة خديهن وجيبي لالنا الصندوق من عند ابو حمدون..

سوزان :- والله مابستحي هالرجال

رنا :- اختي رزقتو

سوزان :- الفاكهة والخضرا يلي بحطها بالصندوق معفنة ومنزوعة وما بتاكلها الحيوانات

رنا :- طيب اختي شو الحل الله يسامحك يعني اتعودنا نقشط العفن وناكل ونحنا مغمضين عيونا.. احسن ما امك وابوكي ينامو بلا اكل ..

سوزان :- هاتي اختي هاتي الا ربنا بشي يوم يفرجها..

رنا :- ماتتاخري

سوزان :- ان شاء الله لاء

..

( كنت مخبية بتيابي الورقة.. الورقة يلي مكتوب عليها عنوان الشغل يلي رفضو اختي منو.. وصلت لهونيك بعد مشي طويل استقبلني نفس الحارس.. ( جابر)

جابر :- خير مين حضرتك

سوزان :- انا شفت انكن بدكن حدا يشتغل هون

جابر :- اي صح تعي فوتي للمدير

( مشي قدامي وانا كنت عم حاول الحقو سرعتو بالمشي وكبر خطواتو والممر الطويل الشبه بارد ورائحة بتشبه رائحة الكافور.. او بالفعل هي كافور.. وعربايات بالمكان كلا اكياس فيها شراشف بيضا.. ورجال عم يمسح بارض الممر..

جابر :- تعي من هون. اقعدي لينادي عليكي المدير..

( نطرت بهاد المكان حوالي نصف ساعة كان الجو شبه بارد والمكان فارغ. وهادي... صوت صدى رجلين الرجال اللي موجود عم ينضف يمسح وماكان يحكي شي بس نظراتو.. اي هي نظراتو بس اللي كانت تحكي عتاب وحزن وخوف اكتر من يلي شفناه بحياتنا.. عيونو الذبلانين وخطوط الدم ببياض عيونوا باينين والتجاعيد يلي اكلت جفونو ووجهو وايديه.. و حركتو الضعيفة وكانو عم يجر حالو جر.. حتى الممسحة تحت ايديه كانت عم ترجف من مطبات القهر ..

انفتح باب الغرفة، كان رجال ضخم اضخم من الحارس وشواربو الطويلة ودقنو السودا والراس اصلع بايدو سيجارة.. قلي ادخلي بصوت جش.. كان هوا

#معزوفة_المشرحة
#بقلم_جمايكا_احمد

الجزء الثالث.. والرابع..

الجزء الثالث..

( اطلعت من المشرحة للبوابة بسرعة البرق لاشوف جابر واجبروا يحكي مع ابو عبدو ويكفي افعال وحركات كلا تخلف.. من وقفت ع البوابة مالقيت حد.. قلت اكيد بكون انشغل او راح يجيب شي غرض لان ما اعتقد فات لجوا لان كنت بعدني بالممر..

نطرتوا شي ربع ساعة ع الباب.. وماكان يظهر..

بعد بدقايق اجت سيارة اسعاف.. وقفت ونزل منها المسعف ونزل النقالة يلي كان فوقا حد ومغطى وجهو.. والظاهر كان جسم صغير اي جثة صغيرة.. ارتبكت وصرت وانا واقفة اعرق بسرعة ودقات قلب عم تزيد.. نزل ضغطي وحسيت الدني عم ادور فيني.. مرقت النقالة من جنبي وفاتت للمشرحة..

ماشعرت ع حالي الا انو زاد التعب عليه كثير والشمس كانت بأوج طلوعها.. ماقدرت ابقى بالمكان فتت لجوا واطلعت للطابق الثاني غسلت وجهي وقعدت رتب بالمكان.. ماكنت بعرف شو اعمل..

وعلى رنة التلفون..

سوزان :- الو

المدير :- سوزان انتي فوق انزلي حالن لتحت

سوزان :- اي يالا جاي..

نزلت لعند المدير لان كان في الف سؤال بدي اسالو لالو..

المدير :- خير شبك فيكي شي

سوزان :- انا لاء مابعرف

المدير :- ابو عبدو عم يقول انك تعبانة ويبدو انو الشغل امبارح مأثر عليكي.. اذا ما قدرتك تكفي خبرينا

سوزان :- لاء ابدا الامور بخير

المدير :- طيب في بالمشرحة فوق جثة لبنت تعرضت لحادث خلال ساعات رح تنزل لعندك.. ممنوع اي معلومات عنها تطلع خارج المشرحة.. وممنوع تسليمها لاي كان.. الا من اجي انا بطولي واخدها من المكان

سوزان :- ممممم تمام

المدير :- المهم لاتتوهمي كثير

سوزان :- كيف

المدير :- عم قلك لا تتوهمي كثير فيكي تروحي تجهزي مشان استقبال الجثة..

( اطلعت من المكان وانا تايهة بتفكيري خفت اسال عن جابر يفكرني المدير مجنونة وماعاد يخليني اشتغل.. اكيد هاد ابو عبدو مجنون باين ع وجهو وبدو يشككني بحالي.. بس غريبة كيف امبارح خبرني جابر عن الجثة.. ورجع قلي اليوم انو ماحد بيعرف بالموضوع وانو هو ماخبرني ولا حكاني امبارح ابدا.. وانو موضوع البنت اليوم يالا لعرفوا فيه...

بلشت شك بأمر جابر و بابو عبدو..ماعرفت ليش اجاني احساس انهن اثنينن عم يلعبو عليه وبدهن يجننوني..

حاولت ما اهتم لموضوعهن.. اجاني اتصال انو جثة البنت رح تصلني خلال دقايق لازم استقبلها..

الطبيب g:- الو الجثة مالازم تتغسل فقط ينحط شراشف جديدة وبفوطة مبلولة بس ينمسح اثار الدم..

سوزان :- اي حاضر

الطبيب g:- رح تجيب الجثة ممرضة من هون ورح تكون معك..

سوزان :- ممرضة

..

( قفل السماعة بوجهي بدون ما اسال عن شي.. سمعت صوت السرير النقال بالممر فتحت الباب وكانت ممرضة وجها شديد العبوس.. عمرها بحدود 50 او يمكن اقل بس التجاعيد يلي بوجها كثير عنيفة وحادة.. حتى مرحبا ماقالت.. كانت السكون غالب عليها.. وما عم تنطق حرف.. بس عم حس نظراتها لالي مو تمام.. وعم تزاورني بين النظرة والتانية.. كنت حسها ع شوي رح تنفجر بوجهي من عصبيتها.. كانت عم تحاول ماتخليني اعمل شي او المس الجثة.. وكانها بدها اياني اترك المكان.. بس انا ما اعطيتها مجال لانها تبقى مبعدتني عن الشي يلي فوق السرير.. رفعت الغطا عن الجثة..

سوزان :- يااااا ماااااااااااا شووو هاااااد..

( بدون ما احس ع حالي صرخت وبعدت عن النقالة او بالاحرى بعد ماهي دفشتني بقوة..

كان الشي يلي فوق النقالة اشبه بجسد طفلة.. او بالاحرى اشبه بجسد انسان.. كانت كلا اقطاب حتى الراس كان مفصول كلو ومخيط فقط الصدر الايدين كل شي في الجثة عبارة عن اقطاب حتى العيون مخيطة..

جلست بزاوية الغرفة.. وكانت هي لوحدهاا عم تكفن الجثة.. لفت الجثة بالشراشف وربطتها وتركتها على النقالة.. ووقعت بالسجل وطلعت.. ما اعتقد كانت ناطرة اني ارجع المسها من بعد يلي شفتو..

بقيت بمكاني لمدة نص ساعة وجثة البنت مقابيلي بالسرير الحديد.. ماقدرت اقترب منها بالبداية .. بس شي براسي عم يقلي ارجع شوفها ارجع افتح الكفن عنها.. شي اقوى من مخاوفي شي اقوى من يلي شفتو شي عم يخليني اتحرك باتجاهها.. فكيت التربيط ورفعت الغطا عنها.. هالمرة ماصرخت هالمرة بقيت صافنة فيها.. بقيت ادور حواليها بشكل لا ارادي شي عم يخليني افتل حواليها بدون خوف..

لحد ما حسيت شي اتحرك فيها اي اتحرك...

ايديها يلي كانت فوق السرير ثابتة نزلت من السرير ووقع منها بالارض شي.. هاللحظة خلتني اطلع من الغرفة هربانة.. وقتا ماصرخت ولا حكيت شي بس هربت هربت بدون ما التفت لورا.كنت بدي اهرب وماعاد ارجع للمكان.. كنت بآخر الممر لحالي وواقفة على طرف الدرج بدي انزل اهرب بس ماعاد قدرو رجلي يحملوني جلست ع اول الدرج ماعرفانة شو اعمل نزلت راسي بين رجليه وحطيت ايدي فوق راسي وصرت اقرص اضرب بحالي على امل اني كون بحلم وافيق بس فقت ومن فقت لقيت رجلين واقفين قدامي رجلين سودا متل سواد الليل او يمكن انا عم اتخيلهن سووود.. رفعت راسي لاشوف مين يلي واقف مقابيلي.. .

#معزوفة_المشرحة
#بقلم_جمايكا_احمد

الجزء الخامس..

(( كان بايدي السجل وماكنت عرفانة من وين بلش..او من مين او كيف وورين.. حتى من فكرت بزاهدة نسيت اخد اي شي منها حتى اسم المدرسة يلي بيشتغل جابر فيها ماكنت بعرف..

جميلة :- بتكون الصفحات مرقمة..

رنا :- انا عندي لاصق رح دور عليه واجيبو.. بنجمع الورق المشقوق ببعضو..

سوزان :- انا من شفت جابر جسمو ماكان فيو اي اقطاب..مابعرف اذا باقي الاموات يلي بالثلاجة بالطابق الارضي مقطبين او شي.. بس يلي انتبهت لالو انو الست يلي اهلها استلموها ماتت بالسجن كان جسمها مقطب.. والبنت اللي امبارح جابو جثتها كان جسمها مقطب كلو..

رنا :- معقول

سوزان :- مابعرف شو عم يصير بس الجثث كلا يلي بتنزل من المشرحة او بتطلع لفوق فيها ان..

جميلة :- هاي الورقة باقي صفحة 30 جمعتها.. حطي لاصق هون رنا

رنا :- حطيت بس كانها الاسماء هون راحت

سوزان :- مو مشكلة هاي قديمة الاسماء..

رنا :- شوفي سبب الوفاة. اغلبها مخيفة شي حوادث شي متفحمة وشي سقوط.. والباقي مافي مكتوب اسباب وفاه..

سوزان :- عم فكر بشي

رنا :-شو هو

سوزان :- اغلب الاسماء هون لو انتبهتو ناس يا اما بالسجون يا اما اطفال.. مافي اسماء رجال ليش بالطابق الثاني عندي مافي رجال.. حتى شوفوا الاسماء كلا لعمر صغير معقول اطفال اعمارها 4 سنوات ومافوق يكونوا كلن حوادث..

رنا :- طيب كل هالاطفال من وين

سوزان :- والله يا اختي اغلبهن من برا المدينة مو من هون

جميلة :- معقول مافي ثلاجة اموات الا هون..

ام حسني :- لا بكل مكان.. انا مرة بعتو لالي ع الشمال مسافة 3 ساعات بالسيارة لميتة بدهن اغسلها جابوها من ثلاجة الموتى وهي منطقة نائية مافيها حد..

جميلة :- قولك ببيعو اعضائهن

سوزان :- شووو

جميلة :- هيك خطر ببالي لان اسمعت هيك قصص كثير..

سوزان :- كيف يعني

جميلة :- الناس الفقيرة يلي ما الها حد قوي بضهرا هيك مصيرهن والاطفال بخطفوهن اختطاف بس رجال بطول وعرضوا شو بدهن يسرقوا اعضائو..

سوزان:- والست يلي جابوها من السجن

جميلة :- شو انتبهتي عليها

سوزان :- كان جسمها ازرق ع الاخر وبجسما في اقطاب بصدرا بس وعيونا ع بياض..وتما كان مفتوح..

جميلة :- ممكن يكونوا اعدموها

رنا :- حاسة حالي عم نحقق بجرائم.. يختي اذا اعدموها بكون في علامة المشنقة ع رقبتها

سوزان :- لاء ماشفت هيك شي..

جميلة :- كثير هاي الورقة مقطعة

سوزان :- هاي الورقة يلي فيها اخر اسماء

جميلة :- ماباين شي فيها

سوزان :- هاد اسم صابرين الدهاني

جميلة :- مافي اسم البنت

سوزان :- ممممم مقطعينو ع الاخر..

جميلة :- والعمل

سوزان :- مابعرف جسمي تعبان ع الاخر بدي ارتاح من يلي فيني

ام حسني :- الله يعينك

سوزان :- بدي افوت ارتاح شوي

جميلة:- خالتو ام حسني شو رح نعمل

سوزان :- رح نقعد جنبها لعند ماتفيق لان هالشي مارح يتركا

رنا :- يعني رح يصير فينا متل امبارح

ام حسني :- لو بايدي شي اعملو غير القرءان لكان عملتو

رنا :- طيب استنو لتروح بالنوم بنفوت لعندا بلا هلق تحس وتنتبه ع علينا..

جميلة :- والله حاسة الموضوع اكبر من هالشي كلو

رنا :- كيف يعني جميلة

جميلة :-، خايفة اختي تكون ملبوسة واحنا بنفكر انو

ام حسني :- لا تفكري هاد مو مس..انا بعرف شو عندها .. ماخلينا طريقة مع الشيخ الا عملناها لو مس كان اختفى بس هاد اكبر بكثير..

..

( كنت خايفة اغمض عيوني بس كان جسمي تعبان لدرجة كنت حاسة حالي صرلي ايام حاملة اكوام من الصخور عم اركض فيها... حاولت جمع قواي من تاني لاقدر اتخلص من الشي يلي عم يلاحقني..

جميلة :- سوزان انتي نمتي

سوزان :- لاء تعي

جميلة :- لو بعرف هالظروف رح تعمل فيكي هيك لرضينا بفقرنا

سوزان :- يمكن ربنا اراد هالشي وحطني بالطريق هاد لاساعد هالبنت وهالارواح اللي عم تلاحقني

جميلة :- بشو عم تحسي سوزان خبريني

سوزان :- صورة البنت مابتروح من عقلي وصورة جابر وناس وعالم كثير عم تدفشني وعم تستنجد فيني.. ليش انا بالذات..

جميلة :- ابو عبدو هاد الملعون بيعرف شي

سوزان :- كيف بدي اوصل لابو عبدو. اساسا هو اكيد بيعرف كل شي وخاصة من سالتو عن جابر دغري المدير بعتلي وقلي لا تتوهمي
.. بس ياريتك يا جميلة ما رحتي لهونيك كان هلق فيني روح وافوت براحتي للمكان هلق صار يعملو لالي الف حساب.. سوزان بتذكري من رجعت انا بالمسا..

جميلة :- اي وقلتي بدهن يجيبو جثة ونطرتي وماجابو

سوزان :- انا هاداك اليوم شفت جابر وهو يلي خبرني والشي يلي صادمني اني تاني يوم شفتو كمان وقلي انا ماقلتلك.. اذا هو جابر اذا ميت والشي يلي بشوفوا هي روح كيف نسي انو خبرني..

جميلة :- ممممم والله مابعرف يا اختي..

(( دخلت ام حسني يلي كانت تسمع الحكي من الباب وقاطعت حديثنا..

ام حسني :_ يلي كانت يحكيني ويخبرك مو شخص واحد.. هني اكثر من حد وتمثلو بشكل جابر لانو طرف الخيط..

سوزان :- يعني يا ام حسني وقت وصلني قبل ب

#معزوفة_المشرحة
#بقلم_جمايكا_احمد

الجزء السادس..

سوزان :- مابعرف كيف بدي فوت ع المدرسة

جميلة :- مممم بصفتك فعلا شو

رنا :- انا عندي فكرة.. باخد بنت الجيران معنا وبنفوت ع اساس بدنا نسجلها بالمدرسة

سوزان :- بس هاي المدرسة خاصة وكل اللي بنات ناس اغنياء ونحنا شكلنا معتر وبالويل

رنا :- طيب والحل

سوزان :- البنت عمرا 11 يعني صف سادس بنروح نحنا وبنوقف ع باب المدرسة وبنسال الطلاب يلي طالعين اذا حد بصف سادس وبنسال عن البنت..

رنا :- وبجوز ماتعرفي

سوزان :- بنجرب هيك..

رنا : شبها اللمبة شكلا رح تنتزع

سوزان :- اجووو

جميلة :- سوزان مين هني

سوزان :- تعبانين كثير وجوهن حزينة

جميلة :- ردي عليه مين هني اختي

سوزان :- بدن اياني.. بدن اياني.. غطوني بارد المكان غطوني.. الكفن الكفن حطوا عليه الكفن..

رنا :- سوزان دخيلك خليكي اختي معنا غمضي عيونك لا تشوفيهن.. غمضي..

( من رهب المنظر ماكنت قدرانة ارمش عيوني على وصف اختي قلبو لفووق والبياض صار اكتر من السواد.. كنت عم التفت يمين وشمال عم عدهن عم حاول بعدلن.. كانو كثير عم ياخدوني معهن.. صرت اشر بايدي الاثنين

سوزان :- بعدولن بعدولن..

رنا :_ قل هو الله احد.. قل اعوذ برب الفلق..

جميلة :- بسم الله الواحد الاحد.. بسم الله الفرد الصمد.. بحكم اللهم نرضى خفف عنا مجيئهم وافتح لهم ابواب السماوات حرر ارواحهم وانجيهن من عذاب الدنيا...

بسم الله الواحد الاحد.. بسم الله الفرد الصمد.. بحكم اللهم نرضى خفف عنا مجيئهم وافتح لهم ابواب السماوات حرر ارواحهم وانجيهن من عذاب الدنيا... ساعدنا يا الله

رنا :- جميلة شبها سكتت

جميلة :- مابعرف رنا مابعرف رددي الايات

رنا :- عم اقرا..

جميلة :- سوزان

(( قربت جميلة لتغمض عيوني او تسكر جفوني بس شي بقوة بعدها..

رنا :- جمييييلة..

جميلة :- رنا خلينا نطلع من هون

رنا :- وسوزان

جميلة :- اسحبيني رنا لازم نطلع

رنا :- شو صار معك

جميلة :- شي بقوة دفشني ماعرفت شو هو

رنا :- رح نترك سوزان

جميلة :- مابعرف هني رح يتركوها...دد كانو في حد ع الباب

رنا :- خايفة اروح افتح

سوزان :- اجوووووو. اجوووووو

جميلة :- يالله ساعدنا

رنا :- جميلة مين هني يلي اجوا ماقدرانة روح افتح الباب..

ام حسني :- افتحو يا بنات هاي انا ام حسني..

رنا :- ام حسني هاي ام حسني

ام حسني :- سوزان بنتي في رقم عم يدق عليه وعم تقلي انها ام صابرين.. بنات شو عم يصير معكن شبكن خايفين..



جميلة :- سوزان سوزان..

ام حسني :- موجدين كلن موجدين ببيتكن انا حاسة بحرارة ارواحهن.. بيتكن مليان.. لا تخافو يابنات. اقراو قراءان لا توقفو .. هني مسالمين..

رنا :- كيف مسالمين ام حسني أذو جميلة

ام حسني :- لا تمنعو شي..

سوزان :- ام صابرين.

رنا :- سوزان رجعت لطبيعتا..

ام حسني :- بسم الله عليكي..

سوزان : ام صابرين

ام حسني :- انا جاية مشانها دقت ع رقمي وقالت انها بدا اياكي ضروري.. هاد رقمها..

جميلة :- شو في سوزان خبريني

سوزان :- صابرين غضبانة جمعتهن كلن لاوقف امها..

جميلة :- من مين

سوزان :- شفت ابو عبدوو.. كان معو سوط عم ياذيهن كانو بيصرخوا وصابرين كانت عم تحميهن..

جميلة :- تحمي مين

سوزان :- الاولاد يلي معها..

ام حسني :- مسك الخط احكيها بنتي..

ام صابرين :- الو بنتي سوزان في رجال جاي لعندي وجايبلي مصاري عم يقول هاي حق بنتك صابرين..

سوزان :- مين هاد الرجال وشو اسمو

ام صابرين :- ماقبل يقول اسمو بس هو كبير بالعمر يعني رجال كبير ومعتر وكل وجهو تجاعيد وعيونوا مابعرف كيف اوصفلك اياهن.. وانا والله ماعرفت كيف اخدتن منو لانو احرجني ودخل البيت عندي..

سوزان :- ماقلك ابدا اسمو

ام صابر :- ماقبل وقلي فاعل خير بس نظراتو ما طمنتني صار يسالني عن احوالنا وكيف عايشين ومين عم يعيلني وكم ابن لالي ووين زوجي سالني عن الاولاد هادول اولاد صابرين قلتو اي وصار يقلي وين ابوهن قلتو ماعاد بقي لالنا حد لا انا ولا هني وبنتي المجوزة يادوب حالها.. وقلي رح يرجع مرة تانية ورح يضل ع طول يساعدنا.. بس اللي مستغربة منو حتى تيابو مهترية يعني ما شايفة انو هو معو مصاري.. وكيف جايب المصاري.

سوزان :- خالتو لا عاد تستقبلي حد ولا تفتحب الباب لحد روحي لعند بنتك باطفال صابرين.. هاد اللي اجا واحد منهن وجاي ليحرق قلبك بزيادة خالتو ام صابرين.. لاتنطري اطلعي من البيت..

جميلة :- شو سوزان شو بصير

سوزان :- هاد ابو عبدو وصل لاولاد صابرين..

رنا :- لوين رايحة

سوزان :- رح روح للمدرسة

رنا :- بس الدني ليل

سوزان :- بنطر هونيك هني بدن اياني روح هونيك

جميلة :- اختي للصبح

سوزان :- مافيني ماعم يرتاحو ولا رح يريحوني قوة غضبهن كل يوم عم تزيد..

( منعتني اختي جميلة اني اطلع وكانت هاديك الليلة اصعب ليلة تمر ع اهلي انقلب البيت المهتري لخرابة.. كل شي بالبيت وقع بالارض حتى الخزن كلا وقعت صراخ ابي وهو خيفان.. نوب