#ملاك_الرحمة_بقلم_نداءالصوالحي
@rwayate
الاول+الثاني+الثالث+الرابع+الخامس

الجزء الأول :

دآئماً ربنا بكون أعلم بالأفضل إلنا بس نحنا ما بنكون شايفين هالشي
الله بيعطينا مصائب لنتعلم منها ولنطلع أقوى من قبل
ماكنت متخيلة فيوم يصير فيني هيك
فاتن المرحة والنشيطة والدلوعة تنهد مرة وحدة
عم تسألوني شو الي هدني!
مابعرف شو جاوب
الحب ولا المرض ولا شو
بس طول ما في قلب بينبض جواتنا وطول ما ربنا موجود
مافي شي بيهدنا
..

انا فاتن عمري 22 سنة انا وحيدة امي وابي ودلوعتهن
هالسنة اتخرجت من الجامعة
امي عبارة عن صديقة الي مابخبي عليها شي هيا مخبئ أسراري
وابي هوا الانسان الي بيثق فيني وبيعرف كل شي عن حياتي
تعرفت بالجامعة ع رفيقي يوسف الي صار اكتر من رفيق وبدت بينا قصة حب قوية جداً وواضحة للكل وكانت رح تتكلل بالزواج

فاتن: متى رح ييجو أهلك حبيبي
يوسف: انا خبرت إمي والخميس الي جاي رح يكونو عندكن
وأخيراً حنكون لبعض ياروحي والله ماني مصدق إيمتى نصير تحت بيت واحد
فاتن: ههههه لا تستعجل الأيام جاية
يوسف: لك شو ما استعجل النا 4سنين سوا لك ماصدقت نتخرج ونخلص لنتزوج
فاتن: اي حبيبي ماتقلق مافي شي رح يأخرنا بعد هلء كلو اسبوع وبتكون خطيبي

بعد مرور الأسبوع...

ام فاتن: صباح الخير يازعرة يلا قومي ساعديني بكفيكي نوم مابتشبعي

فاتن: ااخ امي والله ما الي خاطر قووم من الفراش لك ماسدقت اتخرج اتركيني اشبع نوم الله يخليكي

ام فاتن: لك قوومي قرب يأدن العصر وابوكي هلء بييجي من الدوام قومي

فاتن: اايي بس ييجي ابي لقله عن عمايلك 😏

ام فاتن: اي بتهدديني ولي بابوكي والله ما خربك غير دلاله الزايد الك

فاتن: هههههه خلص ماتخافي مارح قلو انك بتفيقيني غصب عني هههه 😂

ام فاتن: اي ماشي بورجيكي هاااا

فاتن: احووو امي هاتي الحراام برد

ام فاتن: هههههه قوومي حاج دلال مو ع اساس ييجي الاستاذ يوسف يبعت اهلو يطلبوكي قومي يادوبك تلحقي تزبطي حالك بدك شي تلات ساعات وانتي واقفة ع المرايي

فاتن: اي والله يامو معك حق يادوبن يكفوني ساعتين لازبط الايلاينر هههه

المسا...

فاتن: امي اجو اجو روحي افتحي انا فايتة جواا

ام فاتن: اهلا وسهلا شرفتونا اتفضلو

ام يوسف: حبيبتي الشرف النا كيفكو

ام فاتن: حبيبتي فاتن هاتي القهوة يامو

فاتن: السلام عليكم تفضلي خالتو

ام يوسف: اهاا هاي هي العروس اي ماشاء الله

#ملاك_الرحمة_بقلم_نداءالصوالحي

السادس+ السابع+ الثامن والاخير
@rwayate
الجزء السادس:

ابو فاتن: تعا ياابني اتفضل اقعود موضوع شو يلي بدك تقوله

يزن: عمي ابو فاتن مرة عمي وفاتن اسمعوني وبدون بكي
حالة فاتن ماعم تتقدم ابداً والعلاج ماعم يجاوب في جسما واذا رح تضل هيك رح تموت عالبطيء وح تروح من بين ايدينا لهيك ماعنا غير انه نلجأ للعملية

فاتن: يززن عملية شووو ماقلتلي انه في عملية

يزن: عملية استئصال الورم احنا كنا بالعلاج عم نحاول تقليص حجم الورم بس العلاج للأسف ماتجاوب مع جسمك لهيك لازم نعمل استئصال للورم وهالعملية نجاحها ضعيف كتير بس يافاتن انتي ماعندك حل تاني انتي شايفة حالتك كيف

ام فاتن: لااا مستحيل نجاهحا ضعيف وبدك ياني خليها تعملها انا مارح غامر وخلي بنتي تعمل عملية مانها مضموونة مابدي اخسرها

يزن: فاتن غالية عليا متل ماهي غالية عليكون ولو انا مو شايف انه هالعملية افضل الها كان ماخبرتكون

فاتن: ماما انا موافقة بدي اعملها

ابو فاتن: شو يابنتي انتي متاكدة من هالشي

فاتن: اي بابا انا ماعندي حل تاني انا هيك هيك ميتة ولازم غامر واعمل العملية وبعدين يزن يلي رح يعملي العملية ومارح يخليني موت صح يزن!

يزن: بس انااا

فاتن: انا ما بثق بحد غيرك

اطلع فيني يزن وحسيت شوي والدموع رح تنزل من عيونه حسيت بنظرة اول مرة شوفها
هي مو شفقة ابداً
للحظة عرفت انه الي كنت شوفو بعيون يوسف عمروو ماكان حب
النظرة الي عم شوفها هلء في عيون يزن هيا الحب عم شوفو كيف عم يتألم ع حالتي وكيف عم يعتني فيني وكيف مع كل جرعة علاج عم يتألم معي
مع انه دكتور وشاف كتير مرضى وعالج كتير بس ماحسيته انه معي دكتور
كان معي اخ وصديق ورفيق وكل شي كنت محتاجاه

يزن: اي انا خلص رح اعملك العملية ومارح يصيرلك شي ماتخافي وثقتك فيني مارح تخيب
عمي

ابو فاتن خلص خلينا نستعجل وتعا نروح نمضى ع موافقتكم وبكرة بنعمل العملية مافي داعي ننطر اكتر
فقنا تاني نهار والرعب والخوف بقلوبنا
اجا وقت العملية بوست امي وابي وحضنتهن وبكينا كتير
امي ماوقفت قراءة قرآن ع راسي وابي ماخلا شي نفسي فيه الا وجابلي اياه كانو خايفين اني فوت عايشة واطلع متوفية
وانا كنت خايفة اكتر منهن خايفة واجه الموت
صعب كتيير انه يكون بينك وبين الموت شعرة وحدة

اجا يزن واخدني ع غرفة العمليات وقلي انه رح يحطلي المخدر ويبلشو بالعملية

فاتن: انا خايفة كتير مابدي موت مابدي اترك ابي وامي لوحدهن ماإلهن غيري

يزن: مارح تموتي بوعدك انا رح اعمل كل يلي بقدر عليه لرجعك احسن من قبل انا وعدتك نستيتي! لازم تثقي فيني
بعدين انا استعنت بأطباء خبرة أصدقاء لإلي ورح يساعدوني ماتقلقي

فاتن: دير بالك ع ابي وامي بترجاك هما ما الهن غيري بهالدنيا
وشكراً ع كل شي قدمتلي اياه

يزن: انا حطيت المخدر خلص ثواني ورح تنامي
اسمعي فااتن فانت

.. انااا بحبك

فاتن: ...

غبت عن الوعي مابعرف كم دقيقة ولا كم ساعة ولا كم يوم بس الي بعرفو اني اخر كلمة سمعتاا اعطتني دافع وقوة اني اعيش خلت جسمي يحارب بقوة وبعنف ليرجع عالحياة

فقت ولقيت امي وابي حواليي والفرحة ماعم تفارق وجوههن
عرفت انو عمليتي تمت بنجاح

كنت كتير مرهقة ومتعبة كان بدي اسال عن يزن كان بدي اتشكرو ع كل شي كان بدي رد عليه وقلو اني كمان بحبو
بس مالقيتو عندي
ومالقيتو أبداً