الجزء الرابع والعشرون..

(( كنت خايفة من اي ردة فعل بعد هالموقف..وقفت واخدت حالي اهرب ..كمشتني امو من شعري ...

#ام حازم :-تعي هون اطلعي برا بيتي...

#مناار :-اااااااخ...

#حازم : امي امي اذا بترجعي تلمسيها انسي انو لالك ابن على الحياة كلها رح انهيلك حياتي قدامك...

((متل المجنون اتصرف كامش قطعة قزاز لكاسة مكسورة وقربها لعند ايدو..اول مرة اعرف انو حازم مجنون وضعيف بالشكل هاد..امو لحظتها تركتني...وهي عم ترجف على حازم وتترجاه يترك يلي بإيدو حضنتو..بكل قوتها...وهي بتبكي خوف عليه..

#ام حازم :-ابني ابني ليش هيك.. شو صار فينا ..كنا مبسوطين بدك تقتل حالك كرمال شووو...

#حازم :- اعطيني لو مرة وحدة يامو قرار لحالي...اعطيني بس متل حاتم اخي حرية...ليش عم تعملي معي هيك...ما انا توامو لحاتم. اتركيني اختار حياتي ..كاترين بنت مابرتاح لالها افهميني امي مابحبها غصبتي ابي ليخليني ادرس طب ودرست كرمالك..وغصبتيه ليضغط عليه اتزوج يلي اخترتيها وقبلت...بس امي مابحبها انتي لازم تساعديني مالازم تكوني ضددي انا ابنك...

#ام حازم :-حبيبي انا بختار لالك الافضل اذا كاترين ماعجبتك خليني شوف لالك وحدة من مستواك..يلي بتعملو غلط...

#حازم :- امي انا اخترت خلص...

#ام حازم :-ابني انتبه على حالها شلون..

#رمزي :- اذا ماعاجبك كرمال ايدها انا رح ااتكفل بعلاجها..البنت طيبة ومنيحة وحلوة كمان...صح عانت بس لازم ماتستحقري حياتها لازم توقفي معها..مو بإيدها لتعيش يتيمة وتعاني هيك...

#ايناس :-حبيبتي تعي معي.فوق..

#منار :- لا مابدي اتركيني هون...

#ايناس :-بدي احكي معك كلمتين تعي...

((اخدتني ايناااس لفوق...وتركت حازم وامو وبيو عم يتناقشو..كل شوي يهدى الصوت ويرجع يتصارخو من تاني.. كان الامر مو سهل عليه...شلون حازم هيك بحبني من فراغ وبدو يتزوجني وترك خطيبتو اللي بتملك كل مقومات الزوجة ويختار وحدة متلي حتى عايشة على كلية وحدة وايد فيها اعاقة..معقول الحب ..فوق كل شي..طب ما في فرصة وحدة بدرت مني لانو يحبني..شلون هالشي صار وكيف ومتى ..ليش ماشعرت انا متل شعوروا...صح في اعجاب بس مو لدرجة اتخلى متلو عن كل شي..

#ايناس :-حبيبتي خدي اشربي الليمون هاي..

#منار :- شكرا لالك...

#ايناس :-عم تسألي حالك كتير اسئلة صح..

#منار :-ليش انا بالذات...

#ايناس :- ابني خبرني ..لان اول ما انقذك كان عم يفتش عن كل معلوماتك وعرف امك وقابلها ..وبلشت هي تحكيلو كل شي وتطلب منو يضل حاميكي مقابل تعطيه حياتها لو طلب ...هو ماكان يفارقك ايام المشفى ..حتى من اخدك عمك نضال...هو جن جنونو وماترك مكان الا بحث عنك فيه ...لاتقللي من حالك انتي اميرة ..ولا تقولي ايدي وبطني بهالزمن كل شي ممكن يتعالج..لهيك ارتاحي حازم رح يجي يقعد معك ...لاترفضي ولاتزيدي عليه ...كان نقاش حاد مع امو ..حاولي تتحملي كل كلامو انتي بنت واعية وفهمانة..اتفقنا حبيبتي...

#حازم :-مرحبا فيني افووت ...

#ايناس :-اتفضل حبيبي عم تنطرك..انا نازلة احكي مع بيك..

#حازم :-كيف وضعها النفسي...

#ايناس :-حاول تتفاهم معها برواق يلي بتمر هلاء فيه مانو سهل...رح اطبق الباب وراي.. موفق حبيبي ...

#حازم :-مرحبا اميرة منار فيني اقعد احكي معك...

#منار :- اي ..

#حازم :-زعلاني مني..

#منار :-مممم يعني...

#حازم :-حقك عليه باللي صار اليوم..بس اليوم ولا بعدين كان لازم واجه هالشي...

#منار :- ولا يهمك..

#حازم :-بعرف كانت صدمة عليكي بس يلي اسمعتيه مني هو الصح...وبتمنى تتقبلي قراري..انا اتخليت عن كل شي كرمالك..وبالنسبة لامي لاتاكلي هم...ابي اقنعها..بس انتي هالفترة حاولي تتجنبيها..اذا حكت كلمة هيك او هيك بدي منك تتحمليها...ياريت..

#منار :- حازم...

#حازم :-انا بعرف شو رح تقولي..بس انا بدي اياكي..وحابك متل ما انتي ..بعرف رح تقولي شو هالمجنون اللي حبني هيك بسهولة..انا ماحبيتك بسهولة ..انتي بحياتي كنتي غير..من وقت ماحملتك وانتي بدمك وانتي حاضنتيني ...حسيت بكمية الحنان يلي محتاجها..حسيت انك الشخص يلي عم ابحث عنو..عيونك وحركتك
..ونومتك..وكلامك حتى حزنك غيرني..خلاني اقرب منك..وانا بكل قوتي وارادتي انا هيك بحبك وبدي اياكي ومارح اتخلى عنك..بعرف صعب تتقبليني انا مارح اجبرك عليه رح اعطيكي فرصة تعرفيني عن قرب وبعدها انتي قرري..بس انا رح حاول بكل مافيني عوضك عن كل شي...انا بحبك منار مو بس حكي ...انتي شي كتير غالي على قلبي..من ضعتي مني ..ماعاد لحياتي طعم..حفرت الارض لاعرف وين مكانك...ومن شفتك هاداك اليوم ماسدقت انك هاي...طرت لعندك وانا قلبي من جوا عم يرجف عليكي...افهميني ..انا سادق بكل حرف قلتو لالك..انا مابدي تخافي مني انا ماني متلهن...وكاترين شخص انتهى من حياتي انا مابحبها .....

#منار :- .....مابعرف شو بدي قلك ماعندي كلمات توصف يلي جواتي

#ⴅმძ3Һค

الجزء الثالث عشر..

#مناار :-صصصصاااا..

#نضال :-قفل على تمها منيح ...

((كانت لحظات غيرت مجرى حياتي ...نضال وعيد وكمان شخص مابعرفوا ...كتفو ايدي حاولت اصرخ ماقدرت كان صوت مكتوب بالقماش يلي حطوها على تمي .بهاديك اللحظة فاقت صابرين على صوت ضرب رجليه بالسرير...

#الممرضة صابرين :- لا لا اتركوها دكتووور ...حد يلحقنا...

((ماقدرت صابرين تستنجد بحد يساعدنا لان عمي نضال ضربها بالكرسي ووقعت مغمى عليهااا ...وانا اخر شي شفتو هي الكمامة يلي انحطت على انفي كانت ريحتها غريبة...

#عيد :- شلون رح انزلها...

#نضال :-على الكرسي المتحرك...ارفع يلي على وجهها مو ضروري...

#عيد :-رح انزلها من باب المطبخ ...

#نضال :-تمام ...متأكد انو الطباخة مارح تحكي شي...

#عيد :-لا تقلق دفعتلها ...

#نضال :-خلينا نطلع قبل لبجي حد...

#عيد :-الممر فاضي....

((في الفيلا ))

#ام حازم:- لاتحكي معي بسببك كنت رح موت...

#حازم :-امي ابوس هالايدين الحلوين ارضي عنا ..

#ام حازم :-شفت بيك شو عمل فيني...

#حازم :- مابعرف يامو بس انتي زودتيها معو..هو برجع تعبان من شغلو ليرتاح بشوفتك..وانتي عم تزيدي عليه بموضوع هاي كاترين...

#ام حازم :- بدك ترجع تزعلني منك من تاني...

#حازم :- لا خلص روقي...

#رمزي:- الاسبوع الجاي خطوبتك على كاترين...

#حازم :- شو بابا...

#رمزي :- متل ماسمعت...البنت مناسبة لالك...وامك بتحبها حاول لاتزعلها من تاني...

#حازم :-يابي هاد قراري وانا يلي باااخدو ..كاترين مابتناسبني ...ماعم اتقبلها ..عقلها مو متلي..حياتها بس ترفيه..وانا حياتي عمل...

#رمزي :-بكرة هي تتغير وتتعود عليك ...

#حازم :- ابي هالشي مرفوض وانا مابدي اياها هاي حياتي انا حر ...انا يلي بختار شريكة حياتي..

#ام حازم :- 😢😢😢 ياعمري بس اسمع لالي معقول اختار لالك بنت مو مناسبة...حلوة وراقية ..وقعدتها برستيج وكل شي فيها بناسبك ...

#حازم :- انا طالع شم هوا انخنقت...

#رمزي :- اعرف انو هالقرار مافيو تراجع عليه.....

#ايناس :-عمتي حبيبي وين رايح...اسمعني شو صرلك ...

#حازم :- ابي طول عمروا بعاملني هيك ...ابنو بس حاتم ...حازم اكتر انسان سئ بحياتو ولازم يعاقبو..

#ايناس :-لا يا ابني لاتقول هيك بيك بحبك كتير...

#حازم :- روحي احكي معو فوووق قليلو كاترين مابتناسب ابنك..وقفي بوجه قرارتو...انا مارح ارجع على البيت ..مارح ارجع على البيت...

#ايناس :-عمتو تعاا بس اسمع بس اسمع...لاتروح حبيبي...

#رمزي :-اتركيه....

#ايناس :-شووف خيي انا بحياتي ماوقفت قدامك عارضت شي قرار من قراراتك.. انت بتعرف هالولد شو بكون لالي...وبزعل من حد يزعلو..البنت ماعاجبتو مابحبها...

#رمزي :- من يتزوجها بتعجبو وبحبها ...

#ايناس :-اخي شو عم تقووول ...انت صرلك شي..انت اكتر واحد كنت رافض البنت...

#رمزي :-اختي انا مارح ضيع امووو كرمال هو يرضى او لاء...خلص كلامي...

#ايناس :-ماشي اخي وانا لاحقة حازم..لتغيروا قراركن هاد ..

#حاتم :-شووو صوتكن عالي...

#ايناس :-خليك انت بعالمك الخاص...

#حاتم :-ههههههه ماشي عمتو..اي ياعمري معك...لا هاي عمتي ...خلينا نكمل حديث لوين وصلنا...اها جد...بحبك والله مووت...

#ام حازم :- حاتم حبيبي وين اخووك...

#حاتم :- ثواني ياعمري هاد البيت مابخلص اسئلة اي امي قولي...

#ام حازم :- وين اخوك...

#حاتم :- اخد سيارتو وطلع...في شي تاني امي عم احكي مع حبيبتي حاجي تقطعوني....

#ام حازم :- اها اوك...ايننااااس ايناااس وين رايحة ايناااس...

#ايناس :-نادي براحتك وليكني شغلت سيارتي...سلام..

..
((في المستشفى ))

#سيكيروتي :- الحقنا يافندم حصلت مشكلة ...

#حازم:- مشكلة شووو...

#سيكيروتي :- الممرضة صابرين كانت واقعة بدمها..والانسة يلي كانت مريضة اتخطفت...

#حازم :-شووووو

(( سرعة حازم على الدرج ليعرف شو صار ماخلاه ينتبه مين يلي بطريقو كان الامر صاعق عليه...وخاصة انو ما كان مشغل السماعات من كان مع عائلتو...والغدر يلي صار من الطباخة هو يلي اعطا فرصة لنضال ويلي معو يفوتو ....اما السيكيروتي يلي حطهن حازم يراقبو المشفى..ادو واجبهن ...دون انو ينتبهو على الباب الخلفي للمشفى...

#حازم:- اغبيااااأء ...البنت انخطفت ..كل واحد فيكن قد الباب ماعرفتو تسهروا منيح على المريضة...وين كنتي ست صابرين ...

#الممرضة صابرين :-ااااخ ضربوني على راسي...

#حازم :- انتي لو كنتي فايقة جد...كان من اول ماشعرتي بخطواتهن بلغتي..بس كنتي بسابع نومة...

#الشرطي :-سيدي حوطنا كل المكان ...مالقينا اي اثر لالهن...والكاميرات يلي بالمشفى...الخلفية منها كانت معطلة..ومافي اي ملاحظة على خطف المريضة...

#ايناس :-شوفي هون شو يلي مكسر هوون...حازم ايدك عمتي عم تنزف دم...من شووو ليش عم تضرب فيها هيك..
ششو صاير هون..صابرين شو صرلك.

#الممرضة صابرين :- 😢

#ⴅმძ3Һค

الجزء الرابع..

#الممرضة :-نامت...

#الدكتور:-راقبيها منيح...امنعي اي حد يفوت لعندها اذا فاقت لاترجعي تعطيها الفاليوم ...بس اطلبي الدكتورة ايناس هي رح تساعدك...ركبي لالها محلول..

#الممرضة :-صحيح دكتور بالنسبة لإيدها..
#الدكتور:- مشكلتها كبيرة..مكسورة الايد ومركبة غلط..عملت عندها شلل فيها..وهاي اذا رح تنصلح بدها كسر من تاني...عرفتي اي معلومات عنها..

#الممرضة :-لا دكتور لهلاء ماعرفنا اهلها...وما وصلنا اي خبر من المخافر عن صبية مفقودة...بس الظاهر البنت مارقة في حياة عذاب كتير عميقة..لان في تشوهات كتير بجسمها متل حرق ...الظاهر طفايات سجاير..وفي جرح كبير في رقبتها من الخلف...وفي بإيديها جروح جديدة ماصرلا فترة قصيرة..باين تقطيع بسكين...

#الدكتور:- مسكينة كانت محطة تعذيب...حاولي تعتني فيها منيح...

#دكتورة ايناس :-مرحباا ليكني جيت طلبتني دكتور رمزي...

#دكتور:-هلا ليكها اجت دكتورة اينااس...عندنا لالك شغل بدك تتعبي فيه كتير..

#دكتورة ايناس:-ياعمري لمين هالقطة الصغيرة هاي...

#دكتور رمزي:-لهلاء والله مابنعرف بس مسكينة الظاهر قصتها طويلة رح تشغلك بالك كتير..

#دكتورة ايناس:-ولو مابتخفي عني شي انا ..رح اعرف قصتها عن قريب..بس اتصل فيني اللواء حازم..

#دكتور رمزي:- هالشخصية مابتهدا بالمرا...

#دكتورة ايناس :-شي طبيعي شاب بعمروا بدو يتعب على حالو ...

#دكتور رمزي :- الظاهر القضية هاي شغلت بالو..

#دكتورة ايناس :-وانا ليش اجيت...من ورا نقوو لحازم...صرلو يومين عم ينق عليه لاعطيه الاوكيه يجي لهون...

#دكتور رمزي :- لاتعطيه ..

#دكتورة ايناس :- دكتور رمزي انت احكي معو هو ابنك وبسمعلك..

#دكتور رمزي :- لاتردي عليه البنت هلاء ماعندها قدرة تحكي شي..انتي شايفة حالتها..

#دكتورة ايناس :-بتعرفو عمرها شي..

#دكتور رمزي :-باينة بعدها صغيرة مراهقة شي 16 او 17..

#دكتورة ايناس :-ياعمري طفلة بس التعب يلي بوجها بقول اكبر من هيك...

#دكتور رمزي:- كتير كانت عم تعاني...ممرضة صابرين..اخدتي بصمتها..نعرف معلوماتها من البصمة..

#الممرضة :-اي دكتور بس عم ننطر النتيجة متلك من قسم الابحاث..

#دكتورة رمزي:-تعي دكتورة نشرب قهوة..بدي تلاقي لابني حازم شي صرفة او طريقة معاملة مجنن امو ومجننا بالبيت...

#دكتورة ايناس :-ما إلك الا اتزوجو هيك بيهدا وبرتاح وبنشغل بعيلتو...

#دكتور رمزي:-بس لو يوافق هلاء بجيبها كل ما امو بتعرض عليه عروس بقلها بكير بعدني بأول عمري ..ملحق على القرف ..وازعاج النسوان..والنكد والنق والواع والويع..

#دكتورة ايناس :-ههههه انت شو قصتك صرت تحكي متل ام حازم...

#دكتور رمزي :- هيك شايفة انتي... تعي على المكتب...نحكي...

(في حلمي)

((كنت عم شوف كاابوس...عمي نضال وسامر عم يضحكو .

#نضال :-انا بقطع لحما بسكين...

#سامر :-ههههههه وانا بكسر عضامها بمطرقة.

#نضال :-هههه واااحد.

#سامر :-وليكو عضمة رجلا اتنين.

#نضال :-بجنن حز السكين .

#سامر :-بشلق صوووت المطرقة ههههههه...

((فتحت عيوني على صوووت ))

#نضال :-عمو حبيبي 😭😭..مين عمل فيكي هيك اهئ اهئ الله ينتقم منو الله يكسر ايده لازم اخد حقي منو..بدي اقتلو...

#الممرضة :-اهدأ كل الامور رح تنكشف ووينكمش اللي كان السبب..

#نضال :-انا بدي عذبو بإيدي متل ماعذب بنت اخي..يتيمة لا ام ولا اب ...الله ينتقم منهن هي اللي بقيت لالي من ريحة اهلي ..ليش ياربي... ليش هيك هالعالم ميت ضميرها ليعذبو بنت بعدها طفلة..

#الممرضة :-اخي مابصير اضل تبكي هيك رح يعرفوا المجرم..

((اول ماركزت منيح واسمعت حديث عمي نضال صرت اقاوم حالي..بدي اياهن يطلعوه برا بدي يعرفوا انو هو السبب...

#الممرضة :-رح نادي على الدكتور ضروري...

#نضال :-ساعديها بسرعة اكيد في شي بيوجعها...

#الممرضة :-لازم يجي الدكتور يشوفها.

((قرب نضال لاذني وضغط على بطني))

#نضال :-بتعرفي اذا بتنطقي حرف واحد..بتعرفي شو رح اعمل...رح اعجزهن شلون يربطو راسك برقبتك..واكتر مايلحقو يقفلو جروحك...

#مناار :-ااااااااه...

((في مكتب الدكتور))

#الممرضة:-دكتور رمزي الحقني البنت فاتت بحالة هستيريا..

#دكتور رمزي :-ليش شو السبب.. ليش اتركتيها لحالها

#الممرضة :-عمها نضال موجود جنبها بسرعة دكتور..

#دكتور رمزي :-شووووو ...انا مابلغتك ممنوع يفوت حد لعندها...انتي مجنونة شي ...اتصلي على الامن بسرعة...

#الممرضة :-حاضر دكتور...

#دكتورة ايناس :-رح اجي معك....

#دكتور رمزي :-بسرعة بسرعة اطلع من هون..

#نضال :-شو عم تحكي ومين انت لتحرمني شوف بنت اخي...

#دكتور رمزي :-شو ماكنت ممنوع
تفوت ...سيكيروتي..خددووه براا

#نضال :-لا مابدي اطلع من هون رح ضلي جنب بنت اخي مالها حد غيري واكيد انتو لالكن ايد باللي عم يصير معها...

#اللواء حازم:- تعااال هووون ....

#الدكتور رمزي :-حازم حازم..

#ⴅმძ3Һค