قصة اليوم: #موعد_مع_الذئاب
.............
قراءة ممتعة🦋💙"
#ⴅÂÐЄĦÂ

#موعد_مع_الذئاب
#للكاتبة_جمايكا_أحمد
Telegram@rwayate
الجزء الاول


(( هدوء عم يغطي كل اجواء البيت ..ابي يلي غافي على كرسيه المتحرك ورقبتو مايلة على كتفو ..وامي يلي حاطة ايدها تحت خدها وعم تتحسر على الحال يلي وصلنا لالو..واخي يلي قاعد عم يقلب بموبايلو ومافارق معو شي ..واختي يلي حابسينا بغرفتها بسبب المصيبة يلي عملتها وانا يلي عم اتذكر كل شي صار قدامي ومر بلمح البصر معقول اسبوعين كاملين من عيلة كلها ضحك وترابط اجتماعي لعيلة مفككة والفضيحة عم تنهش بلحمنا..صرنا نخجل نطلع نقابل الناس..ونواجهن انكسرت عينا ..اذا اخي مؤمن طلع يجيب كم غرض للبيت برجع عم يلوم ويسب ويشتم ..

#مؤمن:-ماترسليني جيب شي تاني من شي محل الناس اكلت وجهي بسبب بنتك..رفيقي سامر بوقفني بقلي..

#سامر:- وين ياضبع الحارة هلاء شايفك قطة عم تتخبى شو اختك ليش لهلاء ماقتلتوها وغستلو عاركم ياعيب الشوم تفيي ..

#مؤمن:-تبع البقالة بغشني بالاغراض وبقلي مابتستاهلو متى تطلعو من حارتنا ياعيلة وسخة..لك صرت اتمنى يجي قرار الجيش واطلع وما ارجع..كرهتوني حالي

(امي من تسمع عتاب اخي تصير تبكي بحرقة وابي يلي بصير يهز براسو مشان يسكت امي وماترد على اخي.. انا ماكنت لوموا انا متلو كنت بس اطلع على جامعتي تصير كل الحارة تطلع فيني حتى رفيقاتي يلي بالحارة ماعادوا يعرفوني..كنت على موعد كل يوم انطر رفيقتي صفاء لنطلع سوا على الجامعة هلاء صارت تسبقني يا اما ماتطلع من البيت الا من تشوفني غادرت المنطقة..اما ابي كان وضعو الصحي والنفسي والعملي ومكانتو بالحارة وبعيلتنا كتير كبير..ابي دكتور ومعروف بكل مكان وكان ينضرب فيه المثل لإخلاصو ومكانتو..بس يلي صار كسر شوكة ابي وخاصة بعد ماشاف كل الادلة على فعل اختي صابو شلل نصفي لايقدر يحكي ولا يقدر يتحرك ..ودائما على الكرسي لدرجة الحمام مابحسن يفوتوا 😢😢 اما انا فإسمي ورد عمري 21سنة الاخت الاصغر لجوري اختي الكبيرة..قصتي قصة ثانوية بعد قصة اختي جوري..اللي بتكبرني ب 3 سنوات..

#ورد :- اختي دخيلك بلاها طلعة سهر بالليلة افرضي امي اجت تتفقدك بالليل شو بدك قلها ..

#جوري :-دبريها بأي شي ..اسمعي هي ماعندها مناوبة مع ابي بالمشفى

#ورد:-لا اسمعت ماعندها شغل..

#جوري:- يعني شو مارح تزبط معي الليلة ضروى روووح..
Telegram@rwayate
#ورد:-اختي دخيلك بلاها هالمرة اتصلي على حبيبك جبر قليلو مانك جاية..

#جوري:-لا مابدي بجن اذا مارحت..

#ورد :- مابعرف انا مالي دخل..

#جوري:-اذا مابدك تساعديني رح ماساعدك من تطلعي مشوار مع يوسف..

#ورد :-بس من امي وابي بغيبوا عن البيت رح ساعدك بس امي بالبيت ومافيني اقدر خبي عليكي شو رايك تتصلي عليه ويجي لعنا..

#جوري:-ههههه لعنا مشان يعمل مثل المرة اللي قبلك بعدين قلي انو خجلان قدامك مابناخد راحتنا ..

#ورد:-اليوم وين رايحين لكان..

#جوري:-استاجر شقة جديدة ..

#ورد:-طيب اطلبي منو يتقدملك ويتزوجك بدل ماكل مرة في شقة شكل..

#جوري:-يووه بكرهوا هاد السؤال كل ما بسألو عنو بعصب ومابرجع يحكيني ..وكل مرة بقلي عذر شكل..وقال لازم نتعرف مع بعض اكثر وملاحقين على الزواج..

#ورد:-هيك قلك اختي اتقلي عليه رح تلاقيه جاي لعنا يخطبك بس كل مابأشر بإصبعو لالك بتقومي تركضي وراه..

#جوري:-بحبو ياغليزة مافيني اتخلى عنو ،هلاء لو يوسف قلك تعي نطلع نتقابل بشي شقة بتقولي لاء..

#ورد:-اي بقول لاء ، انا قلت لالو هالشي اذا بدو اياني يجي يتزوجني ماعندي مشكلة نطلع سوا بس بالعام وبالشارع..

#جوري:-هوووف منك ضيعتيلي وقتي 😏 يالا سلام..

#ورد:-جوري انطري لك فستانك قصير كتير ..

#جوري:-اي بعرف لاترجعي تنادي عليه بلا امي تشتلق علينا ..

#ورد :- ياربي والله رح توقعيني بشي مصيبة...

#جوري:- يالا باي انتبهي موبايلك رح ينحرق من مسجات يوسف.. لاتنسي تحطي مخدة بسريري مشان تعرف اني نايمة ..😂

(استمرارية اختي بالخروج هيك بالليل وبالنهار ماكان لالها توقف..على طول اصنع عنها المبررات وماكنت اعرف شو عم تعمل او وين بتروح كنت بشعر انها بتعمل شي غلط بس مو لدرجة الوضع يلي وصلنا لالو هلاء..

#يوسف:- شفت اختك امبارح بالليل ..

#ورد:-اها وين شفتها..

#يوسف :-كأنها كانت طالعة كتير متأخر مع واحد..

#ورد:-هاد ابن عمي رح يوصلها لعند ابي على المشفى..
Telegram@rwayate
#يوسف:- على ما اعتقد ابن عمك بعرفوا كتير ..

#ورد:-اها شو قصدك وليش كترت اسئلتك..

#يوسف:-لا بسأل انتو من عيلة الحرباوي والشب اسمو جبر عبارة..شو جاب عبارة لحرباوي..

#ورد:-اها مابعرف عن اذنك رايحة على البيت ..

#يوسف:-لك انطري اسمعيني انا بعرف اختك مصاحبة ..بس كوني مثلها وتعي نطلع بالليل..

#ورد:-شووف يوسف مالك بعيلتي لالك فيني لحالي انا مارح اطلع معك بالليل واحمد الله اني بطلع معك ساعة بنهار اذا هالشي ماعم يعجبك تعا اتفضل على بيتنا مفتوح ليكو واخطبني من اهلي..

#موعد_مع_الذئاب
#للكاتبة_جمايكا_احمد

الجزء التاسع...
Telegram@rwayate

((حاولت وهو عم يجرني لجوا الشقة اني اعمل اي حركة او اي صوت برجليه او خرمش الحيط كرمال يتوقف او حد يساعدني بس كل يلي صار لحظتها دفشني للارض وضربت راسي بقوة ...واغمى عليه ..بعد مرور وقت فقت على ضو قوي بوجهي ..حاولت استعيد نظري منيح ..بس عيوني كانو رؤيتهن صعبة ..وراسي عم تألمني...بعد 5 دقايق لاقدرت استوعب يلي انا فيه وبلشت توضح الرؤية المكان فارغ على الاخر ومغلق وكلو ستائر سودا ..كان البيت بس عبارة على صالة كبيرة مع حمام..وباين انها مكان دائما يعتنى فيه..نضيف. مانو مهجور .حاولت دور على مخرج ماقدرت ...حتى الشباك الصغير يلي عم يدخل لالي هوا وضو كان عالي كتير ..وبعيد عن قدرة ايدي لتصلو...قربت اتجاه الباب وصرت ادق بضربات قوية وانادي لعل وعسى حد يسمعني..

#ورد :- ياجماعة انا مسجونة هون..حد يسمعني بترجاااكن ياااامو يانااااس حد سامعني انا هون مسجونة ..

((ماكنت لاقي ردة فعل فقدت الامل لحظتها ومرق المسا ورجعت الدنيا ظلمت ..من كتر التفكير يلي كنت فيه والخوف والظلام و قواطع الكهربا كانت نازلة ومع ضو القمر الخافت بلشت شووف شغلات وخيالات حوليه ..ماكنت قدراني استوعب شي ..بلشت قدرتي تضعف..

#ورد :-بسم الله الرحمن الرحيم قل هو الله احد...
Telegram@rwayate
((كنت غمض عيوني واقرا قرءان كنت خايفة لدرجة صرت ابكي...لوقت ما الخيالات اتحولت لحقيقة وارجعت اسمعت اصوات الخطوات حسيت انو البناية مسكونة بس هالشي رفضو عقلي لان الايد يلي انحطت على تمي كانت ايد بشرية ومن شدني كانت قوة بشر ...حسيت انها لعبة من اختي وصلتني لهاد المكان ..شو يلي خلاني فكر انو اختي عم تلعب معي . مابعرف يمكن احساس وصلني لحظتها ..كانت صوت الخطوات عم تقرب اكثر واكثر ..وفجأة اختفت...ورجعت اتكررت كمان بس خطوات عم تطلع على الدرج ماعم تنزل ولعند الباب عم توقف ..من الخوف ماعرفت وين اخبي حالي مافي شي اتخبى فيه او خلفو..لوقت اسمعت صوت احذية نسوانية ..صوت الكعب كنت عم حسو بينقر براسي ...صرخت بأعلى صوت كان تعذيب نفسي فوق العادة ..

#ورد :-حاااااااج خلص شو يلي بدكن اياه مني بدكن تقتلوني اقتلوني الله يلعنكن..

((وبلشت حرك بأكرة الباب واخبط واصرخ ..مافي نتيجة ..لوقت ماسمعت صوت ضحك عالي ..صوت مخلوط بين رجال ونسوان اصوات ضحكات انا بعرفها اسمعتا قبل هيك...وانفتح الباب..

#ورد :-جوري ..يوسف ...جبر

#جوري:-ههههههعه سبرااايز ...ياويلي لك ليش حالك هيك..

((قربت على اختي بدون ما احس وضربتها كف بكل قوتي))

#جبر:-لا لا ليش هيك عملتي فوق مانحنا عاملين لالك مفاجأة مو اليوم عيد ميلادك..

#ورد :-اخرسوا مابدي اسمع صوت حدا ..ليش عملتو فيني هيك ليش..😢

#يوسف:-حبيبي والله كنا بدنا نطلعك من الموود السئ والارهاق النفسي قلنا نلعب شوي ونعملك مفاجأة..

#ورد :-انت اول واحد ماتنطق شي . وحبيبتك هاي ماتت زمان ولعبكن هاد رح حاسبكن عليه واحد واحد..

#جبر:-اوووه قلتلك جوري هاللعبة مارح تزبط ..

#جوري:-ورد سدقيني كنا بدنا نطلعك من جو الاكتئاب عملنا لالك جو مغامرة ..لنقدر نجهز لالك مفاجأة بالشقة يلي مقابيل هاي ..تعي تعي..

#ورد :-اتركي ايدي لاتلمسيني انتي اسوء اخت ممكن اعرفها او اسمع عنها

#يوسف :-ورد دخيلك يالا تعي لاتحرجينا مع العالم كلهن اجو على الموعد..
Telegram@rwayate
#ورد :-موعد شو يا حثالة . موعد مع كلاب وذئاب متلكن ..جايين تلعبو معي اي ماشي رح ورجيكن اللعب شلون يلتعب روحو كملو قرفكن سلام..

#جوري:-ياربي مع هالبنت مابعرف عقلها شلون مركب..

#جبر:-شو جوريتي الظاهر مارح تزبط الليلة رح ننفضح حكتلك خلينا نتخلص منها ..

#جوري:-تتخلص من اختي ماهي اختك يلي خبرتها كل شي..

#جبر:-شو هلاء رح نعمل انا سابقكن على الشقة التانية ..

#جوري:- الله معك..اها وانت يوسف اختي بتعرف انك على علاقة معي فلا تحاول ..

#يوسف:-ليش مين خبرها ..

#جوري:-انا ..

#يوسف :-انتي.. ردي على موبايلك لاكسرلك اياه..

#جوري:-شو بدك انت كمان الوو اي ميسر..

#ميسر :-انتي وين..

#جوري:-مممم عند اهلي..

#ميسر:-اها بس كأني انا عندهن ناطرك..

#جوري:-اها ما انا اطلعت هلاء مشوار ..

#ميسر:-صرلي ثلاث ساعات ناطر هون ماشفتك طلعتي على العموم انا ناطرك بالبيت عند اهلك..

#جوري:-طيب يالا سلام..

#جبر:-شو وين رايحة انتي كمان..

#جوري:-على المصيبة الجديدة دبر حالك بالحفلة الظاهر مارح ارجع لان اليوم باين من أولو نكد...

#يوسف:-طيب خدي موبايل اختك..

......

في البيت ...

#امي :- اجت ورد وين كنتي بنتي قلقنا عليكي صرلك يومين غايبة اتصلنا على جوز اختك قلنا ما اجت واختك قالت انك مع رفيقتك وطلعت اتجيبك صرلا اكثر من 6 ساعات

#ورد :-منيحة انا امي بدي فوت ارتاح..

#امي:-ليش وجهك اصفر وايديكي بيرجفو..

#ورد :-مافي شي امي دخيلك بدي ارتاح ..