#وما الناس إلا أفعالهم ...
#فدع ماتزخرفه الألسن .
#فدع ماتزخرفه الألسن .
شهر كامل بعد ما ظهرت براءتي ما طلعت من غرفتي، عايشة على ذكراك. كان صعب كثير.
حاولت امي واخواتي يفتحوا صفحة جديدة معي وخاصة بعد ما تأكدوا من عذريتي ورجعت امي فتحت عيونها بقوة بين الناس.
مستند طبي اثبت ما عجزت عن اثباته رغم كل التوسلات.
الحياة خانتني بس ثقتي بربي كانت كبيرة ونصرني.
ريم الاحمد والدكتورة ياسمين تم فصلهم وهاي اقل عقوبة بيستحقوها.
صح حكوا تحت تأثير وخوف ولكن كلمة الحق هي العليا وبما انه خافوا يحكوها كان هاد عقابهم .
اما علاقتي بهبة بين يوم وليلة اندثرت .وما كنت اعرف السبب.
اتصالاتي بمراد انقطعت وخاصة وقت عرفت انه ابوه كان ورا الشي ياي صار معي.
مرادي الشجاع البطل كيف ممكن بطل حبه، اظهرلي حقي وما خاف من تورط ابوه.
لو حبيته كل يوم رح حبه اكثر باليوم يلي بعده.
مع كبر هالحب كنت متاكدة انه العلاقة يلي ما فيها الها جذور ما ممكن تطور.
حبنا اذبلته الظروف والعائلات.
ما نسيت ولا عرفت #كيف أنسى.
بصحى وبنام وبزيد حبه اضعاف.
___
يعني لايمتا رح تضلك عايش هيك حياة؟
ابوك مريض. بكفيييي نحنا ما النا غيرك.
#برجع بحالة وحدة اذا ابي راح لمروان سالم وفتح معه صفحة جديدة.
اذا ابي مريض أنا عم موت أمي..بدي البنت..بدي ليلى.. ما عارف عيش.منشان الله تنازلوا منشاني.
____
تزامنت مشاكل ابني مع معرفة نتيجة فحصي الاخير كان عندي سرطان بالكبد!!! الخبر هزني وعاد حساباتي من جديد.
واكيد اتراجعت عن الكثير.
بيوم وليلة شعرت انه كل يلي عملته كان هباءا منثور..ما حكيت لاي شخص عن مرضي وفهمت الجميع أنه بعاني من اوجاع بالمعدة.
قررت اتنازل وفرح ابني بالمدة يلي باقيلي عيشها.
في الواقع كانت فكرة انه ابني يكون نسيب عدوي فكرة اشبه بحلم ويستحيل بيوم حققه لابني وحيدي.
لكن خوفي على ابني ولأنه ما عندي غيره اضعفتني.
امه عم تبكي كل الوقت وانا ما عارف عيش بلاه.
اضطريت اتنازل.
استعنت بجاهة صلح واخدنا موعد من مروان سالم.
بمرضتي فهمت منيح..
أنه المال فاني والعمر فاني..ما عاد بدي ارض ولا كنوز وقريب رح ينفتح قبري..ومعي ما رح اوخذ شي..
#وما عندكم ينفذ وما عند الله باق.
وانتصر الحب
___
اله ما اله كبير ما اله تدبير.عاجبتك حياة بنتك بهالغرفة.
خلص جوزها. ما بدها غير مراد خلص اعطيها لمراد.
عندك كمان بنتين، محدا رح يستجري يقدم بظل الطخ والمقاتلات بين العيلتين...سكروا ثم العالم، استر هالطابق، بكفي ولدنة وتكبير روس، بنتك وابن فواز كسروا راسك، اجتك الضربة من بنتك، اهدى يا امي، العربدة ولا مرة كانت حل.
اذا ماتت هالبنت رح تحمل خطيتها كل العمر.
برضاي مروان اكسر الشر. البنت والشب بدهم بعض وفواز براسه اجااا لعندك واستسمحك.
خلص يا امي والله تعب قلبي من هالقصة.
______
لبست واتجهزت.الجسد الهزيل بعد هالخبر انتعش لأنه الحب عبارة عن فيتامين وقت بوقف الجسم ما بعود يتفاعل بحيوية ووقت الجسم يوخد هالفيتامين بكون بكامل حيويته ونشاطه.
ما توقعت انه كون بيوم الك عروس وخاصة بالشهر الأخير. كنت فاقدة الامل..
بس جيت على بيتنا للحظة شعرت انه أنا عم احلم ما صدقت وبس نزلت قدملك قهوة متلي متل اي عروس تانية شعرت وتأكدت أنه أنا مو متل أي عروس أنا أسعد عروس..
ما بتتخيل شو حسيت...كنت متل الفراشة.
#كنتِ ملكة، هاليوم كان احلى يوم..كنت متلك ميت وبس جيت متل اي عريس شعرت أنه أنا مو أي عريس أنا أسعد عريس بكل العالم، وقت جيت مع امي وأبي وجاهة الصلح وطلبناكِ عشت من جديد.
رغم كرهم وحقدهم..
رغم جشعهم وطمعهم.
رغم قسوتهم ونفوذهم.
انتصرنا.
انتصرنا رغم الظلم .
انتصرنا لأنه حبينا بعض. بقوة حبينا بعض. انتصرنا لأنه كانت ثقتنا بربنا كبيرة.
اتتصرنا لأنه ما عرفنا. كيف ننسى...
ابي وفواز اجا مين يكسر هيبتهم واكلوا الطعنة من اقرب الناس.
من ولادهم.
انتصرنا على ظلمهم..ورسمنا حياتنا بايدينا.
تعاهدنا نجيب القرش بالحلال وفهمنا انه الهيبة مو بتخويف الهيبة بالبسمة ومحبة الناس.
****وقت حكيتلي شو السبب وراء اختفاء هبة حمدت ربي أنه طلعت من حياتي.
اطلع فيني ومسح على شعري..
احيانًا يا ليلى الصداقة بتكون على شكل لعنة وخاصة اذا ما كان الاختيار صحيح.
*لك كيف خانتني مع ابي حتى تتنعم وشو كانت مبسوطة وقت حزني.
حاولت تعمل فتن بيني وبينك.
**مع الأسف كانت تحكي معي بصورة فتانة وتعملي ملاك طاهر وبغيابي تحكيلك ما لذ وطاب عن افعالي الي من نسج مخيلتها.
*وكل الفتن كانت على شكل دسائس وسموم تدخلها لراس أبي وراسك حتى ما تشعروا بكمية الحقد يلي عم تكنها الي.
#كانت عينها عليك مراد من الاساس.
ولما ما طلع بيديها عليك وتأكدت انه حبنا اقوى من فتنها، راحت لأبي حتى تعوض نقصها!
اطلع فيني ورسم ضحكة على شفافه.
#كانت عيني بس عليكِ.
يمكن غلطت بصداقتي..بس بحبي الك كنت جدًا صائبة بتعرف ليش؟
ابتسمت وسألتا ليش
**لانه انا حبيت رجل..والرجال قليلُ.
______________
