#داء_وَ_دواء
#الحلقة_الثالثة
#ياسمينة
..
..
..
#فتلت فتون و مسكتها نور من ايدها وفتلتها
- نور : لا تفكري ماني منتبهة عليكي .. رح تبعدي عن يمان
- فتون : تتهني فيه
- نور : اا هلأ صار اتهنى فيه !! وتدبيل العيون واالضم وهالاساليب كلا شو وضعا حبيبتشي ؟
- فتون : والله انا حرة وبعمل يلي بدي ياه بس يكون الك شي عندي تعالي حاسبيني
- نور : طبعا الي ورح حاسبك
- فتون : هه تحاسبيني وبصفتك شو بالله ؟
- نور : خطيبة يمان
- فتون : بس على حد علمي مانكن خاطبين
- نور : ح نخطب وانتي اول المعزومين يا عمري
- فتون : اي ريتو الف مبروك
- نور : بس طبعا لازم تحضري هاا
- فتون : لازم خطبة اكتر تنين خربولي ايامي معقول ما احضر ؟ الله يسامحك انا يلي بحضر
- نور : اي ترقبي الموعد لكن
- فتون : بدي ارتاح بغرفتي الجديدة ممكن تطلعي
- نور : اي طبعا حقك
#طلعت نور وسكرت الباب وراها
- فتون : خطيبتو قلتيلييي
#تحرقصت فتون وصارت تروح وتجي بالغرفة ربع ساعة بعدين قعدت ع التخت
- فتون : افف يا وانتي ليش مزعوجة ينباعو بالعزاااا ما دخلك وما بهمك هاد اصلا رح ترجعي على بيتككك وهلأ اهدي .. اهدي
#قامت ونزلت لتحت كان الكل قاعد
- جليلة : تيابك كلن دم لسه شو ما بدلتي
- فتون : هو .. مافي تياب
- جليلة : معقول ما حدا اخدلك ؟ ثواني
- فتون : مافي داعي
- جليلة : كيف مافي داعي هيك رح تضلي ؟؟
- فتون : انا بدي ارجع ع بيتي احسن الي والكن
- ما بصير بنتي خلص ضلي لبكرى
- فتون : انا كتير حابة ارجع ع بيتي .. ما بحب ضل عند ناس تانين وبيتي موجود الحمدلله
- يمان : تمام انا رح وصلك خلص
- نور : يمان خلي حدا من الحراس يوصلها
- يمان : لا انا جبتا وانا برجعا
- نور : بس قلت بتضل معنا منتسلى شوي
- يمان : ما بطول برجع
- فتون : بكرى بالخطبة بتملي ع قد ما رح تشوفيه صحي بالمناسبة وقبل ما روح الف مبروك يمان
#تطلع يمان باستغراب ونور توترت
- يمان : وانتي مين قلك ع موضوع الخطبة ؟
- فتون : كيف يعني مين قلي نور قالتلي وحتى انعزمت اول العالم
- يمان : وانعزمتي حتى ؟
- فتون : اي ..
#تطلع يمان ب نور
- يمان : وانا ايمت المفروض كان اعرف
- جليلة : ابني
- يمان : امي اذا بتريدي لا تدخلييي هالمرة
- جليلة : لا هالمرة بالذات بدي اتدخل لان انا يلي قلتلا رح احكي معك ونحدد موعد الخطبة
- يمان : طب واناااا وانااا شو هووون ؟ رجل كرسييي
#مسك الكاسة يلي كانت ع الطاولة وكسرها
- يمان : هاتو حكولي ايمت كنتو ناوين تخبروني ؟
#بلشت نور تبكي
- جليلة : خلص يمان بعدين بنحكي
- يمان : لا هلأ بدي نحكي كل مرة بتسكتيني وما بتخليني احكيييي اجيتي وطلبتي منييي قول اني بحبا وقلت وطلبتي قول رح نخطب وقلتتتت وتطلبي ونفذ ونفذ ونفذ وشغلتي كانت بس نفذ طلباتك لتكون نور مبسوطة وما كنت احكي شي بس انك تحطيني تحت الامر الواقع واسكتتت ؟ انتو عنجد مستغبيني لهي الدرجة
- يوسف : خلص اخي
- يمان : شو خلص اخي الي عم تقلي خلص ! اليي ! قول لامك ونور واول مرة واخر مرة بتحطوني تحت الامر الواقع ماشيييي
- يوسف : روووق
- يمان : راااايق
- يوسف : واضح
#تركن يمان ومشي وفتون واقفة مكانها مصدومة من عصبيتو ومن الحكي يلي سمعتوو .. وصل يمان لباب البيت ووقف ..
- يمان : فتون ناطرك بالسيارة
- فتون : ها ؟!
- يمان : بسسسسرعة
- فتون : جااي
#طلع يمان وركضت وراه فتون وركبت معو بالسيارة ومشي بسرعة
___
#بالبيت
- نور : شو هاد يلي سمعتو ؟
- جليلة : هو حكا هيك لانو معصب
- نور : لا .. لا كنت حاسة انو ما بحبني كتير ومو متعلق فيني بس ما توقعت انو يحبني ع طلب منكك .. ما توقعت
- جليلة : نور بنتي سمعيني هو ما حكى القصة منيح
- نور : ما حكى القصة منيح !! هاتي قوليلي شو القصة ترجيتيه اكتر مثلا ؟؟ ما تجبرو بخاطري .. بكفي انكن ما تكسرولي قلبي .. بكفي
#ركضت نور ع غرفتها وهي عم تبكي وحبست حالها
- جليلة : بنتييي
- تركيها بتهدا لحالها
- جليلة : بس ..
- خلص تركيها هلأ مصدومة
- يوسف : معها حق
- جليلة : بس انا عملت هيك مشانها .. لانو بعرف هي اديه بتحب يمان ومتعلقة فيه من زمان .. يمان كان حب طفولتا .. ففكرت لو انو تزوجا يمكن يقدر ييعوضا شوي عن اهلها وفقدانن بس شو عملت اناااا .. كسرتلا قلبا
- يوسف : امي
#قعد يوسف حد امو وضمها
- يوسف : تمام لا تبكي.. اهدي وبوعدك انا احكي مع نور وراضيها
- جليلة : ماا عاد ترضى .. معها حق قلبا انكسر انا انا كسرتوووو
- يوسف : امي .. خلص انتي اهدي بالاول بعدين براسي بروح براضي نور.. وعد لحتى خلي الكل رضيان
________________
#بالسيارة ..
- فتون : فيك توصلني ع المشفى
- يمان : لا تأخر الوقت خلص بوصلك ع البيت

#مسحت نور دموعها وهي مستغربة
- نور : كيف يعني ؟ معقول كون ما بحبو ؟
- يوسف : انتي يلي لازم تعرفي
- نور : بس انا كتير بنقهر لما حدا يقرب منو او لما يعاملني بطريقة بشعة
- يوسف : لانو يمان كان يعاملك ك طفلة قدامو .. اما بالنسبة للغيرة ف شي طبيعي انو طول الوقت عم ينحكا هالشخص الك هو الك انتو لبعض شي طبيعي انك تحسي بالتملك وتفكري انو هو بس الك وهيك
- نور : انا ضعت اكتر بعد كلامك هاد
- يوسف : فكري منيح
- نور : ما بعرف شو ممكن استنتج
- يوسف : فكري بكل شي وع اقل من مهلك
- نور : طيب
#قام يوسف بدو يطلع .. وقف عند الباب وتطلع فيها ..
- نور : في شي ؟
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : *******
- نور : مستحيل
- يوسف : ع كل حال فكري مانك خسرانة شي ..
- نور : ما رح فكر لا ومستحيل فكر اعمل هيك شي
- يوسف : مو مشكلة بس برجع وبقلك فكري
- نور : انا ..
#طلع يوسف وسكر الباب وراه
- يوسف : معقول كون تسرعت !! لا ابدا هاد اكتر وقت مناسب
- جليلة : يوسف
- يوسف : اي امي
- جليلة : شو صار معك
- يوسف : حاولت هديها شوي
- جليلة : بعدلي رح فوت احكي معها
- يوسف : لا امي كمان هي بحاجة انو تضل لحالها وتفكر شوي وترتاح
- جليلة: بس ..
- يوسف : خلص روحي نامي والصبح بتحكي معها
- جليلة : طيب
- يوسف : بالمناسبة اجى يمان ؟
- جليلة : لا لسه كمان هاد التاني بلش ينشغل بالي عليه
- يوسف : غريب المفروض يكون هون.. رح دقلو
#حاول يوسف يدق ع رقم يمان اكتر من مرة بس يرن وما حدا يرد .. انشغل بالو ع يمان
- جليلة : ما رد عليك ؟
- يوسف : لا
- جليلة : يا الله وين بدو يكون راح
- يوسف : ما تخافي هلأ رح اخد الرجال ونطلع نشوف اذا بنلاقيه
- جليلة : دير بالك ع حالك والله رح تجيبولي الجلطة
- يوسف : خلص ما تخافي رح دور عليه ونرجع انا وياه
#طلع يوسف مع الرجال .. ركبو هالسيارات ومشو ع الطريق وضلو يمشو لحتى وصلو لعند سيارة يمان .. نزل يوسف بسرعة وفتح باب السيارة وما لقى حدا .. اتصل بيمان رن الجوال بقلب السيارة
- يوسف : وين بدو يكون راح هاد
- معلم لازم تجي تشوف هون
- يوسف : شو في !
#راح يوسف للجهة التانية من السيارة لقى انو بلور الشباك مكسور وفي خدوش مبين انو تعرض لهجوم
- يوسف : هدول مو ناوين يقعدو عاقلين لحتى يموت شي تنين تلاتة منن
- والعمل معلم !
- يوسف : ولا شي رح نرجع
- ويمان ؟
- يوسف : يمان قد حالو ما بينخاف عليه
#ركبو السيارات ورجعو ع البيت
- جليلة : طمني .. وينو يمان
- يوسف : يمان منيح
- جليلة : وينو ليش ما اجى معك
- يوسف : يمان هاجموه
- جليلة : شووو
- يوسف: يمان بالبيت يلي بقلب الغابة
- جليلة : شفتو ؟
- يوسف : لا بس شفت السيارة واكيد راح يتخبى هنيك لان ما رح يقدر يواجهن لحالو وفكرت يمكن يكون المكان مراقب لهيك ما دخلت ع الغابة مشان ما سببلو خطر
- جليلة : الله يحميلي ياك يا ضو عيوني
#راح يوسف ع غرفتو وجليلة ع غرفتها ونامو ومضت هالليلة
________
#اليوم_التاني
#فاقت فتون وفتحت باب الغرفة شوي شوي وطلعت .. لقت يمان نايم ع الكنباية راحت لعندو وتطلعت فيه
- فتون : بنومك متل الملاك وبفيقتك شيطان
#قربت ايدها ع وجهو وقبل ما تلمسو فتح عيونو ومسك ايديها وفتلها ..
- يمان : فتون !!
- فتون : اي اي فتون شبككك
- يمان : وليش هيك عم تقربي متل الحرامية
- فتون : انا ..انا ما عم قرب متل الحرامية ...ممكن تتركنيي
#تركها يمان وقامت وقفت فورا ويمان صار يضحك
- فتون : عفوووا ليش عم تضحك
- يمان : ولا شي
- فتون : كيف ولا شي لكا ليش هيك رح تفرط من الضحك
#ما رد عليها وكان بس عم يضحك بعدين صفنت فيه .. كانت اول مرة بتشوفو عم يضحك بهاد الشكل ..
- يمان : لي عم تطلعي هيك
- فتون: شكلك طالع حلو وانت عم تضحك
- يمان : يعني بفهم اني بكون بشع لما كون عابس
- فتون : لا
- يمان: لا
#انتبهت فتون ع حالها كيف عم تطلع فيه وكيف عم تحكي
- فتون : اححم بدي اروح ع بيتي
#ضحك يمان ضحكة خفيفة وقام تطلع من الشباك
- يمان : تمام جهزي حالك انا رح اطلع شوف الوضع برا
- فتون : تمام
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت ..

#يتبع ..
#ياسمينة

#داء_وَ_دواء
#الحلقة_الرابعة
#ياسمينة .
..
..
..
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت يمان واقف وبايدو المسدس وكان عم يتطلع ع الارض .. تطلعت هيي لقت في واحد ميت ع الارض صرخت وركضت لعندو
- يمان : تركيه وقومي
- فتون : كيف بدي قوم
- يمان : اكيد رح يجو لهون .. هلأ بيقتلونا
- فتون : بس لسه في نفس ممكن اساعدو
- يمان : فتون عم قلك رح يجو لهون قومي بسرعة
#كانت فتون عيونها ع الشب وبدا تساعدو مسكها يمان من ايدها وشدهااا
- يمان : لازم نمشي
- فتون : بس ..
#ركض يمان بالغابة وكان ماسك ايد فتون .. اما فتون فكانت عيونها لورا لسه وعقلها عندو وبدا تساعدوو .. بعد شوي سمعو صوت رصاص
- يمان : قلتلك رح يجو ولو كنا هنيك كنا هلأ متنا
- فتون : طب ممكن نستريح شوي انا تعبت ..
- يمان : رح نوصل تحملي شوي
#ضلو يركضو لحتى وصلو للطريق
- يمان : تعالي هي وصلنا عند السيارة
#قربو ع السيارة لقوهن مخربين الدواليب
- يمان : الله يلعنكم
- فتون : وهلأ شووو ؟؟ اكيد جاين ورانا
- يمان : مافينا نعمل شي غير انو نركض
- فتون : بس اذا لحقونا ح يقتلونا فورا هالطريق لا فيه سير ولا فيه دنيا
- يمان : ح ندخل بالقسم التاني من الغابة .. طريق مختصر لبيتنا
- فتون : يعني لفيت ودرت ورجعت لعنكن
- يمان : شو بدك تعملي نصيبك هيك
#فاتو بالجهة التانية من الغابة وبلشو يركضو لحتى وصلو للبيت .
- يمان : هنن وراي ع الاغلب تصرفوا
- حاضر معلم
#تفركشت فتون ووقعت
- فتون : اااخخ رجليي
- يمان : انتي منيحة ؟
- فتون : ع الاغلب التواء
- يمان : تمام شوي شوي
- فتون ؛ مو قادرة وقف عليهاا
- يمان : خلص اهدي ..
#حملها يمان ومشي .. دخلو ع البيت كان الكل قاعد وفات وهو حاملها وحطها ع الكنباية
- يمان : جيبي شي قطعة متلجة لهون
- فتون : انا منيحة
- جليلة : شو صار
- يمان : التوت رجلها ووقعت
#نور كانت واقفة وساكتة .. شايفة كيف عم يهتم فيها .. اول مرة بتشوف يمان هيك كتير انقهرت وتذكرت يلي حكاه يوسف مبارحة

#الليلة_الماضية ..
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : تتزوجيني ؟
- نور : شوو
- يوسف : منعلن خطبتنا وبوقتا يا بيرجعلك يمان يا اما بتلاقي حالك عايشة كتير منيح بلاه
- نور : يوسف انت عم تحكي جد ؟
- يوسف : اكتر مرة بكون فيها جدي .. فكري نور

#الحاضر
- يمان : صرتي احسن ؟
- فتون : ايي
#كانت جو العيلة متوتر من يلي عم يصير ومن انو عدوهن مو شايف قداموو ونور بس واقفة وعم تتذكر حكي مبارحة .. عم ينعاد ببالها
- نور : يمكن هالحكي ما وقتو بس ..
#التفت الكل عليها
- جليلة : بس شو بنتي ؟ شو صاير ؟
- نور : يعني الشي يلي بدي خبركم ياه انو ..
- انوووو ؟
#مشت نور باتجاه يوسف ومدت ايدها ومسكت ايدو
- نور : نحن قررنا نخطب
#الكل انصدم واستغرب وحتى يوسف كان مصدوم
- جليلة : شو هالحكي يلي عم اسمعو
- يوسف : صح انا مبارحة حكيت مع نور وقررنا نخطب
# الكل مصدوم مو عرفانين يفرحو ولا ينزعجو من تصرفن .. معروف نور ليمان كيف هيك بقررو يخطبو
- هاد الشي ممنوع بعيلتنا نحن كبار العيلة وقررنا نور ليمان ب اي حق بدكن تخطبو هلأ وما فكرتو بيمان
- يمان : انا ما عندي مشكلة
#تطلعت نور فيه وهي مصدومة توقعت يقول لا توقعت يركض ويبعدهم عن بعض ويقلها انتي الي
- يمان : يعني يوسف احسن مني بالف مرة ونور بتستاهل تتزوج حدا يحميها ويحبها ويصونها
- جليلة : بس نور انتي ...
- نور : كنت
#تطلعت بيمان وضحكت
- نور : انا ويمان ما النا نصيب مع بعض
#بعدها متأملة يمنعها ويقلا لا بس يمان رجع لعند فتون
- يمان : كيف صرتي
- فتون : احسن
#كل العيلة قعدت تباركلن وتهنيهن وقعدوا يحددو موعد الخطبة ونور عم تبتسم وتحاول تمنع حالها من البكي
- نور : عن اذنكم شوي
- جليلة : لوين بنتي
- نور : بدي ارتاح شوي بغرفتي
- الهام : تركيها خجلت عروستنا من حكينا
- نور : ستييي
- الهام : حكي غلط
#طلعت نور بدون ما ترد وقامت فتون وراها
الكل كان عم يخطط اما يمان ويوسف فكانو بالمكتب عم يفكرو بطريقة ليخلصو من عدوهن .
راحت فتون لعند نور وفتحت الباب كانت عم تبكي
- نور : مين سمحلك تفوتي كيف بتفوتي اصلا بدون ما تدقي الباب انقلعي انقلعي برا
- فتون : ليش هيك عملتي
- نور : شو عملت هاد الناقص تجي تحاسبيني
- فتون : انا ما عم حاسبك بس حابة قلك لا تعملي هيك شي .. لا تربطي حياتك بشخص ما بتحبيه
- نور : مين قال ما بحبو
- فتون : نور انتي يلي بيتطلع بعيونك بشوف يمان هلأ صرتي تحبي يوسف
- نور : لك انتي شو دخلك

#داء_وَ_دواء
الحلقة الخامسة
#ياسمينة .
..
..
..

#ضرب الباب برجلو ودخل ع المكتب .. كانت قاعدة وعم تشتغل ورا مكتبها وقفت اول ما شافتوو
- فتون : ش.. شو عم تعمل هون !!
- يمان : امشي معي
- فتون : يمان اطلع برا
- يمان : فتون امشي معي وبلا كتر حكييي
- فتون : ما بدييي ما بدييي ما عم تفهم
- يمان: انتي يلي ما عم تفهمي انو ولا مرة رح تستفادي شي لما تعانديني
#مسكها من ايدها وبالايد التانية اخد جاكيتها وطلع من الغرفة وهو عم يجرها وراه
- فتون : يمان تركنييي .. لك اتركني ما عم تفهمم
- يمان : امشي من تم ساكت
#ضل عم يشدها لحتى وصل للسيارة ركبها وراح للجهة التانية وفتون تأفأفت
- يمان : اوعك تعيديا
#تطلعت عليه بعيونها وقلبتهم بعدم اهتمام بدون ما ترد .
قرب منها وحصرها بينو وبين باب السيارة
- فتون : بعد هيككك
- يمان : انتي ليش بتعاندي دائما ولازم دائما تستفزيني
- فتون : وانت ليش مفكر انو الناس عبيد عندك ؟؟؟
- يمان : يمكن التصرفات هالناس هي يلي بتخليني اتعامل معن هيككك
- فتون : هاد مو مبرر .. انت عم تواسي حالك مو اكتر
#لمس خدها بايدو لمسة خفيفة رجفت وغمضت عيونا وبعدين مسكها من فكهااا بقوة وحكا بنبرة غضب
- يمان : لا تخليني عصب اكتر
#ما كانت قادرة تحكي من كتر قوتو .. نزل ايديه ورجع لمكانو وفتون دارت وجها ع الشباك
- يمان : بتعرفي انو بتكوني حلوة لما تسمعي الكلمة
#غمضت عيونا وعملت حالها مو سمعانة .. وضلت طول الطريق هيك لحتى وصلو ع بيتهن نزل وراح فتح الباب ومسكها من ايدها
- يمان : اوعك تحكي شي جوا عم تفهمي.. ولا تحاولي انك تتذاكي علي
#هزت براسها باستسلام وفاتو
- جليلة : ابنيي
- يمان : امي فتون تعبانة ولازم ترتاح بعدين منحكي
- جليلة : بس ابنيي
- يمان : امي قلت بعدين
#كفا طرريقو بدون ما ينطرها ترد حتى وفتون ما حكت ولا كلمة ونور كانت واقفة وعم تتفرج بس ..
فتح باب الغرفة ودخلها رماها ع الارض وسكر الباب
- يمان : لازم نحكي
#قامت فتون عن الارض وضحكت باستهزاء وقالت
- فتون : حابب نخطط لنخرب حياتي بطريقة حلوة مثلا
- يمان : ابدا مو وقت مسخرتك
- فتون : طبعا طبعا تفضل احكي انا رح اسكت
- يمان : رح نتزوج
#فتحت عيونا ع وسعهم وحكت
- فتون : شووووو
- يمان : متل ما سمعتي ومعك من هون لبكرى تتقبلي الفكرة
- فتون : مستحيل عم تفهم مستحيل اتزوج واحد مجرم متلك مستحيل مستحيلللللل
- يمان : لا تصرخي
- فتون : بدي صررررخ لا تكون بهالبرود .. لككككك انا ما رح اتزوجك عم تفهم ما رح اتزوجك لو بتكون اخر رجال بهالكون .. لانك مجرم وفاشل ومتسلط وما بتعترف باغلاطك واني اتزوجك يعني اني عم وقع ع ورقة موتي وكل هاد بكفة وانو فوت لهالعالم بكفةةة تانية
- يمان : كل هالحكي ما بهمني . انا يلي عندي قلتو
- وفتون : وانا مو موافقة
- يمان : انا ما طلبت موافقتك اصلا
- فتون : بس الشيخ رح يطلبها وانا رح قول لااا لا لاااا
- يمان : بنشوف
#تركها وطلع وقفل الباب من برا ونزل
- يمان : يا ويلو يلي بسمع انو طلع لعند فتون
- جليلة : ابني فهمني بس شو في
- يمان: بكرى رح نتزوج انا وفتون اذا حابة انك تجهزي شي
- جليلة : بكرى ؟
- الهام : ابني مستحيل نلحق
- يمان : معناها لا تجهزو شي لانو انا مستحيل اجل
- نور : ما عاد قادر تنطر
- يمان : لا رح موت على ما نكون سوا
- جليلة : ابنييي
- يمان : يلي بدق الباب بيسمع الجواب
#طلع يمان من البيت ورجع ع الشركة
- جليلة : هو ما قصدو شي يا بنتي
- نور : بعرف .. بعرف
- جليلة : يلا لكن خلينا نبلش
- يوسف : بشو بدكن تبلشو
- جليلة : اخوك بدو يتزوج بكرى
- يوسف : بكرى !!
- جليلة : اي والله يا ابني . عقبال ما جهز لعرسك
- يوسف : لا امي صعبة شوي لانو انا ونور قررنا انو ..
#قاطعت كلامو نور وحكت
- نور : نعلن خطبتنا بهالفترة للعالم كلا.. صح يوسف ؟
- يوسف : ها !!
- نور : عم قول ليش ما منخلي الفرحة فرحتين يعني خطبتنا انا ويوسف ويمان وفتون
- جليلة : بس يمان حكى انو العرس بكرى يعني مو ناوي يأجل
- نور : يوسف بيحكي معو وبيقنعو
#يوسف واقف ومصدوم من كلام نور وعم يحاول يستوعب ويقارن بين حكيها هلأ وحكيها قبل يومين.. سحبها من ايدها ودخل ع غرفتو وسكر الباب
- يوسف : انتي شو عم تحاولي تعملي فهميني
- نور : عم جهز لخطبتنا
- يوسف : خطبتنا يلي كنتي بدك تلغيها كلو قبل يومين
- نور : ما كنت عم فكر بعقلي
- يوسف : بشو كنتي عم تفكري !! بشووو
انا عنجد بطلت افهمك ابدا عم حاول كل الوقت انو كون رايق وسايرك وما اجرحك بس انتي بتصرفاتك هي عم تجبريني جن وعصب
- نور : تصرفاتي ؟ ليش شو عملت انا
- يوسف: بعرض عليكي نتزوج بتعصبي وبتقولي لا وفجأة قدام كل العيلة بتقولي رح نتزوج وبعد يومين بصير بدك تلغي العرس وبدك تجيبي حكي لحالك وتششككي الناس بشرفك لحتى ينلغى العرس واليوم بدك تجهزي للخطبة ... نور فهمينيييي لشو عم تحاولي توصليي

- يمان : فتون امشي
- فتون : اتركنييييي انت مو احسن.. طول هالمدة كمان انت بتعرف وساكت كلكن ساكتين كلكن عم تضحكو علي كلكن .. وانا اللي كنت طول الوقت عم فكر يمان ليش رفع دعوة طلاق .. وفكر وفكر وفكر وما لاقي سبب وطول الوقت فكر يمان ليش بيكره امي ؟ وسألتك مرة وتنتين وتلاتة وما كنت تجاااوب ليشششششش
- منار : ابني
- يمان : لا تقوليلي ابنييي انتي مو ام ولا بعمرك ح تصيري ام .. بعمرككك
#مسكني يمان من ايدي وسحبني وراه
- منار : ما فيكن تروحو هيك .. اسمعوني .. يماااان .. انا مو امها لفتون
#وقفنا انا ويمان اول ما سمعنا هالجملة وفتلنا عليها.. قربت وانا ناطرتا تكمل الجملة لاستوعب الحكي
- يمان : حاج تكذبي حاااج
- منار : ما عم كذب ..
#تطلعت بفتون وكملت كلامها
- منار : امها لفتون ماتت ومن زماان ..منار مااتت .. انا.. انا بكون توأم امك
- فتون : ككيف !!

#يتبع
#ياسمينة 💜🌸

#داء_وَ_دواء
#الحلقة_الرابعة_عشر_والاخيرة
#ياسمينة 💜
..
..
..
- فتون : كيف
- منار : ما عاد قادرة خبي اكتر من هيك لازم تعرفو يمكن ع الاقل هيك بسامحني يمان
- يمان : ما رح نسمعك لانو مافي اي كذبة بتقدر تخلينا نسامحك
- فتون : انا بدي اسمع انا ما فيني عيش جوا متاهة ما الها بداية ولا نهاية
- يمان : فتون
- منار : انتو التنين مو اخوات .. وانا مو منار انا لمار
- يمان : وين الجديد
- لمار : رح بلش من البداية .. انا ومنار توأم كبرنا بعيلة مافيا .. منار حبت شخص اسمو خالد كمان كان من عيلة مافيا واصلا تعارفن كان بفضل المافيا .. نفوذ عيلة خالد كانت ضعيفة كتير وعيلتي ما قبلت تربط اسمها مع اسم هالعيلة لانو هالشي رح يسببلا مشاكل كتير قررت منار انو تهرب مع خالد وبالفعل هاد اللي صار وهربو على مكان بعيد وما عاد عرفنا عنن اي شي بس اهلي بقيو يلاحقوهم وكانو مصّرين انو يلاقوهم .. بهاد الوقت كنت انا وابوه ليمان منحب بعض وابوه ليمان كانت نفوذ عيلتن قوية بس كان في تار بين العيلتين يعني كان من سابع المستحيلات انو نقدر نتزوج وحتى كنا نتلاقى قليل كتير بس كان في مرسال بينا كانت رفيقتي .. تاخدلو اخباري وتجبلي اخبارو وهالمرسال كان جليلة
- يمان : جليلة !!!
- لمار : اي جليلة .. جليلة كانت من عيلة عادية كتير وكانت تروح وتجي كتير .. حتى علاقتها مع اهل ابوك صارت قوية كتير ولما عرفو بعلاقتنا ما كان قدامهم غير جليلة يزوجوه ياها وهي كانت ناطرة الفرصة ع احر من الجمر
#تطلعت بفتون
- لمار : عرفتي هلأ ليش كان بدي اخطف جليلة . كان بدي انتقم واطفي النار اللي شعلتها بقلبي من سنين طويلة ..
اول ما عرفت بزواجهم جنيت وعصبت ومرضت وكمان بعدت يعني قررت سافر برا البلد فترة منيحة لانسى وهنيك تعرفت ع داوود اللي هو زوجي هلأ مشينا كذا شغل سوا وكان بدو نتزوج بس انا تركت المدينة ورجعت لهون .. ورجعت التقيت بابوك وتزوجنا بالسر وخلقت انت .. كنت كل يوم قول الوضع رح يتحسن .. كل شي رح يزبط بس كان يصير العكس تماما كل شي كان عم يروح بالاتجاه السيء .. الامور ابدا ما كان بقدرتي انو سيطر عليهاا .. وبهالفترة رجع داوود ع البلد والتقينا ورجع عرض علي الزواج وانا قبلت لانو ما عاد قادرة اتحمل اكتر .. انا ما تركتك انا قلتلو لابوك وترجيتو انو ع الاقل تبقى انت معي اذا هو بدو يروح.. بس هو ما رضي هو اخدك لعند جليلة لتربيك وتشعل نار تانية بقلبي.. تزوجت انا وداوود وما بكذب ابدا كنت ليل نهار عم خطط لادمر جليلة وابوك بس ابوك مات
- يمان : انتي اللي قتلتيه
- لمار : ابدا ما كان الي علاقة بالتفجير اللي صار .. كنت مخططة لكل شي بس فجأة فتون دخلت ع عيلتكن بدون اي تدبير مني .. وانا استغليت الفرصة واستغليت شبهي لامها واستغليتا لانتقم بس ما كنت مفكرة انو الموضوع رح يوصل الك
- فتون : استغليتيني كرمال انتقامك ؟؟
- لمار : انا اسفة
- فتون : بشو بتنفعنيييي
- لمار : بعرف ما عاد في شي ينفع بس في شي تاني لازم تعرفيه
- فتون : شو في اكتر من هيك شووووو
- لمار : انا السبب بموت امك .. امك ما تركتك ولا بعمرا فكرت انو تترك بس تواصلنا انا وامك بعد فترة انقطاع طويلة .. وكنت شوفا اديه مبسوطة بحيااتا مع الشخص اللي بتحبو وما قدرت اتحمل هي تكون مبسوطة وانا لا .. بالبداية انا اللي خربت شغل خالد ولما شفتها ضلت معو رغم كل شي انا ..
- فتون : ايييي انتي شووو
- لمار : انا رحت وخبرت خوالك عن مكانها وراحو وقتلوها وبوقتا انا صورت فيديو انو ما عاد اتحمل الوضع وانو رح ارجع لعند اهلي وتركتو لابوكي
#انفاسي بلشت تتسارع وكلامها عم يدور براسي
- يمان : فتووون .. فتووون
#اختل توازني ووقعت وما عاد وعيت ع شي .. فتحت عيوني كنت بالسيارة وكان يمان عم يسوق

#داء_وَ_دواء
#الحلقة_الاولى
#ياسمينة
..
..
..
#النجاح شعور كتير حلو .. فعلا بتحس بانتصار لما تتغلب على فشلك .. تنجح رغم كل الصعوبات كل المشاكل .. كل الازماات .. كل المعوقات
الشي الغريب فعلا انوو اول واكبر اعاقة لنجاحي كانت ابي .. ابي يلي المفروض يكون سند يكون ملجأ امان بس لا .. كان ملجأ عذاب .. عذاب وبس .. بس رغم هيك نجحت .. نجحت ودرست وصرت دكتورة معروفة بجهدا وشطارتا وقوتا وذكائها ..
_______
#خلصت مناوبتي وبدلت تيابي وطلعت من المشفى .. حبيت اتمشى متل كل يوم والطرقات فاضية .. اكتر من الف شخص مرق من هون اليوم وكلن في بقلبن هموم متلي متلن .. يا ريت لو ما كان في هم بالدنيا .. يا ريت لو قدرنا نزيل الهم بشي تاني .. وشو رح تنفعني كلمة يا ريت ..
#كانت ماشية وعم تفكر بينها وبين حالها لحد ما هدت جنبها سيارة ونزل منها شب لابس اسود ب اسود
- لو سمحتي ..
- فتون : تفضل بشو بقدر اخدمك ؟
- حضرتك بتشتغلي بالمشفى شي
- فتون : اي انا دكتورة هون
- الله يوفقك رفيقي جريح لازم تساعديه
- فتون : وينووو
- ما قدرت جيبو لان في ببطنو سيخ
- فتون : سيخ شو ؟
- كنا بمنطقة عم يبنوها ووقع واجى فوق قطعة وفيها سيخ لازم تنقذيه الله يوفقك هو قريب من هون خمس دقايق منوصل
- فتون : طيب طيب امشي
#كان عم يحكي بلهفة وخوف مو طبيعي .. ركضت فتون وركبت معو بالسيارة ومشي وصار يفوت بطرقات وقفل السيارة
- فتون : لي قفلتا
- ولا حرف
- فتون : مين انت شو بدك مني ؟؟ نزلنيييي
- لازم تعالجي شخص بالاول بعدين برجعك لقدام المشفى
- فتون : لي قفلت السيارة
- اضمن
#حاولت فتون تبقى البنت القوية وما تبينلو انو الخوف متملكها .. كانت عم تردد بينها وبين حالها انو هاد شغلها ورح تخلص شغلها وترجع وتحاول تقنع حالها انو مافي شي رح يصير بس الشب بلش يفوت بمنطقة مقطوعة ما فيها حدا ..
- فتون : رفيقك لي ما اجى عالمشفى وشو هالمكان يلي جاي عليه
- ما تخافي لو بدي اعملك شي رح قلك مو خايف منك
- فتون : رفيقك وين
- بالغابة
- فتون : نزلني
- مو مستاهلة رح نوصل ..
#كان عم يمشي بطرق الغابة .. ما ضل لا بيوت ولا شي وضل يمشي لحد ما وقف قدام بيت .. صف السيارة ونزل وراح فتح الباب ومسكها من ايدها ومشي ..
- فتون : شوي شوي
- امشي من تم ساكت
#دخلها ع البيت ودخلها ع غرفة ووقعت بالارض قدام شب منصاب برصاصة بكتفو
- عالجيه
- فتون : لازمني كتير غراض وحتى بدي حدا يساعدني
- كل شي موجود
#راح ومسك صندوق وعطاها ياه وقعد جنب الشب من الجهة التانية
- كل شي بدك ياه بتلاقيه هون
- فتون : بدي كحول لحتى عقمهن
- نور
- نور : امرني
- جيبي كحول
- نور : حاضر
#جابت البنت كحول وبلشت فتون تعقم الاغراض .. مسكت المقص وقصت الكنزة
- فتون : مافي مخدر هون
- مشي حالك بلاه
#تطلعت فتون بالمصاب
- فتون : انا اسفة بس رح تتوجع كتير
- بتحمل مو مشكلة بس خلصينيييي
#بلشت فتون تفتح الجرح وكان الشب عم يساعدا بتخفيف الدم وتعقيم الجرح وكتير شغلات وهي عم تشيل الرصاصة توجع الشب ومسك ايدها
- فتون : ما بقدر شيلا
- كيف ما بتقدريييي مو انتي دكتورة
- فتون : الواضح انو الرصاصة بين عظام الكتف ما بقدر طالعها بدون الصور والتحاليل
- طالعيا
- فتون : صدقني خطر كبير كتير ع حياتو اذا رح طالعها
- ما فيني اخدو ع المشفى
- فتون : وانا ما فيني اعمل شي غير انو عقم الجرح واكتبلك ع مسكناات
- تمام
- فتون : شكلك ما عم تستوعب اللي عم قولو
- انتي اللي ما عم تستوعب انو ما بقدر دخلو مشفى ما بقدررررر .. قوليلي اي شي تاني لحتى جبلك ياه
#خيطت الجرح وعقمتو وضمتو
- فتون : هلأ لحالك رح تغفى
#حرك الشب راسو بمعنى اي .. اما الشب التاني ف طلع من الغرفة ولحقتو فتون
- فتون : لازم يروح ع المشفى
- ما بيقدر يروح
- فتون : ليشش
- نور : لا تكتري اسئلة
- فتون : اها .. تمام معناها رجعني ع المشفى
- ما بقدر
- فتون : لحظة كيف ما بتقدر !!! ما قلتلي بس تعالجيه رح رجعك
- بس انتي ما عالجتيه
- فتون : بس انا م..
#عصب وضرب ايدو بالحيط
- قلت ما فيكي تروحييي
- نور : تمام يمان اهدا
- فتون : ما فيك تحبسني هون
- يمان : مبلا فيني واي تصرف غلط باخد روحك ماشي .. فوتي ضلي جوا عندو وانتي خليكي معا مشان ما تعمل تصرف غلط
- فتون : عم قلك ما فيني ابقى هووون شبك ما عم تفهم
- يمان : نور خديها من هون بسرعة
- نور : امشي قدامي .. فوتييي
#دفشتها نور لجوا الغرفة وفااتت وقعدت ع الكرسي وفتون ضلت واقفة اما يمان ف طلع برا البيت وشغل السيارة ومشي
- فتون : فيني اعرف ليش ما رح تاخدوه ع المشفى
- نور : لانو بالمشفى حياتو بخطر اكبر

- يوسف : شو صار
- يمان : ولا شي انت منيح ؟ لي فقت
- يوسف : شو لي فقت فقت ع صوت الضربة
- يمان : اا اي خلص نام انت
_
#طلعت فتون من المشفى وعم تتمشى للبيت .. كالعادة الطرقات شبه فاضية .. هدوء ..
- فتون : اوقات بحس الشي يلي عم يصير بحياتنا عقاب بس برجع وبقول شو ممكن كون عاملة لاتعاقب هيك .. ليش ليش يا امي عملتي فيي هيك وتركتيني لوحدي مع هالوحش ليش يا ريت لو فيني كون قوية متلك واخلص منو ومن كل شي يا ريت ..
#دخلت فتون ع البيت كان هدوء .. راحت عالصالون كان ابوها قاعد وعالطاولة قدامو المشروب
- فتون : كالعادة
#رفع راسو وتطلع فيها وقام ومشي شوي شوي ووقف قبالها و ...

#يتبع ..
#ياسمينة 💜

#داء_وَ_دواء
#الحلقة_الثانية
#ياسمينة .
..
..
..
- خالد : انا اسف
- فتون : شو
- خالد : انا هلأ لوعيت ع حالي .. انا عنجد اسف ظلمتك كتير
- فتون : يعن..
- خالد : حتى .. حتى انو انحرمتي من امك بسببي .. انا ادمنت ع شي اسمو مشروب ما عاد قادر عيشك وعيشهاا .. انتي اثبتيلي انو الانسان بيقدر ع كل شي ما حدا كان بيتوقع انو بنت السكرجي تطلع دكتورة شاطرة هيك.. ما بدك تقولي شي
- فتون : شو ممكن قول
- خالد : من صغرك شفتي قسوتي وظلمي وبحياتك ما قلتيلي بابا .. قوليلي بابا ولو لمرة وحدة
- فتون : ما بقدر .. صعب ما في شي بخليني قلك بابا .. مو شايفة منك شي انا
- خالد : انا رح اتغير .. اليوم كابرت ع حالي وما سكرت صدقيني رح اتغير
- فتون : بس تتغير منحكي
- خالد : انا ما كنت سند الك .. ممكن تكوني سند لابوكي وتساعديه ؟
- فتون : طبعا رح ساعدك لحتى توقف هالقرف
- خالد : رح حاول ..
#فتح ايديه وقرب بدو يضما رجعت لورا فتون
- فتون : ما بقدر
#راحت ع غرفتا وقفلت الباب وقعدت
- فتون : اليوم بعد عشرين سنة رح تتغير .. عشرين سنة وانا محرومة من شي اسمو ام .. محرومة من الحنان والحب .. عشرين سنة وانا عايشة تحت رحمتك وقسوتك وظلمك ما بقدر .. ما بقدر بيوم وليلة حبك واتصرف ولا كأنو صار شي .. ما بقدر
#قامت فتون بدلت تيابا وطالعت البوم الصور وقعدت تتفرج ع صور امها .. صورها وهي طفلة .. صورة عيلتن لما كانت عيلة مثالية .. وغفيت وهي عم ترجع بذكريات الطفولة ...
__________
#اليوم_التاني
#جهزت حالها فتون وطلعت من غرفتا كان ابوها نايم ع الكنباية وكان المشروب مليان وكان في كاسة مكسورة .. الواضح انو عاش صراع كبير الليلة الماضية
شالتن فتون وخبتن وجهزت فطور وكتبت ملاحظة صغيرة " صباح الخير ليوم جديد وحياة جديدة "
وراحت ع المشفى وتركت ابوها نايم
__
#بالمشفى
- صباح الخير دكتورة
- فتون : صباح النور
- ادم : هاا دكتورة
- فتون : صباح النور ادم
- ادم : اسف .. صباح الخير
- فتون : مشان المريض يوسف
- ادم : ما دخلنا ع الغرفة غير مرة وحدة وكان منيح هلأ ما بعرف
- فتون : مو مشكلة انا هلأ بشوفو
- ادم : تمام دكتورة .. اليوم في مواعيد بتبلش من الساعة ١١
- فتون : تمام وغيرو
- ادم : كل شي طلبتيه مني من صور وتحاليل للمريض ٥١٤ صارو ع مكتبك فيكي تشوفين وتخبريني ايمت حدد العملية
- فتون : وغيرو
- ادم : ما ضل شي غيرو .. قهوتك ربع ساعة وبتكون بمكتبك
- فتون : ماشي
#راحت فتون ع غرفة يوسف وكان الامن واقف ع الباب
- فتون : في حدا فات ع الغرفة
- لا دكتورة بس في ممرض واحد فات مرة وحدة وطلع وبعدا لا عاد حدا طلع ولا حدا فات
- فتون : تمام .. اي حدا بدو يفوت بتخبروني قبل ما تخلوه يفوت ماشي
- ماشي
#فتحت الباب ودخلت كان يمان نايم ع الكرسي ويوسف نايم بتختو .. سكرت الباب شوي شوي ودخلت وقفت وتطلعت ب يمان وحكت بهمس
- فتون : اديه بتكون ملاك وهادي وانت نايم يا ريت تضل نايم
- يوسف : حاقدة عليه !
- فتون : اا .. لا
- يوسف : نظرتك اما حب او حقد حسب اللي حكيتيه
- فتون : شو حكيت
- يوسف: شو كنتي عم تهمسي فوق راسو
- فتون : انت مو كنت نايم
- يوسف : وهلأ فقت
- فتون : انا اجيت افحصك واطلع.. يمكن فيك تطلع اليوم
- يوسف : يا خسارة القعدة عنكن كانت حلوة
- فتون : صار دور غيرك
#بلشت فتون تفحصو وبعدين تطلعت ع تحاليلو
- فتون : خبر حلو فيك تطلع اليوم
- يوسف : يعني تحسنت ع الاخر
- فتون : لا لازم ترتاح كم يوم بالبيت لانو الجرح لسه جديد وممكن يتجرثم بسهولة والمفروض بهيك حالة ما خرجك بس اخوك مصٌر انو ما يخليك هون
- يوسف : اصلا اريحلي بالبيت وهيك
- فتون : تمام في حال صار اي شي فورا بتتصل فيني تمام
- يوسف : تمام شكرا الك دكتورة
- فتون : العفو
#طلعت فتون وراحت ع مكتبا ودخل وراها زياد
- زياد : فتون
- فتون : ايي
- زياد : مين المريض يلي عملتيلو عملية
- فتون : واحد بخصني ليش
- زياد : مستغرب ليش مو مسجلة اسمو ومعلوماتو كاملةة .. ومسجلتيه بسجل المجهولين
- فتون : ما بدي حدا يعرف انو هو هون
- زياد : وليش
- فتون : زياد اسئلتك كترانة !
- زياد : انا مستغرب لانو صرلك سنتين بتشتغلي هون بحياتك ما عملتي تصرف غلط او شي يخلي العالم تشك فيكي
- فتون : تشك بشو زياد .. قلتلك القصة وما فيا انو ما بدي حدا يعرف انو هو بالمشفى
- زياد : وتشديد حراسة الامن كمان لحتى ما حدا يعرف
- فتون : وما بدي حدا يفوت لعندو كمان
- زياد : بس..
- فتون : اذا بتريد .. عندي شوية شغل قبل ما تبلش مواعيدي ف يا ريت كل واحد منا يشوف شغلو
- زياد : طيب .. بس لخبرك انو ما ح اترك الموضوع

- جليلة : بس انتي..
- نور : انا منيحة
#ركضت نور وطلعت ع غرفتها وقعدت تبكي ولحقتها جليلة
- جليلة : نور حكيلي شو في
- نور : يمان
- جليلة : شبو
- نور : يمان بعمرو ما حبني ولا بادلني نفس الشعور
- جليلة : شو عم تحكي انتي جنيتي شي ؟؟ خطبتكن رح تكون قريبا وهلأ عم تقولي ما بحبني ولا شي
- نور : مزبوط بس يمان رح يخطبني شفقة مو اكتر .. لاني يتيمة ولاني بنت عمو ف عم يعمل هالشي متل واجب مو اكتر
- جليلة : انتي عم تتوهمي هو قلي ياها بدو يخطبك لانو بحبك
- نور : مزبوط بس بعمرو ما قلي بحبك بتعرفيي صرلنا سنتين .. سنتين عم نأجل بالخطبة ونحن محسوبين مرتبطين طول هالسنتين ما تطلع فيني بنظرة حب ولا بلهفة بتعرفي .. بتعرفي انو اليوم تطلع هيك بفتون ! فتون يلي ما صرلو بيعرفها يومين
- جليلة : اكيد عم تتوهمي
- نور : لااا .. جربي حطي فتون بموقف ممكن يأذيها وشوفي
- جليلة : رح اثبتلك انك عم تتوهمي
- نور : كيفف ؟؟
- جليلة : رح خليه يحدد موعد الخطبة بهاد الاسبوع وكمان رح خلي فتون تحضر
- نور : عنجد
- جليلة : عنجد .. انتي بنتي يلي ما طعمني الله فيها معقول خلي قلبك ينكسر !
- نور : وانتي امي يلي انحرمت منها
#ضمتها لنور ونور عم تبكي وعم تمسح ع شعرها وتهديها ..
اما فتون فكانت قاعدة تحت مع بقية العيلة وخايفة خصوصا بعد ما طلع صوت رصاص وضلت متوترة وخايفة لحد ما رجع يمان قامت ركضت وضمتو قدام الكل .. وكانت جليلة ونور نازلين ع الدرج وشافوها كيف ضمتوو .. حط ايدو يمان ع خصرها وبالايد التانية كان ماسك المسدس
- يمان : فتون
#صحت وانتبهت ع حالها شو عملت وبعدت عنو ولما بعدت شافت دم ع تيابها اجاها من تيابو
- فتون : انت منيح ؟؟
- يمان : منيح ما فيني شي
- فتون : والدم هاد ؟؟؟
- يوسف : اخي
- يمان : شبكن انا منيح
- يوسف : تعال معي
#اخد يوسف يمان وراحو ع الغرفة وفتون ضلت واقفة مكانها وراسها بالارض..
- تعالي قعدي بنتي رح خليهن يحضرولك الغرفة
- فتون : مافي داعي ع اساس يمان يوصلني بس يرجع
- الوقت متأخر لك بنتي ومتل ما شفتي هجمو عليه هلأ نامي هون اليوم والصباح رباح
- فتون : طيب ..
#راحت فتون وقعدت حد الختيارة وامرت الخدم يجهزوا غرفة لفتون واجت جليلة ونور قعدو
_
- يوسف : حكيلي
- يمان : كان عم يخطط ليقتلني الظاهر بعد ما صابك
- يوسف: حسابو عسير عندي .. بس لاتعافى صدقني رح صفي دمو
_
- الغرفة جاهزة يا خانم
- خدي فتون ودليها ع الغرفة
- حاضر
- نور : خليكي انا باخدا
- ماشي يا خانم
- فتون : برأي مافي داعي تعذبي حالك
- نور : ولو عذابك راحة
- فتون : امم امشي
#مشت نور ومشت وراها فتون وطول الوقت ساكتين وصلت نور للغرفة وفتحت الباب
- نور : تفضلي
#دخلت فتون ودخلت وراها نور بسرعة وقفلت الباب
- فتون : لي قفلتيه ؟
- نور : اسمعي منيح وليك موتك رح يكون على ايدييي صدقيني
- فتون : عفوا ؟ انقلعي برا
#فتلت فتون و ..

#يتبع ..
#ياسمينة

- يوسف : اتطلعي فيني
#رفعت راسها شوي وتطلعت فيه وحط ايدو ع خدها وقرب وباسها
#فتون كانت واقفة جنب يمان وابوها وجليلة
- فتون : يه يه
- يمان : شكلو مستعجل
- فتون : بس مو قدام العالم كلاااا
- يمان : يعني قولك ندخل لجوا نحن
- فتون : ليش بد..
#ثواني لستوعبت قصدو وشهقت ورفعت ايدها بدها تضربو
- فتون : لككككككك انت
- يمان : اوعك تفكري تعملي هالشي قدام العالم مشانك مو مشاني
#تأفأفت ونزلت ايدها .. اجاه اتصال ليمان
- يمان : تمام تمام جاي
#راح يمان وبقيت واقفة لحالها
- اي شو هالحلا كلو هاد
#وقفت فتون وتطلعت فيه بنظرة انو عم تحكيني انا ؟
- كل ما تكبري تحلوي اكتر
#همست فتون : انا عم اكبر لعما شو قصدو هاد
#شافتوو ماشي باتجاها
- فتون : لعما هاد جاي لعندي كأنو
#سمعت صوت من وراها
- جليلة : لك تؤبر ئلبي شو اشتئتلك
#مشي من جنب فتون وراح حضنها لجليلة وهي واقفة مصدومة
- كيفك ست الكل
- جليلة : صرت منيحة بشوفتك والله هلأ اكتملت فرحتي ع اساس مانك جاي
- ليش انا برفضلك طلب ولووو
#بعد ما حضنتو وبوستو
- ما عرفتينا
- جليلة : والله راح عن بالي .. خالد بيك وهاد ابن اختي الله يرحمها كبرتو وتعبت عليه اخر شي صار مهندس وطلع برا البلد
- خالد : تشرفنا
- آدم : وانا اكتر يا عم .. والصبية
- جليلة : هي فتون بتكون بنتو لخالد بيك وكمان هي ما شاء الله عنها دكتورة
#قرب منها ومدلها ايدو .. قربت ايدها وسلمت عليه
- آدم : تشرفت فتون خانم
- فتون : وانا اكتر
- آدم: بما انو الكل عم يرقص وانا وانت وحدانين فينا نكون شركاء رقصة ؟
- فتون : بس يم..
- آدم : يلا هي رقصة ما رح اكلك
- فتون : لا مو هيك القصة .. تمام
#مسكها من ايدها واخدها ع الساحة حط ايدو التانية ع خصرها وهي حطت ايدها ع كتفو وبلشو يرقصو
- آدم: بتعرفي انك اسم ع مسمى
- فتون : وكيف استنتجت هالشي بخمس دقايق
- آدم : لانك فتنتيني بخمس دقايق
- فتون : شكرا ع المجاملة
- آدم : بس انا ما عم جامل هي الحقيقة انا حكيتا وبس
#ابتسمت فتون وكملت رقصتها بس رجفت اول ما سمعت صوتو .. تطلعت لورا لقتو واقف والتعصيب باين عليه .. بعدت فتون عن آدم بسرعة ووقفت متل يلي ناطر اجلو
- آدم : يمان ع شوي كنت رح اسأل عنك وين مختفي يا زلمة
- يمان : بس تخلص الحفلة منتواجه صدقني رح تندم ع شوفتي اكتر من فرحتك هلأ
#تطلع بفتون وزورها
- يمان : وانتي امشي معي
#مسكها من ايدها ومشي
- فتون : يمان شوي شوي العالم كلا عم تطلع علينا
- يمان : ووقت كنتي لازقة ب آدم العالم ما كانت عم تطلع عليكي صح
- فتون : ما كنت لازقةة فيهه
- يمان : وانا شاهد
- فتون : طب لوين شاحطنييي
- يمان : ع جهنم .. ع توقيع ورقة موتك

#يتبع
#ياسمينة