قصة جديدة: #اصلان
............
قراءة ممتعة🦋💙"
#ⴅÂÐЄĦÂ
............
قراءة ممتعة🦋💙"
#ⴅÂÐЄĦÂ
#اصلان
@rwayate
الفصل العاشر
ع باب غرفة العمليات واقفين مفيد وفاتنة وام رنا يلي انهارت ع قد مابكيت
مفيد ساند راسو عالحيط وحزن الدنيا مخيم فوق راسو
وفاتنة محتارة بينهم تواسيي مين ولا مين وهي بدها مين يصبرها ويشد من اذرها
كانت من اصعب الاوقات يلي ممكن تمر عليهم
ام رنا؛ ويلي عليكي يابنتي وين كان مخبالك كل هاد
فاتنة قربت منها واخدتا بحضا
؛ طولي بالك خالتو رنا قوية ورح تطلع منها وثقي فيني
ام رنا؛ رنا طول عمرا ضعيفة بنتي وبعرفا
مفيد بصوت كلو غضب وحزن؛ لا رنا قوية ورح تضل قوية ومستحيل يصرلا شي
ام رنا؛ انشالله يا ابني انشالله واجهشت بالبكاء
دمعت عيون مفيد وماعاد يقدر يمنع حالو يقاوم اكتر
فجاة بينفتح باب غرفة العمليات وبتطلع ممرضة مسرعة
مفيد ركض باتجاها بس هي ماردت عليه وضلت راكدة
رجعت بعد خمس دقايق بايدها كيس دم
حاولو فاتنة ومفيد يحكو معا او يفهمو اي شي بس ماوقفت رجعت ع غرفة العمليات وتسكر الباب
وضلو بحيرة بس صار في بصيص امل انو تكون لسا بخير
بعد ساعات من الترقب والخوف والانتظار
طلع الطبيب ووجهو مجهد ومخيف
مفيد؛ دكتور طمنا
الدكتور؛ حاولنا كتير بس ماطلع بايدنا شي ضلينا متمسكين بالامل لاخر لحظة
....... البقاء لله
؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد شهور
فاتنة؛ مفيد انت ليش هيك عم تعمل ليش هيك تغيرت
مفيد؛ شبني بالعكس ليكيني عايش حياتي وعم اشتغل ورجعت الشركة متل ماكانت
فاتنة؛ بس انت ماعاد رحت عالملجئ ولا عاد تطمنت عالولاد حتا يزن مشتقلك
مفيد؛فاتنة عندي شغل اذا خلصتي فيكي تمشي
اطلعت فيه بصدمة ماكنت متخيلة مفيد يتغير هيك تركتو ومشيت
من لما ماتت رنا هو تغير وماعاد مفيد القديم صار كل همو الشغل والشركة حتا ماجد الزفت ضل وراه لحبسه وكشف حقيقته
انا لازم طالعوه من مفيد من حزنه
..... مفيد
لايمت يافاتنة بدك تضلي تذكريني بيلي صار مابكفيني الخسارة يلي خسرتا والصدمات يلي صارت تركيني انسا بالشغل
انا لازم انسا ماعم اقدر عيش بعد موتهم وحاسس انو كلشي صار بسببي حتا يزن ادمر وخسر امه وابوه بسببي
مرت الايام وانا صرت شخص تاني حياتي عملية كلا صفقاات وعقود وسفر
بيوم كنت مدوش بالشغل والشغل لفوق راسي وعقود كتيرة قدامي
فجاة اجاني اتصال من فاتنة من المزرعة
مفيد؛ اهلين فاتنة
فاتنة؛ مفيد الحقني مفيد تعال مفيد
مفيد؛ شوفي شو صار
فاتنة؛ مع دموع الحقني مفيد لااااااا
كان فيني عقل وطار تركت كلشي وركضت كان البي عم ينزف وجع كلشي الا فاتنة كل الطريق الندم عم ياكلني لان اهملتا اذا بصير شي لفاتنة رح موت ياربي ليش عملت بحالي هيك انا شو يلي عملتو ضيعت رنا بايدي وهلق فاتنة مستحيل مستحيل،
مابعرف كيف وصلت عالمزرعة كان الدنيا ظلام وهدوء مخيف ركضت بالمدخل لانقطع نفسي
وصلت عالباب كان مفتوح دفشتو بقوة وصرت بنص الفيلا بنص الظلام
مفيد؛ فاتنة فاتنة
فجاة ضرب بوجهي ضو قوي وصوت ناس كتير
مفاجاة وبلشو يقربو مني وينهالو علي بالتهاني والمعايدات وفجاة قرب مني يزن كنت شارد ووضعي مبكي من هول الصدمة ركضت ع يزن وحضنتو اطلعت قدامي كانت وردة واقفة وراسمة ابتسامة ع وجهة
وردة؛ كل سنة وانت سالم
مفيد؛ مرت اخي ايمتا طلعتي من المشفى
قربت فاتنة من وردة
فاتنة؛ هوهووو من زمان بس مو فاضي
مفيد؛ انتي حسابك بعدين كنتي رح تتسببي بموتي
وردة:انا قلتلا تعمل هيك
فاتنة؛ اصلا لولا هيك مابتجي
مفيد؛ انا كتير اسف وردة عاللي صار انا فعلا مقصر ومالازم اترككم
راحت فاتنة تلعب مع يزن والولاد وكانها طفلة وكنت شارد فيها وكاني من سنين مو شايفها
قاطعت شرودي
وردة؛ بتحبا
مفيد؛ انااا اييييي اناااا وتوترت من سوالها المفاجأ
وردة؛ ماتخجل الحب شي حلو
مفيد؛ انا ماعرفت الحب الا لما شفتا لفاتنة وبتعرفي شي
وردة؛ شو
مفيد؛ فاتنة قريبتنا هي بنت اصلان كمان
وردة؛ عنجد بس هي ماخبرتني
مفيد؛ لسا ماخبرتا بصدفة عرفت
وردة؛ وشو مستني
مفيد؛ مابعرف خايف من ردة فعلا يمكن ماتكون بتحبني متل مابحبا لازم اتاكد قبل
وردة؛ فاتنة ههههههه
مفيد؛ ليش عم تضحكي
وردة؛ فاتنة مافي ع لسانا الا مفيد طول هالاسبوع يلي كنت فيه هون وهي بتفكر فيك وبتفكر بطريقة لطالعك من حزن شايف هالاحتفال هاد هي يلي خططتلو ونظمتو
مفيد؛........
وردة؛لك هالبنت مو بس بتحبك بتعشقك
لما سمعت كلام وردة عن فاتنة البي انتفض ورجع يدق باسم الحب وصرت اطلع عليها وع براءتها ونفسي اركض باتجاها وقلا بحبك بحبك
وردة؛ مو وقت التفكير مفيد حاج تضيع وقت روح اعترفلا وهلق
مشيت بين الحاضرين وصلت لعند فاتنة
وجثيت ع ركبي قدامها وهي عم تطلع فيني بصدمة وع وجها ابتسامة والموجودين كلن بيطلعو باستغراب
مفيد؛ فاتنة انا بحبك بتقبلي تزوجيني
فاتنة؛ صارت تبكي وحطت ايدا ع تما
وانا بقيت عم انتظر جوابها
فاتنة؛ موافقة
وقفت وضليت عم اطلع بعيونا والناس صارت تصفقلنا واشتغلت موسيقا هادية ومسكت ايديا وصرنا نرقص
كنت بعالم تاني وانا قريب منها عيونا سحر
ودقات البا قادر اسمعن
