‏ ‏ #الجزء19

سهرو عنا وكان حسن عم يطلع عليي بعدا طلعو وانا رحت ع غرفتي وتمددت ع تختي وحاولت خبي شهقاتي معقول بتوصل معك لهون لهدرجة انا م عم سدق ضليت ابكي لحد م اجاني تلفون من زينب
_ليال بحرقة اي زينب
_زينب لك شو صار بينك وبين عاصم لحتى حسن جانن ع عاصم
_ليال بخوف ليش شو في
_زينب حسن من لما وصل ع البيت صار ينادي ع عاصم وصارو يتخانقو وبعدا اجا البابا خلص بينهم وضل عليهم لحتى صالحهم بس عاصم م كانت نضراتو بطمن
_ليال هاد يلي كنت خايفة منو صار لازم حط حد للموضوع
سكرت الهاتف وبلشت فكر كيف لح خلص حالي من هالمشكلة بعد تفكير طويل نمت وصحيت الصبح خلصت شغلي وحكيت بابا اني لح روح عند اختي ساعدها وهو وافق وفعلا رحت قعدت شوي عندها كنت متفقة معها انو اجي ع اساس ساعدها وروح ع بيت عمتي وحل المشكلة بعدا رحت ع بيت عمتي ستقبلتني مرت عصام هي بنت كتير حبابة وبتحبني
_ليال شو م في حدا هون
_رغد لا في بس عمتك مو هون
_ليال طيب مين هون
_رغد في عصام وحسن
_ليال طيب لكن بجي وقت تجي عمتي
_رغد لا وين تعي قعدي معي ولا انا م عبيت عينك
_ليال له يا عمري ولو
دخلنا ع غرفتها وقعدنا نحكي ومن حكي لحكي طلبتني لأخوها
_رغد بصراحة ليال انتي عاجبتيها لأمي كتير وبدنا نخطبك لأخي وانا بدي اخد موفقتك قبل م نطلب رسمي شو رأيك
كنت بدي جاوب بس شفت ضل حسن واقف ورى الباب قلت بقلبي هي احسن فرصة لبعدك عني سامحني حسن
_ليال يا البي انتي بتشرف
وهو لما سمع كلامي طلع فورا من البيت
ورغد من الفرحة ضمتني وانا حابسا دموعي بالزور ...............
بقعد شوي وبعدا بروح ع بيتي صار الليل واجا اتصال للبابا
_ابي بصدمة وشو وضعو هلأ
انا قلبي نشل من الخوف
_ابي طيب طيب انا جاي
_ليال بخوف بابا شو في حسن منيح مو
_ابي بيطلع فيي بقهر حسن عمل حادث طلع ع الميتور وكان مستعجل وطلعت سيارة بوجهو وهو هلأ بالمشفى
انا لما سمعت كلامو غرقت ببحر دموعي نحرق قلبي وبابا صار يهديني بعدا راح هو وامي وانا ببكي
بعدا تزكرت عاصم مسحت دموعي ورحت ع غرفتي واتصلت ع عاصم
_عاصم بفرح ليال كيفك
_ليال لك خراس ليش عملت هيك جاوبني ليه
_عاصم اهدي شوي انا م عملت شي ولله ليش شو صاير
_ليال لك بعين وقحة عم تسئل لك حسن عمل حادث ولله اذا بصرلو شي لأقتل حالي عم تفهم
_عاصم شو كيف ووين
_ليال لك بكفي كزب خلص
_عاصم ولله م عم بكذب بربي مو انا ولله م عملتلو شي أنا حكيت هالكلام لأني كنت معصب بس انا مستحيل ائذي اخي
_ليال ولله ي عاصم اذا انت الك علاقة بحادث حسن لندمك
_عاصم وحياتك عندي مو انا ولله
سكرت الهاتف وقعدت ابكي بالأرض