‏ ‏ #الجزء22

_ليال ابي كم مرة لح قول مو صاير شي لأيمت لح ضلو تسئلو بكفي بقا تعبت
_ابي أخ منك بس مع هيك فكري معك وقت ليومين فكري ي بنتي هاد الشب يلي حبيتي من الصغر
بروح غرفتي وتمددت ع تختي وحاولت خبي شهقاتي بكيت لفرغت طاقتي
تاني يوم اتصل حسن بأبي م تحمل يستنا
_حسن اي خال كيفك طمنيني وافقت
انا كنت بسمع مكالمتو من ورى الباب
_ابي بحزن ولله ي ابني م وافقت مع اني حاولت معها كتير
_حسن........يعني م سامحتني وعم تعاقبني
قلبي وجعني من كلامو
_ابي ولله م بعرف شو احكي م توقعت ترفض
_حسن بيتنهد أخ ي خال كبرنا وم عاد حدا يقبل فينا
_ابي لا تحكي هيك ي ابني يعني اذا بنتي رفضت الكل رفضو بنات العالم م في اكتر منهم وانت شب بتحلم فيه كل صبية
_حسن اه يا خال معلش توصل هالكلام ل ليال قلها انو حرمت البنات عليي من بعدها
كلامو غرقني ببحر دموعي وركدت ع غرفتي وصرت خبي شهقاتي كتير صعب تخسر يلي بتحبو كرمال تحميها وهاد يلي صار معي
بعد يومين بيجي لعنا عاصم وعمتي انا م واجهتو ضليت بالمطبخ بعدها اجا لعندي
_عاصم ليال ليه م عم تحاكيني بربك لا بقا تعذبيني ولله عم موت لما شوفك هيك
_ليال..................
_عاصم لا تضلي ساكتة احكي شي انا ولله م اذيت اخي لك هاد اخي معقول ائذيه
_ليال بحرقة م انت اذيت كتير ناس لهيك م بستغرب اذا بتئذي خيك
_عاصم لا تحكي هيك انتي عم تجرحيني
_ليال شو بدك لكن
_عاصم بدي ياكي انتي فهميني ولله بحبك لك بموت كرمال نضرة منك
_ليال عاصم ابعد عني وعيش حياتك بعيد انا خلص نهيت أمر حسن ونهيت امرك
_عاصم م فيكي تعملي هيك انا بعشقك بموت فيكي مستحيل اتركك
_ليال بحرقة انت بتحبني جد
_عاصم لك جد وجد الجد
_ليال معناتو تركني بحالي طلاع من حياتي
_عاصم مستحيل انا بموت من دونك
_ليال ببكا تركني بهمي وطلاع من حياتي
بقرب مني وبيمسح دموعي بيطلع فيي بقهر
_عاصم بقهر انا لح بعد عنك بس تزكري انك قتلتيني قتلتي الشب يلي عشقك بجنون
مشي هو وانا ضليت ابكي انا شو عملت ياربي لحتى بصير معي هيك شو الخطيئة يلي عملتها لحتى تعاقبني بحب حياتي ورفيق عمري شو