) انسة همسة مابعرف اللي صار معنا خلاني اتعلق فيكي وحبك حبيت عفويتك وشخصيتك.. بس انا عندي طلب صغير اذا اجيت وطلبت ايدك بتقلبي تتزوجيني ...اذا انتي موافقة بتمنى شوفك بنفس مكان و بنفس وقت... جواد )
انا كنت مفتحة عيوني وكنت جمداني بارضي ومصدومة صدمة عمري ..قعدت اصرخ بأعلى صوت عندي وققت ع تخت وصرت نط عليه ....فاتت سوزان..
( ظاهر رفيقة ساكني معي عنجد بدها مشفى مجانين ...(
اول ماشفتها ركضت لعندها وصرت نط انا وياها
(هلأ نحن ليش عم نط متل قرود من دون سبب يعني)
وقفت وصرت طلع فيها..
(طبعا في سبب..)
(اخدت ورقة وعطيتها اياه ..بعد شوي صرخت ورجعنا نط
(مبروووك حبيبتي همسة مبروووك)
(الله يبارك فيكي عقبيل عندك)
(وقفت وصارت تحكي..
(ايه هلأ وقت الجد يعني انتي مواففة)
(مليون بالمية)
قربت مني
(ان شاء الله بكون خير عليكي...)
بعد هل الحديث رجعت كمل محاضراتي بس كل شوي ارجع افتح ورق الي عطاني اياها جواد اضحك وارجع خبيها.. صرت ارسم اسمو ع دفتر محاضرة وحواليه قلوب حب..
عنجد شو حلو طعم الحب.. اول ماخلصت محاضرة اتجهت لبيت ابي اللي كل اسبوع بزوروا... اول ماوصلت لبست قناع بنت المطيعة والجدية....
رنيت الجرس.. كانت بوجهي مرة ابي شرني شاضومي الي مابطيقها رسمت ابتسامة صفرا ع وجهي وسلمت عليها...سألتها عن ابي بنفس طريقت كلامك اللي من رؤوس انفها... اول ماشفت ابي بست ايدوا وقعدت حدوا..
(الله يرضا عليكي يابنتي دنيا اخرة)
(الله يخليل اياك ولا يحرمني منك)
(ليش قطعت علي وماعدت شفتك يابنتي)
(انتي بتعرف جامعة ومحاضرات ..غير مكتب الي صرت أشتغل فيه)
(ايه الله يوفقك.. ويجي يوم وشوفك فيه متخرجة وصاير اكبر محامية).
انا كنت عم العب باصابع ايدي ومتوترة..ابي صار يطبطب علي كتفي .طالعني من حالة توتري...
(شو قصتك يابنتي.. ليش اليوم حاسستك مو مظبوطة)
(ابي في موضوع حابي فاتحك فيه اذا ماعندك مانع)
(خير يابنتي شوفي خبريني...)
(انا.. احمم.. انا في شخص حابب يجي ويطلب أيدي)
سكت ابي شوي واطلع في...
(انتي بتعرفيه..)
بلعت ريقي من الخوف شو بدي قلوا...
(شوي مو كتير ع صدف كنت شوفوا..اخر مرة شفتوا عرض علي زواج.. انو بدوا وقت مناسب حتى يجي)
سكوت ابي كان مخوفني كتتير.. يارب ما يرفضوا.. بعد شوي نطق ابي..
(شوفي اي وقت مناسب خليه يجي..)
بست ايد ابي وبعد ماشربت فنجان قهوة مرة من تحت ايدها..
كان وقت مغرب اول ماسمعت الادان صرت اتشاهد وكملت طريق لسكن جامعة قبل مايسكر.. لانو بيت ابي بعيد عن سكن ساعة.. اول ماوصلت شفت باب مسكر.. قربت من للحارس..
(عمو اسا في خمس دقايق ليش سكرتوا بكيرا)
(لا بكير ولا شي مشان تتعلموا ترجعوا بكير وبطلوا صايعة(
(عصاية الي تعلم ع جنابك. ..وانا وين بدي نام هلأ. يلعن اخت حظي عنجد طبق متل الي بقول منحوس منحوس لو حط ع راسوا فانوس)
مشان تكمل معي أكتر ماكان معي فلوس اقضي ليلة بشي فندق..وشحن بطارية هاتفي خالصة ..صرت افتل شوارع كلها صارت ساعة عشرة وبلشت شوارع تفضا ومحلات تسكرا.. دب بقلبي خوف وخصوصي لما انتبهت لكام شب عم يلاحقوني..حطيت شنتة من ورا وبلشت ركض في ومافي..وهنن كمان كانت البناية الي تقابلت فيها انا وجواد قريبة..اول ماشفت باب بناية صرت كبس ع كل زرار الانترفون لحتى ينفتح باب رئيسي للبناية.. شباب كانوا عم يقربوا وانا حرقت هاتف وانا ورن... اول ماسمعت طقت فتح باب البناية فتحت وفتت بسرعة بس شباب حاولوا يفوتوا ونجحوا..
(لا تقربوا.. اللي بفكر يلمسني والله العظيم ليندم انا محامية وبخرب بيتكن)
(ههههههه سمعتوا شباب محامية وصايعة بليل مو علينا روحي.... تعالي خلينا نتسلى شوي)
حاول يلمسوني دفشتهن..اجيت لاصرخ سكرولي تمي... صرت ابكي اول ماسمعت كلام..
(مين بدوا يبلش اول.. انا لاني انا..الي شفتها .لا ياسيدي انا بأول...مو ع كيفك انا باول يعني انا )
نفسي كانت عم تلعي من تخيل انو في حدا منهن رح يسولي
ماعرفت شو سوي عضيت ايدوا لشب لحتى فلتني من ايدوا وقمت اركض ع درج اول ماسمعت حسهن وراي صرت نط درجات بشكل اسرع وصلت لطابق سادس اول باب قدامي صرت دقوا بكل قوتي حتى يفتحولي مين ماكان يكون..صرت دق اقوى كل اسمع صوتهن قرب اكتر وصوت مصعد كمان حاصروني من جهتين.... اول مافتح صرت ابكي وصرخ..
(ساعدني مشان الله خليني فوت في شباب زعران بدهن ياذوني)
من كتر خوف غبت عن وعي من دون مااعرف مع مين عم احكي
--------------------------------------------
#تاسع
................................
صرت اتقلب بالتخت.. اول مافتحت عيون ..استنفرت وقمت.
صرت التفت يمين ويسار..وين انا... ضربت جبهتي اول ماتذكرت..صرت اتفتل بعيوني ع الغرفة الي انا كانت حلوة طرازها خليجي سعودي..خليني اهرب قبل مايفوقوا.. انتبهت ع شنتة كانت ع مراية... فتحتها كل شي فيها.. بس مين الي فتحلي باب ياترى.. وكيف صرت هون.. فتحت باب الغرفة وصرت امشي ع روس اصابع اجري..
